Lug 7
7
Jesu poɗɨ guyɔŋ gɨ da ba cay Asɨgar ga aru
(Matɨyo 8:5-13; Ja̰ 4:46-54)
1Kɨɗɨn̰ ga Jesu ba dɨɗɨ kɨbɨ kɔl gɨ ban gey gɨ kalaŋ na tɨgɨyage ɨni na, ban or a cay ƴaa di Kapɛrnɔm. 2A cay ƴaa di nee le, guyɔŋ gɨ da gumu gɨ da asɨgar gɨ na ungo gɨ Rɔm gusi leeyi tɔgɨ, woy kɨbɨ tɨma dɨŋ. Ama guyɔŋ koyi gɨ nee le ban geyii tɔgɨ. 3Kɨɗɨn̰ ga ba-cay asɨgarn̰əŋ ga aru le, je Kol Jesu na, ban gɨy Jubɨn̰əŋ ga pɨna ga muɗoldoŋ ga a cay gulɔŋ gɨ nee le gusi Jesu, ɗe na ɨrga poɗɨ guyɔŋ koyi le. 4Kan bugoŋge gusi Jesu ɨni na, kan oliige dan̰ kaŋdi cɨndɨge yeyge hɨn̰: «Ungo le, ojɨ gɨ ji gɨ lɔɔ hɨnga ga ban ɨngɨrɨn̰ le bii han̰. 5Kɨya wa ban gey te wɔɔ gɨ da kalaŋ koni tɔgɨ. Bɨ ban ba gaɗe ƴaa-daye toni ni-gandi ga ni Jubɨ bɨni.»
6Ɨni na, Jesu or danage. Bɨ kɨɗɨn̰ ga ban baa mɨnde dan̰ ƴaa di da gumu gɨ da asɨgarn̰əŋ na, ban gɨy ka-pogɨn̰ii orge yeyi hɨn̰: «Ba-gulɔŋ, gɨlale gusɨn̰ naŋ, kɨya wa ɨŋ ɓala gɨ ji kɨya dɔbɛ can̰ a te ƴaa tɨnge dɨŋ naŋ. 7Na hɨn̰ wo̰ ma, ɨŋ sol gusɨnɨ hɨn̰ ungo gɨ ji kɨya ɓale ɨrga gusɨnɨ naŋ. Ama ji na aya non̰ ƴɔbɨ na, ɨŋ sol gɨ guyɔŋ hɨnge le gusi kɨya ɗoyi. 8Ɨŋ ye hɨn̰ wo̰ na kɨya gɨ ɨŋ-bandi kalɨn̰ ma ka-canɨ woyge nee bɨ. Ɨŋ-bandi kalɨn̰ ma ɨŋ orɨn̰ dan̰ asɨgarn̰əŋ ga ɨŋ som cayge bɨ. Hɨn̰ gɨ ɨŋ na yan̰ gɨ pɨna hɨn̰: “Ɨra!” Na ban or bɨ; ɨŋ na yan̰ gɨ ɗaŋ hɨn̰: “Jɨge!” Na ban jɨga bɨ! Bɨ ɨŋ na yan̰ dan̰ guyɔŋ hɨnge “laa hɨnga ga kɛ” na, ban lee bɨ.»
9Kɨɗɨn̰ ga Jesu je kɔl gɨ da ba-cay asɨgarn̰əŋ ga aru gɨ nee le na, kɔl kayi yɔd. Bɨ ban pɨlɨn̰ sol dɨmdɨrdi kalaŋ ga kobɨge kardi le bɨ yege hɨn̰: «Aŋ yəgɨŋ daa waŋ na cɨndi, a te wɨn̰je gɨ da Ɨsɨrayɛl gɨŋ kalɨn̰ ma ɨŋ waa ungo pɨna wo̰ gɨ aye kudurɔ koyi gɨlɨn̰ hɨn̰ wo̰ le naŋ.» 10Kɨɗɨn̰ ga ka-pogɨn̰ii le jɨgage a da gumu gɨ da asɨgarn̰əŋ le na, kan wayge guyɔŋ koyi le gusi woy kalɨn̰ caŋ caŋ.
