Mataayo 20
20
Ekirengekanyo kya abhakosi bha emirimu mw-isambu
1“Na obhukama bhwa mu-rwire obhurengekanyibhwa na ekirengekanyo kinu. ꞉Aariga ariwo omuunu unu ꞉aariga ari na riisambu rya emijabhiibhu, ˆnaamweja mu-ruguru okwagara abhaanu abhayaane emirimu mw-isambu ryaye. 2Bhunu ꞉aabhanyoorere, ˆneekirishaanya nabho abhariye dinaari yimwiyimwi#20:2 Dinaari yimwiyimwi. Iiyera ya Ekiruumi. Mu-nsiku giyo, iidinaari eyimwi ꞉yaariga iri ndiyo ya rusuku rumwi. kw-isuubha erimwi. ꞉Bheejire bheekirishaanya, ˆnaabhasira mw-isambu.
3“Ginsa okuyika esatu, ˆnaagenda mw-igusisho, ˆnaarora-yo abhaanu abhandi bhanu ꞉bhaariga bhatari na mirimu. 4ˆNaabhabhwira ati, ‘Emwe mwone mugende mukore emirimu mw-isambu ryani rya emijabhiibhu. Eniija okubhariya kinu kibheemiiye.’ 5Bhoone mbagenda.
“Mu-mwisi agati kweki, ˆnaasira abhandi mw-isambu bhakore emirimu. Nsa esatu ngitura, ˆnaasira abhandi kweki. 6Nsa ekumi na yimwi keegoro, ˆnaanyookana kweki na abhaanu abhandi bhayambaayega, ˆnaabhabhuusha ati, ‘Kubhaki muyambaaye anu okwambira katondo, mutari na mirimu gyonegyone?’ 7Bhoone mbamusubhya ati, ‘Kitari na muunu wa okukiyaana emirimu.’ Omwene ˆnaabhabhwira ati, ‘Emwe mwone mugende mukore emirimu mw-isambu ryani erya emijabhiibhu.’
8“Bhunu ingeta ꞉yeengiiye, omwene esambu ˆnaabhwira omuyambaasi waaye owa emirimu ati, ‘Bhirikira abhakosi bha emirimu bhoone kutyo, ubhariye. Yaamba okuriya okwamba bhanu bhaasingirira, ukamara uriye bhanu bhaamba emirimu mu-ruguru.’
9“Niwe abhakosi bha emirimu bhanu ꞉bhaambire emirimu keegoro mbaaja, wumwiwumwi ˆnaariywa dinaari yimwi. 10Bhunu abhajuuma bhanu ꞉bhaambire emirimu mu-ruguru ꞉bheejire, ꞉bhaariga mbatoga ati, abheene abhaaja okuriywa okukira abheejaabho bhanu ꞉bhaasingiriiye. Nawe abheene bhoone mbariywa dinaari yimwiyimwi. 11꞉Bheejire bhaariywa egyebhwe, mbaamba okwisigiinyira ku-mwene esambu, 12mbaaika ati, ‘Bhayo bhaakora emirimu nsa yimwi era! Kubhaki waakiriya bhuriingʼaanya nabho, enu eswe kikorere emirimu mikomeeye okwambira katondo na omuumwi gukiweereeye-ko?’
13“Omwene esambu ˆnaasubhya wumwi wa abhakosi bha emirimu bhayo ati, ‘Musaani waani, nitaakuyaana bhitooto. Toga kyeekirishaanya ati enikuriya dinaari yimwi ku-rusuku? 14Gega iidinaari yaawo ugende. Ni anye naaramura okuriya bhanu bhaasingirira, bhuriingʼaanya na awe unu waatangata mw-isambu. 15Angu, nitakutura kukora kutyo eneenda ku-bhiinu bhyani? Amwi awe waabha na orwango anye okubha muyaani?’”
16Niwe Yeesu ku-kumariisha ˆnaaika ati, “Nikwo kutyo, bhanu bhari ku-bhuteero woori anu, bharibha abha okwamba, na abhandi ni bha okwamba woori anu, nawe bharibha bha ku-bhuteero.”
Yeesu kaaikira orwa akasatu okufwa na okusuuka kwaye
(Maariko 10:32-34; Ruuka 18:31-34)
17Mmbe, bhunu Yeesu ꞉aariga ˆnaariinyagisha okuja Yerusareemu, ˆnaaja ku-mbarika na abheeyigira bhaaye ekumi na bhabhiri, ˆnaabhabhwira ati, 18“Mwitegeereshe, woori ekiriinyagisha okuja Yerusareemu. Eyo niyo Omwana wa Adaamu, kaagenda okutuurwa mu-mabhoko ga abhakuru bha bhashengesi na aga abheeyigisha bha ebhiraagiro bhya Musa. Bhayo nibho abhaaja okumuramurira eetwe. 19Abhaaja okumusira ku-bhaanu bhanu bhatari Bhayawudi insonga bhamusangʼaye, bhambume ebhibhooko, bhaakamara bhamusunge ku-musarabha. Nawe orusuku rwa akasatu, Nyamuwanga kaaja okumusuura.”
Omukuru eetuure emwaro
(Maariko 10:35-45)
20Niwe nyiramwene abhamura bha Jebhedaayo ˆnaaja ku-Yeesu ari na abhamura bhaaye bhabhiri, ˆnaamwifukamira, ˆnaamwisaasaama amukorere engʼana rimwi. 21Yeesu ˆnaamubhuusha ati, “Oweenda nikukorereki?” Weeki ˆnaamusubhya ati, “Enisabha usige abhamura bhaani bhanu, bheekare na awe mu-bhukama bhwawo, owumwi ebhuryo, na owundi ebhumosi.”
22Yeesu ˆnaamusubhya ati, “Mutakumenya rinu omusabha. Angu, omutura okunywera ekikombe kya ebhinyansho kinu anye eniija okunywera?”#20:22 Omutura okunywera ekikombe kya ebhinyansho kinu anye eniija okunywera? Insonga ya iingʼana iyo ni kunyanka rwa kutyo omwene kaagenda okunyanka. Mbamusubhya ati, “Yee ekitura.” 23Yeesu ˆnaabhabhwira ati, “Ni kimari omuuja okukinywera ekikombe kinu anye eniija okunywera, nawe okwikara ebhuryo bhwani amwi ati ebhumosi gutari murimu gwani okuramura gayo. Tari bharituurwa-wo bhanu Raata aramarire okutuurira-wo.”
24Abheeyigira abhandi ekumi ꞉bheejire bhoongwa amangʼana gayo, mbabhiiyirirwa abhamura bha Jebhedaayo. 25Niwe Yeesu ˆnaabhabhirikira bhoone kutyo amwi, ˆnaabhabhwira ati, “Mumenyere kujomu ati abhatungi bha ebhyaro abhatunga abhaanu bheebhwe managa, na abhakuru bheebhwe bhayo, abhabhakosha emirimu. 26Nawe gaasiga okubha kutyo kw-imwe. Omuunu woonewoone unu keenda okubha omukuru agati weemwe, niwe abhe omujuuma weemwe. 27Na omuunu woonewoone unu keenda okubha omutangasha agati weemwe, abhe mugaya kw-imwe.#20:27 Ringira Yowana 13:12-17. 28Rwa kutyo Omwana wa Adaamu woone, ꞉ateejire okukorerwa emirimu, tari ꞉eejire okukorera abhaanu, na okusoosha obhurame bhwaye, insonga agombore abhaanu bhaafu.”
Yeesu kaawosha bhawofu bhabhiri
(Maariko 10:46-52; Ruuka 18:35-43)
29Bhunu Yeesu na abheeyigira bhaaye ꞉bhaasookaga mu-musi gwa Yeriko, esangi enene erya abhaanu ndimuseeta. 30Ku-njira inu Yeesu ꞉aariga aturire-ko, ꞉bhaariga bhariko bhawofu bhabhiri bheekaayega ku-mbarika. Mboongwa ati Yeesu kaatura ku-njira iyo, mbaamura obhuraka mbaaika ati, “Ee Raatabhugenyi, Omuyiiri Dawudi,#20:30 Omuyiiri Dawudi. Ringira riingʼana rinu mu-Mangʼana Amakomeeye. nuukifwire ekigongo!” 31Abhaanu abhandi mbabhagonya ati bhajibhire, nawe abheene mbagenderera okwamura obhuraka mbaaikaga ati, “Ee Raatabhugenyi, Omuyiiri Dawudi, nuukifwire ekigongo!”
32Mmbe, Yeesu ˆnaayambaara, ˆnaabhabhirikira, ˆnaabhabhuusha ati, “Omwenda nibhakorereki?” 33Abhawofu bhayo mbamusubhya ati, “Ee Raatabhugenyi, ekyenda kirore!” 34Niwe Yeesu ˆnaabhafwira ekigongo, ˆnaabhakuunʼya ku-meeso geebhwe. Ayoayo, mbarora, mbamuseeta.
