TĨĨGI WERE 28
28
1Isag ɗe Jakob le kal kaŋ bosaʼ ne hẽn ti, day kal fer wããre ma kay ne hẽne ga : Ndo da ge wãy yoo mayre mani jar Kanaan wo gà. 2Ur go ciŋ, see Paddan-Aram liŋ ni Betuwel pan man ɓo, ni ndo da wãy ɓon yoo mayre mani Laban hẽn ɓon wo no. 3Daga Baa ma de Egre Ɓuyn mo kaŋ bosaʼ mo ti, mo tes mo, mo dus wer mani ɓo no, nen maga ndo mo kol wer jar ngaɓa dusglugi! 4Daga á mo hã bosaʼ mani Abrahamn mo, ne ndo de wer mani ɓon wo ni lay, nen maga sir maga ndo ni doo waare mono, mo hay diŋ ɓo, sir maga á hay hãn go ne Abraham mono!
5Isag kal ɓoʼ Jakob wo go, se kal rawge Paddan-Aram ɓiŋ Laban je ni Betuwel no, je Arameyẽẽ wegeman Rebeka man Jakob wo de Esaw no.
6Esaw raw koge ga Isag kaŋ bosaʼ we go ne Jakob ti, day ɓoʼn we wo go Paddan-Aram, maga á mo wo wo go da wãy ni, day pa, de maga á de kaŋ bosaʼ ne hẽn ti á kal wããge ga : Ndo da ge wãy yoo mayre mani jar Kanaan wo gà mono. 7Jakob yãã jag pan ɓe wo de man ɓe, kal rawge wo go Paddan-Arame. 8Esaw kal laa wer wããren doo kay nono, ga mayre mani jar Kanaan wo mokay la bay wo de cõõre jag pan se wa. Esaw kal ngeraɗge jag ɓe nen ni Ismayel lay.
9Á kal da wãy ma tigriŋ ciŋ ti maga se hay go de sen ni, da Mahalad may mani Ismayel je ni Abraham no, maygeman Nebajod no.
10Jakob ur le Beer-Seba, kal rawge Karan. 11Á kal dayge ti ngel po maga see nà ni, werga wur hay leʼ go gesiŋ. Á kal maŋ húulì kal ɗegal ti ɓe ni, kal suugi ti ngel ni. 12Á kal lwaʼge. Koo esele de jage gesiŋ la, hãã ti ɓe le de duʼ ngel ma ciŋ. Ko mono jar peele ɗii wo le gesiŋ, fer wo wo ɗiigi ciŋ ti esel se no. 13Ko nà Manwur le de oole ti ɓe, day ga : Ndi diŋ Manwuri, Baa mani Abraham pan ɓo no, wo de Baa mani Isag no. Sir maga ndo de suuli ni mo tiʼ no, ndi hãn ge ne ndo, ne wer mani ɓon wo lay. 14Wer mani ɓon joŋ ge doo beɗef sir nono. Ndo mbeɗ ge jag doo yaŋ wo go nen pele, nen were, nen ɓaŋ gloŋhwede, nen ni wãybane. Day wer jar ma ti tamsir ɓuy daʼge wo bosaʼ yaŋ wer ɓo, de wer mani ɓo no.
15Koɗa, ndi yaŋ de ɓo, ndi koɗ ge ndo yaŋ ti ngel ma honla ɓuy maga ndo wo ge ni mono, ndi fer ge yaŋ le de ɓo ɓi sir sen lam no, werga ndi tob ge ndo go gà say wããre ɓi maga ndi wããn mokay leʼ jag go ti ngel ɓe.
16Jakob pũy le go ti naa ɓen mono, day ga : Ti faage ɓe Manwur ti ngel mo taʼ la no, day ndi de see ɓi ndi hay bay de koge wa! 17Hẽẽne kal joŋge ɓe se day ga : Ngel ma taʼ la bay diŋ ngel joŋ hragge wa! Á mo taʼ la bay diŋ tiŋ Baa wa page, jag tiŋ ngel ma ciŋ no! 18Day Jakob kal urgi go ciŋ de jag toŋ mbuhu. Á kal maŋ húulì maga se hay kaŋ ti ni mono, kal jagge ɓe deele, kaa noo ne hẽn ti, joŋn go diŋ ngel ma bay ɗagge. 19Á kal kaŋ ɗúu ne ngel sen ga Betel, ama á hay ɗe ɓi leege sen taŋgu ga Lusi. 20Jakob kal haʼ haʼge ma kay ga : Hayga Baa yaŋ de ɓi, day koɗ me yaŋ ti faage raŋge maga ndi de maŋge ni mo caw no, hayga á hã rege yaŋ me, laa õõbe yaŋ me ti lay no, 21hayga ndi fer we le liŋ ni pan ɓi jam no, doo kay nono ni Manwur joŋge diŋ Baa ɓi. 22Húulì maga ndi jagn deele mo taʼ no joŋ ge diŋ tiŋ Baa. Fẽẽre maga ndo hã ge ra me mo ɓuy no, ndi hã ge dim ɓen ne ndo.
Currently Selected:
TĨĨGI WERE 28: TUP
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
TĨĨGI WERE 28
28
1Isag ɗe Jakob le kal kaŋ bosaʼ ne hẽn ti, day kal fer wããre ma kay ne hẽne ga : Ndo da ge wãy yoo mayre mani jar Kanaan wo gà. 2Ur go ciŋ, see Paddan-Aram liŋ ni Betuwel pan man ɓo, ni ndo da wãy ɓon yoo mayre mani Laban hẽn ɓon wo no. 3Daga Baa ma de Egre Ɓuyn mo kaŋ bosaʼ mo ti, mo tes mo, mo dus wer mani ɓo no, nen maga ndo mo kol wer jar ngaɓa dusglugi! 4Daga á mo hã bosaʼ mani Abrahamn mo, ne ndo de wer mani ɓon wo ni lay, nen maga sir maga ndo ni doo waare mono, mo hay diŋ ɓo, sir maga á hay hãn go ne Abraham mono!
5Isag kal ɓoʼ Jakob wo go, se kal rawge Paddan-Aram ɓiŋ Laban je ni Betuwel no, je Arameyẽẽ wegeman Rebeka man Jakob wo de Esaw no.
6Esaw raw koge ga Isag kaŋ bosaʼ we go ne Jakob ti, day ɓoʼn we wo go Paddan-Aram, maga á mo wo wo go da wãy ni, day pa, de maga á de kaŋ bosaʼ ne hẽn ti á kal wããge ga : Ndo da ge wãy yoo mayre mani jar Kanaan wo gà mono. 7Jakob yãã jag pan ɓe wo de man ɓe, kal rawge wo go Paddan-Arame. 8Esaw kal laa wer wããren doo kay nono, ga mayre mani jar Kanaan wo mokay la bay wo de cõõre jag pan se wa. Esaw kal ngeraɗge jag ɓe nen ni Ismayel lay.
9Á kal da wãy ma tigriŋ ciŋ ti maga se hay go de sen ni, da Mahalad may mani Ismayel je ni Abraham no, maygeman Nebajod no.
10Jakob ur le Beer-Seba, kal rawge Karan. 11Á kal dayge ti ngel po maga see nà ni, werga wur hay leʼ go gesiŋ. Á kal maŋ húulì kal ɗegal ti ɓe ni, kal suugi ti ngel ni. 12Á kal lwaʼge. Koo esele de jage gesiŋ la, hãã ti ɓe le de duʼ ngel ma ciŋ. Ko mono jar peele ɗii wo le gesiŋ, fer wo wo ɗiigi ciŋ ti esel se no. 13Ko nà Manwur le de oole ti ɓe, day ga : Ndi diŋ Manwuri, Baa mani Abraham pan ɓo no, wo de Baa mani Isag no. Sir maga ndo de suuli ni mo tiʼ no, ndi hãn ge ne ndo, ne wer mani ɓon wo lay. 14Wer mani ɓon joŋ ge doo beɗef sir nono. Ndo mbeɗ ge jag doo yaŋ wo go nen pele, nen were, nen ɓaŋ gloŋhwede, nen ni wãybane. Day wer jar ma ti tamsir ɓuy daʼge wo bosaʼ yaŋ wer ɓo, de wer mani ɓo no.
15Koɗa, ndi yaŋ de ɓo, ndi koɗ ge ndo yaŋ ti ngel ma honla ɓuy maga ndo wo ge ni mono, ndi fer ge yaŋ le de ɓo ɓi sir sen lam no, werga ndi tob ge ndo go gà say wããre ɓi maga ndi wããn mokay leʼ jag go ti ngel ɓe.
16Jakob pũy le go ti naa ɓen mono, day ga : Ti faage ɓe Manwur ti ngel mo taʼ la no, day ndi de see ɓi ndi hay bay de koge wa! 17Hẽẽne kal joŋge ɓe se day ga : Ngel ma taʼ la bay diŋ ngel joŋ hragge wa! Á mo taʼ la bay diŋ tiŋ Baa wa page, jag tiŋ ngel ma ciŋ no! 18Day Jakob kal urgi go ciŋ de jag toŋ mbuhu. Á kal maŋ húulì maga se hay kaŋ ti ni mono, kal jagge ɓe deele, kaa noo ne hẽn ti, joŋn go diŋ ngel ma bay ɗagge. 19Á kal kaŋ ɗúu ne ngel sen ga Betel, ama á hay ɗe ɓi leege sen taŋgu ga Lusi. 20Jakob kal haʼ haʼge ma kay ga : Hayga Baa yaŋ de ɓi, day koɗ me yaŋ ti faage raŋge maga ndi de maŋge ni mo caw no, hayga á hã rege yaŋ me, laa õõbe yaŋ me ti lay no, 21hayga ndi fer we le liŋ ni pan ɓi jam no, doo kay nono ni Manwur joŋge diŋ Baa ɓi. 22Húulì maga ndi jagn deele mo taʼ no joŋ ge diŋ tiŋ Baa. Fẽẽre maga ndo hã ge ra me mo ɓuy no, ndi hã ge dim ɓen ne ndo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.