མཛད༌པ། 18
18
པ་ཝལ་ཀོ་རིན་ཐི་ག།
1ཨོ་ཐ་ཚི་ངེ་ པ་ཝལ་ ཨེ་ཐེནས་ཐུབ་ཐཱན་ཐཱན་ ཀོ་རིན་ཐི་ག་ཏཱན་ བྱོན་མ༌ལ། 2ཉི་ཉ་ག་ པོན་ཏྲས་ག་ ཡ་ཧུ་དི་པ་ ཨ་ཀི་ལཱས་དག་ཁཱན་ རུ་མ༌ལ། རྒྱལ་པོ་ཆི་ལུ་ཀོལོཝ་དི་ཡཱས་གི་ ཡ་ཧུ་དི་པ་ ཐམས་ཅན་རང་ རོམ་ཐུབ་ཐ་ལེ་ཁེ་ལེ་ཨ་ཉི་ བཀའ་གནང་མ་ཨ་དེན་གེ་ ཨ་ཀི་ལཱས་དང་ རོ་ཀ་མེ་ཝག་ཙ་ པིརིས་ཀི་ལ་དག་ཁཱན་ཀབ་ཉི་ ཨི་ཏྲ་ལི་གེ་ ཀོ་རིན་ཐི་ག་ཨུ་ཉི་ ནོང་མང་པུ་མ་དི་ཝ་ཆོ་ཝ༌ལ། ཉི་པ་ཝལ་ རོག་ཉིག་ཙིང་ རུ་མེ་ག་བྱོན་མ༌ལ། 3ཉི་རོག་ཉིག་ཙིང་བུ་ རོག་ད་བུ་རང་ གུར་ཅོད་ཁཱན་གི་ཝ་ཨ་དེན་གེ་ པ་ཝལ་ རོག་ཉིག་ཙིང་ཀབ་ཉི་བཞུགས་ཉི་ ཏབ་ཐུར་ལའི་ཨ་ཝ༌ལ།
4ཉི་རོག་ དུས་བཟང་དྲང་རང་ ཡ་ཧུ་དི་པ་ ཆོས་འཛོམས་ག་བྱོན་ཐཱན་ ཡ་ཧུ་དི་པ་དང་ གིརིག་བ་ཀབ་ཉི་ ཤག་རུམ་ཉི་ ཡི་ཤུ་ག་ དད་པ་ཨ་ལེ་བི་ལེ་ག་ མིག་པ་ཕི་ཝ༌ལ། 5དག་པ་ཀབ་ཉི་ སི་ལཱས་དང་ཏི་མོ་ཐི་ མ་ཀེ་དོ་ནི་ཡ་གེ་ ཤེག་ཏེན་གེ་ པ་ཝལ་གི་ ངེ་རི་ནམ་ནིང་དག་པེ་མ་ཝ་ ཡ་ཧུ་དི་པ་བ་ཀ་ འཐེན་ལེག་པུ་བཤད་ཉི་ གསུངས་མ་ལ་ ཡི་ཤུ་ཤོ་ ཁིརིས་གི་ལ་དག༌ཉི། 6དག་པ་ཀབ་ཉི་ རོག་ཏེ་བ་ཀི་ པ་ཝལ་གི་ཡེ་ཁཱན་ག་ ཆ་གནས་མ་ཐ་ལཱན་ མེམ་ཅོར་བ༌ལ། ཉི་རོ་ཀི་ རོ་ཀ་ནམ་བཟའ་གེ་ ཕུར་ཙི་ཁཱན་གེམ་ཐཱན་ རོག་ཏེ་བ་ཀ་ གསུངས་མ་ལ་ ན་ཤི་ཐར་པ་མ་ཉོང་ནེ་ལ་ ནའི་ཏེན་ག་འཛོལ་བ་གི༌ལ། ཇི་གི་ཧང་རང་མ་སེ༌ལ། ཨོམ་ ཨོ་ཐ་གེ་ག་ཏཱན་ ཇང་ཡ་ཧུ་དི་པ་མང་གི་ཁཱན་ ཆོ་ས་ག་དི་ལེ་ཨ༌ཉི།
7པ་ཝལ་ ཡ་ཧུ་དི་པ་ག་ ཆོས་འཛོམས་ཐུབ་ཐ་ཉི་ དཀོན་མཆོག་ག་ དད་པ་ཨ་ཁཱན་ ཏྲའི་ཏཱས་ཡུས་ཏཱས་ག་ ཕའི་ག་བྱོན་ཉི་བཞུགས་པ༌ལ། ཉི་རོ་ཀ་ཕའི་ཤོ་ ཡ་ཧུ་དི་པ་ག་ ཆོས་འཛོམས་ར་ག་རང་ ཅ་གི་ཝ༌ལ། 8ཡ་ཧུ་དི་པ་ཆོས་འཛོམས་ག་ འགོ་དཔོན་ཀིརིས་པཱས་དང་ རོ་ཀ་ཕའི་ག་སོ་ངོ་ ཐམས་ཅན་གི་ གཙོ་བོ་ག་དད་པ་ཨ་ཝ༌ལ། ཉི་ཀོ་རིན་ཐི་ག་ཆོ་ཁཱན་ བཱརའ་སོ་ངོ་བ་ཀི་བུ་ པ་ཝལ་གི་གསུངས་ཁཱན་ག་ དད་པ་ཨ་ཉི་ ཁྲུས་གསོར་ཞུ་ཝ༌ལ།
9བི་ནང་ག་ གཙོ་བོ་གི་ པ་ཝལ་ག་ མཇལ་ཁ་གནང་ཉི་ གསུངས་མ་ལ་ ཡོང་མ་ཁེ་ དག་པ་ཀབ་ཉི་ འཐེན་ལེག་པུ་བཤད་ཅོ་ ཉི་ཙང་ཀེན་མ་ཆོའི། 10ཧང་ཡ་དག་ནེ་ལ་ ཇང་ནཱན་ཀབ་ཉི༌ཅ། ཉི་ཨོ་ཐ་ ཁྲོམ་ཆེན་ག་ཆོ་ཁཱན་ སོ་ངོ་མང་པུ་ཐུར་ ཇ་ག་སོ་ངོ་གི་ཝ་ཨ་དེན་གེ་ ཨི་བི་གི་རང་ ན་ག་ནོད་པ་ཀེ་བེ་ མར་བ་དག༌ཉི། 11ཨོ་ཉི་ཨ་དེན་གེ་ པ་ཝལ་ ཀོ་རིན་ཐི་ག་ ཉིང་ཕེ་དང་ཉིག་ཙིང་སག་པུ་ བཞུགས་ཐཱན་ སོ་ངོ་བ་ཀ་ དཀོན་མཆོག་ག་གསུང་ ཡེ་ཉི་གནང་མ༌ལ།
12ག་ལི་ཡོན་དག་ཁཱན་ ཨ་ཁའི་ཡ་ག་ དཔོན་སློབ་ཨ་ཉི་ཆོ་ལེ་གང་ཀ་ ཡ་ཧུ་དི་པ་ཚེ་བང་ཁ་དོབ་ཉི་ པ་ཝལ་ག་ དགྲ་ཨ་ཉི་ཙུང་ཐཱན་ ཁྲིམས་ཁང་ག་ཀེ་བ༌ལ། 13རོག་ཏེ་བ་ཀི་ ཡེག་པ་ལ་ ཨོ་ཐ་སོ་ངོ་གི་ ཨ་ཧ་ཁྲིམས་དང་མ་ཏུན་མ་ཨ་ཉི་ སོ་ངོ་བ་ཀ་ དཀོན་མཆོག་ག་ གསོལ་ཝ་ཏ་པེ་ག་ ཡེན་བི་ན་དག༌ཉི།
14པ་ཝལ་གི་ ཨོ་ཉ་ཀོར་གེ་ གསུངས་མེ་ཅམ་པ་ཐུར་ག་རང་ ག་ལི་ཡོན་གི་ ཡ་ཧུ་དི་པ་བ་ཀ་ གསུངས་མ་ལ་ ནའི་ཡ་ཧུ་དི་པ་བ་ཉཱན༌ཅོ། ཨོ་ཐ་རྩིས་ཞུ་ཁེ་པ་ ལའི་ངཱད་པ་ཀོར་གེ་ ཡང་ན་ལ་ ཁྲིམས་གེ་གེ་བ་ག་ ལའི་ག་ཀོར་གེ་གི་ནེ་ཤ་ ཇི་གི་ན་ཧ་ཆཱས་ཉཱན༌པེ། 15དག་པ་ཀབ་ཉི་ ཚིག་དང་མིང་ ཉི་ནའི་ཡ་ཧུ་དི་པ་བ་ཀ་ ཁྲིམས་ག་ཀོར་གེ་ གི་ཝ་ཨ་དེན་གེ་ ནའི་ནའི་ཏེན་གི་ ཧང་ཨ་ཝ་ཐུར་ཨའི། ཨུ་ཐུ་ད་བུ་ཆཱས་ག་ དྲང་དཔོན་ ཇང་མང་གི་ཨ༌ཉི། 16ཉི་ག་ལི་ཡོན་གི་ རོག་ཏེ་བ་ ཁྲིམས་ཁང་གེ་ ཁོན་མ༌ལ།
17ཉི་རོག་ཏེ་བ་ ཐམས་ཅན་གི་ ཡ་ཧུ་དི་པ་ ཆོས་འཛོམས་ག་ འགོ་དཔོན་ སོས་ཐེ་ནེས་དག་ཁཱན་ཙུང་ཐཱན་ ཁྲིམས་ཁང་ག་རང་ ཀོང་མ༌ལ། དག་པ་ཀབ་ཉི་ ག་ལི་ཡོན་གི་ ཧང་རང་མ་ཨ་ཝ་ཆོ་ཝ༌ལ༎
པ་ཝལ་ལོག༌ཉི་ ཨེན༌ཏྲི༌ཨོ༌ཁི༌ཡ༌ག་བྱོན་མ༌ལ།
18པ་ཝལ་ ཀོ་རིན་ཐི་ག་ ནོང་མང་པུ་ཐུར་བཞུགས་པ༌ལ། ཉི་གེ་ ཡུང་ཟི་བ་ཐུབ་ཐཱན་ཐཱན་ ཨ་ཀི་ལཱས་དང་ པིརིས་ཀི་ལ་ཀབ་ཉི་ གྲུ་ག་ནུབ་ཉི་ སི་རི་ཡ་ག་ཏཱན་ བྱོན་མ༌ལ། ཉི་ཀི་ཀིརི་ཡ་དག་ས་ག་ པ་ཝལ་གི་ དཀོན་མཆོག་ཀབ་ཉི་ ཁས་བླངས་ཨ་དེན་གེ་ རོ་ཀ་ཀེག་ཏོང་ཏྲེག་པ༌ལ།
19རོག་ཏེ་སམ་ ཨེ་ཕི་སཱས་ག་ ཕེབས་ཏེན་གེ་ པ་ཝལ་གི་ པིརིས་ཀི་ལ་དང་ཨ་ཀི་ལཱས་ ཉ་ག་ཐཱན་ཐཱན་ རོག་ཤོ་ ཡ་ཧུ་དི་པ་ ཆོས་འཛོམས་ནང་ཀ་བྱོན་ཉི་ ཡ་ཧུ་དི་པ་བ་ཀབ་ཉི་ རྩོད་པ་ཕི་ཝ༌ལ། 20རོག་ཏེ་བ་ཀི་ རོ་ཀ་ཨོམ་ཆང་རང་ ནོང་མང་པུ་ཐུར་ ཉ་ག་བཞུགས་ཅོ་དག་ཉི་ ཞུ་ལ་ཀབ་ཉི་ རོ་ཀི་སྙན་མ་གསེང་པ༌ལ། 21རོག་བྱོན་ཅ་ཨ་ཉི་ ཨོ་ཐེན་གསུངས་མ་ལ་ དཀོན་མཆོག་ག་ ཐུགས་བཞེད་ཆོ་ནེ་ལ་ ཇང་ན་ཧ་པོང་ཀ་ ལོག་ཉི་ཨོ་ཕེ་དག༌ཉི། ཉི་གེ་ རོག་ཨེ་ཕི་སཱས་གེ་ གྲུ་ག་ནུབ་ཉི་ བྱོན་མ༌ལ། 22རོག་ཀའི་ས་རི་ཡ་ག་ ཕེབས་ཏེན་གེ་ ཡ་རུ་ཤ་ལེམ་ག་ ཆོས་ཚོགས་ག་ ཤོན་གོད་པེ་བྱོན་མ༌ལ། ཉི་གེ་ ལོག་ཉི་ཨེན་ཏྲི་ཨོ་ཁི་ཡ་ག་ཏཱན་ བྱོན་མ༌ལ།
23ཨེན་ཏྲི་ཨོ་ཁི་ཡ་ག་ ད་སུར་བཞུགས་ཏེན་གེ་ ས་ཆ་ག་ལ་ཏི་ཡ་དང་ ཕིརི་གི་ཡ་ག་ཆོ་ཁཱན་ ཁྲོམ་ཆེན་ཁོན་བྱོན་ཉི་ སློ་མ་བ་ཀ་དད་པ་ སྒྲིང་སྒྲིང་ཅོད་གནང་མ༌ལ༎
ཨ་པོལ༌ལོས་ཨེ༌ཕི༌སཱས་ག།
24ཁྲོམ་ཆེན་ ཨ་ལེག་ཇེན་དྲི་ཡ་གེ་ ཨ་པོལ་ལོས་དག་ཁཱན་ ཡ་ཧུ་དི་པ་སོ་ངོ་ཐུར་ ཨེ་ཕི་སཱས་ག་ཤེག་པ༌ལ། རོག་ཤོ་ ཆཱས་གནམ་མེད་ས་མེད་ ལེག་པུ་ཨ་ཁཱན་དང་ གསུང་རབ་ག་ཀོར་གེ་ མང་པུ་སེ་ཁཱན་ སོ་ངོ་ཐུར་གི་ཝ་ཆོ་ཝ༌ལ། 25རོ་ཀི་གཙོ་བོ་ག་ ལམ་ག་ཀོར་གེ་ ལམ་པ་ཆོ༌ཝ། ཉི་རོ་ཀི་སེམས་ཤོ་ཉི་ ཡི་ཤུ་ག་ཀོར་གེ་ སོ་ངོ་བ་ཀ་ ཕྲིག་ཕྲིག་ཨན་ཡེག་ཉི་ ཡེན་བིན་ཆོ༌ཝ། དག་པ་ཀབ་ཉི་ རོ་ཀི་ཡུ་ཧན་ན་ག་ ཁྲུས་གསོར་ག་ཀོར་གེ་ཤ་ སེ་ཝ་ཆོ༌ཝ། 26ཨ་པོལ་ལོས་གི་ ཡ་ཧུ་དི་པ་ ཆོས་འཛོམས་ནང་ཀ་དིན་ཐཱན་ དོ་རི་རི་ཨ་ཉི་ བཤད་པེ་གོ་ཙུག་པ༌ལ། དག་པ་ཀབ་ཉི་ པིརིས་ཀི་ལ་དང་ ཨ་ཀི་ལཱས་གི་ རོ་ཀི་བཤད་པ་ག་ ན་ཐ་ལ་ཀབ་ཉི་ རོག་ཉིག་ཙིང་གི་ རོག་ཕའི་ག་རིག་བུན་ཐཱན་ དཀོན་མཆོག་ག་ ལམ་ག་ཀོར་གེ་ མང་པུ་ཏེན་ཏོག་ཏོ་ཨ་ཉི་ ཡེན་བི་ཝ༌ལ།
27ཨ་པོལ་ལོས་ ཨ་ཁའི་ཡ་ག་དི་ལེ་ག་ སེམས་ཨ་ཝ༌ལ། ཨོ་ཉི་ཨ་དེན་གེ་ ཉ་ག་ཡུང་ཟི་བ་ཀི་ རོ་ཀ་ཏཱན་ དི་ཝ་ག་ལེག་པུ་གི་ལ་དག་ཉི་ཡེག་པ༌ལ། ཨ་ཁའི་ཡ་ག་ སློ་མ་བ་ཀ་ཏཱན་ རོག་ཐོག་ཅོ་ན་ཨ་ཉི་ ཡི་གུ་འབྲི་ཐཱན་ཀེ་བ༌ལ། ཨ་ཁའི་ཡ་ག་ སློ་མ་བ་ཀི་ དཀོན་མཆོག་ག་ ཐུགས་རྗེ་གི་ཨ་ཉི་ ཡི་ཤུ་ག་ དད་པ་ཨ་ཝ་ཆོ་ཝ༌ལ། ཉི་ཨ་པོལ་ལོས་ ལེ་ལ་ག་ཤེག་ཏེན་གེ་ རོ་ཀི་རོག་ཏེ་བ་ཀ་ གནམ་མེད་ས་མེད་ རུམ་པ༌ལ། 28ཨོ་ཐེན་ཨ་ཉི་ སོ་ངོ་ཐམས་ཅན་ག་གུབ་ཀ་ རྩོད་པ་ཕི་ལ་ཀབ་ཉི་ ཡ་ཧུ་དི་པ་བ་ཕམ་ཉི་ ཡི་ཤུ་ཤོ་ ཁིརིས་གི་ལ་ཨ་ཉི་ གསུང་རབ་གེ་ཨ་ཉི་ ཁུངས་ཀེ་བ༌ལ༎
Currently Selected:
མཛད༌པ། 18: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མཛད༌པ། 18
18
པ་ཝལ་ཀོ་རིན་ཐི་ག།
1ཨོ་ཐ་ཚི་ངེ་ པ་ཝལ་ ཨེ་ཐེནས་ཐུབ་ཐཱན་ཐཱན་ ཀོ་རིན་ཐི་ག་ཏཱན་ བྱོན་མ༌ལ། 2ཉི་ཉ་ག་ པོན་ཏྲས་ག་ ཡ་ཧུ་དི་པ་ ཨ་ཀི་ལཱས་དག་ཁཱན་ རུ་མ༌ལ། རྒྱལ་པོ་ཆི་ལུ་ཀོལོཝ་དི་ཡཱས་གི་ ཡ་ཧུ་དི་པ་ ཐམས་ཅན་རང་ རོམ་ཐུབ་ཐ་ལེ་ཁེ་ལེ་ཨ་ཉི་ བཀའ་གནང་མ་ཨ་དེན་གེ་ ཨ་ཀི་ལཱས་དང་ རོ་ཀ་མེ་ཝག་ཙ་ པིརིས་ཀི་ལ་དག་ཁཱན་ཀབ་ཉི་ ཨི་ཏྲ་ལི་གེ་ ཀོ་རིན་ཐི་ག་ཨུ་ཉི་ ནོང་མང་པུ་མ་དི་ཝ་ཆོ་ཝ༌ལ། ཉི་པ་ཝལ་ རོག་ཉིག་ཙིང་ རུ་མེ་ག་བྱོན་མ༌ལ། 3ཉི་རོག་ཉིག་ཙིང་བུ་ རོག་ད་བུ་རང་ གུར་ཅོད་ཁཱན་གི་ཝ་ཨ་དེན་གེ་ པ་ཝལ་ རོག་ཉིག་ཙིང་ཀབ་ཉི་བཞུགས་ཉི་ ཏབ་ཐུར་ལའི་ཨ་ཝ༌ལ།
4ཉི་རོག་ དུས་བཟང་དྲང་རང་ ཡ་ཧུ་དི་པ་ ཆོས་འཛོམས་ག་བྱོན་ཐཱན་ ཡ་ཧུ་དི་པ་དང་ གིརིག་བ་ཀབ་ཉི་ ཤག་རུམ་ཉི་ ཡི་ཤུ་ག་ དད་པ་ཨ་ལེ་བི་ལེ་ག་ མིག་པ་ཕི་ཝ༌ལ། 5དག་པ་ཀབ་ཉི་ སི་ལཱས་དང་ཏི་མོ་ཐི་ མ་ཀེ་དོ་ནི་ཡ་གེ་ ཤེག་ཏེན་གེ་ པ་ཝལ་གི་ ངེ་རི་ནམ་ནིང་དག་པེ་མ་ཝ་ ཡ་ཧུ་དི་པ་བ་ཀ་ འཐེན་ལེག་པུ་བཤད་ཉི་ གསུངས་མ་ལ་ ཡི་ཤུ་ཤོ་ ཁིརིས་གི་ལ་དག༌ཉི། 6དག་པ་ཀབ་ཉི་ རོག་ཏེ་བ་ཀི་ པ་ཝལ་གི་ཡེ་ཁཱན་ག་ ཆ་གནས་མ་ཐ་ལཱན་ མེམ་ཅོར་བ༌ལ། ཉི་རོ་ཀི་ རོ་ཀ་ནམ་བཟའ་གེ་ ཕུར་ཙི་ཁཱན་གེམ་ཐཱན་ རོག་ཏེ་བ་ཀ་ གསུངས་མ་ལ་ ན་ཤི་ཐར་པ་མ་ཉོང་ནེ་ལ་ ནའི་ཏེན་ག་འཛོལ་བ་གི༌ལ། ཇི་གི་ཧང་རང་མ་སེ༌ལ། ཨོམ་ ཨོ་ཐ་གེ་ག་ཏཱན་ ཇང་ཡ་ཧུ་དི་པ་མང་གི་ཁཱན་ ཆོ་ས་ག་དི་ལེ་ཨ༌ཉི།
7པ་ཝལ་ ཡ་ཧུ་དི་པ་ག་ ཆོས་འཛོམས་ཐུབ་ཐ་ཉི་ དཀོན་མཆོག་ག་ དད་པ་ཨ་ཁཱན་ ཏྲའི་ཏཱས་ཡུས་ཏཱས་ག་ ཕའི་ག་བྱོན་ཉི་བཞུགས་པ༌ལ། ཉི་རོ་ཀ་ཕའི་ཤོ་ ཡ་ཧུ་དི་པ་ག་ ཆོས་འཛོམས་ར་ག་རང་ ཅ་གི་ཝ༌ལ། 8ཡ་ཧུ་དི་པ་ཆོས་འཛོམས་ག་ འགོ་དཔོན་ཀིརིས་པཱས་དང་ རོ་ཀ་ཕའི་ག་སོ་ངོ་ ཐམས་ཅན་གི་ གཙོ་བོ་ག་དད་པ་ཨ་ཝ༌ལ། ཉི་ཀོ་རིན་ཐི་ག་ཆོ་ཁཱན་ བཱརའ་སོ་ངོ་བ་ཀི་བུ་ པ་ཝལ་གི་གསུངས་ཁཱན་ག་ དད་པ་ཨ་ཉི་ ཁྲུས་གསོར་ཞུ་ཝ༌ལ།
9བི་ནང་ག་ གཙོ་བོ་གི་ པ་ཝལ་ག་ མཇལ་ཁ་གནང་ཉི་ གསུངས་མ་ལ་ ཡོང་མ་ཁེ་ དག་པ་ཀབ་ཉི་ འཐེན་ལེག་པུ་བཤད་ཅོ་ ཉི་ཙང་ཀེན་མ་ཆོའི། 10ཧང་ཡ་དག་ནེ་ལ་ ཇང་ནཱན་ཀབ་ཉི༌ཅ། ཉི་ཨོ་ཐ་ ཁྲོམ་ཆེན་ག་ཆོ་ཁཱན་ སོ་ངོ་མང་པུ་ཐུར་ ཇ་ག་སོ་ངོ་གི་ཝ་ཨ་དེན་གེ་ ཨི་བི་གི་རང་ ན་ག་ནོད་པ་ཀེ་བེ་ མར་བ་དག༌ཉི། 11ཨོ་ཉི་ཨ་དེན་གེ་ པ་ཝལ་ ཀོ་རིན་ཐི་ག་ ཉིང་ཕེ་དང་ཉིག་ཙིང་སག་པུ་ བཞུགས་ཐཱན་ སོ་ངོ་བ་ཀ་ དཀོན་མཆོག་ག་གསུང་ ཡེ་ཉི་གནང་མ༌ལ།
12ག་ལི་ཡོན་དག་ཁཱན་ ཨ་ཁའི་ཡ་ག་ དཔོན་སློབ་ཨ་ཉི་ཆོ་ལེ་གང་ཀ་ ཡ་ཧུ་དི་པ་ཚེ་བང་ཁ་དོབ་ཉི་ པ་ཝལ་ག་ དགྲ་ཨ་ཉི་ཙུང་ཐཱན་ ཁྲིམས་ཁང་ག་ཀེ་བ༌ལ། 13རོག་ཏེ་བ་ཀི་ ཡེག་པ་ལ་ ཨོ་ཐ་སོ་ངོ་གི་ ཨ་ཧ་ཁྲིམས་དང་མ་ཏུན་མ་ཨ་ཉི་ སོ་ངོ་བ་ཀ་ དཀོན་མཆོག་ག་ གསོལ་ཝ་ཏ་པེ་ག་ ཡེན་བི་ན་དག༌ཉི།
14པ་ཝལ་གི་ ཨོ་ཉ་ཀོར་གེ་ གསུངས་མེ་ཅམ་པ་ཐུར་ག་རང་ ག་ལི་ཡོན་གི་ ཡ་ཧུ་དི་པ་བ་ཀ་ གསུངས་མ་ལ་ ནའི་ཡ་ཧུ་དི་པ་བ་ཉཱན༌ཅོ། ཨོ་ཐ་རྩིས་ཞུ་ཁེ་པ་ ལའི་ངཱད་པ་ཀོར་གེ་ ཡང་ན་ལ་ ཁྲིམས་གེ་གེ་བ་ག་ ལའི་ག་ཀོར་གེ་གི་ནེ་ཤ་ ཇི་གི་ན་ཧ་ཆཱས་ཉཱན༌པེ། 15དག་པ་ཀབ་ཉི་ ཚིག་དང་མིང་ ཉི་ནའི་ཡ་ཧུ་དི་པ་བ་ཀ་ ཁྲིམས་ག་ཀོར་གེ་ གི་ཝ་ཨ་དེན་གེ་ ནའི་ནའི་ཏེན་གི་ ཧང་ཨ་ཝ་ཐུར་ཨའི། ཨུ་ཐུ་ད་བུ་ཆཱས་ག་ དྲང་དཔོན་ ཇང་མང་གི་ཨ༌ཉི། 16ཉི་ག་ལི་ཡོན་གི་ རོག་ཏེ་བ་ ཁྲིམས་ཁང་གེ་ ཁོན་མ༌ལ།
17ཉི་རོག་ཏེ་བ་ ཐམས་ཅན་གི་ ཡ་ཧུ་དི་པ་ ཆོས་འཛོམས་ག་ འགོ་དཔོན་ སོས་ཐེ་ནེས་དག་ཁཱན་ཙུང་ཐཱན་ ཁྲིམས་ཁང་ག་རང་ ཀོང་མ༌ལ། དག་པ་ཀབ་ཉི་ ག་ལི་ཡོན་གི་ ཧང་རང་མ་ཨ་ཝ་ཆོ་ཝ༌ལ༎
པ་ཝལ་ལོག༌ཉི་ ཨེན༌ཏྲི༌ཨོ༌ཁི༌ཡ༌ག་བྱོན་མ༌ལ།
18པ་ཝལ་ ཀོ་རིན་ཐི་ག་ ནོང་མང་པུ་ཐུར་བཞུགས་པ༌ལ། ཉི་གེ་ ཡུང་ཟི་བ་ཐུབ་ཐཱན་ཐཱན་ ཨ་ཀི་ལཱས་དང་ པིརིས་ཀི་ལ་ཀབ་ཉི་ གྲུ་ག་ནུབ་ཉི་ སི་རི་ཡ་ག་ཏཱན་ བྱོན་མ༌ལ། ཉི་ཀི་ཀིརི་ཡ་དག་ས་ག་ པ་ཝལ་གི་ དཀོན་མཆོག་ཀབ་ཉི་ ཁས་བླངས་ཨ་དེན་གེ་ རོ་ཀ་ཀེག་ཏོང་ཏྲེག་པ༌ལ།
19རོག་ཏེ་སམ་ ཨེ་ཕི་སཱས་ག་ ཕེབས་ཏེན་གེ་ པ་ཝལ་གི་ པིརིས་ཀི་ལ་དང་ཨ་ཀི་ལཱས་ ཉ་ག་ཐཱན་ཐཱན་ རོག་ཤོ་ ཡ་ཧུ་དི་པ་ ཆོས་འཛོམས་ནང་ཀ་བྱོན་ཉི་ ཡ་ཧུ་དི་པ་བ་ཀབ་ཉི་ རྩོད་པ་ཕི་ཝ༌ལ། 20རོག་ཏེ་བ་ཀི་ རོ་ཀ་ཨོམ་ཆང་རང་ ནོང་མང་པུ་ཐུར་ ཉ་ག་བཞུགས་ཅོ་དག་ཉི་ ཞུ་ལ་ཀབ་ཉི་ རོ་ཀི་སྙན་མ་གསེང་པ༌ལ། 21རོག་བྱོན་ཅ་ཨ་ཉི་ ཨོ་ཐེན་གསུངས་མ་ལ་ དཀོན་མཆོག་ག་ ཐུགས་བཞེད་ཆོ་ནེ་ལ་ ཇང་ན་ཧ་པོང་ཀ་ ལོག་ཉི་ཨོ་ཕེ་དག༌ཉི། ཉི་གེ་ རོག་ཨེ་ཕི་སཱས་གེ་ གྲུ་ག་ནུབ་ཉི་ བྱོན་མ༌ལ། 22རོག་ཀའི་ས་རི་ཡ་ག་ ཕེབས་ཏེན་གེ་ ཡ་རུ་ཤ་ལེམ་ག་ ཆོས་ཚོགས་ག་ ཤོན་གོད་པེ་བྱོན་མ༌ལ། ཉི་གེ་ ལོག་ཉི་ཨེན་ཏྲི་ཨོ་ཁི་ཡ་ག་ཏཱན་ བྱོན་མ༌ལ།
23ཨེན་ཏྲི་ཨོ་ཁི་ཡ་ག་ ད་སུར་བཞུགས་ཏེན་གེ་ ས་ཆ་ག་ལ་ཏི་ཡ་དང་ ཕིརི་གི་ཡ་ག་ཆོ་ཁཱན་ ཁྲོམ་ཆེན་ཁོན་བྱོན་ཉི་ སློ་མ་བ་ཀ་དད་པ་ སྒྲིང་སྒྲིང་ཅོད་གནང་མ༌ལ༎
ཨ་པོལ༌ལོས་ཨེ༌ཕི༌སཱས་ག།
24ཁྲོམ་ཆེན་ ཨ་ལེག་ཇེན་དྲི་ཡ་གེ་ ཨ་པོལ་ལོས་དག་ཁཱན་ ཡ་ཧུ་དི་པ་སོ་ངོ་ཐུར་ ཨེ་ཕི་སཱས་ག་ཤེག་པ༌ལ། རོག་ཤོ་ ཆཱས་གནམ་མེད་ས་མེད་ ལེག་པུ་ཨ་ཁཱན་དང་ གསུང་རབ་ག་ཀོར་གེ་ མང་པུ་སེ་ཁཱན་ སོ་ངོ་ཐུར་གི་ཝ་ཆོ་ཝ༌ལ། 25རོ་ཀི་གཙོ་བོ་ག་ ལམ་ག་ཀོར་གེ་ ལམ་པ་ཆོ༌ཝ། ཉི་རོ་ཀི་སེམས་ཤོ་ཉི་ ཡི་ཤུ་ག་ཀོར་གེ་ སོ་ངོ་བ་ཀ་ ཕྲིག་ཕྲིག་ཨན་ཡེག་ཉི་ ཡེན་བིན་ཆོ༌ཝ། དག་པ་ཀབ་ཉི་ རོ་ཀི་ཡུ་ཧན་ན་ག་ ཁྲུས་གསོར་ག་ཀོར་གེ་ཤ་ སེ་ཝ་ཆོ༌ཝ། 26ཨ་པོལ་ལོས་གི་ ཡ་ཧུ་དི་པ་ ཆོས་འཛོམས་ནང་ཀ་དིན་ཐཱན་ དོ་རི་རི་ཨ་ཉི་ བཤད་པེ་གོ་ཙུག་པ༌ལ། དག་པ་ཀབ་ཉི་ པིརིས་ཀི་ལ་དང་ ཨ་ཀི་ལཱས་གི་ རོ་ཀི་བཤད་པ་ག་ ན་ཐ་ལ་ཀབ་ཉི་ རོག་ཉིག་ཙིང་གི་ རོག་ཕའི་ག་རིག་བུན་ཐཱན་ དཀོན་མཆོག་ག་ ལམ་ག་ཀོར་གེ་ མང་པུ་ཏེན་ཏོག་ཏོ་ཨ་ཉི་ ཡེན་བི་ཝ༌ལ།
27ཨ་པོལ་ལོས་ ཨ་ཁའི་ཡ་ག་དི་ལེ་ག་ སེམས་ཨ་ཝ༌ལ། ཨོ་ཉི་ཨ་དེན་གེ་ ཉ་ག་ཡུང་ཟི་བ་ཀི་ རོ་ཀ་ཏཱན་ དི་ཝ་ག་ལེག་པུ་གི་ལ་དག་ཉི་ཡེག་པ༌ལ། ཨ་ཁའི་ཡ་ག་ སློ་མ་བ་ཀ་ཏཱན་ རོག་ཐོག་ཅོ་ན་ཨ་ཉི་ ཡི་གུ་འབྲི་ཐཱན་ཀེ་བ༌ལ། ཨ་ཁའི་ཡ་ག་ སློ་མ་བ་ཀི་ དཀོན་མཆོག་ག་ ཐུགས་རྗེ་གི་ཨ་ཉི་ ཡི་ཤུ་ག་ དད་པ་ཨ་ཝ་ཆོ་ཝ༌ལ། ཉི་ཨ་པོལ་ལོས་ ལེ་ལ་ག་ཤེག་ཏེན་གེ་ རོ་ཀི་རོག་ཏེ་བ་ཀ་ གནམ་མེད་ས་མེད་ རུམ་པ༌ལ། 28ཨོ་ཐེན་ཨ་ཉི་ སོ་ངོ་ཐམས་ཅན་ག་གུབ་ཀ་ རྩོད་པ་ཕི་ལ་ཀབ་ཉི་ ཡ་ཧུ་དི་པ་བ་ཕམ་ཉི་ ཡི་ཤུ་ཤོ་ ཁིརིས་གི་ལ་ཨ་ཉི་ གསུང་རབ་གེ་ཨ་ཉི་ ཁུངས་ཀེ་བ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved