Mataayo 27
27
Yeesu kaasirwa ku-Piraato
(Maariko 15:1; Ruuka 23:1-2; Yowana 18:28-32)
1꞉Bhweejire bhwakya, abhashengesi abhakuru bhoone kutyo na abhakaruka bha Abhayawudi mbaaikana kutyo bhareete Yeesu. 2Niwe mbamubhoya, mbamusira ku-mutungi wa Ekiruumi unu ꞉aariga ˆnaatogwa Piraato.
Yuuda keenyiga
(Ebhikorwa bhya Abhatumwa 1:18-19)
3Mmbe Yuuda, omuri wa injeejemo wurya, ꞉eejire aarora ati Yeesu aaramurirwa ati eetwe, ˆneeyungwa kubhiibhi muno. ˆNaagega giiyera amakumi gasatu ganu ꞉bhaamuyaaye, ˆnaagisubhya ku-bhashengesi abhakuru na abhakaruka bha Abhayawudi. ˆNaabhabhwira ati, “ˆNaakaya okurya injeejemo omuunu unu atari na kikayo kyonekyone eetwe.” 4Nawe abheene mbamusubhya ati, “Gayo ni gaawo omwene, eswe gatakukisaasa.”
5Niwe Yuuda ˆneesa giiyera giyo mw-iyekaru rya Nyamuwanga, ˆnaasooka ayo, ˆnaagenda okwinyiga.
6Abhashengesi abhakuru mbarora giiyera giyo, mbaaika ati, “Okuriingʼaana na ebhiraagiro bhya Musa, itari kujomu okusaasha giiyera ginu na giiyera gya riiyekaru rya Nyamuwanga, kwa okubha ginu giriyirwe ku-nsonga ya okwita omuunu.” 7Mmbe, mbaaikana kimwi mbaramura okugigura riisambu rya ekibhumba insonga bhabhiikirega-mo abhaanu bhanu bhatari Bhayawudi. 8Ku-nsonga iyo, riisambu riyo eritogwa Riisambu rya Amaanyinga na reero.
9Niwe riingʼana rinu omuragi Yeremiya ꞉aakaamire ndikuumira ati, “꞉Bhaagegere giiyera makumi gasatu, bhuyo ꞉bhwariga bhuri bhugusi bhwa omuunu uyo, bhunu Abhaijirayeeri abharebhe ꞉bheekirishaanyiishe. 10Mbagura riisambu rya ekibhumba, rwa kutyo Raatabhugenyi ꞉aandagiriiye.”#27:9-10 Ringira Jaakariya 11:12-13; Yeremiya 19:1-13, 32:6-9.
Yeesu kaasitaakibhwa ku-Piraato
(Maariko 15:2-15; Ruuka 23:2-3, 23:18-25; Yowana 18:29–19:16)
11Niwe Yeesu ˆnaayambaara imbere ku-mutungi wa Ekiruumi. Omutungi uyo ˆnaamubhuusha ati, “Angu, ni awe omukama wa Abhayawudi?” Yeesu ˆnaamusubhya ati, “Ni awe owaaika.”
12Nawe bhunu abhashengesi abhakuru na abhakaruka bha Abhayawudi ꞉bhaamusitaakyaga, Yeesu ꞉ataabhasubhiishe ryoneryone. 13Niwe Piraato ˆnaamubhuusha ati, “Amangʼana gayo goone kutyo abhakusitaakya utakugoongwa?” 14Nawe Yeesu ꞉ataasubhiishe esitaakyo na rimwi. Piraato ˆnaaruguura muno.
15Akatungiiye ka omutungi wa Ekiruumi, ku-mwaka mu-nsikukuru ya Ipaasaka, ꞉eeguriraga omubhoywa owumwi unu abhaanu ꞉bheendaga. 16Ku-kabhaga kayo, ꞉aariga ariwo omubhoywa wumwi unu ꞉aariga ˆnaatogwa Bharabha. Omubhoywa uyo ꞉aariga akumukire muno. 17Mmbe, bhunu abhaanu ꞉bhaariga bheekumanyiishe ayo, Piraato ˆnaabhabhuusha ati, “Omwenda niigurire wuuya, ku-bhabhoywa abhabhiri bhanu? Omwenda Bharabha, amwi ati Yeesu unu kaabhirikirwa ati Kiriisitu?” 18Piraato ꞉aabhabhuusiishe kutyo, kwa okubha ꞉aariga amenyere ati, ni rwango era nirwo ꞉rwakoraga abhatangasha bha Abhayawudi mbasitaakya Yeesu.
19Mmbe, bhunu Piraato ꞉aariga eekaaye ku-kitebhe kyaye kiyo ekya indamuro, mukaaye ˆnaamusirira amangʼana ati, “Waasiga okukorera omuunu uyo ebhiibhi ryoneryone, atari na kikayo, kwa okubha naanyanka muno ingeta ya reero mu-kirooto, ku-nsonga yaaye.”
20Nawe abhashengesi abhakuru, na abhakaruka bha Abhayawudi, mbakongya abhaanu bhasabhe Piraato abheegurire Bharabha, na aramurire Yeesu eetwe.
21Niwe Piraato ˆnaabhabhuusha kweki ati, “Omwenda nibheegurire wuuya ku-bhabhoywa abhabhiri bhanu?” Mbamusubhya ati, “Ekyenda ukiigurire Bharabha!” 22Piraato ˆnaabhabhuusha kweki ati, “Mmbe, Yeesu unu kaabhirikirwa Kiriisitu nimukorereki?” Abhaanu bhoone kutyo mbamwaya mbaaika ati, “Musunge ku-musarabha!” 23Piraato ˆnaabhabhuusha kweki ati, “Ku-nsongaki? Unu akorere kikayoki?” Nawe abheene mbagenderera okumwaya mbaaika ati, “Musunge ku-musarabha!”
24Mmbe Piraato ꞉eejire aarora inkungu niyamba, ˆnaamenya ati atakutura okuyindura kyonekyone, ˆnaagega amanji ˆneesaabha amabhoko gaaye abhaanu mbaroraga. ˆNaabhabhwira ati, “Anye nitari na kikayo ku-maanyinga ga omurengeresi unu. Mugarore emwe abheene!” 25Abhaanu bhoone kutyo mbamusubhya ati, “Raabhe ni kikayo, kiyo kibhe kw-iswe na ku-bhaana bheeswe!”
26Niwe Piraato ˆneegurira Bharabha, na bhunu abhasirikare bhaaye ꞉bhaamarire okubhuma Yeesu ebhibhooko, Piraato ˆnaabhayaana insonga bhamusunge ku-musarabha.
Abhasirikare abhasangʼayira Yeesu
(Maariko 15:16-20; Yowana 19:2-3)
27Niwe abhasirikare bha omutungi wa Ekiruumi mbagega Yeesu, mbamusira mu-nyumba eya ekikama. Abhasirikare abhandi bhoone kutyo mbasangira ayo, mbeeyinda Yeesu. 28Mbafuura Yeesu gingibho gyaye, mbamufwafya ingibho inkangaaru eya ekikama. 29Mbasinga orusuurya rwa amawa, mbamufwafya ku-mutwe, mbamugwatya omuyere mu-kubhoko kwaye okuryo, mbamwifukamira mbamusangʼaya mbaaika ati, “Kasinge omukama wa Abhayawudi!” 30Mbamara mbamufubhurira, mbagega omuyere gunu ꞉bhaamugwatiishe mu-kubhoko mbamubhumaga nagwo ku-mutwe. 31Bhunu ꞉bhaamarire okumusangʼaya mbamufuura inkanju irya, mbamufwafya gingibho gyaye kweki. Mbamusira okumusunga ku-musarabha.
Yeesu kaasungwa ku-musarabha
(Maariko 15:21-32; Ruuka 23:26-43; Yowana 19:17-27)
32Bhunu ꞉bhaariga mbasooka Yerusareemu, mbanyookana na omuunu wumwi unu ꞉aariga ˆnaatogwa Simooni. Simooni uyo, ꞉aariga ari mwikasi wa mu-musi gwa Kureene. Mmbe abhasirikare bhayo mbamusiiga agege omusarabha gwa Yeesu. 33Kimwi mbayika anu ꞉aatogwaga Gorigota. Insonga ya Gorigota ni kiima kinu ꞉kyasusanaga na ekiyanga. 34Mbayaana Yeesu iidivaayi inu ꞉yaariga isaasiibhwe-mo induru.#27:34 Ringira Ijabhuri 69:21. Nawe omwene ꞉eejire aayirabha, ˆnaarema okuyinywa. 35Mbamusunga ku-musarabha, mbabhuma inkuura okugabhana gingibho gyaye,#27:35a Mbabhuma inkuura okugabhana gingibho gyaye. ꞉Bhaatuuraga mu-kiinu ebhiti bhinu ꞉bhyariga bhiri na orunyamo amwi ati amagina ganu ꞉gaariga gari na amasiina, insonga abhasirikare bhasore inu ꞉yaagwiraga omuunu. [insonga riingʼana rinu ꞉ryaaikirwe na omuragi rikuumire ati, “꞉Bhaagabheene gingibho gyani, mbabhuma inkuura okuramura niga agege iiya.”]#27:35b ꞉Bhaagabheene gingibho gyani, mbabhuma inkuura okuramura niga agege iiya. Ku-Bharuumi, abhasirikare bhanu ꞉bhaasungaga omukosi wa ebhikayo, ꞉bhaagegaga gingibho gyaye. Ringira Ijabhuri 22:18. 36Mbeekara ayo okumwangarira. 37Emutwe waaye, mbatuura-wo akabhaawu kakaamirwe-ko kinu ꞉kyakorere mbamusunga, ati,
unu ni yeesu omukama wa abhayawudi.
38Kimwi abhasirikare mbasunga bheefi bhabhiri ku-misarabha, ayeeyi na Yeesu, owumwi ebhuryo, owundi ebhumosi bhwaye. 39Abhaanu bhanu ꞉bhaaturaga ayo, ꞉bhaariga bhajeerere Yeesu, mbasingishaga emitwe gyebhwe, mbaaikaga ati, 40“Toga ni awe ꞉waaikire ati owutura okukambura riiyekaru rya Nyamuwanga, umare kweki uryumbake kw-ibhaga rya nsiku esatu era? Mmbe, nwiyerushe omwene! Raabhe uri Mwana wa Nyamuwanga, yiika ku-musarabha!”
41Abhashengesi abhakuru, abheeyigisha bha ebhiraagiro bhya Musa, na abhakaruka bha Abhayawudi bhoone, mbamusangʼaya mbaaika ati, “꞉Aariga ˆneerusha abhandi, nawe atakutura okwiyerusha omwene! 42Raabhe kimari ni Mukama wa Abhaijirayeeri, woori ˆneeke ku-musarabha, eswe kyone kimwikirishe. 43Keesiga Nyamuwanga, ꞉aaikire ati, ‘Anye niri mwana wa Nyamuwanga.’ Mmbe woori, Nyamuwanga ˆnaamwerushe raabhe kimari kaamwenda.” 44Na abheefi bhanu ꞉bhaariga bhasungirwe amwi nawe ku-misarabha, bhoone mbamufuma rwa abhandi kutyo ꞉bhaamufumaga.
Orufu rwa Yeesu ku-musarabha
(Maariko 15:33-41; Ruuka 23:44-49; Yowana 19:28-30)
45Mmbe, okwambira mu-mwisi mw-isuubha rya mu-ruwotoosi, ekyaro kyone kutyo nkibha kisuute okuyikira anu ginsa ꞉gyayikire kenda. 46Bhunu ꞉yaayikire nsa kenda, Yeesu ˆnaamura obhuraka ˆnaarira ati, “Eroyi! Eroyi! Raama sabhakitaani?” Insonga yeende-ko ati, “Nyamuwanga waani! Nyamuwanga waani! Ndora wansiga?”#27:46 Ringira Ijabhuri 22:1.
47Abhaanu bhanu ꞉bhaariga bhayambaaye ayo ꞉bheejire bhoongwa amangʼana gayo, abhandi mbaaika ati, “Unu kaabhirikira Eriya omuragi wa Nyamuwanga.”#27:47 Abhayawudi abhaafu ꞉bhaariga mbeekirisha ati Eriya ꞉ataafuuye, tari Nyamuwanga ꞉aamugegere mu-kyaro ari muworu ˆnaagenda nawe mu-rwire. Na ꞉bhaariga mbarindirira ati, Eriya ariija kweki mu-kyaro. Ringira 2 Abhakama 2:11; Maraaki 4:5. 48Ayoayo, owumwi weebhwe ˆnaabhirima, ˆnaagega riigaafu, ˆnaariina mu-divaayi induru ˆnaarituura ku-muyere, ˆnaayaana Yeesu insonga anywe. 49Nawe abhandi mbaaika ati, “Siga! Kirore raabhe omuragi Eriya kaaja okumwerusha!” 50Niwe Yeesu ˆnaamura obhuraka kweki ˆnaariraga, kimwi ˆnaafwa.
