Mataayo 22
22
Echijekekanyo cha obhuregesi
(Ruuka 14:15‑24)
1Yeesu ˆnaagenderera okwiyigisya Abhafarisaayo na abhakuru bha abhagabhisi ku‑chijekekanyo echindi ati, 2“Obhukama bhwa mu‑rwire obhususana na omukama umwi unu ꞉aakorereeye omwana waaye obhuregesi. 3Omukama oyo ˆnaaragirira abhakosi bhaaye bhagende okubhirikira abhaanu bhanu bhaariga bhakokerwe ati bhaaje mu‑bhuregesi, nawe bhoone nibharema okuuja.
4“Niwo ˆnaaragirira abhakosi abhandi, ˆnaabhabhwira ati, ‘Mugende mubhwire bhanu ꞉naakokere ati, “Niirabhire ebhiinu bhyone bhya obhuregesi. Niitire jiingʼa jaani jiinure aamwi na ebhitunganwa ebhindi ebhinure. Kurwa ejo, muuje mu‑bhuregesi!”’ 5Nawe abhaanu bhanu bhaariga bhakokerwe, ꞉bhateekirisiisye. Nibhagenda ku‑mirimu jeebhwe, abhandi nibhagenda mu‑masambu geebhwe, na abhandi nibhagenda okukaana ebhiinu. 6Abhandi nibhagwata abhakosi bha omukama, nibhabhabhuma na okubheeta. 7Mbe, omukama ejire oongwa jinu jaakorekana ku‑bhakosi bhaaye, ˆnaabhiyirwa muno. ˆNaaragirira abhasirikare bhaaye bhagende okwita abheeti bharya na okwocha omusi gwebhwe.
8“Niwo omukama oyo, ˆnaabhwira abhakosi bhaaye ati, ‘Obhuregesi bhwimaririiye, nawe bhanu ꞉bhaakokerwe, bhaariga bhateeyire okuuja. 9Mbe woori, mugende ku‑njira makaaka, mubhwire abhaanu bhoone bhanu omuja okubhugana nabho ati, bhaaje mu‑bhuregesi.’ 10Abhakosi abho, nibhagenda nibheemereeguru ku‑njira eyo, nibhasubha bhakofiifye abhaanu bhoone bhanu bhaabhuganaga nabho, bhabhe abhajabhi amwi bha ekisi. Niwo abhagenyi nibheengira mu‑rubhuga rwa obhuregesi okukingira nirwijura.
11“Nawe omwanya gunu omukama omwene ꞉eengiiye mu‑rubhuga orwo, korereki arore abhagenyi, ˆnaarora omwo omuunu umwi unu aariga atafwaye emyenda ja obhuregesi. 12ˆNaamubhuusya ati, ‘Musaani, wengira kutiki munu keenu utafwaye emyenda ja obhuregesi?’ Nawe omuunu oyo, ˆnaabhurwa gwa okumusubhya. 13Mbe, omukama ˆnaabhwira abhakosi bhaaye ati, ‘Mubhoye omuunu unu amaguru na amabhoko na mumwese anja mu‑chisuute. Omwo nimwo abhaanu bhaririraga na okuguguna ameeno.’”
14Yeesu ˆnaamariisya kwa okwayika ati, “Abhaanu bhanu abhabhirikirwa okwingira mu‑bhukama bhwa mu‑rwire ni bhaafu, nawe bhanu bhasorerwe okwingira ni bhatyari.”