Jesu lɨbɨ kuroŋ marɨna gɨ ma
11Wɔlɛ gɨ pɨna wo̰ kardi nee na, Jesu or a cay ƴaa-di-gumu di tooge Nayin, ka-aye-cay-tɨbayi dan̰ dɨmdɨrdi kalaŋ beeyige. 12Kɨɗɨn̰ ga Jesu baa mɨnde dan̰ babɨ gɨ a kɨbɨ cay ƴaa-di-gumu le na, ban sol tɨmay ungo gɨ kan orɨn̰ danayi kɨya ɨmgii. Ban gɨ ma le, na kuroŋ gɨ pɨna hayi kəɗ kəɗ kobɨ ƴoyi. Ƴoyi le na tama di kudurɔ ma. Dɨmdɨrdi kalaŋ ga a cay ƴaa-di-gumu di nee le booge. 13Kɨɗɨn̰ ga Ba-gulɔŋ Jesu ba sol tama le na, cɨndo leeyi cɨn̰-n̰age bɨ, ban yoo hɨn̰: «Ɨle naŋ ɨni.» 14Ban sɨygɨ mɨnde bɨ, ɨsɨbɨ gasɨlaŋ jala ga kan ayɨn̰ge tɨma le, kalaŋ ga ka-aye tɨma le ɨrege dugo ɨni na, Jesu ye hɨn̰: «Marɨna, ɨŋ ay nonɨ bɨn̰ saa da.» 15Bɨ ga ma, kuroŋ marɨna gɨ ma le de say som daa bɨ ye kɔl. Kɨɗɨn̰di ga nee gaŋ le bɨ, Jesu ƴom kobi bɨn̰ ƴoyi. 16Kan nɔm turnoyge gɨre kayaŋ bɨ hɨramge Kumu yege hɨn̰: «Ba-yɔɔ-kɔl-gɨ-Kumu-ba-yɔɔ gɨ gumu gɨ pɨna caga duroyni kɛ!» Bɨ kan yege ɗaŋ coŋ hɨn̰: «Kumu ɨrga jɨbɨ te kalaŋ kayi!» 17Hɨnga ga Jesu ba lee le, koldɨge ye gon̰ kɨɗɨn̰ a cay ƴaa di Jude dɨŋ bɨ, a cay ƴaa ga gɨmdəŋ ga durdi nee durdi nee bɨ.
Jesu gɨlɨn̰ kalaŋ kɔl gɨ ojɨ cay Ja̰ ba-lɔɔ batɛm
(Matɨyo 11:2-19)
18Ka-aye-cay-tɨbay Ja̰ ɨrgage yen̰ Ja̰ kol hɨnga nɔm ga lee hundɔrɔ ga Jesu ba lee le. Ban te ka-aye-cay-tɨbayi sɔɔ duroy kamdɨge 19bɨ, ban gɨyge gusi Ba-gulɔŋ Jesu ɗe na ɨngɨriige sol: «Kɛ, ji na ban gɨ Kumu gɨygi le wala, ojɨ gɨ ni gama na ungo gɨ ɗaŋ ga?» 20Kɨɗɨn̰ ga ka-aye-cay-tɨbay Ja̰ bugoŋge gusi Jesu ɨni na, kan yeyge hɨn̰: «Na Ja̰ ba-lɔɔ batɛm ba gɨygɨni gusɨn̰ ɗe ani na ɨngɨrɨn̰ sol: “Kɛ Ji naa ban gɨ Kumu gɨygi le wala, ojɨ gɨ ni na gama naa ungo gɨ ɗaŋ ga?”» 21Kɨɗɨn̰di ga nee gaŋ le bɨ, Jesu poɗɨ kalaŋ ka-modoŋ bɨ kan ga turnɔ ga ɨsɨndəŋ gɨlge-cɨn̰ bɨ, ka-bɨbe dan̰ kondige solge kɨɗɨn̰ nee bɨ. 22Bɨ ga ma ban jɨga dɨbɨn̰ ka-aye-cay-tɨbay Ja̰ cay nee yege hɨn̰: «Ɨragɨŋ dɨran̰gɨŋ Ja̰ kol hɨnga ga kɨŋ ba sol dan̰ cɨndɨgɨŋ bɨ, dan̰ ga kɨŋ ba je dan̰ sɨmaygɨŋ bɨ: Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada toge duroŋ gusɨge bɨ, kalaŋ ga sɨmayge ja kɔl naŋ kalɨn̰ ma jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan tee bɛrnɛ di bɨn̰ kan ga hɨnga wɔɔdɨge unɔ bɨ. 23Tumoy wolwa woy kɨya cay ungo gɨ ɨŋ narayi bɔgɛ kuduroy a cay Kumu naŋ.»
