Markus 6
6
Yesus miina damarasaeaꞌe we Nasaret
6:1-6a
Mat 13:53-58; Luk 4:16-30
1Nomaiꞌao ne itu Yesus nosulimo we liwuno, doangkafie dua anaguhuꞌino. 2Nohato oleono Sabat nofofoinaꞌumo toha weo lambu kasambaheaꞌa. Mie bhahi domente dofetingke kafoinaꞌuno. Ambado, “Noꞌawae ne amai bhahaa kapandeno maitua? Dowaꞌane dawua ae bhahaa mie aini? Peda ae nokokuasa nehabu giu timenteꞌaono maitu? 3Ingka Anoa ini o tuka, anano Maria, bhahitieꞌino ndo Yakobus, Yoses, Yudas bhe Simon. Bhahitieꞌino hobhine deate dua ne ini.” Sampe nondidikiane lalondo.
4Tamaka ambano Yesus, “Seemie anabii sadhia dofosibhalae ne amai kakalaꞌano, simbali ne liwuno wutono, ne olotano bhahitieꞌino bhe weo lambuno, miina damosibhalaea.”
5Ne liwuno naꞌa Yesus miina naembalia nehabu giu timenteꞌaono, mpahinomo notei limano te wawondo seemie hodua mosakino lasao doꞌosa. 6aNomente mbaꞌinomo miina damarasaea.
Yesus notudu anaguhuꞌino dakumala daefolele Bhihita Metaa
6:6b-13
Mat 10:5-15; Luk 9:1-6
6bPada anaꞌa Yesus nolilimo we liwu-liwu sigaoꞌano bhe nofofoinaꞌu. 7Nosaliꞌimo anaguhuꞌino koompulu hoduando maka notududa dakumala dahodua-hodua. Nowaꞌanda dua kuasa daefolimba seetani. 8Nofohatoda ambano, “Koe mewowoꞌoomu ae-ae, mpahinomo o katuko. Koe mewowoꞌoomu roti, bhahaꞌi kaduno bhaku, tawa o dhoi weo kawawemiu. 9Naembali mepakeomu kaampini ne aꞌemiu, tamaka koemo mewowoꞌoomu bhadhu nahaa tuwu.” 10Ambano toha, “Ane datumahimakoomu ne seꞌonu lambu, meateomu ne itu ampa humunsaomu liwu aitu. 11Tamaka ane humatoomu ne seꞌonu liwu, maka mieno liwu aitu pae datumahimakoomu, dongahe dametingkekoomu, hunsaeꞌomu liwu aitua. Mahingga bungahasi ne handano aꞌemiu tantaeꞌomu, somo tandano kafodhagando.”
12Pada anaꞌa koompulu hoduando anaguhuno maitu doehemo. Dokalamo defolele bhihita putae manusia tabeano dametompaꞌao dhosando bhe dadumoli ne Lahataꞌala. 13Andoa maitu nobhahi defolimba seetani bhe mie mosakino dobheluanda mina lasao doꞌosa.
Kamateꞌano Yohanes Fokadiuno
6:14-29
Mat 14:1-12; Luk 9:7-9
14Kolaki Herodes nofetingke dua giu nehabuno Yesus, mbaꞌinomo neano notiende-endemo ne amai liwu. Nandoo mugauno, “Yohanes Fokadiuno nodadimo toha! Kakokuasaꞌanomo nehabu giu timenteꞌaono!”
15Tamaka ambado sigaoꞌano, “Anoa ini anabii Elia!” Nandoo dua mugauno, “Anoa ini o anabii, nopototo bhe ana-anabii dhamani wawono.”
16Nofetingke peda naꞌa, Herodes nopugaumo, “Suano, mie anaꞌa teteweimo Yohanes Fokadiuno. Anoa itu padamo atompee wuꞌuno, gahaꞌa nodadimo toha!”
17Kanandooꞌano peda naꞌa, mbaꞌinomo Herodes padamo netudu mie dahumako Yohanes, maka damopesuaꞌe weo katohongku. Katitohongkuꞌano mbaꞌinomo parakarano Herodias, mieno lambuno Filipus bhahitieno Herodes. Herodes ini noala dua Herodias mbali mieno lambuno. 18Yohanes nentuhumo nefeꞌulaiane peda aini, “O falia mieno lambuno bhahitiemu alae dua so mieno lambumu!”
19Kaoleaꞌanomo lalono Herodias ne Yohanes, sampe nokopatudhu namongkoe, tamaka miina namooliea. 20Kapaꞌamo Herodes padamo netudu mie dadhumagani Yohanes, mbaꞌinomo nomihikie, nopandeꞌaane Yohanes maitu mie metaa, mie mongkilo. Ane nopugau Yohanes, noasiane dua nofetingkee mahingga totono lalono miina nahumempoa.
21Panda-pandano Herodias neꞌawa dua katolala metaa ne kahameno kafeꞌulaino oleo kalenteꞌano Herodes. Ne oleono Herodes nehabu kahame naꞌa, kosasawindo kabhala weo kadieno Galilea, neangkaꞌindo tantara bhe kamungkulaꞌi weo liwu nopadada nosaliꞌida. 22Weo kahame anaꞌa kalambeno Herodias nolinda. Herodes bhe mie humatono doasiane sepaliꞌa dowoha lindano maitu. Dadiꞌanomo nopugaumo Herodes ne kalambe naꞌa, “O ae nekapoindalomua? Tamesalomo, amaꞌangkoe!” 23Herodes nofemata ambano, “O ae maka dua nesalomua amaꞌangkoe, mahingga naselabunta liwu neowaku ini!”
24Kalambe aitu nokalamo nofeena inano ambano, “Ina, aesalo ae bhahaa?” Notobhoosimo inano ambano “Mesalo fotuno Yohanes Fokadiuno!” 25Kalambe amaitu lasao nosuli nofohato Herodes, ambano “Aesalo fotuno Yohanes Fokadiuno, datumeiꞌe ne tala. Amalaemo dua aitu!”
26Nofetingke kamesalono naꞌa Herodes nobhela sepaliꞌa lalono, tamaka nokiido natumagaliea, kapaꞌamo padamo nofemata ne wisendo mie bhahi. 27Herodes lasao netudu seemie dhagano kamali nakumala namala fotuno Yohanes Fokadiuno. Mie aitu nokalamo we katohongku, 28notompe wuꞌuno Yohanes, maka noteiꞌe ne tala. Pada aitu nowaꞌanemo kalambeno Herodias. Kalambe aitu lasao nowaꞌane inano. 29Dofetingke bhihita anaꞌa, anaguhuꞌino Yohanes domaimo doala maeatino maka dokobuhue.
Yesus nepakande mie dapelima hewu kabhahindo
6:30-44
Mat 14:13-21; Luk 9:10-17; Yoh 6:1-13
30Rasulu netuduno Yesus dosulimo. Dohato detula-tulaanemo kosasawiꞌae nehabundo bhe nefoinaꞌuꞌaondo. 31Ambano Yesus ne anaguhuꞌino, “Maimo, dokala domoisaomu we molinoꞌano, dofewuleꞌaoꞌomu nasebantaha.” Kapugauꞌano peda anaꞌa, mbaꞌinomo dobhahi sepaliꞌa mie maino bhe sumulino, sampe Yesus bhe anaguhuꞌino miinamo datolala daomaaꞌa. 32Dadiꞌanomo dokalamo domoisa we molinoꞌano, dosawi ne bhangka.
33Gahaꞌa mie bhahi dowohada dokala bhe dopandeꞌaane dua laꞌae kumalano maitu. Dadiꞌanomo mie maiꞌaono ne sabhaha liwu maitu, dokalamo bhe dotende, doangka wite, sampe dohato wawo andoa. 34Nosampu nomaiꞌao ne bhangka, Yesus nowohamo kantawundo mie naꞌa. Nobhelaandamo lalono mbaꞌinomo andoa ini tapedamo gulumano dhumba pata kodhagano, sampe nobhahi toha nofoinaꞌuda. 35Nepanda kaowu oleo, anaguhuꞌino dopugaumo ne Yesus, ambado, “Ingka nepandamo oleo! Nolino sepaliꞌa ne ini. 36Naetaa tududamo dasumuli mie bhahi inia, dotolalaꞌao daeꞌoli nehumaando ne liwu bhahaꞌi ne komieꞌano ne owa ini.” 37Yesus notobhoosimo ambano, “Hintimiu so makandeda!” Ambado toha anaguhuꞌino, “Peda ae? Ingka tamadae ponambono mie naalu wula #6:37 Sakotuꞌuno: haa moꞌono dinar. Sedinar ponambono mie seꞌoleo. taeꞌoliane roti maka naembali tamakandeda!”
