Mattayo 20
20
1Pakuya utwa wa kunani uhwanangana nu mundu mwene nyumba, uyu nayombe akapititi lukela waka kukoka wa mahengo kuyingila pa ngunda wake wa mipelesa. 2Leka pala akayitangini na wa mahengo denario kwa ligono, akawambwisi mahengo pa ngunda wake. 3Leka pakapititi pa saa ya datu, akawaweni wangi nawayimi pa chengo wangali mahengo; 4na akajowiti kwa wombe, Mubitaye mwenga namu pa ngunda wa mipelesa, na iki kiyii kya malinga yaniwapele. 5Ni wakabiti. Na akapititi kawili pa saa ya sita na saa ya kenda, nakakiti wiwila. 6Leka pa saa ngati ya kumi na kamo akapititi, na akawakolili wangi wakuyima waka: na awajowela, Kiki muyima apa musi woha wangali mahengo? 7Wanjowela yombe, Ndawa payilepe mundu akatikotiti. Awajowela wombe, Mubitaye na mwenga kawili pa ngunda wa mipelesa. 8Na baho kifiki kimihi, bambo wa ngunda wa mipelsea anjowela kapitao wake, Wakemelaye wa mahengo, na uwapele njombe yawe, kutumbulila pa wala wa kumalakila mpaka wala wa kutumbula. 9Leka wala wa ngati saa ya kumi na kamo apa wakachiti, wakayupiti yumonga yumonga denario. 10Na wala wakutumbula baho wachiti, wakaholalili kukita yawayupe kya kulutila; na wakayupiti wiwila yumonga yumonga denario. 11Leka apa wakayupiti, wakansilili mwene nyumba, kujowa, 12Awa wa kunyuma wakitili saa yimo waka, na ukawakititi malinga na tenga, haka tinyanyamwili kutopa kwa musi na lumu lwake. 13Leka yombe pakahigiti akajowiti kwa yumonga wa wombe, Njangu, nukukukitila kandu kawifu lepa: si ukalagini nu nenga denario? 14Pinda iki kiyii kyako, na luta nakyo; nenga nilonda kumpela uyu wakumalakila, ngati wenga kawili. 15Si kuyitikalika kukita umu nilondela ni findu fyangu? wila liho lyako lya usokosi, ndawa nenga nnofu? 16Wiwi wala wa kunyuma yawaye wakutumbula, na wakutumbula wa kunyuma.
17Na apa Yesu akayili mu kukwela ku Yerusalem, akawatoliti wanafunsi kumi na wawili pa mweya, na pa ndila akawajowili, 18Lola, tikwela ku Yerusalem; na Mwana wa adam yafumbulike kwa makasisi makulungu na wakulembela; na yawapawule kukita akomeke, 19na yawamfumbule kwa Mihuku wankitile mihenje, ni kuntowa, ni kumbamba pa msalaba: na ligono lya kadatu yasyukike.
20Bahalapala akanchilili nyongolo wa wana wa Zebedayo pamonga na wana mundu, kugwilakimbo, ni kuluwa kinunuyu kwa yombe. 21Leka akanjowili, Ulonda kiki? Anjowela, Utawuke kukita awa wanangu wawili watame, yumonga kiwoko kyako kya ndilo, na yumonga kiwoko kyako kya mangigi, pa utwa wako. 22Leka pakahigiti Yesu akajowiti, Mumanya lepa iki muluwa. Muhotola ati kunywa ntimbo uwu yaninywele nenga? Wanjowela, Tihotola. 23Awajowela, Ntimbo wangu yamunywe: leka kutama pa kiwoko kyangu kya ndilo, ni kiwoko kyangu kya mangigi, nukuya kwangu kupeleka, koma kwa wombe wala kiwikakili ngani nu Dadi wangu. 24Na apa wakayufwini kumi wala, wakapili mwoyo na walongo wala wawili. 25Leka Yesu akikemili wombe, kujowa, Mumanya kukita watwa wa Mihuku wawatamila bambo, na wakulungu wawe wawakitila ngani chengo. 26Nukuya wiwi yakiye kwa mwenga: koma ayi yoha uyu alonda kuya nkulungu kwinu yaaye wakutumakila winu; 27na ayi yoha uyu alonda kuya wakutumbula kwinu, yaaye mbanda winu: 28ngati umu Mwana wa adam akachiti lepa kutumikalika, koma kutumakila, ni kupeleka wumi wake ukombosi wa wa mahele.
29Leka apa wawukiti pa Yeriko, lipuga likulungu likankisiti yombe. 30Na lola, wawili wakukoyoka miho, watamaga pa makigi mwa ndila, apa wakayufwini kukita Yesu ayii mu kulutalila, wakakuwiti kujowa, Bambo, utipwelekele lipyana, wenga mwana wa Daudi. 31Leka lipuga likawalakalili nausi watame kinunu: leka wakakuwiti kulutila, kujowa, Bambo, utipwelekele lipyana, wenga mwana wa Daudi. 32Nu Yesu akayimi, na akawakemili, nakajowiti, Mulonda niwakitile kiki? 33Wanjowela, Bambo, kukita miho gitu gadindulike. 34Nuyombe Yesu, pa kutoleka ni lipyana, akakwafiti miho gawe: na hino apa wakaloliti kawili, na wakankisiti yombe.
Currently Selected:
Mattayo 20: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
Mattayo 20
20
1Pakuya utwa wa kunani uhwanangana nu mundu mwene nyumba, uyu nayombe akapititi lukela waka kukoka wa mahengo kuyingila pa ngunda wake wa mipelesa. 2Leka pala akayitangini na wa mahengo denario kwa ligono, akawambwisi mahengo pa ngunda wake. 3Leka pakapititi pa saa ya datu, akawaweni wangi nawayimi pa chengo wangali mahengo; 4na akajowiti kwa wombe, Mubitaye mwenga namu pa ngunda wa mipelesa, na iki kiyii kya malinga yaniwapele. 5Ni wakabiti. Na akapititi kawili pa saa ya sita na saa ya kenda, nakakiti wiwila. 6Leka pa saa ngati ya kumi na kamo akapititi, na akawakolili wangi wakuyima waka: na awajowela, Kiki muyima apa musi woha wangali mahengo? 7Wanjowela yombe, Ndawa payilepe mundu akatikotiti. Awajowela wombe, Mubitaye na mwenga kawili pa ngunda wa mipelesa. 8Na baho kifiki kimihi, bambo wa ngunda wa mipelsea anjowela kapitao wake, Wakemelaye wa mahengo, na uwapele njombe yawe, kutumbulila pa wala wa kumalakila mpaka wala wa kutumbula. 9Leka wala wa ngati saa ya kumi na kamo apa wakachiti, wakayupiti yumonga yumonga denario. 10Na wala wakutumbula baho wachiti, wakaholalili kukita yawayupe kya kulutila; na wakayupiti wiwila yumonga yumonga denario. 11Leka apa wakayupiti, wakansilili mwene nyumba, kujowa, 12Awa wa kunyuma wakitili saa yimo waka, na ukawakititi malinga na tenga, haka tinyanyamwili kutopa kwa musi na lumu lwake. 13Leka yombe pakahigiti akajowiti kwa yumonga wa wombe, Njangu, nukukukitila kandu kawifu lepa: si ukalagini nu nenga denario? 14Pinda iki kiyii kyako, na luta nakyo; nenga nilonda kumpela uyu wakumalakila, ngati wenga kawili. 15Si kuyitikalika kukita umu nilondela ni findu fyangu? wila liho lyako lya usokosi, ndawa nenga nnofu? 16Wiwi wala wa kunyuma yawaye wakutumbula, na wakutumbula wa kunyuma.
17Na apa Yesu akayili mu kukwela ku Yerusalem, akawatoliti wanafunsi kumi na wawili pa mweya, na pa ndila akawajowili, 18Lola, tikwela ku Yerusalem; na Mwana wa adam yafumbulike kwa makasisi makulungu na wakulembela; na yawapawule kukita akomeke, 19na yawamfumbule kwa Mihuku wankitile mihenje, ni kuntowa, ni kumbamba pa msalaba: na ligono lya kadatu yasyukike.
20Bahalapala akanchilili nyongolo wa wana wa Zebedayo pamonga na wana mundu, kugwilakimbo, ni kuluwa kinunuyu kwa yombe. 21Leka akanjowili, Ulonda kiki? Anjowela, Utawuke kukita awa wanangu wawili watame, yumonga kiwoko kyako kya ndilo, na yumonga kiwoko kyako kya mangigi, pa utwa wako. 22Leka pakahigiti Yesu akajowiti, Mumanya lepa iki muluwa. Muhotola ati kunywa ntimbo uwu yaninywele nenga? Wanjowela, Tihotola. 23Awajowela, Ntimbo wangu yamunywe: leka kutama pa kiwoko kyangu kya ndilo, ni kiwoko kyangu kya mangigi, nukuya kwangu kupeleka, koma kwa wombe wala kiwikakili ngani nu Dadi wangu. 24Na apa wakayufwini kumi wala, wakapili mwoyo na walongo wala wawili. 25Leka Yesu akikemili wombe, kujowa, Mumanya kukita watwa wa Mihuku wawatamila bambo, na wakulungu wawe wawakitila ngani chengo. 26Nukuya wiwi yakiye kwa mwenga: koma ayi yoha uyu alonda kuya nkulungu kwinu yaaye wakutumakila winu; 27na ayi yoha uyu alonda kuya wakutumbula kwinu, yaaye mbanda winu: 28ngati umu Mwana wa adam akachiti lepa kutumikalika, koma kutumakila, ni kupeleka wumi wake ukombosi wa wa mahele.
29Leka apa wawukiti pa Yeriko, lipuga likulungu likankisiti yombe. 30Na lola, wawili wakukoyoka miho, watamaga pa makigi mwa ndila, apa wakayufwini kukita Yesu ayii mu kulutalila, wakakuwiti kujowa, Bambo, utipwelekele lipyana, wenga mwana wa Daudi. 31Leka lipuga likawalakalili nausi watame kinunu: leka wakakuwiti kulutila, kujowa, Bambo, utipwelekele lipyana, wenga mwana wa Daudi. 32Nu Yesu akayimi, na akawakemili, nakajowiti, Mulonda niwakitile kiki? 33Wanjowela, Bambo, kukita miho gitu gadindulike. 34Nuyombe Yesu, pa kutoleka ni lipyana, akakwafiti miho gawe: na hino apa wakaloliti kawili, na wakankisiti yombe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.