LUKASI 4
4
Shetwani asudjereɓu umuzaini Insa
(Mat 4:1-11; Mar 1:12-13)
1Insa ɓaanda ajaya iRoho Ndzitwaharifu, aregea ulawa muroni Jurdani. Ɓas, av̄ingwa na iRoho padzaju, 2v̄ahali Iɓilisa akodjereɓu umuzaini muda wa suku aruɓaini. Kaɗya shitru itsokao yotsi hari mwa zisuku zile. Utsimu yazo, aremwa na ndza.
3Sa ile Iɓilisa amuambia: «Neka wawe ɗe uMwana wa Mungu, ãmurisha ɓwe lilo ligauhe dipe.»
4Ɓadi Insa amudjiɓu: «V̄uangihwa: ‹Mwanadamu katsoẽshi ha dipe tu.› »
5Amwesa Iɓilisa amuv̄ingi v̄ahanu uju. Ha mara moja amuonesa piya zingufalume za ulemenguni, 6amwesa amuambia: «Nitsohuv̄a piya ushindzi ule na utukufu wa zingufalume zile, mana tsiv̄olwazo, na wami nitsojua niv̄ezo kula namuridhi. 7V̄av̄o neka unisudjudia ha uniãɓudu, zitsoka zaho piyazo.»
8Ɓadi Insa amudjiɓu: «V̄uangihwa: ‹Utsomuãɓudu Mwalaho Monyezi-Mungu, tsena umurumishiye waye weke.› »
9Ulawa v̄ale Iɓilisa amuv̄ingi Yerusalemu, amuhedza uju mwa umunara wa iNyumba Ndzitwaharifu, amuambia: «Neka wawe ɗe uMwana wa Mungu, dzipulise rangu v̄anu ata utsini hule, 10mana v̄uangihwa moni na uMuangishio:
‹Atsoãmurisha malayika zahe
zihuhafadhwi;›
11Tsena:
‹Zitsohuv̄inga mihononi hazo,
ile pare mundru waho usukwale ɓwe.› »
12Insa amudjiɓu: «V̄urongolwa moni na uMuangishio: ‹Usumudjereɓu Mwalaho Monyezi-Mungu.› »
13Ɓaanda ahisa umudjereɓu hari mwa zindzia zile piya, Iɓilisa amuɓaushia ata wakati wangina.
Mwandro wa zihazi za Insa
(Mat 4:12-17; Mar 1:14-15)
14Ɓaanda ya v̄ale, Insa ikao amba ajaya ushindzi wa iRoho Ndzitwaharifu, arudi Galilaya. Na sifa zahe zika zitsanyiha hari mwa piya mura ule. 15Akosomedza moni na ziNyumba za Uswali, na waye akosifiwa na watru piya.
Manazareti wasumuhara Insa
(Mat 13:53-58; Mar 6:1-6)
16Ɓas, Insa awaswili Nazareti, v̄ahanu alelesheha. Ha uɗunga udzevu wahe, angia moni na iNyumba ya Uswali iSuku ya Uv̄umuzi. Uhima yahe asome, 17av̄olwa ishio ya mutrume Izaya. Amoiɓua, awaswili v̄ahanu v̄uangihwa:
18«iRoho ya Mola ya ju langu, mana anitsahua
nijudze Haɓari Ndjema ha zimasikini.
Aniv̄eleha [nizihire wao waliona utungu wa roho],
nijudze uwokovu ha wao walio ngweni
na ha uwafa-matso amba watsoregea waone,
niwokowe wao watreswao,
19nijudze umwaha wa urehema wa Mola.»
20Ɓaanda ya zile aɓala ishio, airegeza ha umutoa-shio aka v̄ale, amwesa aketsi. Na piya matso yaka moni na iNyumba ya Uswali ile yakomuangalia. 21Ɓas, aandrisa uwaambia: «Leo v̄anu urongozi wa uMuangishio uwo mwaja mwaukia, utsimidziha.»
22Watru piya wakojiv̄iwa halisi na waye, wakotaãdjaɓu na yamarongozi mema yakolawa hanyoni hahe. Wakorongoa: «Afa ule tsi ɗe umwana wa Yusufu mwa?»