38Pada anaꞌa Yesus nofeenadamo, “Fee onu gahaꞌa roti ndumandooꞌano ne hintimiu? Soba ondoeꞌomu!” Pada doꞌondoe, ambado, “Lima onu roti bhe haa ulu kenta.”
39Pada aitu Yesus notudumo mie bhahi daengkoha ne wite, ne kahoku moidhoꞌano, datumombu-tombu wutondo. 40Dadiꞌanomo mie bhahi maitu dengkohamo dotombu-tombu wutondo, nandoo moꞌonono setombu, nandoo dua lima fuluno. 41Yesus noalamo roti lima onuno bhe kenta haa uluno maitu maka nototohana te lani, nefoampe katumpuno lalo ne Ompu Lahataꞌala. Pada anaꞌa nobhebhehamo roti aitu maka nowaꞌandae anaguhuꞌino dadumawu-dawuandae mie bhahi. Pedamo dua anaꞌa kenta haa uluno maitu. 42Kosasawindo dohumaa ampa doweꞌi. 43Pada dohumaa, o roti kabhilaꞌando dotawunaane, nopono ompulu haa kalangka. 44Kabhahindo momaano, o moꞌane kaowu dapelima hewu.
Yesus nekala-kala te wawono oe
6:45-52
Mat 14:22-33; Yoh 6:16-21
45Pada aitu Yesus lasao notudu anaguhuꞌino dasumawi ne bhangka damaꞌindulu we sewetano, we liwuno Betsaida. Anoa nandoo notudu kadeki mie bhahi maitu dasumuli. 46Nopogaati kaowu bhe andoa, Yesus nofonimo nosambahea te kabhawo. 47Nohondo oleo bhangka kasawiꞌando anaguhuno nohatomo we wuntano ndalo, tamaka Yesus nomoisa te wite. 48Nowohada dokadee-deemo dobhose, mbaꞌinomo desumpu kawea. Hambi-hambi tolu mata kohondoꞌa, Yesus nokalaꞌida, nekala-kala te wawono oe, patudhuno tanalumalo. 49Dowohae nekala-kala te wawono oe, dokonaemo kahanda sampe dokei mpodea. 50Dotikenda sepaliꞌa, kapaꞌamo kosasawindo sanea mohae. Tamaka Yesus lasao nofohatoda ambano, “Fekatangka lalomiu. O Idi inia, koise moteꞌiomu!” 51Pada aitu nosawimo weo bhangka, kawea lasao nolino, sampe kosasawindo tadotonto kaꞌosano mentendo. 52Kapaꞌamo mahingga dowohaemo, miinaꞌo dalumosangie maꞌanano nehabuno Yesus ne lima onu roti maitu, notosungku fekihindo.
Yesus nefekaꞌosa mie mosakino we Genesaret
6:53-56
Mat 14:34-36
53Dohato we sewetano, dosedemo we liwuno Genesaret, bhangkando dolabue ne itu. 54Dosampu domaiꞌao ne bhangka, miendo liwu lasao dopandeꞌaane gahaꞌa Yesus humatono maitu. 55Dolilimo bhe dopotendehi weo kadie aitu dopofoha-fohato. Mie mosakino doꞌoweadamo doowada se Yesus, ampa katifetingkeꞌano kahatoꞌano. 56Ne amai maka dua kakalaꞌano, ne kota, ne liwu bhalano bhahaꞌi ne liwu mohobu, sadhia deowaꞌiane mie mosaki. Mie mosakino maitu tadofondoledamo we kadeteno daoa maka desalo dadumingkue, mahingga wiwino dhubano kaowu. Kosasawindo dumingkuno Yesus lasao doꞌosa.