Currently Selected:
Mataayo 20: kya
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved
Mataayo 20
20
Ekirengekanyo kya abhakosi bha emirimu mw-isambu
1“Na obhukama bhwa mu-rwire obhurengekanyibhwa na ekirengekanyo kinu. ꞉Aariga ariwo omuunu unu ꞉aariga ari na riisambu rya emijabhiibhu, ˆnaamweja mu-ruguru okwagara abhaanu abhayaane emirimu mw-isambu ryaye. 2Bhunu ꞉aabhanyoorere, ˆneekirishaanya nabho abhariye dinaari yimwiyimwi#20:2 Dinaari yimwiyimwi. Iiyera ya Ekiruumi. Mu-nsiku giyo, iidinaari eyimwi ꞉yaariga iri ndiyo ya rusuku rumwi. kw-isuubha erimwi. ꞉Bheejire bheekirishaanya, ˆnaabhasira mw-isambu.
3“Ginsa okuyika esatu, ˆnaagenda mw-igusisho, ˆnaarora-yo abhaanu abhandi bhanu ꞉bhaariga bhatari na mirimu. 4ˆNaabhabhwira ati, ‘Emwe mwone mugende mukore emirimu mw-isambu ryani rya emijabhiibhu. Eniija okubhariya kinu kibheemiiye.’ 5Bhoone mbagenda.
“Mu-mwisi agati kweki, ˆnaasira abhandi mw-isambu bhakore emirimu. Nsa esatu ngitura, ˆnaasira abhandi kweki. 6Nsa ekumi na yimwi keegoro, ˆnaanyookana kweki na abhaanu abhandi bhayambaayega, ˆnaabhabhuusha ati, ‘Kubhaki muyambaaye anu okwambira katondo, mutari na mirimu gyonegyone?’ 7Bhoone mbamusubhya ati, ‘Kitari na muunu wa okukiyaana emirimu.’ Omwene ˆnaabhabhwira ati, ‘Emwe mwone mugende mukore emirimu mw-isambu ryani erya emijabhiibhu.’
8“Bhunu ingeta ꞉yeengiiye, omwene esambu ˆnaabhwira omuyambaasi waaye owa emirimu ati, ‘Bhirikira abhakosi bha emirimu bhoone kutyo, ubhariye. Yaamba okuriya okwamba bhanu bhaasingirira, ukamara uriye bhanu bhaamba emirimu mu-ruguru.’
9“Niwe abhakosi bha emirimu bhanu ꞉bhaambire emirimu keegoro mbaaja, wumwiwumwi ˆnaariywa dinaari yimwi. 10Bhunu abhajuuma bhanu ꞉bhaambire emirimu mu-ruguru ꞉bheejire, ꞉bhaariga mbatoga ati, abheene abhaaja okuriywa okukira abheejaabho bhanu ꞉bhaasingiriiye. Nawe abheene bhoone mbariywa dinaari yimwiyimwi. 11꞉Bheejire bhaariywa egyebhwe, mbaamba okwisigiinyira ku-mwene esambu, 12mbaaika ati, ‘Bhayo bhaakora emirimu nsa yimwi era! Kubhaki waakiriya bhuriingʼaanya nabho, enu eswe kikorere emirimu mikomeeye okwambira katondo na omuumwi gukiweereeye-ko?’
13“Omwene esambu ˆnaasubhya wumwi wa abhakosi bha emirimu bhayo ati, ‘Musaani waani, nitaakuyaana bhitooto. Toga kyeekirishaanya ati enikuriya dinaari yimwi ku-rusuku? 14Gega iidinaari yaawo ugende. Ni anye naaramura okuriya bhanu bhaasingirira, bhuriingʼaanya na awe unu waatangata mw-isambu. 15Angu, nitakutura kukora kutyo eneenda ku-bhiinu bhyani? Amwi awe waabha na orwango anye okubha muyaani?’”
16Niwe Yeesu ku-kumariisha ˆnaaika ati, “Nikwo kutyo, bhanu bhari ku-bhuteero woori anu, bharibha abha okwamba, na abhandi ni bha okwamba woori anu, nawe bharibha bha ku-bhuteero.”
Yeesu kaaikira orwa akasatu okufwa na okusuuka kwaye
(Maariko 10:32-34; Ruuka 18:31-34)
17Mmbe, bhunu Yeesu ꞉aariga ˆnaariinyagisha okuja Yerusareemu, ˆnaaja ku-mbarika na abheeyigira bhaaye ekumi na bhabhiri, ˆnaabhabhwira ati, 18“Mwitegeereshe, woori ekiriinyagisha okuja Yerusareemu. Eyo niyo Omwana wa Adaamu, kaagenda okutuurwa mu-mabhoko ga abhakuru bha bhashengesi na aga abheeyigisha bha ebhiraagiro bhya Musa. Bhayo nibho abhaaja okumuramurira eetwe. 19Abhaaja okumusira ku-bhaanu bhanu bhatari Bhayawudi insonga bhamusangʼaye, bhambume ebhibhooko, bhaakamara bhamusunge ku-musarabha. Nawe orusuku rwa akasatu, Nyamuwanga kaaja okumusuura.”
Omukuru eetuure emwaro
(Maariko 10:35-45)
20Niwe nyiramwene abhamura bha Jebhedaayo ˆnaaja ku-Yeesu ari na abhamura bhaaye bhabhiri, ˆnaamwifukamira, ˆnaamwisaasaama amukorere engʼana rimwi. 21Yeesu ˆnaamubhuusha ati, “Oweenda nikukorereki?” Weeki ˆnaamusubhya ati, “Enisabha usige abhamura bhaani bhanu, bheekare na awe mu-bhukama bhwawo, owumwi ebhuryo, na owundi ebhumosi.”
22Yeesu ˆnaamusubhya ati, “Mutakumenya rinu omusabha. Angu, omutura okunywera ekikombe kya ebhinyansho kinu anye eniija okunywera?”#20:22 Omutura okunywera ekikombe kya ebhinyansho kinu anye eniija okunywera? Insonga ya iingʼana iyo ni kunyanka rwa kutyo omwene kaagenda okunyanka. Mbamusubhya ati, “Yee ekitura.” 23Yeesu ˆnaabhabhwira ati, “Ni kimari omuuja okukinywera ekikombe kinu anye eniija okunywera, nawe okwikara ebhuryo bhwani amwi ati ebhumosi gutari murimu gwani okuramura gayo. Tari bharituurwa-wo bhanu Raata aramarire okutuurira-wo.”
24Abheeyigira abhandi ekumi ꞉bheejire bhoongwa amangʼana gayo, mbabhiiyirirwa abhamura bha Jebhedaayo. 25Niwe Yeesu ˆnaabhabhirikira bhoone kutyo amwi, ˆnaabhabhwira ati, “Mumenyere kujomu ati abhatungi bha ebhyaro abhatunga abhaanu bheebhwe managa, na abhakuru bheebhwe bhayo, abhabhakosha emirimu. 26Nawe gaasiga okubha kutyo kw-imwe. Omuunu woonewoone unu keenda okubha omukuru agati weemwe, niwe abhe omujuuma weemwe. 27Na omuunu woonewoone unu keenda okubha omutangasha agati weemwe, abhe mugaya kw-imwe.#20:27 Ringira Yowana 13:12-17. 28Rwa kutyo Omwana wa Adaamu woone, ꞉ateejire okukorerwa emirimu, tari ꞉eejire okukorera abhaanu, na okusoosha obhurame bhwaye, insonga agombore abhaanu bhaafu.”
Yeesu kaawosha bhawofu bhabhiri
(Maariko 10:46-52; Ruuka 18:35-43)
29Bhunu Yeesu na abheeyigira bhaaye ꞉bhaasookaga mu-musi gwa Yeriko, esangi enene erya abhaanu ndimuseeta. 30Ku-njira inu Yeesu ꞉aariga aturire-ko, ꞉bhaariga bhariko bhawofu bhabhiri bheekaayega ku-mbarika. Mboongwa ati Yeesu kaatura ku-njira iyo, mbaamura obhuraka mbaaika ati, “Ee Raatabhugenyi, Omuyiiri Dawudi,#20:30 Omuyiiri Dawudi. Ringira riingʼana rinu mu-Mangʼana Amakomeeye. nuukifwire ekigongo!” 31Abhaanu abhandi mbabhagonya ati bhajibhire, nawe abheene mbagenderera okwamura obhuraka mbaaikaga ati, “Ee Raatabhugenyi, Omuyiiri Dawudi, nuukifwire ekigongo!”
32Mmbe, Yeesu ˆnaayambaara, ˆnaabhabhirikira, ˆnaabhabhuusha ati, “Omwenda nibhakorereki?” 33Abhawofu bhayo mbamusubhya ati, “Ee Raatabhugenyi, ekyenda kirore!” 34Niwe Yeesu ˆnaabhafwira ekigongo, ˆnaabhakuunʼya ku-meeso geebhwe. Ayoayo, mbarora, mbamuseeta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved