Ap'u 17
17
A Mlin Eia itaui ti apan p'au ipav'iv'en turanienan
1Naran a Epram paian inelsav'et pln isav'et (99), a Mlin Eia iv'iv'en Hin an a Epram kavr ani, kavr ti a, “Kana nv'i Atua Na Nut Hua Udlani. Pasapa navanelak arna nahk kaviviln. 2Laha, p'en turanienak ipap'tir a p't nut nad. P'ani ti nl nam'elam ipastuduet.” 3A Epram irs kasisihpu arna nahn. Laha, Atua iv'ana m'ei, kavr ti a, 4“Palei, Kana, turanienak ipap'tir asnm. Nakm pav'i a tetiar v'anu ipastudau. 5#Rum 4:17.Naham ikav'i a Epram ml, v'eti naham ipav'i a Epraham, sena ti Kana ntauh a ti pav'i a tetiar v'anu ipastudau. 6P'ani ti a natm apavstudau, kani ti v'anu lilil m'a mlin lilil apavandan asnm. 7#Luk 1:55.P'ani ti turanienak ipap'tir a p't nut nad, m'er a natm la apavtauatah anh ha, la apavsilv' uam ha, a ti turanien lera ipap'tir dav'a ikahiris naran. A ti p'ev'i Atuam m'a Atuar a netm'i la apavtauatah anh ha. 8#Parei 7:5.P'etu nadep' la kv'i v'anudl aranan ha anh ml m'er a natm, iv'i nut a Kenan udlani, a ti ipav'i nadep'am dav'a ikahiris naran. Kana p'ev'i Atuar.”
9Laha, Atua ivr an a Epraham kavr ti a, “Nakm pauada turanienak, nakm m'er a natm udlani apavtauatah anh, la apavsilv' uam ha. 10#Parei 7:8; Rum 4:11.Ki laha iv'i turanienak nakm pauadei pr, ipater a p't nut nad m'er a natm la apavtauatah anh ha. Apan p'au anr a natm udlani. 11Apatrla pna nila p'ak dui asnm pr. Ki lera ipav'iv'en turanien la iter a p't nut nad ha. 12Naran dui ipaiak asnm'i napn ipasatl uaki, apan p'au ani. Dui udlani apaviak asnm'i ipatauatah akvan p'au anr pr, nki aviak al nmaham, m'er nki kulr a nav'et asnr v'anudl kinkin la ahavv'i a natm ha. 13Apan p'au a dui iak al nmaham m'a dui kuli a nav'et. P'akm'i ipav'iv'en turanienak dav'a ikahiris naran. 14Mardel dui, la ahan p'au ani ha, apatrla dui nen ikap'lt m'er m'ertuak, sena ti itkapr sera turanienak.”
15Sarei, Atua ivr an a Epraham kavr ti a, “A naum, iv'i a Sarai, ikav'i a Sarai ml, v'eti nahan ipav'i a Sera. 16Laha, p'emhmah ani kani ti ipalev' a natm dui ipamk. Aau, p'emhmah ani a ti ipama kav'i a unia pt v'anu ipanelnal ipastudau. Mlin lililar m'ertu apavandan asnn.”
17Sarei, a Epraham irs kasisihpu a nadep' kavtma, kavri arna nln kavr ti a, “?Mardel irndu ti ipaiak asn dui la paian itnelnal sarei itv'amk (100) ha? ?A Sera, la paian itnelsav'et sarei (90) ha, ipalev' sei uam?” 18Laha, a Epraham ivr an Atua kavr ti a, “Nrn ti a Ismail ipasilv' arna nahm.”
19Sarei, Atua ivr ti a, “Nvrdaui, a Sera, a naum, ipalev' a natm ipamk. Patu nahan ipav'i Aisak. Laha, Kana p'ani ti turanienak ipap'tir asnn, kav'i turanien la ikahiris naran ha m'er a natn apavtauatah ani. 20V'eti sei kmimani sanan a Ismail ntrn sarei. Parni, ntmhmah sarei ani, kani ti a natn ipastudau kavnelnal mau. Hin ipav'i pla mlin ipanal lman iparu, laha p'ani ti ipama kv'i pt v'anu lil ipamk. 21V'eti p'ani ti turanienak ipap'tir asn Aisak, la a Sera ipalav'i asnm ha, arna naran laha arna pai lahadei.” 22Naran Atua itv'ana sarei m'ei a Epraham, ilni kadav'a eia.
23Laha, a Epraham ilev' a Ismail, iv'i a natn, m'er nelnal aviak al nmahan, m'er nelnal itul sarar a nav'et, m'er dui udlani la avlak arna nl nam'elan ha, kan p'au anr arna napn nen lera, inep'a nut Atua itvr sarei ani inap'ei. 24A Epraham an p'au ani, naran paian inelsav'et pln isav'et (99). 25A Ismail, iv'i a natn, an p'au ani naran paian inal lman itl. 26Arna napn nen lera an p'au an a Epraham m'ei a natn, iv'i a Ismail. 27An p'au an a Epraham m'er dui udlani avlak al nmahan, nki aviak al nmahan m'er nki iulr a nav'et asn v'anudl.