24Kɨɗɨn̰ ga kan ga Ja̰ ba gɨyge le jogɨge na, Jesu ay te yɔ kɔl gɨ ojɨ cay Ja̰ bɨn̰ dɨmdɨrdi kalaŋ le yege hɨn̰: «Kɨɗɨn̰ ga kɨŋ baga a duroy dal dɨŋ le kɛ, kɨŋ ɨrɨm hɨn̰ gɨ kɨŋ na kɨya sɔlɛ naa ungo gɨ mɨna ga? Ungo gɨ gɨlɨn̰ hɨn̰ hɛɗɨmɛ ga kal ye ma lamge wo̰ ga? Naŋ! 25Ɨni na, kɨŋ baga sɔlɛ na wa ga? Kɨŋ baga sɔlɛ na ungo gɨ tobɨ badɨge ga jɨran̰de ga? Ama sɨlagɨŋ, kalaŋ ga tobɨge badɨge ga jɨran̰de bɨ, somge a duroy ɗarwa dɨŋ bɨ le, woyge na duroy ƴaa tɨrɨmbala dɨŋ. 26Kɨŋ baga sɔlɛ na wa coŋ ga? Kɨŋ gey sɔlɛ na ba-yɔɔ-kɔl-gɨ-Kumu-ba-yɔɔ. Aŋ yəgɨŋ! Kɨŋ sol ungo gɨ ɗɨn̰ ba-yɔɔ-kɔl-gɨ-Kumu-ba-yɔɔ. 27Kɨya gɨ Ja̰ le na ban gɨ Kumu ye koldi duroy magtubu toyi dɨŋ ye hɨn̰:
“Sɨla! Ɨŋ kɨya gɨye ba tɔgɛ bɛrnɛ hɨnge tumon̰,
Ban ba kɨya n̰ane gɨyəŋ kon̰ tumon̰.”#7:27 Ayge na duroy: Malachie 3:1.»
28Jesu jɨga yege ɗaŋ coŋ hɨn̰: «Aŋ yəgɨŋ daa waŋ. Duroy kalaŋ ga kandɨ ba wooge le ungo gɨ ba ɗɨn̰ Ja̰ unɔ. Ama naa hɨn̰ wo̰ kalɨn̰ ma, kɨye gɨ n̰əŋ boy dɔɔ-ƴaa di da Kumu dɨŋ le ɗii.
29«Kalaŋ nɔm dan̰ ka-hɔgɛ lambo ga ba ɨrege nee jege kɔl gɨ da Ja̰ le, solge Kumu leen̰ ungo gɨ dan̰ durɔ. Na hɨn̰ wo̰ ma kan ɗege Ja̰ leege batɛm. 30Ama Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis kan̰ge gɨ Ja̰ na laage batɛm, kan̰in̰ge hɨnga ga Kumu ojɨ kol cayge.
31«Kɛ, na wa ma maŋ kɨya yɔ gɨsɨn̰ dan̰ kalaŋ ga haw kɛ le ga? Kan gɨlɨn̰ge na dan̰ waŋ ga? 32Kan le, gɨlɨn̰ge na dan̰ karɨn̰aŋ ga dayge gusɨge somɨn̰ a gɛgɛr gɨŋ bɨ, teen̰ge kamdɨge yen̰ge hɨn̰: “Ni lɨm tɛgɛ di ni sɔɔ kalɨn̰ ma, magɨŋ kan̰ sɔɔ cay nee bɨ, ni de kɨra gɨ ni n̰age kalɨn̰ ma, magɨŋ kan̰ ɨle cay nee bɨ.” 33Kɨya wa Ja̰ ba-leen̰ kalaŋ batɛm le, ɨrga ama da mapa naŋ bɨ, sa cɛrɛ di suru gɨ man̰i naŋ bɨ, kalɨn̰ ma magɨŋ yeyi hɨn̰: “Ban le, na orɨn̰ dan̰ turnɔ di ɨsɨni.” 34Ama kɨɗɨn̰ ga ɨŋ-bandi Kurɨn̰-ungo ɨŋ bugoŋ na, ɨŋ dii bɨ, ɨŋ sii bɨ, naa hɨn̰ wo̰ kalɨn̰ ma magɨŋ ye hɨn̰: “Sɨlagɨŋ! Ba dɔɔ dɔɔ bɨ, ba-sɔɔdɔ cɛrɛ kɔydin̰ bɨ, ba-ƴɔmɛ pɔgɨn̰ɛ dan̰ kalaŋ ka-hɔgɛ lambo bɨ, dan̰ ka-lɔɔ ɨsɨna bɨ.” 35Ama kalaŋ ga ba beege kuduroyge cay cɨn̰-muɗɔlɛ di da Kumu na, kan solge cɨn̰-muɗɔlɛ di nee le, leen̰ gɨyəŋ gɨ dan̰ durɔ.»
Jesu ɗe kuduroyi jal cay tama di ɗe-lɔɔ ɨsɨna
36Parɨsɨn̰a gɨ pɨna wo̰, mol Jesu ɗe ban na or dɔɔ hɨnga danayi. Bɨ Jesu or a da Parɨsɨn̰a le, or sɔmɛ danayi kɨbɨ dɔɔ gɨŋ dugo dan̰ bordi goɗɨn̰ gondi jɨn̰ kardi. 37Bɨ ga ma a cay ƴaa-di-gumu di nee le, tama di pɨna ɗe-lɔɔ ɨsɨna som nee. Kɨɗɨn̰ ga hɨndi je gɨ Jesu na som a da Parɨsɨn̰a le, hɨndi or aye dan̰ karɨn̰ kumbulu ga kan leege na dan̰ garma gɨ kan teeyige Albatɨr walɨn̰ dan̰ ɨdɨr daa. 38Ɨrgan̰ ɨrɨn̰ kardi Jesu jɨn̰ tɨbayi. Hɨndi ɨle, ɗe kaŋdi cɨndo bugoŋ cay tɨbayi dɨŋ. Ɨni na, hɨndi hande cay tɨbayi dan̰ teɗi caa bɨ, uye cay tɨbay bɨ, jɨga n̰ɨre ɨdɨr nee.
39Kɨɗɨn̰ ga Parɨsɨn̰a gɨ ba mɔlɛ Jesu sol hɨnga ga nee le na, ban ɨrɨm kuduroyi hɨn̰: «Hɨn̰ gɨ ungo gɨ nee le, naa ba-yɔɔ-kɔl-gɨ-Kumu-ba-yɔɔ leen̰ cɨndi na, ban ni kɨya sɔlɛ tama di ɗe əsɨbi le gɨye-lɔɔdo bɨ, ni kɨya sɔlɛ hɨn̰ gɨ naa tama di ɗe-lɔɔ ɨsɨna bɨ.» 40Jesu ay kɔl yen̰ Parɨsɨn̰a le hɨn̰: «Simo ɨŋ orɨn̰ dan̰ kɔl gɨ ni yon̰.» Simo dɨbii cay nee yeyi hɨn̰: «Ho’o, ba-gɨlɨn̰ kalaŋ kɔl, ya kɔl kon̰ le!»
41Bɨ Jesu yeyi hɨn̰: «Ungo gɨ pɨna wo̰ orɨn̰ dan̰ tugɨla toyi a cay kalaŋ sɔɔ. Gɨ pɨna obɨ gursu di ɓal cay kobɨ ba-lɔɔ gɨye gɨ ni wɔlɛ aru bay bɨ, gɨ ɗaŋ toyi ɓal toy bay bɨ. 42Kɨɗɨn̰ ga kan ɓala dɔrɛ tugɨla le cayge naŋ na, ban dor tugɨla le cayge sɔɗɨmɔŋ. Ma kɛ a boy ɨrɨme kon̰ gɨŋ na, na gɨ ani ba kɨya ƴɔmɛ wandɨ tɔgɨ ga?» 43Simo dɨbii cay nee yeyi hɨn̰: «Ɨŋ ɨrɨm hɨn̰ gɨ na ban gɨ tugɨla toyi ba ɗɨn̰ mɨgayi le.» Jesu yey hɨn̰: «Ji boy duroy kɔl le na nee han̰.»
44Ɨni na, ban pɨlɨn̰ sol tama le bɨ, yen̰ Simo hɨn̰: «Ji sol hɨnga ga tama ba le lee han̰ ga? Na a tan̰ maŋ ɨrga ma man̰ bəŋ kaŋ pɨlɨn̰ tɨbanɨ naŋ, ama hɨndi le, pɨl tɨbanɨ dan̰ kaŋdi cɨndo bɨ, hande dan̰ teɗi caa bɨ. 45Ji yalaŋ ƴɨmaŋ gasbin̰ naŋ, ama hɨndi le ay toy gɨ ɨŋ bugoŋ a tan̰ le, hɨndi kan̰a uye tɨbanɨ naŋ. 46Ji bɨgaŋ sɔŋ gɨ ɗo̰ tɨna canɨ mɨlawaŋ naŋ, ama hɨndi le n̰ɨre ɨdɨr cay tɨbanɨ dɨŋ. 47Na hɨn̰ wo̰ ma, aŋ yen̰ daa waŋ: Wandɨ di hɨndi ba lee tɔgɨ le gɨl gɨ Kumu ɗe kuduroyi jal a cay ɨsɨna kɔɔ gɨ kondi le. Ama ban gɨ na laa ɨsɨna dḛ wo̰ ƴɔbɨ na, kɨya ƴɔmɛ wandɨ na dḛ wo̰ ƴɔbɨ dan̰ ban gɨ ba ɗe kuduroy jal a cay ɨsɨna koyi gɨŋ le.»
48Ɨni na, Jesu yen̰ tama le hɨn̰: «Kumu ɗe kuduroyi jal cay ɨsɨna kɛɛ nɔm.» 49Kalaŋ ga kan molge ga ba somge danayi a kɨbɨ dɔɔgɨŋ le ɨrɨmge kuduroyge yege hɨn̰: «Ungo gɨ kɛ le, na waŋ ma or bɨrɨŋ aye ban̰di Kumu kɨya ɗon̰ kuduroyi jalɨwa cay ɨsɨna gɨŋ ga?» 50Ama Jesu yen̰ tama le hɨn̰: «Aye kudurɔ kɛɛ poɗɨne; ɨra dan̰ gusi-dɔbɛ.»
Currently Selected:
Lug 7: gab
Highlight
Share
Copy
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.