51Mw-iyekaru ꞉rwariga rurimo orugito rwa ingibho,#27:51 Orugito rwa ingibho. ꞉Rwariga nduyinga abhashengesi bhaasiga okwingira orubhaara orutaakatiifu muno, enu obhugungyo bhwa Nyamuwanga ꞉bhweekaraga. Orugito rwa ingibho, orwa iinyumba iitaakatiifu ya Nyamuwanga ꞉rwariga ruri rwa orugito rwa riiwuuna riitaakatiifu mu-kitabho kya Obhungʼaanyi 26:31-33. Ringira riingʼana Riiyekaru mu-Mangʼana Amakomeeye. ayoayo ndutamuka agati mabhaara gabhiri okwambira iiguru nduyika ansi. Riinyamutikima nditura, amatare ngaatika. 52Gimbiiyira ngiisikura, abhataakatiifu#27:52 Abhataakatiifu. Ringira riingʼana rinu mu-Mangʼana Amakomeeye. bhaafu bhanu ꞉bhaariga bhafuuye mbasuuka, 53mbasooka mu-mbiiyira gyebhwe. Bhunu Yeesu ꞉aasuukire, niwe mbeengira mu-musi omutaakatiifu gwa Yerusareemu, abhaanu bhaafu mbabharora.
54Bhunu omukuru wa abhasirikare na bhanu ꞉bhaariga mbaangarira Yeesu ꞉bhaarorere riinyamutikima, na amangʼana ganu ꞉gaabheeye-wo goone kutyo, mboobhaya muno, mbaaika ati, “Kimari, omuunu unu ꞉aariga ari Mwana wa Nyamuwanga!”
55꞉Bhaariga bhariwo bhagasi bhaafu mbaringiraga bhari areera-wo. Abhagasi bhayo ni bhanu ꞉bhaariga mbaseeta Yeesu okusookerera Gariraaya mbamusakiraga. 56Mu-bhagasi bhayo, ꞉bhaariga bharimo bhaaMaryamu Magidarena, Maryamu nyira Yakobho na Yuusufu, na nyira abhamura bha Jebhedaayo.
Okubhiikwa kwa Yeesu
(Maariko 15:42-47; Ruuka 23:50-56; Yowana 19:38-42)
57Bhunu ꞉yaayikire keegoro, omwiyigira owumwi wa Yeesu unu ꞉aariga ˆnaatogwa Yuusufu ˆnaaja. Yuusufu uyo ꞉aariga ari muniibhi ari mwibhurwa wa mu-musi gwa Arimataaya. 58Yuusufu ˆnaagenda ku-Piraato, ˆnaasabha ayaanwe omufu Yeesu. Mmbe, Piraato ˆneekirisha, ˆnaabhwira abhasirikare bhaaye ati, bhagende bhamuyaane. 59Yuusufu ˆnaagega omufu Yeesu, ꞉naamufwafya insanda iinyeru. 60ˆNaamutuura mu-mbiiyira yaaye iinyaaya inu ꞉yaariga iroosiibhwe mw-itare.#27:60 Abhayawudi ꞉bhaariga mbabhiika abhafuuye mu-nsenga, egindi ꞉gyariga gibhaajirwe mu-matare ga mu-bhiima. Kimwi ˆnaasiringisha egina enene ˆnaasibha omuryango gwa imbiiyira, ˆnaagenda. 61Ku-kabhaga kayo koone kutyo, Maryamu Magidarena na Maryamu owundi urya, ꞉bhaariga bheekaaye ayo bharingiiyega ku-mbiiyira.
Abhasirikare abhaangarira imbiiyira
62Mwejo, ꞉yaariga iri Nsabhaato, abhashengesi abhakuru na Abhafarisaayo mbasangira ku-Piraato. 63Mbabhwira Piraato ati, “Ee raatabhugenyi, kyayiita ati bhunu omubheeyi wurya ꞉aariga ari muworu, ꞉aaikire ati, ‘Orusuku rwa akasatu, nirisuuka okusooka mu-bhafuuye.’ 64Woori, ekikusabha uragirire abhasirikare bhaawo bhaangarire imbiiyira mu-nsiku giisatu ginu. Abheeyigira bhaaye bhaasiga okuuja mbamwibha, mbajimya abhaanu ati asuukire okusooka mu-bhafuuye. Bhaakakora kutyo, obhubheeyi bhwebhwe, obhuuja okubha bhubhiibhi muno okukira obhwa okwamba.” 65Piraato ˆnaabhasubhya ati, “Mugege abhasirikare, mugende mwangarire kutyo emwe abheene omwenda.”
66Niwe mbagenda ku-mbiiyira, mbatuura-ko ekibharikisho kw-igina ati omuunu akarisoosha-wo bhamenye. Abhasirikare mbasigara-wo mbaangarira imbiiyira.
Currently Selected:
Mataayo 27: kya
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved
Mataayo 27
27
Yeesu kaasirwa ku-Piraato
(Maariko 15:1; Ruuka 23:1-2; Yowana 18:28-32)
1꞉Bhweejire bhwakya, abhashengesi abhakuru bhoone kutyo na abhakaruka bha Abhayawudi mbaaikana kutyo bhareete Yeesu. 2Niwe mbamubhoya, mbamusira ku-mutungi wa Ekiruumi unu ꞉aariga ˆnaatogwa Piraato.
Yuuda keenyiga
(Ebhikorwa bhya Abhatumwa 1:18-19)
3Mmbe Yuuda, omuri wa injeejemo wurya, ꞉eejire aarora ati Yeesu aaramurirwa ati eetwe, ˆneeyungwa kubhiibhi muno. ˆNaagega giiyera amakumi gasatu ganu ꞉bhaamuyaaye, ˆnaagisubhya ku-bhashengesi abhakuru na abhakaruka bha Abhayawudi. ˆNaabhabhwira ati, “ˆNaakaya okurya injeejemo omuunu unu atari na kikayo kyonekyone eetwe.” 4Nawe abheene mbamusubhya ati, “Gayo ni gaawo omwene, eswe gatakukisaasa.”
5Niwe Yuuda ˆneesa giiyera giyo mw-iyekaru rya Nyamuwanga, ˆnaasooka ayo, ˆnaagenda okwinyiga.
6Abhashengesi abhakuru mbarora giiyera giyo, mbaaika ati, “Okuriingʼaana na ebhiraagiro bhya Musa, itari kujomu okusaasha giiyera ginu na giiyera gya riiyekaru rya Nyamuwanga, kwa okubha ginu giriyirwe ku-nsonga ya okwita omuunu.” 7Mmbe, mbaaikana kimwi mbaramura okugigura riisambu rya ekibhumba insonga bhabhiikirega-mo abhaanu bhanu bhatari Bhayawudi. 8Ku-nsonga iyo, riisambu riyo eritogwa Riisambu rya Amaanyinga na reero.
9Niwe riingʼana rinu omuragi Yeremiya ꞉aakaamire ndikuumira ati, “꞉Bhaagegere giiyera makumi gasatu, bhuyo ꞉bhwariga bhuri bhugusi bhwa omuunu uyo, bhunu Abhaijirayeeri abharebhe ꞉bheekirishaanyiishe. 10Mbagura riisambu rya ekibhumba, rwa kutyo Raatabhugenyi ꞉aandagiriiye.”#27:9-10 Ringira Jaakariya 11:12-13; Yeremiya 19:1-13, 32:6-9.
Yeesu kaasitaakibhwa ku-Piraato
(Maariko 15:2-15; Ruuka 23:2-3, 23:18-25; Yowana 18:29–19:16)
11Niwe Yeesu ˆnaayambaara imbere ku-mutungi wa Ekiruumi. Omutungi uyo ˆnaamubhuusha ati, “Angu, ni awe omukama wa Abhayawudi?” Yeesu ˆnaamusubhya ati, “Ni awe owaaika.”
12Nawe bhunu abhashengesi abhakuru na abhakaruka bha Abhayawudi ꞉bhaamusitaakyaga, Yeesu ꞉ataabhasubhiishe ryoneryone. 13Niwe Piraato ˆnaamubhuusha ati, “Amangʼana gayo goone kutyo abhakusitaakya utakugoongwa?” 14Nawe Yeesu ꞉ataasubhiishe esitaakyo na rimwi. Piraato ˆnaaruguura muno.
15Akatungiiye ka omutungi wa Ekiruumi, ku-mwaka mu-nsikukuru ya Ipaasaka, ꞉eeguriraga omubhoywa owumwi unu abhaanu ꞉bheendaga. 16Ku-kabhaga kayo, ꞉aariga ariwo omubhoywa wumwi unu ꞉aariga ˆnaatogwa Bharabha. Omubhoywa uyo ꞉aariga akumukire muno. 17Mmbe, bhunu abhaanu ꞉bhaariga bheekumanyiishe ayo, Piraato ˆnaabhabhuusha ati, “Omwenda niigurire wuuya, ku-bhabhoywa abhabhiri bhanu? Omwenda Bharabha, amwi ati Yeesu unu kaabhirikirwa ati Kiriisitu?” 18Piraato ꞉aabhabhuusiishe kutyo, kwa okubha ꞉aariga amenyere ati, ni rwango era nirwo ꞉rwakoraga abhatangasha bha Abhayawudi mbasitaakya Yeesu.
19Mmbe, bhunu Piraato ꞉aariga eekaaye ku-kitebhe kyaye kiyo ekya indamuro, mukaaye ˆnaamusirira amangʼana ati, “Waasiga okukorera omuunu uyo ebhiibhi ryoneryone, atari na kikayo, kwa okubha naanyanka muno ingeta ya reero mu-kirooto, ku-nsonga yaaye.”
20Nawe abhashengesi abhakuru, na abhakaruka bha Abhayawudi, mbakongya abhaanu bhasabhe Piraato abheegurire Bharabha, na aramurire Yeesu eetwe.
21Niwe Piraato ˆnaabhabhuusha kweki ati, “Omwenda nibheegurire wuuya ku-bhabhoywa abhabhiri bhanu?” Mbamusubhya ati, “Ekyenda ukiigurire Bharabha!” 22Piraato ˆnaabhabhuusha kweki ati, “Mmbe, Yeesu unu kaabhirikirwa Kiriisitu nimukorereki?” Abhaanu bhoone kutyo mbamwaya mbaaika ati, “Musunge ku-musarabha!” 23Piraato ˆnaabhabhuusha kweki ati, “Ku-nsongaki? Unu akorere kikayoki?” Nawe abheene mbagenderera okumwaya mbaaika ati, “Musunge ku-musarabha!”
24Mmbe Piraato ꞉eejire aarora inkungu niyamba, ˆnaamenya ati atakutura okuyindura kyonekyone, ˆnaagega amanji ˆneesaabha amabhoko gaaye abhaanu mbaroraga. ˆNaabhabhwira ati, “Anye nitari na kikayo ku-maanyinga ga omurengeresi unu. Mugarore emwe abheene!” 25Abhaanu bhoone kutyo mbamusubhya ati, “Raabhe ni kikayo, kiyo kibhe kw-iswe na ku-bhaana bheeswe!”
26Niwe Piraato ˆneegurira Bharabha, na bhunu abhasirikare bhaaye ꞉bhaamarire okubhuma Yeesu ebhibhooko, Piraato ˆnaabhayaana insonga bhamusunge ku-musarabha.
Abhasirikare abhasangʼayira Yeesu
(Maariko 15:16-20; Yowana 19:2-3)
27Niwe abhasirikare bha omutungi wa Ekiruumi mbagega Yeesu, mbamusira mu-nyumba eya ekikama. Abhasirikare abhandi bhoone kutyo mbasangira ayo, mbeeyinda Yeesu. 28Mbafuura Yeesu gingibho gyaye, mbamufwafya ingibho inkangaaru eya ekikama. 29Mbasinga orusuurya rwa amawa, mbamufwafya ku-mutwe, mbamugwatya omuyere mu-kubhoko kwaye okuryo, mbamwifukamira mbamusangʼaya mbaaika ati, “Kasinge omukama wa Abhayawudi!” 30Mbamara mbamufubhurira, mbagega omuyere gunu ꞉bhaamugwatiishe mu-kubhoko mbamubhumaga nagwo ku-mutwe. 31Bhunu ꞉bhaamarire okumusangʼaya mbamufuura inkanju irya, mbamufwafya gingibho gyaye kweki. Mbamusira okumusunga ku-musarabha.
Yeesu kaasungwa ku-musarabha
(Maariko 15:21-32; Ruuka 23:26-43; Yowana 19:17-27)
32Bhunu ꞉bhaariga mbasooka Yerusareemu, mbanyookana na omuunu wumwi unu ꞉aariga ˆnaatogwa Simooni. Simooni uyo, ꞉aariga ari mwikasi wa mu-musi gwa Kureene. Mmbe abhasirikare bhayo mbamusiiga agege omusarabha gwa Yeesu. 33Kimwi mbayika anu ꞉aatogwaga Gorigota. Insonga ya Gorigota ni kiima kinu ꞉kyasusanaga na ekiyanga. 34Mbayaana Yeesu iidivaayi inu ꞉yaariga isaasiibhwe-mo induru.#27:34 Ringira Ijabhuri 69:21. Nawe omwene ꞉eejire aayirabha, ˆnaarema okuyinywa. 35Mbamusunga ku-musarabha, mbabhuma inkuura okugabhana gingibho gyaye,#27:35a Mbabhuma inkuura okugabhana gingibho gyaye. ꞉Bhaatuuraga mu-kiinu ebhiti bhinu ꞉bhyariga bhiri na orunyamo amwi ati amagina ganu ꞉gaariga gari na amasiina, insonga abhasirikare bhasore inu ꞉yaagwiraga omuunu. [insonga riingʼana rinu ꞉ryaaikirwe na omuragi rikuumire ati, “꞉Bhaagabheene gingibho gyani, mbabhuma inkuura okuramura niga agege iiya.”]#27:35b ꞉Bhaagabheene gingibho gyani, mbabhuma inkuura okuramura niga agege iiya. Ku-Bharuumi, abhasirikare bhanu ꞉bhaasungaga omukosi wa ebhikayo, ꞉bhaagegaga gingibho gyaye. Ringira Ijabhuri 22:18. 36Mbeekara ayo okumwangarira. 37Emutwe waaye, mbatuura-wo akabhaawu kakaamirwe-ko kinu ꞉kyakorere mbamusunga, ati,
unu ni yeesu omukama wa abhayawudi.
38Kimwi abhasirikare mbasunga bheefi bhabhiri ku-misarabha, ayeeyi na Yeesu, owumwi ebhuryo, owundi ebhumosi bhwaye. 39Abhaanu bhanu ꞉bhaaturaga ayo, ꞉bhaariga bhajeerere Yeesu, mbasingishaga emitwe gyebhwe, mbaaikaga ati, 40“Toga ni awe ꞉waaikire ati owutura okukambura riiyekaru rya Nyamuwanga, umare kweki uryumbake kw-ibhaga rya nsiku esatu era? Mmbe, nwiyerushe omwene! Raabhe uri Mwana wa Nyamuwanga, yiika ku-musarabha!”
41Abhashengesi abhakuru, abheeyigisha bha ebhiraagiro bhya Musa, na abhakaruka bha Abhayawudi bhoone, mbamusangʼaya mbaaika ati, “꞉Aariga ˆneerusha abhandi, nawe atakutura okwiyerusha omwene! 42Raabhe kimari ni Mukama wa Abhaijirayeeri, woori ˆneeke ku-musarabha, eswe kyone kimwikirishe. 43Keesiga Nyamuwanga, ꞉aaikire ati, ‘Anye niri mwana wa Nyamuwanga.’ Mmbe woori, Nyamuwanga ˆnaamwerushe raabhe kimari kaamwenda.” 44Na abheefi bhanu ꞉bhaariga bhasungirwe amwi nawe ku-misarabha, bhoone mbamufuma rwa abhandi kutyo ꞉bhaamufumaga.
Orufu rwa Yeesu ku-musarabha
(Maariko 15:33-41; Ruuka 23:44-49; Yowana 19:28-30)
45Mmbe, okwambira mu-mwisi mw-isuubha rya mu-ruwotoosi, ekyaro kyone kutyo nkibha kisuute okuyikira anu ginsa ꞉gyayikire kenda. 46Bhunu ꞉yaayikire nsa kenda, Yeesu ˆnaamura obhuraka ˆnaarira ati, “Eroyi! Eroyi! Raama sabhakitaani?” Insonga yeende-ko ati, “Nyamuwanga waani! Nyamuwanga waani! Ndora wansiga?”#27:46 Ringira Ijabhuri 22:1.
47Abhaanu bhanu ꞉bhaariga bhayambaaye ayo ꞉bheejire bhoongwa amangʼana gayo, abhandi mbaaika ati, “Unu kaabhirikira Eriya omuragi wa Nyamuwanga.”#27:47 Abhayawudi abhaafu ꞉bhaariga mbeekirisha ati Eriya ꞉ataafuuye, tari Nyamuwanga ꞉aamugegere mu-kyaro ari muworu ˆnaagenda nawe mu-rwire. Na ꞉bhaariga mbarindirira ati, Eriya ariija kweki mu-kyaro. Ringira 2 Abhakama 2:11; Maraaki 4:5. 48Ayoayo, owumwi weebhwe ˆnaabhirima, ˆnaagega riigaafu, ˆnaariina mu-divaayi induru ˆnaarituura ku-muyere, ˆnaayaana Yeesu insonga anywe. 49Nawe abhandi mbaaika ati, “Siga! Kirore raabhe omuragi Eriya kaaja okumwerusha!” 50Niwe Yeesu ˆnaamura obhuraka kweki ˆnaariraga, kimwi ˆnaafwa.
51Mw-iyekaru ꞉rwariga rurimo orugito rwa ingibho,#27:51 Orugito rwa ingibho. ꞉Rwariga nduyinga abhashengesi bhaasiga okwingira orubhaara orutaakatiifu muno, enu obhugungyo bhwa Nyamuwanga ꞉bhweekaraga. Orugito rwa ingibho, orwa iinyumba iitaakatiifu ya Nyamuwanga ꞉rwariga ruri rwa orugito rwa riiwuuna riitaakatiifu mu-kitabho kya Obhungʼaanyi 26:31-33. Ringira riingʼana Riiyekaru mu-Mangʼana Amakomeeye. ayoayo ndutamuka agati mabhaara gabhiri okwambira iiguru nduyika ansi. Riinyamutikima nditura, amatare ngaatika. 52Gimbiiyira ngiisikura, abhataakatiifu#27:52 Abhataakatiifu. Ringira riingʼana rinu mu-Mangʼana Amakomeeye. bhaafu bhanu ꞉bhaariga bhafuuye mbasuuka, 53mbasooka mu-mbiiyira gyebhwe. Bhunu Yeesu ꞉aasuukire, niwe mbeengira mu-musi omutaakatiifu gwa Yerusareemu, abhaanu bhaafu mbabharora.
54Bhunu omukuru wa abhasirikare na bhanu ꞉bhaariga mbaangarira Yeesu ꞉bhaarorere riinyamutikima, na amangʼana ganu ꞉gaabheeye-wo goone kutyo, mboobhaya muno, mbaaika ati, “Kimari, omuunu unu ꞉aariga ari Mwana wa Nyamuwanga!”
55꞉Bhaariga bhariwo bhagasi bhaafu mbaringiraga bhari areera-wo. Abhagasi bhayo ni bhanu ꞉bhaariga mbaseeta Yeesu okusookerera Gariraaya mbamusakiraga. 56Mu-bhagasi bhayo, ꞉bhaariga bharimo bhaaMaryamu Magidarena, Maryamu nyira Yakobho na Yuusufu, na nyira abhamura bha Jebhedaayo.
Okubhiikwa kwa Yeesu
(Maariko 15:42-47; Ruuka 23:50-56; Yowana 19:38-42)
57Bhunu ꞉yaayikire keegoro, omwiyigira owumwi wa Yeesu unu ꞉aariga ˆnaatogwa Yuusufu ˆnaaja. Yuusufu uyo ꞉aariga ari muniibhi ari mwibhurwa wa mu-musi gwa Arimataaya. 58Yuusufu ˆnaagenda ku-Piraato, ˆnaasabha ayaanwe omufu Yeesu. Mmbe, Piraato ˆneekirisha, ˆnaabhwira abhasirikare bhaaye ati, bhagende bhamuyaane. 59Yuusufu ˆnaagega omufu Yeesu, ꞉naamufwafya insanda iinyeru. 60ˆNaamutuura mu-mbiiyira yaaye iinyaaya inu ꞉yaariga iroosiibhwe mw-itare.#27:60 Abhayawudi ꞉bhaariga mbabhiika abhafuuye mu-nsenga, egindi ꞉gyariga gibhaajirwe mu-matare ga mu-bhiima. Kimwi ˆnaasiringisha egina enene ˆnaasibha omuryango gwa imbiiyira, ˆnaagenda. 61Ku-kabhaga kayo koone kutyo, Maryamu Magidarena na Maryamu owundi urya, ꞉bhaariga bheekaaye ayo bharingiiyega ku-mbiiyira.
Abhasirikare abhaangarira imbiiyira
62Mwejo, ꞉yaariga iri Nsabhaato, abhashengesi abhakuru na Abhafarisaayo mbasangira ku-Piraato. 63Mbabhwira Piraato ati, “Ee raatabhugenyi, kyayiita ati bhunu omubheeyi wurya ꞉aariga ari muworu, ꞉aaikire ati, ‘Orusuku rwa akasatu, nirisuuka okusooka mu-bhafuuye.’ 64Woori, ekikusabha uragirire abhasirikare bhaawo bhaangarire imbiiyira mu-nsiku giisatu ginu. Abheeyigira bhaaye bhaasiga okuuja mbamwibha, mbajimya abhaanu ati asuukire okusooka mu-bhafuuye. Bhaakakora kutyo, obhubheeyi bhwebhwe, obhuuja okubha bhubhiibhi muno okukira obhwa okwamba.” 65Piraato ˆnaabhasubhya ati, “Mugege abhasirikare, mugende mwangarire kutyo emwe abheene omwenda.”
66Niwe mbagenda ku-mbiiyira, mbatuura-ko ekibharikisho kw-igina ati omuunu akarisoosha-wo bhamenye. Abhasirikare mbasigara-wo mbaangarira imbiiyira.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved