Ebhikorwa bhya Abhatumwa 1
1
Obhutangati
1Omwendwa Tewofiro, mu-kitabho kyani ekya okwamba,#1:1 Mu-kitabho kyani ekya okwamba. Kiyo ni kitabho kya Ruuka. ꞉naakukaamiiye amangʼana goone kutyo ganu Yeesu ꞉aakorere na okwiyigisha, okusooka ku-bhwambiro 2okuyikira orusuku runu ꞉aagegerwe okugenda mu-rwire. Akyari okugegwa, ꞉aasoosiishe amaragiriro ku-bhatumwa#1:2a Bhatumwa. Ringira riingʼana Abhatumwa mu-Mangʼana Amakomeeye. bhaaye bhanu ꞉aariga asorere. ꞉Aabharagiriiye emirimu ginu abhaaja okukora okuturira ku-Mwoyo Omutaakatiifu.#1:2b Mwoyo Omutaakatiifu. Ringira riingʼana rinu mu-Mangʼana Amakomeeye. 3Mu-kabhaga ka nsiku makumi gana okwambira runu ꞉aasuukire, ꞉aariga ˆneeyeresha kiyana ku-bhatumwa bhaaye, ˆnaabheeresha ekimari ati keesha omwoyo, na okubheeyigisha amangʼana ga obhukama bhwa Nyamuwanga.#1:3 Obhukama bhwa Nyamuwanga. Ringira riingʼana rinu mu-Mangʼana Amakomeeye.
4Orusuku rumwi mu-nsiku giyo, bhunu Yeesu ꞉aariga ari amwi na abhatumwa bhayo, ꞉aabharagiriiye ati, “Mwasiga kusooka mu-musi gwa Yerusareemu.#1:4 Yerusareemu. Ringira riingʼana rinu mu-Mangʼana Amakomeeye. Tari mwikare muyomuyo, okuyikira anu muriramira Mwoyo Omutaakatiifu unu Raata ꞉aabharagire okuturira ku-mangʼana gaani. 5Ni kimari ati, Yowana ꞉aabhatiishaga abhaanu mu-manji, nawe nsiku gitari nyafu, emwe omuuja okubhatiisibhwa na Mwoyo Omutaakatiifu.”
Yeesu keemusibhwa okugenda mu-rwire
6Mmbe, bhunu abhatumwa bhayo ꞉bhaariga bhari amwi na Yeesu, mbamubhuusha ati, “Angu Raatabhugenyi, akabhaga kanu niko owusubhisisha-mo Abhaijirayeeri obhukama bhwebhwe?” 7Yeesu ˆnaabhabhwira ati, “Gitari mirimu gyemwe okumenya amabhaga ga amangʼana gayo, kwa okubha ni Raata omwene era ku-bhuturo bhwaye niwe kaaramura ati garibha-wo rusukuki. 8Nawe omuuja okuramira amanaga, Mwoyo Omutaakatiifu akamara okubhaaja-ko. Okwambira ayo muribha bhaaiki bha amangʼana gaani Yerusareemu anu, mbaara gyone kutyo egya Ebhuyawudi, na Samaariya, okuyikira ku-bhuteero bhwa ekyaro.”
9Bhunu Yeesu ꞉aamarire okubhwira abhatumwa bhaaye amangʼana gayo, enu bhoone mbamuringiraga, mbataka era ˆneemusibhwa okugenda mu-rwire. ˆNaabhurira mu-meere, ꞉bhataamurorere kweki. 10Bhunu ꞉bhaariga bhakyaragamiiye ku-rwire, mbataka era bhaanu bhabhiri bharume mbayambaara ayeeyi nabho. Abhaanu bhayo ꞉bhaariga bhafwaye ngibho nyeru pee! 11Kimwi mbabhwira abhatumwa bhayo ati, “Abhaanu bha Gariraaya emwe, ndora muyambaaye enu muragamiiye ku-rwire? Yeesu aagegwa okusooka kw-imwe okuja mu-rwire, kutyo mwamurora ˆnaagenda mu-rwire, nikwo kutyokutyo arisubha.”
Matiiya kaasorwa okubha omutumwa
12Kimwi abhatumwa mbasubha Yerusareemu okusooka ku-kiima kinu ꞉kyabhirikirwaga ati, ekya Emijeyituuni. Okuja Yerusareemu ꞉yaariga iri muna rugendo rwa kiromiita yimwi kutya. 13Anu ꞉bheengiiye mu-musi, mbagenda mbariinya mu-kyumba kya ku-ngereka munu ꞉bhaariga mbeekara. Ganu nigo amasiina ga abhatumwa bhayo, Peetero, Yowana, Yakobho, Andereya, Firipo, Tomaaso, Bhatoromayo, Mataayo, Yakobho wa Arufwayo, Simooni owumwi wa mu-bhaanu bha ekyama kya Abhajeroti,#1:13 Simooni owumwi wa mu-bhaanu bha ekyama kya Abhajeroti. Simooni ꞉aariga ari na amasiina gabhiri, erya okwamba Simooni Omujeroti, erindi ni Simooni Omukananaayo. Amasiina ganu ꞉bhaabhirikiraga omuunu unu ꞉aariga arwanire riiremo rya okunyoora obhwiyagaaro okusooka mu-bhutungi bhwa Ekiruumi. na Yuuda wa Yakobho. 14Abhatumwa bhayo bhoone kutyo ꞉bhaariga mbasangira amwi ayo okusaasaama Nyamuwanga, bhari na mugambirano gumwi, mu-bhayo ꞉bhaasangiraga ayo, ꞉aariga arimo na Maryamu nyira Yeesu, abhagasi abhandi, na bhaawaamuwaabho Yeesu.
15Mu-kabhaga kayo, obhukumi bhwa abheeyigira bha Yeesu ꞉bhwariga mbuyika muna bhaanu egana rimwi na makumi gabhiri kutya mw-isangisho muyo. Niwe Peetero ˆnaayambaara agati weebhwe, 16ˆnaabhabhwira ati, “Abhayiiri bhaani, amangʼana ganu ꞉gaakaamirwe mu-Makaamo Amataakatiifu ngaaikiraga Yuuda, ꞉gaariga geesire okukuumira. Mwoyo Omutaakatiifu ꞉aaikire amangʼana ganu okuturira ku-Dawudi#1:16 Dawudi. Ringira riingʼana rinu mu-Mangʼana Amakomeeye. ˆnaaikiraga Yuuda. Yuuda niwe ꞉aatangasiishe abhaanu bhagwate Yeesu. 17Omwene woone ꞉aariga ari mutumwa weejaasu, kwa okubha woone ꞉aariga asorerwe okukora emirimu ginu.”
18Giiyera ginu Yuuda ꞉aaramiiye bhunu ꞉aariiye injeejemo ˆnaagura Yeesu, ꞉aagurire riisambu. Mw-isambu muyo nimwo ˆnaagwa bhwifumbike, inda yaaye niyatika, na amara goone kutyo ngaweera ansi.#1:18 Ringira Mataayo 27:3-8. 19Amangʼana ga iingʼana iyo ngaswerana ku-bheekasi bhoone kutyo abha Yerusareemu. Ku-gayo abheekasi bha Yerusareemu mu-nyaaika yeebhwe,#1:19 Nyaaika yeebhwe. Ekiyaraamu, ni nyaaika ya Abhayawudi. mbatoga riisambu riyo riisiina ati, Yekeri Dama. Na insonga yeende-ko ni Esambu rya Amaanyinga.
20Mmbe, Peetero ˆnaagenderera ˆnaaikaga ati, “Amangʼana ganu ꞉gaakaamirwe mu-kitabho kya Ijabhuri ngaaikiraga Yuuda nigo ganu ati,
‘Iinyumba yaaye isige okubha-mo abhaanu,
na, aasiga kubha-wo omuunu wa okwikara-mo.’#1:20a Ringira Ijabhuri 69:25.
“Kweki ikaamirwe ati,
‘Omurimu gwaye ogwa okutangasha,
ayaanwe omuunu owundi.’#1:20b Ringira Ijabhuri 109:8.
21“Okuriingʼaana na amangʼana gayo, iisire asorwe omuunu owundi agati weeswe unu kyariga kiri nawe mu-kabhaga koone kutyo kanu Raatabhugenyi Yeesu ꞉aariga ari na eswe, 22okwambira bhunu Yeesu ꞉aabhatiisiibhwe na Yowana okuyikira bhunu ꞉aagegerwe okugenda mu-rwire. Unu araasorwe, eyeendwa aaje abhe mwaiki weejaasu owa amangʼana ga okusuuka kwa Yeesu.”
23Kimwi, mbatogora masiina ga abhaanu bhabhiri. Owumwi ꞉aariga ˆnaatogwa Yuusufu riri esiina rya Ekiyawudi. Riisiina ryaye rya iinogwa ꞉aabhirikirwaga Bharisabha, na Yuusufu unu ꞉aariga ari na riisiina erindi ˆnaatogwa mu-Kiruumi ati Yuusito. Na owa akabhiri, ꞉aariga ˆnaatogwa ati Matiiya. 24Kimwi mbasabha Nyamuwanga mbaaikaga ati, “Raatabhugenyi, ni awe umenyere emitima gya abhaanu bhoone kutyo. Woori, ekikwisaasaama ukyereshe ni wuuya agati wa bhabhiri bhanu unu waasora ati, 25eekarire orubharika rwa emirimu gya obhutumwa ginu Yuuda ꞉aasigire, bhunu ꞉aafuuye ˆnaagenda enu amwisire.” 26Kimwi abhatumwa abhandi mbabhabhumira inkuura. Inkuura niigwira Matiiya, kimwi Matiiya woone ˆnaabharirwa amwi na abhatumwa abhandi ekumi na wumwi.
Currently Selected:
Ebhikorwa bhya Abhatumwa 1: kya
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved
Ebhikorwa bhya Abhatumwa 1
1
Obhutangati
1Omwendwa Tewofiro, mu-kitabho kyani ekya okwamba,#1:1 Mu-kitabho kyani ekya okwamba. Kiyo ni kitabho kya Ruuka. ꞉naakukaamiiye amangʼana goone kutyo ganu Yeesu ꞉aakorere na okwiyigisha, okusooka ku-bhwambiro 2okuyikira orusuku runu ꞉aagegerwe okugenda mu-rwire. Akyari okugegwa, ꞉aasoosiishe amaragiriro ku-bhatumwa#1:2a Bhatumwa. Ringira riingʼana Abhatumwa mu-Mangʼana Amakomeeye. bhaaye bhanu ꞉aariga asorere. ꞉Aabharagiriiye emirimu ginu abhaaja okukora okuturira ku-Mwoyo Omutaakatiifu.#1:2b Mwoyo Omutaakatiifu. Ringira riingʼana rinu mu-Mangʼana Amakomeeye. 3Mu-kabhaga ka nsiku makumi gana okwambira runu ꞉aasuukire, ꞉aariga ˆneeyeresha kiyana ku-bhatumwa bhaaye, ˆnaabheeresha ekimari ati keesha omwoyo, na okubheeyigisha amangʼana ga obhukama bhwa Nyamuwanga.#1:3 Obhukama bhwa Nyamuwanga. Ringira riingʼana rinu mu-Mangʼana Amakomeeye.
4Orusuku rumwi mu-nsiku giyo, bhunu Yeesu ꞉aariga ari amwi na abhatumwa bhayo, ꞉aabharagiriiye ati, “Mwasiga kusooka mu-musi gwa Yerusareemu.#1:4 Yerusareemu. Ringira riingʼana rinu mu-Mangʼana Amakomeeye. Tari mwikare muyomuyo, okuyikira anu muriramira Mwoyo Omutaakatiifu unu Raata ꞉aabharagire okuturira ku-mangʼana gaani. 5Ni kimari ati, Yowana ꞉aabhatiishaga abhaanu mu-manji, nawe nsiku gitari nyafu, emwe omuuja okubhatiisibhwa na Mwoyo Omutaakatiifu.”
Yeesu keemusibhwa okugenda mu-rwire
6Mmbe, bhunu abhatumwa bhayo ꞉bhaariga bhari amwi na Yeesu, mbamubhuusha ati, “Angu Raatabhugenyi, akabhaga kanu niko owusubhisisha-mo Abhaijirayeeri obhukama bhwebhwe?” 7Yeesu ˆnaabhabhwira ati, “Gitari mirimu gyemwe okumenya amabhaga ga amangʼana gayo, kwa okubha ni Raata omwene era ku-bhuturo bhwaye niwe kaaramura ati garibha-wo rusukuki. 8Nawe omuuja okuramira amanaga, Mwoyo Omutaakatiifu akamara okubhaaja-ko. Okwambira ayo muribha bhaaiki bha amangʼana gaani Yerusareemu anu, mbaara gyone kutyo egya Ebhuyawudi, na Samaariya, okuyikira ku-bhuteero bhwa ekyaro.”
9Bhunu Yeesu ꞉aamarire okubhwira abhatumwa bhaaye amangʼana gayo, enu bhoone mbamuringiraga, mbataka era ˆneemusibhwa okugenda mu-rwire. ˆNaabhurira mu-meere, ꞉bhataamurorere kweki. 10Bhunu ꞉bhaariga bhakyaragamiiye ku-rwire, mbataka era bhaanu bhabhiri bharume mbayambaara ayeeyi nabho. Abhaanu bhayo ꞉bhaariga bhafwaye ngibho nyeru pee! 11Kimwi mbabhwira abhatumwa bhayo ati, “Abhaanu bha Gariraaya emwe, ndora muyambaaye enu muragamiiye ku-rwire? Yeesu aagegwa okusooka kw-imwe okuja mu-rwire, kutyo mwamurora ˆnaagenda mu-rwire, nikwo kutyokutyo arisubha.”
Matiiya kaasorwa okubha omutumwa
12Kimwi abhatumwa mbasubha Yerusareemu okusooka ku-kiima kinu ꞉kyabhirikirwaga ati, ekya Emijeyituuni. Okuja Yerusareemu ꞉yaariga iri muna rugendo rwa kiromiita yimwi kutya. 13Anu ꞉bheengiiye mu-musi, mbagenda mbariinya mu-kyumba kya ku-ngereka munu ꞉bhaariga mbeekara. Ganu nigo amasiina ga abhatumwa bhayo, Peetero, Yowana, Yakobho, Andereya, Firipo, Tomaaso, Bhatoromayo, Mataayo, Yakobho wa Arufwayo, Simooni owumwi wa mu-bhaanu bha ekyama kya Abhajeroti,#1:13 Simooni owumwi wa mu-bhaanu bha ekyama kya Abhajeroti. Simooni ꞉aariga ari na amasiina gabhiri, erya okwamba Simooni Omujeroti, erindi ni Simooni Omukananaayo. Amasiina ganu ꞉bhaabhirikiraga omuunu unu ꞉aariga arwanire riiremo rya okunyoora obhwiyagaaro okusooka mu-bhutungi bhwa Ekiruumi. na Yuuda wa Yakobho. 14Abhatumwa bhayo bhoone kutyo ꞉bhaariga mbasangira amwi ayo okusaasaama Nyamuwanga, bhari na mugambirano gumwi, mu-bhayo ꞉bhaasangiraga ayo, ꞉aariga arimo na Maryamu nyira Yeesu, abhagasi abhandi, na bhaawaamuwaabho Yeesu.
15Mu-kabhaga kayo, obhukumi bhwa abheeyigira bha Yeesu ꞉bhwariga mbuyika muna bhaanu egana rimwi na makumi gabhiri kutya mw-isangisho muyo. Niwe Peetero ˆnaayambaara agati weebhwe, 16ˆnaabhabhwira ati, “Abhayiiri bhaani, amangʼana ganu ꞉gaakaamirwe mu-Makaamo Amataakatiifu ngaaikiraga Yuuda, ꞉gaariga geesire okukuumira. Mwoyo Omutaakatiifu ꞉aaikire amangʼana ganu okuturira ku-Dawudi#1:16 Dawudi. Ringira riingʼana rinu mu-Mangʼana Amakomeeye. ˆnaaikiraga Yuuda. Yuuda niwe ꞉aatangasiishe abhaanu bhagwate Yeesu. 17Omwene woone ꞉aariga ari mutumwa weejaasu, kwa okubha woone ꞉aariga asorerwe okukora emirimu ginu.”
18Giiyera ginu Yuuda ꞉aaramiiye bhunu ꞉aariiye injeejemo ˆnaagura Yeesu, ꞉aagurire riisambu. Mw-isambu muyo nimwo ˆnaagwa bhwifumbike, inda yaaye niyatika, na amara goone kutyo ngaweera ansi.#1:18 Ringira Mataayo 27:3-8. 19Amangʼana ga iingʼana iyo ngaswerana ku-bheekasi bhoone kutyo abha Yerusareemu. Ku-gayo abheekasi bha Yerusareemu mu-nyaaika yeebhwe,#1:19 Nyaaika yeebhwe. Ekiyaraamu, ni nyaaika ya Abhayawudi. mbatoga riisambu riyo riisiina ati, Yekeri Dama. Na insonga yeende-ko ni Esambu rya Amaanyinga.
20Mmbe, Peetero ˆnaagenderera ˆnaaikaga ati, “Amangʼana ganu ꞉gaakaamirwe mu-kitabho kya Ijabhuri ngaaikiraga Yuuda nigo ganu ati,
‘Iinyumba yaaye isige okubha-mo abhaanu,
na, aasiga kubha-wo omuunu wa okwikara-mo.’#1:20a Ringira Ijabhuri 69:25.
“Kweki ikaamirwe ati,
‘Omurimu gwaye ogwa okutangasha,
ayaanwe omuunu owundi.’#1:20b Ringira Ijabhuri 109:8.
21“Okuriingʼaana na amangʼana gayo, iisire asorwe omuunu owundi agati weeswe unu kyariga kiri nawe mu-kabhaga koone kutyo kanu Raatabhugenyi Yeesu ꞉aariga ari na eswe, 22okwambira bhunu Yeesu ꞉aabhatiisiibhwe na Yowana okuyikira bhunu ꞉aagegerwe okugenda mu-rwire. Unu araasorwe, eyeendwa aaje abhe mwaiki weejaasu owa amangʼana ga okusuuka kwa Yeesu.”
23Kimwi, mbatogora masiina ga abhaanu bhabhiri. Owumwi ꞉aariga ˆnaatogwa Yuusufu riri esiina rya Ekiyawudi. Riisiina ryaye rya iinogwa ꞉aabhirikirwaga Bharisabha, na Yuusufu unu ꞉aariga ari na riisiina erindi ˆnaatogwa mu-Kiruumi ati Yuusito. Na owa akabhiri, ꞉aariga ˆnaatogwa ati Matiiya. 24Kimwi mbasabha Nyamuwanga mbaaikaga ati, “Raatabhugenyi, ni awe umenyere emitima gya abhaanu bhoone kutyo. Woori, ekikwisaasaama ukyereshe ni wuuya agati wa bhabhiri bhanu unu waasora ati, 25eekarire orubharika rwa emirimu gya obhutumwa ginu Yuuda ꞉aasigire, bhunu ꞉aafuuye ˆnaagenda enu amwisire.” 26Kimwi abhatumwa abhandi mbabhabhumira inkuura. Inkuura niigwira Matiiya, kimwi Matiiya woone ˆnaabharirwa amwi na abhatumwa abhandi ekumi na wumwi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved