Mataayo 27
27
Yeesu kaasirwa ku‑Piraato
(Maariko 15:1; Ruuka 23:1‑2; Yowana 18:28‑32)
1Mwejo yende‑ko katondo, abhakuru bhoone bha abhagabhisi aamwi na abhakuru bha Abhayawudi nibharamura okwita Yeesu. 2Niwo nibhamubhoya, nibhagenda nage ku‑mutungi wa Echiruumi unu aariga ˆnaatogwa Piraato.
Yuuda keenyiga
(Ebhikorwa bhya Jitumwa 1:18‑19)
3Mbe Yuuda unu ꞉aatuurire Yeesu mu‑mabhoko ga abhasoko, ejire aarora ati Yeesu aaramurwa ati eetwe, Yuuda ˆneeyungwa kubhiibhi muno. ˆNaagega jipirya jirya makumi gasatu na okujisubhya ku‑bhakuru bha abhagabhisi na abhakuru bha Abhayawudi. ˆNaabhabhwira ati, “Naakora echibhiibhi okutuura mu‑mabhoko geemwe omuunu unu atari na echikayo choonechoone.” 4Nawe abheene nibhaayika ati, “Ejo jitakuchisaasa, naawe omwene eyo.”
5Niwo Yuuda ˆneesa jipirya ejo mu‑rubhuga rwa Riyekaru rya Nyamuwanga, ˆnaasooka awo, ˆnaagenda okwinyiga.
6Abhakuru bha abhagabhisi nibhabhooja jipirya ejo, nibhaayika ati, “Jitari kisi okusaasya jipirya ejo na jipirya ja Riyekaru rya Nyamuwanga, kwa okubha jaariga jisoosiibhwe, inguru ya okwita isagama.” 7Mbe, nibhaayikana nibharamura okugega jipirya ejo bhaje okugura risambu rya omumogi ribhe rya okusiika‑mo abhagenyi. 8Ku‑songa eyo, risambu eryo eritogwa ati Risambu rya Isagama, okukingira reero.
9Niwo omusango gunu omuragi Yeremiya ꞉aakaamire nigukuumira ati, “꞉Bhaagegere jipirya makumi gasatu, obhugusi bhwa unu Abhayisirayeeri ꞉bheekirisyanyiisye inguru yaaye. 10Nibhagura risambu rya omumogi, rwa kutyo Raatabhugenyi ꞉aandagiriiye.”#27:9‑10 Ringira Jaakariya 11:12‑13; Yeremiya 19:1‑13, 32:6‑9.
Yeesu kaasitaakibhwa imbere ya Piraato
(Maariko 15:2‑15; Ruuka 23:2‑3, 23:18‑25; Yowana 18:29–19:16)
11Niwo Yeesu ˆneemereeguru imbere ya omutungi wa Echiruumi. Omutungi oyo, ˆnaamubhuusya ati, “Angu, awe naawe omukama wa Abhayawudi?” Yeesu ˆnaamusubhya ati, “Naawe omwayiki.”
12Mbe, abhakuru bha abhagabhisi na abhakuru bha Abhayawudi nibhaamba okusitaaka Yeesu, nawe omwene ꞉ataabhasubhiisye omusango gwonegwone. 13Niwo Piraato ˆnaamubhuusya ati, “Angu, woongwa joone jinu abhakusitaaka?” 14Nawe Yeesu ꞉ataasubhiisye noorwo omusango gumwi. Piraato ˆnaaruguura muno.
15Bhuri muguuga mu‑chikukuru ya Okwambuka, omutungi wa Echiruumi aariga ari na itungwa ya okwigurira omubhoywa umwi unu abhaanu bheendaga. 16Mbe, ku‑mwanya ogwo, aariga ari‑wo omubhoywa umwi unu aariga ˆnaatogwa Bharaabha. Omubhoywa oyo aariga amenyekeene muno inguru ya ebhikorwa bhyaye ebhibhiibhi bhinu aariga ˆnaakora. 17Kurwa ejo, omwanya gunu abhaanu ꞉bheekumanyiisye awo, Piraato ˆnaabhabhuusya ati, “Omwenda niigurire wuuya agati ya abhabhoywa bhabhiri bhanu? Omwenda niigurire Bharaabha, amwi Yeesu unu abhaanu abhatoga ati Kirisito?” 18Piraato ꞉aabhabhuusisye kutyo, kwa okubha ꞉aamenyere ati abhakuru bha Abhayawudi ꞉bhaasirire Yeesu ku‑mwene inguru ya orwiso era.
