Zãn 9
9
Nùún dɔ̀ lɛ tɔn vaá-lé à iè mui wiɛnírɔ
1Ɛ́ hɔ́ lɛ ɛ́ Yiezu ɛ́ bɔ̀ lè wṹn ɛ́ khíi, á mɔn nùún dɔ̀ lɛ tɔn vaá-lé à iè mui. 2Ɛ́ piè kɛ̀ránzɛ̀ɓɛ̀ ɛ́ ɔ̀ dìenin nɛ làa: «Kɛ̀ránlɔ, àpe nùún lɛ iè wìe ɛ́ wɔ́ bɔ̀koohɔ́ yée kɛ́ ɓɛ́ iè ɓà tenliè te hɔ bɔ̀koohɛ̃ ɛ́ wɔ́ á dàa tɔn vaá lé à iè mui?» 3Ɛ́ Yiezu zɔn kɔ̃́niɛ ɓɛ̀ nɛ làa: «Hɔ̀ yí bòo ápe, tàá ɓà tenliè ɛ́ wɔ́ bɔ̀koohɔ́ á dàa tɔn vaá-lé à iè mui wɛ̀. Kɛ́ hɔ́ wɔ́ kɛ̀amu, bòo lɛ ɛ́ wé ɛ̀ Dɔfĩn dàá zɛ̃́ní mí bɔ̀bɛ̃hɛ̃ piè bòo hũn. 4Ké fɔ́ɓán ɛ̀ kè wé hɔ́ bòo lɛ álɛ tɔrɛ mi nɛ ń wé àá wiɛhɔ́. Hɔ̀ sí hĩnlɔ́ ɛ́ lúwi, lɛ ɛ́ nìnbírɔ dɔ̀ yí dɛ̀ tɔnlɔ́ ɛ́ yá tɛ́ wɛ̀. 5Ɛ́ pɛ̃̀hṹ lɛ ɛ́ ń wi le dímíɲɛ́ hũn, ɛ́ ń iè lè dímíɲɛ́ ńpiemu.»
6Á bie hɔ̀pe sí vɔ́, à pùuniɛ mí ńɲɛntĩ́ní síɛ kóosí lé sṹsùnù ɛ́ wɔ́ àá hɔ́ ńtaanín ɛ́ yòó sùo ɔ̀ mui yìe ǹ, 7à zɔn bie lɛ́ à ǹ nɛ làa: «lan vɛ tiɛ kɔ yìe lè Silowe saà hũn. (Ɓɛ̀ ɓen nɛ Silowe, iè bòo ɛ́ ɓɛ́ nɛ tɔnkɛrɔ).» Á mui ɛ́ khie cɔ́ van tiɛ mí yìe vɔ́ ɛ́ khũ̀a vaá-ɓen, à loo bòo. 8Ɛ́ ɓà yíe nìɛ àá ɓɛ́ lɛ hṹn wóò mi-ɛ kɛ́ á ɛ́ hɛ̃nkɛ ɛ́ bie nɛ làa: «À sũǹ yí-e pe lɛ hṹn wóò kansí hɛ̃nkɛ hɔ bòo?» 9Ɛ́ ɓɛ́dɔ̀ wóo nɛ a iè ɔ̀pe, ɛ̀ ɓɛ̀ dɔ̀ wóo nɛ a lɔ́ɓán àá ɔ̀, kɛ́ á yí-e pe wɛ̀. Ápe nùún míte ǹ ɛ́ bie nɛ mu iè mípe. 10Ɛ́ ɓɛ́ ɛ́ ɔ̀ dìekɛnin nɛ làa: «Ɛ́ kɔ́ yìe wo wɔ́ wiɛ ɛ́ dàa hɛ́rɛ?» 11Á zɔn bie lɛ́ ɓà ǹ nɛ: «À nùún lɛ ɛ́ ɓɛ́ nɛ Yiezu ɛ́ wɔ́ hɔ́ ńtaanín ɛ́ yòó sùo niǹ yìe ǹ, à bie lɛ́ mi ǹ nɛ n lan vɛ tiɛ niǹ yìe lè Silowe saà hũn. Ɛ́ ń van tiɛ hɔ̀ yán, ɛ́ ń woo khie loo bòo.» 12Ɛ́ ɓɛ́ ɔ̀ dìenin nɛ: «Ápe nùún sɔ ɛ́ wi àá yí?» Á nɛ mí yí dũ wɛ̀.
Farizĩɛɓɛ ɛ́ ɔ̀ mui lɛ wan ɛ̀ dìekɛnin
13Ɛ́ ɓɛ́ khie fɔ́ ápe nùún lɛ yìe hṹn muiɛ ɛ́ dàa van ɓɛ̀ Farizĩɛɓɛ viì. 14Ɛ̀ lè den iè peɓɛ̀ ńvũùnín sí zɔǹ, ɛ́ Yiezu dàa wɔ́ hɔ́ ńtaanín ɛ́ dàa hɛ́rɛ piè yìe. 15Ɛ́ ɓɛ́ Farizĩɛɓɛ ɓiɛ̀ van ɔ̀ dìekɛnin nɛ hɔ wiɛwiɛlɔ́ á dàa yìe loo bòo kɛ̀a sáalɛ. Á zɔn bie lɛ́ ɓà ǹ nɛ làa: «À wɔ́ hɔ́ ńtaanín ɛ́ yòó bɔ̀ niǹ yìe ǹ, ɛ́ ń van tiɛ hɔ̀, ɛ́ ń dàa loo bòo kɛ̀a sáalɛ.» 16Ɛ́ ɓɛ́ Farizĩɛɓɛ dɔ̀ ɛ́ khie ɛ́ bie nɛ: «Àpe nùún sɔ lɛ wiɛniɛ ɔ̀ ɛ́ yí lé àá Dɔfĩn viì wɛ̀; iè hɔ̀ lɛ á yá lè ńvũùnín sí ɛ̀ mɛ̀ndɛ̃ wɛ̀.» Ɛ̀ ɓɛ̀dɔ̀ ɓiɛ̀ nɛ: «Bɔ̀konwé ɛ́ wo wiɛ dàa dɛ̀ hɔ̀pe yéréké bòo sí ɓà ńmaà ɛ́ wé?» Ɛ́ ɓɛ́ wo sankɛa. 17Ɛ́ ɓɛ́ sĩ̀n khíe ɔ̀ mui lɛ wan ɛ̀ dìenin nɛ làa: «Ɛ́ kɔ́pe, kɔ̀ viì ɛ̀ kɔ̀ nɛ ape lɛ hɛ́rɛ kɔ̀ yìe ɛ́ iè wie?» Á zɔn nɛ a iè Dɔfĩn bɔ̀háanírɔ. 18Kɛ́ ɓɛ́ Zuifuɓɛ hándíe den yí tɛ̀ nɛ ɓɛ́ dɛsĩ̀ nɛ ape nùún sɔ ɛ́ hṹn iè mui kɛ́ á wan kɛ̀a sáalɛ wɛ̀. Ɛ́ sí iè hɔ̀pe ɛ́ ɓɛ́ dàa vɔn ɓà tenliè, 19ɛ́ ɓen dìekɛnin nɛ làa: «Hɔ̀ bɔn kɛ́ ápe nùún sɔ lɛ ɛ́ iè mì yɛ̀nù? Á hɛ̀ tɔn vaá-lé à iè mui àá bɔ̀bín? Ɛ́ hɔ́ wɔ́ wiɛ á dàa yìe loo bòo kɛ̀a sáalɛ?» 20Ɛ́ ɓà tenliè zɔn nɛ làa: «Ké dũ kɛ́ á iè kè yɛ̀nù, à lò tɔn vaá-lé à iè mui. 21Kɛ́ bòo lɛ wɔ́ á dàa yìe loo bòo kɛ̀a sáalɛ ɛ́ ké yí dũ wɛ̀. Ɛ̀ nìnbírɔ lɛ te piè yìe hɛ́rɛ ɛ́ ké lòo yí dũ wɛ̀. Ɛ́ mí khíi diè ɔ̀ ǹ lò, à yí zĩncáahɔ́ wɛ̀, à dɛ̀ bòo lɛ cɛrɛkɛa ɔ̀ ɛ́ bie ɛ́ lɛ́ miɛ ǹ.» 22Ɓà tenliè ɛ́ khɛ́ kɛ̀amu, iè hɔ̀ lɛ ɛ́ ɓɛ́ ɓɛ̀ Zuifuɓɛ hándíe ɛ̀ zán. Ɓɛ̀pe Zuifuɓɛ hándíe sɔ ɛ́ den sɛ̃̀nɛ́hã̀ ɲɛ́ ɓán ɛ̀ ɓɛ̀ nɛ kɛ́ nìnbírɔ lɛ tɛ̀ dũnɛ nɛ Yiezu iè Masiya, lɛ iè ɔ̀pe fuenírɔ́ lɛ ɛ́ Dɔfĩn ɛ́ tɔrɛ, ɛ́ ɓàasɔ ɛ́ yá bĩní zɔ ɓɛ́ ńkóoɓánlɔ̀n zũnù wɛ̀. 23Ɛ́ sí iè hɔ̀pe ápe nùún lɛ hṹn iè ɔ̀ mui ɓà tenliè ɛ́ dàa nɛ ɓɛ khíi dìe ɔ̀ ǹ, iè yí zĩncáahɔ́ wɛ̀.
24Ɛ́ ɓɛ́ Fariziɛɓɛ ɛ́ bĩniɛ vɔn ɔ̀pe nùún sɔ lɛ hṹn yìe muiɛ kɛ̀a yìehɛ̃̀ ɲulán ɛ̀ ɓɛ̀ bie lɛ́ à ǹ nɛ làa: «Munkɛ hɔ bɔ̀berà Dɔfĩn híɛhɔ́. Ké dũ kɛ́ ápe nùún sɔ ɛ́ iè bɔ̀konwé.» 25Á zɔn nɛ làa: «À iè bɔ̀konwé yée, à yí bɔ̀konwé yée ǹpe yí dũ. Bɔ̀cóoní iè pe ɛ́ ń dũ: Ń hṹn iè mui, ɛ́ kɛ̀a sáalɛ ɛ́ niǹ yìe ɛ́ loo bòo.» 26Ɛ́ ɓɛ́ sĩ̀n zɔn ɔ̀ dìenin nɛ làa: «Hɔ ńɓùo á wɔ́ àá kɔ? À wɔ́ kɛ wiɛ ɛ́ dàa hɛ́rɛ kɔ̀ yìe?» 27Á zɔn nɛ làa: «Ń sɛ̃̀nɛ́hã̀ khɛ́ hɔ́ lɛ́ miɛ ǹ vɔ́, ɛ́ mí yí ɲí àá niǹ viì wɛ̀. Ɛ́ ńɓùo ɛ́ mí dàa bĩniɛ ɛ́ cɛ̀ nɛ ǹ tĩ̀iní hɔ́ ɛ̀ lɛ́ miɛ ǹ? Mí biè ɓiɛ̀ wɛ ɛ́ mi wé piè kɛ̀ránzɛ̀ɓɛ̀ dɔ̀ yée?» 28Ɛ́ ɓɛ́ ɔ̀ tòokɛ ɛ̀ ɓɛ̀ nɛ: «Kɔ̀pe temu iè piè kɛ̀ránzuú lò! Kèpe iè Moyiize kɛ̀ránzɛ̀ɓɛ̀. 29Ké dũ kɛ́ Dɔfĩn ɛ́ hàarí bie àá Moyiize; àpe lɛ ɛ́ ké yí dũ lénlén wɛ̀.» 30Á nùún zɔn nɛ làa: «Hɔ̀ lɛ hɛ̀ iè bòo lɛ yòokɛa niǹ lɔ̀n dɛ́! Àpe nùún sɔ lɛ hɛ́rɛ niǹ yìe, kɛ́ mípe den yí dũ piè lénlén wɛ̀. 31Ké dũ kɛ́ Dɔfĩn ɛ́ yáà ɲí bɔ̀konwériè bòo wɛ̀. Kɛ́ nìnbírɔ lɛ ɛ́ Dɔfĩn mɛ̀ndɛ̃, à lò pehɔ̀ tĩì bòo ɛ̀ wé, iè pe ɛ́ hɔ́ wóò ɲí bòo. 32Ké ɲɛùn yí ɲí yí mi kɛ́ ɓɛ́ nɛ àdɔ̀ ɛ́ hɛ́rɛ nìnbírɔ lɛ tɔn vaá-lé à iè mui yìe wɛ̀. 33Kɛ́ ápe nùún sɔ lɛ ɛ́ hṹn yí lé àá Dɔfĩn viì, á hṹn yí dɛ̀ bòo dɔ̀ yá wé wɛ̀.» 34Ɛ́ ɓɛ́ zɔn kɔ̃́niɛ ɔ̀ nɛ: «Kɔ̀pe lɛ kɔ̀te míkùi ɛ́ tɔn hɔ̀ bɔ̀koohɔ́ hũn ɛ́ temu cɛ̀ ɛ́ kɔ kɛ̀rán kie?» Ɛ̀ ɓɛ̀ ɲɛùn ɔ̀ líeniɛ àá yíe.
Ɓɛ̀ nìnbirìe lɛ temu iè muaɓɛ̀ àá bɔ̀bín bòo
35Ɛ́ Yiezu ɲɛ́ kɛ́ ɓɛ́ Zuifuɓɛ hándíe ɛ́ ɲɛun ɔ̀ nùún sɔ ɛ́ líeniɛ ɓɛ́ ńkóoɓánlɔ̀n zũnù hũn. Á van yú-o, à zɔn ɔ̀ dìenin nɛ làa: «Kɔ́ dũmuasɛ̃̀ à nìnbírɔ Zuú ǹ?» 36Á kɔ̃́niɛ nɛ làa: «Ɲunsɔ, à iè wieni, bòo lɛ ɛ́ wé ɛ̀ ǹ dɛsĩ-ɛ̀ ǹ.» 37Ɛ́ Yiezu zɔn bie lɛ́ à ǹ nɛ: «Kɔ́ loo ɓàasɔ. Àpe lɛ ɛ́ bie àá kɔ́ ɛ́ iè ɔ̀pe.» 38Á nùún zɔn nɛ: «Ɲunsɔ, ń dũmuasɛ̃̀.» À síɛ hùerɛsí piè híɛhɔ́ ɛ́ ɓàaniɛ ɔ̀ ǹ. 39Ɛ́ Yiezu zɔn nɛ: «Ń ɓɛrɛ lèpe dímíɲɛ́ sɔ lɛ hũn hɔ̀ lìe lènlɔ́ bòo hũn, bòo lɛ ɛ́ wé ɛ̀ ɓɛ̀ muaɓɛ̀ yìe ɛ̀ mi bòo, ɛ̀ ɓɛ̀lɛ nɛ ɓɛ́ yìe lòo bòo ɛ̀ wé muaɓɛ̀.» 40Ɛ́ ɓɛ́ Farizĩɛɓɛ dɔ̀ lɛ hṹn wi yán àá ɔ̀ ɛ́ ɲɛ́ hɔ́pe biehĩ́ sɔ ɛ́ ɓɛ́ zɔn ɔ̀ dìenin nɛ làa: «Ɛ́ kɔ́ iè wìe lɛ ɛ́ cɛ̀ ɛ́ kɔ bie nɛ kepe ɓiɛ̀ iè muaɓɛ̀ yée?» 41Ɛ́ Yiezu zɔn bie lɛ́ ɓà ǹ nɛ làa: «Kɛ́ mí hṹn iè muaɓɛ̀, nɛ mì bɔ̀koohɛ̃ ɛ́ mí lò! Kɛ́ hɔ́ lɛ ɛ́ mí nɛ mí yìe loo bòo, ɛ́ mí bɔ̀koohɛ̃ ɛ́ dàa wi yán.»
Currently Selected:
Zãn 9: bwj
Highlight
Share
Copy
Want to have your highlights saved across all your devices? Sign up or sign in
© 2023 L’Association Nationale pour la Traduction de la Bible et l’Alphabétisation
Zãn 9
9
Nùún dɔ̀ lɛ tɔn vaá-lé à iè mui wiɛnírɔ
1Ɛ́ hɔ́ lɛ ɛ́ Yiezu ɛ́ bɔ̀ lè wṹn ɛ́ khíi, á mɔn nùún dɔ̀ lɛ tɔn vaá-lé à iè mui. 2Ɛ́ piè kɛ̀ránzɛ̀ɓɛ̀ ɛ́ ɔ̀ dìenin nɛ làa: «Kɛ̀ránlɔ, àpe nùún lɛ iè wìe ɛ́ wɔ́ bɔ̀koohɔ́ yée kɛ́ ɓɛ́ iè ɓà tenliè te hɔ bɔ̀koohɛ̃ ɛ́ wɔ́ á dàa tɔn vaá lé à iè mui?» 3Ɛ́ Yiezu zɔn kɔ̃́niɛ ɓɛ̀ nɛ làa: «Hɔ̀ yí bòo ápe, tàá ɓà tenliè ɛ́ wɔ́ bɔ̀koohɔ́ á dàa tɔn vaá-lé à iè mui wɛ̀. Kɛ́ hɔ́ wɔ́ kɛ̀amu, bòo lɛ ɛ́ wé ɛ̀ Dɔfĩn dàá zɛ̃́ní mí bɔ̀bɛ̃hɛ̃ piè bòo hũn. 4Ké fɔ́ɓán ɛ̀ kè wé hɔ́ bòo lɛ álɛ tɔrɛ mi nɛ ń wé àá wiɛhɔ́. Hɔ̀ sí hĩnlɔ́ ɛ́ lúwi, lɛ ɛ́ nìnbírɔ dɔ̀ yí dɛ̀ tɔnlɔ́ ɛ́ yá tɛ́ wɛ̀. 5Ɛ́ pɛ̃̀hṹ lɛ ɛ́ ń wi le dímíɲɛ́ hũn, ɛ́ ń iè lè dímíɲɛ́ ńpiemu.»
6Á bie hɔ̀pe sí vɔ́, à pùuniɛ mí ńɲɛntĩ́ní síɛ kóosí lé sṹsùnù ɛ́ wɔ́ àá hɔ́ ńtaanín ɛ́ yòó sùo ɔ̀ mui yìe ǹ, 7à zɔn bie lɛ́ à ǹ nɛ làa: «lan vɛ tiɛ kɔ yìe lè Silowe saà hũn. (Ɓɛ̀ ɓen nɛ Silowe, iè bòo ɛ́ ɓɛ́ nɛ tɔnkɛrɔ).» Á mui ɛ́ khie cɔ́ van tiɛ mí yìe vɔ́ ɛ́ khũ̀a vaá-ɓen, à loo bòo. 8Ɛ́ ɓà yíe nìɛ àá ɓɛ́ lɛ hṹn wóò mi-ɛ kɛ́ á ɛ́ hɛ̃nkɛ ɛ́ bie nɛ làa: «À sũǹ yí-e pe lɛ hṹn wóò kansí hɛ̃nkɛ hɔ bòo?» 9Ɛ́ ɓɛ́dɔ̀ wóo nɛ a iè ɔ̀pe, ɛ̀ ɓɛ̀ dɔ̀ wóo nɛ a lɔ́ɓán àá ɔ̀, kɛ́ á yí-e pe wɛ̀. Ápe nùún míte ǹ ɛ́ bie nɛ mu iè mípe. 10Ɛ́ ɓɛ́ ɛ́ ɔ̀ dìekɛnin nɛ làa: «Ɛ́ kɔ́ yìe wo wɔ́ wiɛ ɛ́ dàa hɛ́rɛ?» 11Á zɔn bie lɛ́ ɓà ǹ nɛ: «À nùún lɛ ɛ́ ɓɛ́ nɛ Yiezu ɛ́ wɔ́ hɔ́ ńtaanín ɛ́ yòó sùo niǹ yìe ǹ, à bie lɛ́ mi ǹ nɛ n lan vɛ tiɛ niǹ yìe lè Silowe saà hũn. Ɛ́ ń van tiɛ hɔ̀ yán, ɛ́ ń woo khie loo bòo.» 12Ɛ́ ɓɛ́ ɔ̀ dìenin nɛ: «Ápe nùún sɔ ɛ́ wi àá yí?» Á nɛ mí yí dũ wɛ̀.
Farizĩɛɓɛ ɛ́ ɔ̀ mui lɛ wan ɛ̀ dìekɛnin
13Ɛ́ ɓɛ́ khie fɔ́ ápe nùún lɛ yìe hṹn muiɛ ɛ́ dàa van ɓɛ̀ Farizĩɛɓɛ viì. 14Ɛ̀ lè den iè peɓɛ̀ ńvũùnín sí zɔǹ, ɛ́ Yiezu dàa wɔ́ hɔ́ ńtaanín ɛ́ dàa hɛ́rɛ piè yìe. 15Ɛ́ ɓɛ́ Farizĩɛɓɛ ɓiɛ̀ van ɔ̀ dìekɛnin nɛ hɔ wiɛwiɛlɔ́ á dàa yìe loo bòo kɛ̀a sáalɛ. Á zɔn bie lɛ́ ɓà ǹ nɛ làa: «À wɔ́ hɔ́ ńtaanín ɛ́ yòó bɔ̀ niǹ yìe ǹ, ɛ́ ń van tiɛ hɔ̀, ɛ́ ń dàa loo bòo kɛ̀a sáalɛ.» 16Ɛ́ ɓɛ́ Farizĩɛɓɛ dɔ̀ ɛ́ khie ɛ́ bie nɛ: «Àpe nùún sɔ lɛ wiɛniɛ ɔ̀ ɛ́ yí lé àá Dɔfĩn viì wɛ̀; iè hɔ̀ lɛ á yá lè ńvũùnín sí ɛ̀ mɛ̀ndɛ̃ wɛ̀.» Ɛ̀ ɓɛ̀dɔ̀ ɓiɛ̀ nɛ: «Bɔ̀konwé ɛ́ wo wiɛ dàa dɛ̀ hɔ̀pe yéréké bòo sí ɓà ńmaà ɛ́ wé?» Ɛ́ ɓɛ́ wo sankɛa. 17Ɛ́ ɓɛ́ sĩ̀n khíe ɔ̀ mui lɛ wan ɛ̀ dìenin nɛ làa: «Ɛ́ kɔ́pe, kɔ̀ viì ɛ̀ kɔ̀ nɛ ape lɛ hɛ́rɛ kɔ̀ yìe ɛ́ iè wie?» Á zɔn nɛ a iè Dɔfĩn bɔ̀háanírɔ. 18Kɛ́ ɓɛ́ Zuifuɓɛ hándíe den yí tɛ̀ nɛ ɓɛ́ dɛsĩ̀ nɛ ape nùún sɔ ɛ́ hṹn iè mui kɛ́ á wan kɛ̀a sáalɛ wɛ̀. Ɛ́ sí iè hɔ̀pe ɛ́ ɓɛ́ dàa vɔn ɓà tenliè, 19ɛ́ ɓen dìekɛnin nɛ làa: «Hɔ̀ bɔn kɛ́ ápe nùún sɔ lɛ ɛ́ iè mì yɛ̀nù? Á hɛ̀ tɔn vaá-lé à iè mui àá bɔ̀bín? Ɛ́ hɔ́ wɔ́ wiɛ á dàa yìe loo bòo kɛ̀a sáalɛ?» 20Ɛ́ ɓà tenliè zɔn nɛ làa: «Ké dũ kɛ́ á iè kè yɛ̀nù, à lò tɔn vaá-lé à iè mui. 21Kɛ́ bòo lɛ wɔ́ á dàa yìe loo bòo kɛ̀a sáalɛ ɛ́ ké yí dũ wɛ̀. Ɛ̀ nìnbírɔ lɛ te piè yìe hɛ́rɛ ɛ́ ké lòo yí dũ wɛ̀. Ɛ́ mí khíi diè ɔ̀ ǹ lò, à yí zĩncáahɔ́ wɛ̀, à dɛ̀ bòo lɛ cɛrɛkɛa ɔ̀ ɛ́ bie ɛ́ lɛ́ miɛ ǹ.» 22Ɓà tenliè ɛ́ khɛ́ kɛ̀amu, iè hɔ̀ lɛ ɛ́ ɓɛ́ ɓɛ̀ Zuifuɓɛ hándíe ɛ̀ zán. Ɓɛ̀pe Zuifuɓɛ hándíe sɔ ɛ́ den sɛ̃̀nɛ́hã̀ ɲɛ́ ɓán ɛ̀ ɓɛ̀ nɛ kɛ́ nìnbírɔ lɛ tɛ̀ dũnɛ nɛ Yiezu iè Masiya, lɛ iè ɔ̀pe fuenírɔ́ lɛ ɛ́ Dɔfĩn ɛ́ tɔrɛ, ɛ́ ɓàasɔ ɛ́ yá bĩní zɔ ɓɛ́ ńkóoɓánlɔ̀n zũnù wɛ̀. 23Ɛ́ sí iè hɔ̀pe ápe nùún lɛ hṹn iè ɔ̀ mui ɓà tenliè ɛ́ dàa nɛ ɓɛ khíi dìe ɔ̀ ǹ, iè yí zĩncáahɔ́ wɛ̀.
24Ɛ́ ɓɛ́ Fariziɛɓɛ ɛ́ bĩniɛ vɔn ɔ̀pe nùún sɔ lɛ hṹn yìe muiɛ kɛ̀a yìehɛ̃̀ ɲulán ɛ̀ ɓɛ̀ bie lɛ́ à ǹ nɛ làa: «Munkɛ hɔ bɔ̀berà Dɔfĩn híɛhɔ́. Ké dũ kɛ́ ápe nùún sɔ ɛ́ iè bɔ̀konwé.» 25Á zɔn nɛ làa: «À iè bɔ̀konwé yée, à yí bɔ̀konwé yée ǹpe yí dũ. Bɔ̀cóoní iè pe ɛ́ ń dũ: Ń hṹn iè mui, ɛ́ kɛ̀a sáalɛ ɛ́ niǹ yìe ɛ́ loo bòo.» 26Ɛ́ ɓɛ́ sĩ̀n zɔn ɔ̀ dìenin nɛ làa: «Hɔ ńɓùo á wɔ́ àá kɔ? À wɔ́ kɛ wiɛ ɛ́ dàa hɛ́rɛ kɔ̀ yìe?» 27Á zɔn nɛ làa: «Ń sɛ̃̀nɛ́hã̀ khɛ́ hɔ́ lɛ́ miɛ ǹ vɔ́, ɛ́ mí yí ɲí àá niǹ viì wɛ̀. Ɛ́ ńɓùo ɛ́ mí dàa bĩniɛ ɛ́ cɛ̀ nɛ ǹ tĩ̀iní hɔ́ ɛ̀ lɛ́ miɛ ǹ? Mí biè ɓiɛ̀ wɛ ɛ́ mi wé piè kɛ̀ránzɛ̀ɓɛ̀ dɔ̀ yée?» 28Ɛ́ ɓɛ́ ɔ̀ tòokɛ ɛ̀ ɓɛ̀ nɛ: «Kɔ̀pe temu iè piè kɛ̀ránzuú lò! Kèpe iè Moyiize kɛ̀ránzɛ̀ɓɛ̀. 29Ké dũ kɛ́ Dɔfĩn ɛ́ hàarí bie àá Moyiize; àpe lɛ ɛ́ ké yí dũ lénlén wɛ̀.» 30Á nùún zɔn nɛ làa: «Hɔ̀ lɛ hɛ̀ iè bòo lɛ yòokɛa niǹ lɔ̀n dɛ́! Àpe nùún sɔ lɛ hɛ́rɛ niǹ yìe, kɛ́ mípe den yí dũ piè lénlén wɛ̀. 31Ké dũ kɛ́ Dɔfĩn ɛ́ yáà ɲí bɔ̀konwériè bòo wɛ̀. Kɛ́ nìnbírɔ lɛ ɛ́ Dɔfĩn mɛ̀ndɛ̃, à lò pehɔ̀ tĩì bòo ɛ̀ wé, iè pe ɛ́ hɔ́ wóò ɲí bòo. 32Ké ɲɛùn yí ɲí yí mi kɛ́ ɓɛ́ nɛ àdɔ̀ ɛ́ hɛ́rɛ nìnbírɔ lɛ tɔn vaá-lé à iè mui yìe wɛ̀. 33Kɛ́ ápe nùún sɔ lɛ ɛ́ hṹn yí lé àá Dɔfĩn viì, á hṹn yí dɛ̀ bòo dɔ̀ yá wé wɛ̀.» 34Ɛ́ ɓɛ́ zɔn kɔ̃́niɛ ɔ̀ nɛ: «Kɔ̀pe lɛ kɔ̀te míkùi ɛ́ tɔn hɔ̀ bɔ̀koohɔ́ hũn ɛ́ temu cɛ̀ ɛ́ kɔ kɛ̀rán kie?» Ɛ̀ ɓɛ̀ ɲɛùn ɔ̀ líeniɛ àá yíe.
Ɓɛ̀ nìnbirìe lɛ temu iè muaɓɛ̀ àá bɔ̀bín bòo
35Ɛ́ Yiezu ɲɛ́ kɛ́ ɓɛ́ Zuifuɓɛ hándíe ɛ́ ɲɛun ɔ̀ nùún sɔ ɛ́ líeniɛ ɓɛ́ ńkóoɓánlɔ̀n zũnù hũn. Á van yú-o, à zɔn ɔ̀ dìenin nɛ làa: «Kɔ́ dũmuasɛ̃̀ à nìnbírɔ Zuú ǹ?» 36Á kɔ̃́niɛ nɛ làa: «Ɲunsɔ, à iè wieni, bòo lɛ ɛ́ wé ɛ̀ ǹ dɛsĩ-ɛ̀ ǹ.» 37Ɛ́ Yiezu zɔn bie lɛ́ à ǹ nɛ: «Kɔ́ loo ɓàasɔ. Àpe lɛ ɛ́ bie àá kɔ́ ɛ́ iè ɔ̀pe.» 38Á nùún zɔn nɛ: «Ɲunsɔ, ń dũmuasɛ̃̀.» À síɛ hùerɛsí piè híɛhɔ́ ɛ́ ɓàaniɛ ɔ̀ ǹ. 39Ɛ́ Yiezu zɔn nɛ: «Ń ɓɛrɛ lèpe dímíɲɛ́ sɔ lɛ hũn hɔ̀ lìe lènlɔ́ bòo hũn, bòo lɛ ɛ́ wé ɛ̀ ɓɛ̀ muaɓɛ̀ yìe ɛ̀ mi bòo, ɛ̀ ɓɛ̀lɛ nɛ ɓɛ́ yìe lòo bòo ɛ̀ wé muaɓɛ̀.» 40Ɛ́ ɓɛ́ Farizĩɛɓɛ dɔ̀ lɛ hṹn wi yán àá ɔ̀ ɛ́ ɲɛ́ hɔ́pe biehĩ́ sɔ ɛ́ ɓɛ́ zɔn ɔ̀ dìenin nɛ làa: «Ɛ́ kɔ́ iè wìe lɛ ɛ́ cɛ̀ ɛ́ kɔ bie nɛ kepe ɓiɛ̀ iè muaɓɛ̀ yée?» 41Ɛ́ Yiezu zɔn bie lɛ́ ɓà ǹ nɛ làa: «Kɛ́ mí hṹn iè muaɓɛ̀, nɛ mì bɔ̀koohɛ̃ ɛ́ mí lò! Kɛ́ hɔ́ lɛ ɛ́ mí nɛ mí yìe loo bòo, ɛ́ mí bɔ̀koohɛ̃ ɛ́ dàa wi yán.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 L’Association Nationale pour la Traduction de la Bible et l’Alphabétisation