Ribhuusyo rya okuteganya Yeesu inguru ya okutobha rigooti
(Maariko 12:13‑17; Ruuka 20:20‑26)
15Mbe, Abhafarisaayo nibheekumanya okwayikana kutyo abhatura okuteganya Yeesu kwa emisango jaaye. 16Niwo nibhatuma ku‑Yeesu abheeyigisibhwa bheebhwe aamwi na abharuubhirisya bha omukama Yeroode Atipaasi.#22:16 Abharuubhirisya bha omukama Yeroode Atipaasi. Jinyabhurira ejindi ejaayika ati, Abhayeroodi. Abhaanu abho ꞉bheekirisiisye obhutungi bhwa Abharuumi mu‑chaaro cheebhwe. Ku‑meeresyo amaafu inguru ya omukama Yeroode unu, ringira Yeroode Atipaasi mu‑Meeresyo inguru ya Emisango Emikomeeye. Bhejire bhaakinga nibhabhuusya Yeesu ati, “Omwiyigisya, chimenyere ati awe uri muunu wa echimari na ati owiyigisya echimari inguru ya emisango ja Nyamuwanga. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe. 17Mbe, woori nuuchibhwire, owurora kutiki? Angu, ebhiraagiro bhya Muusa ebhichiikirisisya okutobha rigooti ku‑Kayisaari,#22:17 Kayisaari. Aariga ari mukama wa Abharuumi, ka wone niwe ꞉aatangasiisye ebhyaro bhyafu ku‑njira ya obhukoorooni, noorwo echaaro cha Yisirayeeri ku‑mwanya gurya. Aariga ari mukama wa echaaro choone chinu chaariga chitungirwe na Abharuumi. Abhaanu bhoone ꞉bheenderwe bhatobhe rigooti mu‑bhutungi bhwaye. Ku‑meeresyo amaafu, ringira mu‑Meeresyo inguru ya Emisango Emikomeeye. amwi wuri?”
18Nawe Yeesu ꞉aamenyere obhukarariiye bhwebhwe obhubhiibhi, ˆnaabhasubhya ati, “Emwe abheerimaanya, kurwa ki omwenda okunteganya? 19Munyeresye ipirya inu omutobhera rigooti.” Abheene nibhamuyaana idinaari imwi. 20Niwo Yeesu ˆnaabhabhuusya ati, “Orususo runu na risiina rinu ni bhyaga?” 21Abheene nibhamusubhya ati, “Ni bhya Kayisaari.” Yeesu ˆnaabhabhwira ati, “Mbe, bhya Kayisaari, muyaane Kayisaari na ebhya Nyamuwanga, muyaane Nyamuwanga.”
22Bhejire bhoongwa risubhyo rya Yeesu, nibharuguura muno. Mbe, nibhamusiga, nibhasooka awo.
Yeesu kaasubhya amabhuusyo inguru ya obhusuuruko bhwa abhafuuwe
(Maariko 12:18‑27; Ruuka 20:27‑40)
23Orusuku orwoorwo, Abhasadukaayo abharebhe nibhaaja ku‑Yeesu. Abhasadukaayo abheeyigisyaga ati Nyamuwanga atarisuurura abhaanu okusooka mu‑bhafuuwe. Niwo nibhabhuusya Yeesu ati, 24“Omwiyigisya, Muusa ꞉aachiragiriiye mu‑bhiraagiro bhyaye ati, araabha omurume aakafwa na okusiga omugasi waaye atari na omwana, omumura waabho keendwa eengirire omutumbagasi oyo, korereki eebhurire abhaana owaabho unu ꞉aafuuwe.#22:24 Ringira Orwichuko rwa Ebhiraagiro 25:5‑6. 25Woori, omwanya omurebhe bhaariga bhari‑wo abhamura bhataanu na bhabhiri bha inda imwi. Omumura omukuru ˆnaatwara omugasi, omumura oyo, ˆnaafwa atasigire‑ko omwana. Mbe omumura waabho wa kabhiri ˆneengirira omutumbagasi oyo. 26Omumura omutooto oyo wone, ˆnaafwa atasigire‑ko omwana ku‑mutumbagasi oyo. ꞉Jaakorekeene kutyokutyo ku‑wa okwamba, ku‑wa kabhiri na ku‑wa kasatu, okukingira bhoone bhataanu na bhabhiri, nibhafwa bhatasigire‑ko omwana wuri. 27Ku‑bhuteero, omutumbagasi oyo wone ˆnaafwa. 28Mbe nuuchibhwire, ku‑rusuku rwa obhusuuruko bhwa abhaanu bhoone, omutumbagasi oyo aribha omugasi waaga? Aariga atwawe na abharume bhoone bhataanu na bhabhiri!”
29Yeesu ˆnaabhasubhya ati, “Emwe omubhura muno, kwa okubha mutakumenya jinu jikaamirwe mu‑Bhikaame Ebhyeru, ka wone mutakumenya obhuturo bhwa Nyamuwanga kutyo bhuri. 30Ku‑rusuku runu abhaanu bharisuuruka, bhataritwara noorwo bhataritwarwa. Bharibha rwa bhamaraayika bha Nyamuwanga mu‑rwire, abheene bhatakutwara noorwo bhatakutwarwa. 31Nawe inguru ya okusuuruka kwa abhafuuwe, muchaari kusoma mu‑Bhikaame Ebhyeru kutyo Nyamuwanga ꞉aabhabhwiriiye? ꞉Aayikire ati, 32‘Anye niri Nyamuwanga wa Bhurayimu, Isaaka na Yakobho.’#22:32 Ringira Okwimuka 3:6.” Yeesu ˆnaagenderera okwayika ati, “Mbe, Nyamuwanga atari Nyamuwanga wa abhafuuwe, tari wa abhaanu bhanu bhari bhaanga!” 33Omwanya gunu echise cha abhaanu ꞉bhoonguuwe ejo, nibharuguura muno ku‑meeyigisyo gaaye.
Echiraagiro echinene okukira bhyone
(Maariko 12:28‑34; Ruuka 10:25‑28)
34Abhafarisaayo bhejire bhoongwa ati Yeesu aariga ayigire Abhasadukaayo mu‑bhwayiki bhwaye, nibheekumanya aamwi. 35Niwo, nibhagenda ku‑Yeesu, na umwi weebhwe unu aariga ari mwiyigisya wa ebhiraagiro bhya Muusa, ˆnaaregeeja okumuteganya. ˆNaamubhuusya ati, 36“Omwiyigisya, ni chiraagiro ki echinene okukira ebhiraagiro ebhindi bhyone bhya Nyamuwanga?”
37Yeesu ˆnaamusubhya ati, “‘Wendega Raatabhugenyi, Nyamuwanga waawo, kwa omwoyo gwawo gwone, kwa omutima gwawo gwone na okwa obhwenge bhwawo bhwone.’#22:37 Ringira Orwichuko rwa Ebhiraagiro 6:5. 38Echiraagiro chinu nicho echinene okukira ebhiraagiro ebhindi bhyone, ka wone nicho chiri cha obhusibhusi okukira bhyone. 39Echiraagiro cha kabhiri echisusana na echo, wone echaayika ati, ‘Wendega oweejaanyu rwa kutyo owiyenda omwene.’#22:39 Ringira Abharaawi 19:18. 40Ebhiraagiro bhyone bhya Muusa na ameeyigisyo ga abharagi ebhiiyikanya ebhiraagiro bhibhiri ebhyo.”
Kirisito niwe orwibhuro rwa Dawudi na Raatabhugenyi wa bhoone
(Maariko 12:35‑37; Ruuka 20:41‑44)
41Abhafarisaayo abho bhejire bheekumanya aamwi awo, Yeesu ˆnaabhabhuusya ati, 42“Omwiganirisya ki inguru ya Kirisito, angu ni mwana waaga?” Nibhamusubhya ati, “Ni mwana wa Dawudi.” 43Yeesu ˆnaabhabhuusya ati, “Araabha ejo ni ja chimari, ni kurwa ki Dawudi, omwanya gunu aatangasibhwaga na Mwoyo wa Nyamuwanga, ꞉aabhirikiiye Kirisito, ‘Raatabhugenyi’? ꞉Aayikire ati,
44‘Raatabhugenyi Nyamuwanga ꞉aabhwiriiye Raatabhugenyi waani ati,
“Inyanja orubhaara rwani rwa ebhuryo,
okukingira omwanya gunu enija okutuura abhasoko bhaawo emwaro ya amaguru gaawo.”’#22:44 Ringira Ijabhuri 110:1.
45“Araabha Dawudi kaabhirikira Kirisito, ‘Raatabhugenyi,’ woori ejibha kutiki Kirisito okubha omwana waaye rindi?”
46Mbe, atari‑wo omuunu unu ꞉aaturire okusubhya gwonegwone. Ka wone okwambira awo, atari‑wo omuunu unu ꞉aaregeejere okubhuusya Yeesu amabhuusyo agandi.
Currently Selected:
Mataayo 22: jit
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Mataayo 22
22
Echijekekanyo cha obhuregesi
(Ruuka 14:15‑24)
1Yeesu ˆnaagenderera okwiyigisya Abhafarisaayo na abhakuru bha abhagabhisi ku‑chijekekanyo echindi ati, 2“Obhukama bhwa mu‑rwire obhususana na omukama umwi unu ꞉aakorereeye omwana waaye obhuregesi. 3Omukama oyo ˆnaaragirira abhakosi bhaaye bhagende okubhirikira abhaanu bhanu bhaariga bhakokerwe ati bhaaje mu‑bhuregesi, nawe bhoone nibharema okuuja.
4“Niwo ˆnaaragirira abhakosi abhandi, ˆnaabhabhwira ati, ‘Mugende mubhwire bhanu ꞉naakokere ati, “Niirabhire ebhiinu bhyone bhya obhuregesi. Niitire jiingʼa jaani jiinure aamwi na ebhitunganwa ebhindi ebhinure. Kurwa ejo, muuje mu‑bhuregesi!”’ 5Nawe abhaanu bhanu bhaariga bhakokerwe, ꞉bhateekirisiisye. Nibhagenda ku‑mirimu jeebhwe, abhandi nibhagenda mu‑masambu geebhwe, na abhandi nibhagenda okukaana ebhiinu. 6Abhandi nibhagwata abhakosi bha omukama, nibhabhabhuma na okubheeta. 7Mbe, omukama ejire oongwa jinu jaakorekana ku‑bhakosi bhaaye, ˆnaabhiyirwa muno. ˆNaaragirira abhasirikare bhaaye bhagende okwita abheeti bharya na okwocha omusi gwebhwe.
8“Niwo omukama oyo, ˆnaabhwira abhakosi bhaaye ati, ‘Obhuregesi bhwimaririiye, nawe bhanu ꞉bhaakokerwe, bhaariga bhateeyire okuuja. 9Mbe woori, mugende ku‑njira makaaka, mubhwire abhaanu bhoone bhanu omuja okubhugana nabho ati, bhaaje mu‑bhuregesi.’ 10Abhakosi abho, nibhagenda nibheemereeguru ku‑njira eyo, nibhasubha bhakofiifye abhaanu bhoone bhanu bhaabhuganaga nabho, bhabhe abhajabhi amwi bha ekisi. Niwo abhagenyi nibheengira mu‑rubhuga rwa obhuregesi okukingira nirwijura.
11“Nawe omwanya gunu omukama omwene ꞉eengiiye mu‑rubhuga orwo, korereki arore abhagenyi, ˆnaarora omwo omuunu umwi unu aariga atafwaye emyenda ja obhuregesi. 12ˆNaamubhuusya ati, ‘Musaani, wengira kutiki munu keenu utafwaye emyenda ja obhuregesi?’ Nawe omuunu oyo, ˆnaabhurwa gwa okumusubhya. 13Mbe, omukama ˆnaabhwira abhakosi bhaaye ati, ‘Mubhoye omuunu unu amaguru na amabhoko na mumwese anja mu‑chisuute. Omwo nimwo abhaanu bhaririraga na okuguguna ameeno.’”
14Yeesu ˆnaamariisya kwa okwayika ati, “Abhaanu bhanu abhabhirikirwa okwingira mu‑bhukama bhwa mu‑rwire ni bhaafu, nawe bhanu bhasorerwe okwingira ni bhatyari.”
Ribhuusyo rya okuteganya Yeesu inguru ya okutobha rigooti
(Maariko 12:13‑17; Ruuka 20:20‑26)
15Mbe, Abhafarisaayo nibheekumanya okwayikana kutyo abhatura okuteganya Yeesu kwa emisango jaaye. 16Niwo nibhatuma ku‑Yeesu abheeyigisibhwa bheebhwe aamwi na abharuubhirisya bha omukama Yeroode Atipaasi.#22:16 Abharuubhirisya bha omukama Yeroode Atipaasi. Jinyabhurira ejindi ejaayika ati, Abhayeroodi. Abhaanu abho ꞉bheekirisiisye obhutungi bhwa Abharuumi mu‑chaaro cheebhwe. Ku‑meeresyo amaafu inguru ya omukama Yeroode unu, ringira Yeroode Atipaasi mu‑Meeresyo inguru ya Emisango Emikomeeye. Bhejire bhaakinga nibhabhuusya Yeesu ati, “Omwiyigisya, chimenyere ati awe uri muunu wa echimari na ati owiyigisya echimari inguru ya emisango ja Nyamuwanga. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe. 17Mbe, woori nuuchibhwire, owurora kutiki? Angu, ebhiraagiro bhya Muusa ebhichiikirisisya okutobha rigooti ku‑Kayisaari,#22:17 Kayisaari. Aariga ari mukama wa Abharuumi, ka wone niwe ꞉aatangasiisye ebhyaro bhyafu ku‑njira ya obhukoorooni, noorwo echaaro cha Yisirayeeri ku‑mwanya gurya. Aariga ari mukama wa echaaro choone chinu chaariga chitungirwe na Abharuumi. Abhaanu bhoone ꞉bheenderwe bhatobhe rigooti mu‑bhutungi bhwaye. Ku‑meeresyo amaafu, ringira mu‑Meeresyo inguru ya Emisango Emikomeeye. amwi wuri?”
18Nawe Yeesu ꞉aamenyere obhukarariiye bhwebhwe obhubhiibhi, ˆnaabhasubhya ati, “Emwe abheerimaanya, kurwa ki omwenda okunteganya? 19Munyeresye ipirya inu omutobhera rigooti.” Abheene nibhamuyaana idinaari imwi. 20Niwo Yeesu ˆnaabhabhuusya ati, “Orususo runu na risiina rinu ni bhyaga?” 21Abheene nibhamusubhya ati, “Ni bhya Kayisaari.” Yeesu ˆnaabhabhwira ati, “Mbe, bhya Kayisaari, muyaane Kayisaari na ebhya Nyamuwanga, muyaane Nyamuwanga.”
22Bhejire bhoongwa risubhyo rya Yeesu, nibharuguura muno. Mbe, nibhamusiga, nibhasooka awo.
Yeesu kaasubhya amabhuusyo inguru ya obhusuuruko bhwa abhafuuwe
(Maariko 12:18‑27; Ruuka 20:27‑40)
23Orusuku orwoorwo, Abhasadukaayo abharebhe nibhaaja ku‑Yeesu. Abhasadukaayo abheeyigisyaga ati Nyamuwanga atarisuurura abhaanu okusooka mu‑bhafuuwe. Niwo nibhabhuusya Yeesu ati, 24“Omwiyigisya, Muusa ꞉aachiragiriiye mu‑bhiraagiro bhyaye ati, araabha omurume aakafwa na okusiga omugasi waaye atari na omwana, omumura waabho keendwa eengirire omutumbagasi oyo, korereki eebhurire abhaana owaabho unu ꞉aafuuwe.#22:24 Ringira Orwichuko rwa Ebhiraagiro 25:5‑6. 25Woori, omwanya omurebhe bhaariga bhari‑wo abhamura bhataanu na bhabhiri bha inda imwi. Omumura omukuru ˆnaatwara omugasi, omumura oyo, ˆnaafwa atasigire‑ko omwana. Mbe omumura waabho wa kabhiri ˆneengirira omutumbagasi oyo. 26Omumura omutooto oyo wone, ˆnaafwa atasigire‑ko omwana ku‑mutumbagasi oyo. ꞉Jaakorekeene kutyokutyo ku‑wa okwamba, ku‑wa kabhiri na ku‑wa kasatu, okukingira bhoone bhataanu na bhabhiri, nibhafwa bhatasigire‑ko omwana wuri. 27Ku‑bhuteero, omutumbagasi oyo wone ˆnaafwa. 28Mbe nuuchibhwire, ku‑rusuku rwa obhusuuruko bhwa abhaanu bhoone, omutumbagasi oyo aribha omugasi waaga? Aariga atwawe na abharume bhoone bhataanu na bhabhiri!”
29Yeesu ˆnaabhasubhya ati, “Emwe omubhura muno, kwa okubha mutakumenya jinu jikaamirwe mu‑Bhikaame Ebhyeru, ka wone mutakumenya obhuturo bhwa Nyamuwanga kutyo bhuri. 30Ku‑rusuku runu abhaanu bharisuuruka, bhataritwara noorwo bhataritwarwa. Bharibha rwa bhamaraayika bha Nyamuwanga mu‑rwire, abheene bhatakutwara noorwo bhatakutwarwa. 31Nawe inguru ya okusuuruka kwa abhafuuwe, muchaari kusoma mu‑Bhikaame Ebhyeru kutyo Nyamuwanga ꞉aabhabhwiriiye? ꞉Aayikire ati, 32‘Anye niri Nyamuwanga wa Bhurayimu, Isaaka na Yakobho.’#22:32 Ringira Okwimuka 3:6.” Yeesu ˆnaagenderera okwayika ati, “Mbe, Nyamuwanga atari Nyamuwanga wa abhafuuwe, tari wa abhaanu bhanu bhari bhaanga!” 33Omwanya gunu echise cha abhaanu ꞉bhoonguuwe ejo, nibharuguura muno ku‑meeyigisyo gaaye.
Echiraagiro echinene okukira bhyone
(Maariko 12:28‑34; Ruuka 10:25‑28)
34Abhafarisaayo bhejire bhoongwa ati Yeesu aariga ayigire Abhasadukaayo mu‑bhwayiki bhwaye, nibheekumanya aamwi. 35Niwo, nibhagenda ku‑Yeesu, na umwi weebhwe unu aariga ari mwiyigisya wa ebhiraagiro bhya Muusa, ˆnaaregeeja okumuteganya. ˆNaamubhuusya ati, 36“Omwiyigisya, ni chiraagiro ki echinene okukira ebhiraagiro ebhindi bhyone bhya Nyamuwanga?”
37Yeesu ˆnaamusubhya ati, “‘Wendega Raatabhugenyi, Nyamuwanga waawo, kwa omwoyo gwawo gwone, kwa omutima gwawo gwone na okwa obhwenge bhwawo bhwone.’#22:37 Ringira Orwichuko rwa Ebhiraagiro 6:5. 38Echiraagiro chinu nicho echinene okukira ebhiraagiro ebhindi bhyone, ka wone nicho chiri cha obhusibhusi okukira bhyone. 39Echiraagiro cha kabhiri echisusana na echo, wone echaayika ati, ‘Wendega oweejaanyu rwa kutyo owiyenda omwene.’#22:39 Ringira Abharaawi 19:18. 40Ebhiraagiro bhyone bhya Muusa na ameeyigisyo ga abharagi ebhiiyikanya ebhiraagiro bhibhiri ebhyo.”
Kirisito niwe orwibhuro rwa Dawudi na Raatabhugenyi wa bhoone
(Maariko 12:35‑37; Ruuka 20:41‑44)
41Abhafarisaayo abho bhejire bheekumanya aamwi awo, Yeesu ˆnaabhabhuusya ati, 42“Omwiganirisya ki inguru ya Kirisito, angu ni mwana waaga?” Nibhamusubhya ati, “Ni mwana wa Dawudi.” 43Yeesu ˆnaabhabhuusya ati, “Araabha ejo ni ja chimari, ni kurwa ki Dawudi, omwanya gunu aatangasibhwaga na Mwoyo wa Nyamuwanga, ꞉aabhirikiiye Kirisito, ‘Raatabhugenyi’? ꞉Aayikire ati,
44‘Raatabhugenyi Nyamuwanga ꞉aabhwiriiye Raatabhugenyi waani ati,
“Inyanja orubhaara rwani rwa ebhuryo,
okukingira omwanya gunu enija okutuura abhasoko bhaawo emwaro ya amaguru gaawo.”’#22:44 Ringira Ijabhuri 110:1.
45“Araabha Dawudi kaabhirikira Kirisito, ‘Raatabhugenyi,’ woori ejibha kutiki Kirisito okubha omwana waaye rindi?”
46Mbe, atari‑wo omuunu unu ꞉aaturire okusubhya gwonegwone. Ka wone okwambira awo, atari‑wo omuunu unu ꞉aaregeejere okubhuusya Yeesu amabhuusyo agandi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.