Lug 7
7
Jesu poɗɨ guyɔŋ gɨ da ba cay Asɨgar ga aru
(Matɨyo 8:5-13; Ja̰ 4:46-54)
1Kɨɗɨn̰ ga Jesu ba dɨɗɨ kɨbɨ kɔl gɨ ban gey gɨ kalaŋ na tɨgɨyage ɨni na, ban or a cay ƴaa di Kapɛrnɔm. 2A cay ƴaa di nee le, guyɔŋ gɨ da gumu gɨ da asɨgar gɨ na ungo gɨ Rɔm gusi leeyi tɔgɨ, woy kɨbɨ tɨma dɨŋ. Ama guyɔŋ koyi gɨ nee le ban geyii tɔgɨ. 3Kɨɗɨn̰ ga ba-cay asɨgarn̰əŋ ga aru le, je Kol Jesu na, ban gɨy Jubɨn̰əŋ ga pɨna ga muɗoldoŋ ga a cay gulɔŋ gɨ nee le gusi Jesu, ɗe na ɨrga poɗɨ guyɔŋ koyi le. 4Kan bugoŋge gusi Jesu ɨni na, kan oliige dan̰ kaŋdi cɨndɨge yeyge hɨn̰: «Ungo le, ojɨ gɨ ji gɨ lɔɔ hɨnga ga ban ɨngɨrɨn̰ le bii han̰. 5Kɨya wa ban gey te wɔɔ gɨ da kalaŋ koni tɔgɨ. Bɨ ban ba gaɗe ƴaa-daye toni ni-gandi ga ni Jubɨ bɨni.»
6Ɨni na, Jesu or danage. Bɨ kɨɗɨn̰ ga ban baa mɨnde dan̰ ƴaa di da gumu gɨ da asɨgarn̰əŋ na, ban gɨy ka-pogɨn̰ii orge yeyi hɨn̰: «Ba-gulɔŋ, gɨlale gusɨn̰ naŋ, kɨya wa ɨŋ ɓala gɨ ji kɨya dɔbɛ can̰ a te ƴaa tɨnge dɨŋ naŋ. 7Na hɨn̰ wo̰ ma, ɨŋ sol gusɨnɨ hɨn̰ ungo gɨ ji kɨya ɓale ɨrga gusɨnɨ naŋ. Ama ji na aya non̰ ƴɔbɨ na, ɨŋ sol gɨ guyɔŋ hɨnge le gusi kɨya ɗoyi. 8Ɨŋ ye hɨn̰ wo̰ na kɨya gɨ ɨŋ-bandi kalɨn̰ ma ka-canɨ woyge nee bɨ. Ɨŋ-bandi kalɨn̰ ma ɨŋ orɨn̰ dan̰ asɨgarn̰əŋ ga ɨŋ som cayge bɨ. Hɨn̰ gɨ ɨŋ na yan̰ gɨ pɨna hɨn̰: “Ɨra!” Na ban or bɨ; ɨŋ na yan̰ gɨ ɗaŋ hɨn̰: “Jɨge!” Na ban jɨga bɨ! Bɨ ɨŋ na yan̰ dan̰ guyɔŋ hɨnge “laa hɨnga ga kɛ” na, ban lee bɨ.»
9Kɨɗɨn̰ ga Jesu je kɔl gɨ da ba-cay asɨgarn̰əŋ ga aru gɨ nee le na, kɔl kayi yɔd. Bɨ ban pɨlɨn̰ sol dɨmdɨrdi kalaŋ ga kobɨge kardi le bɨ yege hɨn̰: «Aŋ yəgɨŋ daa waŋ na cɨndi, a te wɨn̰je gɨ da Ɨsɨrayɛl gɨŋ kalɨn̰ ma ɨŋ waa ungo pɨna wo̰ gɨ aye kudurɔ koyi gɨlɨn̰ hɨn̰ wo̰ le naŋ.» 10Kɨɗɨn̰ ga ka-pogɨn̰ii le jɨgage a da gumu gɨ da asɨgarn̰əŋ le na, kan wayge guyɔŋ koyi le gusi woy kalɨn̰ caŋ caŋ.
