TĨĨGI WERE 20
20
Abraham, ti wur maga se de tiŋ Gerar mono
1Abraham kal urgi le ti ngel ni ma woge ɓi sir ma nen Negefe. Á kal hayge Kades wo de Sur blam ɓe se wo hayge Gerar. 2Abraham wãã ti wãy ɓe Sara ga : Á diŋ maygeman ɓi. Abimeleg waŋ gerar hay baa Sara go. 3Doo kay nono, Baa kal age ɓiŋ Abimeleg de suŋ nen lwaʼge day wiin ga : Ndo huu gi go wer wãy maga ndo baan le mono, werga á go de da ware. 4Abimeleg hay bay de woge see wãyn wa ɗa, á kal fer wããre ga : ndo taw mbo sir po go koɗe de maga á mbe de de el mono? 5Á de see ɓe wãã me ga : Á diŋ maygeman ɓi, wãyn de see ɓe la lay ga á diŋ hẽn ɓi lay ga? De maga ndi hay joŋ sen mokay we laybla no jiili ɓi hay ɗeger ɗa, doo ɓi hay bay de maŋ re ti sen mo taʼ wa ɗa lay. 6Baa kal fer wããre ne hẽn nen lwaʼge ni ga : Ndi yaŋ mbi de koge de see ɓi de el lay ga jiili ɓo hay ɗeger de maga ndo de hay joŋn mono. Diŋ wersen lay ga ndi maŋ jag ɓo go ga ndo mo joŋ ɓlagge see ɓi wa mono. Diŋ wersen so ndi maŋ jag go maga ndo mo duʼ wãyn wa mono.
7Patala hã wãy bloo sen ne hẽne, werga á diŋ je ndar nen wããre Baa go. Á tos ge yaŋ ti ɓo, day ndo joŋge yaŋ caw. Day hayga ndo fer wãy ɓen we ne hẽn gà no, ndo huu gi go de jar ɓon wo ɓuy.
8Abimeleg ur go ciŋ de jag toŋ, kal ɗe weere jõõre ɓen wo no, kal bag blam wããre sen ɓuy ne hara. Hẽẽne kal joŋ jar ɓen wo de hãã debaŋ. 9Abimeleg ɗe Abraham le lay, day wiin ga : Ndo joŋ wùr nà joŋge yaw ne? Ndi joŋ mo de ɓlagge may ga ndo hay leʼ kaŋ wer ɓi de sir ɓin ɓuy joŋ ɓlagge ma kluu doo kay no ne? Ndo joŋ see ɓi diŋ joŋre maga bay wo ma joŋge wa mo pa. 10Abimeleg wii Abraham ga : Ndo joŋ doo kay no mono, ɗiggi ɓo hay nà gahãyla? 11Abraham kal ferge ne hẽn ga : Ndi hay ɗig ɓin nà ga à bay joŋ hẽẽne Baa ti ngel la wa, day pa day la à ʼwar me go wer wãy ɓi no. 12De daŋ sen ɓuy, á diŋ maygeman ɓi, may ma pan ɓi mbe. Diŋ ga á bay diŋ may ma man ɓi wa tawa, day á kol go diŋ wãy ɓi.
13De maga Baa kal go de ɓi raŋge caw see feele mani ɓin hãã mono, ndi hay wãã go ne hẽn ga daga á mo hay go nen ɓe de el ga, ti ngel maga wùr wo ni mo ɓuy no, ni á mo wãã ga se diŋ maygeman ɓi.
14Abimeleg kal hoo horog ma kleere wo de ma kluuri wo, weere gebeere wo de mayre gebeere wo, kal hã rage ne Abraham, kal hã wãy ɓe Sara ne hẽn lay. 15Abimeleg day ga : Ko nen ɓo sir ɓin wo mo tiʼ pel ɓo no, wo mbo ti ngel maga co jag ɓo mono. 16Á kal wii Sara ga : Ndi hã boo solay ne hẽn ɓon ndare sen joŋ ge diŋ ma kaŋ nen jar ma ti jeŋ ɓon wo ga wããre sen mo taʼ ndo bay de joŋ ɓlagge ni wa. 17Abraham fer tos Baa, maga á mo fer go pẽẽ Abimeleg wo de wãy ɓe, de mayre gebeere ɓen wo ɓuy, day saara fer biŋgi. 18Werga Manwur hay ged jar ni Abimeleg wo go ɓuy wer Sara wãy Abraham.
