Yohana 16
16
1Aga nilongili nu mwenga, nausi musikuwasika. 2Yawawakite wa kupatulika pa masunagoge: ena, saa yihicha, pala ayi yoha uyu awakoma mwenga yahole kukita antumakila Mulungu wiwi. 3Na aga yawakite, ndawa wammanyiti lepa Dadi, haka nenga. 4Koma aga nilongili na mwenga, nausi apa saa yawe yayihiche, mugakumbukile aga, kukita nenga nikatawili kwa mwenga. Leka aga nikatawili lepa kwa mwenga pa ndumbulo, ndawa nikayili pamonga na mwenga. 5Leka hino nibita kwa yula akanitumiti; na pa waka wa mwenga anikota, Ubita kuu? 6Koma ndawa niwalongili aga kwinu, kuniongoneka kumemiti mu mioyo mwinu. 7Koma nenga niwajowela fya chakaka; Kuwanogela mwenga kukita niwuka: pakuya wona nilema kuwuka, Wa kuyimalila yawachile lepa mwenga; leka wona nibita, yanimpeleke kwinu. 8Na yombe, pakachiti, yaupele ndima mhalo wa sambi, ni wa ugolofu, ni wa lipaulo: 9wa sambi, ndawa wakela lepa pa nenga; wa ugolofu, 10ndawa nibita kwa Dadi, ni munilolalela lepa kawili; 11wa lipaulo, ndawa nduna wa ndima uwu apauliki. 12Nakona niyii ni fingi kuwajowela, koma muhotola lepa kugatwika hino. 13Leka baha yahiche yuyulayula, Roho wa chakaka, yawalongose mwenga pa fya chakaka fyoha: ndawa yalongele lepa kuhuma pa fyake mwene; koma fiyi fyoha fila yayufwane, yalongele: na yawakokosele mwenga fila yafihiche panyuma. 14Yombe yanikwise nenga: pakukita yatole fya nenga, na yawakokosele mwenga. 15Fiyi fyoha ayii nafyo Dadi fiyii fyangu: kwa ndawa iyi nikajowiti, atola fya nenga, na yawakokosele mwenga. 16Pachokope, na munilolela lepa kawili; na kawili pachokope, na yamuniwone. 17Mumu wangi wa wanafunsi wake wakajowini, Kiki iki atijowela tenga, Pachokope, na yamunilolele lepa; na kawili pachokope, na yamuniwone: na, Pakukita nibita kwa Dadi? 18Mumu wakajowiti, Kiki iki ajowa, Pachokope? Timanya lepa kiki alongela. 19Yesu akawalalili kukita wayii nu mwoyo kunkota, na akajowiti kwa wombe, Mukotana ati pa mwawene ya iki, kukita nikajowiti, Pachokope, nu munilolela nenga lepa, na kawili pachokope, na yamuniwone? 20Chakaka, chakaka, niwajowela, kukita mwenga yamulile ni kulila malilo, koma ndima yauhekelele: mwenga yamuniongoneke, koma kuniongoneka kwinu yakung’anamusike kuya kuhekelela. 21Ndala pala ayii mu kutalatala, awona kuniongoneka, ndawa saa yake yifiki: koma pala akahogwili mwana, akumbukila lepa kawili mahumbuso gake, ndawa ya kiheko iki kukita mundu ahogoliki mu ndima. 22Mumu mwenga kawili hino muyii nako kuniongoneka: leka yaniwawone mwenga kawili, nu mwoyo winu yauhekelele, ni pa waka wakuyupa kiheko kinu. 23Na pa ligono lililalila yamunikote lepa kindu. Chakaka, chakaka, niwajowela, Wona yamuluwe kindu kwa Dadi, yawapele pa lihina lyangu. 24Mpaka hino mukaluwiti lepa kindu pa lihina lyangu: muluwaye, ni yamuyupe, nausi kiheko kinu kimemaseke.
25Aga niwalongalili pa ngongo: saa yihicha, pala nenga yaniwalongalele lepa kawili nu mwenga pa ngongo, koma pa lulanga yaniwakokosele ya Dadi. 26Ligono lililalila yamuluwe pa lihina lyangu: na niwajowela lepe mwenga, kukita nenga yaninkote Dadi ndawa ya mwenga; 27pakuya Dadi mwene awagana, pakukita mwenga muniganiti nenga, na mukeliti kukita nenga nipititi pa Dadi. 28Nikapititi pa Dadi, na nikachiti pa ndima: kawili, niuleka ndima, na nibita kwa Dadi. 29Wanafunsi wake wajowa, Lola, hino ulongela pa lulanga, ujowa lepa ngongo. 30Hino timanya kukita umanya fyoha, na pa waka kukusowa kukita mundu akukote: pa iki tikela kukita ukapititi pa Mulungu. 31Yesu akawahigiti, Hino mukela ati? 32Lola, saa yiyicha, ena, yichiti, pala yamuyambanike, ayi yoha kwa fyake mwene, ni yamunileke nakape: na nenga niyilepe nakape, ndawa Dadi ayii pamonga nu nenga. 33Aga niwalongalili mwenga, nausi muye pa kindamba pa nenga. Pa ndima uwu muyii ni mahumbuso: koma muye wakusangaluka; nenga niuhotwili ndima.
Currently Selected:
Yohana 16: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
Yohana 16
16
1Aga nilongili nu mwenga, nausi musikuwasika. 2Yawawakite wa kupatulika pa masunagoge: ena, saa yihicha, pala ayi yoha uyu awakoma mwenga yahole kukita antumakila Mulungu wiwi. 3Na aga yawakite, ndawa wammanyiti lepa Dadi, haka nenga. 4Koma aga nilongili na mwenga, nausi apa saa yawe yayihiche, mugakumbukile aga, kukita nenga nikatawili kwa mwenga. Leka aga nikatawili lepa kwa mwenga pa ndumbulo, ndawa nikayili pamonga na mwenga. 5Leka hino nibita kwa yula akanitumiti; na pa waka wa mwenga anikota, Ubita kuu? 6Koma ndawa niwalongili aga kwinu, kuniongoneka kumemiti mu mioyo mwinu. 7Koma nenga niwajowela fya chakaka; Kuwanogela mwenga kukita niwuka: pakuya wona nilema kuwuka, Wa kuyimalila yawachile lepa mwenga; leka wona nibita, yanimpeleke kwinu. 8Na yombe, pakachiti, yaupele ndima mhalo wa sambi, ni wa ugolofu, ni wa lipaulo: 9wa sambi, ndawa wakela lepa pa nenga; wa ugolofu, 10ndawa nibita kwa Dadi, ni munilolalela lepa kawili; 11wa lipaulo, ndawa nduna wa ndima uwu apauliki. 12Nakona niyii ni fingi kuwajowela, koma muhotola lepa kugatwika hino. 13Leka baha yahiche yuyulayula, Roho wa chakaka, yawalongose mwenga pa fya chakaka fyoha: ndawa yalongele lepa kuhuma pa fyake mwene; koma fiyi fyoha fila yayufwane, yalongele: na yawakokosele mwenga fila yafihiche panyuma. 14Yombe yanikwise nenga: pakukita yatole fya nenga, na yawakokosele mwenga. 15Fiyi fyoha ayii nafyo Dadi fiyii fyangu: kwa ndawa iyi nikajowiti, atola fya nenga, na yawakokosele mwenga. 16Pachokope, na munilolela lepa kawili; na kawili pachokope, na yamuniwone. 17Mumu wangi wa wanafunsi wake wakajowini, Kiki iki atijowela tenga, Pachokope, na yamunilolele lepa; na kawili pachokope, na yamuniwone: na, Pakukita nibita kwa Dadi? 18Mumu wakajowiti, Kiki iki ajowa, Pachokope? Timanya lepa kiki alongela. 19Yesu akawalalili kukita wayii nu mwoyo kunkota, na akajowiti kwa wombe, Mukotana ati pa mwawene ya iki, kukita nikajowiti, Pachokope, nu munilolela nenga lepa, na kawili pachokope, na yamuniwone? 20Chakaka, chakaka, niwajowela, kukita mwenga yamulile ni kulila malilo, koma ndima yauhekelele: mwenga yamuniongoneke, koma kuniongoneka kwinu yakung’anamusike kuya kuhekelela. 21Ndala pala ayii mu kutalatala, awona kuniongoneka, ndawa saa yake yifiki: koma pala akahogwili mwana, akumbukila lepa kawili mahumbuso gake, ndawa ya kiheko iki kukita mundu ahogoliki mu ndima. 22Mumu mwenga kawili hino muyii nako kuniongoneka: leka yaniwawone mwenga kawili, nu mwoyo winu yauhekelele, ni pa waka wakuyupa kiheko kinu. 23Na pa ligono lililalila yamunikote lepa kindu. Chakaka, chakaka, niwajowela, Wona yamuluwe kindu kwa Dadi, yawapele pa lihina lyangu. 24Mpaka hino mukaluwiti lepa kindu pa lihina lyangu: muluwaye, ni yamuyupe, nausi kiheko kinu kimemaseke.
25Aga niwalongalili pa ngongo: saa yihicha, pala nenga yaniwalongalele lepa kawili nu mwenga pa ngongo, koma pa lulanga yaniwakokosele ya Dadi. 26Ligono lililalila yamuluwe pa lihina lyangu: na niwajowela lepe mwenga, kukita nenga yaninkote Dadi ndawa ya mwenga; 27pakuya Dadi mwene awagana, pakukita mwenga muniganiti nenga, na mukeliti kukita nenga nipititi pa Dadi. 28Nikapititi pa Dadi, na nikachiti pa ndima: kawili, niuleka ndima, na nibita kwa Dadi. 29Wanafunsi wake wajowa, Lola, hino ulongela pa lulanga, ujowa lepa ngongo. 30Hino timanya kukita umanya fyoha, na pa waka kukusowa kukita mundu akukote: pa iki tikela kukita ukapititi pa Mulungu. 31Yesu akawahigiti, Hino mukela ati? 32Lola, saa yiyicha, ena, yichiti, pala yamuyambanike, ayi yoha kwa fyake mwene, ni yamunileke nakape: na nenga niyilepe nakape, ndawa Dadi ayii pamonga nu nenga. 33Aga niwalongalili mwenga, nausi muye pa kindamba pa nenga. Pa ndima uwu muyii ni mahumbuso: koma muye wakusangaluka; nenga niuhotwili ndima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.