Jesu lɨbɨ kuroŋ marɨna gɨ ma
11Wɔlɛ gɨ pɨna wo̰ kardi nee na, Jesu or a cay ƴaa-di-gumu di tooge Nayin, ka-aye-cay-tɨbayi dan̰ dɨmdɨrdi kalaŋ beeyige. 12Kɨɗɨn̰ ga Jesu baa mɨnde dan̰ babɨ gɨ a kɨbɨ cay ƴaa-di-gumu le na, ban sol tɨmay ungo gɨ kan orɨn̰ danayi kɨya ɨmgii. Ban gɨ ma le, na kuroŋ gɨ pɨna hayi kəɗ kəɗ kobɨ ƴoyi. Ƴoyi le na tama di kudurɔ ma. Dɨmdɨrdi kalaŋ ga a cay ƴaa-di-gumu di nee le booge. 13Kɨɗɨn̰ ga Ba-gulɔŋ Jesu ba sol tama le na, cɨndo leeyi cɨn̰-n̰age bɨ, ban yoo hɨn̰: «Ɨle naŋ ɨni.» 14Ban sɨygɨ mɨnde bɨ, ɨsɨbɨ gasɨlaŋ jala ga kan ayɨn̰ge tɨma le, kalaŋ ga ka-aye tɨma le ɨrege dugo ɨni na, Jesu ye hɨn̰: «Marɨna, ɨŋ ay nonɨ bɨn̰ saa da.» 15Bɨ ga ma, kuroŋ marɨna gɨ ma le de say som daa bɨ ye kɔl. Kɨɗɨn̰di ga nee gaŋ le bɨ, Jesu ƴom kobi bɨn̰ ƴoyi. 16Kan nɔm turnoyge gɨre kayaŋ bɨ hɨramge Kumu yege hɨn̰: «Ba-yɔɔ-kɔl-gɨ-Kumu-ba-yɔɔ gɨ gumu gɨ pɨna caga duroyni kɛ!» Bɨ kan yege ɗaŋ coŋ hɨn̰: «Kumu ɨrga jɨbɨ te kalaŋ kayi!» 17Hɨnga ga Jesu ba lee le, koldɨge ye gon̰ kɨɗɨn̰ a cay ƴaa di Jude dɨŋ bɨ, a cay ƴaa ga gɨmdəŋ ga durdi nee durdi nee bɨ.
Jesu gɨlɨn̰ kalaŋ kɔl gɨ ojɨ cay Ja̰ ba-lɔɔ batɛm
(Matɨyo 11:2-19)
18Ka-aye-cay-tɨbay Ja̰ ɨrgage yen̰ Ja̰ kol hɨnga nɔm ga lee hundɔrɔ ga Jesu ba lee le. Ban te ka-aye-cay-tɨbayi sɔɔ duroy kamdɨge 19bɨ, ban gɨyge gusi Ba-gulɔŋ Jesu ɗe na ɨngɨriige sol: «Kɛ, ji na ban gɨ Kumu gɨygi le wala, ojɨ gɨ ni gama na ungo gɨ ɗaŋ ga?» 20Kɨɗɨn̰ ga ka-aye-cay-tɨbay Ja̰ bugoŋge gusi Jesu ɨni na, kan yeyge hɨn̰: «Na Ja̰ ba-lɔɔ batɛm ba gɨygɨni gusɨn̰ ɗe ani na ɨngɨrɨn̰ sol: “Kɛ Ji naa ban gɨ Kumu gɨygi le wala, ojɨ gɨ ni na gama naa ungo gɨ ɗaŋ ga?”» 21Kɨɗɨn̰di ga nee gaŋ le bɨ, Jesu poɗɨ kalaŋ ka-modoŋ bɨ kan ga turnɔ ga ɨsɨndəŋ gɨlge-cɨn̰ bɨ, ka-bɨbe dan̰ kondige solge kɨɗɨn̰ nee bɨ. 22Bɨ ga ma ban jɨga dɨbɨn̰ ka-aye-cay-tɨbay Ja̰ cay nee yege hɨn̰: «Ɨragɨŋ dɨran̰gɨŋ Ja̰ kol hɨnga ga kɨŋ ba sol dan̰ cɨndɨgɨŋ bɨ, dan̰ ga kɨŋ ba je dan̰ sɨmaygɨŋ bɨ: Ka-bɨbe solge kɨɗɨn̰ bɨ, ka-modoŋ orge daa osɨ kəŋ kəŋ bɨ, ka-mada kalɨn̰ ma mada toge duroŋ gusɨge bɨ, kalaŋ ga sɨmayge ja kɔl naŋ kalɨn̰ ma jege kɔl bɨ, kalaŋ ga mage kalɨn̰ ma boyge lɨbɨ bɨ, Kɔl-gɨ-Ɗari le kalɨn̰ ma kan tee bɛrnɛ di bɨn̰ kan ga hɨnga wɔɔdɨge unɔ bɨ. 23Tumoy wolwa woy kɨya cay ungo gɨ ɨŋ narayi bɔgɛ kuduroy a cay Kumu naŋ.»
24Kɨɗɨn̰ ga kan ga Ja̰ ba gɨyge le jogɨge na, Jesu ay te yɔ kɔl gɨ ojɨ cay Ja̰ bɨn̰ dɨmdɨrdi kalaŋ le yege hɨn̰: «Kɨɗɨn̰ ga kɨŋ baga a duroy dal dɨŋ le kɛ, kɨŋ ɨrɨm hɨn̰ gɨ kɨŋ na kɨya sɔlɛ naa ungo gɨ mɨna ga? Ungo gɨ gɨlɨn̰ hɨn̰ hɛɗɨmɛ ga kal ye ma lamge wo̰ ga? Naŋ! 25Ɨni na, kɨŋ baga sɔlɛ na wa ga? Kɨŋ baga sɔlɛ na ungo gɨ tobɨ badɨge ga jɨran̰de ga? Ama sɨlagɨŋ, kalaŋ ga tobɨge badɨge ga jɨran̰de bɨ, somge a duroy ɗarwa dɨŋ bɨ le, woyge na duroy ƴaa tɨrɨmbala dɨŋ. 26Kɨŋ baga sɔlɛ na wa coŋ ga? Kɨŋ gey sɔlɛ na ba-yɔɔ-kɔl-gɨ-Kumu-ba-yɔɔ. Aŋ yəgɨŋ! Kɨŋ sol ungo gɨ ɗɨn̰ ba-yɔɔ-kɔl-gɨ-Kumu-ba-yɔɔ. 27Kɨya gɨ Ja̰ le na ban gɨ Kumu ye koldi duroy magtubu toyi dɨŋ ye hɨn̰:
“Sɨla! Ɨŋ kɨya gɨye ba tɔgɛ bɛrnɛ hɨnge tumon̰,
Ban ba kɨya n̰ane gɨyəŋ kon̰ tumon̰.”#7:27 Ayge na duroy: Malachie 3:1.»
28Jesu jɨga yege ɗaŋ coŋ hɨn̰: «Aŋ yəgɨŋ daa waŋ. Duroy kalaŋ ga kandɨ ba wooge le ungo gɨ ba ɗɨn̰ Ja̰ unɔ. Ama naa hɨn̰ wo̰ kalɨn̰ ma, kɨye gɨ n̰əŋ boy dɔɔ-ƴaa di da Kumu dɨŋ le ɗii.
29«Kalaŋ nɔm dan̰ ka-hɔgɛ lambo ga ba ɨrege nee jege kɔl gɨ da Ja̰ le, solge Kumu leen̰ ungo gɨ dan̰ durɔ. Na hɨn̰ wo̰ ma kan ɗege Ja̰ leege batɛm. 30Ama Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis kan̰ge gɨ Ja̰ na laage batɛm, kan̰in̰ge hɨnga ga Kumu ojɨ kol cayge.
31«Kɛ, na wa ma maŋ kɨya yɔ gɨsɨn̰ dan̰ kalaŋ ga haw kɛ le ga? Kan gɨlɨn̰ge na dan̰ waŋ ga? 32Kan le, gɨlɨn̰ge na dan̰ karɨn̰aŋ ga dayge gusɨge somɨn̰ a gɛgɛr gɨŋ bɨ, teen̰ge kamdɨge yen̰ge hɨn̰: “Ni lɨm tɛgɛ di ni sɔɔ kalɨn̰ ma, magɨŋ kan̰ sɔɔ cay nee bɨ, ni de kɨra gɨ ni n̰age kalɨn̰ ma, magɨŋ kan̰ ɨle cay nee bɨ.” 33Kɨya wa Ja̰ ba-leen̰ kalaŋ batɛm le, ɨrga ama da mapa naŋ bɨ, sa cɛrɛ di suru gɨ man̰i naŋ bɨ, kalɨn̰ ma magɨŋ yeyi hɨn̰: “Ban le, na orɨn̰ dan̰ turnɔ di ɨsɨni.” 34Ama kɨɗɨn̰ ga ɨŋ-bandi Kurɨn̰-ungo ɨŋ bugoŋ na, ɨŋ dii bɨ, ɨŋ sii bɨ, naa hɨn̰ wo̰ kalɨn̰ ma magɨŋ ye hɨn̰: “Sɨlagɨŋ! Ba dɔɔ dɔɔ bɨ, ba-sɔɔdɔ cɛrɛ kɔydin̰ bɨ, ba-ƴɔmɛ pɔgɨn̰ɛ dan̰ kalaŋ ka-hɔgɛ lambo bɨ, dan̰ ka-lɔɔ ɨsɨna bɨ.” 35Ama kalaŋ ga ba beege kuduroyge cay cɨn̰-muɗɔlɛ di da Kumu na, kan solge cɨn̰-muɗɔlɛ di nee le, leen̰ gɨyəŋ gɨ dan̰ durɔ.»
Jesu ɗe kuduroyi jal cay tama di ɗe-lɔɔ ɨsɨna
36Parɨsɨn̰a gɨ pɨna wo̰, mol Jesu ɗe ban na or dɔɔ hɨnga danayi. Bɨ Jesu or a da Parɨsɨn̰a le, or sɔmɛ danayi kɨbɨ dɔɔ gɨŋ dugo dan̰ bordi goɗɨn̰ gondi jɨn̰ kardi. 37Bɨ ga ma a cay ƴaa-di-gumu di nee le, tama di pɨna ɗe-lɔɔ ɨsɨna som nee. Kɨɗɨn̰ ga hɨndi je gɨ Jesu na som a da Parɨsɨn̰a le, hɨndi or aye dan̰ karɨn̰ kumbulu ga kan leege na dan̰ garma gɨ kan teeyige Albatɨr walɨn̰ dan̰ ɨdɨr daa. 38Ɨrgan̰ ɨrɨn̰ kardi Jesu jɨn̰ tɨbayi. Hɨndi ɨle, ɗe kaŋdi cɨndo bugoŋ cay tɨbayi dɨŋ. Ɨni na, hɨndi hande cay tɨbayi dan̰ teɗi caa bɨ, uye cay tɨbay bɨ, jɨga n̰ɨre ɨdɨr nee.
