Matiye 24
24
Yiezu ɛ́ lè Dɔfĩn zũ-bɛhɔ́ wuarɔ́ bòo ɛ̀ bie
Mar 13.1-2; Lik 21.5-6
1Ɛ́ hɔ́ lɛ ɛ́ Yiezu ɛ́ zɔn lɔ́ lé Dɔfĩn zũ-bɛhɔ́ hũn, ɛ́ lɔ́ vaá-lan, ɛ́ piè kɛ̀ránzɛ̀ɓɛ̀ ɛ́ ɓɛrɛ lúwiniɛ ɔ̀ ǹ ɛ̀ ɓɛ̀ ɛ́ bie lɛ́ à ǹ nɛ a húi bòo lɛ ɛ́ lépe Dɔfĩn zũ-bɛhɔ́ ɛ́ dàa hɛ̀ tɔn sãa. 2Kɛ́ Yiezu ɛ́ den zɔn bie lɛ́ ɓà ǹ ɛ́ nɛ làa: «Nin bie hɔ lɛ́ miɛ ǹ àá bɔ̀bín nɛ hɔpe lɛ ɛ́ mí loo míkùi, kɛ́ hɛ̀rí sɛ̃̀nlè ɛ́ yá ɓén dĩń ɓá ńkɔnù sɛ̃̀nlè lɔ̀n wɛ̀. Hɔ̀ míkùi ɛ́ ɓén ɓúukɛ ɛ́ khíi síɛ.»
Lè sɛ̃́ɲíi fìi ɓánlɔ́ bòo
Mar 13.3-13; Lik 21.7-19
3Ɛ́ Yiezu ɛ́ van yòó kɛsí hɔ́ Olive vɛ̃̀hɛ̃ ɓúkìe lɔ̀n. Ɛ́ piè kɛ̀ránzɛ̀ɓɛ̀ ɛ́ van lúwiniɛ ɔ̀ ǹ ɓɛ́ dòonún ɛ̀ ɓɛ̀ ɔ̀ dìenin ɛ́ nɛ làa: «Hɔ̀ iè wuàwurù ɛ́ hɔ́pe sí míkùi ɛ́ ɓén wé hũn, ɛ̀ hɔ̀ iè ńɓùo ɛ́ temu ɓén zɛ̃́ní kɔ́ ɓenlɔ́ pɛ̃̀hṹ àá lé dímíɲɛ́ vénlɔ́ pɛ̃̀hṹ?» 4Ɛ́ Yiezu zɔn bie lɛ́ ɓà ǹ ɛ́ nɛ làa: «Mì pɛ mite bòo sãàní nɛ nìnbírɔ dɔ̀ ɛ̀ bí khɛ̃̀ní miɛ ɛ̀ yínin wɛ̀. 5Iè hɔ̀ lɛ ɛ́ nìnbirìe cɛ̀rìɛɛ ɛ́ wóo ɓén hĩ́ní ɛ́ ɓen niǹ yèrè lɔ̀n ɛ̀ hɔ́rɔ wóo ɓén bie nɛ mípe ɛ́ temu iè pe Kirisa. Ɛ́ ɓɛ́ ɓén kɛ̃̀níkɛ nìnbirìe cɛ̀rìɛɛ ɛ́ yínin. 6Mí wóo ɓén ɲí hɔ́ hĩɛ̀ lɛ ɛ́ tɛ́ lúwi miɛ ǹ bòo, ɛ̀ mì lò wóo ɓén ɲí hɔ́ hĩɛ̀ lɛ ɛ́ van tɛ́ viì ni bòo; kɛ́ mí bí nɛ mi hũn ɛ̀ yen, iè hɔ̀ lɛ ɛ́ hɔ́pe sí sãawi ɛ̀ hɔ̀ wé, kɛ́ hɔ́ ɲɛùn yí lé dímíɲɛ́ vénlɔ́ wɛ̀. 7Ɛ́ dàa dɔ̀ nìɛ ɛ́ wóo ɓén hĩ́ní ɛ́ vɛ́ tɛ́ hɔ́ hĩɛ̀ àá dàa dɔ̀ nìɛ, ɛ̀ bɛ́záanú dɔ̀ nìɛ ɛ́ wóo ɓén hĩ́ní ɛ́ vɛ́ tɛ́ hɔ́ hĩɛ̀ àá bɛ́záanú dɔ̀ nìɛ. Ɛ̀ hɔ̀ hĩni ɛ́ wóo ɓén lé hɔ́ vuò dɔ̀ hũn, ɛ̀ lè sṹsùnù ɛ́ lò wóo ɓén zɛ̀kɛ hɔ vuò dɔ̀ hũn. 8Kɛ́ hɔ́pe sí míkùi ɛ́ den ɓén wé lé sɛ̃́ɲíi fìi ɓánlén, kɛ̀a bòo lɛ á hṹnu lɛ ɛ́ mii te dàa sɛ̃́hṹ ɛ́ wóò sɛ̃̀nɛ́hã̀á ɲí bòo sí. 9Ɛ́ ɓɛ́ nìnbirìe ɛ́ wóo ɓén ɓaakɛ miɛ ɛ́ vɛ́ lɛ́ ɛ́ ɓɛ́ biení lɔ̀n ɛ̀ ɓɛ̀ ɛ́ ɓé miɛ, ɛ̀ ɓɛ̀ nìnbirìe ɓɛ́kùi ɛ́ ɓén hán miɛ ǹpe niǹ bòo hũn. 10Ɛ́ pehɔ̀ yìi hũn, ɛ̀ nìnbí-kuì ɛ́ ɓén fùansí hɔ́ ńdɛsĩ̀nlɔ́ ǹ; ɓɛ̀ wóo ɓén bɛ́ ɓán máahɛ̃, ɛ̀ ɓɛ̀ wóo ɓén hán ɓán. 11Ɛ̀ ɓɛ̀ ɓúo Dɔfĩn bɔ̀háaníriè bìkuì dɔ̀ ɛ́ wóo ɓén síɛ hĩ́ní ɛ́ khɛ̃̀níkɛ ɓɛ nìnbí-kuì. 12Ɛ̀ hɔ̀ bɔ̀koohɔ́ ɛ́ ɓén wookɛ hĩ́ní tí lé dímíɲɛ́ fúu ɛ́ ɓɛ́ nìnbirìe bìkuì ńwanminu ɛ́ ɓén yòó wɛ. 13Kɛ́ álɛ ɛ́ fɛ́sí dɛ̃̀ sãa fúu ɛ́ van víeniɛ, á ɓén fuen. 14Ɛ́ lépe Dɔfĩn bɛ́záanú Bentĩnu sɔ lɛ bòo ɛ́ ɓén bie le dímíɲɛ́ míkùi hũn ɛ́ dàá zɛ̃́ní kɛ́ hɔ́ dàa míkùi nìɛ ɛ́ ɲɛ́ hɔ́. Ɛ́ pehɔ̀ máahṹ, ɛ̀ lè dímíɲɛ́ ɛ́ den wo ɛ́ vé.»
À nìsũmúi yìrá bòo wérɔ bòo
Mar 13.14-23; Lik 21.20-24
15Ɛ́ Yiezu ɛ́ bĩniɛ zɔn nɛ làa: « Ɛ́ pɛ̃̀hṹ lɛ kɛ́ mí ɓen van loo ɔpe lɛ ɛ́ ɓɛ́ wóò ve nɛ nìsũmúi yìrá bòo wérɔ kɛ́ á wi le Dɔfĩn zũbɛhɔ́ viì lɛ ɛ́ ce hũn, àpe lɛ á Dɔfĩn bɔ̀háanírɔ Daniɛle ɛ́ pɛ̃̀hṹ bie bòo, — nɛ ape nìnbírɔ lɛ ɛ́ hɔ̀pe bòo sɔ lɛ ɛ̀ kɛ̀rán ɛ̀ ɲí pehɔ̀ bòo sãàní. — 16Ɛ́ pe hɔ̀ yìi hũn, ɛ̀ ɓɛ̀lɛ ɛ́ wi hɔ Zudee pɛ̃̀hɛ̃ hũn ɛ̀ zè yòó vɛ àá hɔ́ ɓúkùo hũn. 17Àlɛ ɛ́ yòó wi le lòo hũn ɛ̀ bí bie nɛ mí síɛ zɔ mìí bòo dɔ̀ mí zũnù hũn vé wɛ̀. 18Àlɛ ɛ́ van wi hɔ maa hũn ɛ̀ bí bie nɛ mi khũ̀á ɓen mìí mí pɔnkɔ̀rɔ́ vé wɛ̀. 19Ɛ́ hɔ́pe wihĩ́ sɔ hũn, ɛ̀ hɔ̀ hɛ̀ ɓén hièní ɓɛ́ hã́a lɛ póoniɛ wi àá ɓɛ́ lɛ nìɛ ɛ́ yìɛ́ lɔ̀n. 20Mì hɛ̃un Dɔfĩn bòo lɛ ɛ́ wé ɛ̀ mì zènlɔ́ sɔ ɛ̀ bí wé mùn-tìɛní yìi hũn tàá ɓɛ̀ Zuifuɓɛ ńvũùnín sí zɔn wɛ̀. 21Iè hɔ̀ lɛ ɛ́ lé lɔ̀nbiè lɛ ɓén wé pehɔ̀ yìi hũn ɛ́ ɓén ɓàaní cɛ̃̀un ɛ́ pɔní hɔ́ lɔ̀nbuò lɛ wɔ́ khie míkùi ɛ̀ dàá vɛ mìí àá lé dímíɲɛ́ fìi ɓánlɔ́ fúu ɛ̀ dàa ɓen dɛ̃ zoòni, ɛ̀ lɔ̀nbiè lɛ yú lè ǹ ɛ́ yá ɓén bĩní wé wɛ̀. 22Kɛ́ Dɔfĩn ɛ́ hṹn yí fán hɔ́pe wihĩ́ sɔ ǹ, ɛ́ nìnbírɔ dɔ̀ lɛ ɛ́ hṹn ɓén fuen ɛ́ yá wé wɛ̀. Kɛ́ hɔ́ den fɛ́rɛ hɔ̀ ǹ ɓɛ̀ nìnbirìe lɛ ɛ́ Hɔ́ munɛ bòo hũn. 23Kɛ́ nìnbírɔ dɔ̀ ɛ́ ɓɛrɛ bie lɛ́ miɛ ǹ nɛ a Kirisa ɛ́ wi hũ̀nún tàá à wi hũ̀nyéniń, ɛ̀ mì bí dɛsĩ̀ ɓàasɔ ǹ wɛ̀. 24Iè hɔ̀ lɛ ɛ́ pehɔ̀ yìi hũn, ɛ̀ ɓɛ̀ nìnbirìe dɔ̀ ɛ́ wóo ɓén síɛ hĩ́ní ɛ́ bie nɛ ɓɛ́pe ɛ́ temu iè ɓɛ̀pe Kirisaɓɛ àá ɓɛ́ Dɔfĩn bɔ̀háaníriè kɛ́ ɓɛ́ lò yí ɓɛ́pe wɛ̀. Ɓɛ̀ wóo ɓén wé yéréké bòo àá bɔ̀bɛ̃hɛ̃ ɛ̀ dàá khɛ̃̀níkɛ ɓɛ nìnbiriè, kɛ́ hɔ́ yɛ̀rɛ́ hṹn dɛ̀ ɛ́ wé, ɛ̀ hɛ̀rí ɓɛ̀pe lɛ ɛ́ Dɔfĩn ɛ́ munɛ ɛ́ ɓɛ́ pɛ́ khɛ̃̀níkɛ ɛ̀ yí nin. 25Ɛ́ mí húi, ń lò wo sɛ̃̀nɛ́hã̀ bie hɔ̀ ɛ́ lɛ́ miɛ ǹ. 26Ɛ́ kɛ́ nìnbírɔ dɔ̀ ɛ́ bie lɛ́ miɛ ǹ nɛ a van wi hɔ maa hũn, ɛ̀ mì bí vɛ yán wɛ̀; tàá kɛ́ á nɛ a van zɔn wi hɔ zu-bɔ́hĩ́ hũn, ɛ̀ mì bí dɛsĩ̀ hɔ̀ ǹ wɛ̀. 27Kɛ̀a bòo lɛ ɛ́ hɔ́ hóo ɛ́ dàa wóò vɛ ɲiiní àá lé wurù hànlén ɛ̀ ciení lé viì míkùi fúu ɛ̀ khíi vɛ dɛ̃ le wurù línlén, sí iè pe á nìnbírɔ Zuú ɛ́ ɓen vaá-ɓen, ɛ̀ hɔ̀ ɓén wé kɛ̀amu. 28Lè viì lɛ á wìe lɛ húrun ɛ́ wi hũn iè pe ɛ́ ɓɛ́ duuriè ɛ́ wóò vɛ kóo ɓánlɔ̀n hũn.»
