MARK 16
16
Xüchilekulu
(Mt 28:1-8; Lk 24:1-12; Jhn 20:1-10)
1Tishiwo thoghiu kughou Sabbath tsala wove keno, Mary Magdalene, James paza Mary eno Salome no axokütsüngü tsüni Jisü philo nutsüni ye qhü. 2Thanau apinedo kithe lo atsala atüghüni inaqhe kughou khetsünhe ipeghi keno, panongu no akumo kilo wue. 3Eno ishi küptsa che, “Akumoki kichi lo khuu no ni ghenguno atuqu tukulo tsü nani kelae?” 4Kughou panongu no pishipuwo jukeno, atuqu ye tukulove aghi—ti ye ighono akuloghi ke. 5Panongu no akumoki alou ilo no apumi lakhi aphi kimiye pepusü ajeu iqa aghi keu ithulu, eno panongu ye akichiqhive. 6Pa no pi, “Akichiqhi kevilo, Nazarethmi Jisü khuu kros lo yeda pithive keno, nongu no phuche keu ye xüthughivae. Pa ye hile kühae! A-a khile pa qhipüa keno julo. 7Wulo, pa khopemi eno Peter vilo pa ye nongu züuno Galilee lo wu cheae pilo. Pa no pi püake toi tilau no nongu no pa ithulu nani.” 8Panongu no akichiqhi kelauno thüthüshi eno msa khokhoshi akumoki lono poipe kuhave, eno akümsa lono khumu khuu pütsa move.
[Kaku aqau hami loye 16:9-20 ye küha]
Mary Magdalene lau Ipeghi
(Mt 28:9-10; Jhn 20:11-18)
9[[Apinedo kithe lo atsala atüghüni inaqhe Jisü no xüthughive kethiu pa no Mary Magdalene, khuu phi lono tüghami tsüni pa no haphetsü keno, li lau atüghüshi ipeghi. 10Li no wu püzü khunoqo qamlo akeno, Jisü poshumiqo vilo pi. 11Ikemu panongu no pa ye xüani eno li no pa ithulue pikeu pülü tsümoe.
Akhopemi Kini lau Ipeghi
(Lk 24:13-35)
12Hipa thiu, mikini no aphu lo wuche kelono Jisü no aghola kütau lono pama lau ipeghi. 13Pama no idechile ilo püzü kümtsü vilo pi kemu panongu no pülü tsümoe.
Süküsü Za Kije
(Mt 28:16-20; Lk 24:36-49; Jhn 20:19-23)
14Ado hami thiu akhopemi chighiqhaqhi no aghulhu shi ake lono pa no ipeghi, eno panoqow pülükümla ngo amlo kümka ghenguno pa no sakiyi, kughengu pa no xüthughive kethiu pa ithulu keqo tsa panongu no pülü moke. 15Pa no panongu vilo pi, “Ayeghiqha kümtsü lo wulo eno atsakiviu pesü pulhoküsü kümtsü lau sheshu lo. 16Khunono pülü no baptiz shiluni keno xaluve nani, ikemu pülümo keu ye kileqhive nani. 17Amchipu hipaqo no pülü luve kemi gholo anani: I je lono panongu no tüghami haphelu nani; panongu no amilikithe lono atsa pi nani; 18panongu no au lono tüghükupu pighi ikhiqhelu momu akithipu tüghü yelu namu panongu shipüsamla nani; panongu no küsükinimi shou au bekelo tipaqo no viluve nani.”
Jisü ye Kungugha lo Saikuve
(Lk 24:50-53; Apo 1:9-11)
19Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave. 20Tithiu akhopemi no ashou akuaqha kümtsü lo sheshu wu, eno Ampeu no panoqo gholo mla eno amchipuqo vecheo atsape ye kuchoue pi alau iqhikumto tsüe.]]
Currently Selected:
MARK 16: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
MARK 16
16
Xüchilekulu
(Mt 28:1-8; Lk 24:1-12; Jhn 20:1-10)
1Tishiwo thoghiu kughou Sabbath tsala wove keno, Mary Magdalene, James paza Mary eno Salome no axokütsüngü tsüni Jisü philo nutsüni ye qhü. 2Thanau apinedo kithe lo atsala atüghüni inaqhe kughou khetsünhe ipeghi keno, panongu no akumo kilo wue. 3Eno ishi küptsa che, “Akumoki kichi lo khuu no ni ghenguno atuqu tukulo tsü nani kelae?” 4Kughou panongu no pishipuwo jukeno, atuqu ye tukulove aghi—ti ye ighono akuloghi ke. 5Panongu no akumoki alou ilo no apumi lakhi aphi kimiye pepusü ajeu iqa aghi keu ithulu, eno panongu ye akichiqhive. 6Pa no pi, “Akichiqhi kevilo, Nazarethmi Jisü khuu kros lo yeda pithive keno, nongu no phuche keu ye xüthughivae. Pa ye hile kühae! A-a khile pa qhipüa keno julo. 7Wulo, pa khopemi eno Peter vilo pa ye nongu züuno Galilee lo wu cheae pilo. Pa no pi püake toi tilau no nongu no pa ithulu nani.” 8Panongu no akichiqhi kelauno thüthüshi eno msa khokhoshi akumoki lono poipe kuhave, eno akümsa lono khumu khuu pütsa move.
[Kaku aqau hami loye 16:9-20 ye küha]
Mary Magdalene lau Ipeghi
(Mt 28:9-10; Jhn 20:11-18)
9[[Apinedo kithe lo atsala atüghüni inaqhe Jisü no xüthughive kethiu pa no Mary Magdalene, khuu phi lono tüghami tsüni pa no haphetsü keno, li lau atüghüshi ipeghi. 10Li no wu püzü khunoqo qamlo akeno, Jisü poshumiqo vilo pi. 11Ikemu panongu no pa ye xüani eno li no pa ithulue pikeu pülü tsümoe.
Akhopemi Kini lau Ipeghi
(Lk 24:13-35)
12Hipa thiu, mikini no aphu lo wuche kelono Jisü no aghola kütau lono pama lau ipeghi. 13Pama no idechile ilo püzü kümtsü vilo pi kemu panongu no pülü tsümoe.
Süküsü Za Kije
(Mt 28:16-20; Lk 24:36-49; Jhn 20:19-23)
14Ado hami thiu akhopemi chighiqhaqhi no aghulhu shi ake lono pa no ipeghi, eno panoqow pülükümla ngo amlo kümka ghenguno pa no sakiyi, kughengu pa no xüthughive kethiu pa ithulu keqo tsa panongu no pülü moke. 15Pa no panongu vilo pi, “Ayeghiqha kümtsü lo wulo eno atsakiviu pesü pulhoküsü kümtsü lau sheshu lo. 16Khunono pülü no baptiz shiluni keno xaluve nani, ikemu pülümo keu ye kileqhive nani. 17Amchipu hipaqo no pülü luve kemi gholo anani: I je lono panongu no tüghami haphelu nani; panongu no amilikithe lono atsa pi nani; 18panongu no au lono tüghükupu pighi ikhiqhelu momu akithipu tüghü yelu namu panongu shipüsamla nani; panongu no küsükinimi shou au bekelo tipaqo no viluve nani.”
Jisü ye Kungugha lo Saikuve
(Lk 24:50-53; Apo 1:9-11)
19Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave. 20Tithiu akhopemi no ashou akuaqha kümtsü lo sheshu wu, eno Ampeu no panoqo gholo mla eno amchipuqo vecheo atsape ye kuchoue pi alau iqhikumto tsüe.]]
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More