23Insa awaambia: «Ɓila shaka mutsoniambia musimo unu: ‹Twaɓiɓu, dzizihire wawe monyewe.› Mutsoniambia tsena: ‹Trongo razikia wazifanya Kafarnaumu, zifanye murani haho v̄anu wajau.› »
24Arongoa raha: «Nisumuambiani ha kweli, kav̄usi ata mutrume arengwao ha uzuri hahe. 25Ɓadi nisumuambiani ha kweli amba v̄uka watruwashe wengi wafiliwa na waume wawo hari mwa iIsraila zama za Eliya, wakati uwingu waka waɓalwa, amba kav̄wakoshuka vua hari mwa muda wa maha miraru wa nusu, ata v̄uka v̄ushuku ndza ɓole hari mwa piya itsi. 26Na Eliya kav̄elehwa ata ha moja hari mwawo, neka tsi ɗe ha mutrumushe afiliwa na mume wahe aka Sarepta, hari mwa umura wa Sidoni. 27Na tsena, v̄uka waenefu wengi hari mwa iIsraila wakati wa mutrume Elisha. Ɓadi kav̄u ata moja atwaharishiwa hari mwawo, neka tsi ɗe Naamani wa Siriya.»
28Ɓasi piya wale waka moni na iNyumba ya Uswali wajaya hasera ukia yawo trongo zile. 29Sa ile wahimi, wamutowo v̄ondze na liɗago, wamuv̄ingi tsaju mwa umulima liɗago lawo laka lawahwa, wakotsaha wamupulise. 30Ɓadi Insa apasua hari mwawo v̄ale, andre dzahe.
Mwendza djini la peu asuzihiriwa Suku ya Uv̄umuzi moni mwa iNyumba ya Uswali
(Mar 1:21-28)
31Ulawa v̄ale, Insa ashuku Kafarnaumu ɗago la Galilaya, akosomedza watru iSuku ya Uv̄umuzi. 32Watru wakoshanga na misomo yahe, mana akana ushindzi hari mwa marongozi yahe.
33Na moni na iNyumba ya Uswali ile, v̄uka mutru akana djini, shetwani ya peu, na wilo lilatsa keme ha ji lendza nguvu: 34«He wawe Insa wa Nazareti! Trini ɗe uritsahao nayo? Uja uriangamidze? Nisuhujua amba wawe mbani: wawe ɗe uMutwaharifu wa Mungu.»
35Sa ile ha ji mangavu Insa amuãmurisha: «Ɓuriha, ulawiye mutru uwo!» Ɓas, shetwani ile imuvutsu hari-hari na idunia ile, amwesa imuɓaushia ɓila umuhodza.
36Watru wale piya washanga ata wakoambiana: «Uwo urongozi trini uwo? Asuãmurisha ha yezi na ushindzi yamadjini ya peu, na yao yasulawa!» 37Na zisifa zahe zakoenea piya yimira ya umukaɓala ule.
Insa asumuzihira nyadzahe wa Simoni, na wawaɗe wangina wengi
(Mat 8:14-17; Mar 1:29-34)
38Ulawa yahe hari mwa iNyumba ya Uswali, andre ɗagoni ha Simoni. Na v̄ale nyadzahe wa Simoni akana ɓuhuo lendza nguvu. Na watru waka hule wamumia amurendreye zema. 39Ɓas amunyamia, amwesa aãmurisha ɓuhuo lile lilawe, na lilo limulawia. Sa ile kamwe ahimi, awayeleshea.
40Ata jua lamotswa, piya watru wakana wawaɗe wasikwa na kula namuna ya maradhi, wamuv̄ingiawo. Akadzia yimihono kula moja, awazihira. 41Mazetwani tsena yakolawia watru wengi ha ushelemedza na urongoa: «Wawe ɗe uMwana wa Mungu!» Ɓadi akoyaãmurisha na uyaɓalidza ulagua, mana yakojua amba waye ɗe Kristi.
Insa asutoa maĩdhwa Galilaya
(Mar 1:35-39)
42Uku wamosha, Insa alawa andre v̄ahali v̄watengeha. Dunia ya watru iandrisa umuzunguha ata imupara; wakotsaha wamuziye, ile asuwalawiye. 43Ɓadi awaambia: «Tsilazimu nijudze hari mwa yamalago yangina wajau iHaɓari Ndjema ya Utawalizi wa Mungu, mana ɗe ha izo ɗe nav̄elehwa.» 44Ɓas, akoĩdhia watru moni mwa ziNyumba za Uswali za Galilaya.
Currently Selected:
LUKASI 4: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
LUKASI 4
4
Shetwani asudjereɓu umuzaini Insa
(Mat 4:1-11; Mar 1:12-13)
1Insa ɓaanda ajaya iRoho Ndzitwaharifu, aregea ulawa muroni Jurdani. Ɓas, av̄ingwa na iRoho padzaju, 2v̄ahali Iɓilisa akodjereɓu umuzaini muda wa suku aruɓaini. Kaɗya shitru itsokao yotsi hari mwa zisuku zile. Utsimu yazo, aremwa na ndza.
3Sa ile Iɓilisa amuambia: «Neka wawe ɗe uMwana wa Mungu, ãmurisha ɓwe lilo ligauhe dipe.»
4Ɓadi Insa amudjiɓu: «V̄uangihwa: ‹Mwanadamu katsoẽshi ha dipe tu.› »
5Amwesa Iɓilisa amuv̄ingi v̄ahanu uju. Ha mara moja amuonesa piya zingufalume za ulemenguni, 6amwesa amuambia: «Nitsohuv̄a piya ushindzi ule na utukufu wa zingufalume zile, mana tsiv̄olwazo, na wami nitsojua niv̄ezo kula namuridhi. 7V̄av̄o neka unisudjudia ha uniãɓudu, zitsoka zaho piyazo.»
8Ɓadi Insa amudjiɓu: «V̄uangihwa: ‹Utsomuãɓudu Mwalaho Monyezi-Mungu, tsena umurumishiye waye weke.› »
9Ulawa v̄ale Iɓilisa amuv̄ingi Yerusalemu, amuhedza uju mwa umunara wa iNyumba Ndzitwaharifu, amuambia: «Neka wawe ɗe uMwana wa Mungu, dzipulise rangu v̄anu ata utsini hule, 10mana v̄uangihwa moni na uMuangishio:
‹Atsoãmurisha malayika zahe
zihuhafadhwi;›
11Tsena:
‹Zitsohuv̄inga mihononi hazo,
ile pare mundru waho usukwale ɓwe.› »
12Insa amudjiɓu: «V̄urongolwa moni na uMuangishio: ‹Usumudjereɓu Mwalaho Monyezi-Mungu.› »
13Ɓaanda ahisa umudjereɓu hari mwa zindzia zile piya, Iɓilisa amuɓaushia ata wakati wangina.
Mwandro wa zihazi za Insa
(Mat 4:12-17; Mar 1:14-15)
14Ɓaanda ya v̄ale, Insa ikao amba ajaya ushindzi wa iRoho Ndzitwaharifu, arudi Galilaya. Na sifa zahe zika zitsanyiha hari mwa piya mura ule. 15Akosomedza moni na ziNyumba za Uswali, na waye akosifiwa na watru piya.
Manazareti wasumuhara Insa
(Mat 13:53-58; Mar 6:1-6)
16Ɓas, Insa awaswili Nazareti, v̄ahanu alelesheha. Ha uɗunga udzevu wahe, angia moni na iNyumba ya Uswali iSuku ya Uv̄umuzi. Uhima yahe asome, 17av̄olwa ishio ya mutrume Izaya. Amoiɓua, awaswili v̄ahanu v̄uangihwa:
18«iRoho ya Mola ya ju langu, mana anitsahua
nijudze Haɓari Ndjema ha zimasikini.
Aniv̄eleha [nizihire wao waliona utungu wa roho],
nijudze uwokovu ha wao walio ngweni
na ha uwafa-matso amba watsoregea waone,
niwokowe wao watreswao,
19nijudze umwaha wa urehema wa Mola.»
20Ɓaanda ya zile aɓala ishio, airegeza ha umutoa-shio aka v̄ale, amwesa aketsi. Na piya matso yaka moni na iNyumba ya Uswali ile yakomuangalia. 21Ɓas, aandrisa uwaambia: «Leo v̄anu urongozi wa uMuangishio uwo mwaja mwaukia, utsimidziha.»
22Watru piya wakojiv̄iwa halisi na waye, wakotaãdjaɓu na yamarongozi mema yakolawa hanyoni hahe. Wakorongoa: «Afa ule tsi ɗe umwana wa Yusufu mwa?»
23Insa awaambia: «Ɓila shaka mutsoniambia musimo unu: ‹Twaɓiɓu, dzizihire wawe monyewe.› Mutsoniambia tsena: ‹Trongo razikia wazifanya Kafarnaumu, zifanye murani haho v̄anu wajau.› »
24Arongoa raha: «Nisumuambiani ha kweli, kav̄usi ata mutrume arengwao ha uzuri hahe. 25Ɓadi nisumuambiani ha kweli amba v̄uka watruwashe wengi wafiliwa na waume wawo hari mwa iIsraila zama za Eliya, wakati uwingu waka waɓalwa, amba kav̄wakoshuka vua hari mwa muda wa maha miraru wa nusu, ata v̄uka v̄ushuku ndza ɓole hari mwa piya itsi. 26Na Eliya kav̄elehwa ata ha moja hari mwawo, neka tsi ɗe ha mutrumushe afiliwa na mume wahe aka Sarepta, hari mwa umura wa Sidoni. 27Na tsena, v̄uka waenefu wengi hari mwa iIsraila wakati wa mutrume Elisha. Ɓadi kav̄u ata moja atwaharishiwa hari mwawo, neka tsi ɗe Naamani wa Siriya.»
28Ɓasi piya wale waka moni na iNyumba ya Uswali wajaya hasera ukia yawo trongo zile. 29Sa ile wahimi, wamutowo v̄ondze na liɗago, wamuv̄ingi tsaju mwa umulima liɗago lawo laka lawahwa, wakotsaha wamupulise. 30Ɓadi Insa apasua hari mwawo v̄ale, andre dzahe.
Mwendza djini la peu asuzihiriwa Suku ya Uv̄umuzi moni mwa iNyumba ya Uswali
(Mar 1:21-28)
31Ulawa v̄ale, Insa ashuku Kafarnaumu ɗago la Galilaya, akosomedza watru iSuku ya Uv̄umuzi. 32Watru wakoshanga na misomo yahe, mana akana ushindzi hari mwa marongozi yahe.
33Na moni na iNyumba ya Uswali ile, v̄uka mutru akana djini, shetwani ya peu, na wilo lilatsa keme ha ji lendza nguvu: 34«He wawe Insa wa Nazareti! Trini ɗe uritsahao nayo? Uja uriangamidze? Nisuhujua amba wawe mbani: wawe ɗe uMutwaharifu wa Mungu.»
35Sa ile ha ji mangavu Insa amuãmurisha: «Ɓuriha, ulawiye mutru uwo!» Ɓas, shetwani ile imuvutsu hari-hari na idunia ile, amwesa imuɓaushia ɓila umuhodza.
36Watru wale piya washanga ata wakoambiana: «Uwo urongozi trini uwo? Asuãmurisha ha yezi na ushindzi yamadjini ya peu, na yao yasulawa!» 37Na zisifa zahe zakoenea piya yimira ya umukaɓala ule.
Insa asumuzihira nyadzahe wa Simoni, na wawaɗe wangina wengi
(Mat 8:14-17; Mar 1:29-34)
38Ulawa yahe hari mwa iNyumba ya Uswali, andre ɗagoni ha Simoni. Na v̄ale nyadzahe wa Simoni akana ɓuhuo lendza nguvu. Na watru waka hule wamumia amurendreye zema. 39Ɓas amunyamia, amwesa aãmurisha ɓuhuo lile lilawe, na lilo limulawia. Sa ile kamwe ahimi, awayeleshea.
40Ata jua lamotswa, piya watru wakana wawaɗe wasikwa na kula namuna ya maradhi, wamuv̄ingiawo. Akadzia yimihono kula moja, awazihira. 41Mazetwani tsena yakolawia watru wengi ha ushelemedza na urongoa: «Wawe ɗe uMwana wa Mungu!» Ɓadi akoyaãmurisha na uyaɓalidza ulagua, mana yakojua amba waye ɗe Kristi.
Insa asutoa maĩdhwa Galilaya
(Mar 1:35-39)
42Uku wamosha, Insa alawa andre v̄ahali v̄watengeha. Dunia ya watru iandrisa umuzunguha ata imupara; wakotsaha wamuziye, ile asuwalawiye. 43Ɓadi awaambia: «Tsilazimu nijudze hari mwa yamalago yangina wajau iHaɓari Ndjema ya Utawalizi wa Mungu, mana ɗe ha izo ɗe nav̄elehwa.» 44Ɓas, akoĩdhia watru moni mwa ziNyumba za Uswali za Galilaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.