Markus 2
2
Mie kalu dofekaꞌosae
2:1-12
Mat 9:1-8; Luk 5:17-26
1Miina naompona nopalusi anaꞌa, Yesus nosulimo toha we Kapernaum. Bhihita kahatoꞌano we lambu lasao dofetingkee mieno liwu. 2Pada anaꞌa mie bhahi dosipumpumo toha se lambuno, sampe miinamo namuleadaa weo lambu; mahingga te wiseno fointo noponoꞌao mie. Yesus nofohatoanda bhoasaono Lahataꞌala. 3Nandoo nofofoinaꞌu maitu, dehatoanemo seemie kalu doꞌoweaꞌe dopopaa. 4Hampano kabhahindo mie, andoa miina dalumapa daowa mie kalu aitu se Yesus. Dadiꞌanomo dealimo ato te potalaꞌano Yesus maka dofosampu mie kalu aitu ne wiseno. Tadofosampumo bhe katiꞌoweaꞌano. 5Nowoha kabhalano kaparasaeando, Yesus nopugaumo ne mie kalu aitu, “Anaku, dhosamu notiꞌamponimo!”
6Ne itu nandoo dua pande-pande Kitabi dengkoha-ngkoha. Andoa maitu dokaduku we lalondo, 7“Noafa mie aini nopugauꞌao peda amaitu? Ingka nofekaꞌaebu Lahataꞌala, nopototoꞌao wutono bhe Lahataꞌala! Laꞌae gahaꞌa so meꞌamponino dhosa ane paise wutono Lahataꞌala?”
8Tamaka Yesus lasao nopandeꞌaane nefekihindo, maka nopugau ambano, “Noafa gahaꞌa kofekihiꞌaoꞌomu peda aitu? 9O ae so katandaino akokuasa? Apugauꞌao ‘Dhosamu notiꞌamponimo’, bhahaꞌi apugauꞌao ‘Wanumo, sangke katiꞌoweaꞌamu maka mekala-kala?’ 10Amotiwohaangkoomu Idi ini - Anano Manusia - akokuasa aeꞌamponi dhosa te dhunia ini”, maka Yesus nopugau ne mie kalu aitu, 11“Wanuꞌo toha, sangke katiꞌoweaꞌamu maka suli se lambumu!”
12Mie kalu aitu nowanumo, lasao notongku katiꞌoweaꞌano saꞌituini maka nolimba. Kosasawindo mie humatono dowohae kadhadhia amaitu. Mie andoa naꞌa domente sepaliꞌa bhe dopudhi Lahataꞌala ambado, “Kaneꞌomo aitu dowohaomu kadhadhia medando aini.”
Lewi mealaꞌino sewa noangkafi Yesus
2:13-17
Mat 9:9-13; Luk 5:27-32
13Pada aitu Yesus nokala toha se wiwino teꞌino Galilea. Dobhahi mie poꞌawaane, maka Yesus nofoinaꞌuda. 14Wakutuuno nolalo ne wiseno kantorino sewa, nowohamo Lewi anano Alfeus nengkoha-ngkoha we lalo. Yesus nopugaumo ne Lewi, “Mai, angkafimo Idi!” Pada aitu Lewi noehemo maka noangkafie.
15Wakutuuno nohumaa se lambuno Lewi, dobhahi dua mie mesalono sewa bhe mie kodhosa dopombali-mbali bhe Yesus bhe anaguhuꞌino, kapaꞌamo dobhahi mangkafie. 16Nandoo dua pande-pande Kitabi maiꞌaono ne kaomundo Farisi. Dowoha kaowu Yesus nopombali bhe mesaloꞌino sewa bhe kodhosaꞌino maitu, dofeenamo ne anaguhuꞌino ambado, “Peda ae gahaꞌa, ingka gurumiu nopombali bhe mie kodhosa maitu?”
17Yesus nofetingkeda, maka nopugau ne andoa ambano, “Mie metaano namisi miina naefaraluu foagono, mpahinomo mie mosaki. Pedamo dua Idi, hatoku ini miina aeꞌondofi mie mongkilono, tamaka aeꞌondofi mie kodhosano.”
Kafoinaꞌuno Yesus nopoꞌala bhe kafoinaꞌu ngkodau
2:18-22
Mat 9:14-17; Luk 5:33-39
18Sewakutuu anaguhuꞌino Yohanes bhe miendo Farisi nandoo dopoasa, domaimo mie dofeena Yesus ambado, “Noafa gahaꞌa anaguhuꞌino Yohanes bhe anaguhuꞌindo Farisi dopoasaꞌao, tamaka anaguhuꞌimu miina?”
19Notobhoosi Yesus ambano, “Naembali bhahaa sabhangkaꞌino loꞌia buꞌou daguguhu tangasano nopobhaianda loꞌia buꞌou? Tantumo paise. 20Tamaka nahumato tempono, loꞌia buꞌou dawowoꞌoemo. Ne naꞌa kaneꞌomo damoasa.
