མཛད༌པ། 15
15
ཡ་རུ་ཤ་ལེམ་ག་ ཚོགས་འདུ་ཆི་ལུ།
1ཡ་ཧུ་དི་ཡ་གེ་ སོ་ངོ་ཚེ་བང་ ཨེན་ཏྲི་ཨོ་ཁི་ཡ་ག་ཨུན་ཐཱན་ དད་པ་ཨ་ཁཱན་བ་ཀ་ ཡེ་ལེ་གོ་ཙུག་པ༌ལ། མོ་ས་གི་ ཡེ་ཝ་དང་ཏུ་ཉི་ ཤ་མ་ཅཱད་པ་སག་པུ་ ཐར་པ་མ་ཉོང་པ་ཨ༌ཉི། 2པ་ཝལ་དང་ བར་ན་བཱས་གི་ ཨོ་ཐ་ཆཱས་ མ་དེན་མ་ཨ་ཉི་གསུངས་ཉི་ རོག་ཏེ་བ་ཀབ་ཉི་ ཨོ་ཉ་ཀོར་གེ་ ཤ་མ་སག་པུ་ཤག་རུ་མ༌ལ། ཉི་ཇུ་ཀ་དག་པ་ཀབ་ཉི་ སྐུ་ཚབ་བ་དང་ སོ་ངོ་ཆི་ལུ་བ་ཀ་ ཨོ་ཐ་དྲི་ཝ་ཀོར་གེ་ ཇི་མེ་དེན་གེ་ པ་ཝལ་དང་བར་ན་བཱས་ ཉི་ཨོ་ཉ་ས་ཆ་ག་ བཱརའ་དད་པ་ཨ་ཁཱན་ཚེ་བང་ ཡ་རུ་ཤ་ལེམ་ག་ཏཱན་ ཀུན་ཏི་ཝ༌ལ། 3ཆོས་ཚོགས་གི་ ཀུན་ཏི་ཁཱན་བ་ ཕོ་ནི་ཀེ་དང་ ས་མ་རི་ཡ་གེ་ཨ་ཉི་ བྱོན་ཅ་ཨ་ཉི་ ཡ་ཧུ་དི་པ་མང་གི་ཁཱན་བ་ཀི་ གཙོ་བོ་ག་ དད་པ་ཨ་ཝ་ཀོར་གེ་ གསུངས་མ༌ལ། ཨོ་ཐ་ཚང་ན་ཐ་ཉི་ ཉ་ག་ཆོ་ཁཱན་ཡུང་ཟི་བ་ ཐམས་ཅན་རང་ གནམ་མེད་ས་མེད་ ཤོ་ནང་ཕེ་ཝ༌ལ།
4ཉི་རོག་ཏེ་བ་ ཡ་རུ་ཤ་ལེམ་ག་ ཕེབས་པ་ཀབ་ཉི་ ཆོས་ཚོགས་དང་སྐུ་ཚབ་བ་ ཉི་སོ་ངོ་ཆི་ལུ་བ་ཀི་ འབྱོན་པར་ལེགས་སོ་དག་ཉི་ ཞུ་ཝ༌ལ། ཉི་པ་ཝལ་དང་ བར་ན་བཱས་གི་ རོག་ཉིག་ཙིང་ག་ཐུང་ཀེ་ཨ་ཉི་ དཀོན་མཆོག་གི་ མཛད་ཁཱན་ཕྱག་ལཱ་ཀོར་གེ་ ཞུ་ཝ༌ལ། 5དག་པ་ཀབ་ཉི་ ཕ་རི་སི་པ་ཆོས་ལུགས་གེ་ དད་པ་ཨ་ཁཱན་ཚེ་བང་གི་ ག་ཐིང་ཐཱན་ ཡེག་པ་ལ་ ཡ་ཧུ་དི་པ་མང་གི་ཁཱན་བ་ དད་པ་ཨ་དེན་གེ་ ཤ་ཅཱད་པེ་ཁེ་ཝ་ཀོར་གེ་དང་ མོ་ས་ག་བཀའ་ཁྲིམས་ག་ ཆ་གནས་ཐ་ལེ་ཁེ་ཝ་ཀོར་གེ་ ཡེག་པེ་ཁེ་ལེ་ཨ༌ཉི།
6ཨོ་ཐ་ཆཱས་ག་ གྲོས་ཐག་ཆོད་པེ་དེན་གེ་ སྐུ་ཚབ་བ་དང་ སོ་ངོ་ཆི་ལུ་བ་ ཏབ་ཐུར་ཛོ་མ༌ལ། 7ཨོ་ཉ་ཀོར་གེ་ཤག་ཕི་ཉི་ ཤ་མ་དི་དེན་གེ་ པ་ཏྲུས་གི་ ག་བཞེངས་ཐཱན་ གསུངས་མ་ལ་ ཡུང་ཟི་བ་ ཡ་ཧུ་དི་པ་མང་གི་ཁཱན་ སོ་ངོ་བ་ཀི་ དད་པ་ཨན་ཆེན་དག་པ་གི་ འཐེན་ལེག་པུ་བཤད་པེ་དེན་གེ་ གོ་ཙུག་པེ་གང་ཀ་ དཀོན་མཆོག་གི་ ན་ཧ་པོང་ཀེ་ ཇང་སི་ཝ་གི་ལ་ཨ་ཉི་ ན་ཤི་སེན༌ཅ། 8ཐམས་ཅན་ག་ སེམས་མཁྱེན་ཁཱན་ དཀོན་མཆོག་གི་ ཨ་ཧ་ཏཱན་གནང་ཁཱན་ དམ་པའི་ཐུགས་ཉིད་ ཡ་ཧུ་དི་པ་མང་གི་ཁཱན་བ་ཀ་བུ་གནང་ཉི་ རོ་ཀི་རོག་ཏེ་བ་བུ་ སི་ཝ་གི་ལ་ཨ་ཉི་ ཁུངས་ཀེ་ཅ་གི༌ལ། 9དཀོན་མཆོག་གི་ དད་པ་ག་ཐུང་ཀེ་ཨ་ཉི་ རོག་ཏེ་བ་ཀ་ སེམས་ཙང་མ་ཅོད་གནང་ཉི་ ཨའི་དང་ རོག་ཏེ་བ་ཀ་བར་ཀ་ ཁྱད་པར་ཧང་རང་མ་ཝ་ ཅོད་གནང༌མ། 10ཉི་ཨོམ་ ཨའི་དང་ཨ་ཧ་ཕ་མ་བ་ཀི་ བང་མེ་མར་ཁཱན་ ངེ་ཤིང་ཁེ་པ་ སློ་མ་བ་ཀ་ ངང་དེ་རིང་ག་ཀེ་ཉི་ ཧང་ཨ་ཉི་ དཀོན་མཆོག་གེ་ རྒྱུགས་ལཱན་ཅ་ཡ། 11ཨ་ཤི་དད་པ་ཨན༌ཅ། རོག་ཏེ་བ་པུརུས་ཀིན་ཨ་ཉི་ ཨའི་ཐམས་ཅན་རང་ གཙོ་བོ་ཡི་ཤུ་ག་ ཐུགས་རྗེ་གི་ཨ་ཉི་ཤ་ ཐར་པ་ཉོང་པ་གི་ལ་ཨ༌ཉི།
12ཉི་ཤ་ ཚོགས་པ་བ་ ཐམས་ཅན་རང་ ཙང་ཀེན་ཨ་ཉི་ བཞུགས་པ༌ལ། ཉི་ཨོམ་ཆང་རང་ པ་ཝལ་དང་ བར་ན་བཱས་གི་ ཡ་ཧུ་དི་པ་མང་གི་ཁཱན་བ་ཀ་པོང་ཀ་ རོག་ཉིག་ཙིང་ག་ཐུང་ཀེ་ཨ་ཉི་ དཀོན་མཆོག་གི་ རྫུ་འཕྲུལ་ག་ལའི་དང་ ཡིད་ཆི་ཝ་ག་ལའི་བ་ མཛད་ཉི་གནང་ཁཱན་ག་ཀོར་གེ་ ཞུན་ཅ་ཨ་ཉི་ ཚོགས་པ་བ་ཀི་ སྙན་གསེང་པ༌ལ།
13རོག་ཉིག་ཙིང་གི་ ཞུན་ཆུམ་དེན་གེ་ ཡ་ཀུབ་གི་ ཞུ་ཝ་ལ་ ཇ་ག་ཡུང་ཟི་བ་ ཇི་གི་ཞུ་ཁཱན་ག་ སྙན་གསེང་ཅོ་ 14དཀོན་མཆོག་གི་ རོག་ཏེན་ག་ མཚན་ག་དེན་གེ་ ཡ་ཧུ་དི་པ་མང་གི་ཁཱན་ སོ་ངོ་ཁེ་པ་ ཧང་ཏེན་སི་ཝ་གི་ལ་སྨོ་ ཨོ་ཉ་ཀོར་གེ་ ཤི་མི་ཡོན་གི་ ཨ་ཧ་ཏཱན་ གསུངས་གནང༌མ། 15ཨོ་ཐ་ཆཱས་ཁེ་པ་ ལུང་བསྟན་པ་བ་ཀི་ ལུང་བསྟན་མ་དང་ཏུ་ཉི་རང༌ལ། ལུང་བསྟན་པ་ དཔེ་ཆ་ནང་ཀ་ ཨོ་ཐེན་འབྲི་བ་ཅ་
16ཨོ་ཐ་ཚི་ངེ་ ཇང་ལོག་ཉི་ཨུན་ཐཱན་ ད་ཝུད་ཆོ་ལེ་ག་བཱརང་ ཆེད་ཉི་དི་ཁཱན་ཁེ་པ་ ལོག་ཉི་ཅོད༌པེ། ཨོ་ཉ་རམ་ཉི་དི་ཁཱན་བ་ ཇི་གི་ལོག་ཉི་གབ་ཐཱན་ ལོག་ཉི་གོ་མ་ད་བུ་རང་ཅོད༌པེ། 17ཧང་ཡ་དག་ནེ་ལ་ ཇ་ག་མིང་ག་དེན་གེ་ར་ཁཱན་ བཱརའ་སོ་ངོ་བ་ཀི་ གཙོ་བོ་ལ་མེ་རེ་ཆེན། ཉི་ཡ་ཧུ་དི་པ་ མང་གི་ཁཱན་བ་ཀི་བུ་ གཙོ་བོ་ལ་མེ་རེ་ཆེན་དག་ཉི་ གཙོ་བོ་གི་གསུངས༌ལ། 18ཨོ་ཐ་བ་བཀོད་ཁཱན་གི་ གོ་མ་གེ་རང་ མཁྱེན་མ་ཆོ་ཝ་#15:18 ཨ་མོས་ག་དཔེ་ཆ་ 9:11,12 དག༌ཉི།
19ཨོ་ཉི་ཨ་དེན་གེ་ ཇ་ག་སེམས་ཀི་ ཨ་ནེ་ལ་ དཀོན་མཆོག་ག་ཏཱན་ གིར་ཁཱན་ ཡ་ཧུ་དི་པ་མང་གི་ཁཱན་ སོ་ངོ་བ་ ཨ་ཤི་ནང་དོག་པེ་མ་བི་ཁེ། 20དག་པ་ཀབ་ཉི་ ཨ་ཤི་ རོག་ཏེ་བ་ཀ་ ཡི་གུ་འབྲི་ཉི་ ཡེག་པེ་ཁེ་ལེ་ སྐུ་ག་མཆོད་པ་ཕུལ་ཁཱན་ ཟེ་ཟ་ལེ་མ་ན༌ལ། ཉི་མ་ཙང་མ་ལུས་འབྲེལ་ ཨ་ལེ་མ་ན༌ལ། ཞི་ཇ་མེ་མ་ན༌ལ། ཉི་ངང་ཇུ་ཁཱན་ སེམས་ཅན་ག་ཤ་ཁེ་པ་ ཟ་ལེ་མ་ན་ལ་ཨ༌ཉི། 21ཧང་ཡ་དག་ནེ་ལ་ ཨོ་ཐ་མོ་ས་ག་ བཀའ་ཁྲིམས་ཁེ་པ་ ཡ་ཧུ་དི་པ་ ཆོས་འཛོམས་ཆོ་ཁཱན་ ཁྲོམ་ཆེན་ཐམས་ཅན་ག་ དུས་བཟང་དྲང་རང་ ཡེ་ཉི་རང་ མི་རབས་ མང་པུ་ཐུར་དི་ཝ༌ལ༎
ཡ་ཧུ་དི་པ་མང༌གི༌ཁཱན་ དད༌པ་ཨ༌ཁཱན༌བ༌ཀ་དེན༌གེ་ཡི༌གུ།
22ཉི་གེ་ སྐུ་ཚབ་དང་སོ་ངོ་ཆི་ལུ་བ་ ཉི་ཆོས་ཚོགས་ཐམས་ཅན་གི་ པ་ཝལ་དང་ བར་ན་བཱས་ཀབ་ཉི་ རོག་ཏེ་བ་ཀ་ སོ་ངོ་ཉིག་ཙིང་སིན་ཐཱན་ ཨེན་ཏྲི་ཨོ་ཁི་ཡ་ག་ཏཱན་ ཀུན་ཏི་ཝ༌ལ། རོག་ཏེ་བ་ཀི་སི་ཁཱན་ སོ་ངོ་ཉིག་ཙིང་ཤོ་ ཆོས་ཚོགས་ག་འགོ་དཔོན་ བར་ས་བཱས་དག་ཉི་བུ་ར་ཁཱན་ ཡ་ཧུ་ད་དང་ སི་ལཱས་གི་ཝ་ཆོ་ཝ༌ལ། 23རོག་ཏེ་བ་ཀི་ ཨོ་ཐ་ཡི་གུ་ཀེ་བ༌ལ།
ཨོ་ཐ་ཡི་གུ་ཤོ་ ཡ་རུ་ཤ་ལེམ་ག་ཆོ་ཁཱན་ སྐུ་ཚབ་བ་དང་ སོ་ངོ་ཆི་ལུ་བ་ ཉི་ན་ཧ་ཡུང་ཟི་བ་ཀེ་ ཨེན་ཏྲི་ཨོ་ཁི་ཡ་དང་ སི་རི་ཡ་ ཉི་ཀི་ལི་ཀི་ཡ་ག་ཆོ་ཁཱན་ ནའི་ཡ་ཧུ་དི་པ་མང་གི་ཁཱན་ དད་པ་ཨ་ཁཱན་བ་ཀ་ཏཱན་འབྲི་ཉི་ སྐུ་གཟུགས་བཟང་པོ་དག་ཉི་ཞུན༌ཅ།
24ཨ་ཧ་ཐ་ག་ སོ་ངོ་ཚེ་བང་གི་ ནའི་ནང་དོག་པེ་བི་ཉི་ ནའི་ཁོ་དང་ཆཱད་པ་ཅ་ཨ༌ཉི། དག་པ་ཀབ་ཉི་ རོག་ཏེ་བ་ཀི་ ཡེ་ཁཱན་ཁེ་པ་ ཨ་ཤི་ ཡེ་ལེ་ཆོག་པེ་དག་ཉི་ ཡེག་པ་མང་གི། 25ཨོ་ཉི་ཨ་དེན་གེ་ ཨའི་ཐམས་ཅན་ག་ ཏུན་ཆ་དྲིག་པ་དང་ཏུ་ཉི་ ཨ་ཧ་སོ་ངོ་ཉིག་ཙིང་སིན་ཐཱན་ ཨ་ཤི་ཕང་ཁཱན་ པ་ཝལ་དང་ བར་ན་བཱས་ཀབ་ཉི་ཏབ་ཐུར་ག་ ན་ཧ་བཱརང་ཀ་ཏཱན་ ཀུན་ཏི་ནེ་ལ་ ལེག་པུ་ཨོ་ཕེ་ལ་དག་ཉི་ ཨ་ཤི་མི༌ཝ། 26རོག་ཉིག་ཙིང་གི་ ཨ་ཧ་གཙོ་བོ་ ཡི་ཤུ་ཁིརིས་ག་དེན་གེ་ རང་ཏེན་ག་ ཚེ་ཆང་མ་ཕང་པཱན་ ཕྱག་ཞུ་ཝ༌ཅ། 27ན་ཧ་དྲི་ཝ་ག་ཀོར་གེ་ ཨ་ཤི་ཧང་ཏེན་ གྲོས་ཐག་ཆོད་པ་གི་ལ་སྨོ་ རོག་ཉིག་ཙིང་ག་ ནོ་ཝང་གི་རང་ ན་ཧ་ཏཱན་ཞུ་ལེ་དེན་གེ་ ཨ་ཤི་ཡ་ཧུ་ད་དང་ སི་ལཱས་བུ་ ན་ཧ་བཱརང་ཀ་ཀུན་ཏིན༌ཅ།
28ཧང་ཡ་དག་ནེ་ལ་ དམ་པའི་ཐུགས་ཉིད་དང་ ཨ་ཤི་ཨུ་ཐུ་ཁེ་པ་ ལེག་པུ་ཐོང༌མ། ཁག་ཆི་ཁཱན་གེ་ལག་ཉི་ ན་ཧ་ཐུང་ཀ་ རོང་མ་ཀེ༌བ། 29ཨོ་ཐ་བ་ཤོ་ ཁག་ཆི་ཁཱན་ཆཱས་གི༌ལ། སྐུ་ག་མཆོད་པ་ཕུལ་ཁཱན་ ཟེ་ཟ་ལེ་མང་ཕ། ན་ཤི་ཞི་ཇ་མེ་མང་ཕ། ཉི་ངང་ཇུ་ཉི་ཤེ་ཁཱན་ སེམས་ཅན་ག་ཤ་ ང་མེ་མང་ཕ། ཉི་ལུས་འབྲེལ་མ་ཙང་མ་ཁེ་པ་ སྤང་མེ་ཁེ༌ལེ། ཨོ་ཐ་བ་ ཐུབ་ཐ་ལེ་རེ་ནེ་ལ་ ན་ཧ་དེན་གེ་ལེག་པུ་ཨོ་ཕེ་དག༌ཉི།
30སོ་ངོ་ཕིཤི་ ཡ་རུ་ཤ་ལེམ་ཐུབ་ཐ་ཉི་ ཨེན་ཏྲི་ཨོ་ཁི་ཡ་ག་ཏཱན་ བྱོན་མ༌ལ། ཉ་ག་ཕེབས་ཏེན་གེ་ རོག་ཏེ་བ་ཀི་ ཆོས་ཚོགས་ག་སོ་ངོ་བ་ ཏབ་ཐུར་རཱན་ཐཱན་ ཡི་གུ་སྤྲོད་པ༌ལ། 31དད་པ་ཨ་ཁཱན་བ་ཀི་ ཨོ་ཉ་ཡི་གུ་ལྷག་ཉི་ གོད་པ་ཀབ་ཉི་ རོག་ཏེ་བ་ཀ་ སེམས་ཀ་ཚུད་པ་ག་ བསླབ་བྱ་ཆོ་ཝ་ཨ་དེན་གེ་ རོག་ཏེ་བ་ གནམ་མེད་ས་མེད་ ཤོ་ནང་ཕེ་ཝ༌ལ།
32ཡ་ཧུ་ད་དང་ སི་ལཱས་ཉིག་ཙིང་རང་ ལུང་བསྟན་པ་གི་ཝ་ཨ་དེན་གེ་ གསུང་མང་པུ་ཐུར་ག་ ཐུང་ཀེ་ཨ་ཉི་ ཉ་ག་ཆོ་ཁཱན་ཡུང་ཟི་བ་ཀ་ སེམས་གསོ་ཨ་ཉི་ རོག་ཏེ་བ་ཀ་ དད་པ་སྒྲིང་སྒྲིང་ཅོད་པ༌ལ། 33རོག་ཉིག་ཙིང་ ཨེན་ཏྲི་ཨོ་ཁི་ཡ་ག་བཞུགས་ཉི་ ནོང་ཉིག་ཙིང་སམ་ཕང་ག་ཚི་ངེ་ དད་པ་ཨ་ཁཱན་བ་ཀི་ བྱིན་རླབས་ཞུན་ཐཱན་ རོག་ཉིག་ཙིང་ ཨི་བི་གི་ ཀུན་ཏི་ཝ་གི་ལ་སྨོ་ ཨུ་ཉུ་བ་ཀ་བཱརང་ཀ་ཏཱན་ ལོག་ཉི་ཀུན་ཏི་ཝ༌ལ། 34-35དག་པ་ཀབ་ཉི་ ཨེན་ཏྲི་ཨོ་ཁི་ཡ་ག་ གཙོ་བོ་ག་གསུང་བཤད་ཉི་ ཉི་གེ་ ཡེ་ཉི་ཆོ་ཁཱན་མང་པུ་ཐུར་ག་ ཇ་རོ་ཨ་ལེ་དེན་གེ་ པ་ཝལ་དང་བར་ན་བཱས་ ཉ་ག་རང་བཞུགས་པ༌ལ༎
པ་ཝལ་དང་བར༌ན༌བཱས་ཁ་བེརེ༌བ༌ལ།
36ནོང་ཉིག་ཙིང་སམ་ཕང་ག་ཚི་ངེ་ པ་ཝལ་གི་ བར་ན་བཱས་ག་ གསུངས་མ་ལ་ ཨ་ཤི་གོ་མ་ གཙོ་བོ་ག་གསུང་བཤད་ཁཱན་ ཁྲོམ་ཆེན་ཁོན་དི་ཉི་ དད་པ་ཨ་ཁཱན་སིང་མ་བ་ ཧང་ཏེན་ཆོ་ཝ་ལ་སྨོ་ གོད་ཀེ་ཨ༌ཉི། 37བར་ན་བཱས་གི་ དྲིག་པེ་ཨ་ཉི་ཁ་དོག་ཉི་ རོག་ཉིག་ཙིང་ཀབ་ཉི་ མར་ཀུས་དག་ཉི་ར་ཁཱན་ ཡུ་ཧན་ན་བུ་ རིག་བུ་ལེ་ག་ ཐུགས་བསམ་གནང་མ༌ལ། 38དག་པ་ཀབ་ཉི་ མར་ཀུས་གི་ པམ་ཕི་ལི་ཡ་ག་ རོག་ཏེ་བ་ཐུབ་ཐཱན་ཐཱན་ རོག་ཏེ་བ་ཀབ་ཉི་ ལའི་ཨ་ལེ་མ་ན་ཝ་ཨ་དེན་གེ་ པ་ཝལ་གི་ ཏི་ངེ་རང་ མ་དྲིག་པ་ཨ་ཉི་ གསུངས་མ༌ལ། 39པ་ཝལ་དང་ བར་ན་བཱས་ག་བར་ཀ་ ཨོ་ཐ་ཆཱས་ཆི་ལུ་རི་ཉི་ མ་དྲིག་པ་ཨ་དེན་གེ་ རོག་ཉིག་ཙིང་ བེརེ་བེ་ཁེ་ཝ༌ལ། བར་ན་བཱས་གི་ རོག་ཀབ་ཉི་ མར་ཀུས་རིག་བུ་ཉི་ གྲུ་ནང་ཀ་ནུབ་ཐཱན་ སའི་པརཱས་ག་ཏཱན་བྱོན་མ༌ལ། 40དག་པ་ཀབ་ཉི་ པ་ཝལ་གི་ སི་ལཱས་སི་ཝ༌ལ། ཉི་དད་པ་ཨ་ཁཱན་བ་ཀི་ སྨོན་ལམ་ཏབ་ཉི་ གཙོ་བོ་ག་ཏཱན་ རོག་ཉིག་ཙིང་ག་ ཐུགས་རྗེ་གཟིགས་ གནང་ཤོ་དག་ཉི་ཞུན་ཐཱན་ ཀུན་ཏི་ཝ༌ལ། 41རོག་ཉིག་ཙིང་ སི་རི་ཡ་དང་ ཀི་ལི་ཀི་ཡ་ཐམས་ཅན་ ཆ་པ་ཨ་ཉི་བྱོན་ཐཱན་ ཆོས་ཚོགས་བ་ སྒྲིང་སྒྲིང་ཅོད་གནང་མ༌ལ༎
Currently Selected:
མཛད༌པ། 15: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མཛད༌པ། 15
15
ཡ་རུ་ཤ་ལེམ་ག་ ཚོགས་འདུ་ཆི་ལུ།
1ཡ་ཧུ་དི་ཡ་གེ་ སོ་ངོ་ཚེ་བང་ ཨེན་ཏྲི་ཨོ་ཁི་ཡ་ག་ཨུན་ཐཱན་ དད་པ་ཨ་ཁཱན་བ་ཀ་ ཡེ་ལེ་གོ་ཙུག་པ༌ལ། མོ་ས་གི་ ཡེ་ཝ་དང་ཏུ་ཉི་ ཤ་མ་ཅཱད་པ་སག་པུ་ ཐར་པ་མ་ཉོང་པ་ཨ༌ཉི། 2པ་ཝལ་དང་ བར་ན་བཱས་གི་ ཨོ་ཐ་ཆཱས་ མ་དེན་མ་ཨ་ཉི་གསུངས་ཉི་ རོག་ཏེ་བ་ཀབ་ཉི་ ཨོ་ཉ་ཀོར་གེ་ ཤ་མ་སག་པུ་ཤག་རུ་མ༌ལ། ཉི་ཇུ་ཀ་དག་པ་ཀབ་ཉི་ སྐུ་ཚབ་བ་དང་ སོ་ངོ་ཆི་ལུ་བ་ཀ་ ཨོ་ཐ་དྲི་ཝ་ཀོར་གེ་ ཇི་མེ་དེན་གེ་ པ་ཝལ་དང་བར་ན་བཱས་ ཉི་ཨོ་ཉ་ས་ཆ་ག་ བཱརའ་དད་པ་ཨ་ཁཱན་ཚེ་བང་ ཡ་རུ་ཤ་ལེམ་ག་ཏཱན་ ཀུན་ཏི་ཝ༌ལ། 3ཆོས་ཚོགས་གི་ ཀུན་ཏི་ཁཱན་བ་ ཕོ་ནི་ཀེ་དང་ ས་མ་རི་ཡ་གེ་ཨ་ཉི་ བྱོན་ཅ་ཨ་ཉི་ ཡ་ཧུ་དི་པ་མང་གི་ཁཱན་བ་ཀི་ གཙོ་བོ་ག་ དད་པ་ཨ་ཝ་ཀོར་གེ་ གསུངས་མ༌ལ། ཨོ་ཐ་ཚང་ན་ཐ་ཉི་ ཉ་ག་ཆོ་ཁཱན་ཡུང་ཟི་བ་ ཐམས་ཅན་རང་ གནམ་མེད་ས་མེད་ ཤོ་ནང་ཕེ་ཝ༌ལ།
4ཉི་རོག་ཏེ་བ་ ཡ་རུ་ཤ་ལེམ་ག་ ཕེབས་པ་ཀབ་ཉི་ ཆོས་ཚོགས་དང་སྐུ་ཚབ་བ་ ཉི་སོ་ངོ་ཆི་ལུ་བ་ཀི་ འབྱོན་པར་ལེགས་སོ་དག་ཉི་ ཞུ་ཝ༌ལ། ཉི་པ་ཝལ་དང་ བར་ན་བཱས་གི་ རོག་ཉིག་ཙིང་ག་ཐུང་ཀེ་ཨ་ཉི་ དཀོན་མཆོག་གི་ མཛད་ཁཱན་ཕྱག་ལཱ་ཀོར་གེ་ ཞུ་ཝ༌ལ། 5དག་པ་ཀབ་ཉི་ ཕ་རི་སི་པ་ཆོས་ལུགས་གེ་ དད་པ་ཨ་ཁཱན་ཚེ་བང་གི་ ག་ཐིང་ཐཱན་ ཡེག་པ་ལ་ ཡ་ཧུ་དི་པ་མང་གི་ཁཱན་བ་ དད་པ་ཨ་དེན་གེ་ ཤ་ཅཱད་པེ་ཁེ་ཝ་ཀོར་གེ་དང་ མོ་ས་ག་བཀའ་ཁྲིམས་ག་ ཆ་གནས་ཐ་ལེ་ཁེ་ཝ་ཀོར་གེ་ ཡེག་པེ་ཁེ་ལེ་ཨ༌ཉི།
6ཨོ་ཐ་ཆཱས་ག་ གྲོས་ཐག་ཆོད་པེ་དེན་གེ་ སྐུ་ཚབ་བ་དང་ སོ་ངོ་ཆི་ལུ་བ་ ཏབ་ཐུར་ཛོ་མ༌ལ། 7ཨོ་ཉ་ཀོར་གེ་ཤག་ཕི་ཉི་ ཤ་མ་དི་དེན་གེ་ པ་ཏྲུས་གི་ ག་བཞེངས་ཐཱན་ གསུངས་མ་ལ་ ཡུང་ཟི་བ་ ཡ་ཧུ་དི་པ་མང་གི་ཁཱན་ སོ་ངོ་བ་ཀི་ དད་པ་ཨན་ཆེན་དག་པ་གི་ འཐེན་ལེག་པུ་བཤད་པེ་དེན་གེ་ གོ་ཙུག་པེ་གང་ཀ་ དཀོན་མཆོག་གི་ ན་ཧ་པོང་ཀེ་ ཇང་སི་ཝ་གི་ལ་ཨ་ཉི་ ན་ཤི་སེན༌ཅ། 8ཐམས་ཅན་ག་ སེམས་མཁྱེན་ཁཱན་ དཀོན་མཆོག་གི་ ཨ་ཧ་ཏཱན་གནང་ཁཱན་ དམ་པའི་ཐུགས་ཉིད་ ཡ་ཧུ་དི་པ་མང་གི་ཁཱན་བ་ཀ་བུ་གནང་ཉི་ རོ་ཀི་རོག་ཏེ་བ་བུ་ སི་ཝ་གི་ལ་ཨ་ཉི་ ཁུངས་ཀེ་ཅ་གི༌ལ། 9དཀོན་མཆོག་གི་ དད་པ་ག་ཐུང་ཀེ་ཨ་ཉི་ རོག་ཏེ་བ་ཀ་ སེམས་ཙང་མ་ཅོད་གནང་ཉི་ ཨའི་དང་ རོག་ཏེ་བ་ཀ་བར་ཀ་ ཁྱད་པར་ཧང་རང་མ་ཝ་ ཅོད་གནང༌མ། 10ཉི་ཨོམ་ ཨའི་དང་ཨ་ཧ་ཕ་མ་བ་ཀི་ བང་མེ་མར་ཁཱན་ ངེ་ཤིང་ཁེ་པ་ སློ་མ་བ་ཀ་ ངང་དེ་རིང་ག་ཀེ་ཉི་ ཧང་ཨ་ཉི་ དཀོན་མཆོག་གེ་ རྒྱུགས་ལཱན་ཅ་ཡ། 11ཨ་ཤི་དད་པ་ཨན༌ཅ། རོག་ཏེ་བ་པུརུས་ཀིན་ཨ་ཉི་ ཨའི་ཐམས་ཅན་རང་ གཙོ་བོ་ཡི་ཤུ་ག་ ཐུགས་རྗེ་གི་ཨ་ཉི་ཤ་ ཐར་པ་ཉོང་པ་གི་ལ་ཨ༌ཉི།
12ཉི་ཤ་ ཚོགས་པ་བ་ ཐམས་ཅན་རང་ ཙང་ཀེན་ཨ་ཉི་ བཞུགས་པ༌ལ། ཉི་ཨོམ་ཆང་རང་ པ་ཝལ་དང་ བར་ན་བཱས་གི་ ཡ་ཧུ་དི་པ་མང་གི་ཁཱན་བ་ཀ་པོང་ཀ་ རོག་ཉིག་ཙིང་ག་ཐུང་ཀེ་ཨ་ཉི་ དཀོན་མཆོག་གི་ རྫུ་འཕྲུལ་ག་ལའི་དང་ ཡིད་ཆི་ཝ་ག་ལའི་བ་ མཛད་ཉི་གནང་ཁཱན་ག་ཀོར་གེ་ ཞུན་ཅ་ཨ་ཉི་ ཚོགས་པ་བ་ཀི་ སྙན་གསེང་པ༌ལ།
13རོག་ཉིག་ཙིང་གི་ ཞུན་ཆུམ་དེན་གེ་ ཡ་ཀུབ་གི་ ཞུ་ཝ་ལ་ ཇ་ག་ཡུང་ཟི་བ་ ཇི་གི་ཞུ་ཁཱན་ག་ སྙན་གསེང་ཅོ་ 14དཀོན་མཆོག་གི་ རོག་ཏེན་ག་ མཚན་ག་དེན་གེ་ ཡ་ཧུ་དི་པ་མང་གི་ཁཱན་ སོ་ངོ་ཁེ་པ་ ཧང་ཏེན་སི་ཝ་གི་ལ་སྨོ་ ཨོ་ཉ་ཀོར་གེ་ ཤི་མི་ཡོན་གི་ ཨ་ཧ་ཏཱན་ གསུངས་གནང༌མ། 15ཨོ་ཐ་ཆཱས་ཁེ་པ་ ལུང་བསྟན་པ་བ་ཀི་ ལུང་བསྟན་མ་དང་ཏུ་ཉི་རང༌ལ། ལུང་བསྟན་པ་ དཔེ་ཆ་ནང་ཀ་ ཨོ་ཐེན་འབྲི་བ་ཅ་
16ཨོ་ཐ་ཚི་ངེ་ ཇང་ལོག་ཉི་ཨུན་ཐཱན་ ད་ཝུད་ཆོ་ལེ་ག་བཱརང་ ཆེད་ཉི་དི་ཁཱན་ཁེ་པ་ ལོག་ཉི་ཅོད༌པེ། ཨོ་ཉ་རམ་ཉི་དི་ཁཱན་བ་ ཇི་གི་ལོག་ཉི་གབ་ཐཱན་ ལོག་ཉི་གོ་མ་ད་བུ་རང་ཅོད༌པེ། 17ཧང་ཡ་དག་ནེ་ལ་ ཇ་ག་མིང་ག་དེན་གེ་ར་ཁཱན་ བཱརའ་སོ་ངོ་བ་ཀི་ གཙོ་བོ་ལ་མེ་རེ་ཆེན། ཉི་ཡ་ཧུ་དི་པ་ མང་གི་ཁཱན་བ་ཀི་བུ་ གཙོ་བོ་ལ་མེ་རེ་ཆེན་དག་ཉི་ གཙོ་བོ་གི་གསུངས༌ལ། 18ཨོ་ཐ་བ་བཀོད་ཁཱན་གི་ གོ་མ་གེ་རང་ མཁྱེན་མ་ཆོ་ཝ་#15:18 ཨ་མོས་ག་དཔེ་ཆ་ 9:11,12 དག༌ཉི།
19ཨོ་ཉི་ཨ་དེན་གེ་ ཇ་ག་སེམས་ཀི་ ཨ་ནེ་ལ་ དཀོན་མཆོག་ག་ཏཱན་ གིར་ཁཱན་ ཡ་ཧུ་དི་པ་མང་གི་ཁཱན་ སོ་ངོ་བ་ ཨ་ཤི་ནང་དོག་པེ་མ་བི་ཁེ། 20དག་པ་ཀབ་ཉི་ ཨ་ཤི་ རོག་ཏེ་བ་ཀ་ ཡི་གུ་འབྲི་ཉི་ ཡེག་པེ་ཁེ་ལེ་ སྐུ་ག་མཆོད་པ་ཕུལ་ཁཱན་ ཟེ་ཟ་ལེ་མ་ན༌ལ། ཉི་མ་ཙང་མ་ལུས་འབྲེལ་ ཨ་ལེ་མ་ན༌ལ། ཞི་ཇ་མེ་མ་ན༌ལ། ཉི་ངང་ཇུ་ཁཱན་ སེམས་ཅན་ག་ཤ་ཁེ་པ་ ཟ་ལེ་མ་ན་ལ་ཨ༌ཉི། 21ཧང་ཡ་དག་ནེ་ལ་ ཨོ་ཐ་མོ་ས་ག་ བཀའ་ཁྲིམས་ཁེ་པ་ ཡ་ཧུ་དི་པ་ ཆོས་འཛོམས་ཆོ་ཁཱན་ ཁྲོམ་ཆེན་ཐམས་ཅན་ག་ དུས་བཟང་དྲང་རང་ ཡེ་ཉི་རང་ མི་རབས་ མང་པུ་ཐུར་དི་ཝ༌ལ༎
ཡ་ཧུ་དི་པ་མང༌གི༌ཁཱན་ དད༌པ་ཨ༌ཁཱན༌བ༌ཀ་དེན༌གེ་ཡི༌གུ།
22ཉི་གེ་ སྐུ་ཚབ་དང་སོ་ངོ་ཆི་ལུ་བ་ ཉི་ཆོས་ཚོགས་ཐམས་ཅན་གི་ པ་ཝལ་དང་ བར་ན་བཱས་ཀབ་ཉི་ རོག་ཏེ་བ་ཀ་ སོ་ངོ་ཉིག་ཙིང་སིན་ཐཱན་ ཨེན་ཏྲི་ཨོ་ཁི་ཡ་ག་ཏཱན་ ཀུན་ཏི་ཝ༌ལ། རོག་ཏེ་བ་ཀི་སི་ཁཱན་ སོ་ངོ་ཉིག་ཙིང་ཤོ་ ཆོས་ཚོགས་ག་འགོ་དཔོན་ བར་ས་བཱས་དག་ཉི་བུ་ར་ཁཱན་ ཡ་ཧུ་ད་དང་ སི་ལཱས་གི་ཝ་ཆོ་ཝ༌ལ། 23རོག་ཏེ་བ་ཀི་ ཨོ་ཐ་ཡི་གུ་ཀེ་བ༌ལ།
ཨོ་ཐ་ཡི་གུ་ཤོ་ ཡ་རུ་ཤ་ལེམ་ག་ཆོ་ཁཱན་ སྐུ་ཚབ་བ་དང་ སོ་ངོ་ཆི་ལུ་བ་ ཉི་ན་ཧ་ཡུང་ཟི་བ་ཀེ་ ཨེན་ཏྲི་ཨོ་ཁི་ཡ་དང་ སི་རི་ཡ་ ཉི་ཀི་ལི་ཀི་ཡ་ག་ཆོ་ཁཱན་ ནའི་ཡ་ཧུ་དི་པ་མང་གི་ཁཱན་ དད་པ་ཨ་ཁཱན་བ་ཀ་ཏཱན་འབྲི་ཉི་ སྐུ་གཟུགས་བཟང་པོ་དག་ཉི་ཞུན༌ཅ།
24ཨ་ཧ་ཐ་ག་ སོ་ངོ་ཚེ་བང་གི་ ནའི་ནང་དོག་པེ་བི་ཉི་ ནའི་ཁོ་དང་ཆཱད་པ་ཅ་ཨ༌ཉི། དག་པ་ཀབ་ཉི་ རོག་ཏེ་བ་ཀི་ ཡེ་ཁཱན་ཁེ་པ་ ཨ་ཤི་ ཡེ་ལེ་ཆོག་པེ་དག་ཉི་ ཡེག་པ་མང་གི། 25ཨོ་ཉི་ཨ་དེན་གེ་ ཨའི་ཐམས་ཅན་ག་ ཏུན་ཆ་དྲིག་པ་དང་ཏུ་ཉི་ ཨ་ཧ་སོ་ངོ་ཉིག་ཙིང་སིན་ཐཱན་ ཨ་ཤི་ཕང་ཁཱན་ པ་ཝལ་དང་ བར་ན་བཱས་ཀབ་ཉི་ཏབ་ཐུར་ག་ ན་ཧ་བཱརང་ཀ་ཏཱན་ ཀུན་ཏི་ནེ་ལ་ ལེག་པུ་ཨོ་ཕེ་ལ་དག་ཉི་ ཨ་ཤི་མི༌ཝ། 26རོག་ཉིག་ཙིང་གི་ ཨ་ཧ་གཙོ་བོ་ ཡི་ཤུ་ཁིརིས་ག་དེན་གེ་ རང་ཏེན་ག་ ཚེ་ཆང་མ་ཕང་པཱན་ ཕྱག་ཞུ་ཝ༌ཅ། 27ན་ཧ་དྲི་ཝ་ག་ཀོར་གེ་ ཨ་ཤི་ཧང་ཏེན་ གྲོས་ཐག་ཆོད་པ་གི་ལ་སྨོ་ རོག་ཉིག་ཙིང་ག་ ནོ་ཝང་གི་རང་ ན་ཧ་ཏཱན་ཞུ་ལེ་དེན་གེ་ ཨ་ཤི་ཡ་ཧུ་ད་དང་ སི་ལཱས་བུ་ ན་ཧ་བཱརང་ཀ་ཀུན་ཏིན༌ཅ།
28ཧང་ཡ་དག་ནེ་ལ་ དམ་པའི་ཐུགས་ཉིད་དང་ ཨ་ཤི་ཨུ་ཐུ་ཁེ་པ་ ལེག་པུ་ཐོང༌མ། ཁག་ཆི་ཁཱན་གེ་ལག་ཉི་ ན་ཧ་ཐུང་ཀ་ རོང་མ་ཀེ༌བ། 29ཨོ་ཐ་བ་ཤོ་ ཁག་ཆི་ཁཱན་ཆཱས་གི༌ལ། སྐུ་ག་མཆོད་པ་ཕུལ་ཁཱན་ ཟེ་ཟ་ལེ་མང་ཕ། ན་ཤི་ཞི་ཇ་མེ་མང་ཕ། ཉི་ངང་ཇུ་ཉི་ཤེ་ཁཱན་ སེམས་ཅན་ག་ཤ་ ང་མེ་མང་ཕ། ཉི་ལུས་འབྲེལ་མ་ཙང་མ་ཁེ་པ་ སྤང་མེ་ཁེ༌ལེ། ཨོ་ཐ་བ་ ཐུབ་ཐ་ལེ་རེ་ནེ་ལ་ ན་ཧ་དེན་གེ་ལེག་པུ་ཨོ་ཕེ་དག༌ཉི།
30སོ་ངོ་ཕིཤི་ ཡ་རུ་ཤ་ལེམ་ཐུབ་ཐ་ཉི་ ཨེན་ཏྲི་ཨོ་ཁི་ཡ་ག་ཏཱན་ བྱོན་མ༌ལ། ཉ་ག་ཕེབས་ཏེན་གེ་ རོག་ཏེ་བ་ཀི་ ཆོས་ཚོགས་ག་སོ་ངོ་བ་ ཏབ་ཐུར་རཱན་ཐཱན་ ཡི་གུ་སྤྲོད་པ༌ལ། 31དད་པ་ཨ་ཁཱན་བ་ཀི་ ཨོ་ཉ་ཡི་གུ་ལྷག་ཉི་ གོད་པ་ཀབ་ཉི་ རོག་ཏེ་བ་ཀ་ སེམས་ཀ་ཚུད་པ་ག་ བསླབ་བྱ་ཆོ་ཝ་ཨ་དེན་གེ་ རོག་ཏེ་བ་ གནམ་མེད་ས་མེད་ ཤོ་ནང་ཕེ་ཝ༌ལ།
32ཡ་ཧུ་ད་དང་ སི་ལཱས་ཉིག་ཙིང་རང་ ལུང་བསྟན་པ་གི་ཝ་ཨ་དེན་གེ་ གསུང་མང་པུ་ཐུར་ག་ ཐུང་ཀེ་ཨ་ཉི་ ཉ་ག་ཆོ་ཁཱན་ཡུང་ཟི་བ་ཀ་ སེམས་གསོ་ཨ་ཉི་ རོག་ཏེ་བ་ཀ་ དད་པ་སྒྲིང་སྒྲིང་ཅོད་པ༌ལ། 33རོག་ཉིག་ཙིང་ ཨེན་ཏྲི་ཨོ་ཁི་ཡ་ག་བཞུགས་ཉི་ ནོང་ཉིག་ཙིང་སམ་ཕང་ག་ཚི་ངེ་ དད་པ་ཨ་ཁཱན་བ་ཀི་ བྱིན་རླབས་ཞུན་ཐཱན་ རོག་ཉིག་ཙིང་ ཨི་བི་གི་ ཀུན་ཏི་ཝ་གི་ལ་སྨོ་ ཨུ་ཉུ་བ་ཀ་བཱརང་ཀ་ཏཱན་ ལོག་ཉི་ཀུན་ཏི་ཝ༌ལ། 34-35དག་པ་ཀབ་ཉི་ ཨེན་ཏྲི་ཨོ་ཁི་ཡ་ག་ གཙོ་བོ་ག་གསུང་བཤད་ཉི་ ཉི་གེ་ ཡེ་ཉི་ཆོ་ཁཱན་མང་པུ་ཐུར་ག་ ཇ་རོ་ཨ་ལེ་དེན་གེ་ པ་ཝལ་དང་བར་ན་བཱས་ ཉ་ག་རང་བཞུགས་པ༌ལ༎
པ་ཝལ་དང་བར༌ན༌བཱས་ཁ་བེརེ༌བ༌ལ།
36ནོང་ཉིག་ཙིང་སམ་ཕང་ག་ཚི་ངེ་ པ་ཝལ་གི་ བར་ན་བཱས་ག་ གསུངས་མ་ལ་ ཨ་ཤི་གོ་མ་ གཙོ་བོ་ག་གསུང་བཤད་ཁཱན་ ཁྲོམ་ཆེན་ཁོན་དི་ཉི་ དད་པ་ཨ་ཁཱན་སིང་མ་བ་ ཧང་ཏེན་ཆོ་ཝ་ལ་སྨོ་ གོད་ཀེ་ཨ༌ཉི། 37བར་ན་བཱས་གི་ དྲིག་པེ་ཨ་ཉི་ཁ་དོག་ཉི་ རོག་ཉིག་ཙིང་ཀབ་ཉི་ མར་ཀུས་དག་ཉི་ར་ཁཱན་ ཡུ་ཧན་ན་བུ་ རིག་བུ་ལེ་ག་ ཐུགས་བསམ་གནང་མ༌ལ། 38དག་པ་ཀབ་ཉི་ མར་ཀུས་གི་ པམ་ཕི་ལི་ཡ་ག་ རོག་ཏེ་བ་ཐུབ་ཐཱན་ཐཱན་ རོག་ཏེ་བ་ཀབ་ཉི་ ལའི་ཨ་ལེ་མ་ན་ཝ་ཨ་དེན་གེ་ པ་ཝལ་གི་ ཏི་ངེ་རང་ མ་དྲིག་པ་ཨ་ཉི་ གསུངས་མ༌ལ། 39པ་ཝལ་དང་ བར་ན་བཱས་ག་བར་ཀ་ ཨོ་ཐ་ཆཱས་ཆི་ལུ་རི་ཉི་ མ་དྲིག་པ་ཨ་དེན་གེ་ རོག་ཉིག་ཙིང་ བེརེ་བེ་ཁེ་ཝ༌ལ། བར་ན་བཱས་གི་ རོག་ཀབ་ཉི་ མར་ཀུས་རིག་བུ་ཉི་ གྲུ་ནང་ཀ་ནུབ་ཐཱན་ སའི་པརཱས་ག་ཏཱན་བྱོན་མ༌ལ། 40དག་པ་ཀབ་ཉི་ པ་ཝལ་གི་ སི་ལཱས་སི་ཝ༌ལ། ཉི་དད་པ་ཨ་ཁཱན་བ་ཀི་ སྨོན་ལམ་ཏབ་ཉི་ གཙོ་བོ་ག་ཏཱན་ རོག་ཉིག་ཙིང་ག་ ཐུགས་རྗེ་གཟིགས་ གནང་ཤོ་དག་ཉི་ཞུན་ཐཱན་ ཀུན་ཏི་ཝ༌ལ། 41རོག་ཉིག་ཙིང་ སི་རི་ཡ་དང་ ཀི་ལི་ཀི་ཡ་ཐམས་ཅན་ ཆ་པ་ཨ་ཉི་བྱོན་ཐཱན་ ཆོས་ཚོགས་བ་ སྒྲིང་སྒྲིང་ཅོད་གནང་མ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved