མཛད༌པ། 10
10
པ་ཏྲུས་དང་ཀར་ནེ་ལི་ཡཱས།
1ཀའི་ས་རི་ཡ་ག་ ཀར་ནེ་ལི་ཡཱས་དག་ཁཱན་ སོ་ངོ་ཐུར་ཆོ་ཝ༌ལ། ཉི་རོག་ཤོ་ ཨི་ཏྲ་ལི་དག་ཁཱན་ རོ་མི་ག་དམག་མི་སྡེ་ཁག་ག་ སྤྱི་དཔོན་ཐུར་གི་ཝ་ཆོ་ཝ༌ལ། 2རོག་ཤོ་ གནམ་མེད་ས་མེད་ ཆོས་སེམས་ཆོ་ཁཱན་ གི་ཝ་ཆོ་ཝ༌ལ། ཉི་རོག་དང་ རོ་ཀ་ཕའི་ག་སོ་ངོ་བ་ཀི་ དཀོན་མཆོག་ག་ གསོལ་ཝ་ཏབ་ཅ་གི་ཝ༌ལ། ཉི་རོ་ཀི་ དུག་པུ་སོ་ངོ་བ་ཀ་ རུམ་ཅ་གི་ཝ༌ལ། ཉི་ཏ་བུ་རང་ དཀོན་མཆོག་ག་ སྨོན་ལམ་ཞུན་ཅ་གི་ཝ༌ལ། 3ངབ་ཀ་ཆུ་ཚོད་སམ་ཕང་ག་ ཀར་ནེ་ལི་ཡཱས་གི་ མཇལ་ཁ་ཉོང་ཉི་ དཀོན་མཆོག་ག་ ཞིང་ཁམས་ག་འཐེན་པ་གི་ རོ་ཀ་གསུངས་མ་ལ་ ཀར་ནེ་ལི་ཡཱས་དག༌ཉི།
4ཀར་ནེ་ལི་ཡཱས་ ཡོང་ཁེ་ཉི་ ཞིང་ཁམས་ག་འཐེན་པ་ག་ཏཱན་ ཐེ་རེ་རེ་གོད་ཐཱན་ གཙོ་བོ་ གསུངས་ཤོ་དག་ཉི་ ཞུ་ཝ༌ལ།
ཉི་ཞིང་ཁམས་ག་འཐེན་པ་གི་ རོ་ཀ་གསུངས་མ་ལ་ ན་ག་སྨོན་ལམ་དང་ ནཱན་གི་དུག་པུ་བ་ཀ་ ཇ་རོ་ཨ་ཉི་རུམ་ཁཱན་བ་ དཀོན་མཆོག་གི་ སྙན་གསེང་ཉི་གནང་མ༌ཅ། 5ཉི་ཨོམ་ སོ་ངོ་ག་མིང་ སི་མོན་པ་ཏྲུས་དག་ཁཱན་ ར་ལེ་ག་དེན་གེ་ སོ་ངོ་ཚེ་བང་ ཡོབ་པ་ག་ཏཱན་ཀུན་ཏི། 6རོག་ཤོ་ མཚོ་ནེ་མ་ག་ མོང་ནང་ག་ལའི་ཨ་ཁཱན་ སི་མོན་དག་ཁཱན་ག་ཕའི་ག་ ཤི་མིན་ཨ་ཉི་ཆོ་ཝ་ཅ་དག༌ཉི།
7རོག་ཀབ་ཉི་ གསུང་གྲོས་མཛད་ཁཱན་ ཞིང་ཁམས་ག་འཐེན་པ་ བྱོན་མ་ཐུར་ག་རང་ ཀར་ནེ་ལི་ཡཱས་གི་ རོ་ཀ་གཡོག་པ་ཉིག་ཙིང་དང་ རོ་ཀ་ཕྱག་ཞུ་ཉི་ རོག་ཀབ་ཉི་རང་ཆོ་ཁཱན་ དམག་མི་ཐུར་ར་ཝ༌ལ། ཉི་ཨོ་ཉ་དམག་མི་ཤོ་ ཆོས་སེམས་ཆོ་ཁཱན་ ཐུར་གི་ཝ་ཆོ་ཝ༌ལ། 8ཧང་ཇུང་མ་གི་ལ་སྨོ་ ཨོ་ཉ་ཀོར་གེ་ རོ་ཀི་རོག་ཏེ་བ་ཀ་ གསུངས་ཐཱན་ པ་ཏྲུས་ཞུ་ལེ་ག་དེན་གེ་ ཡོབ་པ་ག་ཏཱན་ཀུན་ཏི་ཝ༌ལ༎
པ་ཏྲུས་གི་མཇལ་ཁ་ཉོང་པ༌ལ།
9ནམ་ནིང་ད་བུ་ ཀར་ནེ་ལི་ཡཱས་གི་ ཀུན་ཏི་ཁཱན་འཐེན་པ་བ་ ཁྲོམ་ཆེན་ར་ག་ཤེག་ཅ་ཨ་ཉི་ ངབ་ཀ་ཆུ་ཚོད་སོང་ཉིག་ཙིང་ཕང་ དི་ལ་ཀབ་ཉི་ སྨོན་ལམ་ཞུ་ལེ་ག་དེན་གེ་ པ་ཏྲུས་ ཕའི་ཐུང་ཀ་ཏཱན་བྱོན་མ༌ལ། 10ཉི་རོག་ གསོལཝ་ཀིད་པ་ཅ་གི་ཝ༌ལ། ཉི་ལྟོ་ཅོད་ཉི་ཆོ་ལེ་གང་ཀ་ རོ་ཀི་མཇལ་ཁ་ཉོང་པ༌ལ། 11ཉི་རོ་ཀི་ངམ་ཕེག་པ་ཨ་ཝ་དང་ ཐང་ནང་ད་བུ་ཨ་ཝ་ཐུར་ ཟུར་ཕིཤི་གེ་ཨ་ཉི་ཐིག་ཐཱན་ དོང་ཕ་པ་ཨ་ཝ་ཐོང་མ༌ལ། 12ཉི་ཨོ་ཉ་ཐང་ནང་ ནང་ཀ་ བི་ཕིཤི་ཆོ་ཁཱན་སེམས་ཅན་བ་ ཉི་རུ་གེ་ནང་དང་ ཆུ་སེན་གེ་གོ་ཙུག་ཉི་ ངབ་ཀེ་ཕེན་ཁཱན་ཁ་ ཐམས་ཅན་རང་ ཚང་པ་ཅ་གི་ཝ༌ལ། 13ཉི་པ་ཏྲུས་གི་ གསུང་སྐད་ཐུར་ ན་ཐ་ཝ་ལ་ པ་ཏྲུས་ ག་ཝུན་ཐཱན་ ཨོ་ཐ་བ་ཤེན་ངམ་ཤོ་དག༌ཉི།