21Ane detabha nggasi, miina bhe mepakeno kabhini buꞌou pataꞌo mokuhuno. Kapaꞌamo kabhini medano aitu nahumela nggasi maitu, sampe nadhumulu kabhensino. 22Pedamo dua naꞌa, miina nandumandooa mie mefosingiꞌino angguru buꞌou ne kaenteiꞌa katembuno, #2:22 Kaenteiꞌa katembuno, sakotuꞌuno: kadu kangkodauno maiꞌao ne bhalulano kadadi. kapaꞌamo ane nada naꞌa so kaowu naowengkaꞌao kaenteiꞌano. Angguruno nabinasa, kaenteiꞌano nahumansuru. Tamaka angguru buꞌou tetewei datumeiꞌe dua ne kaenteiꞌa buꞌou.”
Anaguhuꞌino Yesus detobhe gandum ne oleono Sabat
2:23-28
Mat 12:1-8; Luk 6:1-5
23Sewakutuu ne oleono Sabat, Yesus bhe anaguhuꞌino dolalomo weo kaampono gandum. Gahaꞌa anaguhuꞌino detobhemo wunano gandum seendai ⸤ so daomaa⸥ . 24Miendo Farisi dofeenamo ne Yesus ambado “Noafa gahaꞌa anaguhuꞌimu dokangkalaꞌiao pahintano agamantoomu? Noafa gahaꞌa dehabuꞌao giu nefalia ne oleono Sabat?” ⸤ Patudhundo damoꞌalae.⸥
25Yesus notobhoosida peda aini, “Peda ae gahaꞌa? Miinaꞌo basaeꞌomua gahaꞌa nehabuno Daud wakutuuno Abyatar nembali Imamu Bhalano? Ingka wakutuu anaꞌa Daud bhe mangkafie doꞌahomo tamaka miina dakoꞌotia. 26Daud nopesuamo weo Lambuno Lahataꞌala maka nohumaa roti kapopanga so Lahataꞌala. Roti aitu nodawu-dawuandae dua mie mangkafie. Weo pahintano agamantoomu roti anaꞌa o falia dohumaaꞌe mie sigaoꞌano, mpahinomo imamu.” #1Sam 21:1-6; Im 24:5-9
27Pada aitu Yesus nopugaumo toha ambano, “Oleono Sabat nofokonandooꞌe Ompu so damewuleꞌao manusia, miina namokonandoo manusia so mangkafino atorano oleono Sabat. 28Idi, Anano Manusia, akokuasa, dadiꞌanomo akokuasa dua amotantu atorano oleono Sabat.”
Currently Selected:
Markus 2: mnbSD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Markus 2
2
Mie kalu dofekaꞌosae
2:1-12
Mat 9:1-8; Luk 5:17-26
1Miina naompona nopalusi anaꞌa, Yesus nosulimo toha we Kapernaum. Bhihita kahatoꞌano we lambu lasao dofetingkee mieno liwu. 2Pada anaꞌa mie bhahi dosipumpumo toha se lambuno, sampe miinamo namuleadaa weo lambu; mahingga te wiseno fointo noponoꞌao mie. Yesus nofohatoanda bhoasaono Lahataꞌala. 3Nandoo nofofoinaꞌu maitu, dehatoanemo seemie kalu doꞌoweaꞌe dopopaa. 4Hampano kabhahindo mie, andoa miina dalumapa daowa mie kalu aitu se Yesus. Dadiꞌanomo dealimo ato te potalaꞌano Yesus maka dofosampu mie kalu aitu ne wiseno. Tadofosampumo bhe katiꞌoweaꞌano. 5Nowoha kabhalano kaparasaeando, Yesus nopugaumo ne mie kalu aitu, “Anaku, dhosamu notiꞌamponimo!”
6Ne itu nandoo dua pande-pande Kitabi dengkoha-ngkoha. Andoa maitu dokaduku we lalondo, 7“Noafa mie aini nopugauꞌao peda amaitu? Ingka nofekaꞌaebu Lahataꞌala, nopototoꞌao wutono bhe Lahataꞌala! Laꞌae gahaꞌa so meꞌamponino dhosa ane paise wutono Lahataꞌala?”
8Tamaka Yesus lasao nopandeꞌaane nefekihindo, maka nopugau ambano, “Noafa gahaꞌa kofekihiꞌaoꞌomu peda aitu? 9O ae so katandaino akokuasa? Apugauꞌao ‘Dhosamu notiꞌamponimo’, bhahaꞌi apugauꞌao ‘Wanumo, sangke katiꞌoweaꞌamu maka mekala-kala?’ 10Amotiwohaangkoomu Idi ini - Anano Manusia - akokuasa aeꞌamponi dhosa te dhunia ini”, maka Yesus nopugau ne mie kalu aitu, 11“Wanuꞌo toha, sangke katiꞌoweaꞌamu maka suli se lambumu!”
12Mie kalu aitu nowanumo, lasao notongku katiꞌoweaꞌano saꞌituini maka nolimba. Kosasawindo mie humatono dowohae kadhadhia amaitu. Mie andoa naꞌa domente sepaliꞌa bhe dopudhi Lahataꞌala ambado, “Kaneꞌomo aitu dowohaomu kadhadhia medando aini.”
