MARKUSI 16
16
Muregezeo hayi wa Insa
(Mat 28:1-8; Luk 24:1-12; Yuh 20:1-10)
1Ɓaanda iSuku ya Uv̄umuzi|Suku ya Uv̄umuzi yav̄ira, Mariama wa shi Magdala, Mariama mayahe wa Yakoɓu, v̄umoja na Salome wanunua matra manukatro, ile wandre wav̄ahe umwili wa Insa. 2Asuɓuhi ya isuku ya handra ya umufumo#16:2 isuku ya handra ya umufumo: Yaãni, isuku ɓaanda ya iSuku ya Uv̄umuzi ilio amba yakofanyiwa kula Mufumotsi., jua uhea yalo, wandre kaɓurini hule. 3Wakoambiana: «Mbani ɗe atsoriv̄ingirisiao liɓwe lilio mulongoju mwa likaɓuri?»
4Ɓadi udzua yawo yamatso, waono amba liɓwe lile laka ɓole halisi, liv̄ingirisiwa ɓavuni. 5Ɓaanda wangia moni na likaɓuri, waono mwanahirimu shaɓaɓi aketsi uv̄andre wa hume, apindra nguo ndjeu. Sa ile waremwa na ushangavu.
6Ɓadi awaambia: «Musushange! Musumuzunguha Insa wa Nazareti, aka aremwa mizumari hari mwa muri wa pawa. Aregezewa hayi, kav̄o tsena v̄anu. Namuangaliye, v̄anu ɗe v̄ahanu aka aladzwa. 7V̄av̄o namwendre mwaambiye maswihaɓa yahe, na Monye, amba asumutranguliani ha uendra Galilaya. Oho ɗe v̄ahali mutsomuonao, mauri ɗe iheli amuambiani.»
8Sa ile walawa kaɓurini v̄ale, watrala, wakodridrima ha ushangavu. Kawaambia trongo ata mutru, mana wakoria.
Insa amuv̄enushia Mariama wa shi Magdala
(Mat 28:9-10; Yuh 20:11-18)
[9Ɓaanda Insa aregea hayi asuɓuhi ya isuku ya handra ya umufumo, amuv̄enushia kadimu Mariama wa shi Magdala, ule aka amutolea mazetwani saɓa. 10Mutrumama ule andre ajudza ihaɓari ile ha wale waka na Insa, walio amba waka hari mwa usikitifu na shililo. 11Iv̄o wakia amba Insa a hayi tsena amuono, kawamuamini.
Insa av̄enushia maswihaɓa maili
(Luk 24:13-35)
12Ɓaanda ya v̄ale, av̄enushia ha sura yangina waili hari mwa maswihaɓa yahe waka ndziani, wakwendra malavuni. 13Ɓas, waregea wajudza ha uwasalia, ɓadi wao tsena kawaamini.
Insa av̄enushia maswihaɓa kumi na moja yahe
(Mat 28:16-20; Luk 24:36-49; Yuh 20:19-23; Mav̄ 1:6-8)
14Mwisoni av̄enushia kumi na moja wale wakati waka mezaju wakoɗya. Awarudi iv̄o kawaamini, na ha uangavu wa roho wawo, mana kawaamini wale wamuona amba aregezewa hayi.
15Amwesa awaambia: «Namwendre hari mwa lidunia piya, mujudze iHaɓari Ndjema ha kula shiumbe mwanadamu. 16Uwo atsoaminio amwesa atsoɓaĩshiwao|uɓaĩsha, atsohuyiwa, ɓadi uwo katsoamini, atsohukumulwa. 17Tsizini ziãlama za midjuza zitsoonehanao ha wao watsoaminio: Ha lidzina langu, watsotoa mazetwani, watsolagua luha pia watsoshukidziwaozo; 18watsosika nyoha, na neka wano sumu, kalitsowadhuru ata hata; watsokadza yimihono wawaɗe, na wao watsoangala.»
Insa asuhedzewa pev̄oni
(Luk 24:50-53; Mav̄ 1:9-11)
19Ɓas, Raɓi Insa|Raɓi ɓaanda ahisa ulagua na wao, ahedzewa pev̄oni, aketsi humeni ha Mungu. 20Na wao walawa wajudze iHaɓari Ndjema kula v̄ahanu. Raɓi akofanya hazi v̄umoja na wao, na udhiɓitisha marongozi yao ha ziãlama za midjuza zakoyaɗunga.]
Currently Selected:
MARKUSI 16: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
