TĨĨGI WERE 34
34
Simeyoŋ wo de Lefi saʼ wo hee maygeman ɓaara maga à mbuɗ sããre ɓe go mono
1Dina, may maga Leya biŋn ne Jakob mono kal kalge wo go ma ko mayre ma ɓi leegen wo no. 2Sikem je ni Hamor, waŋ hifid ma ti ɓaŋ ngel sen ni mono, ko ne, kal baage ɓe raw suugi de ɓe mbuɗ sããre ɓe go. 3Á kal saʼ see ɓe go de ɗiggi ɓe ɓuy ti Dina, may mani Jakob no. Á hay da may ma tiglin debaŋ tuu, ko ɓod ndalge ne hẽn ɓil nà foo gà. 4Sikem wii pan ɓe Hamor ga : Da may sen me wãy. 5Jakob kal laage ga á mbuɗ sããre may se no. Day so, jar ni ɓe wo le go mbásga de horog wo ɗa lay mono, se kal mbe ferge baʼ so.
6Hamor pan Sikem kal nduugi ɓiŋ Jakob ma fer wããre ne hẽne. 7Jar ni Jakob a wo liŋ laa wo mo sen lay. Jar sen wo mo kay see ɓaara huɗ go, day ɓil ɓaara kal ce rage debaŋ, werga Sikem joŋ diŋ mo ma mbuɗ sããre Israyele, de maga á suu de may Jakobn mono, sen mokay diŋ mo maga joŋ gà. 8Hamor kal fer wããre ne hara doo kay no so ga : Je ni ɓi Sikem mono, fruygi may ɓayn mo caw la baa ɗiggi ɓe wo go ɓuy. Ndi kam nday hãn we ne hẽn wãy ɗa la. 9Nday de kããge ma saʼ jag ti dage naare de wùri. Nday hã mayre ɓay ne wùri, day nday á da ma wùr wo lay. 10Nday lagge mbay ni wùr la, day sirn joŋ ge mbe diŋ ɓay lay. Lag we mbay joŋ trere ɓay ni nday daɗ mbay fẽẽre ɓay.
11Sikem riŋ pan Dina wo de hẽẽre ɓen ga : Maga ɓil ɓay mo hay go feh mono, wii we mbay fen maga ndi mo hãn ne nday mono. 12Ngaɓ we mbay horog ma ti may ɓayn pur de kado wo, ndi hã mbi fen maga nday wiin yaŋ. Ama hã we mbay may ma tiglin me wãy. 13Jar ni Jakob kal wo fer wããre ne Sikem wo de pan ɓe Hamor de hila, werga Sikem hay mbuɗ sããre mangeman ɓaara Dina go mono. 14Á wii wo ra ga : Á see wùr de gaali maga wùr hã maygeman wùrn ne je ma bay caa ɓĩĩni, werga sen mo hãʼ diŋ re sããre se wùri. 15Wùr yiŋ mbe jag yaŋ wer ɓay diŋ ga hayga nday kol we doo wùr no lay, ga ma twar ma yoo ɓayn ɓuy nday caa ɓĩĩni ɓe we go mono. 16Wùr hã mbe mayre wùr wo yaŋ ne nday, wùr da mbe mayre ɓay wo yaŋ wer wùr lay. Wùr lag ge mbe yaŋ de tiŋ ti holaŋ ɓay la, naa kol ge mbe yaŋ diŋ jar po boŋ. 17Day hayga nday day we laa jag wùr caa ɓĩĩni gà no, wùr baa ge may wùr no, wùr raw ge. 18Wããre sen kal coge jag Hamor, co jag je ni ɓe Sikem lay. 19Wel ma jõõ la yãã ti bay joŋge ɓe gà so has ɓuy, werga may mani Jakobn hay de cõõre jag ɓe. Á hay nà diŋ je maga à kee go tinoo liŋ ni pan ɓe ni nà diŋ se.
20Hamor kal wo ferge de wel ɓe Sikem, wo wo lagge jag tiŋ ɓi leege no, kal wo fer wããre ma kay ne jar ma ɓi leegen so ga : 21Jarn wo mbaara jam de naa. Á mo lag wo mbaara ɓi sir ni naa la, mo joŋ mbaara trere ɓaara lay, sir yaŋ mbe kluu pel ɓaara. Naa da ge mbe mayre ɓaara, day naa hã ge mbe mayre naa ne hara lay. 22Ama day jar sen la yiŋgi wo jag ma lagge de naa nen maga naa mo kol jar po boŋ mono, diŋ ga hayga ma twar ma yoo naa ɓuy yaŋ go de caa ɓĩĩni doo maga saara no lay mono. 23Horog ɓaaran wo de fẽẽre ɓaara wo mo deŋ ɓuy joŋ ge wo diŋ ma naa ga? Naa yiŋ mbe jag ti wããre ɓaara no, maga á mo lag wo see naa la. 24Jar maga hay wo le go laage ma woge jag tiŋ ɓi leege ɓen mono, laa wo wããre maga Hamor fern wo de wel ɓe Sikem mono, ma twerpiiri maga hay laa wo le go jag tiŋ ni mo ɓuy à caa ɓĩĩni ɓaara go.
25Wur naw ma de swaʼn mono, de maga saara ti bon mo deŋ no, jar ni Jakob wo, weregeman Dinan wo, hoo wo moslam ɓaara ti, wo wo ɓi leege maga hay ɗig ɓen ga mo po duʼ se ga so mono, ii wo ma twerpiirin wo go fẽd ɓuy. 26Legaw wo Hamor wo go de je ni ɓe Sikem ciŋ jag moslam lay. Baa wo Dina le go liŋ ni Sikem laa wo le go. 27Jar ni Jakob laa wo ne húulìn ti, frum wo ɓi leegen go wer maga á hay mbuɗ wo sããre maygeman saara Dina mono. 28Á hoo wo horog ɓaara ma kleere wo de ma kluuri wo, gerhẽẽ maga hay wo ɓi leege ni de maga hay wo le go mbásga mo ɓuy. 29Á tor wo, frum wo fẽẽre ɓaara no, weere ɓaara wo de naare ɓaara wo, fẽẽre maga á daʼ ra liŋ ni ɓaara ni mo ɓuy.
30Doo kay nono, Jakob wii Simeyoŋ wo de Lefi ga : Nday de joŋ re ma hã ɗiggi me, nday nii kol me ge go diŋ je horge see nen jar sir wo no, jar Kanaan wo de jar Feresid wora. Jar ma ɓin nà mbag koɗe, á tay ge wo jag ge ti ɓi, á ɓumgi wo ndi mokay la, à taw ge tiŋ mani ɓin go. 31Á kal wo fer wããre ne hẽn ga : À joŋ mbe maygeman wùrn doo gawlaŋ no koɗ ga pa ge?
Currently Selected:
TĨĨGI WERE 34: TUP
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
TĨĨGI WERE 34
34
Simeyoŋ wo de Lefi saʼ wo hee maygeman ɓaara maga à mbuɗ sããre ɓe go mono
1Dina, may maga Leya biŋn ne Jakob mono kal kalge wo go ma ko mayre ma ɓi leegen wo no. 2Sikem je ni Hamor, waŋ hifid ma ti ɓaŋ ngel sen ni mono, ko ne, kal baage ɓe raw suugi de ɓe mbuɗ sããre ɓe go. 3Á kal saʼ see ɓe go de ɗiggi ɓe ɓuy ti Dina, may mani Jakob no. Á hay da may ma tiglin debaŋ tuu, ko ɓod ndalge ne hẽn ɓil nà foo gà. 4Sikem wii pan ɓe Hamor ga : Da may sen me wãy. 5Jakob kal laage ga á mbuɗ sããre may se no. Day so, jar ni ɓe wo le go mbásga de horog wo ɗa lay mono, se kal mbe ferge baʼ so.
6Hamor pan Sikem kal nduugi ɓiŋ Jakob ma fer wããre ne hẽne. 7Jar ni Jakob a wo liŋ laa wo mo sen lay. Jar sen wo mo kay see ɓaara huɗ go, day ɓil ɓaara kal ce rage debaŋ, werga Sikem joŋ diŋ mo ma mbuɗ sããre Israyele, de maga á suu de may Jakobn mono, sen mokay diŋ mo maga joŋ gà. 8Hamor kal fer wããre ne hara doo kay no so ga : Je ni ɓi Sikem mono, fruygi may ɓayn mo caw la baa ɗiggi ɓe wo go ɓuy. Ndi kam nday hãn we ne hẽn wãy ɗa la. 9Nday de kããge ma saʼ jag ti dage naare de wùri. Nday hã mayre ɓay ne wùri, day nday á da ma wùr wo lay. 10Nday lagge mbay ni wùr la, day sirn joŋ ge mbe diŋ ɓay lay. Lag we mbay joŋ trere ɓay ni nday daɗ mbay fẽẽre ɓay.
11Sikem riŋ pan Dina wo de hẽẽre ɓen ga : Maga ɓil ɓay mo hay go feh mono, wii we mbay fen maga ndi mo hãn ne nday mono. 12Ngaɓ we mbay horog ma ti may ɓayn pur de kado wo, ndi hã mbi fen maga nday wiin yaŋ. Ama hã we mbay may ma tiglin me wãy. 13Jar ni Jakob kal wo fer wããre ne Sikem wo de pan ɓe Hamor de hila, werga Sikem hay mbuɗ sããre mangeman ɓaara Dina go mono. 14Á wii wo ra ga : Á see wùr de gaali maga wùr hã maygeman wùrn ne je ma bay caa ɓĩĩni, werga sen mo hãʼ diŋ re sããre se wùri. 15Wùr yiŋ mbe jag yaŋ wer ɓay diŋ ga hayga nday kol we doo wùr no lay, ga ma twar ma yoo ɓayn ɓuy nday caa ɓĩĩni ɓe we go mono. 16Wùr hã mbe mayre wùr wo yaŋ ne nday, wùr da mbe mayre ɓay wo yaŋ wer wùr lay. Wùr lag ge mbe yaŋ de tiŋ ti holaŋ ɓay la, naa kol ge mbe yaŋ diŋ jar po boŋ. 17Day hayga nday day we laa jag wùr caa ɓĩĩni gà no, wùr baa ge may wùr no, wùr raw ge. 18Wããre sen kal coge jag Hamor, co jag je ni ɓe Sikem lay. 19Wel ma jõõ la yãã ti bay joŋge ɓe gà so has ɓuy, werga may mani Jakobn hay de cõõre jag ɓe. Á hay nà diŋ je maga à kee go tinoo liŋ ni pan ɓe ni nà diŋ se.
20Hamor kal wo ferge de wel ɓe Sikem, wo wo lagge jag tiŋ ɓi leege no, kal wo fer wããre ma kay ne jar ma ɓi leegen so ga : 21Jarn wo mbaara jam de naa. Á mo lag wo mbaara ɓi sir ni naa la, mo joŋ mbaara trere ɓaara lay, sir yaŋ mbe kluu pel ɓaara. Naa da ge mbe mayre ɓaara, day naa hã ge mbe mayre naa ne hara lay. 22Ama day jar sen la yiŋgi wo jag ma lagge de naa nen maga naa mo kol jar po boŋ mono, diŋ ga hayga ma twar ma yoo naa ɓuy yaŋ go de caa ɓĩĩni doo maga saara no lay mono. 23Horog ɓaaran wo de fẽẽre ɓaara wo mo deŋ ɓuy joŋ ge wo diŋ ma naa ga? Naa yiŋ mbe jag ti wããre ɓaara no, maga á mo lag wo see naa la. 24Jar maga hay wo le go laage ma woge jag tiŋ ɓi leege ɓen mono, laa wo wããre maga Hamor fern wo de wel ɓe Sikem mono, ma twerpiiri maga hay laa wo le go jag tiŋ ni mo ɓuy à caa ɓĩĩni ɓaara go.
25Wur naw ma de swaʼn mono, de maga saara ti bon mo deŋ no, jar ni Jakob wo, weregeman Dinan wo, hoo wo moslam ɓaara ti, wo wo ɓi leege maga hay ɗig ɓen ga mo po duʼ se ga so mono, ii wo ma twerpiirin wo go fẽd ɓuy. 26Legaw wo Hamor wo go de je ni ɓe Sikem ciŋ jag moslam lay. Baa wo Dina le go liŋ ni Sikem laa wo le go. 27Jar ni Jakob laa wo ne húulìn ti, frum wo ɓi leegen go wer maga á hay mbuɗ wo sããre maygeman saara Dina mono. 28Á hoo wo horog ɓaara ma kleere wo de ma kluuri wo, gerhẽẽ maga hay wo ɓi leege ni de maga hay wo le go mbásga mo ɓuy. 29Á tor wo, frum wo fẽẽre ɓaara no, weere ɓaara wo de naare ɓaara wo, fẽẽre maga á daʼ ra liŋ ni ɓaara ni mo ɓuy.
30Doo kay nono, Jakob wii Simeyoŋ wo de Lefi ga : Nday de joŋ re ma hã ɗiggi me, nday nii kol me ge go diŋ je horge see nen jar sir wo no, jar Kanaan wo de jar Feresid wora. Jar ma ɓin nà mbag koɗe, á tay ge wo jag ge ti ɓi, á ɓumgi wo ndi mokay la, à taw ge tiŋ mani ɓin go. 31Á kal wo fer wããre ne hẽn ga : À joŋ mbe maygeman wùrn doo gawlaŋ no koɗ ga pa ge?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.