Currently Selected:
Ap'u 17: nmb
Highlight
Share
Copy
Want to have your highlights saved across all your devices? Sign up or sign in
© 2023 Presbyterian Reformed Church of Australia
Ap'u 17
17
A Mlin Eia itaui ti apan p'au ipav'iv'en turanienan
1Naran a Epram paian inelsav'et pln isav'et (99), a Mlin Eia iv'iv'en Hin an a Epram kavr ani, kavr ti a, “Kana nv'i Atua Na Nut Hua Udlani. Pasapa navanelak arna nahk kaviviln. 2Laha, p'en turanienak ipap'tir a p't nut nad. P'ani ti nl nam'elam ipastuduet.” 3A Epram irs kasisihpu arna nahn. Laha, Atua iv'ana m'ei, kavr ti a, 4“Palei, Kana, turanienak ipap'tir asnm. Nakm pav'i a tetiar v'anu ipastudau. 5#Rum 4:17.Naham ikav'i a Epram ml, v'eti naham ipav'i a Epraham, sena ti Kana ntauh a ti pav'i a tetiar v'anu ipastudau. 6P'ani ti a natm apavstudau, kani ti v'anu lilil m'a mlin lilil apavandan asnm. 7#Luk 1:55.P'ani ti turanienak ipap'tir a p't nut nad, m'er a natm la apavtauatah anh ha, la apavsilv' uam ha, a ti turanien lera ipap'tir dav'a ikahiris naran. A ti p'ev'i Atuam m'a Atuar a netm'i la apavtauatah anh ha. 8#Parei 7:5.P'etu nadep' la kv'i v'anudl aranan ha anh ml m'er a natm, iv'i nut a Kenan udlani, a ti ipav'i nadep'am dav'a ikahiris naran. Kana p'ev'i Atuar.”
9Laha, Atua ivr an a Epraham kavr ti a, “Nakm pauada turanienak, nakm m'er a natm udlani apavtauatah anh, la apavsilv' uam ha. 10#Parei 7:8; Rum 4:11.Ki laha iv'i turanienak nakm pauadei pr, ipater a p't nut nad m'er a natm la apavtauatah anh ha. Apan p'au anr a natm udlani. 11Apatrla pna nila p'ak dui asnm pr. Ki lera ipav'iv'en turanien la iter a p't nut nad ha. 12Naran dui ipaiak asnm'i napn ipasatl uaki, apan p'au ani. Dui udlani apaviak asnm'i ipatauatah akvan p'au anr pr, nki aviak al nmaham, m'er nki kulr a nav'et asnr v'anudl kinkin la ahavv'i a natm ha. 13Apan p'au a dui iak al nmaham m'a dui kuli a nav'et. P'akm'i ipav'iv'en turanienak dav'a ikahiris naran. 14Mardel dui, la ahan p'au ani ha, apatrla dui nen ikap'lt m'er m'ertuak, sena ti itkapr sera turanienak.”
15Sarei, Atua ivr an a Epraham kavr ti a, “A naum, iv'i a Sarai, ikav'i a Sarai ml, v'eti nahan ipav'i a Sera. 16Laha, p'emhmah ani kani ti ipalev' a natm dui ipamk. Aau, p'emhmah ani a ti ipama kav'i a unia pt v'anu ipanelnal ipastudau. Mlin lililar m'ertu apavandan asnn.”
17Sarei, a Epraham irs kasisihpu a nadep' kavtma, kavri arna nln kavr ti a, “?Mardel irndu ti ipaiak asn dui la paian itnelnal sarei itv'amk (100) ha? ?A Sera, la paian itnelsav'et sarei (90) ha, ipalev' sei uam?” 18Laha, a Epraham ivr an Atua kavr ti a, “Nrn ti a Ismail ipasilv' arna nahm.”
19Sarei, Atua ivr ti a, “Nvrdaui, a Sera, a naum, ipalev' a natm ipamk. Patu nahan ipav'i Aisak. Laha, Kana p'ani ti turanienak ipap'tir asnn, kav'i turanien la ikahiris naran ha m'er a natn apavtauatah ani. 20V'eti sei kmimani sanan a Ismail ntrn sarei. Parni, ntmhmah sarei ani, kani ti a natn ipastudau kavnelnal mau. Hin ipav'i pla mlin ipanal lman iparu, laha p'ani ti ipama kv'i pt v'anu lil ipamk. 21V'eti p'ani ti turanienak ipap'tir asn Aisak, la a Sera ipalav'i asnm ha, arna naran laha arna pai lahadei.” 22Naran Atua itv'ana sarei m'ei a Epraham, ilni kadav'a eia.
23Laha, a Epraham ilev' a Ismail, iv'i a natn, m'er nelnal aviak al nmahan, m'er nelnal itul sarar a nav'et, m'er dui udlani la avlak arna nl nam'elan ha, kan p'au anr arna napn nen lera, inep'a nut Atua itvr sarei ani inap'ei. 24A Epraham an p'au ani, naran paian inelsav'et pln isav'et (99). 25A Ismail, iv'i a natn, an p'au ani naran paian inal lman itl. 26Arna napn nen lera an p'au an a Epraham m'ei a natn, iv'i a Ismail. 27An p'au an a Epraham m'er dui udlani avlak al nmahan, nki aviak al nmahan m'er nki iulr a nav'et asn v'anudl.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 Presbyterian Reformed Church of Australia