Mataayo 18
18
Niga omukuru mu‑bhukama bhwa mu‑rwire?
(Maariko 9:33‑37; Ruuka 9:46‑48)
1Omwanya ogwo, abheeyigisibhwa nibhaaja ku‑Yeesu, nibhamubhuusya ati, 2“Niga unu ari mukuru mu‑bhukama bhwa mu‑rwire?” Yeesu ˆnaabhirikira omwana omurera, ˆnaamwimereegusyu agatigati yeebhwe. 3ˆNaabhabhwira ati, “Ni chimari enibhabhwira ati, araabha mukarema okuyinduka na okubha rwa abhaana abharera, mutaringira mu‑bhukama bhwa mu‑rwire noorwo na akatyari. 4Kurwa ejo, omuunu woonewoone unu keekeeya na okubha rwa omwana omurera unu, niwe omukuru mu‑bhukama bhwa mu‑rwire. 5Ka wone, omuunu woonewoone unu kaakuma omwana omutooto rwa unu kw‑isiina ryani, kaabha aankumire.
Okukengya inguru ya amaregeejo
(Maariko 9:42‑48; Ruuka 17:1‑2)
6“Nawe unu ariyabhya owumwi ku‑bhatooto bhanu abhanyikirisya, ˆnaareterera akore ebhibhiibhi, jikabheeye kisi omuunu oyo abhoyerwe mu‑bhicha orubhuyi runene rwa okuseera‑ko na okweswa ebhusibha mu‑nyanja. 7Jiribhabhona emwe abhaanu bha echaaro chinu, ku‑songa ya okukora emisango jinu ejireterera abhaanu okukora ebhibhiibhi! Chimari ati amaregeejo agakenwa gabhe‑wo, nawe jiribhona omuunu unu arireterera amaregeejo ago! 8Araabha okubhoko kwawo amwi okuguru kwawo nikwo okukureterera okukora ebhibhiibhi, kuteme‑ko na okukwesa kura. Ni akiri wingire mu‑bhuwanga bhwa akajaanende koone utari‑ko okubhoko okumwi amwi utari‑ko okuguru okumwi, okukira okubha na amabhoko goone gabhiri amwi amaguru goone gabhiri, nawe nuweeswa mu‑muriro gwa akajaanende koone. 9Ka wone, eriiso ryawo rikakureterera okukora echibhiibhi, nuuriiye‑mo na okuryesa kura! Ni akiri wingire mu‑bhuwanga bhwa akajaanende uri na isongo, okukira okubha na ameeso goone gabhiri, nawe nuweeswa mu‑muriro gwa akajaanende koone.”
Echijekekanyo cha inaama inu ꞉yaabhurire
(Ruuka 15:3‑7)
10Yeesu ˆnaagenderera okubhabhwira ati, “Mukabhuke, mwasiga okugaya owumwi ku‑bhatooto bhanu! Enibhabhwira kutyo, kwa okubha bhamaraayika bheebhwe mu‑rwire eyo, siku joone bhari imbere ya Raata waani wa mu‑rwire. [11Anye Omwana wa Omuunu, niijire ku‑chaaro korereki nichungure abhaanu bhanu bhabhuriiye mu‑bhibhiibhi.]
12“Omurora kutiki? Araabha omuunu ari na jinaama egana rimwi, imwi kw‑ijo niibhura‑ko, arikora kutiki? Itari ati arisiga jinaama jirya makumi gataanu na gana na etaanu na ena (99) mu‑chiima, ˆnaagenda okuyenjeresya inaama imwi irya ibhurire? 13Ni chimari enibhabhwira ati, aribha aayibhona, arikondererwa muno inaama imwi irya, okukira jinaama jirya makumi gataanu na gana na etaanu na ena jinu jaariga jitabhurire.
14“Nikwo kutyo wone, Esomwana wa mu‑rwire, atakwenda noorwo umwi ku‑bhatooto abho asingaarike.
Obhwisombooro bhwa okukengya unu abhurire
15“Araabha omwikirisya oweejaanyu aakakukayira, nuumujee‑ko umubhwire echikayo chaaye muri bhabhiri era. Araabha aakakuungwa, owubha usakiiye omuunu oyo okubha omwikirisya oweejaanyu rindi. 16Nawe akarema okukuungwa, gega omuunu owundi umwi amwi abhaanu abhandi bhabhiri, korereki ‘ku‑bhubhambaasi bhwa abhabhambaasi bhabhiri amwi bhasatu bhuri musango gubhe abhweru.’#18:16 Ringira Orwichuko rwa Ebhiraagiro 19:15. 17Araabha akarema okubhoongwa, ugende ubhwire rikanisa. Araabha akarema okuungwa rikanisa, umurore wuti munyamanga amwi wuti mutobhesya wa rigooti.
18“Ni chimari enibhabhwira ati, emisango joone jinu muriigara ku‑chaaro anu, Nyamuwanga wone kaabha ajiigaaye okusooka mu‑rwire. Ka wone, emisango joone jinu muriigura ku‑chaaro anu, Nyamuwanga wone, kaabha ajiiguuye okusooka mu‑rwire.#18:18 Ringira Mataayo 16:19. 19Enibhabhwira rindi ati, araabha abhaanu bhabhiri mw‑imwe bhakeekirisyanya ku‑chaaro anu okusabhwa omusango gwonegwone, Raata waani wa mu‑rwire aribhakorera omusango ogwo. 20Okubha, anu bhari abhaanu bhabhiri amwi bhasatu bheekofyanyiisye kw‑isiina ryani, anye wone niri aamwi nabho awo.”
Echijekekanyo cha omuunu unu atakufwira echigongo
21Niwo Peetero ˆnaagenda ku‑Yeesu, ˆnaamubhuusya ati, “Raatabhugenyi, araabha omwikirisya oweejaasu ankayiiye, enikenwa nimufwire echigongo kwiya karinga? Angu, nimufwire echigongo kwiya kataanu na kabhiri?” 22Yeesu ˆnaamusubhya ati, “Siga nikubhwire, kutari kwiya kataanu na kabhiri era, tari ufwire echigongo oweejaanyu omwanya gwone bhunyatabharwa.#18:22 Omwanya gwone bhunyatabharwa. Jinyabhurira ejindi ejaayika ati, makumi gataanu na gabhiri kwiya kataanu na kabhiri.
23“Enibhabhwira kutyo, kwa okubha obhukama bhwa mu‑rwire obhususana na omukama umwi unu ꞉eendere okumenya obhukumi bhwa jipirya na abhagaya bha obhutungi bhwaye. 24Omukama ejire aamba okubhara, ˆnaareterwa omugaya umwi unu aariga ˆnaatongwa jipirya nyafu muno, nijikingaga jitaranta bhiwumbi ekumi (10,000).#18:24 Jitaranta bhiwumbi ekumi. Itaranta imwi yaariga niyingana na omuyeero gwa okuriya omukosi wa emirimu ku‑mwanya gwa emiguuga makumi gabhiri amwi okukira awo. 25Omugaya oyo ꞉ataaturire okuriya ribhanja rinu aariga ˆnaatongwa. Niwo omwami oyo ˆnaaragirira ati, omuunu oyo, omugasi waaye aamwi na abhaana bhaaye, bhagusibhwe noorwo ebhiinu bhyone bhinu aariga ari nabhyo, wone bhigusibhwe, korereki ariye ribhanja ryaye.
26“Mbe, omugaya oyo, ˆneefukama imbere ya omwami waaye, ˆnaamwirembeeresya, ˆnaayikaga ati, ‘Enisabhwa unyigumiirisye, nirikuriya ribhanja ryawo ryone!’ 27Niwo omwami oyo, ˆnaafwira echigongo omugaya waaye ribhanja ryone, ˆnaamwigurira asubhe iika ewaaye.
28“Omugaya oyo ejire aawuruka anja, ˆnaasongʼana omugaya oweejaabho unu aariga ˆnaamutonga jipirya nooto muno, nijikingaga jidinaari egana rimwi.#18:28 Jidinaari egana rimwi. Idinaari imwi yaariga niyingana na omuyeero gwa orusuku rumwi ku‑mukosi umwi wa emirimu. Awoawo, ˆnaamunyiga mu‑chimiro, ˆnaamubhwira ati, ‘Riya ribhanja ryani ryone rinu enikutonga!’ 29Omugaya oweejaabho ˆneefukama imbere yaaye, ˆnaamwirembeeresya ati, ‘Enisabhwa unyigumiirisye, nirikuriya ribhanja ryawo ryone!’ 30Nawe omwene ˆnaarema okumufwira echigongo ˆnaagenda ˆnaabhoya oweejaabho mw‑ibhoyero, okukingira omwanya gunu aririya ribhanja rirya.
31“Abhagaya abheejaabho bhejire bhaarora omusango ogwo, nibhasurumbara muno mu‑myoyo jeebhwe. Niwo nibhagenda ku‑mwami weebhwe nibhamubhwira emisago joone jinu ꞉jaakorekeene. 32Niwo omwami ˆnaabhirikira omugaya unu ꞉aamufwiriiye echigongo ribhanja ryaye, ˆnaamubhwira ati, ‘Awe uri mugaya omubhiibhi muno! Iganirisya kutyo ꞉waansabhirwe ati nikufwire echigongo ribhanja ryawo, ninkufwira echigongo ryone! 33Awe wone, waariga nuukenwa okufwira echigongo oweejaanyu, rwa kutyo anye ꞉naakufwiriye echigongo.’
34“Mbe, omwami ˆnaabhiyirwa muno, ˆnaaragirira abhasirikare bhaaye ati, bhagwate omuunu oyo na okumusira mw‑ibhoyero, korereki anyaasibhwe okukingira omwanya gunu aririya ribhanja ryone.”
35Neeya, Yeesu ˆnaamariisya kwa okwayika ati, “Mumenye ati noorwo Raata waani wa mu‑rwire, aribhakorera kutyokutyo, aribha mwarema okufwira echigongo omwikirisya oweejaanyu kwa emyoyo jeemwe joone.”
Currently Selected:
Mataayo 18: jit
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Mataayo 18
18
Niga omukuru mu‑bhukama bhwa mu‑rwire?
(Maariko 9:33‑37; Ruuka 9:46‑48)
1Omwanya ogwo, abheeyigisibhwa nibhaaja ku‑Yeesu, nibhamubhuusya ati, 2“Niga unu ari mukuru mu‑bhukama bhwa mu‑rwire?” Yeesu ˆnaabhirikira omwana omurera, ˆnaamwimereegusyu agatigati yeebhwe. 3ˆNaabhabhwira ati, “Ni chimari enibhabhwira ati, araabha mukarema okuyinduka na okubha rwa abhaana abharera, mutaringira mu‑bhukama bhwa mu‑rwire noorwo na akatyari. 4Kurwa ejo, omuunu woonewoone unu keekeeya na okubha rwa omwana omurera unu, niwe omukuru mu‑bhukama bhwa mu‑rwire. 5Ka wone, omuunu woonewoone unu kaakuma omwana omutooto rwa unu kw‑isiina ryani, kaabha aankumire.
Okukengya inguru ya amaregeejo
(Maariko 9:42‑48; Ruuka 17:1‑2)
6“Nawe unu ariyabhya owumwi ku‑bhatooto bhanu abhanyikirisya, ˆnaareterera akore ebhibhiibhi, jikabheeye kisi omuunu oyo abhoyerwe mu‑bhicha orubhuyi runene rwa okuseera‑ko na okweswa ebhusibha mu‑nyanja. 7Jiribhabhona emwe abhaanu bha echaaro chinu, ku‑songa ya okukora emisango jinu ejireterera abhaanu okukora ebhibhiibhi! Chimari ati amaregeejo agakenwa gabhe‑wo, nawe jiribhona omuunu unu arireterera amaregeejo ago! 8Araabha okubhoko kwawo amwi okuguru kwawo nikwo okukureterera okukora ebhibhiibhi, kuteme‑ko na okukwesa kura. Ni akiri wingire mu‑bhuwanga bhwa akajaanende koone utari‑ko okubhoko okumwi amwi utari‑ko okuguru okumwi, okukira okubha na amabhoko goone gabhiri amwi amaguru goone gabhiri, nawe nuweeswa mu‑muriro gwa akajaanende koone. 9Ka wone, eriiso ryawo rikakureterera okukora echibhiibhi, nuuriiye‑mo na okuryesa kura! Ni akiri wingire mu‑bhuwanga bhwa akajaanende uri na isongo, okukira okubha na ameeso goone gabhiri, nawe nuweeswa mu‑muriro gwa akajaanende koone.”
Echijekekanyo cha inaama inu ꞉yaabhurire
(Ruuka 15:3‑7)
10Yeesu ˆnaagenderera okubhabhwira ati, “Mukabhuke, mwasiga okugaya owumwi ku‑bhatooto bhanu! Enibhabhwira kutyo, kwa okubha bhamaraayika bheebhwe mu‑rwire eyo, siku joone bhari imbere ya Raata waani wa mu‑rwire. [11Anye Omwana wa Omuunu, niijire ku‑chaaro korereki nichungure abhaanu bhanu bhabhuriiye mu‑bhibhiibhi.]
12“Omurora kutiki? Araabha omuunu ari na jinaama egana rimwi, imwi kw‑ijo niibhura‑ko, arikora kutiki? Itari ati arisiga jinaama jirya makumi gataanu na gana na etaanu na ena (99) mu‑chiima, ˆnaagenda okuyenjeresya inaama imwi irya ibhurire? 13Ni chimari enibhabhwira ati, aribha aayibhona, arikondererwa muno inaama imwi irya, okukira jinaama jirya makumi gataanu na gana na etaanu na ena jinu jaariga jitabhurire.
14“Nikwo kutyo wone, Esomwana wa mu‑rwire, atakwenda noorwo umwi ku‑bhatooto abho asingaarike.
Obhwisombooro bhwa okukengya unu abhurire
15“Araabha omwikirisya oweejaanyu aakakukayira, nuumujee‑ko umubhwire echikayo chaaye muri bhabhiri era. Araabha aakakuungwa, owubha usakiiye omuunu oyo okubha omwikirisya oweejaanyu rindi. 16Nawe akarema okukuungwa, gega omuunu owundi umwi amwi abhaanu abhandi bhabhiri, korereki ‘ku‑bhubhambaasi bhwa abhabhambaasi bhabhiri amwi bhasatu bhuri musango gubhe abhweru.’#18:16 Ringira Orwichuko rwa Ebhiraagiro 19:15. 17Araabha akarema okubhoongwa, ugende ubhwire rikanisa. Araabha akarema okuungwa rikanisa, umurore wuti munyamanga amwi wuti mutobhesya wa rigooti.
18“Ni chimari enibhabhwira ati, emisango joone jinu muriigara ku‑chaaro anu, Nyamuwanga wone kaabha ajiigaaye okusooka mu‑rwire. Ka wone, emisango joone jinu muriigura ku‑chaaro anu, Nyamuwanga wone, kaabha ajiiguuye okusooka mu‑rwire.#18:18 Ringira Mataayo 16:19. 19Enibhabhwira rindi ati, araabha abhaanu bhabhiri mw‑imwe bhakeekirisyanya ku‑chaaro anu okusabhwa omusango gwonegwone, Raata waani wa mu‑rwire aribhakorera omusango ogwo. 20Okubha, anu bhari abhaanu bhabhiri amwi bhasatu bheekofyanyiisye kw‑isiina ryani, anye wone niri aamwi nabho awo.”
Echijekekanyo cha omuunu unu atakufwira echigongo
21Niwo Peetero ˆnaagenda ku‑Yeesu, ˆnaamubhuusya ati, “Raatabhugenyi, araabha omwikirisya oweejaasu ankayiiye, enikenwa nimufwire echigongo kwiya karinga? Angu, nimufwire echigongo kwiya kataanu na kabhiri?” 22Yeesu ˆnaamusubhya ati, “Siga nikubhwire, kutari kwiya kataanu na kabhiri era, tari ufwire echigongo oweejaanyu omwanya gwone bhunyatabharwa.#18:22 Omwanya gwone bhunyatabharwa. Jinyabhurira ejindi ejaayika ati, makumi gataanu na gabhiri kwiya kataanu na kabhiri.