14དག་པ་ཀབ་ཉི་ པ་ཏྲུས་གི་ ཞུ་ཝ་ལ་ གཙོ་བོ་ ཇི་གི་ཨུ་ཐུ་ད་བུ་ ཨ་ལེ་མར༌བ། ཧང་ཡ་དག་ནེ་ལ་ དམ་པ་མ་ཁཱན་དང་ མ་ཙང་མ་ཆོ་ཁཱན་བ་ ཧང་རང་གི་ནེ་བུ་ ཇི་གི་ཧ་ལ་རང་ ཟ་ཝ་མཱན་ཅ་ཨ༌ཉི།
15ཨོམ་ཆང་རང་ ཨོ་ཐེན་གསུངས་མ་ག་ ན་ཐ་ཝ་ལ་ དཀོན་མཆོག་གི་ ཙང་མ་ཅོད་ཁཱན་བ་ ནཱན་གི་མ་ཙང་མ་གི་ལ་ཨ་ཉི་ མ་ཡེག་ཅོ་དག༌ཉི། 16ཨོ་ཐེན་ཨ་ཉི་རང་ ཤེབ་སམ་སག་པུ་ མཇལ་ཁ་གནང་མ༌ལ། ཉི་གེ་ ཨོ་ཉ་ཐང་ནང་ཁེ་པ་ ཞིང་ཁམས་ག་ཏཱན་ ལོག་ཉི་བསྣམས་པ༌ལ།
17པ་ཏྲུས་གི་ ཨོ་ཉ་མཇལ་ཁ་ག་དེན་ཐ་ཤོ་ ཧང་གི་ས་ཨ་ཉི་ སེམས་མི་ཉི་ཆོ་ལ་ཀབ་ཉི་ ཀར་ནེ་ལི་ཡཱས་གི་ ཀུན་ཏི་ཁཱན་སོ་ངོ་བ་ཀི་ སི་མོན་ག་ཕའི་ལམ་ཐོང་ཉི་ ཕིས་ཀ་མ་ཀོ་ག་ཐིང་ཉི་ ཆོ་ཝ་ཅ་གི་ཝ༌ལ། 18རོག་ཏེ་བ་ཀི་ སི་མོན་པ་ཏྲུས་ བཞུགས་ཁཱན་ཕའི་ ཨུ་ཐུ་སྨོ་ཨ་ཉི་ ཇི་མ༌ལ།
19པ་ཏྲུས་ ཨོ་ཉ་མཇལ་ཁ་ཀོར་གེ་ སེམས་མི་ཉི་ཆོ་ལེ་གང་ཀ་ དམ་པའི་ཐུགས་ཉིད་གི་ རོ་ཀ་གསུངས་མ་ལ་ ཉཱན་ཅོ་ སོ་ངོ་སམ་གི་ ནཱན་ལམ༌ལ། 20ཉི་ག་ཐིང་ཐཱན་ དོང་འོག་ཀ་དི་ཉི་ སེམས་ཀ་དོགས་པ་ ད་སུར་རང་ མ་སག་པཱན་ རོག་ཏེ་བ་ཀབ་ཉི་དི། ཧང་ཡ་དག་ནེ་ལ་ རོག་ཏེ་བ་ ཇི་གི་ཀུན་ཏི་ཝ་གི་ལ་ཨ༌ཉི།
21ཉི་པ་ཏྲུས་ དོང་འོག་ཀ་དིན་ཐཱན་ ཨོ་ཉ་སོ་ངོ་བ་ཀ་ གསུངས་མ་ལ་ ན་ཤི་ལམ་ཁཱན་སོ་ངོ་ ཇང་གི༌ལ། ནའི་ཐ་ག་ ཧང་ཨ་ཉི་ ཨོ་ཕ་ཡ་དག༌ཉི།
22རོག་ཏེ་བ་ཀི་ ལན་ཞུ་ཝ་ལ་ ཨ་ཧ་བ་ སྤྱི་དཔོན་ཀར་ནེ་ལི་ཡཱས་གི་ ཀུན་ཏི་ཝ་གི༌ལ། རོག་ཤོ་ གནམ་མེད་ས་མེད་ ཆོས་སེམས༌ཅ། ཉི་རོ་ཀི་ དཀོན་མཆོག་གེ་ཡོང་ཁེན༌ཅ། ཨོ་ཉི་ཨ་དེན་གེ་ ཡ་ཧུ་དི་པ་ སོ་ངོ་བ་ཀི་བུ་ རོ་ཀ་གུས་ཞབས་ཨན༌ཅ། དམ་པའི་ཞིང་ཁམས་ག་འཐེན་པ་གི་ རོ་ཀ་གསུངས་མ་ཆོ་ཝ་ ནཱན་གི་ རོ་ཀ་གསུང་བཤད་པེ་དེན་གེ་ ནཱན་རོ་ཀ་ཕའི་ག་ཞུའི་ཨ༌ཉི། 23ཉི་པ་ཏྲུས་གི་ རོག་ཏེ་བ་ ཨོ་ཉ་བི་ནང་ཐུར་ རོ་ཀ་ཤི་མིན་ཨ་ཉི་ཆོའི་དག་ཉི་ གསུངས་མ༌ལ། ནམ་ནིང་ད་བུ་ པ་ཏྲུས་ ཨོ་ཉ་སོ་ངོ་བ་ཀབ་ཉི་ བྱོན་མ༌ལ། ཉི་ཡོབ་པ་གེ་ དད་པ་ཨ་ཁཱན་ཚེ་བང་བུ་ རོ་ཀ་ཕྱག་ཞུ་ཉི་དི་ཝ༌ལ།
24ནམ་ནིང་དག་པ་ཀབ་ཉི་ རོག་ཏེ་བ་ ཀའི་ས་རི་ཡ་ག་ ཕེབས་པ༌ལ། ཉི་ཀར་ནེ་ལི་ཡཱས་གི་ རོ་ཀ་ཡུང་ཟི་བ་དང་ ཇ་རོ་ཅིག་པུ་བ་ ཏབ་ཐུར་རཱན་ཐཱན་ པ་ཏྲུས་དང་ བཱརའ་ཤི་མིན་བ་ཀ་དེན་གེ་ ནོང་ཉི་ཆོ་ཝ་ཅ་གི་ཝ༌ལ། 25པ་ཏྲུས་ ཕའི་ནང་ཀ་ཕེབས་པ་ཀབ་ཉི་ ཀར་ནེ་ལི་ཡཱས་གི་ རོག་རུམ་ཐཱན་ ཉི་རོ་ཀ་ཞབས་ག་ཕྱག་ཕུལ་ཉི་ མགུར་མ་ཞུ་ཝ༌ལ། 26དག་པ་ཀབ་ཉི་ པ་ཏྲུས་གི་ རོག་ག་ཇག་ཐཱན་ གསུངས་མ་ལ་ ག་ཐིང་ཤོ་ ཇང་བུ་ ནཱན་ད་བུ་རང་ སོ་ངོ་ཐུར་ཤ་གི་ལ་ཨ༌ཉི། 27རོག་ཀར་ནེ་ལི་ཡཱས་ཀབ་ཉི་ གསུང་གྲོས་མཛད་ཉི་རང་ ནང་ཀ་བྱོན་ཅ་ཨ་ཉི་ རོ་ཀི་སོ་ངོ་མང་པུ་ཐུར་ ཛོ་མ་ཐོང་མ༌ལ།
28པ་ཏྲུས་གི་ རོག་ཏེ་བ་ཀ་ གསུངས་མ་ལ་ ནའི་ནའི་ཏེན་གི་རང་སེན་ཅ་ ཡ་ཧུ་དི་པ་ག་ བཀའ་ཁྲིམས་དང་ཏུ་ཉི་ ཡ་ཧུ་དི་པ་བ་ཀི་ ཡ་ཧུ་དི་པ་མང་གི་ཁཱན་ སོ་ངོ་བ་ཀ་པོང་ཀ་ཆོ་ལེ་ག་ ཡང་ན་ལ་ ཤོ་ཉི་གོད་པེ་ག་ མ་ཆོག་པ་ཨ༌ཉི། ཨོ་ཉེ་རང་གི་ནེ་བུ་ སོ་ངོ་ཨི་བི་རང་གི་ནེ་བུ་ དམ་པ་མ་ཁཱན་དང་ མ་ཙང་མ་མ་རྩིས་ཨ་ཉི་ དཀོན་མཆོག་གི་ ཇ་ག་གེན་ཉི་གནང་མ༌ཅ། 29ཨོ་ཉི་ཨ་དེན་གེ་ ཇང་ཐ་ག་ཀུན་ཏི་ལ་ཀབ་ཉི་ ཇི་གི་ཧང་རང་མ་ཡེག་པཱན་ཨོ་ཕ། ཨོམ་ ན་ཤི་ཇ་ག་ཡེག་ཅོ་ ཇང་ར་ལེ་ག་ ཧང་ཨ་ཉི་ ཀུན་ཏི་ཝ་ཡ་དག༌ཉི།
30ཀར་ནེ་ལི་ཡཱས་གི་ རོ་ཀ་ཞུ་ཝ་ལ་ ནོང་ཕིཤི་གེ་གོ་མ་ ཇང་ཇ་ག་ཕའི་ནང་ཀ་ ངབ་ཀ་ཆུ་ཚོད་སམ་ག་ སྨོན་ལམ་ཏབ་ཉི་ ཆོ་ཝ་ཆོ༌ཝ། ཡིད་ཀ་རྣམ་ཏོག་མ་ཝ་ ཁ་མུང་འོད་ཆར་བ་ཨ་ཝ་ ཡེ་ཁཱན་སོ་ངོ་ཐུར་ ཇ་ག་གུབ་ཀ་ཐིང་ཉི་ ཆོ་ཝ་ཆོ༌ཝ། 31རོ་ཀི་ཇ་ག་ ཀར་ནེ་ལི་ཡཱས་ ན་ག་སྨོན་ལམ་དང་ ནཱན་གི་དུག་པུ་བ་ཀ་ ཇ་རོ་ཨ་ཉི་ རུམ་ཁཱན་བ་ དཀོན་མཆོག་གི་ སྙན་གསེང་ཉི་གནང་མ༌ཅ། 32ཉི་ཨོམ་ སོ་ངོ་ག་མིང་ སི་མོན་པ་ཏྲུས་དག་ཁཱན་ ར་ལེ་ག་དེན་གེ་ སོ་ངོ་ཚེ་བང་ དོང་ཡོབ་པ་ག་ཏཱན་ཀུན་ཏི། རོག་ཤོ་ མཚོ་ནེ་མ་ག་ མོང་ནང་ག་ལའི་ཨ་ཁཱན་ སི་མོན་དག་ཁཱན་ག་ཕའི་ག་ ཤི་མིན་ཨ་ཉི་ཆོ་ཝ་ཅ་དག་ཉི་ གསུངས་ཆོ༌ཝ། 33ཉི་ཨོ་ཉ་ཐྲེ་ཀེ་རང་ ཇི་གི་ ནཱན་ཞུ་ལེ་ག་ཀུན་ཏི༌ཝ། ཉི་ནཱན་ཐ་ག་བྱོན་ཉི་ གནམ་མེད་ས་མེད་ ལེག་པུ་དི༌ཝ། ཉི་ཨོམ་ གཙོ་བོ་གི་ ན་ག་གནང་ཁཱན་བ་ ཉཱན་པེ་དེན་གེ་ ཨའི་ཐམས་ཅན་རང་ དཀོན་མཆོག་ག་ སྐུན་མདུན་ག་ཅ་ཨ༌ཉི༎
ཡ་ཧུ་དི་པ་མང༌གི༌ཁཱན༌བ༌ཀི་ འཐེན་ལེག༌པུ་ཉོང༌པ༌ལ།
34ཉི་པ་ཏྲུས་གི་ ལན་གནང་ཉི་ ཨོམ་གི་ནེ་ལ་ ཏེན་ཏེན་རང་ དཀོན་མཆོག་གི་ སོ་ངོ་ཐམས་ཅན་རང་ དོ་ལུ་ཙི་ན་ཨ་ཉི་ ཇི་གི་ཧ་གོ་ལེ་རེ༌བ། 35རྒྱལ་ཁབ་ཧང་ད་བུ་ག་ སོ་ངོ་རང་གི་ནེ་བུ་ རོ་ཀ་མགུར་མ་ཞུ་ཁཱན་བ་དང་ ལའི་དེན་པ་ཨ་ཁཱན་བ་ཀབ་ཉི་ དཀོན་མཆོག་ ཐུགས་བཞེན༌ཅ། 36ན་ཤི་སེན་ཅ་ དཀོན་མཆོག་གི་ ཨིས་རེལ་ག་ སོ་ངོ་བ་ཀ་དེན་གེ་ གནང་ཁཱན་གསུང་ཤོ་ ཡི་ཤུ་ཁིརིས་ག་ཐུང་ཀེ་ཨ་ཉི་ གནང་ཁཱན་སྐྱིད་པུ་ག་ འཐེན་ལེག་པུ་གི༌ལ། ཉི་རོག་ཤོ་ ཐམས་ཅན་ག་ གཙོ་བོ་གི༌ལ། 37ཡ་ཧུ་དི་ཡ་ ཐམས་ཅན་ག་ ཧང་ཇུང་མ་གི་ལ་སྨོ་ ན་ཤི་སེན༌ཅ། ཨུ་ཐུ་ཤོ་ ག་ལིལ་ག་ ཡུ་ཧན་ན་གི་ སོ་ངོ་ཐམས་ཅན་ག་ ཁྲུས་གསོར་ག་ཀོར་གེ་ བཤད་ཏེན་གེ་ གོ་ཙུག་པ་གི༌ལ། 38དཀོན་མཆོག་གི་ ནཱས་རཱད་ག་ཡི་ཤུ་ག་ དམ་པའི་ཐུགས་ཉིད་དང་ སྟོབས་དབང་གནང་མ༌ལ། ཉི་ཡི་ཤུ་གི་ ཕྱག་ལཱ་ལེག་པུ་མཛད་ཉི་ བདུད་ཀ་དབང་ག་ ཕརའ་ཁེ་ཆོ་ཁཱན་བ་ ཐམས་ཅན་རང་ དྲག་ཉི་རང་ ལེང་ཐེང་བྱོན་ཉི་ ཨ་ལ་ཀབ་ཉི་ རོག་ཀབ་ཉི་ དཀོན་མཆོག་བཞུགས་པ་ཆོ༌ཝ། 39ཡི་ཤུ་གི་ ཨིས་རེལ་དང་ ཁྲོམ་ཆེན་ཡ་རུ་ཤ་ལེམ་ག་ ཧང་མཛད་པ་གི་ལ་སྨོ་ ཨའི་ཐམས་ཅན་གི་ཐོང༌མ། དག་པ་ཀབ་ཉི་ ཡ་རུ་ཤ་ལེམ་ག་ ཡ་ཧུ་དི་པ་བ་ཀི་ རོག་ཁྲིམས་ཤིང་ཐུང་ཀ་ཇཱན་ཉི་བཀྲོངས༌མ། 40དག་པ་ཀབ་ཉི་ ངམ་སམ་ག་ཚི་ངེ་ དཀོན་མཆོག་གི་ ཡི་ཤུ་གཤགས་པ་གེ་ ལོག་ཉི་བཞེངས་གནང༌མ། ཉི་མཇལ་བེ་རེ་བ་ག་ ཅོད་ཉི་གནང༌མ། 41སོ་ངོ་ཐམས་ཅན་གི་ རོག་མཇལ་བེ་མར་ཤི། དག་པ་ཀབ་ཉི་ དཀོན་མཆོག་གི་ གོ་མ་གེ་རང་སི་ཁཱན་ ཨའི་འཛོམས་དཔང་ཨ་ཁཱན་བ་ཀི་ རོག་མཇལ་བེ་རེ༌བ། ཨའི་ཤོ་ རོག་གཤགས་པ་གེ་ ལོག་ཉི་བཞེངས་ཏེན་གེ་ རོག་ཀབ་ཉི་ ཏབ་ཐུར་ག་ ཟ་ཉི་ཇམ་ཁཱན་བ་གི༌ལ། 42ཡི་ཤུ་ཤོ་ གསོན་པོ་བ་དང་ ཤི་ཁཱན་བ་ ཁྲིམས་ཅཱད་ཁཱན་ཨ་ཉི་ དཀོན་མཆོག་གི་ སི་ཝ་གི་ལ་ཨ་ཉི་ སོ་ངོ་བ་ཀ་ཡེག་ཅོ་དག་ཉི་ རོ་ཀི་ཨ་ཧ་གསུངས་མ༌ཅ། 43རོ་ཀ་དད་པ་ཨ་ཁཱན་ ཐམས་ཅན་ག་ སྡིག་པ་བ་ རོ་ཀ་མཚན་གེ་ཨ་ཉི་ བཤགས་པ་གནང་མེ་དག་ཉི་ ལུང་བསྟན་པ་ ཐམས་ཅན་གི་ རོ་ཀ་ཀོར་གེ་ ལུང་བསྟན་མ༌ཅ༎
ཡ་ཧུ་དི༌པ་མང༌གི༌ཁཱན༌བ༌ཀི་ དམ༌པའི་ཐུགས༌ཉིད་ཉོང༌པ༌ལ།
44པ་ཏྲུས་གི་ ཨོ་ཐ་བ་གསུངས་མེ་གང་ཀ་ གསུང་ན་ཐ་ཁཱན་ ཐམས་ཅན་ག་ཐུང་ཀ་ དམ་པའི་ཐུགས་ཉིད་ བྱོན་མ༌ལ། 45ཡ་ཧུ་དི་པ་མང་གི་ཁཱན་བ་ཀི་ དམ་པའི་ཐུགས་ཉིད་ཉོང་པ་ག་ ཐོང་མ་ཀབ་ཉི་ པ་ཏྲུས་ཀབ་ཉི་ཏབ་ཐུར་ཨུ་ཁཱན་ དད་པ་ཨ་ཁཱན་ ཡ་ཧུ་དི་པ་བ་ ཡིད་ཆི་ཝ༌ལ། 46ཨོ་ཐ་དད་པ་ཨ་ཁཱན་ ཡ་ཧུ་དི་པ་བ་ཀི་ ཡ་ཧུ་དི་པ་མང་གི་ཁཱན་བ་ཀི་ ལོ་སོ་སུ་ཕི་ཝ་ག་དང་ དཀོན་མཆོག་ག་ བསྟོད་པ་ཕུལ་བ་ག་ ན་ཐ་ཝ༌ལ། ཉི་པ་ཏྲུས་གི་ གསུངས་མ་ལ་ 47ཨོ་ཐ་སོ་ངོ་བ་ རི་ག་ཁྲུས་གསོར་མ་བི་ལཱན་ ཨི་བི་གི་ ཐ་ལེ་རེ་བེ་ཡ། ཧང་ཡ་དག་ནེ་ལ་ ཨ་ཤི་ཉོང་པ་པུརུས་ཀིན་ཨ་ཉི་ རོག་ཏེ་བ་ཀི་བུ་ དམ་པའི་ཐུགས་ཉིད་ ཉོང་པ་དག༌ཉི། 48པ་ཏྲུས་གི་ རོག་ཏེ་བ་ཀི་ ཡི་ཤུ་ཁིརིས་ག་མཚན་ག་ ཁྲུས་གསོར་ཞུ་ལེ་ཁེ་ལེ་ཨ་ཉི་ བཀའ་གནང་མ༌ལ། ཉི་རོག་ཏེ་བ་ཀི་ པ་ཏྲུས་ག་ ནོང་ཉིག་ཙིང་སམ་ཕང་ རོག་ཏེ་བ་ཀབ་ཉི་ བཞུགས་ཅོ་ཨ་ཉི་ ཞུ་ཝ༌ལ༎
Currently Selected:
མཛད༌པ། 10: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མཛད༌པ། 10
10
པ་ཏྲུས་དང་ཀར་ནེ་ལི་ཡཱས།
1ཀའི་ས་རི་ཡ་ག་ ཀར་ནེ་ལི་ཡཱས་དག་ཁཱན་ སོ་ངོ་ཐུར་ཆོ་ཝ༌ལ། ཉི་རོག་ཤོ་ ཨི་ཏྲ་ལི་དག་ཁཱན་ རོ་མི་ག་དམག་མི་སྡེ་ཁག་ག་ སྤྱི་དཔོན་ཐུར་གི་ཝ་ཆོ་ཝ༌ལ། 2རོག་ཤོ་ གནམ་མེད་ས་མེད་ ཆོས་སེམས་ཆོ་ཁཱན་ གི་ཝ་ཆོ་ཝ༌ལ། ཉི་རོག་དང་ རོ་ཀ་ཕའི་ག་སོ་ངོ་བ་ཀི་ དཀོན་མཆོག་ག་ གསོལ་ཝ་ཏབ་ཅ་གི་ཝ༌ལ། ཉི་རོ་ཀི་ དུག་པུ་སོ་ངོ་བ་ཀ་ རུམ་ཅ་གི་ཝ༌ལ། ཉི་ཏ་བུ་རང་ དཀོན་མཆོག་ག་ སྨོན་ལམ་ཞུན་ཅ་གི་ཝ༌ལ། 3ངབ་ཀ་ཆུ་ཚོད་སམ་ཕང་ག་ ཀར་ནེ་ལི་ཡཱས་གི་ མཇལ་ཁ་ཉོང་ཉི་ དཀོན་མཆོག་ག་ ཞིང་ཁམས་ག་འཐེན་པ་གི་ རོ་ཀ་གསུངས་མ་ལ་ ཀར་ནེ་ལི་ཡཱས་དག༌ཉི།
4ཀར་ནེ་ལི་ཡཱས་ ཡོང་ཁེ་ཉི་ ཞིང་ཁམས་ག་འཐེན་པ་ག་ཏཱན་ ཐེ་རེ་རེ་གོད་ཐཱན་ གཙོ་བོ་ གསུངས་ཤོ་དག་ཉི་ ཞུ་ཝ༌ལ།
ཉི་ཞིང་ཁམས་ག་འཐེན་པ་གི་ རོ་ཀ་གསུངས་མ་ལ་ ན་ག་སྨོན་ལམ་དང་ ནཱན་གི་དུག་པུ་བ་ཀ་ ཇ་རོ་ཨ་ཉི་རུམ་ཁཱན་བ་ དཀོན་མཆོག་གི་ སྙན་གསེང་ཉི་གནང་མ༌ཅ། 5ཉི་ཨོམ་ སོ་ངོ་ག་མིང་ སི་མོན་པ་ཏྲུས་དག་ཁཱན་ ར་ལེ་ག་དེན་གེ་ སོ་ངོ་ཚེ་བང་ ཡོབ་པ་ག་ཏཱན་ཀུན་ཏི། 6རོག་ཤོ་ མཚོ་ནེ་མ་ག་ མོང་ནང་ག་ལའི་ཨ་ཁཱན་ སི་མོན་དག་ཁཱན་ག་ཕའི་ག་ ཤི་མིན་ཨ་ཉི་ཆོ་ཝ་ཅ་དག༌ཉི།
7རོག་ཀབ་ཉི་ གསུང་གྲོས་མཛད་ཁཱན་ ཞིང་ཁམས་ག་འཐེན་པ་ བྱོན་མ་ཐུར་ག་རང་ ཀར་ནེ་ལི་ཡཱས་གི་ རོ་ཀ་གཡོག་པ་ཉིག་ཙིང་དང་ རོ་ཀ་ཕྱག་ཞུ་ཉི་ རོག་ཀབ་ཉི་རང་ཆོ་ཁཱན་ དམག་མི་ཐུར་ར་ཝ༌ལ། ཉི་ཨོ་ཉ་དམག་མི་ཤོ་ ཆོས་སེམས་ཆོ་ཁཱན་ ཐུར་གི་ཝ་ཆོ་ཝ༌ལ། 8ཧང་ཇུང་མ་གི་ལ་སྨོ་ ཨོ་ཉ་ཀོར་གེ་ རོ་ཀི་རོག་ཏེ་བ་ཀ་ གསུངས་ཐཱན་ པ་ཏྲུས་ཞུ་ལེ་ག་དེན་གེ་ ཡོབ་པ་ག་ཏཱན་ཀུན་ཏི་ཝ༌ལ༎
པ་ཏྲུས་གི་མཇལ་ཁ་ཉོང་པ༌ལ།
9ནམ་ནིང་ད་བུ་ ཀར་ནེ་ལི་ཡཱས་གི་ ཀུན་ཏི་ཁཱན་འཐེན་པ་བ་ ཁྲོམ་ཆེན་ར་ག་ཤེག་ཅ་ཨ་ཉི་ ངབ་ཀ་ཆུ་ཚོད་སོང་ཉིག་ཙིང་ཕང་ དི་ལ་ཀབ་ཉི་ སྨོན་ལམ་ཞུ་ལེ་ག་དེན་གེ་ པ་ཏྲུས་ ཕའི་ཐུང་ཀ་ཏཱན་བྱོན་མ༌ལ། 10ཉི་རོག་ གསོལཝ་ཀིད་པ་ཅ་གི་ཝ༌ལ། ཉི་ལྟོ་ཅོད་ཉི་ཆོ་ལེ་གང་ཀ་ རོ་ཀི་མཇལ་ཁ་ཉོང་པ༌ལ། 11ཉི་རོ་ཀི་ངམ་ཕེག་པ་ཨ་ཝ་དང་ ཐང་ནང་ད་བུ་ཨ་ཝ་ཐུར་ ཟུར་ཕིཤི་གེ་ཨ་ཉི་ཐིག་ཐཱན་ དོང་ཕ་པ་ཨ་ཝ་ཐོང་མ༌ལ། 12ཉི་ཨོ་ཉ་ཐང་ནང་ ནང་ཀ་ བི་ཕིཤི་ཆོ་ཁཱན་སེམས་ཅན་བ་ ཉི་རུ་གེ་ནང་དང་ ཆུ་སེན་གེ་གོ་ཙུག་ཉི་ ངབ་ཀེ་ཕེན་ཁཱན་ཁ་ ཐམས་ཅན་རང་ ཚང་པ་ཅ་གི་ཝ༌ལ། 13ཉི་པ་ཏྲུས་གི་ གསུང་སྐད་ཐུར་ ན་ཐ་ཝ་ལ་ པ་ཏྲུས་ ག་ཝུན་ཐཱན་ ཨོ་ཐ་བ་ཤེན་ངམ་ཤོ་དག༌ཉི།
14དག་པ་ཀབ་ཉི་ པ་ཏྲུས་གི་ ཞུ་ཝ་ལ་ གཙོ་བོ་ ཇི་གི་ཨུ་ཐུ་ད་བུ་ ཨ་ལེ་མར༌བ། ཧང་ཡ་དག་ནེ་ལ་ དམ་པ་མ་ཁཱན་དང་ མ་ཙང་མ་ཆོ་ཁཱན་བ་ ཧང་རང་གི་ནེ་བུ་ ཇི་གི་ཧ་ལ་རང་ ཟ་ཝ་མཱན་ཅ་ཨ༌ཉི།
15ཨོམ་ཆང་རང་ ཨོ་ཐེན་གསུངས་མ་ག་ ན་ཐ་ཝ་ལ་ དཀོན་མཆོག་གི་ ཙང་མ་ཅོད་ཁཱན་བ་ ནཱན་གི་མ་ཙང་མ་གི་ལ་ཨ་ཉི་ མ་ཡེག་ཅོ་དག༌ཉི། 16ཨོ་ཐེན་ཨ་ཉི་རང་ ཤེབ་སམ་སག་པུ་ མཇལ་ཁ་གནང་མ༌ལ། ཉི་གེ་ ཨོ་ཉ་ཐང་ནང་ཁེ་པ་ ཞིང་ཁམས་ག་ཏཱན་ ལོག་ཉི་བསྣམས་པ༌ལ།
17པ་ཏྲུས་གི་ ཨོ་ཉ་མཇལ་ཁ་ག་དེན་ཐ་ཤོ་ ཧང་གི་ས་ཨ་ཉི་ སེམས་མི་ཉི་ཆོ་ལ་ཀབ་ཉི་ ཀར་ནེ་ལི་ཡཱས་གི་ ཀུན་ཏི་ཁཱན་སོ་ངོ་བ་ཀི་ སི་མོན་ག་ཕའི་ལམ་ཐོང་ཉི་ ཕིས་ཀ་མ་ཀོ་ག་ཐིང་ཉི་ ཆོ་ཝ་ཅ་གི་ཝ༌ལ། 18རོག་ཏེ་བ་ཀི་ སི་མོན་པ་ཏྲུས་ བཞུགས་ཁཱན་ཕའི་ ཨུ་ཐུ་སྨོ་ཨ་ཉི་ ཇི་མ༌ལ།
19པ་ཏྲུས་ ཨོ་ཉ་མཇལ་ཁ་ཀོར་གེ་ སེམས་མི་ཉི་ཆོ་ལེ་གང་ཀ་ དམ་པའི་ཐུགས་ཉིད་གི་ རོ་ཀ་གསུངས་མ་ལ་ ཉཱན་ཅོ་ སོ་ངོ་སམ་གི་ ནཱན་ལམ༌ལ། 20ཉི་ག་ཐིང་ཐཱན་ དོང་འོག་ཀ་དི་ཉི་ སེམས་ཀ་དོགས་པ་ ད་སུར་རང་ མ་སག་པཱན་ རོག་ཏེ་བ་ཀབ་ཉི་དི། ཧང་ཡ་དག་ནེ་ལ་ རོག་ཏེ་བ་ ཇི་གི་ཀུན་ཏི་ཝ་གི་ལ་ཨ༌ཉི།
21ཉི་པ་ཏྲུས་ དོང་འོག་ཀ་དིན་ཐཱན་ ཨོ་ཉ་སོ་ངོ་བ་ཀ་ གསུངས་མ་ལ་ ན་ཤི་ལམ་ཁཱན་སོ་ངོ་ ཇང་གི༌ལ། ནའི་ཐ་ག་ ཧང་ཨ་ཉི་ ཨོ་ཕ་ཡ་དག༌ཉི།
22རོག་ཏེ་བ་ཀི་ ལན་ཞུ་ཝ་ལ་ ཨ་ཧ་བ་ སྤྱི་དཔོན་ཀར་ནེ་ལི་ཡཱས་གི་ ཀུན་ཏི་ཝ་གི༌ལ། རོག་ཤོ་ གནམ་མེད་ས་མེད་ ཆོས་སེམས༌ཅ། ཉི་རོ་ཀི་ དཀོན་མཆོག་གེ་ཡོང་ཁེན༌ཅ། ཨོ་ཉི་ཨ་དེན་གེ་ ཡ་ཧུ་དི་པ་ སོ་ངོ་བ་ཀི་བུ་ རོ་ཀ་གུས་ཞབས་ཨན༌ཅ། དམ་པའི་ཞིང་ཁམས་ག་འཐེན་པ་གི་ རོ་ཀ་གསུངས་མ་ཆོ་ཝ་ ནཱན་གི་ རོ་ཀ་གསུང་བཤད་པེ་དེན་གེ་ ནཱན་རོ་ཀ་ཕའི་ག་ཞུའི་ཨ༌ཉི། 23ཉི་པ་ཏྲུས་གི་ རོག་ཏེ་བ་ ཨོ་ཉ་བི་ནང་ཐུར་ རོ་ཀ་ཤི་མིན་ཨ་ཉི་ཆོའི་དག་ཉི་ གསུངས་མ༌ལ། ནམ་ནིང་ད་བུ་ པ་ཏྲུས་ ཨོ་ཉ་སོ་ངོ་བ་ཀབ་ཉི་ བྱོན་མ༌ལ། ཉི་ཡོབ་པ་གེ་ དད་པ་ཨ་ཁཱན་ཚེ་བང་བུ་ རོ་ཀ་ཕྱག་ཞུ་ཉི་དི་ཝ༌ལ།
24ནམ་ནིང་དག་པ་ཀབ་ཉི་ རོག་ཏེ་བ་ ཀའི་ས་རི་ཡ་ག་ ཕེབས་པ༌ལ། ཉི་ཀར་ནེ་ལི་ཡཱས་གི་ རོ་ཀ་ཡུང་ཟི་བ་དང་ ཇ་རོ་ཅིག་པུ་བ་ ཏབ་ཐུར་རཱན་ཐཱན་ པ་ཏྲུས་དང་ བཱརའ་ཤི་མིན་བ་ཀ་དེན་གེ་ ནོང་ཉི་ཆོ་ཝ་ཅ་གི་ཝ༌ལ། 25པ་ཏྲུས་ ཕའི་ནང་ཀ་ཕེབས་པ་ཀབ་ཉི་ ཀར་ནེ་ལི་ཡཱས་གི་ རོག་རུམ་ཐཱན་ ཉི་རོ་ཀ་ཞབས་ག་ཕྱག་ཕུལ་ཉི་ མགུར་མ་ཞུ་ཝ༌ལ། 26དག་པ་ཀབ་ཉི་ པ་ཏྲུས་གི་ རོག་ག་ཇག་ཐཱན་ གསུངས་མ་ལ་ ག་ཐིང་ཤོ་ ཇང་བུ་ ནཱན་ད་བུ་རང་ སོ་ངོ་ཐུར་ཤ་གི་ལ་ཨ༌ཉི། 27རོག་ཀར་ནེ་ལི་ཡཱས་ཀབ་ཉི་ གསུང་གྲོས་མཛད་ཉི་རང་ ནང་ཀ་བྱོན་ཅ་ཨ་ཉི་ རོ་ཀི་སོ་ངོ་མང་པུ་ཐུར་ ཛོ་མ་ཐོང་མ༌ལ།
28པ་ཏྲུས་གི་ རོག་ཏེ་བ་ཀ་ གསུངས་མ་ལ་ ནའི་ནའི་ཏེན་གི་རང་སེན་ཅ་ ཡ་ཧུ་དི་པ་ག་ བཀའ་ཁྲིམས་དང་ཏུ་ཉི་ ཡ་ཧུ་དི་པ་བ་ཀི་ ཡ་ཧུ་དི་པ་མང་གི་ཁཱན་ སོ་ངོ་བ་ཀ་པོང་ཀ་ཆོ་ལེ་ག་ ཡང་ན་ལ་ ཤོ་ཉི་གོད་པེ་ག་ མ་ཆོག་པ་ཨ༌ཉི། ཨོ་ཉེ་རང་གི་ནེ་བུ་ སོ་ངོ་ཨི་བི་རང་གི་ནེ་བུ་ དམ་པ་མ་ཁཱན་དང་ མ་ཙང་མ་མ་རྩིས་ཨ་ཉི་ དཀོན་མཆོག་གི་ ཇ་ག་གེན་ཉི་གནང་མ༌ཅ། 29ཨོ་ཉི་ཨ་དེན་གེ་ ཇང་ཐ་ག་ཀུན་ཏི་ལ་ཀབ་ཉི་ ཇི་གི་ཧང་རང་མ་ཡེག་པཱན་ཨོ་ཕ། ཨོམ་ ན་ཤི་ཇ་ག་ཡེག་ཅོ་ ཇང་ར་ལེ་ག་ ཧང་ཨ་ཉི་ ཀུན་ཏི་ཝ་ཡ་དག༌ཉི།
30ཀར་ནེ་ལི་ཡཱས་གི་ རོ་ཀ་ཞུ་ཝ་ལ་ ནོང་ཕིཤི་གེ་གོ་མ་ ཇང་ཇ་ག་ཕའི་ནང་ཀ་ ངབ་ཀ་ཆུ་ཚོད་སམ་ག་ སྨོན་ལམ་ཏབ་ཉི་ ཆོ་ཝ་ཆོ༌ཝ། ཡིད་ཀ་རྣམ་ཏོག་མ་ཝ་ ཁ་མུང་འོད་ཆར་བ་ཨ་ཝ་ ཡེ་ཁཱན་སོ་ངོ་ཐུར་ ཇ་ག་གུབ་ཀ་ཐིང་ཉི་ ཆོ་ཝ་ཆོ༌ཝ། 31རོ་ཀི་ཇ་ག་ ཀར་ནེ་ལི་ཡཱས་ ན་ག་སྨོན་ལམ་དང་ ནཱན་གི་དུག་པུ་བ་ཀ་ ཇ་རོ་ཨ་ཉི་ རུམ་ཁཱན་བ་ དཀོན་མཆོག་གི་ སྙན་གསེང་ཉི་གནང་མ༌ཅ། 32ཉི་ཨོམ་ སོ་ངོ་ག་མིང་ སི་མོན་པ་ཏྲུས་དག་ཁཱན་ ར་ལེ་ག་དེན་གེ་ སོ་ངོ་ཚེ་བང་ དོང་ཡོབ་པ་ག་ཏཱན་ཀུན་ཏི། རོག་ཤོ་ མཚོ་ནེ་མ་ག་ མོང་ནང་ག་ལའི་ཨ་ཁཱན་ སི་མོན་དག་ཁཱན་ག་ཕའི་ག་ ཤི་མིན་ཨ་ཉི་ཆོ་ཝ་ཅ་དག་ཉི་ གསུངས་ཆོ༌ཝ། 33ཉི་ཨོ་ཉ་ཐྲེ་ཀེ་རང་ ཇི་གི་ ནཱན་ཞུ་ལེ་ག་ཀུན་ཏི༌ཝ། ཉི་ནཱན་ཐ་ག་བྱོན་ཉི་ གནམ་མེད་ས་མེད་ ལེག་པུ་དི༌ཝ། ཉི་ཨོམ་ གཙོ་བོ་གི་ ན་ག་གནང་ཁཱན་བ་ ཉཱན་པེ་དེན་གེ་ ཨའི་ཐམས་ཅན་རང་ དཀོན་མཆོག་ག་ སྐུན་མདུན་ག་ཅ་ཨ༌ཉི༎
ཡ་ཧུ་དི་པ་མང༌གི༌ཁཱན༌བ༌ཀི་ འཐེན་ལེག༌པུ་ཉོང༌པ༌ལ།
34ཉི་པ་ཏྲུས་གི་ ལན་གནང་ཉི་ ཨོམ་གི་ནེ་ལ་ ཏེན་ཏེན་རང་ དཀོན་མཆོག་གི་ སོ་ངོ་ཐམས་ཅན་རང་ དོ་ལུ་ཙི་ན་ཨ་ཉི་ ཇི་གི་ཧ་གོ་ལེ་རེ༌བ། 35རྒྱལ་ཁབ་ཧང་ད་བུ་ག་ སོ་ངོ་རང་གི་ནེ་བུ་ རོ་ཀ་མགུར་མ་ཞུ་ཁཱན་བ་དང་ ལའི་དེན་པ་ཨ་ཁཱན་བ་ཀབ་ཉི་ དཀོན་མཆོག་ ཐུགས་བཞེན༌ཅ། 36ན་ཤི་སེན་ཅ་ དཀོན་མཆོག་གི་ ཨིས་རེལ་ག་ སོ་ངོ་བ་ཀ་དེན་གེ་ གནང་ཁཱན་གསུང་ཤོ་ ཡི་ཤུ་ཁིརིས་ག་ཐུང་ཀེ་ཨ་ཉི་ གནང་ཁཱན་སྐྱིད་པུ་ག་ འཐེན་ལེག་པུ་གི༌ལ། ཉི་རོག་ཤོ་ ཐམས་ཅན་ག་ གཙོ་བོ་གི༌ལ། 37ཡ་ཧུ་དི་ཡ་ ཐམས་ཅན་ག་ ཧང་ཇུང་མ་གི་ལ་སྨོ་ ན་ཤི་སེན༌ཅ། ཨུ་ཐུ་ཤོ་ ག་ལིལ་ག་ ཡུ་ཧན་ན་གི་ སོ་ངོ་ཐམས་ཅན་ག་ ཁྲུས་གསོར་ག་ཀོར་གེ་ བཤད་ཏེན་གེ་ གོ་ཙུག་པ་གི༌ལ། 38དཀོན་མཆོག་གི་ ནཱས་རཱད་ག་ཡི་ཤུ་ག་ དམ་པའི་ཐུགས་ཉིད་དང་ སྟོབས་དབང་གནང་མ༌ལ། ཉི་ཡི་ཤུ་གི་ ཕྱག་ལཱ་ལེག་པུ་མཛད་ཉི་ བདུད་ཀ་དབང་ག་ ཕརའ་ཁེ་ཆོ་ཁཱན་བ་ ཐམས་ཅན་རང་ དྲག་ཉི་རང་ ལེང་ཐེང་བྱོན་ཉི་ ཨ་ལ་ཀབ་ཉི་ རོག་ཀབ་ཉི་ དཀོན་མཆོག་བཞུགས་པ་ཆོ༌ཝ། 39ཡི་ཤུ་གི་ ཨིས་རེལ་དང་ ཁྲོམ་ཆེན་ཡ་རུ་ཤ་ལེམ་ག་ ཧང་མཛད་པ་གི་ལ་སྨོ་ ཨའི་ཐམས་ཅན་གི་ཐོང༌མ། དག་པ་ཀབ་ཉི་ ཡ་རུ་ཤ་ལེམ་ག་ ཡ་ཧུ་དི་པ་བ་ཀི་ རོག་ཁྲིམས་ཤིང་ཐུང་ཀ་ཇཱན་ཉི་བཀྲོངས༌མ། 40དག་པ་ཀབ་ཉི་ ངམ་སམ་ག་ཚི་ངེ་ དཀོན་མཆོག་གི་ ཡི་ཤུ་གཤགས་པ་གེ་ ལོག་ཉི་བཞེངས་གནང༌མ། ཉི་མཇལ་བེ་རེ་བ་ག་ ཅོད་ཉི་གནང༌མ། 41སོ་ངོ་ཐམས་ཅན་གི་ རོག་མཇལ་བེ་མར་ཤི། དག་པ་ཀབ་ཉི་ དཀོན་མཆོག་གི་ གོ་མ་གེ་རང་སི་ཁཱན་ ཨའི་འཛོམས་དཔང་ཨ་ཁཱན་བ་ཀི་ རོག་མཇལ་བེ་རེ༌བ། ཨའི་ཤོ་ རོག་གཤགས་པ་གེ་ ལོག་ཉི་བཞེངས་ཏེན་གེ་ རོག་ཀབ་ཉི་ ཏབ་ཐུར་ག་ ཟ་ཉི་ཇམ་ཁཱན་བ་གི༌ལ། 42ཡི་ཤུ་ཤོ་ གསོན་པོ་བ་དང་ ཤི་ཁཱན་བ་ ཁྲིམས་ཅཱད་ཁཱན་ཨ་ཉི་ དཀོན་མཆོག་གི་ སི་ཝ་གི་ལ་ཨ་ཉི་ སོ་ངོ་བ་ཀ་ཡེག་ཅོ་དག་ཉི་ རོ་ཀི་ཨ་ཧ་གསུངས་མ༌ཅ། 43རོ་ཀ་དད་པ་ཨ་ཁཱན་ ཐམས་ཅན་ག་ སྡིག་པ་བ་ རོ་ཀ་མཚན་གེ་ཨ་ཉི་ བཤགས་པ་གནང་མེ་དག་ཉི་ ལུང་བསྟན་པ་ ཐམས་ཅན་གི་ རོ་ཀ་ཀོར་གེ་ ལུང་བསྟན་མ༌ཅ༎
ཡ་ཧུ་དི༌པ་མང༌གི༌ཁཱན༌བ༌ཀི་ དམ༌པའི་ཐུགས༌ཉིད་ཉོང༌པ༌ལ།
44པ་ཏྲུས་གི་ ཨོ་ཐ་བ་གསུངས་མེ་གང་ཀ་ གསུང་ན་ཐ་ཁཱན་ ཐམས་ཅན་ག་ཐུང་ཀ་ དམ་པའི་ཐུགས་ཉིད་ བྱོན་མ༌ལ། 45ཡ་ཧུ་དི་པ་མང་གི་ཁཱན་བ་ཀི་ དམ་པའི་ཐུགས་ཉིད་ཉོང་པ་ག་ ཐོང་མ་ཀབ་ཉི་ པ་ཏྲུས་ཀབ་ཉི་ཏབ་ཐུར་ཨུ་ཁཱན་ དད་པ་ཨ་ཁཱན་ ཡ་ཧུ་དི་པ་བ་ ཡིད་ཆི་ཝ༌ལ། 46ཨོ་ཐ་དད་པ་ཨ་ཁཱན་ ཡ་ཧུ་དི་པ་བ་ཀི་ ཡ་ཧུ་དི་པ་མང་གི་ཁཱན་བ་ཀི་ ལོ་སོ་སུ་ཕི་ཝ་ག་དང་ དཀོན་མཆོག་ག་ བསྟོད་པ་ཕུལ་བ་ག་ ན་ཐ་ཝ༌ལ། ཉི་པ་ཏྲུས་གི་ གསུངས་མ་ལ་ 47ཨོ་ཐ་སོ་ངོ་བ་ རི་ག་ཁྲུས་གསོར་མ་བི་ལཱན་ ཨི་བི་གི་ ཐ་ལེ་རེ་བེ་ཡ། ཧང་ཡ་དག་ནེ་ལ་ ཨ་ཤི་ཉོང་པ་པུརུས་ཀིན་ཨ་ཉི་ རོག་ཏེ་བ་ཀི་བུ་ དམ་པའི་ཐུགས་ཉིད་ ཉོང་པ་དག༌ཉི། 48པ་ཏྲུས་གི་ རོག་ཏེ་བ་ཀི་ ཡི་ཤུ་ཁིརིས་ག་མཚན་ག་ ཁྲུས་གསོར་ཞུ་ལེ་ཁེ་ལེ་ཨ་ཉི་ བཀའ་གནང་མ༌ལ། ཉི་རོག་ཏེ་བ་ཀི་ པ་ཏྲུས་ག་ ནོང་ཉིག་ཙིང་སམ་ཕང་ རོག་ཏེ་བ་ཀབ་ཉི་ བཞུགས་ཅོ་ཨ་ཉི་ ཞུ་ཝ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved