யோவான் 12
12
பெத்தானியா கா³மும் ஏசு
(மத் 26:6-13; மாற்கு 14:3-9)
1பஸ்கா ஸெந்நு மடஸ்தக் ஸோ தின்னு முல்லொ ஏசு பெத்தானியா கா³முக் ஜியாஸ். ஏசு லாசருக் ஜீவ் ஸெந்தொ ஹுடடெ தாம் எல்லேஸ்.
2தேட் தெந்துஸ்தி ராத் ஏசுக் ஜெமன் க⁴ல்யாஸ். மார்த்தாள் லெகுத்த ரீ: ஜெமன் ஹொவ்டிஸ். பொவ்னான் ஸெங்கொ லாசரு மெளி பி³ஸி ஹொதெஸ்.
3தெப்பொ, மரியாள் நளதம் மெனரிய மோல் வேன் ஹொயெ ஸுத்த⁴ தேல் ஹத்து³ லிட்டர் கள்ளி அவி, ஏசுகெ பாய்ஞ்னும் லவி அபுல் கே²ஸ்ஹால் பொஸிஸ். கே⁴ர் பூரா தேலு வஸ்னொகன் ஹொதெஸ்.
4ஏசுகெ சிஷ்யானும் ஒண்டெதெனொகின், தெங்கொ தெக்கடி தேஞ்ஜாரிய யூதாஸ்காரியோத்,
5“எல்லெ தேலுக் 300 (தீ²ன் ஸோவு) தெனாரியமுக் விக்கி துர்பள்னுக் தீ³ ர:வாய்னா’’ மெனி மெனெஸ்.
6தெனொ துர்பள்னுகுர்சி பாத பொடி இஸனி ஸங்கெனி. தெனொ ஒண்டெ சொட்டொகன் ஹொதெஹால் இஸனி ஸங்கெஸ். ஹன்னவு கொள்டி தெகொஜோள் ரா:ய். தெல்லெ ஹன்னவுக் தெனொ கள்ளய்.
7தெப்பொ ஏசு, “மரியாள்கெ மொன்னுதானுக் ஸொட்டுவொ. மொகொ க³டரிய தின்னும் லவஸ்தக் தெனொ எல்லெ தேலுக் எக லெங்கு தொவ்லி ஹொதிஸ். (மாற்கு 14:8)
8துர்பள்னு தும்ரெ ஸெங்கொ கொப்பிம் ஸே. மீகீ தும்ரெ ஸெங்கொ கொப்பிம் ரா:னா’’ மெனி ஸங்க்யாஸ். (உபா 15:11)
லாசருக் மொரடன் ஸாரிய யூதர்னு
9ஏசு தேட் ஸே மெனி அய்கினி பொடெ யூதர்னு ஜுகு மூகொகன் மிளி அவ்யாஸ். ஏசுக் ஸாஸ்தக் கெத்தி³ நா: தெனு ஜீவ் ஸெந்தொ ஹுடடெ லாசருக் ஸாஸ்தக் மெளி அவ்யாஸ்.
10தேஹாலிம் ப்ரதான ப⁴ட்டர்னு லாசருக் மெளி மொரடன் ஸியாஸ்.
11காமெனெதி லாசருக் ஜீவ் ஸெந்தொ ஹுடடெஹால் யூதர்னும் ஜுகுதெனு ஏசுக் விஸ்வாஸ் கெர்யாஸ்.
ஏசுகெ ஜெய பவனி
(மத் 21:1-11; மாற்கு 11:1-11; லூக் 19:28-40)
12துஸந்தி பஸ்கா ஸெந்நுக் அவெ மென்க்யான் ஏசு எருசலேமுக் அவராஸ் மெனி அய்கினி பொடி,
13ஜாடு கொம்மானுக் ஹாதும் தெர்லி ஏசுக் பொ³வஸ்தக் வெதுர் ஜியாஸ்.
ஓசன்னா, # 12:13 'ஓசன்னா' மெனரிய எபிரேய வத்தாக் 'கபடுவொ' மெனி அர்து. ஹொயெதி நமஸ்கார் ஸங்கரிய வத்தொகன் மர்சயெஸ். பகவான்கெ நாவ்ஹால் அவரிய ரஜாக் தேவ் ஆஸீர்வாத் கெரந்தக். இஸ்ரயேல்னுக் ரஜொகன் ஸேஸ்தெங்கொ தேவ் ஆஸீர்வாத் கெரந்தக்’’
மெனி ரெச்ச தக்யாஸ். (ஸங் 118:26)
14ஏசு ஒண்டெ கெதடு பில்லாக் தெக்கி தெமாம் பிஸிலி ஜியாஸ்.
15 பெ³டி சீயோனு, தக்குங்கொ. ஏலா, துரெ ரஜொ அவராஸ்; தெனு கெதடு பில்லொ ஹொல்லெ பிஸிலி அவராஸ்’’
மெனரிய வேதும் வத்தான் பூர்தி ஹொயெஸ். (சக 9:9)
16ஏசுகெ சிஷ்யான் எல்லெ கார்யமுகெ அர்துக் தெப்பொ இவர் கெல்லியானி. தெங்கொகுர்சி வேதும் லிக்கிரியதானுக் எல்லெஅஸ்கி சலெஸ் மெனஸ்த ஏசு ஜீவ் ஸெந்தொ ஹுடெ பல்சோஸ் தெங்கொ களையெஸ்.
17க³டஸ்தலமும் தொவெ லாசருக் ஏசு ஜீவ் ஸெந்தொ ஹுடடெவேளு தேட் ஹொதெ மென்க்யானு மூகொ தெல்லெ அற்புதுக் ஸீதி ஸாக்ஷி ஸங்க்யாஸ்.
18ஏசு எல்லெ அற்புதுக் கெர்யாஸ் மெனி அய்கினி பொடெ ஜுகுதெனு ஏசுக் ஸாஸ்தக் ஜியாஸ்.
19எல்லெ தெக்கெ பரிசேயர்னு, “அம்ரெ யோசன கொன்னி ப²லன் தேரெனி. புலோகு மென்க்யான் பூரா ஏசு ஸெங்கொ ஜேடராஸ்னா’’ மெனி வத்தொ கெல்லியாஸ்.
ஏசுக் ஸனொ மெனி ஹவ்டெ அந்யத்ரான்
20ஸெந்நுக் அவெ மென்க்யானும் கிரேக்கர்னு தெவ்டதெனு ஹொத்யாஸ்.
21தெனு கலிலேயாம் ஸேஸ்தெ பெத்சாயிதா கா³ம்கெரெ பிலிப்புஜோள் அவி, “அமி ஏசுக் ஸனொ’’ மெனி மெல்லியாஸ்.
22பிலிப்பு அந்திரேயாஜோள் அவி தெல்லெ விஷயமுக் ஸங்கெஸ். பல்சொ அந்திரேயாகின், பிலிப்பு ஏசுஜோள் ஜீ ஸங்க்யாஸ்.
23தெப்பொ ஏசு தெங்கொ ஸீ, “மெனிகு பெடொ மஹிமெ பொந்தஞ்ஜாரிய கெ⁴டி அவ்டியொ.
24 கோ⁴முதந்து மத்திம் பொடி மொர்னா ஜியெதி தெல்லெ திஸோஸ் ரா:ய். தெல்லெ மொரெதீஸ் ஜுகு ப²லன் தேய் மெனி நிஜ்ஜம்கன் ர:த்தகன் மீ தும்கொ ஸங்கரியொ.
25அபுலுகுர்சி ஜிவஸ்தெனு அபுல் ஜிவ்னமுக் நாஸ் கெல்லன். எல்லெ புலோகுர் அபுல் ஜிவ்னமுக் ம:ட்டகன் ஹவ்டுனாஸ்தெனு நித்ய ஜிவ்னமுக் பாத்யம் கெல்லன்.
26மொகொ ஸேவொ கெரஸ்தெனு மொர் சிஷ்யான்கன் ரா:ன். மீ கோட் ஸேகீ தேட் மொர் சிஷ்யான் மெளி ரா:ன். துமி மொகொ ஸேவொ கெரெதி மொர் பா³ப் தும்கொ கெனம் கெரன்’’ மெனி ஸங்க்யாஸ்.
ஏசு அபுல்நு மொரனுகுர்சி ஸங்கரிய விவர்
27அங்குன் ஏசு, “அத்தொ மொர் மொன்னு விசார்கன் ஸே. மீ காய் ஸங்கு? பா³பு, மீ ஹிம்ஸொ பொந்தஞ்ஜாரிய எல்லெ கெ⁴டிரீ: மொகொ கபடுவொ மெனி ஸங்குகீ? ஸங்குனா! எல்லெ ஹிம்ஸொ பொந்தஸ்தகூஸ் மீ அவ்ரியொ.
28பா³பு தும்ரெ நாவுக் மஹிமெ கெருவொ’’ மெனி ஸங்க்யாஸ். தெப்பொ அகாஸும்ரீ: ஒண்டெ ஸெத்து³, “மீ மஹிமெ கெரெஸ்; அங்குன் மீ மஹிமெ கெரு’’ மெனி அய்கயெஸ்.
29தேட் மூகொகன் ஹிப்பி ஹொதெ மென்க்யான் தெல்லெ ஸெத்து³க் அய்கிதி, “தெல்யெ பிடுகு ஸெத்து³’’ மெனி ஸங்க்யாஸ். அங்குன் தெவ்டதெனு, “தேவு தூது ஒண்டெதெனொ ஏசுஜோள் வத்தொ கெரெஸ்’’ மெனி ஸங்க்யாஸ்.
30ஏசு தெங்கொ ஸீ, “எல்லெ ஸெத்து³ மொகொகுர்சி நா: தும்ரெகுர்சீஸ்.
31அத்தோஸ் எல்லெ புலோகுக் நியாவ் ஸார்வொ கெரஞ்ஜாரிய தின்னு அவ்டியொ. எல்லெ புலோகுக் ராஜ்ஜலரிய அதிபதிக் தேவ் பராட் தொப்பரிய கெ⁴டி அவ்டியொ.
32பு⁴ஞிம்ரீ: மீ அகாஸுக் கள்ளினி பொடரியவேளு அஸ்கினாக் மீ மொர் பொங்குட் உட்சுலு’’ மெனி ஸங்க்யாஸ்.
33அபுல்நு கோனக் ஹிம்ஸொ பொந்தி மொரஞ்ஜாராஸ் மெனஸ்த களடஸ்தகூஸ் ஏசு இஸனி ஸங்க்யாஸ்.
34மென்க்யான் ஏசுக் ஸீ, “மேசியா கொப்பிம் ஜீவ் ஸெந்தொ ரா:ன் மெனி அம்ரெ வேது ப்ரமாணும் ஸேஸ்தெ அமி அய்கினி பொட்ராஸ். திஸொ ர:த மெனிகு பெடொ மொரன் மெனி துமி கோனக் மெனுவாய்? திஸொ ஹொயெதி எல்லெ மெனிகு பெடொ கோன்?’’ மெனி புஸ்யாஸ். (ஸங் 110:4; ஏசா 9:7; எசே 37:25; தானி 7:14)
35ஏசு தெங்கொஜோள், “அங்குன் ருவ்வொ தின்னூஸ் ஹுஜாள் தும்ரெஜோள் ரா:ய். ஹந்தாரும் துமி ஸம்டுனாஸ்ததானுக் ஹுஜாள் தும்ரெஜோள் ர:தோஸ் சலி அவ்டுவொ. ஹந்தாரும் சலஸ்தெங்கொ தெனு கோட் ஜாராஸ் மெனி தெங்கோஸ் களானா.
36ஹுஜாள் தும்ரெஜோள் ர:த, துமி தேவுக் நு:ருன்கன் ஹோஸ்தக் ஹுஜாளுக் விஸ்வாஸ் கெருவொ’’ மெனி ஸங்க்யாஸ்.
நொம்கெ நீ:ஸ்தெனு
பல்சொ ஏசு தேட்ரீ: ஜேட்யாஸ். தெனு கோனக் ஜியாஸ் மெனி மென்க்யானுக் களையெனி.
37ஏசு ஜுகு அற்புதுனுக் கெரி மெளி யூதர்னு தெங்கொ நொம்யானி.
38 “பகவானு, அமி ஸங்கெஸ்தெ நொம்மஸ்தெனு கோன்? பகவான்கெ ஸக்தி கொங்கக் களட்னி பொடெஸ்’’
மெனி ஏசாயா தீர்கதரிஸி ஸங்கெஸ்தெ பூர்தி ஹோஸ்தக் இஸனி சலெஸ். (ஏசா 53:1)
39த்யெலெந்தாலுஸ் தெல்லெ மென்க்யான் நொம்யானி. அங்குன் ஏசாயா தீர்கதரிஸி ஸங்கெ வத்தான் காயொமெனெதி,
40 தெனு ஸான் முஸுனாஸ்ததானுக் தேவ் தெங்கொ தொளானுக் கு³ட்டெ கெர்யாஸ். தெனு களைளன் முஸுனாஸ்ததானுக் தெங்கொ ஹிருதயமுக் கு³ண்டொ கெர்யாஸ். தெனு தேவ்ஜோள் அவி பரொ பொட்னாஸ்ததானுக் இஸனி ஹொய்ரியொ.’’ (ஏசா 6:10)
41ஏசாயா தீர்கதரிஸி ஏசு கிறிஸ்துகெ மஹிமெக் ஸியெஹால் தெங்கொ தெ⁴ரி இஸனி ஸங்கெஸ்.
42திஸொரீ:கின் மெளி யூத அதிகாரினும் ஜுகுதெனு ஏசுக் நொம்யாஸ். ஹொயெதி பரிசேயர்னுக் தக்கி பராட் ஸங்குனா ஹொத்யாஸ். திஸனி தெனு ஸங்கெதி ப்ரார்தன த⁴வ்ராம் தெங்கொ செர்சுனான்.
43தேவ் அபுல்நுக் மெச்சுலஸ்த ஸொம்மர் மென்க்யான் அபுல்நுக் ஜுகு மெச்சுல்னொ மெனி தெனு ஹவ்டராஸ்.
44பல்சொ ஏசு கெட்டி ஸெத்து³கன், “மொர்ஜோள் நொம்கெகன் ஸேஸ்தெனு மொர்ஜோள் நா: மொகொ தட்டியெ தேவ்ஜோளுஸ் நொம்கெகன் ஸே.
45மொகொ ஸாஸ்தெனு மொகொ தட்டியெ தேவுக் ஸாராஸ்.
46 மீஸ் புலோகுகெ ஹுஜாள். மொகொ நொம்மஸ்தெனு ஹந்தாரும் ரா:னான்.
47மீ ஸங்கரிய வத்தாக் அய்கி மெளி மொகொ நொம்முனா ஜியெதி மீ தெங்கொ நியாவ் ஸார்வொ கெர்னா. காமெனெதி மீ புலோகுக் நியாவ் ஸார்வொ கெரஸ்தக் அவெனி; புலோகுக் ரக்ஷண் கெரஸ்தக் அவெஸ்.
48 மொகொக்கின், மொர் வத்தானுக் ஒப்புல்னாஸ்தெங்கொ மீ ஸங்கெ வத்தானூஸ் ஸெத்ல தின்னும் தெங்கொ நியாவ் ஸார்வொ கெரய்.
49காமெனெதி மீ ஸுயம்கன் வத்தொ கெரரெனி. மொகொ தட்டிய பா³புஸ் மீ காய் ஸங்குனொ மெனிகின், மீ காய் வத்தொ கெர்னொ மெனி ஆக்³ஞொ தகிரியாஸ்.
50தெங்கொ ஆக்³ஞொ நித்ய ஜிவ்னமுக் பெல்லி ஜாய் மெனி மொகொ களாய். மொர் பா³ப் ஸங்கெ வத்தானுகூஸ் மீ தும்கொ ஸங்கரெஸ்.’’
Currently Selected:
யோவான் 12: SAUBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
யோவான் 12
12
பெத்தானியா கா³மும் ஏசு
(மத் 26:6-13; மாற்கு 14:3-9)
1பஸ்கா ஸெந்நு மடஸ்தக் ஸோ தின்னு முல்லொ ஏசு பெத்தானியா கா³முக் ஜியாஸ். ஏசு லாசருக் ஜீவ் ஸெந்தொ ஹுடடெ தாம் எல்லேஸ்.
2தேட் தெந்துஸ்தி ராத் ஏசுக் ஜெமன் க⁴ல்யாஸ். மார்த்தாள் லெகுத்த ரீ: ஜெமன் ஹொவ்டிஸ். பொவ்னான் ஸெங்கொ லாசரு மெளி பி³ஸி ஹொதெஸ்.
3தெப்பொ, மரியாள் நளதம் மெனரிய மோல் வேன் ஹொயெ ஸுத்த⁴ தேல் ஹத்து³ லிட்டர் கள்ளி அவி, ஏசுகெ பாய்ஞ்னும் லவி அபுல் கே²ஸ்ஹால் பொஸிஸ். கே⁴ர் பூரா தேலு வஸ்னொகன் ஹொதெஸ்.
4ஏசுகெ சிஷ்யானும் ஒண்டெதெனொகின், தெங்கொ தெக்கடி தேஞ்ஜாரிய யூதாஸ்காரியோத்,
5“எல்லெ தேலுக் 300 (தீ²ன் ஸோவு) தெனாரியமுக் விக்கி துர்பள்னுக் தீ³ ர:வாய்னா’’ மெனி மெனெஸ்.
6தெனொ துர்பள்னுகுர்சி பாத பொடி இஸனி ஸங்கெனி. தெனொ ஒண்டெ சொட்டொகன் ஹொதெஹால் இஸனி ஸங்கெஸ். ஹன்னவு கொள்டி தெகொஜோள் ரா:ய். தெல்லெ ஹன்னவுக் தெனொ கள்ளய்.
7தெப்பொ ஏசு, “மரியாள்கெ மொன்னுதானுக் ஸொட்டுவொ. மொகொ க³டரிய தின்னும் லவஸ்தக் தெனொ எல்லெ தேலுக் எக லெங்கு தொவ்லி ஹொதிஸ். (மாற்கு 14:8)
8துர்பள்னு தும்ரெ ஸெங்கொ கொப்பிம் ஸே. மீகீ தும்ரெ ஸெங்கொ கொப்பிம் ரா:னா’’ மெனி ஸங்க்யாஸ். (உபா 15:11)
லாசருக் மொரடன் ஸாரிய யூதர்னு
9ஏசு தேட் ஸே மெனி அய்கினி பொடெ யூதர்னு ஜுகு மூகொகன் மிளி அவ்யாஸ். ஏசுக் ஸாஸ்தக் கெத்தி³ நா: தெனு ஜீவ் ஸெந்தொ ஹுடடெ லாசருக் ஸாஸ்தக் மெளி அவ்யாஸ்.
10தேஹாலிம் ப்ரதான ப⁴ட்டர்னு லாசருக் மெளி மொரடன் ஸியாஸ்.
11காமெனெதி லாசருக் ஜீவ் ஸெந்தொ ஹுடடெஹால் யூதர்னும் ஜுகுதெனு ஏசுக் விஸ்வாஸ் கெர்யாஸ்.
ஏசுகெ ஜெய பவனி
(மத் 21:1-11; மாற்கு 11:1-11; லூக் 19:28-40)
12துஸந்தி பஸ்கா ஸெந்நுக் அவெ மென்க்யான் ஏசு எருசலேமுக் அவராஸ் மெனி அய்கினி பொடி,
13ஜாடு கொம்மானுக் ஹாதும் தெர்லி ஏசுக் பொ³வஸ்தக் வெதுர் ஜியாஸ்.
ஓசன்னா, # 12:13 'ஓசன்னா' மெனரிய எபிரேய வத்தாக் 'கபடுவொ' மெனி அர்து. ஹொயெதி நமஸ்கார் ஸங்கரிய வத்தொகன் மர்சயெஸ். பகவான்கெ நாவ்ஹால் அவரிய ரஜாக் தேவ் ஆஸீர்வாத் கெரந்தக். இஸ்ரயேல்னுக் ரஜொகன் ஸேஸ்தெங்கொ தேவ் ஆஸீர்வாத் கெரந்தக்’’
மெனி ரெச்ச தக்யாஸ். (ஸங் 118:26)
14ஏசு ஒண்டெ கெதடு பில்லாக் தெக்கி தெமாம் பிஸிலி ஜியாஸ்.
15 பெ³டி சீயோனு, தக்குங்கொ. ஏலா, துரெ ரஜொ அவராஸ்; தெனு கெதடு பில்லொ ஹொல்லெ பிஸிலி அவராஸ்’’
மெனரிய வேதும் வத்தான் பூர்தி ஹொயெஸ். (சக 9:9)
16ஏசுகெ சிஷ்யான் எல்லெ கார்யமுகெ அர்துக் தெப்பொ இவர் கெல்லியானி. தெங்கொகுர்சி வேதும் லிக்கிரியதானுக் எல்லெஅஸ்கி சலெஸ் மெனஸ்த ஏசு ஜீவ் ஸெந்தொ ஹுடெ பல்சோஸ் தெங்கொ களையெஸ்.
17க³டஸ்தலமும் தொவெ லாசருக் ஏசு ஜீவ் ஸெந்தொ ஹுடடெவேளு தேட் ஹொதெ மென்க்யானு மூகொ தெல்லெ அற்புதுக் ஸீதி ஸாக்ஷி ஸங்க்யாஸ்.
18ஏசு எல்லெ அற்புதுக் கெர்யாஸ் மெனி அய்கினி பொடெ ஜுகுதெனு ஏசுக் ஸாஸ்தக் ஜியாஸ்.
19எல்லெ தெக்கெ பரிசேயர்னு, “அம்ரெ யோசன கொன்னி ப²லன் தேரெனி. புலோகு மென்க்யான் பூரா ஏசு ஸெங்கொ ஜேடராஸ்னா’’ மெனி வத்தொ கெல்லியாஸ்.
ஏசுக் ஸனொ மெனி ஹவ்டெ அந்யத்ரான்
20ஸெந்நுக் அவெ மென்க்யானும் கிரேக்கர்னு தெவ்டதெனு ஹொத்யாஸ்.
21தெனு கலிலேயாம் ஸேஸ்தெ பெத்சாயிதா கா³ம்கெரெ பிலிப்புஜோள் அவி, “அமி ஏசுக் ஸனொ’’ மெனி மெல்லியாஸ்.
22பிலிப்பு அந்திரேயாஜோள் அவி தெல்லெ விஷயமுக் ஸங்கெஸ். பல்சொ அந்திரேயாகின், பிலிப்பு ஏசுஜோள் ஜீ ஸங்க்யாஸ்.
23தெப்பொ ஏசு தெங்கொ ஸீ, “மெனிகு பெடொ மஹிமெ பொந்தஞ்ஜாரிய கெ⁴டி அவ்டியொ.
24 கோ⁴முதந்து மத்திம் பொடி மொர்னா ஜியெதி தெல்லெ திஸோஸ் ரா:ய். தெல்லெ மொரெதீஸ் ஜுகு ப²லன் தேய் மெனி நிஜ்ஜம்கன் ர:த்தகன் மீ தும்கொ ஸங்கரியொ.
25அபுலுகுர்சி ஜிவஸ்தெனு அபுல் ஜிவ்னமுக் நாஸ் கெல்லன். எல்லெ புலோகுர் அபுல் ஜிவ்னமுக் ம:ட்டகன் ஹவ்டுனாஸ்தெனு நித்ய ஜிவ்னமுக் பாத்யம் கெல்லன்.
26மொகொ ஸேவொ கெரஸ்தெனு மொர் சிஷ்யான்கன் ரா:ன். மீ கோட் ஸேகீ தேட் மொர் சிஷ்யான் மெளி ரா:ன். துமி மொகொ ஸேவொ கெரெதி மொர் பா³ப் தும்கொ கெனம் கெரன்’’ மெனி ஸங்க்யாஸ்.
ஏசு அபுல்நு மொரனுகுர்சி ஸங்கரிய விவர்
27அங்குன் ஏசு, “அத்தொ மொர் மொன்னு விசார்கன் ஸே. மீ காய் ஸங்கு? பா³பு, மீ ஹிம்ஸொ பொந்தஞ்ஜாரிய எல்லெ கெ⁴டிரீ: மொகொ கபடுவொ மெனி ஸங்குகீ? ஸங்குனா! எல்லெ ஹிம்ஸொ பொந்தஸ்தகூஸ் மீ அவ்ரியொ.
28பா³பு தும்ரெ நாவுக் மஹிமெ கெருவொ’’ மெனி ஸங்க்யாஸ். தெப்பொ அகாஸும்ரீ: ஒண்டெ ஸெத்து³, “மீ மஹிமெ கெரெஸ்; அங்குன் மீ மஹிமெ கெரு’’ மெனி அய்கயெஸ்.
29தேட் மூகொகன் ஹிப்பி ஹொதெ மென்க்யான் தெல்லெ ஸெத்து³க் அய்கிதி, “தெல்யெ பிடுகு ஸெத்து³’’ மெனி ஸங்க்யாஸ். அங்குன் தெவ்டதெனு, “தேவு தூது ஒண்டெதெனொ ஏசுஜோள் வத்தொ கெரெஸ்’’ மெனி ஸங்க்யாஸ்.
30ஏசு தெங்கொ ஸீ, “எல்லெ ஸெத்து³ மொகொகுர்சி நா: தும்ரெகுர்சீஸ்.
31அத்தோஸ் எல்லெ புலோகுக் நியாவ் ஸார்வொ கெரஞ்ஜாரிய தின்னு அவ்டியொ. எல்லெ புலோகுக் ராஜ்ஜலரிய அதிபதிக் தேவ் பராட் தொப்பரிய கெ⁴டி அவ்டியொ.
32பு⁴ஞிம்ரீ: மீ அகாஸுக் கள்ளினி பொடரியவேளு அஸ்கினாக் மீ மொர் பொங்குட் உட்சுலு’’ மெனி ஸங்க்யாஸ்.
33அபுல்நு கோனக் ஹிம்ஸொ பொந்தி மொரஞ்ஜாராஸ் மெனஸ்த களடஸ்தகூஸ் ஏசு இஸனி ஸங்க்யாஸ்.
34மென்க்யான் ஏசுக் ஸீ, “மேசியா கொப்பிம் ஜீவ் ஸெந்தொ ரா:ன் மெனி அம்ரெ வேது ப்ரமாணும் ஸேஸ்தெ அமி அய்கினி பொட்ராஸ். திஸொ ர:த மெனிகு பெடொ மொரன் மெனி துமி கோனக் மெனுவாய்? திஸொ ஹொயெதி எல்லெ மெனிகு பெடொ கோன்?’’ மெனி புஸ்யாஸ். (ஸங் 110:4; ஏசா 9:7; எசே 37:25; தானி 7:14)
35ஏசு தெங்கொஜோள், “அங்குன் ருவ்வொ தின்னூஸ் ஹுஜாள் தும்ரெஜோள் ரா:ய். ஹந்தாரும் துமி ஸம்டுனாஸ்ததானுக் ஹுஜாள் தும்ரெஜோள் ர:தோஸ் சலி அவ்டுவொ. ஹந்தாரும் சலஸ்தெங்கொ தெனு கோட் ஜாராஸ் மெனி தெங்கோஸ் களானா.
36ஹுஜாள் தும்ரெஜோள் ர:த, துமி தேவுக் நு:ருன்கன் ஹோஸ்தக் ஹுஜாளுக் விஸ்வாஸ் கெருவொ’’ மெனி ஸங்க்யாஸ்.
நொம்கெ நீ:ஸ்தெனு
பல்சொ ஏசு தேட்ரீ: ஜேட்யாஸ். தெனு கோனக் ஜியாஸ் மெனி மென்க்யானுக் களையெனி.
37ஏசு ஜுகு அற்புதுனுக் கெரி மெளி யூதர்னு தெங்கொ நொம்யானி.
38 “பகவானு, அமி ஸங்கெஸ்தெ நொம்மஸ்தெனு கோன்? பகவான்கெ ஸக்தி கொங்கக் களட்னி பொடெஸ்’’
மெனி ஏசாயா தீர்கதரிஸி ஸங்கெஸ்தெ பூர்தி ஹோஸ்தக் இஸனி சலெஸ். (ஏசா 53:1)
39த்யெலெந்தாலுஸ் தெல்லெ மென்க்யான் நொம்யானி. அங்குன் ஏசாயா தீர்கதரிஸி ஸங்கெ வத்தான் காயொமெனெதி,
40 தெனு ஸான் முஸுனாஸ்ததானுக் தேவ் தெங்கொ தொளானுக் கு³ட்டெ கெர்யாஸ். தெனு களைளன் முஸுனாஸ்ததானுக் தெங்கொ ஹிருதயமுக் கு³ண்டொ கெர்யாஸ். தெனு தேவ்ஜோள் அவி பரொ பொட்னாஸ்ததானுக் இஸனி ஹொய்ரியொ.’’ (ஏசா 6:10)
41ஏசாயா தீர்கதரிஸி ஏசு கிறிஸ்துகெ மஹிமெக் ஸியெஹால் தெங்கொ தெ⁴ரி இஸனி ஸங்கெஸ்.
42திஸொரீ:கின் மெளி யூத அதிகாரினும் ஜுகுதெனு ஏசுக் நொம்யாஸ். ஹொயெதி பரிசேயர்னுக் தக்கி பராட் ஸங்குனா ஹொத்யாஸ். திஸனி தெனு ஸங்கெதி ப்ரார்தன த⁴வ்ராம் தெங்கொ செர்சுனான்.
43தேவ் அபுல்நுக் மெச்சுலஸ்த ஸொம்மர் மென்க்யான் அபுல்நுக் ஜுகு மெச்சுல்னொ மெனி தெனு ஹவ்டராஸ்.
44பல்சொ ஏசு கெட்டி ஸெத்து³கன், “மொர்ஜோள் நொம்கெகன் ஸேஸ்தெனு மொர்ஜோள் நா: மொகொ தட்டியெ தேவ்ஜோளுஸ் நொம்கெகன் ஸே.
45மொகொ ஸாஸ்தெனு மொகொ தட்டியெ தேவுக் ஸாராஸ்.
46 மீஸ் புலோகுகெ ஹுஜாள். மொகொ நொம்மஸ்தெனு ஹந்தாரும் ரா:னான்.
47மீ ஸங்கரிய வத்தாக் அய்கி மெளி மொகொ நொம்முனா ஜியெதி மீ தெங்கொ நியாவ் ஸார்வொ கெர்னா. காமெனெதி மீ புலோகுக் நியாவ் ஸார்வொ கெரஸ்தக் அவெனி; புலோகுக் ரக்ஷண் கெரஸ்தக் அவெஸ்.
48 மொகொக்கின், மொர் வத்தானுக் ஒப்புல்னாஸ்தெங்கொ மீ ஸங்கெ வத்தானூஸ் ஸெத்ல தின்னும் தெங்கொ நியாவ் ஸார்வொ கெரய்.
49காமெனெதி மீ ஸுயம்கன் வத்தொ கெரரெனி. மொகொ தட்டிய பா³புஸ் மீ காய் ஸங்குனொ மெனிகின், மீ காய் வத்தொ கெர்னொ மெனி ஆக்³ஞொ தகிரியாஸ்.
50தெங்கொ ஆக்³ஞொ நித்ய ஜிவ்னமுக் பெல்லி ஜாய் மெனி மொகொ களாய். மொர் பா³ப் ஸங்கெ வத்தானுகூஸ் மீ தும்கொ ஸங்கரெஸ்.’’
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More