LUKASI 14
14
Insa asuzihira muwaɗe Suku ya Uv̄umuzi
1V̄uka Suku ya Uv̄umuzi, Insa angia nyumbani ha moja mengoni mwa uwaɓole wa ishama ya Mafarisayo, akwendra aɗye. Na watru waka v̄ale wakomutunda. 2Na v̄ale mbeli na waye v̄uka mutru akana mazimba mwilini. 3Ɓas, Insa arenge umurongo, aambia mataãlamu wa Sharia na yaMafarisayo: «Hali iruhusiwa mutru uzihira Suku ya Uv̄umuzi, au kayaruhusiwa?» 4Ɓadi waɓuriha zi. Ɓas, Insa arenge muwaɗe ule amuzihira, amwesa amuambia andre dzahe.
5Ɓaanda ya v̄av̄o aambia watru wale: «Uv̄i mengoni mwanyu v̄av̄o, neka umwana wahe au inyombe yahe ipuliha sisimani Suku ya Uv̄umuzi, katsoihedza sa ile kamwe?» 6Ɓasi kawashindra wadjiɓu itsokao yotsi.
Mutru kalazimu adziv̄a sheo
7Amwesa atolea mufano watru waka wakariɓisiwa v̄ale, iv̄o aona amba wakotsahua yamaɓandza ya mbeli. Awaambia: 8«Wamokariɓisiwa na mutru harusini, usutsahuwe ɓandza la mbeli, ha uria amba v̄wa mutru mwendza sheo rahana wawe hari mwa watru wakariɓisiwa v̄ale, 9amba monyewe umukariɓisani wanyu waili atsoja ahuambiye: ‹Muv̄e mutru unu ɓandza lilo.› Utsoona haya wamwendra hari mwa liɓandza la mwiso. 10Ɓadi wamokariɓisiwa, endra waketsi liɓandza la mwiso, pare ule ahukariɓisa amoja, ahuambiye: ‹Mwandzani wangu, tsengelea uju hule.› Ɓas, itsoka sheo hahoju mbeli za piya watru wakariɓisiwa na wawe v̄ale. 11Mana yotsi atsodzihedzao, atsoshukidziwa, na uwo atsodzishukidzao, atsohedzewa.»
Insa asusomedza hali ya ukariɓisa
12Amwesa aambia mutru ule amukariɓisa: «Neka upishia watru shahula ya mutsana au ya mahariɓi, usukariɓise wandzani waho, wala wananyaho, wala wadjemazaho, wala madjirani matadjiri, ha uria wasuje wahukariɓisa wajau, ata waliv̄wa zile wawafanyia. 13Ɓadi wamopiha karamu, kariɓisa zimasikini, wendza zifeli, magoɓo, na wafa-matso. 14V̄av̄o utsoɓarikishiha, mana kawatsoshindra wahuliv̄a zile wawafanyia. Ɓadi utsoliv̄wa wakati wa umuregezeo hayi wa waraharifu.»
Mufano wa karamu
(Mat 22:1-10)
15Moja mengoni mwa wale wakoɗya v̄ale, ɓaanda akia marongozi yale, amuambia Insa: «Aɓarikishiha uwo atsokao hari mwa ikaramu ya Utawalizi wa Mungu.»
16Ɓas, Insa amudjiɓu: «V̄uka mutru aka apihi karamu ɓole, tsena alaliha watru wengi. 17Wakati wa uɗya mahariɓi wamopara, av̄eleha murumizi wahe, andre ahire wale walalihwa, awaambiye: ‹Namuje, mana trongo piya za tayari.›
18Ɓadi piyawo ha nia moja watsaha muswamaha. Wa handra amuambia: ‹Tsinunua shamba, tsilazimu nendre nalione. Nisuhumia unitsashiye muswamaha.›
19Wangina tsena amuambia: ‹Tsinunua nyombe kumi za magari, nisendra nazidjereɓu. Nisuhumia unitsashiye muswamaha.›
20Na wangina tsena amuambia: ‹Wami tsilawa ufungia. Iyo ɗe imana tsitsopara naja.›
21Murumizi ule uregea yahe, av̄ingi piya mahaɓari yale ha murumisa wahe. Ɓas, monyewe ɗagoni v̄ale atukiwa, amuambia murumizi wahe ule: ‹Endra haraka hari mwa yamav̄are na zindzia za liɗago, warenge zimasikini, wendza zifeli, wafa-matso, na yamagoɓo, uwav̄inge.›
22Ɓaanda ya v̄ale murumizi ule aja arongoa: ‹Mutukufu, trongo wakotsaha zifanyiwe, zifanyiwa, amwesa v̄uɓaki tsena maɓandza.›
23Ɓas, sa ile monyewe aambia umurumizi wahe: ‹Endra hari mwa piya wana ndzia, urambadze na mavala, na wao utsowaparao uwafarudhishe waje wangiye, ile inyumba yangu ijaye. 24Mana nisumuambiani, kav̄u ata moja hari mwa wale walalihwa atsolauliao ikaramu yangu.› »
Masharuti ya uwo atsahao amuɗunge Insa
(Mat 10:37-38)
25Dunia ɓole yakomuɗunga Insa hari mwa musafara wahe. Ɓas, azingi awaambia: 26«Neka mutru asunijilia aniɗunge, ne asumuv̄endza ɓaɓahe, mayahe, mushe wahe, wana wahe, wananyahe, au ata inafusi yahe rahana wami, katsoshindra aka swihaɓa langu. 27Na yotsi kadzitrihisa umuri wa pawa#14:27 umuri wa pawa: Muri wa pawa uwo, iyo ãlama ya usikitifu, mana wakati ule, watru wakoulawa ha uremwa mizumari hari mwa muri wa pawa. wahe aniɗunga, kashindri uka swihaɓa langu.
28Mana uv̄i mengoni mwanyu neka asutsaha adziundriye, kaketsi raɓuzi afanya hisaɓu zahe, aangalia neka marike zitsotosha? 29Neka tsi namuna iyo, ɓaanda aundra umusingi, katsoshindra amalidza, na watru watsomutseha 30ha urongoa: ‹Mutru ule aandrisa uundra, wala kashindra amalidza.›
31Au tsena, mufalume mbani amotsaha andre awane kondro kinyume na mufalume munyahe, kaketsi raɓuzi aangalia neka waye ushindra na watru alifu kumi andre awane kinyume na ule amujiliao na watru alifu shirini? 32Neka amba katsoshindra, rangu mufalume munyahe ule raha alio mbali, atsov̄eleha watru wandre wamutsahe masharuti yatsotriao amani. 33Ɓasi ha izo, yotsi hari mwanyu katsolisha piya izo alionazo, katsoshindra aka swihaɓa langu.»
Mufano wa shingo yalawa ladha
(Mat 5:13; Mar 9:50)
34«Shingo shitru ndjema. Ɓadi neka shingo ilawa ladha, itsoregezewa na trini? 35Kaina faida na ishiv̄andre ya tsi, wala kaika shitru ihodarishao#14:35 shitru ihodarishao: Shifarantsa isurongoa fumier. Iyo ulatswa v̄ondze.
Mutru aliona makio ya ukia, nakiye.»
Currently Selected:
LUKASI 14: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
LUKASI 14
14
Insa asuzihira muwaɗe Suku ya Uv̄umuzi
1V̄uka Suku ya Uv̄umuzi, Insa angia nyumbani ha moja mengoni mwa uwaɓole wa ishama ya Mafarisayo, akwendra aɗye. Na watru waka v̄ale wakomutunda. 2Na v̄ale mbeli na waye v̄uka mutru akana mazimba mwilini. 3Ɓas, Insa arenge umurongo, aambia mataãlamu wa Sharia na yaMafarisayo: «Hali iruhusiwa mutru uzihira Suku ya Uv̄umuzi, au kayaruhusiwa?» 4Ɓadi waɓuriha zi. Ɓas, Insa arenge muwaɗe ule amuzihira, amwesa amuambia andre dzahe.
5Ɓaanda ya v̄av̄o aambia watru wale: «Uv̄i mengoni mwanyu v̄av̄o, neka umwana wahe au inyombe yahe ipuliha sisimani Suku ya Uv̄umuzi, katsoihedza sa ile kamwe?» 6Ɓasi kawashindra wadjiɓu itsokao yotsi.
Mutru kalazimu adziv̄a sheo
7Amwesa atolea mufano watru waka wakariɓisiwa v̄ale, iv̄o aona amba wakotsahua yamaɓandza ya mbeli. Awaambia: 8«Wamokariɓisiwa na mutru harusini, usutsahuwe ɓandza la mbeli, ha uria amba v̄wa mutru mwendza sheo rahana wawe hari mwa watru wakariɓisiwa v̄ale, 9amba monyewe umukariɓisani wanyu waili atsoja ahuambiye: ‹Muv̄e mutru unu ɓandza lilo.› Utsoona haya wamwendra hari mwa liɓandza la mwiso. 10Ɓadi wamokariɓisiwa, endra waketsi liɓandza la mwiso, pare ule ahukariɓisa amoja, ahuambiye: ‹Mwandzani wangu, tsengelea uju hule.› Ɓas, itsoka sheo hahoju mbeli za piya watru wakariɓisiwa na wawe v̄ale. 11Mana yotsi atsodzihedzao, atsoshukidziwa, na uwo atsodzishukidzao, atsohedzewa.»
Insa asusomedza hali ya ukariɓisa
12Amwesa aambia mutru ule amukariɓisa: «Neka upishia watru shahula ya mutsana au ya mahariɓi, usukariɓise wandzani waho, wala wananyaho, wala wadjemazaho, wala madjirani matadjiri, ha uria wasuje wahukariɓisa wajau, ata waliv̄wa zile wawafanyia. 13Ɓadi wamopiha karamu, kariɓisa zimasikini, wendza zifeli, magoɓo, na wafa-matso. 14V̄av̄o utsoɓarikishiha, mana kawatsoshindra wahuliv̄a zile wawafanyia. Ɓadi utsoliv̄wa wakati wa umuregezeo hayi wa waraharifu.»
Mufano wa karamu
(Mat 22:1-10)
15Moja mengoni mwa wale wakoɗya v̄ale, ɓaanda akia marongozi yale, amuambia Insa: «Aɓarikishiha uwo atsokao hari mwa ikaramu ya Utawalizi wa Mungu.»
16Ɓas, Insa amudjiɓu: «V̄uka mutru aka apihi karamu ɓole, tsena alaliha watru wengi. 17Wakati wa uɗya mahariɓi wamopara, av̄eleha murumizi wahe, andre ahire wale walalihwa, awaambiye: ‹Namuje, mana trongo piya za tayari.›
18Ɓadi piyawo ha nia moja watsaha muswamaha. Wa handra amuambia: ‹Tsinunua shamba, tsilazimu nendre nalione. Nisuhumia unitsashiye muswamaha.›
19Wangina tsena amuambia: ‹Tsinunua nyombe kumi za magari, nisendra nazidjereɓu. Nisuhumia unitsashiye muswamaha.›
20Na wangina tsena amuambia: ‹Wami tsilawa ufungia. Iyo ɗe imana tsitsopara naja.›
21Murumizi ule uregea yahe, av̄ingi piya mahaɓari yale ha murumisa wahe. Ɓas, monyewe ɗagoni v̄ale atukiwa, amuambia murumizi wahe ule: ‹Endra haraka hari mwa yamav̄are na zindzia za liɗago, warenge zimasikini, wendza zifeli, wafa-matso, na yamagoɓo, uwav̄inge.›
22Ɓaanda ya v̄ale murumizi ule aja arongoa: ‹Mutukufu, trongo wakotsaha zifanyiwe, zifanyiwa, amwesa v̄uɓaki tsena maɓandza.›
23Ɓas, sa ile monyewe aambia umurumizi wahe: ‹Endra hari mwa piya wana ndzia, urambadze na mavala, na wao utsowaparao uwafarudhishe waje wangiye, ile inyumba yangu ijaye. 24Mana nisumuambiani, kav̄u ata moja hari mwa wale walalihwa atsolauliao ikaramu yangu.› »
Masharuti ya uwo atsahao amuɗunge Insa
(Mat 10:37-38)
25Dunia ɓole yakomuɗunga Insa hari mwa musafara wahe. Ɓas, azingi awaambia: 26«Neka mutru asunijilia aniɗunge, ne asumuv̄endza ɓaɓahe, mayahe, mushe wahe, wana wahe, wananyahe, au ata inafusi yahe rahana wami, katsoshindra aka swihaɓa langu. 27Na yotsi kadzitrihisa umuri wa pawa#14:27 umuri wa pawa: Muri wa pawa uwo, iyo ãlama ya usikitifu, mana wakati ule, watru wakoulawa ha uremwa mizumari hari mwa muri wa pawa. wahe aniɗunga, kashindri uka swihaɓa langu.
28Mana uv̄i mengoni mwanyu neka asutsaha adziundriye, kaketsi raɓuzi afanya hisaɓu zahe, aangalia neka marike zitsotosha? 29Neka tsi namuna iyo, ɓaanda aundra umusingi, katsoshindra amalidza, na watru watsomutseha 30ha urongoa: ‹Mutru ule aandrisa uundra, wala kashindra amalidza.›
31Au tsena, mufalume mbani amotsaha andre awane kondro kinyume na mufalume munyahe, kaketsi raɓuzi aangalia neka waye ushindra na watru alifu kumi andre awane kinyume na ule amujiliao na watru alifu shirini? 32Neka amba katsoshindra, rangu mufalume munyahe ule raha alio mbali, atsov̄eleha watru wandre wamutsahe masharuti yatsotriao amani. 33Ɓasi ha izo, yotsi hari mwanyu katsolisha piya izo alionazo, katsoshindra aka swihaɓa langu.»
Mufano wa shingo yalawa ladha
(Mat 5:13; Mar 9:50)
34«Shingo shitru ndjema. Ɓadi neka shingo ilawa ladha, itsoregezewa na trini? 35Kaina faida na ishiv̄andre ya tsi, wala kaika shitru ihodarishao#14:35 shitru ihodarishao: Shifarantsa isurongoa fumier. Iyo ulatswa v̄ondze.
Mutru aliona makio ya ukia, nakiye.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.