खास चेलामन केर काम 11
11
पतरस बटले अपन काम केर बयान देवेक
1यहूदिया परदेस में खास चेलामन आउर बिसवासी भाई-बहिनमन के इ पता चललक कि परजाइत आदमीमन हों परमेश्वर केर बचन के माइन लेई हैं। 2जब पतरस यरुशलेम शहर में आलक तो यहूदी बिसवासीमन उकर से बहस करेक लगलैं आउर कहलैं, 3“तोंय परजाइत मनक घर काले गेले आउर उमन केर संगे खाले?” 4तब पतरस उमन के शुरु से सचमुच में जे कोनों होलक सोउब गोइठमन के एकेक काइर के कइह सुनालक, 5“मोंय याफा नगर में प्रार्थना करत रहों, से बेरा बेहोस होई गेलों आउर दर्शन देखलों कि एगो बासन बड़का चादर नियर चाइरो कोना से झूलते स्वरग से उतइर के मोर ठिना आलक। 6मोंय उकर उपरे धेयान से देखलों तो उकर में धरती केर सोउब चाइर गोड़वा आउर जंगली जानवरमन, रेंगेक वाला जीव आउर आकाश केर चरईमन रहैं। 7आउर इ आवाज सुनलों, ‘हे पतरस उठ, इमन के मार आउर खा।’ 8मोंय कहलों, ‘निहीं प्रभु, निहीं, काले कि मोंय कहियो कोनों अपवितर या अशुद्ध चीज मुँह में नी साइज हों।’ 9दूसरी बेर स्वरग से इ आवाज सुनालक, ‘जे चीजमन के परमेश्वर शुद्ध काइर हे, उके अशुद्ध ना कह।’ 10तीन बेर एइसनेहें होलक, तब इकर पाछे सोउब कुछ फिन स्वरग में उपरे उठाय लेवल गेलक।
11ठीक ओहे बेरा कैसरिया शहर से मोर ठिना भेजल तीन झन आदमीमन जे घर में मोंय रहों, उ ठिना आय के ठड़ाय गेलैं। 12तब पवितर आत्मा मोके आगया देलक कि मोंय बे फिकिर होई के उमन केर संगे चाइल जामूँ, मोर संगे इ छाव भाईमन हों हूवाँ जाय रहैं आउर हमरे उ आदमी केर घर में गेली। 13उ हमरे के बतालक कि एगो स्वरगदूत के अपन घर में ठड़ाल देखलक, जे उकर से कहलक, ‘याफा नगर में आदमीमन के भेज आउर सिमोन के जे पतरस कहायला, बोलाय ले। 14उ जे उपदेस देवी उकर से तोंय आउर तोर घराना केर सोउब आदमीमन छुटकारा पाबैं।’
15जब मोंय उपदेस देवेक शुरु करते रहों कि पवितर आत्मा उ मनक उपरे ओहे लेखे उतरलक, जे लेखे शुरु में हमर उपरे उतइर रहे। 16तब मोके प्रभु यीशु केर उ गोइठ याइद आलक, जे उ कइह रहे, ‘यूहन्ना तो पानी से बपतिस्मा जल संस्कार देलक मगर तोहरे पवितर आत्मा से बपतिस्मा पाबा।’ 17से लगिन प्रभु यीशु मसीह में बिसवास करेक से परमेश्वर उमन के हों ओहे दान देलक, जे दान हमरे के प्रभु यीशु मसीह केर उपरे बिसवास करेक से मिल रहे, तो मोंय के रहों जे परमेश्वर केर काम के रोकतो?” 18इ गोइठ सुइन के यहूदी बिसवासीमन चुप होई गेलैं आउर उमन इ कहते परमेश्वर केर बड़ाई करेक लगलैं, “परमेश्वर परजाइत आदमीमन के हों जुग-जुग केर जिंदगी लगिन अपन पाप काममन के छोड़ेक आउर यीशु मसीह केर उपरे बिसवास करेक केर मोका देई हे।”
अन्ताकिया शहर में कलीसिया केर शुरु होवेक
19स्तिफनुस केर मोराय जाएक केर पाछे, जे बिसवासीमन यरुशलेम शहर के छोइड़ देई रहैं, उमन फिरते-फिरते फीनीके परदेस, साइप्रस टापू आउर सीरिया परदेस अंताकिया शहर तक पोंहइच गेलैं। उमन यहूदी आदमीमन के छोइड़ आउर केखो परमेश्वर केर बचन नी सुनात रहैं। 20मगर उमन में से थोरेक बिसवासी आदमीमन साइप्रस आउर कुरेन शहर केर रहेक वाला रहैं। जब उमन अंताकिया शहर पोहोंचलैं तब उमन यूनानी भाषा गोठियाएक वालामन के हों प्रभु यीशु केर शुभ समाचार सुनाएक लगलैं। 21आउर प्रभु केर शक्ति उ मनक उपरे रहे, आउर ढेइर आदमीमन उमन केर संदेश उपरे बिसवास काइर के प्रभु यीशु केर उपरे बिसवास करेक शुरु करलैं। 22जब इ खबर यरुशलेम शहर केर कलीसिया केर आदमीमन सुनलैं, तो उमन बरनाबास के अंताकिया शहर भेजलैं। 23जब बरनाबास हूवाँ पोहोंचलक तो उ परमेश्वर केर किरपा देइख के ढेइर खुश होलक। आउर उ सोउबमन के तन-मन केर साथ प्रभु यीशु में बनल रहेक लगिन उपदेस देलक। 24बरनाबास भला आदमी रहे। उ पवितर आत्मा आउर बिसवास से भरल रहे। इ लेखे ढेइर आदमीमन प्रभु यीशु में बिसवास काइर के कलीसिया में मेसा होलैं। 25इकर पाछे बरनाबास शाऊल के खोजेक लगिन अन्ताकिया शहर के छोइड़ के तरसुस नगर चाइल गेलक। 26जब उ शाऊल से मिललक तो उके अंताकिया शहर लेई आलक। उमन दुयो पूरा एक बरिस तक हूवाँ केर कलीसिया केर संगे रहलैं आउर ढेइर आदमीमन के प्रभु यीशु केर बारे में उपदेस देते रहलैं। यीशु केर चेलामन सोउब से पहिले अंताकिया शहर में हें मसीही कहालैं।
यरुशलेम शहर केर कलीसिया के मदइत
27ओहे दिनमन में थोरेक बिसवासीमन जे परमेश्वर केर संदेश के बताएक वाला रहैं, यरुशलेम शहर से अंताकिया शहर में आलैं। 28उमन में से अगबुस नाँव केर एगो परमेश्वर केर संदेश के बताएक वाला रहे, उ ठड़ालक आउर पवितर आत्मा केर अगुवाई से बतालक कि गोटा धरती में भारी अकाल होवेक वाला अहे। इ अकाल महाराजा क्लौदियुस केर परिया में होलक।
29तब चेलामन बिचार करलैं कि यहूदिया परदेस में रहेक वाला बिसवासी भाई-बहिनमन केर मदइत लगिन अपन-अपन पाया केर मोताबिक कोनों भेजोक। 30आउर उमन एइसनेहें करलैं आउर बरनाबास आउर शाऊल केर हाँथ में कलीसिया केर अगुवामन ठिना दान केर रकम के भेजलैं।
Currently Selected:
खास चेलामन केर काम 11: SCK
Highlight
Share
Copy
Want to have your highlights saved across all your devices? Sign up or sign in
Sadri Bible by The Love Fellowship is licensed under Creative Commons Attribution-ShareAlike 4.0 License.
खास चेलामन केर काम 11
11
पतरस बटले अपन काम केर बयान देवेक
1यहूदिया परदेस में खास चेलामन आउर बिसवासी भाई-बहिनमन के इ पता चललक कि परजाइत आदमीमन हों परमेश्वर केर बचन के माइन लेई हैं। 2जब पतरस यरुशलेम शहर में आलक तो यहूदी बिसवासीमन उकर से बहस करेक लगलैं आउर कहलैं, 3“तोंय परजाइत मनक घर काले गेले आउर उमन केर संगे खाले?” 4तब पतरस उमन के शुरु से सचमुच में जे कोनों होलक सोउब गोइठमन के एकेक काइर के कइह सुनालक, 5“मोंय याफा नगर में प्रार्थना करत रहों, से बेरा बेहोस होई गेलों आउर दर्शन देखलों कि एगो बासन बड़का चादर नियर चाइरो कोना से झूलते स्वरग से उतइर के मोर ठिना आलक। 6मोंय उकर उपरे धेयान से देखलों तो उकर में धरती केर सोउब चाइर गोड़वा आउर जंगली जानवरमन, रेंगेक वाला जीव आउर आकाश केर चरईमन रहैं। 7आउर इ आवाज सुनलों, ‘हे पतरस उठ, इमन के मार आउर खा।’ 8मोंय कहलों, ‘निहीं प्रभु, निहीं, काले कि मोंय कहियो कोनों अपवितर या अशुद्ध चीज मुँह में नी साइज हों।’ 9दूसरी बेर स्वरग से इ आवाज सुनालक, ‘जे चीजमन के परमेश्वर शुद्ध काइर हे, उके अशुद्ध ना कह।’ 10तीन बेर एइसनेहें होलक, तब इकर पाछे सोउब कुछ फिन स्वरग में उपरे उठाय लेवल गेलक।
11ठीक ओहे बेरा कैसरिया शहर से मोर ठिना भेजल तीन झन आदमीमन जे घर में मोंय रहों, उ ठिना आय के ठड़ाय गेलैं। 12तब पवितर आत्मा मोके आगया देलक कि मोंय बे फिकिर होई के उमन केर संगे चाइल जामूँ, मोर संगे इ छाव भाईमन हों हूवाँ जाय रहैं आउर हमरे उ आदमी केर घर में गेली। 13उ हमरे के बतालक कि एगो स्वरगदूत के अपन घर में ठड़ाल देखलक, जे उकर से कहलक, ‘याफा नगर में आदमीमन के भेज आउर सिमोन के जे पतरस कहायला, बोलाय ले। 14उ जे उपदेस देवी उकर से तोंय आउर तोर घराना केर सोउब आदमीमन छुटकारा पाबैं।’
15जब मोंय उपदेस देवेक शुरु करते रहों कि पवितर आत्मा उ मनक उपरे ओहे लेखे उतरलक, जे लेखे शुरु में हमर उपरे उतइर रहे। 16तब मोके प्रभु यीशु केर उ गोइठ याइद आलक, जे उ कइह रहे, ‘यूहन्ना तो पानी से बपतिस्मा जल संस्कार देलक मगर तोहरे पवितर आत्मा से बपतिस्मा पाबा।’ 17से लगिन प्रभु यीशु मसीह में बिसवास करेक से परमेश्वर उमन के हों ओहे दान देलक, जे दान हमरे के प्रभु यीशु मसीह केर उपरे बिसवास करेक से मिल रहे, तो मोंय के रहों जे परमेश्वर केर काम के रोकतो?” 18इ गोइठ सुइन के यहूदी बिसवासीमन चुप होई गेलैं आउर उमन इ कहते परमेश्वर केर बड़ाई करेक लगलैं, “परमेश्वर परजाइत आदमीमन के हों जुग-जुग केर जिंदगी लगिन अपन पाप काममन के छोड़ेक आउर यीशु मसीह केर उपरे बिसवास करेक केर मोका देई हे।”
अन्ताकिया शहर में कलीसिया केर शुरु होवेक
19स्तिफनुस केर मोराय जाएक केर पाछे, जे बिसवासीमन यरुशलेम शहर के छोइड़ देई रहैं, उमन फिरते-फिरते फीनीके परदेस, साइप्रस टापू आउर सीरिया परदेस अंताकिया शहर तक पोंहइच गेलैं। उमन यहूदी आदमीमन के छोइड़ आउर केखो परमेश्वर केर बचन नी सुनात रहैं। 20मगर उमन में से थोरेक बिसवासी आदमीमन साइप्रस आउर कुरेन शहर केर रहेक वाला रहैं। जब उमन अंताकिया शहर पोहोंचलैं तब उमन यूनानी भाषा गोठियाएक वालामन के हों प्रभु यीशु केर शुभ समाचार सुनाएक लगलैं। 21आउर प्रभु केर शक्ति उ मनक उपरे रहे, आउर ढेइर आदमीमन उमन केर संदेश उपरे बिसवास काइर के प्रभु यीशु केर उपरे बिसवास करेक शुरु करलैं। 22जब इ खबर यरुशलेम शहर केर कलीसिया केर आदमीमन सुनलैं, तो उमन बरनाबास के अंताकिया शहर भेजलैं। 23जब बरनाबास हूवाँ पोहोंचलक तो उ परमेश्वर केर किरपा देइख के ढेइर खुश होलक। आउर उ सोउबमन के तन-मन केर साथ प्रभु यीशु में बनल रहेक लगिन उपदेस देलक। 24बरनाबास भला आदमी रहे। उ पवितर आत्मा आउर बिसवास से भरल रहे। इ लेखे ढेइर आदमीमन प्रभु यीशु में बिसवास काइर के कलीसिया में मेसा होलैं। 25इकर पाछे बरनाबास शाऊल के खोजेक लगिन अन्ताकिया शहर के छोइड़ के तरसुस नगर चाइल गेलक। 26जब उ शाऊल से मिललक तो उके अंताकिया शहर लेई आलक। उमन दुयो पूरा एक बरिस तक हूवाँ केर कलीसिया केर संगे रहलैं आउर ढेइर आदमीमन के प्रभु यीशु केर बारे में उपदेस देते रहलैं। यीशु केर चेलामन सोउब से पहिले अंताकिया शहर में हें मसीही कहालैं।
यरुशलेम शहर केर कलीसिया के मदइत
27ओहे दिनमन में थोरेक बिसवासीमन जे परमेश्वर केर संदेश के बताएक वाला रहैं, यरुशलेम शहर से अंताकिया शहर में आलैं। 28उमन में से अगबुस नाँव केर एगो परमेश्वर केर संदेश के बताएक वाला रहे, उ ठड़ालक आउर पवितर आत्मा केर अगुवाई से बतालक कि गोटा धरती में भारी अकाल होवेक वाला अहे। इ अकाल महाराजा क्लौदियुस केर परिया में होलक।
29तब चेलामन बिचार करलैं कि यहूदिया परदेस में रहेक वाला बिसवासी भाई-बहिनमन केर मदइत लगिन अपन-अपन पाया केर मोताबिक कोनों भेजोक। 30आउर उमन एइसनेहें करलैं आउर बरनाबास आउर शाऊल केर हाँथ में कलीसिया केर अगुवामन ठिना दान केर रकम के भेजलैं।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sadri Bible by The Love Fellowship is licensed under Creative Commons Attribution-ShareAlike 4.0 License.