Lewi mealaꞌino sewa noangkafi Yesus
2:13-17
Mat 9:9-13; Luk 5:27-32
13Pada aitu Yesus nokala toha se wiwino teꞌino Galilea. Dobhahi mie poꞌawaane, maka Yesus nofoinaꞌuda. 14Wakutuuno nolalo ne wiseno kantorino sewa, nowohamo Lewi anano Alfeus nengkoha-ngkoha we lalo. Yesus nopugaumo ne Lewi, “Mai, angkafimo Idi!” Pada aitu Lewi noehemo maka noangkafie.
15Wakutuuno nohumaa se lambuno Lewi, dobhahi dua mie mesalono sewa bhe mie kodhosa dopombali-mbali bhe Yesus bhe anaguhuꞌino, kapaꞌamo dobhahi mangkafie. 16Nandoo dua pande-pande Kitabi maiꞌaono ne kaomundo Farisi. Dowoha kaowu Yesus nopombali bhe mesaloꞌino sewa bhe kodhosaꞌino maitu, dofeenamo ne anaguhuꞌino ambado, “Peda ae gahaꞌa, ingka gurumiu nopombali bhe mie kodhosa maitu?”
17Yesus nofetingkeda, maka nopugau ne andoa ambano, “Mie metaano namisi miina naefaraluu foagono, mpahinomo mie mosaki. Pedamo dua Idi, hatoku ini miina aeꞌondofi mie mongkilono, tamaka aeꞌondofi mie kodhosano.”
Kafoinaꞌuno Yesus nopoꞌala bhe kafoinaꞌu ngkodau
2:18-22
Mat 9:14-17; Luk 5:33-39
18Sewakutuu anaguhuꞌino Yohanes bhe miendo Farisi nandoo dopoasa, domaimo mie dofeena Yesus ambado, “Noafa gahaꞌa anaguhuꞌino Yohanes bhe anaguhuꞌindo Farisi dopoasaꞌao, tamaka anaguhuꞌimu miina?”
19Notobhoosi Yesus ambano, “Naembali bhahaa sabhangkaꞌino loꞌia buꞌou daguguhu tangasano nopobhaianda loꞌia buꞌou? Tantumo paise. 20Tamaka nahumato tempono, loꞌia buꞌou dawowoꞌoemo. Ne naꞌa kaneꞌomo damoasa.
21Ane detabha nggasi, miina bhe mepakeno kabhini buꞌou pataꞌo mokuhuno. Kapaꞌamo kabhini medano aitu nahumela nggasi maitu, sampe nadhumulu kabhensino. 22Pedamo dua naꞌa, miina nandumandooa mie mefosingiꞌino angguru buꞌou ne kaenteiꞌa katembuno, #2:22 Kaenteiꞌa katembuno, sakotuꞌuno: kadu kangkodauno maiꞌao ne bhalulano kadadi. kapaꞌamo ane nada naꞌa so kaowu naowengkaꞌao kaenteiꞌano. Angguruno nabinasa, kaenteiꞌano nahumansuru. Tamaka angguru buꞌou tetewei datumeiꞌe dua ne kaenteiꞌa buꞌou.”
Anaguhuꞌino Yesus detobhe gandum ne oleono Sabat
2:23-28
Mat 12:1-8; Luk 6:1-5
23Sewakutuu ne oleono Sabat, Yesus bhe anaguhuꞌino dolalomo weo kaampono gandum. Gahaꞌa anaguhuꞌino detobhemo wunano gandum seendai ⸤ so daomaa⸥ . 24Miendo Farisi dofeenamo ne Yesus ambado “Noafa gahaꞌa anaguhuꞌimu dokangkalaꞌiao pahintano agamantoomu? Noafa gahaꞌa dehabuꞌao giu nefalia ne oleono Sabat?” ⸤ Patudhundo damoꞌalae.⸥
25Yesus notobhoosida peda aini, “Peda ae gahaꞌa? Miinaꞌo basaeꞌomua gahaꞌa nehabuno Daud wakutuuno Abyatar nembali Imamu Bhalano? Ingka wakutuu anaꞌa Daud bhe mangkafie doꞌahomo tamaka miina dakoꞌotia. 26Daud nopesuamo weo Lambuno Lahataꞌala maka nohumaa roti kapopanga so Lahataꞌala. Roti aitu nodawu-dawuandae dua mie mangkafie. Weo pahintano agamantoomu roti anaꞌa o falia dohumaaꞌe mie sigaoꞌano, mpahinomo imamu.” #1Sam 21:1-6; Im 24:5-9
27Pada aitu Yesus nopugaumo toha ambano, “Oleono Sabat nofokonandooꞌe Ompu so damewuleꞌao manusia, miina namokonandoo manusia so mangkafino atorano oleono Sabat. 28Idi, Anano Manusia, akokuasa, dadiꞌanomo akokuasa dua amotantu atorano oleono Sabat.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.