19Bhunu Piraato aariga eenyanjire ku‑chitebhe chaaye cha indamu, omugasi waaye ˆnaamutumira omusango ati, “Waasiga okukorera omuunu oyo echibhiibhi choonechoone kwa okubha atari na echikayo. Naanyaaka muno mu‑ngeta mu‑chirooto inguru yaaye.”
20Nawe abhakuru bha abhagabhisi na abhakuru bha Abhayawudi nibhakongya abhaanu ati bhasabhwe Piraato abheegurire Bharaabha na aramure ati Yeesu eetwe.
21Piraato ˆnaabhabhuusya rindi ati, “Nibheegurire wuuya agati ya abhabhoywa bhabhiri bhanu?” Nibhamusubhya ati, “Echeenda wiigurire Bharaabha!” 22Piraato ˆnaabhabhuusya rindi ati, “Mbe nikore kutiki Yeesu unu abhaanu abhatoga ati Kirisito?” Abhaanu bhoone nibhamwaya nibhaayikaga ati, “Mubhumiirire ku‑musarabha!” 23Piraato ˆnaabhabhuusya rindi ati, “Akorere chikayo ki cha okureterera abhumiirirwe ku‑musarabha?” Nawe abheene nibhoongesya okumwaya nibhaayikaga ati, “Mubhumiirire ku‑musarabha!”
24Piraato ejire aamenya ati atakutura okuyindura obhwiganirisya bhwa abhaanu bharya ka wone ꞉bhaambire injogere, ˆnaagega amanji ˆneesaabha amabhoko gaaye imbere yeebhwe. Niwo ˆnaabhabhwira ati, “Anye nitari na echikayo choonechoone ku‑rufu rwa omuunu omurengeresi unu. Omusango gunu gubhe inguru yeemwe abheene!” 25Abhaanu bhoone nibhamusubhya ati, “Echikayo cha okwitwa kwa Yeesu chibhe kw‑iswe na ku‑bhaana bheeswe!”
26Niwo Piraato ˆnaabheegurira Bharaabha ku‑songa yeebhwe na okuragirira abhasirikare ati, bhabhume Yeesu na jijaridi, bhagende okumubhumiirira ku‑musarabha.
Abhasirikare abhasiijaaka Yeesu
(Maariko 15:16‑20; Yowana 19:2‑3)
27Niwo abhasirikare bha omutungi wa Echiruumi nibhagega Yeesu, nibhagenda nage mw‑iyumba rya obhutungi. Abhasirikare abhandi bhoone, nibheekumanya mw‑iyumba omwo, nibheeyinda Yeesu. 28Nibhamufuura emyenda jaaye, nibhamufwafya omwingiro omutukurasi. 29Nibhasinga orutengya rwa amawa, nibhamufwafya ku‑mutwe na okutuura risekeyanda mu‑kubhoko kwaye kwa ebhuryo, korereki abhonekane wuti ni mukama. Nibheefukama imbere yaaye bhari wuti abhamuramya, niwo nibhamusiijaaka nibhaayikaga ati, “Kasinge, omukama wa Abhayawudi!” 30Niwo nibhamufubhurira amachwata, nibhagega risekeyanda rirya okusooka mu‑kubhoko kwaye na okumubhuma naryo ku‑mutwe. 31Abhasirikare abho bhejire bhaamara okumusiijaaka kutyo, nibhamufuura omwingiro gurya na okumufwafya omwenda gwaye rindi. Niwo, nibhagenda nage okumubhumiirira ku‑musarabha.
Yeesu kaabhumiirirwa ku‑musarabha
(Maariko 15:21‑32; Ruuka 23:26‑43; Yowana 19:17‑27)
32Omwanya gunu bhaariga nibhasooka mu‑musi gwa Yerusareemu, nibhasongʼana omuunu umwi ku‑njira unu aariga ˆnaatogwa Simooni, omwinengo wa mu‑musi gwa Kureene. Abhasirikare abho nibhamusinyiirisya okwitwika omusarabha gwa Yeesu. 33Ku‑bhuteero, nibhakinga anu aabhirikirwaga ati Gorigoota. Obhugajuro bhwa risiina eryo ni ati, echiyanga cha omuunu. 34Niwo, nibhayaana Yeesu echifuufu chinu bhaariga bhasaasiisye‑mo na isumu isangʼaraaye.#27:34 Ringira Ijabhuri 69:21. Ejire aayirabha, ˆnaarema okunywa. 35Nibhabhumiirira Yeesu ku‑musarabha, nibhagabhana emyenda jaaye kwa okwitongya.#27:35 Ringira Ijabhuri 22:18. [Niwo omusango nigukuumira gunu ꞉gwayikirwe na owumwi wa abharagi inguru ya Yeesu ati, “꞉Bhaagabheene emyenda jaani, nibheetongya inguru ya omwingiro gwani.”] 36Nibheenyanja awo, korereki bhamwangarire. 37Nibhatuura akabhaawu ku‑musarabha inguru ya omutwe gwaye, kakaamirwe‑ko emisango ja okumusitaaka. Kaariga kakaamirwe‑ko ati, “unu ni yeesu, omukama wa abhayawudi.”
38Ku‑mwanya ogwo, bhaariga bhari‑wo abhaanu bhabhiri bhanu bhaariga bhari bhasaakusi. Abhasirikare nibhabhumiirira abhaanu abho aamwi na Yeesu ku‑misarabha, owumwi orubhaara rwa ebhuryo na owundi orubhaara rwa ebhumoosi. 39Abhaanu bhanu bhaaturaga awo, bhaasingisyaga emitwe jeebhwe, nibhafumaga Yeesu ati, 40“Awe unu weeroraga ati ukafumiisye Riyekaru rya Nyamuwanga na okuryumbaka rindi ku‑mwanya gwa siku esatu, iwonʼya omwene. Mbe, araabha chimari uri Mwana wa Nyamuwanga, iika okusooka ku‑musarabha okwo!”
41Kutyokutyo, abhakuru bha abhagabhisi na abheeyigisya bha ebhiraagiro bhya Muusa aamwi na abhakuru bha Abhayawudi nibhasiijaaka Yeesu ati, “Aawonʼyaga abhandi, nawe atakutura okwiwonʼya omwene! 42Araabha chimari ni mukama wa Abhayisirayeeri, mbe neeke okusooka ku‑musarabha, niwo eswe wone echija okumwikirisya. 43Omwene keeyikanya Nyamuwanga, ꞉aayikire ati, ‘Anye ni Mwana wa Nyamuwanga.’ Mbe, Nyamuwanga amuwonʼye woori araabha chimari kaamwenda.” 44Abhasaakusi bhanu ꞉bhaabhumiiriiywe ku‑misarabha aamwi na Yeesu, wone nibhamufuma rwa kutyo abhandi bhaamufumaga.
Yeesu kaafwa
(Maariko 15:33‑41; Ruuka 23:44‑49; Yowana 19:28‑30)
45Mbe, okwambira saa etaanu na imwi mu‑mwisi, echisuute nichiingira ku‑chaaro choone okukingira saa etaanu na ena. 46Ku‑mwanya gwa saa etaanu na ena, Yeesu ˆnaamura obhuraka ˆnaarira ati, “Eroyi! Eroyi! Raama sabhakitaani?” Obhugajuro bhwa emisango ejo ni ati, “Nyamuwanga waani! Nyamuwanga waani! Kurwa ki waansiga?”#27:46 Ringira Ijabhuri 22:1.
47Abhaanu bhanu bhaariga bheemereeguuyu awo, bhejire bhoongwa emisango ejo, abhandi nibhaayika ati, “Unu kaabhirikira omuragi Yeeriya.”#27:47 Unu kaabhirikira omuragi Yeeriya. Yeeriya kaayikwa anu, kwa okubha Abhayawudi bhaafu bhaariga nibheekirisya ati, Yeeriya ꞉ataafuuwe wuri, nawe Nyamuwanga ꞉aamugegere okusooka ku‑chaaro ari muwanga na okugenda nage mu‑rwire. Ka wone, bhaariga nibheeyikanya ati, Yeeriya ariija rindi ku‑chaaro. Ringira 2 Abhakama 2:11; Maraaki 4:5. 48Awoawo, umwi ˆnaabhirima bhwangu, ˆnaaja na rigaafu, ˆnaariina mu‑sese, ˆnaaribhoya kw‑isekeyanda, ˆnaayaana Yeesu, korereki anywe. 49Nawe abhandi nibhaayika ati, “Siga! Chirore araabha omuragi Yeeriya kaja okumuwonʼya!” 50Awo, Yeesu ˆnaamura rindi obhuraka ˆnaarira, niwo ˆnaafwa.