23“Enibhabhwira kutyo, kwa okubha obhukama bhwa mu‑rwire obhususana na omukama umwi unu ꞉eendere okumenya obhukumi bhwa jipirya na abhagaya bha obhutungi bhwaye. 24Omukama ejire aamba okubhara, ˆnaareterwa omugaya umwi unu aariga ˆnaatongwa jipirya nyafu muno, nijikingaga jitaranta bhiwumbi ekumi (10,000).#18:24 Jitaranta bhiwumbi ekumi. Itaranta imwi yaariga niyingana na omuyeero gwa okuriya omukosi wa emirimu ku‑mwanya gwa emiguuga makumi gabhiri amwi okukira awo. 25Omugaya oyo ꞉ataaturire okuriya ribhanja rinu aariga ˆnaatongwa. Niwo omwami oyo ˆnaaragirira ati, omuunu oyo, omugasi waaye aamwi na abhaana bhaaye, bhagusibhwe noorwo ebhiinu bhyone bhinu aariga ari nabhyo, wone bhigusibhwe, korereki ariye ribhanja ryaye.
26“Mbe, omugaya oyo, ˆneefukama imbere ya omwami waaye, ˆnaamwirembeeresya, ˆnaayikaga ati, ‘Enisabhwa unyigumiirisye, nirikuriya ribhanja ryawo ryone!’ 27Niwo omwami oyo, ˆnaafwira echigongo omugaya waaye ribhanja ryone, ˆnaamwigurira asubhe iika ewaaye.
28“Omugaya oyo ejire aawuruka anja, ˆnaasongʼana omugaya oweejaabho unu aariga ˆnaamutonga jipirya nooto muno, nijikingaga jidinaari egana rimwi.#18:28 Jidinaari egana rimwi. Idinaari imwi yaariga niyingana na omuyeero gwa orusuku rumwi ku‑mukosi umwi wa emirimu. Awoawo, ˆnaamunyiga mu‑chimiro, ˆnaamubhwira ati, ‘Riya ribhanja ryani ryone rinu enikutonga!’ 29Omugaya oweejaabho ˆneefukama imbere yaaye, ˆnaamwirembeeresya ati, ‘Enisabhwa unyigumiirisye, nirikuriya ribhanja ryawo ryone!’ 30Nawe omwene ˆnaarema okumufwira echigongo ˆnaagenda ˆnaabhoya oweejaabho mw‑ibhoyero, okukingira omwanya gunu aririya ribhanja rirya.
31“Abhagaya abheejaabho bhejire bhaarora omusango ogwo, nibhasurumbara muno mu‑myoyo jeebhwe. Niwo nibhagenda ku‑mwami weebhwe nibhamubhwira emisago joone jinu ꞉jaakorekeene. 32Niwo omwami ˆnaabhirikira omugaya unu ꞉aamufwiriiye echigongo ribhanja ryaye, ˆnaamubhwira ati, ‘Awe uri mugaya omubhiibhi muno! Iganirisya kutyo ꞉waansabhirwe ati nikufwire echigongo ribhanja ryawo, ninkufwira echigongo ryone! 33Awe wone, waariga nuukenwa okufwira echigongo oweejaanyu, rwa kutyo anye ꞉naakufwiriye echigongo.’
34“Mbe, omwami ˆnaabhiyirwa muno, ˆnaaragirira abhasirikare bhaaye ati, bhagwate omuunu oyo na okumusira mw‑ibhoyero, korereki anyaasibhwe okukingira omwanya gunu aririya ribhanja ryone.”
35Neeya, Yeesu ˆnaamariisya kwa okwayika ati, “Mumenye ati noorwo Raata waani wa mu‑rwire, aribhakorera kutyokutyo, aribha mwarema okufwira echigongo omwikirisya oweejaanyu kwa emyoyo jeemwe joone.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.