MAV̄INGIZI-RISALA 1
1
1Mudjemazangu Theofilusu, tsirongoa hari mwa ishio#1:1 iShio: Yaãni, ɗe Indjili ya Insa-Kristi yaangihwa na Lukasi. ya handra yangu piya zitrongo Insa azifanya na usomedza, rangu mwandro 2ata isuku ahedzewa pev̄oni, ɓaanda av̄a ãmuri ha iRoho Ndzitwaharifu yaMav̄ingizi-Risala|Mav̄ingizi-Risala aka ayatsahua. 3Ɓaanda aondesheha, awaonesa ha udhiɓitifu mwengi amba a hayi. Awav̄enushia hari mwa muda wa suku aruɓaini, na urongoa trongo zapatana na uUtawalizi wa Mungu. 4Wakati raha aka v̄umoja na wao, awaambia: «Musulawe Yerusalemu, ɓadi namulindre itrongo Ɓaɓa aka aitolea wahadi namujudzaniyo. 5Mana Yahaya|Yahaya Muɓaĩshizi akoɓaĩsha|uɓaĩsha ha maji, ɓadi wanyu, ɓaanda ya wana suku, mutsoɓaĩshiwa ha iRoho Ndzitwaharifu#1:5 mutsoɓaĩshiwa ha iRoho Ndzitwaharifu: Yaãni, watsojadzwa na iRoho Ndzitwaharifu..»
Insa asuhedzewa pev̄oni
6Suku, wakati yaMav̄ingizi-Risala waka wangulidzana, wamudzisa: «Raɓi, uwo ɗe uwakati utsorudisiao iIsraila|Israila utawalizi wayo?»
7Awadjiɓu: «Izo tsi zanyu wanyu ujua uwakati au isa Ɓaɓa aihetsi ha iyezi yahe waye Monyewe. 8Ɓadi mutsopara ushindzi wakati iRoho Ndzitwaharifu itsomujiliaoni, amwesa mutsoka mazahidi yangu rangu Yerusalemu, piya iYudeya, na iSamariya, ata yimipaka ya ishiv̄andre ya tsi.»
9Ɓaanda ahisa urongoa trongo zile, akohedzewa mbinguni matsoni hawo; ɓas aɓaliliwa na vingu, kawamuona tsena.
10V̄ale raha wakostamia mbinguni hule iv̄o akwendra dzahe, ne v̄uwav̄enulia watruɓaɓa waili wapindra vao djeu. 11Wawaambia: «He wanyu Magalilaya, manatrini mwahima muangaliao mbinguni? Insa uwo mwarengewawo, ahedzewa pev̄oni, atsoregea ha inamuna ile kamwe mwamuona andra pev̄oni.»
Matiyasi atsahulwa arenge liɓandza la Yudasi
12Ɓas, waregea Yerusalemu ha ulawa hari mwa mulima uhiriwao Mulima wa Mizaituni waka kariɓu na iYerusalemu hari mwa mwendro wa shiv̄imo#1:12 mwendro wa shiv̄imo: Yaãni, mwendro wa mukaɓala wa nusu ya sa jauleni, uule wa ndzia waruhusiwa na iSharia ya iSuku ya Uv̄umuzi. ya Suku ya Uv̄umuzi. 13Uwaswili yawo, wahea darini moni na lifuko wakoka na ungulidzana. Waka ɗe Monye, Yuhani, Yakoɓu, Andreasa, Filiɓusa, Tomasi, Ɓartolomayo, Matiyo, Yakoɓu mwana wa Halifa, Simoni akohiriwa Zeloti#1:13 Zeloti: liDzina lini lisuonesa amba Simoni unu akana djitihadi na iSharia ya idini ya Mayahudi, tsena aka hari mwa ishama yakotsaha uhuru wa itsi yawo yaka yatawaliwa na iRomu., na Yudasi mwana wa Yakoɓu. 14Djimlani hawo, ha nia moja wakoka hari mwa mamilio, v̄umoja na uwatruwashe, na Mariama mayahe wa Insa, na wananyahe watruɓaɓa.
15Ata suku, Monye ahimi hari-hari na maswihaɓa wanyahe wale. Indadi ya watru waka wangulidzana, ika mukaɓala wa miya wa ishirini. Sa ile arongoa: 16«Wananyangu, itrongo yaangihwa moni na uMuangishio Mutwaharifu ika ilazimu itsimidzihe, trongo iRoho Ndzitwaharifu aka aijudza rangu kaɓula ha ihanyo ya Daudu yapatana na Yudasi av̄inga uwatru wamusika Insa. 17Aka shikao moja na wasi, amwesa akana lifungu lahe hari mwa urumishi watru unu.»
18(Mutru uwo anunua shamba ha yamanufa ya ishitrendrwa mbovu yahe. Awu ha maswa, apasuha imimba, ata marumbo yahe yafoɓoha. 19Piya wakazi wa Yerusalemu waja waijua; iyo ɗe yatsonga lishamba lilo lahiriwa Hakeldama ha iluha yawo, yaãni, Shamba la Damu.)
20«Ɓasi v̄uangihwa moni na ishio ya ziNgutende:
‹Makazi yahe nayafanyihe truv̄u,
yasuketsiwe na mutru atsokao yotsi.›
Amwesa:
‹liƁandza lahe nalirengwe na wangina.›
21Ɓas, ilazimu ritsahuwe mutru hari mwa wao waɗungana na wasi piya uwakati Raɓi Insa|Raɓi aka na wasi, 22rangu umuɓaĩshizi wa Yahaya, ata isuku atolwa hari mwasi. Moja mengoni mwawo alazimu ake shahidi wa umuregezeo hayi wahe, mauri ɗe wasi.»
23Ɓas, watekeleza watru waili: Yusufu akohiriwa Ɓarsaɓa, akohiriwa tsena Yustusu, v̄umoja na Matiyasi. 24Amwesa wamia Mungu zini: «Mwalatru, wawe ujuao zilio rohoni ha piya wanadamu, rionese hari mwa watru waili wao uwo wamutsahua, 25ile pare arenge fungu hari mwa uurumishi wa uv̄inga iRisala, ɓandza Yudasi alilisha andra hari mwa lahe lamulazimu.» 26Ɓas, wafanya kuria, limusiki Matiyasi, ɗe aja atsangana na kumi na moja wale.
Currently Selected:
MAV̄INGIZI-RISALA 1: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