51Awoawo, ripajiya rinu ryariga niryawukanya Ayeeru na Ayeeru a Ayeeru mw‑Iyekaru rya Nyamuwanga#27:51 Mw‑Iyekaru rya Nyamuwanga. Ku‑meeresyo amaafu, ringira Riyekaru mu‑Meeresyo inguru ya Emisango Emikomeeye. niryatika bhibhaara bhibhiri okusooka inguru okukingira emwaro. Ka wone, niritura rinyamutikima rinene rya echaaro rinu ꞉ryaretereeye amabhuyi okwatika. 52Ebhituuro bhinu bhyariga bhisimbirwe ku‑mabhuyi okwo nibhiiguka na abheeru bhaafu bha Nyamuwanga nibhasuuruka. 53Yeesu ejire aasuuruka, niwo nibhasooka mu‑bhituuro nibheengira mu‑Yerusareemu, abhaanu bhaafu nibhabharora.
54Omwangarisi wa abhasirikare aamwi na bhanu bhaariga nibhaangarira Yeesu bhejire bhaarora rinyamutikima rya echaaro na ejindi joone jinu ꞉jaakorekeene, nibhoobhaya muno, nibhaayika ati, “Chimari, omuunu unu aariga ari Mwana wa Nyamuwanga!”
55Awo bhaariga bhari‑wo na abhagasi bhaafu bhanu bhaariga nibharuubha Yeesu okusooka mu‑mukoowa gwa Gariraaya na okumufurubhendera. Abhagasi abho ꞉bheemereeguuyu kura‑wo nibharingiraga joone jinu jaariga nijikorekana. 56Mu‑bhagasi abho, bhaariga bhari‑mo Maryamu okusooka mu‑musi gwa Magidara, Maryamu nyiramwene Yakobho na Jejefu, na nyiramwene abhaana bha Jebhedaayo.
Jejefu wa Arimataaya kaasiika Yeesu
(Maariko 15:42‑47; Ruuka 23:50‑56; Yowana 19:38‑42)
57Yejire yaakinga keegoro, ˆnaaja omwiyigisibhwa umwi wa Yeesu unu aariga ˆnaatogwa Jejefu. Jejefu oyo, aariga ari muniibhi okusooka mu‑ruguuyo rwa Arimataaya. 58Jejefu ˆnaagenda ku‑Piraato, ˆnaamusabhwa omutumbi gwa Yeesu. Mbe, Piraato ˆnaatuma abhasirikare bhaaye ati bhamuyaane omutumbi ogwo. 59Jejefu ˆnaagenda, ˆnaagega omutumbi gwa Yeesu, ˆnaagufwafya risanda eryeru. 60ˆNaatuura omutumbi ogwo mu‑fwa yaaye inyaaya inu aariga asimbire ku‑rutare. Niwo ˆnaayiringisya ribhuyi rinene ˆneegara omuryango gwa iifwa, ˆnaagenda. 61Ku‑mwanya ogwo, Maryamu okusooka mu‑musi gwa Magidara na Maryamu owundi urya, bhaariga bheenyanjire awo nibharingiraga echituuro.
Abhasirikare abhaangarira echituuro
62Orusuku rwa kabhiri, runu rwariga ruri rusuku rwa Isabhaato, abhakuru bha abhagabhisi na Abhafarisaayo nibheekumanya ku‑Piraato. 63Nibhabhwira Piraato ati, “Mwami, echiichuka ati bhunu omubheeyi urya aariga achaari muwanga, ꞉aayikire ati, ‘Ku‑rusuku rwa kasatu, nirisuuruka okusooka mu‑bhafuuwe.’ 64Kurwa ejo, echisabhwa uragirire abhasirikare bhaawo bhaangarire echituuro okukingira ku‑rusuku rwa kasatu. Araabha ukarema okutuura‑wo omuriisi, abheeyigisibhwa bhaaye abhatura okuuja okwibha omutumbi gwaye na okujiga abhaanu ati aasuuruka okusooka mu‑bhafuuwe. Araabha bhakakora kutyo, orubheeyi orwo ruribha rubhiibhi muno okukira rurya rwa Yeesu omwene.”
65Piraato ˆnaabhasubhya ati, “Mugege abhasirikare, mugende ku‑chituuro na muchaangarire ku‑managa geemwe goone.” 66Niwo nibhagenda, nibhatuura echibharikisyo cha orunabho kw‑ibhuyi rirya, korereki bhamenye araabha omuunu kaja okuriyiringisya. Ku‑bhuteero, nibhasiga abhasirikare awo, korereki bhaangarire echituuro echo.
Currently Selected:
Mataayo 27: jit
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Mataayo 27
27
Yeesu kaasirwa ku‑Piraato
(Maariko 15:1; Ruuka 23:1‑2; Yowana 18:28‑32)
1Mwejo yende‑ko katondo, abhakuru bhoone bha abhagabhisi aamwi na abhakuru bha Abhayawudi nibharamura okwita Yeesu. 2Niwo nibhamubhoya, nibhagenda nage ku‑mutungi wa Echiruumi unu aariga ˆnaatogwa Piraato.
Yuuda keenyiga
(Ebhikorwa bhya Jitumwa 1:18‑19)
3Mbe Yuuda unu ꞉aatuurire Yeesu mu‑mabhoko ga abhasoko, ejire aarora ati Yeesu aaramurwa ati eetwe, Yuuda ˆneeyungwa kubhiibhi muno. ˆNaagega jipirya jirya makumi gasatu na okujisubhya ku‑bhakuru bha abhagabhisi na abhakuru bha Abhayawudi. ˆNaabhabhwira ati, “Naakora echibhiibhi okutuura mu‑mabhoko geemwe omuunu unu atari na echikayo choonechoone.” 4Nawe abheene nibhaayika ati, “Ejo jitakuchisaasa, naawe omwene eyo.”
5Niwo Yuuda ˆneesa jipirya ejo mu‑rubhuga rwa Riyekaru rya Nyamuwanga, ˆnaasooka awo, ˆnaagenda okwinyiga.
6Abhakuru bha abhagabhisi nibhabhooja jipirya ejo, nibhaayika ati, “Jitari kisi okusaasya jipirya ejo na jipirya ja Riyekaru rya Nyamuwanga, kwa okubha jaariga jisoosiibhwe, inguru ya okwita isagama.” 7Mbe, nibhaayikana nibharamura okugega jipirya ejo bhaje okugura risambu rya omumogi ribhe rya okusiika‑mo abhagenyi. 8Ku‑songa eyo, risambu eryo eritogwa ati Risambu rya Isagama, okukingira reero.
9Niwo omusango gunu omuragi Yeremiya ꞉aakaamire nigukuumira ati, “꞉Bhaagegere jipirya makumi gasatu, obhugusi bhwa unu Abhayisirayeeri ꞉bheekirisyanyiisye inguru yaaye. 10Nibhagura risambu rya omumogi, rwa kutyo Raatabhugenyi ꞉aandagiriiye.”#27:9‑10 Ringira Jaakariya 11:12‑13; Yeremiya 19:1‑13, 32:6‑9.
Yeesu kaasitaakibhwa imbere ya Piraato
(Maariko 15:2‑15; Ruuka 23:2‑3, 23:18‑25; Yowana 18:29–19:16)
11Niwo Yeesu ˆneemereeguru imbere ya omutungi wa Echiruumi. Omutungi oyo, ˆnaamubhuusya ati, “Angu, awe naawe omukama wa Abhayawudi?” Yeesu ˆnaamusubhya ati, “Naawe omwayiki.”
12Mbe, abhakuru bha abhagabhisi na abhakuru bha Abhayawudi nibhaamba okusitaaka Yeesu, nawe omwene ꞉ataabhasubhiisye omusango gwonegwone. 13Niwo Piraato ˆnaamubhuusya ati, “Angu, woongwa joone jinu abhakusitaaka?” 14Nawe Yeesu ꞉ataasubhiisye noorwo omusango gumwi. Piraato ˆnaaruguura muno.
15Bhuri muguuga mu‑chikukuru ya Okwambuka, omutungi wa Echiruumi aariga ari na itungwa ya okwigurira omubhoywa umwi unu abhaanu bheendaga. 16Mbe, ku‑mwanya ogwo, aariga ari‑wo omubhoywa umwi unu aariga ˆnaatogwa Bharaabha. Omubhoywa oyo aariga amenyekeene muno inguru ya ebhikorwa bhyaye ebhibhiibhi bhinu aariga ˆnaakora. 17Kurwa ejo, omwanya gunu abhaanu ꞉bheekumanyiisye awo, Piraato ˆnaabhabhuusya ati, “Omwenda niigurire wuuya agati ya abhabhoywa bhabhiri bhanu? Omwenda niigurire Bharaabha, amwi Yeesu unu abhaanu abhatoga ati Kirisito?” 18Piraato ꞉aabhabhuusisye kutyo, kwa okubha ꞉aamenyere ati abhakuru bha Abhayawudi ꞉bhaasirire Yeesu ku‑mwene inguru ya orwiso era.
19Bhunu Piraato aariga eenyanjire ku‑chitebhe chaaye cha indamu, omugasi waaye ˆnaamutumira omusango ati, “Waasiga okukorera omuunu oyo echibhiibhi choonechoone kwa okubha atari na echikayo. Naanyaaka muno mu‑ngeta mu‑chirooto inguru yaaye.”
20Nawe abhakuru bha abhagabhisi na abhakuru bha Abhayawudi nibhakongya abhaanu ati bhasabhwe Piraato abheegurire Bharaabha na aramure ati Yeesu eetwe.
21Piraato ˆnaabhabhuusya rindi ati, “Nibheegurire wuuya agati ya abhabhoywa bhabhiri bhanu?” Nibhamusubhya ati, “Echeenda wiigurire Bharaabha!” 22Piraato ˆnaabhabhuusya rindi ati, “Mbe nikore kutiki Yeesu unu abhaanu abhatoga ati Kirisito?” Abhaanu bhoone nibhamwaya nibhaayikaga ati, “Mubhumiirire ku‑musarabha!” 23Piraato ˆnaabhabhuusya rindi ati, “Akorere chikayo ki cha okureterera abhumiirirwe ku‑musarabha?” Nawe abheene nibhoongesya okumwaya nibhaayikaga ati, “Mubhumiirire ku‑musarabha!”
24Piraato ejire aamenya ati atakutura okuyindura obhwiganirisya bhwa abhaanu bharya ka wone ꞉bhaambire injogere, ˆnaagega amanji ˆneesaabha amabhoko gaaye imbere yeebhwe. Niwo ˆnaabhabhwira ati, “Anye nitari na echikayo choonechoone ku‑rufu rwa omuunu omurengeresi unu. Omusango gunu gubhe inguru yeemwe abheene!” 25Abhaanu bhoone nibhamusubhya ati, “Echikayo cha okwitwa kwa Yeesu chibhe kw‑iswe na ku‑bhaana bheeswe!”
26Niwo Piraato ˆnaabheegurira Bharaabha ku‑songa yeebhwe na okuragirira abhasirikare ati, bhabhume Yeesu na jijaridi, bhagende okumubhumiirira ku‑musarabha.
Abhasirikare abhasiijaaka Yeesu
(Maariko 15:16‑20; Yowana 19:2‑3)
27Niwo abhasirikare bha omutungi wa Echiruumi nibhagega Yeesu, nibhagenda nage mw‑iyumba rya obhutungi. Abhasirikare abhandi bhoone, nibheekumanya mw‑iyumba omwo, nibheeyinda Yeesu. 28Nibhamufuura emyenda jaaye, nibhamufwafya omwingiro omutukurasi. 29Nibhasinga orutengya rwa amawa, nibhamufwafya ku‑mutwe na okutuura risekeyanda mu‑kubhoko kwaye kwa ebhuryo, korereki abhonekane wuti ni mukama. Nibheefukama imbere yaaye bhari wuti abhamuramya, niwo nibhamusiijaaka nibhaayikaga ati, “Kasinge, omukama wa Abhayawudi!” 30Niwo nibhamufubhurira amachwata, nibhagega risekeyanda rirya okusooka mu‑kubhoko kwaye na okumubhuma naryo ku‑mutwe. 31Abhasirikare abho bhejire bhaamara okumusiijaaka kutyo, nibhamufuura omwingiro gurya na okumufwafya omwenda gwaye rindi. Niwo, nibhagenda nage okumubhumiirira ku‑musarabha.
Yeesu kaabhumiirirwa ku‑musarabha
(Maariko 15:21‑32; Ruuka 23:26‑43; Yowana 19:17‑27)
32Omwanya gunu bhaariga nibhasooka mu‑musi gwa Yerusareemu, nibhasongʼana omuunu umwi ku‑njira unu aariga ˆnaatogwa Simooni, omwinengo wa mu‑musi gwa Kureene. Abhasirikare abho nibhamusinyiirisya okwitwika omusarabha gwa Yeesu. 33Ku‑bhuteero, nibhakinga anu aabhirikirwaga ati Gorigoota. Obhugajuro bhwa risiina eryo ni ati, echiyanga cha omuunu. 34Niwo, nibhayaana Yeesu echifuufu chinu bhaariga bhasaasiisye‑mo na isumu isangʼaraaye.#27:34 Ringira Ijabhuri 69:21. Ejire aayirabha, ˆnaarema okunywa. 35Nibhabhumiirira Yeesu ku‑musarabha, nibhagabhana emyenda jaaye kwa okwitongya.#27:35 Ringira Ijabhuri 22:18. [Niwo omusango nigukuumira gunu ꞉gwayikirwe na owumwi wa abharagi inguru ya Yeesu ati, “꞉Bhaagabheene emyenda jaani, nibheetongya inguru ya omwingiro gwani.”] 36Nibheenyanja awo, korereki bhamwangarire. 37Nibhatuura akabhaawu ku‑musarabha inguru ya omutwe gwaye, kakaamirwe‑ko emisango ja okumusitaaka. Kaariga kakaamirwe‑ko ati, “unu ni yeesu, omukama wa abhayawudi.”
38Ku‑mwanya ogwo, bhaariga bhari‑wo abhaanu bhabhiri bhanu bhaariga bhari bhasaakusi. Abhasirikare nibhabhumiirira abhaanu abho aamwi na Yeesu ku‑misarabha, owumwi orubhaara rwa ebhuryo na owundi orubhaara rwa ebhumoosi. 39Abhaanu bhanu bhaaturaga awo, bhaasingisyaga emitwe jeebhwe, nibhafumaga Yeesu ati, 40“Awe unu weeroraga ati ukafumiisye Riyekaru rya Nyamuwanga na okuryumbaka rindi ku‑mwanya gwa siku esatu, iwonʼya omwene. Mbe, araabha chimari uri Mwana wa Nyamuwanga, iika okusooka ku‑musarabha okwo!”
41Kutyokutyo, abhakuru bha abhagabhisi na abheeyigisya bha ebhiraagiro bhya Muusa aamwi na abhakuru bha Abhayawudi nibhasiijaaka Yeesu ati, “Aawonʼyaga abhandi, nawe atakutura okwiwonʼya omwene! 42Araabha chimari ni mukama wa Abhayisirayeeri, mbe neeke okusooka ku‑musarabha, niwo eswe wone echija okumwikirisya. 43Omwene keeyikanya Nyamuwanga, ꞉aayikire ati, ‘Anye ni Mwana wa Nyamuwanga.’ Mbe, Nyamuwanga amuwonʼye woori araabha chimari kaamwenda.” 44Abhasaakusi bhanu ꞉bhaabhumiiriiywe ku‑misarabha aamwi na Yeesu, wone nibhamufuma rwa kutyo abhandi bhaamufumaga.
Yeesu kaafwa
(Maariko 15:33‑41; Ruuka 23:44‑49; Yowana 19:28‑30)
45Mbe, okwambira saa etaanu na imwi mu‑mwisi, echisuute nichiingira ku‑chaaro choone okukingira saa etaanu na ena. 46Ku‑mwanya gwa saa etaanu na ena, Yeesu ˆnaamura obhuraka ˆnaarira ati, “Eroyi! Eroyi! Raama sabhakitaani?” Obhugajuro bhwa emisango ejo ni ati, “Nyamuwanga waani! Nyamuwanga waani! Kurwa ki waansiga?”#27:46 Ringira Ijabhuri 22:1.
47Abhaanu bhanu bhaariga bheemereeguuyu awo, bhejire bhoongwa emisango ejo, abhandi nibhaayika ati, “Unu kaabhirikira omuragi Yeeriya.”#27:47 Unu kaabhirikira omuragi Yeeriya. Yeeriya kaayikwa anu, kwa okubha Abhayawudi bhaafu bhaariga nibheekirisya ati, Yeeriya ꞉ataafuuwe wuri, nawe Nyamuwanga ꞉aamugegere okusooka ku‑chaaro ari muwanga na okugenda nage mu‑rwire. Ka wone, bhaariga nibheeyikanya ati, Yeeriya ariija rindi ku‑chaaro. Ringira 2 Abhakama 2:11; Maraaki 4:5. 48Awoawo, umwi ˆnaabhirima bhwangu, ˆnaaja na rigaafu, ˆnaariina mu‑sese, ˆnaaribhoya kw‑isekeyanda, ˆnaayaana Yeesu, korereki anywe. 49Nawe abhandi nibhaayika ati, “Siga! Chirore araabha omuragi Yeeriya kaja okumuwonʼya!” 50Awo, Yeesu ˆnaamura rindi obhuraka ˆnaarira, niwo ˆnaafwa.
51Awoawo, ripajiya rinu ryariga niryawukanya Ayeeru na Ayeeru a Ayeeru mw‑Iyekaru rya Nyamuwanga#27:51 Mw‑Iyekaru rya Nyamuwanga. Ku‑meeresyo amaafu, ringira Riyekaru mu‑Meeresyo inguru ya Emisango Emikomeeye. niryatika bhibhaara bhibhiri okusooka inguru okukingira emwaro. Ka wone, niritura rinyamutikima rinene rya echaaro rinu ꞉ryaretereeye amabhuyi okwatika. 52Ebhituuro bhinu bhyariga bhisimbirwe ku‑mabhuyi okwo nibhiiguka na abheeru bhaafu bha Nyamuwanga nibhasuuruka. 53Yeesu ejire aasuuruka, niwo nibhasooka mu‑bhituuro nibheengira mu‑Yerusareemu, abhaanu bhaafu nibhabharora.
54Omwangarisi wa abhasirikare aamwi na bhanu bhaariga nibhaangarira Yeesu bhejire bhaarora rinyamutikima rya echaaro na ejindi joone jinu ꞉jaakorekeene, nibhoobhaya muno, nibhaayika ati, “Chimari, omuunu unu aariga ari Mwana wa Nyamuwanga!”
55Awo bhaariga bhari‑wo na abhagasi bhaafu bhanu bhaariga nibharuubha Yeesu okusooka mu‑mukoowa gwa Gariraaya na okumufurubhendera. Abhagasi abho ꞉bheemereeguuyu kura‑wo nibharingiraga joone jinu jaariga nijikorekana. 56Mu‑bhagasi abho, bhaariga bhari‑mo Maryamu okusooka mu‑musi gwa Magidara, Maryamu nyiramwene Yakobho na Jejefu, na nyiramwene abhaana bha Jebhedaayo.
Jejefu wa Arimataaya kaasiika Yeesu
(Maariko 15:42‑47; Ruuka 23:50‑56; Yowana 19:38‑42)
57Yejire yaakinga keegoro, ˆnaaja omwiyigisibhwa umwi wa Yeesu unu aariga ˆnaatogwa Jejefu. Jejefu oyo, aariga ari muniibhi okusooka mu‑ruguuyo rwa Arimataaya. 58Jejefu ˆnaagenda ku‑Piraato, ˆnaamusabhwa omutumbi gwa Yeesu. Mbe, Piraato ˆnaatuma abhasirikare bhaaye ati bhamuyaane omutumbi ogwo. 59Jejefu ˆnaagenda, ˆnaagega omutumbi gwa Yeesu, ˆnaagufwafya risanda eryeru. 60ˆNaatuura omutumbi ogwo mu‑fwa yaaye inyaaya inu aariga asimbire ku‑rutare. Niwo ˆnaayiringisya ribhuyi rinene ˆneegara omuryango gwa iifwa, ˆnaagenda. 61Ku‑mwanya ogwo, Maryamu okusooka mu‑musi gwa Magidara na Maryamu owundi urya, bhaariga bheenyanjire awo nibharingiraga echituuro.
Abhasirikare abhaangarira echituuro
62Orusuku rwa kabhiri, runu rwariga ruri rusuku rwa Isabhaato, abhakuru bha abhagabhisi na Abhafarisaayo nibheekumanya ku‑Piraato. 63Nibhabhwira Piraato ati, “Mwami, echiichuka ati bhunu omubheeyi urya aariga achaari muwanga, ꞉aayikire ati, ‘Ku‑rusuku rwa kasatu, nirisuuruka okusooka mu‑bhafuuwe.’ 64Kurwa ejo, echisabhwa uragirire abhasirikare bhaawo bhaangarire echituuro okukingira ku‑rusuku rwa kasatu. Araabha ukarema okutuura‑wo omuriisi, abheeyigisibhwa bhaaye abhatura okuuja okwibha omutumbi gwaye na okujiga abhaanu ati aasuuruka okusooka mu‑bhafuuwe. Araabha bhakakora kutyo, orubheeyi orwo ruribha rubhiibhi muno okukira rurya rwa Yeesu omwene.”
65Piraato ˆnaabhasubhya ati, “Mugege abhasirikare, mugende ku‑chituuro na muchaangarire ku‑managa geemwe goone.” 66Niwo nibhagenda, nibhatuura echibharikisyo cha orunabho kw‑ibhuyi rirya, korereki bhamenye araabha omuunu kaja okuriyiringisya. Ku‑bhuteero, nibhasiga abhasirikare awo, korereki bhaangarire echituuro echo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.