Parei 1
1
V'nen itauamu
1 #
Luk 1:1-4. Tv'alk Tiuvilas, arna pukak itauamu nulul a v'nen ivrur si udlani a Iesu iani, kav'iv'ani, naran iendina parian itauamu, 2dav'a ier napn Atua ilav'i iv'a eia, naran ittu sera v'nen huan anr apusel la iv'lair ha, arna nut huan a M'im'iln P'as. 3Itauatah a m'ienen, A Iesu iv'iv'en Hin anr a ti isilv' ml, arna navanel inelnal, iav'i hap'ilien. Hir avlei arna napn inelv'a (40) naran ivrur v'anuan Atua.
A Iesu ituran a ti M'im'iln P'as ipama
4 #
Luk 24:49. Laha, naran ip'lt m'er, itu v'nen anr a ti amavln nut a Serusalem, kavr ti a, “Kam'i pavtrah turanienan a Tatei la Hin ittu sarei a kam'i ha, ipanep'a nut ntvr sarei a kam'i inap'ei. 5#Mat 3:11; Mak 1:8; Luk 3:16; Sun 1:33.Nvrdaui, a Sun ien paptais a kam'i a nauei, v'eti ikap'arei Atua ipan paptais a kam'i a M'im'iln P'as.” 6Laha, naran avrama kavp'lt, avmiman ani, kavvr ti a, “?Mlin, hilaha iv'i naran na ti Nakm patum'alet a v'anuar m'ertu a Isrel ml anr?” 7Ivrpranr kavr ti a, “Iav'i nkam'i a ti pavrndu naran na sei v'aha napn na sei a Tatei uaki itaui arna nut huan. 8#Mat 28:19; Mak 16:15; Luk 24:47,48.V'eti kam'i pavlev' nut hua naran M'im'iln P'as ipama aranam'i, kavv'i v'nenak arna nut a Serusalem, arna nut udlani a Sutia, arna nut a Sameria, m'a nut udlani arna nadep'.”
A Iesu iv'a arna nut eia
9 #
Mak 16:19; Luk 24:50,51. Ivr sera v'nen lera, laha, naran avp'ei, avla ti Atua ilav'i iv'a eia. Sarei, p'knaran iamk itukari ahavlei ml. 10Avklau ihua uam naran iv'a eia. Laha, pavrni, dui arru arp'tir asnr, heiar itva, karvr ti a, 11“!Ardu a Kalili! ?Inap'i hin kvp'tir kavklau eia? A Iesu lera, la Atua ilav'i iv'a eia ha, Hin ipama ml ipanep'a nut kvla ti iv'a eia inap'ei.”
Avp'lt kavtu tamat al rum eia
12Sarei, avln ptha lera, nahan iv'i Uliv, kavm'alet kavrav'a ml a Serusalem, ihih kilumita iamk arna nut lera. 13#Mat 10:2-4; Mak 3:16-19; Luk 6:14-16.Laha, naran avier nut lera, avrav'a al nmah iamk arna rum nen iter eia. Hin a P'ita, a Sun, Adru, a P'iliv', a Tumas, a Patulumiu, a Matiu, a Sim'is iv'i a natn Alvias, a Saimun Silutis, m'ei a Sutas iv'i a natn a Sim'is, avlak atlera. 14Hir udlani avp'lt arna v'ahienar iamk kavtu tamat kavmiman sei asn Atua nakl, hir m'er tav'et kinkin m'ei a Meri, iv'i a unian a Iesu, m'er tv'aln.
Av'lai a Mataias a ti ipav'i apusel
15Arna naran lera, a P'ita ip'tir arna p't nut nar m'ertu udlani avv'ah a Iesu, avihih nelnal iv'amk pln inelru (120), kavr ti a, 16“Tv'alk udlani, v'nen M'im'iln P'as ivri arna pnn a Divt naran ivrur a Sutas la iv'ev'a m'ertu avuadei a Iesu ha, iktu hin pr. 17Hin ip'lt m'a kam'em' kalak m'a kam'em' arna parei laha. 18#Mat 27:3-8.Hin iul nadep' kinkin iamk a nav'et ilav'i arna si stuan, sarei, kadars atlera, v'atn udlani irdapri, laha, ann udlani ima aut. 19Dav'a m'ertu udlani avlak a Serusalem avrndu si lera kavtu naha nadep' lera iv'i Akeltama. Arna v'nenar, iv'i Nadep' na Nadei. 20#Npin 69:25; Npin 109:8.Sena ti aulul ani arna puk iamk arna Paivul, iv'i Npin, ivr ti a,
‘Ip'as a ti nmahan ipater vn uaki.
M'ertu kinkin imalak a nln.’
Kavri ml arna nut uraur kavr ti a,
‘M'ertu uraur ipaua parian.’
21 #
Mat 3:16; Mak 1:9; Luk 3:21;
Mak 16:19; Luk 24:51. Sena si lera, iviviln a ti p'vv'li m'ertu ipamk ilak m'a kam'em' iel naran a Mlin Lilad a Iesu iunanut m'a kam'em'. 22Itudina hin naran a Sun ien paptais dav'a ier napn Atua ilev'lei asnm'em'. Apataui ti hin ipap'lt m'a kam'em' kavrp'ep'a ti a Iesu ithal ml arna m'ienen.” 23Laha, avtu naha dui arru, a Susev', avr ti iv'i a Pasapas, tv'el nahan iv'i a Sastas, m'ei a Mataias. 24Sarei, kavtu tamat kavvr ti a, “Mlin Eia, Nakm krndu nlr m'ertu udlani. Dui arru lera, pav'iv'en a kam'em' hin ak asnr ktv'li sarei. 25A ti hin ipav'i apusel kaua parian a Sutas la irs aranan ha, sena ti iluvn a v'nenan Atua kadav'a arna m'lnen.” 26Sarei, avhlhalei kavpasla nahan a Mataias kavtaui ip'lt m'er apusel inal lman iamk (11).
Currently Selected:
Parei 1: nmb
Highlight
Share
Copy
Want to have your highlights saved across all your devices? Sign up or sign in
© 2023 Presbyterian Reformed Church of Australia
Parei 1
1
V'nen itauamu
1 #
Luk 1:1-4. Tv'alk Tiuvilas, arna pukak itauamu nulul a v'nen ivrur si udlani a Iesu iani, kav'iv'ani, naran iendina parian itauamu, 2dav'a ier napn Atua ilav'i iv'a eia, naran ittu sera v'nen huan anr apusel la iv'lair ha, arna nut huan a M'im'iln P'as. 3Itauatah a m'ienen, A Iesu iv'iv'en Hin anr a ti isilv' ml, arna navanel inelnal, iav'i hap'ilien. Hir avlei arna napn inelv'a (40) naran ivrur v'anuan Atua.
A Iesu ituran a ti M'im'iln P'as ipama
4 #
Luk 24:49. Laha, naran ip'lt m'er, itu v'nen anr a ti amavln nut a Serusalem, kavr ti a, “Kam'i pavtrah turanienan a Tatei la Hin ittu sarei a kam'i ha, ipanep'a nut ntvr sarei a kam'i inap'ei. 5#Mat 3:11; Mak 1:8; Luk 3:16; Sun 1:33.Nvrdaui, a Sun ien paptais a kam'i a nauei, v'eti ikap'arei Atua ipan paptais a kam'i a M'im'iln P'as.” 6Laha, naran avrama kavp'lt, avmiman ani, kavvr ti a, “?Mlin, hilaha iv'i naran na ti Nakm patum'alet a v'anuar m'ertu a Isrel ml anr?” 7Ivrpranr kavr ti a, “Iav'i nkam'i a ti pavrndu naran na sei v'aha napn na sei a Tatei uaki itaui arna nut huan. 8#Mat 28:19; Mak 16:15; Luk 24:47,48.V'eti kam'i pavlev' nut hua naran M'im'iln P'as ipama aranam'i, kavv'i v'nenak arna nut a Serusalem, arna nut udlani a Sutia, arna nut a Sameria, m'a nut udlani arna nadep'.”
A Iesu iv'a arna nut eia
9 #
Mak 16:19; Luk 24:50,51. Ivr sera v'nen lera, laha, naran avp'ei, avla ti Atua ilav'i iv'a eia. Sarei, p'knaran iamk itukari ahavlei ml. 10Avklau ihua uam naran iv'a eia. Laha, pavrni, dui arru arp'tir asnr, heiar itva, karvr ti a, 11“!Ardu a Kalili! ?Inap'i hin kvp'tir kavklau eia? A Iesu lera, la Atua ilav'i iv'a eia ha, Hin ipama ml ipanep'a nut kvla ti iv'a eia inap'ei.”
Avp'lt kavtu tamat al rum eia
12Sarei, avln ptha lera, nahan iv'i Uliv, kavm'alet kavrav'a ml a Serusalem, ihih kilumita iamk arna nut lera. 13#Mat 10:2-4; Mak 3:16-19; Luk 6:14-16.Laha, naran avier nut lera, avrav'a al nmah iamk arna rum nen iter eia. Hin a P'ita, a Sun, Adru, a P'iliv', a Tumas, a Patulumiu, a Matiu, a Sim'is iv'i a natn Alvias, a Saimun Silutis, m'ei a Sutas iv'i a natn a Sim'is, avlak atlera. 14Hir udlani avp'lt arna v'ahienar iamk kavtu tamat kavmiman sei asn Atua nakl, hir m'er tav'et kinkin m'ei a Meri, iv'i a unian a Iesu, m'er tv'aln.
Av'lai a Mataias a ti ipav'i apusel
15Arna naran lera, a P'ita ip'tir arna p't nut nar m'ertu udlani avv'ah a Iesu, avihih nelnal iv'amk pln inelru (120), kavr ti a, 16“Tv'alk udlani, v'nen M'im'iln P'as ivri arna pnn a Divt naran ivrur a Sutas la iv'ev'a m'ertu avuadei a Iesu ha, iktu hin pr. 17Hin ip'lt m'a kam'em' kalak m'a kam'em' arna parei laha. 18#Mat 27:3-8.Hin iul nadep' kinkin iamk a nav'et ilav'i arna si stuan, sarei, kadars atlera, v'atn udlani irdapri, laha, ann udlani ima aut. 19Dav'a m'ertu udlani avlak a Serusalem avrndu si lera kavtu naha nadep' lera iv'i Akeltama. Arna v'nenar, iv'i Nadep' na Nadei. 20#Npin 69:25; Npin 109:8.Sena ti aulul ani arna puk iamk arna Paivul, iv'i Npin, ivr ti a,
‘Ip'as a ti nmahan ipater vn uaki.
M'ertu kinkin imalak a nln.’
Kavri ml arna nut uraur kavr ti a,
‘M'ertu uraur ipaua parian.’
21 #
Mat 3:16; Mak 1:9; Luk 3:21;
Mak 16:19; Luk 24:51. Sena si lera, iviviln a ti p'vv'li m'ertu ipamk ilak m'a kam'em' iel naran a Mlin Lilad a Iesu iunanut m'a kam'em'. 22Itudina hin naran a Sun ien paptais dav'a ier napn Atua ilev'lei asnm'em'. Apataui ti hin ipap'lt m'a kam'em' kavrp'ep'a ti a Iesu ithal ml arna m'ienen.” 23Laha, avtu naha dui arru, a Susev', avr ti iv'i a Pasapas, tv'el nahan iv'i a Sastas, m'ei a Mataias. 24Sarei, kavtu tamat kavvr ti a, “Mlin Eia, Nakm krndu nlr m'ertu udlani. Dui arru lera, pav'iv'en a kam'em' hin ak asnr ktv'li sarei. 25A ti hin ipav'i apusel kaua parian a Sutas la irs aranan ha, sena ti iluvn a v'nenan Atua kadav'a arna m'lnen.” 26Sarei, avhlhalei kavpasla nahan a Mataias kavtaui ip'lt m'er apusel inal lman iamk (11).
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 Presbyterian Reformed Church of Australia