À nìnbírɔ Zuú khũ̀á ɓénlɔ́ bòo
Mar 13.24-27; Lik 21.25-28
29«Ɛ́ hɔ́pe lɔ̀nbuò sɔ pɛ̃hṹ ɛ́ ɓen van khie vɔ́, ɛ́ mí làa hũn, ɛ̀ lè wurù ɛ́ ɓén yòó ɛ́ wé síbínú, ɛ̀ lè ǹpĩ́ihṹ ńpiemu ɛ́ yá bĩní wé, ɛ̀ hɔ̀ ńpĩ́inàwuò ɛ́ yòó lé hɔ́ hóohũn ɛ́ kùenkɛ síɛ, ɛ̀ hɔ̀ hóohũn pànkɛ́a ɛ́ ɓén yòó zɛ̀kɛ. 30Ɛ́ hɔ́ bòo lɛ ɛ́ ɔ̀ nìnbírɔ Zuú ɓenlɔ́ bòo ɛ̀ zɛ̃́ní ɛ́ den wo ɓén yòó mi hɔ hóohũn, ɛ́ ɓɛ́ dímíɲɛ́ nìɛ ɓɛ́kùi ɛ́ ɓén cãamɛkɛ. Ɓɛ̀ ɓén mi-ɛ pe nìnbírɔ Zuú kɛ́ á ɛ́ ɓen hɔ̀ hóo dùndùó lɔ̀n àá pànkɛ́ àá ɓàarɔ́ bɔ̀bɛhɔ́. 31Ɛ́ lé bũì ɛ́ ɓén tɛ̀, á wo ɓén tɔn mí mɛlɛkɛɓɛ ɛ́ ɓɛ́ ɛ́ vɛ le sṹsùnù míkùi lɔ̀n, ɛ́ vɛ́ ve ɓɛpe lɛ ɛ́ Dɔfĩn ɛ́ munɛ ɓɛ́kùi ɛ́ ɓen kóo ɓánlɔ̀n lè sṹsùnù lɔ̀n.»
Lè ńluunù kɛ̀ránlɔ́ lɛ ɛ́ lé ɛ́ lɛ́ bòo
Mar 13.28-31; Lik 21.29-33
32«Ɛ́ mí dũń lé ńluunù kɛ̀ránlɔ́ lɛ ɛ́ lé ɛ́ lɛ́ ɲún: pelè ńnɛhɛ̃ ɛ́ ɓen van ɛ́ kùkúkɛ, lɛ kɛ́ pelè ɲɛkɛ̃̀a ɛ́ siɛ ɛ́ sɛ̀, ɛ̀ mì dũ kɛ́ lé vɔyíɛnú ɛ́ lúwi. 33Ɛ́ sí iè hɔ̀pe ɓà ńmàa, ɛ́ pɛ̃̀hṹ lɛ kɛ́ mí ɓiɛ̀ ɓen van loo hɔpe bòo sɔ sí míkùi kɛ́ hɔ́ ɛ́ wé, ɛ̀ mì dũń kɛ́ á nìnbírɔ Zuú ɓenlɔ́ ɛ́ dɛ̃un. 34Nín bie hɔ lɛ́ miɛ ǹ àá bɔ̀bín nɛ hɔpe zoòni lɛ nìɛ ɓɛ́kùi ɛ́ yá ɓén híkɛ ɛ́ vé ɓɛ́kùi kɛ́ hɔ́pe bòo sɔ ɛ́ ɲɛùn yí wé wɛ̀. 35Hɔ̀ hóohũn àá lé sṹsùnù ɛ́ ɓén khíi, kɛ́ niǹ biehĩ́ ɛ́ pe yá khíi yá mi wɛ̀.»
Dɔfĩn mí dòonún ɛ́ temu dũ hɔ́ bòo míkùi vénlɔ́ pɛ̃̀hṹ
Mar 13.32-37; Lik 17.26-30; 17.34-36
36«Kɛ́ hɔ́ ɓén kɛ́ lé sítĩnlɔ́ àá lè yìi lɛ ɛ́ hɔ́pe bòo sɔ ɛ́ ɓén wé hũn, ɛ̀ nìnbírɔ dɔ̀ lɛ ɛ́ dũ hɔ ɛ́ mí wɛ̀. Ɓɛ̀ hóohũn mɛlɛkɛɓɛ ɛ́ yí dũ hɔ, hɛ̀rí à Zuú kùusɔ ɛ́ yí dũ hɔ, kɛ́ á Yàá mí dòonún ɛ́ ɓen bòo mí. 37Hɔ̀ bòo lɛ hàarí wɔ́ á Nowe pɛ̃̀hṹ hũn ɓà ńmàa ɛ́ ɓiɛ̀ ɓén wí-e nìnbírɔ Zuú khũ̀á ɓenlɔ́ yìi hũn. 38Ie hɔ̀ lɛ ɛ́ pɛ̃̀hṹ lɛ ɛ́ hɔ́ hóo ɛ́ dàa hàarí ɲɛùn yí ɓen tè ɛ̀ yáakɛ le dímíɲɛ́, ɛ̀ ɓɛ̀ nìnbirìe ɛ́ hàarí dí kɛ́ ɓɛ́ ɛ́ ɲu, ɛ́ yɛ ɓá ń kɛ́ ɓɛ́ ɛ́ ɓɛ́ nìɛ ɛ̀ yiɛní, fúu ɛ́ van dɛ̃un lè sítĩnlɔ́ lɛ á Nowe ɛ́ dàa yòó zɔn lè ɲumu wiè dɛ̀bɛhɔ́. 39Ɓɛ̀ háarí ɛ́ yá bòo dɔ̀ bòo ɛ̀ lieníkɛ fúu ɛ́ hɔ́ ɲun-bɛhɔ́ ɛ́ ɓɛrɛ ɛ́ fɔ́ ɓɛ́ ɓɛ́kùi. Ɛ́ sí iè pe ɛ́ hɔ́ ɓiɛ̀ ɓén wé kɛ̀amu à nìnbírɔ Zuú khũ̀á ɓenlɔ́ yìi hũn. 40Ɛ́ pehɔ̀ yìi hũn, ɛ̀ báa bìɛ ɲu lɛ van wi le mún hũn ɛ́ tɛ́, ɛ̀ wìcóoní ɛ́ ɓén mìí, àlɛ kɛ́ ɛ́ fùansínin. 41Ɛ̀ hã́a bìɛ ɲu lɛ ɛ́ hɔ̀ bòo ɛ̀ ni le niihṹ lɔ̀n, ɛ́ wìcòoní ɛ́ ɓén mìí, àlɛ kɛ ɛ́ fùansínin. 42Ɛ́ mí piɛní mí yìe, iè hɔ̀ lɛ ɛ́ mí yí dũ le sí lɛ ɛ́ mí Ɲunsɔ ɛ́ vàá ɓen hũn wɛ̀. 43Mì dũń sãàní kɛ́ á zũnù ɓàasɔ ɛ́ hṹn dũ le yìi lɛ á kɛ̃̀míi ɛ́ mii ɓen hũn hɔ̀ sṹnúhṹ, á yá dɛ àá fùansí-e ǹ á ɓen zɔ piè zũnù hũn wɛ̀. 44Ɛ́ sí iè hɔ̀pe ɛ́ mípe ɓiɛ̀ sɛ́sɛ́ míte ɛ̀ dĩ̀ní iè hɔ̀ lɛ á nìnbírɔ Zuú ɛ́ ɓén ɓen lè yìi lɛ ɛ́ mí yá lieníkɛ nɛ a ɓén ɓen hũn wɛ̀.»
À tɔntɛ́ lɛ ɲún ɛ́ cã̀aní àá ɔ́ lɛ ɲún ɛ́ yá cã̀aní bòo
Lik 12.41-48
45«Á iè tɔntɛ́ hɔ́sɔ ɛ́ temu ɲún ɛ́ cã̀aní à lò hɛciri wi? À iè ɔ̀lɛ ɛ́ peɓɛ̀ ɲúnsɔ ɛ́ dɔ́ mí zũnù tɔntɛ́riè húirɔ́ bòo núnú hũn, nɛ a wóo lɛ́ pɛɓɛ̀ díe ɓà ǹ hɔ̀ díe dínlɔ́ yìi hũn. 46Kɛ́ á tɔntɛ́ sɔ ɲúnsɔ ɛ́ van khũ̀á ɓɛrɛ tɛ̀rɛa ɔ̀ kɛ́ á hɔ̀ bòo lɛ á nɛ a wé ɛ̀ wè, à tɔntɛ́ sɔ ɲún ɛ́ tĩ. 47Nín bie hɔ lɛ́ miɛ ǹ nɛ peɓɛ̀ ɲúnsɔ ɛ́ ɓén dé mí zũnù bòo míkùi húirɔ́ bòo piè núnú hũn. 48Kɛ́ á iè tɔntɛ́ koohɔ́, á ɛ́ bie mí tĩì hũn nɛ ɓɛ́ ɲúnsɔ ɛ́ van ɛ́ míì kɛ́ á yá ɓen wɛ̀; 49kɛ́ á wo wóo hĩ́ní hɛ ɓá ńkɔhĩ́ tɔntɛ́riè, à dí kɛ́ á ɛ́ ɲu àá ɓɛ́ ɲɛkhĩɛɓɛ̃́ɓɛ́, 50ɛ́ peɓɛ̀ ɲúnsɔ ɛ́ ɓén vɛ khũ̀á ɛ́ ɓen lè sítĩnlɔ́ lɛ á yá bòo dé hũn, lè yìi lɛ á yí dũ hũn wɛ̀. 51Ɛ́ peɓɛ̀ ɲúnsɔ ɛ́ ɓén biení piè lɔ̀n cɛ̃̀un, à ɛ́ wí-e àá bòo lɛ ɛ́ ɓɛ́ wóò wé àá ɓɛ́ nìhĩ́dériè. Ɛ́ sí iè viì lɛ á den ɓén wírí hũn kɛ́ á bie nɛ kɛ́ mí hṹn dũ.»
Currently Selected:
Matiye 24: bwj
Highlight
Share
Copy
Want to have your highlights saved across all your devices? Sign up or sign in
© 2023 L’Association Nationale pour la Traduction de la Bible et l’Alphabétisation
Matiye 24
24
Yiezu ɛ́ lè Dɔfĩn zũ-bɛhɔ́ wuarɔ́ bòo ɛ̀ bie
Mar 13.1-2; Lik 21.5-6
1Ɛ́ hɔ́ lɛ ɛ́ Yiezu ɛ́ zɔn lɔ́ lé Dɔfĩn zũ-bɛhɔ́ hũn, ɛ́ lɔ́ vaá-lan, ɛ́ piè kɛ̀ránzɛ̀ɓɛ̀ ɛ́ ɓɛrɛ lúwiniɛ ɔ̀ ǹ ɛ̀ ɓɛ̀ ɛ́ bie lɛ́ à ǹ nɛ a húi bòo lɛ ɛ́ lépe Dɔfĩn zũ-bɛhɔ́ ɛ́ dàa hɛ̀ tɔn sãa. 2Kɛ́ Yiezu ɛ́ den zɔn bie lɛ́ ɓà ǹ ɛ́ nɛ làa: «Nin bie hɔ lɛ́ miɛ ǹ àá bɔ̀bín nɛ hɔpe lɛ ɛ́ mí loo míkùi, kɛ́ hɛ̀rí sɛ̃̀nlè ɛ́ yá ɓén dĩń ɓá ńkɔnù sɛ̃̀nlè lɔ̀n wɛ̀. Hɔ̀ míkùi ɛ́ ɓén ɓúukɛ ɛ́ khíi síɛ.»
Lè sɛ̃́ɲíi fìi ɓánlɔ́ bòo
Mar 13.3-13; Lik 21.7-19
3Ɛ́ Yiezu ɛ́ van yòó kɛsí hɔ́ Olive vɛ̃̀hɛ̃ ɓúkìe lɔ̀n. Ɛ́ piè kɛ̀ránzɛ̀ɓɛ̀ ɛ́ van lúwiniɛ ɔ̀ ǹ ɓɛ́ dòonún ɛ̀ ɓɛ̀ ɔ̀ dìenin ɛ́ nɛ làa: «Hɔ̀ iè wuàwurù ɛ́ hɔ́pe sí míkùi ɛ́ ɓén wé hũn, ɛ̀ hɔ̀ iè ńɓùo ɛ́ temu ɓén zɛ̃́ní kɔ́ ɓenlɔ́ pɛ̃̀hṹ àá lé dímíɲɛ́ vénlɔ́ pɛ̃̀hṹ?» 4Ɛ́ Yiezu zɔn bie lɛ́ ɓà ǹ ɛ́ nɛ làa: «Mì pɛ mite bòo sãàní nɛ nìnbírɔ dɔ̀ ɛ̀ bí khɛ̃̀ní miɛ ɛ̀ yínin wɛ̀. 5Iè hɔ̀ lɛ ɛ́ nìnbirìe cɛ̀rìɛɛ ɛ́ wóo ɓén hĩ́ní ɛ́ ɓen niǹ yèrè lɔ̀n ɛ̀ hɔ́rɔ wóo ɓén bie nɛ mípe ɛ́ temu iè pe Kirisa. Ɛ́ ɓɛ́ ɓén kɛ̃̀níkɛ nìnbirìe cɛ̀rìɛɛ ɛ́ yínin. 6Mí wóo ɓén ɲí hɔ́ hĩɛ̀ lɛ ɛ́ tɛ́ lúwi miɛ ǹ bòo, ɛ̀ mì lò wóo ɓén ɲí hɔ́ hĩɛ̀ lɛ ɛ́ van tɛ́ viì ni bòo; kɛ́ mí bí nɛ mi hũn ɛ̀ yen, iè hɔ̀ lɛ ɛ́ hɔ́pe sí sãawi ɛ̀ hɔ̀ wé, kɛ́ hɔ́ ɲɛùn yí lé dímíɲɛ́ vénlɔ́ wɛ̀. 7Ɛ́ dàa dɔ̀ nìɛ ɛ́ wóo ɓén hĩ́ní ɛ́ vɛ́ tɛ́ hɔ́ hĩɛ̀ àá dàa dɔ̀ nìɛ, ɛ̀ bɛ́záanú dɔ̀ nìɛ ɛ́ wóo ɓén hĩ́ní ɛ́ vɛ́ tɛ́ hɔ́ hĩɛ̀ àá bɛ́záanú dɔ̀ nìɛ. Ɛ̀ hɔ̀ hĩni ɛ́ wóo ɓén lé hɔ́ vuò dɔ̀ hũn, ɛ̀ lè sṹsùnù ɛ́ lò wóo ɓén zɛ̀kɛ hɔ vuò dɔ̀ hũn. 8Kɛ́ hɔ́pe sí míkùi ɛ́ den ɓén wé lé sɛ̃́ɲíi fìi ɓánlén, kɛ̀a bòo lɛ á hṹnu lɛ ɛ́ mii te dàa sɛ̃́hṹ ɛ́ wóò sɛ̃̀nɛ́hã̀á ɲí bòo sí. 9Ɛ́ ɓɛ́ nìnbirìe ɛ́ wóo ɓén ɓaakɛ miɛ ɛ́ vɛ́ lɛ́ ɛ́ ɓɛ́ biení lɔ̀n ɛ̀ ɓɛ̀ ɛ́ ɓé miɛ, ɛ̀ ɓɛ̀ nìnbirìe ɓɛ́kùi ɛ́ ɓén hán miɛ ǹpe niǹ bòo hũn. 10Ɛ́ pehɔ̀ yìi hũn, ɛ̀ nìnbí-kuì ɛ́ ɓén fùansí hɔ́ ńdɛsĩ̀nlɔ́ ǹ; ɓɛ̀ wóo ɓén bɛ́ ɓán máahɛ̃, ɛ̀ ɓɛ̀ wóo ɓén hán ɓán. 11Ɛ̀ ɓɛ̀ ɓúo Dɔfĩn bɔ̀háaníriè bìkuì dɔ̀ ɛ́ wóo ɓén síɛ hĩ́ní ɛ́ khɛ̃̀níkɛ ɓɛ nìnbí-kuì. 12Ɛ̀ hɔ̀ bɔ̀koohɔ́ ɛ́ ɓén wookɛ hĩ́ní tí lé dímíɲɛ́ fúu ɛ́ ɓɛ́ nìnbirìe bìkuì ńwanminu ɛ́ ɓén yòó wɛ. 13Kɛ́ álɛ ɛ́ fɛ́sí dɛ̃̀ sãa fúu ɛ́ van víeniɛ, á ɓén fuen. 14Ɛ́ lépe Dɔfĩn bɛ́záanú Bentĩnu sɔ lɛ bòo ɛ́ ɓén bie le dímíɲɛ́ míkùi hũn ɛ́ dàá zɛ̃́ní kɛ́ hɔ́ dàa míkùi nìɛ ɛ́ ɲɛ́ hɔ́. Ɛ́ pehɔ̀ máahṹ, ɛ̀ lè dímíɲɛ́ ɛ́ den wo ɛ́ vé.»
À nìsũmúi yìrá bòo wérɔ bòo
Mar 13.14-23; Lik 21.20-24
15Ɛ́ Yiezu ɛ́ bĩniɛ zɔn nɛ làa: « Ɛ́ pɛ̃̀hṹ lɛ kɛ́ mí ɓen van loo ɔpe lɛ ɛ́ ɓɛ́ wóò ve nɛ nìsũmúi yìrá bòo wérɔ kɛ́ á wi le Dɔfĩn zũbɛhɔ́ viì lɛ ɛ́ ce hũn, àpe lɛ á Dɔfĩn bɔ̀háanírɔ Daniɛle ɛ́ pɛ̃̀hṹ bie bòo, — nɛ ape nìnbírɔ lɛ ɛ́ hɔ̀pe bòo sɔ lɛ ɛ̀ kɛ̀rán ɛ̀ ɲí pehɔ̀ bòo sãàní. — 16Ɛ́ pe hɔ̀ yìi hũn, ɛ̀ ɓɛ̀lɛ ɛ́ wi hɔ Zudee pɛ̃̀hɛ̃ hũn ɛ̀ zè yòó vɛ àá hɔ́ ɓúkùo hũn. 17Àlɛ ɛ́ yòó wi le lòo hũn ɛ̀ bí bie nɛ mí síɛ zɔ mìí bòo dɔ̀ mí zũnù hũn vé wɛ̀. 18Àlɛ ɛ́ van wi hɔ maa hũn ɛ̀ bí bie nɛ mi khũ̀á ɓen mìí mí pɔnkɔ̀rɔ́ vé wɛ̀. 19Ɛ́ hɔ́pe wihĩ́ sɔ hũn, ɛ̀ hɔ̀ hɛ̀ ɓén hièní ɓɛ́ hã́a lɛ póoniɛ wi àá ɓɛ́ lɛ nìɛ ɛ́ yìɛ́ lɔ̀n. 20Mì hɛ̃un Dɔfĩn bòo lɛ ɛ́ wé ɛ̀ mì zènlɔ́ sɔ ɛ̀ bí wé mùn-tìɛní yìi hũn tàá ɓɛ̀ Zuifuɓɛ ńvũùnín sí zɔn wɛ̀. 21Iè hɔ̀ lɛ ɛ́ lé lɔ̀nbiè lɛ ɓén wé pehɔ̀ yìi hũn ɛ́ ɓén ɓàaní cɛ̃̀un ɛ́ pɔní hɔ́ lɔ̀nbuò lɛ wɔ́ khie míkùi ɛ̀ dàá vɛ mìí àá lé dímíɲɛ́ fìi ɓánlɔ́ fúu ɛ̀ dàa ɓen dɛ̃ zoòni, ɛ̀ lɔ̀nbiè lɛ yú lè ǹ ɛ́ yá ɓén bĩní wé wɛ̀. 22Kɛ́ Dɔfĩn ɛ́ hṹn yí fán hɔ́pe wihĩ́ sɔ ǹ, ɛ́ nìnbírɔ dɔ̀ lɛ ɛ́ hṹn ɓén fuen ɛ́ yá wé wɛ̀. Kɛ́ hɔ́ den fɛ́rɛ hɔ̀ ǹ ɓɛ̀ nìnbirìe lɛ ɛ́ Hɔ́ munɛ bòo hũn. 23Kɛ́ nìnbírɔ dɔ̀ ɛ́ ɓɛrɛ bie lɛ́ miɛ ǹ nɛ a Kirisa ɛ́ wi hũ̀nún tàá à wi hũ̀nyéniń, ɛ̀ mì bí dɛsĩ̀ ɓàasɔ ǹ wɛ̀. 24Iè hɔ̀ lɛ ɛ́ pehɔ̀ yìi hũn, ɛ̀ ɓɛ̀ nìnbirìe dɔ̀ ɛ́ wóo ɓén síɛ hĩ́ní ɛ́ bie nɛ ɓɛ́pe ɛ́ temu iè ɓɛ̀pe Kirisaɓɛ àá ɓɛ́ Dɔfĩn bɔ̀háaníriè kɛ́ ɓɛ́ lò yí ɓɛ́pe wɛ̀. Ɓɛ̀ wóo ɓén wé yéréké bòo àá bɔ̀bɛ̃hɛ̃ ɛ̀ dàá khɛ̃̀níkɛ ɓɛ nìnbiriè, kɛ́ hɔ́ yɛ̀rɛ́ hṹn dɛ̀ ɛ́ wé, ɛ̀ hɛ̀rí ɓɛ̀pe lɛ ɛ́ Dɔfĩn ɛ́ munɛ ɛ́ ɓɛ́ pɛ́ khɛ̃̀níkɛ ɛ̀ yí nin. 25Ɛ́ mí húi, ń lò wo sɛ̃̀nɛ́hã̀ bie hɔ̀ ɛ́ lɛ́ miɛ ǹ. 26Ɛ́ kɛ́ nìnbírɔ dɔ̀ ɛ́ bie lɛ́ miɛ ǹ nɛ a van wi hɔ maa hũn, ɛ̀ mì bí vɛ yán wɛ̀; tàá kɛ́ á nɛ a van zɔn wi hɔ zu-bɔ́hĩ́ hũn, ɛ̀ mì bí dɛsĩ̀ hɔ̀ ǹ wɛ̀. 27Kɛ̀a bòo lɛ ɛ́ hɔ́ hóo ɛ́ dàa wóò vɛ ɲiiní àá lé wurù hànlén ɛ̀ ciení lé viì míkùi fúu ɛ̀ khíi vɛ dɛ̃ le wurù línlén, sí iè pe á nìnbírɔ Zuú ɛ́ ɓen vaá-ɓen, ɛ̀ hɔ̀ ɓén wé kɛ̀amu. 28Lè viì lɛ á wìe lɛ húrun ɛ́ wi hũn iè pe ɛ́ ɓɛ́ duuriè ɛ́ wóò vɛ kóo ɓánlɔ̀n hũn.»
À nìnbírɔ Zuú khũ̀á ɓénlɔ́ bòo
Mar 13.24-27; Lik 21.25-28
29«Ɛ́ hɔ́pe lɔ̀nbuò sɔ pɛ̃hṹ ɛ́ ɓen van khie vɔ́, ɛ́ mí làa hũn, ɛ̀ lè wurù ɛ́ ɓén yòó ɛ́ wé síbínú, ɛ̀ lè ǹpĩ́ihṹ ńpiemu ɛ́ yá bĩní wé, ɛ̀ hɔ̀ ńpĩ́inàwuò ɛ́ yòó lé hɔ́ hóohũn ɛ́ kùenkɛ síɛ, ɛ̀ hɔ̀ hóohũn pànkɛ́a ɛ́ ɓén yòó zɛ̀kɛ. 30Ɛ́ hɔ́ bòo lɛ ɛ́ ɔ̀ nìnbírɔ Zuú ɓenlɔ́ bòo ɛ̀ zɛ̃́ní ɛ́ den wo ɓén yòó mi hɔ hóohũn, ɛ́ ɓɛ́ dímíɲɛ́ nìɛ ɓɛ́kùi ɛ́ ɓén cãamɛkɛ. Ɓɛ̀ ɓén mi-ɛ pe nìnbírɔ Zuú kɛ́ á ɛ́ ɓen hɔ̀ hóo dùndùó lɔ̀n àá pànkɛ́ àá ɓàarɔ́ bɔ̀bɛhɔ́. 31Ɛ́ lé bũì ɛ́ ɓén tɛ̀, á wo ɓén tɔn mí mɛlɛkɛɓɛ ɛ́ ɓɛ́ ɛ́ vɛ le sṹsùnù míkùi lɔ̀n, ɛ́ vɛ́ ve ɓɛpe lɛ ɛ́ Dɔfĩn ɛ́ munɛ ɓɛ́kùi ɛ́ ɓen kóo ɓánlɔ̀n lè sṹsùnù lɔ̀n.»
Lè ńluunù kɛ̀ránlɔ́ lɛ ɛ́ lé ɛ́ lɛ́ bòo
Mar 13.28-31; Lik 21.29-33
32«Ɛ́ mí dũń lé ńluunù kɛ̀ránlɔ́ lɛ ɛ́ lé ɛ́ lɛ́ ɲún: pelè ńnɛhɛ̃ ɛ́ ɓen van ɛ́ kùkúkɛ, lɛ kɛ́ pelè ɲɛkɛ̃̀a ɛ́ siɛ ɛ́ sɛ̀, ɛ̀ mì dũ kɛ́ lé vɔyíɛnú ɛ́ lúwi. 33Ɛ́ sí iè hɔ̀pe ɓà ńmàa, ɛ́ pɛ̃̀hṹ lɛ kɛ́ mí ɓiɛ̀ ɓen van loo hɔpe bòo sɔ sí míkùi kɛ́ hɔ́ ɛ́ wé, ɛ̀ mì dũń kɛ́ á nìnbírɔ Zuú ɓenlɔ́ ɛ́ dɛ̃un. 34Nín bie hɔ lɛ́ miɛ ǹ àá bɔ̀bín nɛ hɔpe zoòni lɛ nìɛ ɓɛ́kùi ɛ́ yá ɓén híkɛ ɛ́ vé ɓɛ́kùi kɛ́ hɔ́pe bòo sɔ ɛ́ ɲɛùn yí wé wɛ̀. 35Hɔ̀ hóohũn àá lé sṹsùnù ɛ́ ɓén khíi, kɛ́ niǹ biehĩ́ ɛ́ pe yá khíi yá mi wɛ̀.»
Dɔfĩn mí dòonún ɛ́ temu dũ hɔ́ bòo míkùi vénlɔ́ pɛ̃̀hṹ
Mar 13.32-37; Lik 17.26-30; 17.34-36
36«Kɛ́ hɔ́ ɓén kɛ́ lé sítĩnlɔ́ àá lè yìi lɛ ɛ́ hɔ́pe bòo sɔ ɛ́ ɓén wé hũn, ɛ̀ nìnbírɔ dɔ̀ lɛ ɛ́ dũ hɔ ɛ́ mí wɛ̀. Ɓɛ̀ hóohũn mɛlɛkɛɓɛ ɛ́ yí dũ hɔ, hɛ̀rí à Zuú kùusɔ ɛ́ yí dũ hɔ, kɛ́ á Yàá mí dòonún ɛ́ ɓen bòo mí. 37Hɔ̀ bòo lɛ hàarí wɔ́ á Nowe pɛ̃̀hṹ hũn ɓà ńmàa ɛ́ ɓiɛ̀ ɓén wí-e nìnbírɔ Zuú khũ̀á ɓenlɔ́ yìi hũn. 38Ie hɔ̀ lɛ ɛ́ pɛ̃̀hṹ lɛ ɛ́ hɔ́ hóo ɛ́ dàa hàarí ɲɛùn yí ɓen tè ɛ̀ yáakɛ le dímíɲɛ́, ɛ̀ ɓɛ̀ nìnbirìe ɛ́ hàarí dí kɛ́ ɓɛ́ ɛ́ ɲu, ɛ́ yɛ ɓá ń kɛ́ ɓɛ́ ɛ́ ɓɛ́ nìɛ ɛ̀ yiɛní, fúu ɛ́ van dɛ̃un lè sítĩnlɔ́ lɛ á Nowe ɛ́ dàa yòó zɔn lè ɲumu wiè dɛ̀bɛhɔ́. 39Ɓɛ̀ háarí ɛ́ yá bòo dɔ̀ bòo ɛ̀ lieníkɛ fúu ɛ́ hɔ́ ɲun-bɛhɔ́ ɛ́ ɓɛrɛ ɛ́ fɔ́ ɓɛ́ ɓɛ́kùi. Ɛ́ sí iè pe ɛ́ hɔ́ ɓiɛ̀ ɓén wé kɛ̀amu à nìnbírɔ Zuú khũ̀á ɓenlɔ́ yìi hũn. 40Ɛ́ pehɔ̀ yìi hũn, ɛ̀ báa bìɛ ɲu lɛ van wi le mún hũn ɛ́ tɛ́, ɛ̀ wìcóoní ɛ́ ɓén mìí, àlɛ kɛ́ ɛ́ fùansínin. 41Ɛ̀ hã́a bìɛ ɲu lɛ ɛ́ hɔ̀ bòo ɛ̀ ni le niihṹ lɔ̀n, ɛ́ wìcòoní ɛ́ ɓén mìí, àlɛ kɛ ɛ́ fùansínin. 42Ɛ́ mí piɛní mí yìe, iè hɔ̀ lɛ ɛ́ mí yí dũ le sí lɛ ɛ́ mí Ɲunsɔ ɛ́ vàá ɓen hũn wɛ̀. 43Mì dũń sãàní kɛ́ á zũnù ɓàasɔ ɛ́ hṹn dũ le yìi lɛ á kɛ̃̀míi ɛ́ mii ɓen hũn hɔ̀ sṹnúhṹ, á yá dɛ àá fùansí-e ǹ á ɓen zɔ piè zũnù hũn wɛ̀. 44Ɛ́ sí iè hɔ̀pe ɛ́ mípe ɓiɛ̀ sɛ́sɛ́ míte ɛ̀ dĩ̀ní iè hɔ̀ lɛ á nìnbírɔ Zuú ɛ́ ɓén ɓen lè yìi lɛ ɛ́ mí yá lieníkɛ nɛ a ɓén ɓen hũn wɛ̀.»
À tɔntɛ́ lɛ ɲún ɛ́ cã̀aní àá ɔ́ lɛ ɲún ɛ́ yá cã̀aní bòo
Lik 12.41-48
45«Á iè tɔntɛ́ hɔ́sɔ ɛ́ temu ɲún ɛ́ cã̀aní à lò hɛciri wi? À iè ɔ̀lɛ ɛ́ peɓɛ̀ ɲúnsɔ ɛ́ dɔ́ mí zũnù tɔntɛ́riè húirɔ́ bòo núnú hũn, nɛ a wóo lɛ́ pɛɓɛ̀ díe ɓà ǹ hɔ̀ díe dínlɔ́ yìi hũn. 46Kɛ́ á tɔntɛ́ sɔ ɲúnsɔ ɛ́ van khũ̀á ɓɛrɛ tɛ̀rɛa ɔ̀ kɛ́ á hɔ̀ bòo lɛ á nɛ a wé ɛ̀ wè, à tɔntɛ́ sɔ ɲún ɛ́ tĩ. 47Nín bie hɔ lɛ́ miɛ ǹ nɛ peɓɛ̀ ɲúnsɔ ɛ́ ɓén dé mí zũnù bòo míkùi húirɔ́ bòo piè núnú hũn. 48Kɛ́ á iè tɔntɛ́ koohɔ́, á ɛ́ bie mí tĩì hũn nɛ ɓɛ́ ɲúnsɔ ɛ́ van ɛ́ míì kɛ́ á yá ɓen wɛ̀; 49kɛ́ á wo wóo hĩ́ní hɛ ɓá ńkɔhĩ́ tɔntɛ́riè, à dí kɛ́ á ɛ́ ɲu àá ɓɛ́ ɲɛkhĩɛɓɛ̃́ɓɛ́, 50ɛ́ peɓɛ̀ ɲúnsɔ ɛ́ ɓén vɛ khũ̀á ɛ́ ɓen lè sítĩnlɔ́ lɛ á yá bòo dé hũn, lè yìi lɛ á yí dũ hũn wɛ̀. 51Ɛ́ peɓɛ̀ ɲúnsɔ ɛ́ ɓén biení piè lɔ̀n cɛ̃̀un, à ɛ́ wí-e àá bòo lɛ ɛ́ ɓɛ́ wóò wé àá ɓɛ́ nìhĩ́dériè. Ɛ́ sí iè viì lɛ á den ɓén wírí hũn kɛ́ á bie nɛ kɛ́ mí hṹn dũ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 L’Association Nationale pour la Traduction de la Bible et l’Alphabétisation