Currently Selected:
Markus 6: mnbSD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Markus 6
6
Yesus miina damarasaeaꞌe we Nasaret
6:1-6a
Mat 13:53-58; Luk 4:16-30
1Nomaiꞌao ne itu Yesus nosulimo we liwuno, doangkafie dua anaguhuꞌino. 2Nohato oleono Sabat nofofoinaꞌumo toha weo lambu kasambaheaꞌa. Mie bhahi domente dofetingke kafoinaꞌuno. Ambado, “Noꞌawae ne amai bhahaa kapandeno maitua? Dowaꞌane dawua ae bhahaa mie aini? Peda ae nokokuasa nehabu giu timenteꞌaono maitu? 3Ingka Anoa ini o tuka, anano Maria, bhahitieꞌino ndo Yakobus, Yoses, Yudas bhe Simon. Bhahitieꞌino hobhine deate dua ne ini.” Sampe nondidikiane lalondo.
4Tamaka ambano Yesus, “Seemie anabii sadhia dofosibhalae ne amai kakalaꞌano, simbali ne liwuno wutono, ne olotano bhahitieꞌino bhe weo lambuno, miina damosibhalaea.”
5Ne liwuno naꞌa Yesus miina naembalia nehabu giu timenteꞌaono, mpahinomo notei limano te wawondo seemie hodua mosakino lasao doꞌosa. 6aNomente mbaꞌinomo miina damarasaea.
Yesus notudu anaguhuꞌino dakumala daefolele Bhihita Metaa
6:6b-13
Mat 10:5-15; Luk 9:1-6
6bPada anaꞌa Yesus nolilimo we liwu-liwu sigaoꞌano bhe nofofoinaꞌu. 7Nosaliꞌimo anaguhuꞌino koompulu hoduando maka notududa dakumala dahodua-hodua. Nowaꞌanda dua kuasa daefolimba seetani. 8Nofohatoda ambano, “Koe mewowoꞌoomu ae-ae, mpahinomo o katuko. Koe mewowoꞌoomu roti, bhahaꞌi kaduno bhaku, tawa o dhoi weo kawawemiu. 9Naembali mepakeomu kaampini ne aꞌemiu, tamaka koemo mewowoꞌoomu bhadhu nahaa tuwu.” 10Ambano toha, “Ane datumahimakoomu ne seꞌonu lambu, meateomu ne itu ampa humunsaomu liwu aitu. 11Tamaka ane humatoomu ne seꞌonu liwu, maka mieno liwu aitu pae datumahimakoomu, dongahe dametingkekoomu, hunsaeꞌomu liwu aitua. Mahingga bungahasi ne handano aꞌemiu tantaeꞌomu, somo tandano kafodhagando.”
12Pada anaꞌa koompulu hoduando anaguhuno maitu doehemo. Dokalamo defolele bhihita putae manusia tabeano dametompaꞌao dhosando bhe dadumoli ne Lahataꞌala. 13Andoa maitu nobhahi defolimba seetani bhe mie mosakino dobheluanda mina lasao doꞌosa.
Kamateꞌano Yohanes Fokadiuno
6:14-29
Mat 14:1-12; Luk 9:7-9
14Kolaki Herodes nofetingke dua giu nehabuno Yesus, mbaꞌinomo neano notiende-endemo ne amai liwu. Nandoo mugauno, “Yohanes Fokadiuno nodadimo toha! Kakokuasaꞌanomo nehabu giu timenteꞌaono!”
15Tamaka ambado sigaoꞌano, “Anoa ini anabii Elia!” Nandoo dua mugauno, “Anoa ini o anabii, nopototo bhe ana-anabii dhamani wawono.”
16Nofetingke peda naꞌa, Herodes nopugaumo, “Suano, mie anaꞌa teteweimo Yohanes Fokadiuno. Anoa itu padamo atompee wuꞌuno, gahaꞌa nodadimo toha!”
17Kanandooꞌano peda naꞌa, mbaꞌinomo Herodes padamo netudu mie dahumako Yohanes, maka damopesuaꞌe weo katohongku. Katitohongkuꞌano mbaꞌinomo parakarano Herodias, mieno lambuno Filipus bhahitieno Herodes. Herodes ini noala dua Herodias mbali mieno lambuno. 18Yohanes nentuhumo nefeꞌulaiane peda aini, “O falia mieno lambuno bhahitiemu alae dua so mieno lambumu!”
19Kaoleaꞌanomo lalono Herodias ne Yohanes, sampe nokopatudhu namongkoe, tamaka miina namooliea. 20Kapaꞌamo Herodes padamo netudu mie dadhumagani Yohanes, mbaꞌinomo nomihikie, nopandeꞌaane Yohanes maitu mie metaa, mie mongkilo. Ane nopugau Yohanes, noasiane dua nofetingkee mahingga totono lalono miina nahumempoa.
21Panda-pandano Herodias neꞌawa dua katolala metaa ne kahameno kafeꞌulaino oleo kalenteꞌano Herodes. Ne oleono Herodes nehabu kahame naꞌa, kosasawindo kabhala weo kadieno Galilea, neangkaꞌindo tantara bhe kamungkulaꞌi weo liwu nopadada nosaliꞌida. 22Weo kahame anaꞌa kalambeno Herodias nolinda. Herodes bhe mie humatono doasiane sepaliꞌa dowoha lindano maitu. Dadiꞌanomo nopugaumo Herodes ne kalambe naꞌa, “O ae nekapoindalomua? Tamesalomo, amaꞌangkoe!” 23Herodes nofemata ambano, “O ae maka dua nesalomua amaꞌangkoe, mahingga naselabunta liwu neowaku ini!”
24Kalambe aitu nokalamo nofeena inano ambano, “Ina, aesalo ae bhahaa?” Notobhoosimo inano ambano “Mesalo fotuno Yohanes Fokadiuno!” 25Kalambe amaitu lasao nosuli nofohato Herodes, ambano “Aesalo fotuno Yohanes Fokadiuno, datumeiꞌe ne tala. Amalaemo dua aitu!”
26Nofetingke kamesalono naꞌa Herodes nobhela sepaliꞌa lalono, tamaka nokiido natumagaliea, kapaꞌamo padamo nofemata ne wisendo mie bhahi. 27Herodes lasao netudu seemie dhagano kamali nakumala namala fotuno Yohanes Fokadiuno. Mie aitu nokalamo we katohongku, 28notompe wuꞌuno Yohanes, maka noteiꞌe ne tala. Pada aitu nowaꞌanemo kalambeno Herodias. Kalambe aitu lasao nowaꞌane inano. 29Dofetingke bhihita anaꞌa, anaguhuꞌino Yohanes domaimo doala maeatino maka dokobuhue.
Yesus nepakande mie dapelima hewu kabhahindo
6:30-44
Mat 14:13-21; Luk 9:10-17; Yoh 6:1-13
30Rasulu netuduno Yesus dosulimo. Dohato detula-tulaanemo kosasawiꞌae nehabundo bhe nefoinaꞌuꞌaondo. 31Ambano Yesus ne anaguhuꞌino, “Maimo, dokala domoisaomu we molinoꞌano, dofewuleꞌaoꞌomu nasebantaha.” Kapugauꞌano peda anaꞌa, mbaꞌinomo dobhahi sepaliꞌa mie maino bhe sumulino, sampe Yesus bhe anaguhuꞌino miinamo datolala daomaaꞌa. 32Dadiꞌanomo dokalamo domoisa we molinoꞌano, dosawi ne bhangka.
33Gahaꞌa mie bhahi dowohada dokala bhe dopandeꞌaane dua laꞌae kumalano maitu. Dadiꞌanomo mie maiꞌaono ne sabhaha liwu maitu, dokalamo bhe dotende, doangka wite, sampe dohato wawo andoa. 34Nosampu nomaiꞌao ne bhangka, Yesus nowohamo kantawundo mie naꞌa. Nobhelaandamo lalono mbaꞌinomo andoa ini tapedamo gulumano dhumba pata kodhagano, sampe nobhahi toha nofoinaꞌuda. 35Nepanda kaowu oleo, anaguhuꞌino dopugaumo ne Yesus, ambado, “Ingka nepandamo oleo! Nolino sepaliꞌa ne ini. 36Naetaa tududamo dasumuli mie bhahi inia, dotolalaꞌao daeꞌoli nehumaando ne liwu bhahaꞌi ne komieꞌano ne owa ini.” 37Yesus notobhoosimo ambano, “Hintimiu so makandeda!” Ambado toha anaguhuꞌino, “Peda ae? Ingka tamadae ponambono mie naalu wula #6:37 Sakotuꞌuno: haa moꞌono dinar. Sedinar ponambono mie seꞌoleo. taeꞌoliane roti maka naembali tamakandeda!”
38Pada anaꞌa Yesus nofeenadamo, “Fee onu gahaꞌa roti ndumandooꞌano ne hintimiu? Soba ondoeꞌomu!” Pada doꞌondoe, ambado, “Lima onu roti bhe haa ulu kenta.”
39Pada aitu Yesus notudumo mie bhahi daengkoha ne wite, ne kahoku moidhoꞌano, datumombu-tombu wutondo. 40Dadiꞌanomo mie bhahi maitu dengkohamo dotombu-tombu wutondo, nandoo moꞌonono setombu, nandoo dua lima fuluno. 41Yesus noalamo roti lima onuno bhe kenta haa uluno maitu maka nototohana te lani, nefoampe katumpuno lalo ne Ompu Lahataꞌala. Pada anaꞌa nobhebhehamo roti aitu maka nowaꞌandae anaguhuꞌino dadumawu-dawuandae mie bhahi. Pedamo dua anaꞌa kenta haa uluno maitu. 42Kosasawindo dohumaa ampa doweꞌi. 43Pada dohumaa, o roti kabhilaꞌando dotawunaane, nopono ompulu haa kalangka. 44Kabhahindo momaano, o moꞌane kaowu dapelima hewu.
Yesus nekala-kala te wawono oe
6:45-52
Mat 14:22-33; Yoh 6:16-21
45Pada aitu Yesus lasao notudu anaguhuꞌino dasumawi ne bhangka damaꞌindulu we sewetano, we liwuno Betsaida. Anoa nandoo notudu kadeki mie bhahi maitu dasumuli. 46Nopogaati kaowu bhe andoa, Yesus nofonimo nosambahea te kabhawo. 47Nohondo oleo bhangka kasawiꞌando anaguhuno nohatomo we wuntano ndalo, tamaka Yesus nomoisa te wite. 48Nowohada dokadee-deemo dobhose, mbaꞌinomo desumpu kawea. Hambi-hambi tolu mata kohondoꞌa, Yesus nokalaꞌida, nekala-kala te wawono oe, patudhuno tanalumalo. 49Dowohae nekala-kala te wawono oe, dokonaemo kahanda sampe dokei mpodea. 50Dotikenda sepaliꞌa, kapaꞌamo kosasawindo sanea mohae. Tamaka Yesus lasao nofohatoda ambano, “Fekatangka lalomiu. O Idi inia, koise moteꞌiomu!” 51Pada aitu nosawimo weo bhangka, kawea lasao nolino, sampe kosasawindo tadotonto kaꞌosano mentendo. 52Kapaꞌamo mahingga dowohaemo, miinaꞌo dalumosangie maꞌanano nehabuno Yesus ne lima onu roti maitu, notosungku fekihindo.
Yesus nefekaꞌosa mie mosakino we Genesaret
6:53-56
Mat 14:34-36
53Dohato we sewetano, dosedemo we liwuno Genesaret, bhangkando dolabue ne itu. 54Dosampu domaiꞌao ne bhangka, miendo liwu lasao dopandeꞌaane gahaꞌa Yesus humatono maitu. 55Dolilimo bhe dopotendehi weo kadie aitu dopofoha-fohato. Mie mosakino doꞌoweadamo doowada se Yesus, ampa katifetingkeꞌano kahatoꞌano. 56Ne amai maka dua kakalaꞌano, ne kota, ne liwu bhalano bhahaꞌi ne liwu mohobu, sadhia deowaꞌiane mie mosaki. Mie mosakino maitu tadofondoledamo we kadeteno daoa maka desalo dadumingkue, mahingga wiwino dhubano kaowu. Kosasawindo dumingkuno Yesus lasao doꞌosa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.