Currently Selected:
TĨĨGI WERE 20: TUP
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
TĨĨGI WERE 20
20
Abraham, ti wur maga se de tiŋ Gerar mono
1Abraham kal urgi le ti ngel ni ma woge ɓi sir ma nen Negefe. Á kal hayge Kades wo de Sur blam ɓe se wo hayge Gerar. 2Abraham wãã ti wãy ɓe Sara ga : Á diŋ maygeman ɓi. Abimeleg waŋ gerar hay baa Sara go. 3Doo kay nono, Baa kal age ɓiŋ Abimeleg de suŋ nen lwaʼge day wiin ga : Ndo huu gi go wer wãy maga ndo baan le mono, werga á go de da ware. 4Abimeleg hay bay de woge see wãyn wa ɗa, á kal fer wããre ga : ndo taw mbo sir po go koɗe de maga á mbe de de el mono? 5Á de see ɓe wãã me ga : Á diŋ maygeman ɓi, wãyn de see ɓe la lay ga á diŋ hẽn ɓi lay ga? De maga ndi hay joŋ sen mokay we laybla no jiili ɓi hay ɗeger ɗa, doo ɓi hay bay de maŋ re ti sen mo taʼ wa ɗa lay. 6Baa kal fer wããre ne hẽn nen lwaʼge ni ga : Ndi yaŋ mbi de koge de see ɓi de el lay ga jiili ɓo hay ɗeger de maga ndo de hay joŋn mono. Diŋ wersen lay ga ndi maŋ jag ɓo go ga ndo mo joŋ ɓlagge see ɓi wa mono. Diŋ wersen so ndi maŋ jag go maga ndo mo duʼ wãyn wa mono.
7Patala hã wãy bloo sen ne hẽne, werga á diŋ je ndar nen wããre Baa go. Á tos ge yaŋ ti ɓo, day ndo joŋge yaŋ caw. Day hayga ndo fer wãy ɓen we ne hẽn gà no, ndo huu gi go de jar ɓon wo ɓuy.
8Abimeleg ur go ciŋ de jag toŋ, kal ɗe weere jõõre ɓen wo no, kal bag blam wããre sen ɓuy ne hara. Hẽẽne kal joŋ jar ɓen wo de hãã debaŋ. 9Abimeleg ɗe Abraham le lay, day wiin ga : Ndo joŋ wùr nà joŋge yaw ne? Ndi joŋ mo de ɓlagge may ga ndo hay leʼ kaŋ wer ɓi de sir ɓin ɓuy joŋ ɓlagge ma kluu doo kay no ne? Ndo joŋ see ɓi diŋ joŋre maga bay wo ma joŋge wa mo pa. 10Abimeleg wii Abraham ga : Ndo joŋ doo kay no mono, ɗiggi ɓo hay nà gahãyla? 11Abraham kal ferge ne hẽn ga : Ndi hay ɗig ɓin nà ga à bay joŋ hẽẽne Baa ti ngel la wa, day pa day la à ʼwar me go wer wãy ɓi no. 12De daŋ sen ɓuy, á diŋ maygeman ɓi, may ma pan ɓi mbe. Diŋ ga á bay diŋ may ma man ɓi wa tawa, day á kol go diŋ wãy ɓi.
13De maga Baa kal go de ɓi raŋge caw see feele mani ɓin hãã mono, ndi hay wãã go ne hẽn ga daga á mo hay go nen ɓe de el ga, ti ngel maga wùr wo ni mo ɓuy no, ni á mo wãã ga se diŋ maygeman ɓi.
14Abimeleg kal hoo horog ma kleere wo de ma kluuri wo, weere gebeere wo de mayre gebeere wo, kal hã rage ne Abraham, kal hã wãy ɓe Sara ne hẽn lay. 15Abimeleg day ga : Ko nen ɓo sir ɓin wo mo tiʼ pel ɓo no, wo mbo ti ngel maga co jag ɓo mono. 16Á kal wii Sara ga : Ndi hã boo solay ne hẽn ɓon ndare sen joŋ ge diŋ ma kaŋ nen jar ma ti jeŋ ɓon wo ga wããre sen mo taʼ ndo bay de joŋ ɓlagge ni wa. 17Abraham fer tos Baa, maga á mo fer go pẽẽ Abimeleg wo de wãy ɓe, de mayre gebeere ɓen wo ɓuy, day saara fer biŋgi. 18Werga Manwur hay ged jar ni Abimeleg wo go ɓuy wer Sara wãy Abraham.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.