39Kɨɗɨn̰ ga Parɨsɨn̰a gɨ ba mɔlɛ Jesu sol hɨnga ga nee le na, ban ɨrɨm kuduroyi hɨn̰: «Hɨn̰ gɨ ungo gɨ nee le, naa ba-yɔɔ-kɔl-gɨ-Kumu-ba-yɔɔ leen̰ cɨndi na, ban ni kɨya sɔlɛ tama di ɗe əsɨbi le gɨye-lɔɔdo bɨ, ni kɨya sɔlɛ hɨn̰ gɨ naa tama di ɗe-lɔɔ ɨsɨna bɨ.» 40Jesu ay kɔl yen̰ Parɨsɨn̰a le hɨn̰: «Simo ɨŋ orɨn̰ dan̰ kɔl gɨ ni yon̰.» Simo dɨbii cay nee yeyi hɨn̰: «Ho’o, ba-gɨlɨn̰ kalaŋ kɔl, ya kɔl kon̰ le!»
41Bɨ Jesu yeyi hɨn̰: «Ungo gɨ pɨna wo̰ orɨn̰ dan̰ tugɨla toyi a cay kalaŋ sɔɔ. Gɨ pɨna obɨ gursu di ɓal cay kobɨ ba-lɔɔ gɨye gɨ ni wɔlɛ aru bay bɨ, gɨ ɗaŋ toyi ɓal toy bay bɨ. 42Kɨɗɨn̰ ga kan ɓala dɔrɛ tugɨla le cayge naŋ na, ban dor tugɨla le cayge sɔɗɨmɔŋ. Ma kɛ a boy ɨrɨme kon̰ gɨŋ na, na gɨ ani ba kɨya ƴɔmɛ wandɨ tɔgɨ ga?» 43Simo dɨbii cay nee yeyi hɨn̰: «Ɨŋ ɨrɨm hɨn̰ gɨ na ban gɨ tugɨla toyi ba ɗɨn̰ mɨgayi le.» Jesu yey hɨn̰: «Ji boy duroy kɔl le na nee han̰.»
44Ɨni na, ban pɨlɨn̰ sol tama le bɨ, yen̰ Simo hɨn̰: «Ji sol hɨnga ga tama ba le lee han̰ ga? Na a tan̰ maŋ ɨrga ma man̰ bəŋ kaŋ pɨlɨn̰ tɨbanɨ naŋ, ama hɨndi le, pɨl tɨbanɨ dan̰ kaŋdi cɨndo bɨ, hande dan̰ teɗi caa bɨ. 45Ji yalaŋ ƴɨmaŋ gasbin̰ naŋ, ama hɨndi le ay toy gɨ ɨŋ bugoŋ a tan̰ le, hɨndi kan̰a uye tɨbanɨ naŋ. 46Ji bɨgaŋ sɔŋ gɨ ɗo̰ tɨna canɨ mɨlawaŋ naŋ, ama hɨndi le n̰ɨre ɨdɨr cay tɨbanɨ dɨŋ. 47Na hɨn̰ wo̰ ma, aŋ yen̰ daa waŋ: Wandɨ di hɨndi ba lee tɔgɨ le gɨl gɨ Kumu ɗe kuduroyi jal a cay ɨsɨna kɔɔ gɨ kondi le. Ama ban gɨ na laa ɨsɨna dḛ wo̰ ƴɔbɨ na, kɨya ƴɔmɛ wandɨ na dḛ wo̰ ƴɔbɨ dan̰ ban gɨ ba ɗe kuduroy jal a cay ɨsɨna koyi gɨŋ le.»
48Ɨni na, Jesu yen̰ tama le hɨn̰: «Kumu ɗe kuduroyi jal cay ɨsɨna kɛɛ nɔm.» 49Kalaŋ ga kan molge ga ba somge danayi a kɨbɨ dɔɔgɨŋ le ɨrɨmge kuduroyge yege hɨn̰: «Ungo gɨ kɛ le, na waŋ ma or bɨrɨŋ aye ban̰di Kumu kɨya ɗon̰ kuduroyi jalɨwa cay ɨsɨna gɨŋ ga?» 50Ama Jesu yen̰ tama le hɨn̰: «Aye kudurɔ kɛɛ poɗɨne; ɨra dan̰ gusi-dɔbɛ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.