Matiye 22
22
Lè wĩ̀i lɛ ɛ́ Yiezu wɛ̃̀ hɔ̀ yaamu díe bòo hũn
Lik 14.15-24
1Ɛ́ Yiezu ɛ́ sĩ̀n khie ɛ́ bie àá ɓɛ́ nìzã̀amáa àá wũ̀a ɛ́ nɛ làa: 2«Hóohũn bɛ́záanú ɛ́ lɔ́ɓán àá bɛ́zuú dɔ̀ lɛ ɛ́ sɛ́sɛ́a mí zuú yaamu díe bòo. 3À khie tɔrɛ mí tɔntɛ́riè nɛ ɓɛ vɛ ve ɓɛ nìnbirìe lɛ ɛ́ mí vɔnkɛ hɔpe yaamu sɔ hũn nɛ ɓɛ ɓen. Kɛ́ ɓàasiè ɛ́ den van pɛ̃́kɛ nɛ ɓɛ́ yí vaá-ɓen wɛ̀. 4Á khie tɔrɛ mí tɔntɛ́riè bìɓuà à bie lɛ́ ɓà ǹ ɛ́ nɛ làa: “Mì vɛ bie lɛ́ ɓɛ́pe lɛ ɛ́ ń vɔnkɛ hɔpe yaamu hũn nɛ niǹ díe ɛ́ tɛ́ vɔ́, ɛ̀ niǹ nɛ̀báaɓɛ́ àá niǹ bìlaàsiè lɛ ɲiini wi ɛ́ ɓɔ́kɛ vɔ́, ɛ́ hɔ́ bòo míkùi ɛ́ wo sɛ́sɛ́a vɔ́. Ɛ́ ɓɛ́ wo ɓen hɔ̀pe yaamu díe dínlén.” 5Kɛ́ ɓɛ́pe lɛ ɛ́ ɓɛ́ vɔnkɛ ɛ́ den yìe ɛ́ yí tí hɔ́pe verɛ̀ wɛ̀; ɛ̀ ɓɛ̀ wɔ́ ɓɛ́ nínɓaarè tɔnlɔ́ ɛ́ ɓɛ́ ɛ́ tɛ́kɛ, ɓɛ̀ ɛ́ wóò lé vɛ àá ɓɛ́ mɛhɛ̃ hũn, ɛ̀ ɓɛ̀dɔ̀ ɛ̀ lé vɛ àá ɓɛ́ dɛrɛ̀ viì; 6ɛ̀ ɓɛ̀dɔ̀ ɛ́ van ɓaakɛa ɔ̀pe bɛ́zuú tɔntɛ́riè sɔ ɛ́ ɲínkɛa, ɛ̀ ɓɛ̀ ɓɔ́ ɓɛ́. 7Á bɛ́zuú ɛ́ tĩì siɛ hĩ́nà, á tɔrɛ mí hĩtɛ́riè ɛ́ ɓɛ́ van ɓɔ́ ɓɛ́pe nìɓériè sɔ, ɛ̀ ɓɛ̀ cĩ̀niɛ peɓɛ̀ lóo. 8Ɛ́ pehɔ̀ máahṹ à khie bie lɛ́ mí tɔntɛ́riè ǹ nɛ làa: “Hɔ̀ yaamu díe ɛ́ tɛ́ vɔ́, kɛ́ ɓɛ́pe lɛ ɛ́ ń hṹn vɔnkɛ ɓɛ́kùi ɛ́ yí fɔ́ɓán àá hɔ́ wɛ̀. 9Ɛ́ mí wo lan vɛ hɔ fɔ́hĩ́ hũn ɛ̀ vɛ ve ɓɛ nìnbirìe lɛ ɛ́ mí ɛ́ mii vɛ mi ɓɛ́kùi nɛ ɓɛ ɓen hɔ̀ yaamu díe dínlén.” 10Ɛ́ ɓɛ́ tɔntɛ́riè ɛ́ hĩ́nà bɔ̀ hɔ̀ fɔ́hĩ́ ǹ ɛ́ vɔnkɛ ɓɛ̀ niìnbirìe lɛ ɛ́ ɓɛ́ van mɔn ɓɛ́kùi, ɓɛ̀lɛ sãa àá ɓɛ́ lɛ yí sãa ɓɛ́kùi; ɛ́ hɔ́ yaamu zũnù ɛ́ wo zɔn tú àá ɓɛ́ nìnbirìe. 11Á bɛ́zuú ɛ́ ɓɛrɛ zɔn ɛ́ nɛ mii zɔ húi ɓɛ́ nìnbirìe lɛ ɛ́ mí vɔn hɔ̀ yaamu hũn, á zɔn mɔn nìnbírɔ dɔ̀ kɛ́ á yí zɔ le yaamu pɔnkɔ̀rɔ́ wɛ̀. 12Á ɛ́ ɔ̀ dìenin nɛ làa: “Kìe biɛ̀, kɔ́ wɔ́ wiɛ́ dàa ɓɛrɛ zɔn hũ̀nún kɛ́ kɔ́ yí zɔ le yaamu pɔnkɔ̀rɔ́?” Á nùún sɔ ɛ́ hĩɛ. 13Á bɛ́zuú ɛ́ khie bie lɛ́ mí tɔntɛ́riè ǹ nɛ làa: “Mì ɓaà ɔ̀ ɛ̀ cɛ zehĩ́ àá mí níhĩ́ ɛ̀ tɛ́ líení yíe hɔ̀ síbínú hũn. Sí viì lɛ á ɓén lé wírí hũn kɛ́ á mí ɲiɛ̀ ɛ̀ lɛ̀, iè bòo lɛ á dàa lɔ̀n ɛ́ be.” 14Ɛ́ ɓɛ́ nìnbirìe lɛ ɛ́ vɔnkɛ ɛ́ buò, kɛ́ ɓɛ́lɛ ɛ́ munɛ ɛ́ temu yí buò wɛ̀.»
Hɔ̀ lànpóo lɛ wóò sàaní lɛ́ á Rɔmu bɛ́zu-bɛhɔ́ ǹ bòo
Mar 12.13-17; Lik 20.20-26
15Ɛ́ ɓɛ́ Farizĩɛɓɛ ɛ́ khie van ɛ́ lè ɓán hũn, ɛ́ hɔ̀ bòo lɛ ɛ́ ɓɛ ɛ̀ wé ɛ̀ dàá yí Yiezu ǹ vĩ mí biehĩ́ hũn ɛ̀ cɛ̀. 16Ɛ́ ɓɛ́ khie tɔrɛ ɓɛ́ kɛ̀ránzɛ̀ɓɛ̀ dɔ̀ àá ɔ́ Herɔɔde máahṹ nìɛ dɔ̀ nɛ ɓɛ vɛ dìe ɔ̀ ǹ nɛ làa: «Kɛ̀ránlɔ, ké dũ kɛ́ hɔ́ iè bɔ̀berà ɛ́ kɔ́ wóò bie, ɛ̀ Dɔfĩn wṹn iè pe ɛ́ kɔ́ wóò kɛ̀rán àá ɓɛ́ nìnbirìe àá bɔ̀bín, kɔ́ yáà zán nìnbírɔ iè hɔ̀ lɛ ɛ́ hɔ́ yí ɓɛ́ nìnbirìe bòo lɛ ɛ́ ɓɛ́ te dàa dɛ̃̀ ɛ́ kɔ́ wóò húi wɛ̀. 17Ɛ́ kɔ́ bie hɔ bòo lɛ ɛ́ kɔ́ ɛ́ nùún hɔ́pe lɛ hũn ɛ̀ lɛ́ ke ǹ: Kè làndɛ́ wũn lɔ̀n, ɛ́ hɔ́ sũǹ te mí yìe ɛ̀ kè wóo sàaní hɔ́ lànpóo ɛ̀ lɛ́ á Rɔmu bɛ́zu-bɛhɔ́ Sezaare ǹ yée kɛ́ ké bí wóo sàaní hɔ́?» 18Kɛ́ Yiezu ɛ́ den ɛ́ dũ peɓɛ̀ bɔ̀koohɔ́ lɛ ɛ́ ɓɛ́ ɛ́ lieníkɛ, á zɔn bie lɛ́ ɓà ǹ ɛ́ nɛ làa: «Nìhĩ́dériè, mí wiɛ dàa ɛ́ cɛ̀ ɛ̀ mì ɛ̀ vĩ mi? 19Hɔ̀pe màa lɛ ɛ́ mí wóò dàá sàaní hɔ́pe lànpóo sɔ vɛ̃n-zuú dɔ̀ ɛ́ mí dàá ɛ̀ ɓen zɛ̃́ní mi ǹ nɛ húi.» Ɛ́ ɓɛ́ dàa lè vɛ̃hṹ dɔ̀ ɛ́ ɓɛrɛ zɛ̃́niɛ ɔ̀ ǹ. 20Á zɔn ɓɛ̀ dìenin nɛ làa: «Lè lɛ iè wieni híɛhɔ́ àá wieni yèrè ɛ́ temu wi pelè lɔ̀n?» 21Ɛ́ ɓɛ́ zɔn nɛ a iè ɔ̀ bɛ́zu-bɛhɔ́ Sezaare. Ɛ́ Yiezu zɔn bie lɛ́ ɓà ǹ nɛ làa: «Ɛ́ hɔ́ bòo lɛ bòo sɛ̃̀ à Sezaare ǹ ɛ́ mí lɛ́ á Sezaare ǹ, ɛ̀ hɔ̀lɛ bòo sɛ̃̀ Dɔfĩn ɛ́ mí ɓiɛ̀ lɛ́ hɔ́pe Dɔfĩn.» 22Ɛ́ hɔ́ lɛ ɛ́ ɓɛ́ ɲɛ́ hɔ́pe sí, ɛ́ hɔ́ hɛ̀ yòokɛa peɓɛ̀ lɔ̀n, ɛ́ ɓɛ́ wo fùɛrɛ̀sí-e ǹ ɛ̀ ɓɛ̀ khie cɔ́.
Ɓɛ̀ ɛ́ Yiezu ɛ̀ dìenin àá nìhiè vìerɔ́ bòo
Mar 12.18-27; Lik 20.27-40
23Ɛ́ lépe wu-cóoní sɔ zɔn, ɛ́ ɓɛ́ Sadusĩɛɓɛ lɛ ɛ̀ iè ɓɛ̀pe lɛ ɛ́ wóo nɛ ɓɛ nìhiè ɛ́ yá ɓén vìé ɛ́ ɓɛrɛ yú Yiezu ɛ̀ ɓɛ̀ ɛ́ ɔ̀ dìenin nɛ làa: 24«Kɛ̀ránlɔ, Moyiize ɛ́ bie lɛ́ kiè ǹ hɔ̀ làndɛ́ hũn nɛ: “Kɛ́ nìnbírɔ dɔ̀ ɓà zuú ɛ́ húrun à kɛ́ ɓá hṹnu kɛ́ á yí yí yɛ̀nù àá ɔ́, à pelɛ húrun ɓà zuú sɔ ɛ̀ khíi mìí ɔ́pe hṹnu sɔ ɛ̀ yɛ ɛ̀ dàá lɛ́ máahṹ ɓá zùú lɛ húrun.” 25Ɛ́ báa hùuɲu dɔ̀ lɛ iè zɛ̀ɓɛ̀ ɛ́ hàarí wi ke tĩ́ihṹ. Á kĩ́i ɛ́ yan ɓá hũnu à khie húrun kɛ́ á yí yí yɛ̀nù àá wɔ́ wɛ̀. Ɛ́ ɓà zuú ɛ́ khie mɔ̀ ɓà hṹnu sɔ ɛ́ yan. 26Ɛ́ hɔ́ khie wɔ́ kɛ̀amu àá ɔ́ ńɲuunín, á ńtĩinín ɛ́ khie sɛ̃̀, ɛ́ hɔ́ wɔ́ kɛ̀amu ɛ́ ɓɛ́pe zɛ̀ɓɛ̀ hùuɲu sɔ ɓɛ́kùi ɛ́ van vɔ́. 27Ɛ́ ɓɛ́pe ɓɛ́kùi ɛ́ húrunkɛ vɔ́, à hṹnu ɛ́ ɓiɛ̀ khie húrun. 28Ɛ́ ɓɛ́ nìhiè vìerɔ́ yìi hũn, á wo ɓén wí-e hɔ́sɔ ɓà hṹnu ɓɛ̀pe zɛ̀ɓɛ̀ hùuɲu sɔ tĩ́ihṹ? Ɓɛ́pe ɓɛ́kùi ɛ́ lò wo yankɛ à.» 29Ɛ́ Yiezu zɔn bie lɛ́ ɓà ǹ ɛ́ nɛ làa: «Mí bìe ɛ́ mìte ɛ̀ fĩiní iè hɔ̀ lɛ ɛ́ mí yí dũ hɔ bòo lɛ ɛ́ wɛ̃́ lé Dɔfĩn bienù vɛ̃hṹ hũn ɲún, ɛ̀ mì lò yí dũ Dɔfĩn pànkɛ́ bòo wɛ̀. 30Iè hɔ̀ lɛ ɛ́ ɓɛ́ nìhiè vìerɔ́ yìi hũn, ɛ̀ báa àá hã́a ɛ́ yá ɓén bĩní yɛ ɓán, kɛ́ ɓɛ́ ɓén dĩń kɛ̀a Dɔfĩn mɛlɛkɛɓɛ bòo sí hɔ̀ hóohũn. 31Kɛ́ hɔ́ ɓen kɛ́ ɓɛ́lɛ húrun vìerɔ́, ɛ̀ mì iè bìe ɛ́ yí kɛ̀rán hɔ́ bòo lɛ ɛ́ Dɔfĩn ɛ́ bie lɛ́ miɛ ǹ mí bienù vɛ̃hṹ hũn? Hɔ̀ nɛ làa: 32“Ǹpe iè Abarahaamu Dɔfĩn àá Yizaake Dɔfĩn àá Zakɔɔbu Dɔfĩn.” Ɛ́ Dɔfĩn ɛ́ yí ɓɛ́lɛ ɛ́ húrunkɛ Dɔfĩn, kɛ́ hɔ́ iè ɓɛ̀lɛ yìe wi Dɔfĩn.» 33Ɛ́ ɓɛ́ nìzã̀amáa lɛ hṹn piè biehĩ́ ɛ̀ ɲí ɛ́ hɔ́ hɛ̀ yòokɛa lɔ̀n.
Dɔfĩn ɲunù bienù lɛ bòo hie pɔ hɔlɛ kɛ́ míkùi bòo
Mar 12.28-34; Lik 10.25-28
34Ɛ́ ɓɛ́ Farizĩɛɓɛ ɛ́ ɲɛ́ ɛ̀ ɓɛ̀ nɛ Yiezu ɛ́ ɲɛ̀ ɓɛ̀ Sadusĩɛɓɛ ǹ àá mí biehĩ́, ɛ́ ɓɛ́ van koo ɓánlɔ̀n. 35Ɛ́ peɓɛ̀ nùún dɔ̀ lɛ iè làndɛ́ kɛ̀ránlɔ dɔ̀, ɛ́ wɛ ɛ́ mii vĩ Yiezu, á zɔn ɔ̀ dìenin nɛ làa: 36«Kɛ̀ránlɔ, lè Dɔfĩn ɲunù bienù dúsɔ ɛ́ temu bòo ɛ́ hie pɔ hɔlɛ kɛ́ míkùi?»
37Ɛ́ Yiezu zɔn kɔ̃́niɛ ɔ̀ ɛ́ nɛ làa: «“Kɔ́ fɔ́ɓán ɛ̀ kɔ̀ wɛní Dɔfĩn ɛ́ lɛ iè kɔ̀ Ɲunsɔ àá kɔ́ tĩì míkùi, àá kɔ́ mɛkɛ̃nì míkùi àá kɔ́ hɛ́círi míkùi.” 38Sí iè lè Dɔfĩn ɲunù bienù lɛ dú hɔ́ híɛhɔ́, ɛ̀ lè bòo ɛ́ hie ɛ́ pɔ́ hɔlɛ kɛ́ míkùi. 39Ɛ̀ lɛ iè lè ńɲuunín ɛ́ lɛ lò ɓiɛ̀ bòo hie kɛ̀a lepe hán dìɛ: “Kɔ́ fɔ́ɓán ɛ̀ kɔ̀ wɛní mì ńkɔnù kɛ̀a bòo lɛ ɛ́ kɔ́ dàa wɛ kɔ kùrú sɛ̃́hṹ.” 40Moyiize làndɛ́ míkùi àá ɓɛ́ Dɔfĩn bɔ̀háaníriè bòo lɛ ɛ́ ɓɛ́ bie míkùi ɛ́ wi hɔpe Dɔfĩn ɲunù biehĩ́ bɔ̀nbɔ̀ ɲu sí hũn.»
Àpe Kirisa sũǹ iè Daviide hũn zuú?
Mar 12.35-37; Lik 20.41-44
41Ɛ́ hɔ́ lɛ ɛ́ ɓɛ́ Farizĩɛɓɛ ɛ́ koo ɓánlɔ̀n, ɛ́ Yiezu van ɛ́ ɓɛ̀ dìenin ɛ́ nɛ làa: 42Hɔ̀ iè ńɓùo ɛ́ mí ɛ́ nùún ɔ́pe Kirisa bòo hũn? Mí wóo nɛ a iè wie te mí zuú? Ɛ́ ɓɛ́ zɔn nɛ a iè Daviide hũn zuú. 43Ɛ́ Yiezu zɔn bie lɛ́ ɓà ǹ ɛ́ nɛ làa: «Ɛ́ hɔ́ iè ńɓuò ɛ́ lé Mɛkɛ̃n-Sãanu dàa lɛ́ ápe Daviide ɛ́ ɔ̀pe Kirisa ɛ̀ ve nɛ mí Ɲunsɔ? À den hàarí bie ɛ́ nɛ làa: 44“Ɲunsɔ Dɔfĩn ɛ́ bie lɛ́ niǹ Ɲunsɔ ǹ ɛ́ nɛ làa:
Ɓen Síɛ kansí niǹ ńdóonín,
Nin lɛ́ ɛ̀ mì ńbíyanliè ɛ̀ wé kɔ́ zehĩ́ bènlén wànlè.”
45Kɛ́ ápe Daviide ɛ́ ɓen ɔ̀ Kirisa ɛ̀ ve nɛ mí Ɲunsɔ, ápe Kirisa ɛ́ wo wiɛ dàa dɛ̀ ɛ́ bĩní khíi wé piè hũn zuú?» 46Ɛ́ nìnbírɔ dɔ̀ ɛ́ yí dàń ɔ́ yí zɔ kɔ̃́ní àá bòo dɔ̀ wɛ̀. Ɛ́ wo dàá mìí hɔ́pe zɔǹ sɔ, ɛ́ nìnbírɔ dɔ̀ ɛ́ yí bĩní hĩ̀ mí tĩì ɛ́ zɔ dìe ɔ̀ ǹ àá bòo dɔ̀ bòo wɛ̀.
Currently Selected:
Matiye 22: bwj
Highlight
Share
Copy

Want to have your highlights saved across all your devices? Sign up or sign in
© 2023 L’Association Nationale pour la Traduction de la Bible et l’Alphabétisation
Matiye 22
22
Lè wĩ̀i lɛ ɛ́ Yiezu wɛ̃̀ hɔ̀ yaamu díe bòo hũn
Lik 14.15-24
1Ɛ́ Yiezu ɛ́ sĩ̀n khie ɛ́ bie àá ɓɛ́ nìzã̀amáa àá wũ̀a ɛ́ nɛ làa: 2«Hóohũn bɛ́záanú ɛ́ lɔ́ɓán àá bɛ́zuú dɔ̀ lɛ ɛ́ sɛ́sɛ́a mí zuú yaamu díe bòo. 3À khie tɔrɛ mí tɔntɛ́riè nɛ ɓɛ vɛ ve ɓɛ nìnbirìe lɛ ɛ́ mí vɔnkɛ hɔpe yaamu sɔ hũn nɛ ɓɛ ɓen. Kɛ́ ɓàasiè ɛ́ den van pɛ̃́kɛ nɛ ɓɛ́ yí vaá-ɓen wɛ̀. 4Á khie tɔrɛ mí tɔntɛ́riè bìɓuà à bie lɛ́ ɓà ǹ ɛ́ nɛ làa: “Mì vɛ bie lɛ́ ɓɛ́pe lɛ ɛ́ ń vɔnkɛ hɔpe yaamu hũn nɛ niǹ díe ɛ́ tɛ́ vɔ́, ɛ̀ niǹ nɛ̀báaɓɛ́ àá niǹ bìlaàsiè lɛ ɲiini wi ɛ́ ɓɔ́kɛ vɔ́, ɛ́ hɔ́ bòo míkùi ɛ́ wo sɛ́sɛ́a vɔ́. Ɛ́ ɓɛ́ wo ɓen hɔ̀pe yaamu díe dínlén.” 5Kɛ́ ɓɛ́pe lɛ ɛ́ ɓɛ́ vɔnkɛ ɛ́ den yìe ɛ́ yí tí hɔ́pe verɛ̀ wɛ̀; ɛ̀ ɓɛ̀ wɔ́ ɓɛ́ nínɓaarè tɔnlɔ́ ɛ́ ɓɛ́ ɛ́ tɛ́kɛ, ɓɛ̀ ɛ́ wóò lé vɛ àá ɓɛ́ mɛhɛ̃ hũn, ɛ̀ ɓɛ̀dɔ̀ ɛ̀ lé vɛ àá ɓɛ́ dɛrɛ̀ viì; 6ɛ̀ ɓɛ̀dɔ̀ ɛ́ van ɓaakɛa ɔ̀pe bɛ́zuú tɔntɛ́riè sɔ ɛ́ ɲínkɛa, ɛ̀ ɓɛ̀ ɓɔ́ ɓɛ́. 7Á bɛ́zuú ɛ́ tĩì siɛ hĩ́nà, á tɔrɛ mí hĩtɛ́riè ɛ́ ɓɛ́ van ɓɔ́ ɓɛ́pe nìɓériè sɔ, ɛ̀ ɓɛ̀ cĩ̀niɛ peɓɛ̀ lóo. 8Ɛ́ pehɔ̀ máahṹ à khie bie lɛ́ mí tɔntɛ́riè ǹ nɛ làa: “Hɔ̀ yaamu díe ɛ́ tɛ́ vɔ́, kɛ́ ɓɛ́pe lɛ ɛ́ ń hṹn vɔnkɛ ɓɛ́kùi ɛ́ yí fɔ́ɓán àá hɔ́ wɛ̀. 9Ɛ́ mí wo lan vɛ hɔ fɔ́hĩ́ hũn ɛ̀ vɛ ve ɓɛ nìnbirìe lɛ ɛ́ mí ɛ́ mii vɛ mi ɓɛ́kùi nɛ ɓɛ ɓen hɔ̀ yaamu díe dínlén.” 10Ɛ́ ɓɛ́ tɔntɛ́riè ɛ́ hĩ́nà bɔ̀ hɔ̀ fɔ́hĩ́ ǹ ɛ́ vɔnkɛ ɓɛ̀ niìnbirìe lɛ ɛ́ ɓɛ́ van mɔn ɓɛ́kùi, ɓɛ̀lɛ sãa àá ɓɛ́ lɛ yí sãa ɓɛ́kùi; ɛ́ hɔ́ yaamu zũnù ɛ́ wo zɔn tú àá ɓɛ́ nìnbirìe. 11Á bɛ́zuú ɛ́ ɓɛrɛ zɔn ɛ́ nɛ mii zɔ húi ɓɛ́ nìnbirìe lɛ ɛ́ mí vɔn hɔ̀ yaamu hũn, á zɔn mɔn nìnbírɔ dɔ̀ kɛ́ á yí zɔ le yaamu pɔnkɔ̀rɔ́ wɛ̀. 12Á ɛ́ ɔ̀ dìenin nɛ làa: “Kìe biɛ̀, kɔ́ wɔ́ wiɛ́ dàa ɓɛrɛ zɔn hũ̀nún kɛ́ kɔ́ yí zɔ le yaamu pɔnkɔ̀rɔ́?” Á nùún sɔ ɛ́ hĩɛ. 13Á bɛ́zuú ɛ́ khie bie lɛ́ mí tɔntɛ́riè ǹ nɛ làa: “Mì ɓaà ɔ̀ ɛ̀ cɛ zehĩ́ àá mí níhĩ́ ɛ̀ tɛ́ líení yíe hɔ̀ síbínú hũn. Sí viì lɛ á ɓén lé wírí hũn kɛ́ á mí ɲiɛ̀ ɛ̀ lɛ̀, iè bòo lɛ á dàa lɔ̀n ɛ́ be.” 14Ɛ́ ɓɛ́ nìnbirìe lɛ ɛ́ vɔnkɛ ɛ́ buò, kɛ́ ɓɛ́lɛ ɛ́ munɛ ɛ́ temu yí buò wɛ̀.»
Hɔ̀ lànpóo lɛ wóò sàaní lɛ́ á Rɔmu bɛ́zu-bɛhɔ́ ǹ bòo
Mar 12.13-17; Lik 20.20-26
15Ɛ́ ɓɛ́ Farizĩɛɓɛ ɛ́ khie van ɛ́ lè ɓán hũn, ɛ́ hɔ̀ bòo lɛ ɛ́ ɓɛ ɛ̀ wé ɛ̀ dàá yí Yiezu ǹ vĩ mí biehĩ́ hũn ɛ̀ cɛ̀. 16Ɛ́ ɓɛ́ khie tɔrɛ ɓɛ́ kɛ̀ránzɛ̀ɓɛ̀ dɔ̀ àá ɔ́ Herɔɔde máahṹ nìɛ dɔ̀ nɛ ɓɛ vɛ dìe ɔ̀ ǹ nɛ làa: «Kɛ̀ránlɔ, ké dũ kɛ́ hɔ́ iè bɔ̀berà ɛ́ kɔ́ wóò bie, ɛ̀ Dɔfĩn wṹn iè pe ɛ́ kɔ́ wóò kɛ̀rán àá ɓɛ́ nìnbirìe àá bɔ̀bín, kɔ́ yáà zán nìnbírɔ iè hɔ̀ lɛ ɛ́ hɔ́ yí ɓɛ́ nìnbirìe bòo lɛ ɛ́ ɓɛ́ te dàa dɛ̃̀ ɛ́ kɔ́ wóò húi wɛ̀. 17Ɛ́ kɔ́ bie hɔ bòo lɛ ɛ́ kɔ́ ɛ́ nùún hɔ́pe lɛ hũn ɛ̀ lɛ́ ke ǹ: Kè làndɛ́ wũn lɔ̀n, ɛ́ hɔ́ sũǹ te mí yìe ɛ̀ kè wóo sàaní hɔ́ lànpóo ɛ̀ lɛ́ á Rɔmu bɛ́zu-bɛhɔ́ Sezaare ǹ yée kɛ́ ké bí wóo sàaní hɔ́?» 18Kɛ́ Yiezu ɛ́ den ɛ́ dũ peɓɛ̀ bɔ̀koohɔ́ lɛ ɛ́ ɓɛ́ ɛ́ lieníkɛ, á zɔn bie lɛ́ ɓà ǹ ɛ́ nɛ làa: «Nìhĩ́dériè, mí wiɛ dàa ɛ́ cɛ̀ ɛ̀ mì ɛ̀ vĩ mi? 19Hɔ̀pe màa lɛ ɛ́ mí wóò dàá sàaní hɔ́pe lànpóo sɔ vɛ̃n-zuú dɔ̀ ɛ́ mí dàá ɛ̀ ɓen zɛ̃́ní mi ǹ nɛ húi.» Ɛ́ ɓɛ́ dàa lè vɛ̃hṹ dɔ̀ ɛ́ ɓɛrɛ zɛ̃́niɛ ɔ̀ ǹ. 20Á zɔn ɓɛ̀ dìenin nɛ làa: «Lè lɛ iè wieni híɛhɔ́ àá wieni yèrè ɛ́ temu wi pelè lɔ̀n?» 21Ɛ́ ɓɛ́ zɔn nɛ a iè ɔ̀ bɛ́zu-bɛhɔ́ Sezaare. Ɛ́ Yiezu zɔn bie lɛ́ ɓà ǹ nɛ làa: «Ɛ́ hɔ́ bòo lɛ bòo sɛ̃̀ à Sezaare ǹ ɛ́ mí lɛ́ á Sezaare ǹ, ɛ̀ hɔ̀lɛ bòo sɛ̃̀ Dɔfĩn ɛ́ mí ɓiɛ̀ lɛ́ hɔ́pe Dɔfĩn.» 22Ɛ́ hɔ́ lɛ ɛ́ ɓɛ́ ɲɛ́ hɔ́pe sí, ɛ́ hɔ́ hɛ̀ yòokɛa peɓɛ̀ lɔ̀n, ɛ́ ɓɛ́ wo fùɛrɛ̀sí-e ǹ ɛ̀ ɓɛ̀ khie cɔ́.
Ɓɛ̀ ɛ́ Yiezu ɛ̀ dìenin àá nìhiè vìerɔ́ bòo
Mar 12.18-27; Lik 20.27-40
23Ɛ́ lépe wu-cóoní sɔ zɔn, ɛ́ ɓɛ́ Sadusĩɛɓɛ lɛ ɛ̀ iè ɓɛ̀pe lɛ ɛ́ wóo nɛ ɓɛ nìhiè ɛ́ yá ɓén vìé ɛ́ ɓɛrɛ yú Yiezu ɛ̀ ɓɛ̀ ɛ́ ɔ̀ dìenin nɛ làa: 24«Kɛ̀ránlɔ, Moyiize ɛ́ bie lɛ́ kiè ǹ hɔ̀ làndɛ́ hũn nɛ: “Kɛ́ nìnbírɔ dɔ̀ ɓà zuú ɛ́ húrun à kɛ́ ɓá hṹnu kɛ́ á yí yí yɛ̀nù àá ɔ́, à pelɛ húrun ɓà zuú sɔ ɛ̀ khíi mìí ɔ́pe hṹnu sɔ ɛ̀ yɛ ɛ̀ dàá lɛ́ máahṹ ɓá zùú lɛ húrun.” 25Ɛ́ báa hùuɲu dɔ̀ lɛ iè zɛ̀ɓɛ̀ ɛ́ hàarí wi ke tĩ́ihṹ. Á kĩ́i ɛ́ yan ɓá hũnu à khie húrun kɛ́ á yí yí yɛ̀nù àá wɔ́ wɛ̀. Ɛ́ ɓà zuú ɛ́ khie mɔ̀ ɓà hṹnu sɔ ɛ́ yan. 26Ɛ́ hɔ́ khie wɔ́ kɛ̀amu àá ɔ́ ńɲuunín, á ńtĩinín ɛ́ khie sɛ̃̀, ɛ́ hɔ́ wɔ́ kɛ̀amu ɛ́ ɓɛ́pe zɛ̀ɓɛ̀ hùuɲu sɔ ɓɛ́kùi ɛ́ van vɔ́. 27Ɛ́ ɓɛ́pe ɓɛ́kùi ɛ́ húrunkɛ vɔ́, à hṹnu ɛ́ ɓiɛ̀ khie húrun. 28Ɛ́ ɓɛ́ nìhiè vìerɔ́ yìi hũn, á wo ɓén wí-e hɔ́sɔ ɓà hṹnu ɓɛ̀pe zɛ̀ɓɛ̀ hùuɲu sɔ tĩ́ihṹ? Ɓɛ́pe ɓɛ́kùi ɛ́ lò wo yankɛ à.» 29Ɛ́ Yiezu zɔn bie lɛ́ ɓà ǹ ɛ́ nɛ làa: «Mí bìe ɛ́ mìte ɛ̀ fĩiní iè hɔ̀ lɛ ɛ́ mí yí dũ hɔ bòo lɛ ɛ́ wɛ̃́ lé Dɔfĩn bienù vɛ̃hṹ hũn ɲún, ɛ̀ mì lò yí dũ Dɔfĩn pànkɛ́ bòo wɛ̀. 30Iè hɔ̀ lɛ ɛ́ ɓɛ́ nìhiè vìerɔ́ yìi hũn, ɛ̀ báa àá hã́a ɛ́ yá ɓén bĩní yɛ ɓán, kɛ́ ɓɛ́ ɓén dĩń kɛ̀a Dɔfĩn mɛlɛkɛɓɛ bòo sí hɔ̀ hóohũn. 31Kɛ́ hɔ́ ɓen kɛ́ ɓɛ́lɛ húrun vìerɔ́, ɛ̀ mì iè bìe ɛ́ yí kɛ̀rán hɔ́ bòo lɛ ɛ́ Dɔfĩn ɛ́ bie lɛ́ miɛ ǹ mí bienù vɛ̃hṹ hũn? Hɔ̀ nɛ làa: 32“Ǹpe iè Abarahaamu Dɔfĩn àá Yizaake Dɔfĩn àá Zakɔɔbu Dɔfĩn.” Ɛ́ Dɔfĩn ɛ́ yí ɓɛ́lɛ ɛ́ húrunkɛ Dɔfĩn, kɛ́ hɔ́ iè ɓɛ̀lɛ yìe wi Dɔfĩn.» 33Ɛ́ ɓɛ́ nìzã̀amáa lɛ hṹn piè biehĩ́ ɛ̀ ɲí ɛ́ hɔ́ hɛ̀ yòokɛa lɔ̀n.
Dɔfĩn ɲunù bienù lɛ bòo hie pɔ hɔlɛ kɛ́ míkùi bòo
Mar 12.28-34; Lik 10.25-28
34Ɛ́ ɓɛ́ Farizĩɛɓɛ ɛ́ ɲɛ́ ɛ̀ ɓɛ̀ nɛ Yiezu ɛ́ ɲɛ̀ ɓɛ̀ Sadusĩɛɓɛ ǹ àá mí biehĩ́, ɛ́ ɓɛ́ van koo ɓánlɔ̀n. 35Ɛ́ peɓɛ̀ nùún dɔ̀ lɛ iè làndɛ́ kɛ̀ránlɔ dɔ̀, ɛ́ wɛ ɛ́ mii vĩ Yiezu, á zɔn ɔ̀ dìenin nɛ làa: 36«Kɛ̀ránlɔ, lè Dɔfĩn ɲunù bienù dúsɔ ɛ́ temu bòo ɛ́ hie pɔ hɔlɛ kɛ́ míkùi?»
37Ɛ́ Yiezu zɔn kɔ̃́niɛ ɔ̀ ɛ́ nɛ làa: «“Kɔ́ fɔ́ɓán ɛ̀ kɔ̀ wɛní Dɔfĩn ɛ́ lɛ iè kɔ̀ Ɲunsɔ àá kɔ́ tĩì míkùi, àá kɔ́ mɛkɛ̃nì míkùi àá kɔ́ hɛ́círi míkùi.” 38Sí iè lè Dɔfĩn ɲunù bienù lɛ dú hɔ́ híɛhɔ́, ɛ̀ lè bòo ɛ́ hie ɛ́ pɔ́ hɔlɛ kɛ́ míkùi. 39Ɛ̀ lɛ iè lè ńɲuunín ɛ́ lɛ lò ɓiɛ̀ bòo hie kɛ̀a lepe hán dìɛ: “Kɔ́ fɔ́ɓán ɛ̀ kɔ̀ wɛní mì ńkɔnù kɛ̀a bòo lɛ ɛ́ kɔ́ dàa wɛ kɔ kùrú sɛ̃́hṹ.” 40Moyiize làndɛ́ míkùi àá ɓɛ́ Dɔfĩn bɔ̀háaníriè bòo lɛ ɛ́ ɓɛ́ bie míkùi ɛ́ wi hɔpe Dɔfĩn ɲunù biehĩ́ bɔ̀nbɔ̀ ɲu sí hũn.»
Àpe Kirisa sũǹ iè Daviide hũn zuú?
Mar 12.35-37; Lik 20.41-44
41Ɛ́ hɔ́ lɛ ɛ́ ɓɛ́ Farizĩɛɓɛ ɛ́ koo ɓánlɔ̀n, ɛ́ Yiezu van ɛ́ ɓɛ̀ dìenin ɛ́ nɛ làa: 42Hɔ̀ iè ńɓùo ɛ́ mí ɛ́ nùún ɔ́pe Kirisa bòo hũn? Mí wóo nɛ a iè wie te mí zuú? Ɛ́ ɓɛ́ zɔn nɛ a iè Daviide hũn zuú. 43Ɛ́ Yiezu zɔn bie lɛ́ ɓà ǹ ɛ́ nɛ làa: «Ɛ́ hɔ́ iè ńɓuò ɛ́ lé Mɛkɛ̃n-Sãanu dàa lɛ́ ápe Daviide ɛ́ ɔ̀pe Kirisa ɛ̀ ve nɛ mí Ɲunsɔ? À den hàarí bie ɛ́ nɛ làa: 44“Ɲunsɔ Dɔfĩn ɛ́ bie lɛ́ niǹ Ɲunsɔ ǹ ɛ́ nɛ làa:
Ɓen Síɛ kansí niǹ ńdóonín,
Nin lɛ́ ɛ̀ mì ńbíyanliè ɛ̀ wé kɔ́ zehĩ́ bènlén wànlè.”
45Kɛ́ ápe Daviide ɛ́ ɓen ɔ̀ Kirisa ɛ̀ ve nɛ mí Ɲunsɔ, ápe Kirisa ɛ́ wo wiɛ dàa dɛ̀ ɛ́ bĩní khíi wé piè hũn zuú?» 46Ɛ́ nìnbírɔ dɔ̀ ɛ́ yí dàń ɔ́ yí zɔ kɔ̃́ní àá bòo dɔ̀ wɛ̀. Ɛ́ wo dàá mìí hɔ́pe zɔǹ sɔ, ɛ́ nìnbírɔ dɔ̀ ɛ́ yí bĩní hĩ̀ mí tĩì ɛ́ zɔ dìe ɔ̀ ǹ àá bòo dɔ̀ bòo wɛ̀.
Currently Selected:
:
Highlight
Share
Copy

Want to have your highlights saved across all your devices? Sign up or sign in
© 2023 L’Association Nationale pour la Traduction de la Bible et l’Alphabétisation