མཛད༌པ། 20
20
པ་ཝལ་མ༌ཀེ༌དོ༌ནི༌ཡ་དང་ གིརིས༌ག་བྱོན༌མ༌ལ།
1ཨོ་ཉ་ཇིཝ་ཆུམ་དེན་གེ་ པ་ཝལ་གི་དད་པ་ཨ་ཁཱན་བ་ རོག་ཆོ་ས་ག་རཱན་ཐཱན་ སེམས་གསོ་ཨ་ཝ༌ལ། ཨོ་ཉ་གེ་ རོ་ཀི་ཇང་དི་ཝ་ན་ཨ་ཉི་ གསུངས་ཐཱན་ མ་ཀེ་དོ་ནི་ཡ་ག་ཏཱན་ བྱོན་མ༌ལ། 2རོག་མ་ཀེ་དོ་ནི་ཡ་གེ་ ཤོ་ཉི་བྱོན་ཅ་ཨ་ཉི་ ལམ་ཁོན་ཆོ་ཁཱན་ ཁྲོམ་ཐམས་ཅན་ག་ དད་པ་ཨ་ཁཱན་བ་ཀ་ སེམས་གསོ་ཨ་ཉི་རང་ བྱོན་མ༌ལ། ཉི་ཤ་ དོང་གིརིས་ག་ཏཱན་ བྱོན་མ༌ལ། 3རོག་གིརིས་ག་ ལ་ཉི་སམ་བཞུགས་པ༌ལ། ཉི་གེ་ རོག་གྲུ་ག་ནུབ་ཉི་ སི་རི་ཡ་ག་ཏཱན་ བྱོན་མེ་ག་ཅམ་ཅ་ཨ་ཉི་ ཡ་ཧུ་དི་པ་ཚེ་བང་གི་ རོ་ཀ་ཚེ་ག་དགྲ་ཨ་ཉི་ འཆར་གཞི་ཙ་མ་ག་ཀོར་གེ་ རོ་ཀི་མཁྱེན་མ༌ལ། ཨོ་ཉི་ཨ་དེན་གེ་ རོག་ལོག་ཉི་ མ་ཀེ་དོ་ནི་ཡ་གེ་ཨ་ཉི་ སི་རི་ཡ་ག་ཏཱན་ བྱོན་མེ་དག་ཉི་ ཐུགས་བསམ་གནང་མ༌ལ།
4རོ་ཀ་ཞབས་ཏོག་ཞུ་ཉི་དི་ཁཱན་ སོ་ངོ་མང་པུ་ཐུར་ཆོ་ཝ༌ལ། ཁྲོམ་ཆེན་བེ་རི་ཡ་གེ་ པུ་རཱས་ག་ཟ་ སོ་པ་ཏྲོས་དག་ཁཱན་དང་ ཁྲོམ་ཆེན་ཐེ་ས་ལོ་ནི་ཀི་གེ་ ཨ་རིས་ཏར་ཁཱས་དང་ སི་ཀཱན་དཱས་དག་ཁཱན་ ཉི་དར་བི་གེ་ ག་ཡཱས་དག་ཁཱན་དང་ ས་ཆ་ཨེ་ཤི་ཡ་གེ་ ཏི་མོ་ཐི་དང་ཏུ་ཁི་ཀཱས་ ཉི་ཏྲོརོ་ཕི་མཱས་དག་ཁཱན་ གི་ཝ་ཆོ་ཝ༌ལ། 5ཨོ་ཐ་སོ་ངོ་བ་ ཨ་ཧེ་གུམ་གུམ་དིན་ཐཱན་ ཏྲོ་ཨཱས་ག་ཤེག་པ་ ཨ་ཧ་དེན་གེ་ ནོང་ཉི་ཆོ་ཝ་ཆོ༌ཝ། 6གོག་ཉི་དི་ཁཱན་ག་དུས་ཆེན་ ཆུམ་དེན་གེ་ ཨ་ཧ་བ་ ཕི་ལིབ་པི་གེ་ གྲུ་ག་ནུབ་ཉི་དི་ཉི་ ངམ་ལྔ་ག་ཚི་ངེ་ ཏྲོ་ཨཱས་ག་ཤེག་ཉི་ རོག་ཏེ་བ་རུ༌མ། ཉི་ཨའི་ཉ་ག་ ངམ་བི་ནང་ཟུམ་ཆོ༌ཝ།
7ཧབ་ཏང་ག་གོ་ག་ནོང་ཀ་ གཙོ་བོ་ག་ཚོགས་ཞུ་ལེ་དེན་གེ་ ཨའི་ཐམས་ཅན་རང་ ཏབ་ཐུར་ཛོ་མ་ཆོ༌ཝ། ཉི་པ་ཝལ་ ནམ་ནིང་ད་བུ་ བྱོན་མེ་གི་ཝ་ཨ་དེན་གེ་ རོ་ཀི་སོ་ངོ་བ་ཀ་ བི་ནང་དོ་སག་པུ་རང་ ཆོས་བཤད་ཉི་གནང༌མ། 8ཉི་ཨ་ཧ་བ་ཛོམ་ཁཱན་ ཕའི་ཐོ་ཀ་ ལ་ཝང་ མང་པུ་ཐོག་པ་ཆོ༌ཝ། 9པ་ཝལ་གི་ གསུང་བཤད་པེ་གང་ཀ་ ཡུ་ཏྲི་ཀཱས་དག་ཁཱན་ ཡམ་ལང་ཤོ་ ཀོ་ཅུང་ཐུང་ཀ་ ལང་མ་ཆོ༌ཝ། ཉི་རོག་གནམ་མེད་ས་མེད་ མི་ནང་ཨོ་ཕེ་ཡང་ཉི་ ཇུ་ཀ་དག་པ་ཀབ་ཉི་ རོག་མི་ནང་ཤུག་ཐེ་ཉི་ ཕའི་ཐོག་སམ་གེ་ དོང་ར་ག་ཞུད་ཁེ༌ཝ། ཉི་རོག་ཏེ་བ་ཀི་ རོག་ག་དུང་ཉི་ གོད་པ་ཀབ་ཉི་ རོག་ཤི་ཝ་ཆོ༌ཝ། 10པ་ཝལ་དོང་བྱོན་ཉི་ ཀུར་ཐཱན་ རོ་ཀ་ཕྱག་ཀི་ཨ་ཉི་ ཡུ་ཏྲི་ཀཱས་ག་དུང༌མ། ཉི་རོ་ཀི་གསུངས་མ་ སྡུག་བསྔལ་མ་ཨའི་ རོག་མ་ཤི་ཝ་ཅ་ཨ༌ཉི། 11ཉི་གེ་ པ་ཝལ་ལོག་ཉི་རང་ ཐོ་ཀ་བྱོན་ཐཱན་ གཙོ་བོ་ག་ཚོགས་གནང༌མ། ཉི་རོ་ཀི་ མིང་མ་ཏེག་པ་སག་པུ་ གསུང་བཤད་ཐཱན་ ཝུན་བེད་པེ་རང་ རོག་ཉ་གེ་བྱོན༌མ། 12ཉི་སློ་མ་བ་ཀི་ ཨོ་ཉ་ཡམ་ལང་ ལེག་པུ་ཨ་ཉི་རང་ ཕའི་ག་ནུང་མེ་རེ་བ་ཨ་དེན་གེ་ རོག་ཏེ་བ་ གནམ་མེད་ས་མེད་ ཤོ་ནང་ཕེ་ཝ༌ལ༎
པ་ཝལ་ཨེ༌ཕི༌སཱས༌ག་ སོ༌ངོ་ཆི༌ལུ༌བ་ཀབ༌ཉི་རུ༌མ༌ལ།
13པ་ཝལ་དང་ཉི་ ཨས་སོས་ག་ཏཱན་བྱོན༌མ། ཉི་ཨས་སོས་ག་ ཨ་ཤི་རོག་མཇལ་བེ་ག་ ཁ་ཙི་ཐ་ཝ་དང་ཏུ་ཉི་ ཨའི་ཤོ་གྲུ་ག་ནུབ་ཉི་ རོ་ཀེ་གུམ་གུམ་དི༌ཝ། 14ཨས་སོས་ག་ པ་ཝལ་དང་ཨའི་རུམ་ཉི་ ཉ་གེ་གྲུ་ག་ནུབ་ཉི་ ཁྲོམ་མི་ཏི་ལེ་ནེ་ག་ཏཱན་དི༌ཝ། 15ནམ་ནིང་དག་པ་ཀབ་ཉི་ ཨ་ཤི་མཚོ་བར་ཀ་ས་ ཁི་ཡཱས་དག་ས་ག་ཤེག༌པ། ཉི་ཞིམ་རོང་དག་པ་ཀབ་ཉི་ མཚོ་བར་ཀ་ས་ ས་མོས་དག་ས་ག་ཤེག༌པ། ཉི་ཤིམ་རོང་དག་པ་ཀབ་ཉི་ ཨའི་མི་ལེ་ཏྲས་དག་ས་ག་ཤེག༌པ།
16ས་ཆ་ཨེ་ཤི་ཡ་ག་ མང་པུ་བཞུགས་པེ་ག་ ཐུགས་བསམ་མ་ཝ་ཨ་དེན་གེ་ ཨོ་ཐ་ཤེག་པ་ པ་ཝལ་གི་ ཨེ་ཕི་སཱས་ག་ མ་ནོང་མ་ཨ་ཉི་ གྲོས་ཐག་ཆོད་པ་ཆོ༌ཝ། ཉི་རེན་ཐཱན་ཨ་ནེ་ལ་ པེན་ཏི་ཀོས་ག་དུས་ཆེན་#20:16 པེན་ཏི་ཀོས་དག་པེ་དེན་ཐ་ཤོ་ ནོང་ 50 དག་པ་ག་ རྩིས་ གི༌ལ། པེན་ཏི་ཀོས་ག་དུས་ཆེན་ཤོ་ གོག་ཉི་དི་ཝ་ག་དུས་ཆེན་ཆུམ་ཉི་ ངམ་ 50 ག་ ཁེན་ཅ་གི༌ལ། ཉི་ཨོ་ཐ་དུས་ཆེན་ཤོ་ ཐོག་དུང་མ་ག་དུས་ཆེན་གི༌ལ།ག་དེན་གེ་ ཡ་རུ་ཤ་ལེམ་ག་ ཕེབས་པེ་རེ་བ་ཨ་ཉི་ བྱོན་མེ་ག་ ཐུགས་བསམ་གནང་མ་ཨ་དེན་གེ་ བཱས་པ་ཆོ༌ཝ། 17པ་ཝལ་གི་ མི་ལེ་ཏྲས་ག་ཕེབས་ཏེན་གེ་ ཨེ་ཕི་སཱས་ག་ ཆོས་ཚོགས་ག་ སོ་ངོ་ཆི་ལུ་བ་ ར་ལེ་ཀུན་ཏི་ཝ༌ལ།
18རོག་ཏེ་བ་ ཤེག་ཏེན་གེ་ རོ་ཀི་གསུངས་མ་ལ་ ས་ཆ་ཨེ་ཤི་ཡ་ག་ ཇི་གི་ བི་ཏབ་ཏེན་ཐུར་གེ་ག་ཏཱན་ ཨོ་མ་སག་པུ་ ཧང་ཏེན་ཆོ་ཝ་གི་ལ་སྨོ་ ན་ཤི་སེན༌ཅ། 19ཇི་གི་ཉམ་ཆུང་ཨ་ཉི་ ཉི་མིང་རི་ཤོ་ཉི་ གཙོ་བོ་ག་ཕྱག་ཞུ༌ཝ། ཡ་ཧུ་དི་པ་བ་ཀི་ ཇ་ག་དགྲ་ཨ་ཉི་ འཆར་གཞི་ཙ་མ་ཀབ་ཉི་བུ་ ཇང་ཐེས་ཉི་ཆོ༌ཝ། 20ཨོ་ཉེ་རང་གི་ནེ་བུ་ ན་ཧ་ཕཱན་མེ་ཆོ་ནེ་ལ་ ཇི་གི་ན་ཧ་མ་ཡེག་པཱན་ ཧང་རང་མ་ཐཱན་ཤི། སོ་ངོ་མང་ཀ་གུབ་ཀ་བུ་ གསུང་བཤད་ཉི་ཡེན་བི༌ཝ། ཉི་ན་ཧ་ཕའི་ཁོན་བུ་ ཨུ་ཉུ་ད་བུ་རང་ཨ༌ཝ། 21ཇི་གི་ ཡ་ཧུ་དི་པ་དག་པེ་མ་ཝ་ གིརིག་དག་པེ་མ་ཝ་ ཐམས་ཅན་གི་རང་ སྡིག་པ་གེ་ལོག་ཉི་ དཀོན་མཆོག་ལོ་ཀ་ཏཱན་ གིར་ཐཱན་ ཨ་ཧ་གཙོ་བོ་ཡི་ཤུ་ག་ དད་པ་ཨའི་ཨ་ཉི་ཡེག༌པ།
22དག་པ་ཀབ་ཉི་ ཨོམ་ ཇང་དམ་པའི་ཐུགས་ཉིད་ག་ བཀའ་དང་ཏུ་ཉི་ ཡ་རུ་ཤ་ལེམ་ག་ཏཱན་དིན༌ཅ། ཉི་ཡ་རུ་ཤ་ལེམ་ག་ ཇ་ག་ཐུང་ཀ་ ཧང་ཇུང་མེ་གི་ལ་སྨོ་ ཇི་གི་མ་སེ༌ལ། 23ཇང་བཙོན་ཁང་ག་ དི་ལེ་ཁེ༌ལེ། ཉི་ནང་དོག་པེ་ཁེ་ལེ་ཨ་ཉི་ ཁྲོམ་ཆེན་དྲང་རང་ དམ་པའི་ཐུགས་ཉིད་གི་ ཇ་ག་གསུངས་ཁཱན་ཤ་ ཇི་གི་སེན༌ཅ། 24ཇང་ཏེན་ག་ཚེ་ག་ཀོར་གེ་ ཇི་གི་ཧང་རང་མི་ལུ་མཱན༌ཅ། དག་པ་ཀབ་ཉི་ ཇ་ག་དེན་གེ་ ཨོ་ཉ་གེ་བུ་ལག་ཉི་ གཙོ་བོ་ཡི་ཤུ་གི་ གནང་ཁཱན་ལའི་ཁེ་པ་ འགྲུབ་ཕེ་ག་ ཁག་ཆི་ལུ་གི༌ལ། ཨུ་ཉུ་ལའི་ཤོ་ སོ་ངོ་བ་ཀ་ དཀོན་མཆོག་ག་ ཐུགས་རྗེ་ག་ཀོར་གེ་ འཐེན་ལེག་པུ་བཤད་པེ་ག་ ལའི་གི༌ལ།
25ཉི་ཨོམ་ ཇི་གི་ ན་ཧ་དཀོན་མཆོག་ག་ རྒྱལ་སྲིད་ག་ཀོར་གེ་ གསུང་བཤད་པ་གི༌ལ། ཉི་ན་ཧ་པོང་ཀེ་ ཐུར་གི་རང་ ཇང་ལོག་ཉི་ རུ་མེ་མར་བ་ཨ་ཉི་ ཇི་གི་སེན༌ཅ། 26ཨོ་ཉི་ཨ་དེན་གེ་ ཐི་ནོང་ ཇི་གི་ན་ཧ་ཡེག་ཅ་ སོ་ངོ་ཨི་བི་རང་གི་ནེ་བུ་ དམྱལ་བ་ག་དི་ནེ་ལ་ ཨོ་ཉ་སོ་ངོ་ག་རྩིས་ ཇི་གི་ཕུལ་བེ་ མ་ཁེ་ལ་ཨ༌ཉི། 27ཧང་ཡ་དག་ནེ་ལ་ ན་ཤི་སེན་ཆེན་ཨ་ཉི་ དཀོན་མཆོག་ག་ ཐུགས་བཞེད་ཆོ་ཁཱན་ ཐམས་ཅན་རང་ ཇི་གི་ན་ཧ་ཡེག༌པ།
28ཨོ་ཉི་ཨ་དེན་གེ་ ནའི་ཏེན་ག་དེན་གེ་དང་ དམ་པའི་ཐུགས་ཉིད་གི་ ན་ཧ་ཕརའ་ཁེ་ཐ་ཁཱན་ ཆུ་ག་ དེན་གེ་རིག་པ་སྒྲིམ༌ཅོ། ཡི་ཤུ་ག་ སྐུ་ཁྲག་གི་ངོ་ཁཱན་ དཀོན་མཆོག་ག་ ཆོས་ཚོགས་ག་དི་པ་ཨའི། 29ཇི་གི་སེན་ཅ་ ཇང་དི་དེན་གེ་ ཏེ་ངན་རོམ་ ན་ཧ་པོང་ཀ་ཤེག༌པེ། ཉི་རོག་ཏེ་བ་ཀི་ ཆོས་ཚོགས་ཐུབ་མ་ཐ༌ལ། 30ཉི་ན་ཧ་པོང་ཀེ་བུ་ ཚེ་བང་གི་ དེན་པ་འགྱུར་ཐཱན་ རོག་ཏེ་བ་ཀི་ ཡེ་ཝ་དང་ཏུ་ཉི་ སློ་མ་བ་ཀ་ ཨ་ལེ་བི་ཁཱན་ཤོ༌ལེ། 31ཨོ་ཉི་ཨ་དེན་གེ་ ན་ཤི་སེམས་ཀ་ཐའི། ངམ་བི་ནང་མ་ཝ་ ཉིང་སམ་སག་པུ་ ཇི་གི་མིང་རི་ཤོ་ཉི་ ན་ཧ་ཡེ་ཉི་བི་ཝ༌ཅ།
32ཉི་ཨོམ་ ཇི་གི་ནའི་ དཀོན་མཆོག་ཕྱག་ཀ་དང་ རོ་ཀ་གསུང་ག་ཐུགས་རྗེ་ག་ཕུལ༌ཅ། ཨོ་ཐ་ཐུགས་རྗེ་གི་ཨ་ཉི་ ནའི་ཟོག་པེ་བི༌ལེ། ཉི་དཀོན་མཆོག་ རོག་ཏེན་ག་དེན་གེ་ སོ་སུ་ཨ་ཉི་ སི་ཁཱན་བ་ཀ་གནང་ཁཱན་ བྱིན་རླབས་བུ་གནང༌མེ།
33ཇི་གི་ཧ་ལ་རང་གི་ནེ་བུ་ བཱརའ་ག་གསེར་དང་དངུལ་ ཉི་ཁ་མུང་ས་རི་ག་ ངེ་ཆཱད་པ་མཱན༌ཅ། 34ན་ཤི་ སེ་ཝ་གེ་ལག་ཏང་མཱན་ཅ་ ཇ་ག་ཨོ་ཐ་ ག་དང་གི་ ཇང་ཏེན་ག་དེན་གེ་ ལའི་ཨ་ཝ་མ་ཚཱད་པ་ ཇང་ཀབ་ཉི་ཆོ་ཁཱན་བ་བུ་ ཇ་ག་ཨོ་ཐ་ ག་དང་གི་ལའི་ཨ་ཉི་སིང༌མ། 35ཉི་ན་ཤི་དཀའ་ཝ་ཅཱད་ཉི་ ལའི་ཨ་ཉི་ དུག་པུ་སོ་ངོ་བ་ཀ་ ཧང་ཏེན་རུམ་པེ་གི་ལ་སྨོ་ ཨོ་ཉ་ཀོར་གེ་ ཇི་གི་ ན་ཧ་ཤེབ་མང་པུ་ཐུར་ དཔེ་གེན༌མ། གཙོ་བོ་ཡི་ཤུ་གི་ དོག་པ་གེ་ཏ་བི་ཝ་ག་ བྱིན་རླབས་མང་པུ་ཅ་ཨ་ཉི་ གསུངས་ཁཱན་ཡིད་ཀ་ཨའི།
36ཨོ་ཐ་བ་གསུངས་ཉི་ ཆུམ་དེན་གེ་ ཏོང་ཟིང་ས་ག་ཏེས་ཐཱན་ རོག་ཏེ་བ་ཀབ་ཉི་ སྨོན་ལམ་ཏ་པ༌ལ། 37ཉི་རོག་ཏེ་བ་ཀི་ པ་ཝལ་ག་ ཕང་མ་གེ་ལོམ་ཉི་ ལེག་པ་ཨ་ཉི་ བྱོན་ཤོ་དག་ཉི་ཞུན་ཐཱན་ རོག་ཏེ་བ་ ཐམས་ཅན་རང་གེ་ཕ༌ལ། 38ཙོ་ཙོ་རང་ པ་ཝལ་གི་ རོག་ཏེ་བ་ཀ་ ན་ཤི་ཇང་ལོག་ཉི་ ཧ་ལ་རང་མ་རུ་མ་ན་དག་ཉི་ གསུངས་མ་ཨ་དེན་གེ་ རོག་ཏེ་བ་ གནམ་མེད་ས་མེད་ ཤོ་ནང་མ་ཕེ་ཝ་ཨ་ཝ༌ལ། ཉི་གེ་ རོག་ཏེ་བ་ཀི་ དོང་གྲུ་ར་ག་སག་པུ་ པ་ཝལ་ག་ ཞབས་ཏོག་ཞུ་ཉི་ དི་ཝ༌ལ༎
Currently Selected:
མཛད༌པ། 20: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མཛད༌པ། 20
20
པ་ཝལ་མ༌ཀེ༌དོ༌ནི༌ཡ་དང་ གིརིས༌ག་བྱོན༌མ༌ལ།
1ཨོ་ཉ་ཇིཝ་ཆུམ་དེན་གེ་ པ་ཝལ་གི་དད་པ་ཨ་ཁཱན་བ་ རོག་ཆོ་ས་ག་རཱན་ཐཱན་ སེམས་གསོ་ཨ་ཝ༌ལ། ཨོ་ཉ་གེ་ རོ་ཀི་ཇང་དི་ཝ་ན་ཨ་ཉི་ གསུངས་ཐཱན་ མ་ཀེ་དོ་ནི་ཡ་ག་ཏཱན་ བྱོན་མ༌ལ། 2རོག་མ་ཀེ་དོ་ནི་ཡ་གེ་ ཤོ་ཉི་བྱོན་ཅ་ཨ་ཉི་ ལམ་ཁོན་ཆོ་ཁཱན་ ཁྲོམ་ཐམས་ཅན་ག་ དད་པ་ཨ་ཁཱན་བ་ཀ་ སེམས་གསོ་ཨ་ཉི་རང་ བྱོན་མ༌ལ། ཉི་ཤ་ དོང་གིརིས་ག་ཏཱན་ བྱོན་མ༌ལ། 3རོག་གིརིས་ག་ ལ་ཉི་སམ་བཞུགས་པ༌ལ། ཉི་གེ་ རོག་གྲུ་ག་ནུབ་ཉི་ སི་རི་ཡ་ག་ཏཱན་ བྱོན་མེ་ག་ཅམ་ཅ་ཨ་ཉི་ ཡ་ཧུ་དི་པ་ཚེ་བང་གི་ རོ་ཀ་ཚེ་ག་དགྲ་ཨ་ཉི་ འཆར་གཞི་ཙ་མ་ག་ཀོར་གེ་ རོ་ཀི་མཁྱེན་མ༌ལ། ཨོ་ཉི་ཨ་དེན་གེ་ རོག་ལོག་ཉི་ མ་ཀེ་དོ་ནི་ཡ་གེ་ཨ་ཉི་ སི་རི་ཡ་ག་ཏཱན་ བྱོན་མེ་དག་ཉི་ ཐུགས་བསམ་གནང་མ༌ལ།
4རོ་ཀ་ཞབས་ཏོག་ཞུ་ཉི་དི་ཁཱན་ སོ་ངོ་མང་པུ་ཐུར་ཆོ་ཝ༌ལ། ཁྲོམ་ཆེན་བེ་རི་ཡ་གེ་ པུ་རཱས་ག་ཟ་ སོ་པ་ཏྲོས་དག་ཁཱན་དང་ ཁྲོམ་ཆེན་ཐེ་ས་ལོ་ནི་ཀི་གེ་ ཨ་རིས་ཏར་ཁཱས་དང་ སི་ཀཱན་དཱས་དག་ཁཱན་ ཉི་དར་བི་གེ་ ག་ཡཱས་དག་ཁཱན་དང་ ས་ཆ་ཨེ་ཤི་ཡ་གེ་ ཏི་མོ་ཐི་དང་ཏུ་ཁི་ཀཱས་ ཉི་ཏྲོརོ་ཕི་མཱས་དག་ཁཱན་ གི་ཝ་ཆོ་ཝ༌ལ། 5ཨོ་ཐ་སོ་ངོ་བ་ ཨ་ཧེ་གུམ་གུམ་དིན་ཐཱན་ ཏྲོ་ཨཱས་ག་ཤེག་པ་ ཨ་ཧ་དེན་གེ་ ནོང་ཉི་ཆོ་ཝ་ཆོ༌ཝ། 6གོག་ཉི་དི་ཁཱན་ག་དུས་ཆེན་ ཆུམ་དེན་གེ་ ཨ་ཧ་བ་ ཕི་ལིབ་པི་གེ་ གྲུ་ག་ནུབ་ཉི་དི་ཉི་ ངམ་ལྔ་ག་ཚི་ངེ་ ཏྲོ་ཨཱས་ག་ཤེག་ཉི་ རོག་ཏེ་བ་རུ༌མ། ཉི་ཨའི་ཉ་ག་ ངམ་བི་ནང་ཟུམ་ཆོ༌ཝ།
7ཧབ་ཏང་ག་གོ་ག་ནོང་ཀ་ གཙོ་བོ་ག་ཚོགས་ཞུ་ལེ་དེན་གེ་ ཨའི་ཐམས་ཅན་རང་ ཏབ་ཐུར་ཛོ་མ་ཆོ༌ཝ། ཉི་པ་ཝལ་ ནམ་ནིང་ད་བུ་ བྱོན་མེ་གི་ཝ་ཨ་དེན་གེ་ རོ་ཀི་སོ་ངོ་བ་ཀ་ བི་ནང་དོ་སག་པུ་རང་ ཆོས་བཤད་ཉི་གནང༌མ། 8ཉི་ཨ་ཧ་བ་ཛོམ་ཁཱན་ ཕའི་ཐོ་ཀ་ ལ་ཝང་ མང་པུ་ཐོག་པ་ཆོ༌ཝ། 9པ་ཝལ་གི་ གསུང་བཤད་པེ་གང་ཀ་ ཡུ་ཏྲི་ཀཱས་དག་ཁཱན་ ཡམ་ལང་ཤོ་ ཀོ་ཅུང་ཐུང་ཀ་ ལང་མ་ཆོ༌ཝ། ཉི་རོག་གནམ་མེད་ས་མེད་ མི་ནང་ཨོ་ཕེ་ཡང་ཉི་ ཇུ་ཀ་དག་པ་ཀབ་ཉི་ རོག་མི་ནང་ཤུག་ཐེ་ཉི་ ཕའི་ཐོག་སམ་གེ་ དོང་ར་ག་ཞུད་ཁེ༌ཝ། ཉི་རོག་ཏེ་བ་ཀི་ རོག་ག་དུང་ཉི་ གོད་པ་ཀབ་ཉི་ རོག་ཤི་ཝ་ཆོ༌ཝ། 10པ་ཝལ་དོང་བྱོན་ཉི་ ཀུར་ཐཱན་ རོ་ཀ་ཕྱག་ཀི་ཨ་ཉི་ ཡུ་ཏྲི་ཀཱས་ག་དུང༌མ། ཉི་རོ་ཀི་གསུངས་མ་ སྡུག་བསྔལ་མ་ཨའི་ རོག་མ་ཤི་ཝ་ཅ་ཨ༌ཉི། 11ཉི་གེ་ པ་ཝལ་ལོག་ཉི་རང་ ཐོ་ཀ་བྱོན་ཐཱན་ གཙོ་བོ་ག་ཚོགས་གནང༌མ། ཉི་རོ་ཀི་ མིང་མ་ཏེག་པ་སག་པུ་ གསུང་བཤད་ཐཱན་ ཝུན་བེད་པེ་རང་ རོག་ཉ་གེ་བྱོན༌མ། 12ཉི་སློ་མ་བ་ཀི་ ཨོ་ཉ་ཡམ་ལང་ ལེག་པུ་ཨ་ཉི་རང་ ཕའི་ག་ནུང་མེ་རེ་བ་ཨ་དེན་གེ་ རོག་ཏེ་བ་ གནམ་མེད་ས་མེད་ ཤོ་ནང་ཕེ་ཝ༌ལ༎
པ་ཝལ་ཨེ༌ཕི༌སཱས༌ག་ སོ༌ངོ་ཆི༌ལུ༌བ་ཀབ༌ཉི་རུ༌མ༌ལ།
13པ་ཝལ་དང་ཉི་ ཨས་སོས་ག་ཏཱན་བྱོན༌མ། ཉི་ཨས་སོས་ག་ ཨ་ཤི་རོག་མཇལ་བེ་ག་ ཁ་ཙི་ཐ་ཝ་དང་ཏུ་ཉི་ ཨའི་ཤོ་གྲུ་ག་ནུབ་ཉི་ རོ་ཀེ་གུམ་གུམ་དི༌ཝ། 14ཨས་སོས་ག་ པ་ཝལ་དང་ཨའི་རུམ་ཉི་ ཉ་གེ་གྲུ་ག་ནུབ་ཉི་ ཁྲོམ་མི་ཏི་ལེ་ནེ་ག་ཏཱན་དི༌ཝ། 15ནམ་ནིང་དག་པ་ཀབ་ཉི་ ཨ་ཤི་མཚོ་བར་ཀ་ས་ ཁི་ཡཱས་དག་ས་ག་ཤེག༌པ། ཉི་ཞིམ་རོང་དག་པ་ཀབ་ཉི་ མཚོ་བར་ཀ་ས་ ས་མོས་དག་ས་ག་ཤེག༌པ། ཉི་ཤིམ་རོང་དག་པ་ཀབ་ཉི་ ཨའི་མི་ལེ་ཏྲས་དག་ས་ག་ཤེག༌པ།
16ས་ཆ་ཨེ་ཤི་ཡ་ག་ མང་པུ་བཞུགས་པེ་ག་ ཐུགས་བསམ་མ་ཝ་ཨ་དེན་གེ་ ཨོ་ཐ་ཤེག་པ་ པ་ཝལ་གི་ ཨེ་ཕི་སཱས་ག་ མ་ནོང་མ་ཨ་ཉི་ གྲོས་ཐག་ཆོད་པ་ཆོ༌ཝ། ཉི་རེན་ཐཱན་ཨ་ནེ་ལ་ པེན་ཏི་ཀོས་ག་དུས་ཆེན་#20:16 པེན་ཏི་ཀོས་དག་པེ་དེན་ཐ་ཤོ་ ནོང་ 50 དག་པ་ག་ རྩིས་ གི༌ལ། པེན་ཏི་ཀོས་ག་དུས་ཆེན་ཤོ་ གོག་ཉི་དི་ཝ་ག་དུས་ཆེན་ཆུམ་ཉི་ ངམ་ 50 ག་ ཁེན་ཅ་གི༌ལ། ཉི་ཨོ་ཐ་དུས་ཆེན་ཤོ་ ཐོག་དུང་མ་ག་དུས་ཆེན་གི༌ལ།ག་དེན་གེ་ ཡ་རུ་ཤ་ལེམ་ག་ ཕེབས་པེ་རེ་བ་ཨ་ཉི་ བྱོན་མེ་ག་ ཐུགས་བསམ་གནང་མ་ཨ་དེན་གེ་ བཱས་པ་ཆོ༌ཝ། 17པ་ཝལ་གི་ མི་ལེ་ཏྲས་ག་ཕེབས་ཏེན་གེ་ ཨེ་ཕི་སཱས་ག་ ཆོས་ཚོགས་ག་ སོ་ངོ་ཆི་ལུ་བ་ ར་ལེ་ཀུན་ཏི་ཝ༌ལ།
18རོག་ཏེ་བ་ ཤེག་ཏེན་གེ་ རོ་ཀི་གསུངས་མ་ལ་ ས་ཆ་ཨེ་ཤི་ཡ་ག་ ཇི་གི་ བི་ཏབ་ཏེན་ཐུར་གེ་ག་ཏཱན་ ཨོ་མ་སག་པུ་ ཧང་ཏེན་ཆོ་ཝ་གི་ལ་སྨོ་ ན་ཤི་སེན༌ཅ། 19ཇི་གི་ཉམ་ཆུང་ཨ་ཉི་ ཉི་མིང་རི་ཤོ་ཉི་ གཙོ་བོ་ག་ཕྱག་ཞུ༌ཝ། ཡ་ཧུ་དི་པ་བ་ཀི་ ཇ་ག་དགྲ་ཨ་ཉི་ འཆར་གཞི་ཙ་མ་ཀབ་ཉི་བུ་ ཇང་ཐེས་ཉི་ཆོ༌ཝ། 20ཨོ་ཉེ་རང་གི་ནེ་བུ་ ན་ཧ་ཕཱན་མེ་ཆོ་ནེ་ལ་ ཇི་གི་ན་ཧ་མ་ཡེག་པཱན་ ཧང་རང་མ་ཐཱན་ཤི། སོ་ངོ་མང་ཀ་གུབ་ཀ་བུ་ གསུང་བཤད་ཉི་ཡེན་བི༌ཝ། ཉི་ན་ཧ་ཕའི་ཁོན་བུ་ ཨུ་ཉུ་ད་བུ་རང་ཨ༌ཝ། 21ཇི་གི་ ཡ་ཧུ་དི་པ་དག་པེ་མ་ཝ་ གིརིག་དག་པེ་མ་ཝ་ ཐམས་ཅན་གི་རང་ སྡིག་པ་གེ་ལོག་ཉི་ དཀོན་མཆོག་ལོ་ཀ་ཏཱན་ གིར་ཐཱན་ ཨ་ཧ་གཙོ་བོ་ཡི་ཤུ་ག་ དད་པ་ཨའི་ཨ་ཉི་ཡེག༌པ།
22དག་པ་ཀབ་ཉི་ ཨོམ་ ཇང་དམ་པའི་ཐུགས་ཉིད་ག་ བཀའ་དང་ཏུ་ཉི་ ཡ་རུ་ཤ་ལེམ་ག་ཏཱན་དིན༌ཅ། ཉི་ཡ་རུ་ཤ་ལེམ་ག་ ཇ་ག་ཐུང་ཀ་ ཧང་ཇུང་མེ་གི་ལ་སྨོ་ ཇི་གི་མ་སེ༌ལ། 23ཇང་བཙོན་ཁང་ག་ དི་ལེ་ཁེ༌ལེ། ཉི་ནང་དོག་པེ་ཁེ་ལེ་ཨ་ཉི་ ཁྲོམ་ཆེན་དྲང་རང་ དམ་པའི་ཐུགས་ཉིད་གི་ ཇ་ག་གསུངས་ཁཱན་ཤ་ ཇི་གི་སེན༌ཅ། 24ཇང་ཏེན་ག་ཚེ་ག་ཀོར་གེ་ ཇི་གི་ཧང་རང་མི་ལུ་མཱན༌ཅ། དག་པ་ཀབ་ཉི་ ཇ་ག་དེན་གེ་ ཨོ་ཉ་གེ་བུ་ལག་ཉི་ གཙོ་བོ་ཡི་ཤུ་གི་ གནང་ཁཱན་ལའི་ཁེ་པ་ འགྲུབ་ཕེ་ག་ ཁག་ཆི་ལུ་གི༌ལ། ཨུ་ཉུ་ལའི་ཤོ་ སོ་ངོ་བ་ཀ་ དཀོན་མཆོག་ག་ ཐུགས་རྗེ་ག་ཀོར་གེ་ འཐེན་ལེག་པུ་བཤད་པེ་ག་ ལའི་གི༌ལ།
25ཉི་ཨོམ་ ཇི་གི་ ན་ཧ་དཀོན་མཆོག་ག་ རྒྱལ་སྲིད་ག་ཀོར་གེ་ གསུང་བཤད་པ་གི༌ལ། ཉི་ན་ཧ་པོང་ཀེ་ ཐུར་གི་རང་ ཇང་ལོག་ཉི་ རུ་མེ་མར་བ་ཨ་ཉི་ ཇི་གི་སེན༌ཅ། 26ཨོ་ཉི་ཨ་དེན་གེ་ ཐི་ནོང་ ཇི་གི་ན་ཧ་ཡེག་ཅ་ སོ་ངོ་ཨི་བི་རང་གི་ནེ་བུ་ དམྱལ་བ་ག་དི་ནེ་ལ་ ཨོ་ཉ་སོ་ངོ་ག་རྩིས་ ཇི་གི་ཕུལ་བེ་ མ་ཁེ་ལ་ཨ༌ཉི། 27ཧང་ཡ་དག་ནེ་ལ་ ན་ཤི་སེན་ཆེན་ཨ་ཉི་ དཀོན་མཆོག་ག་ ཐུགས་བཞེད་ཆོ་ཁཱན་ ཐམས་ཅན་རང་ ཇི་གི་ན་ཧ་ཡེག༌པ།
28ཨོ་ཉི་ཨ་དེན་གེ་ ནའི་ཏེན་ག་དེན་གེ་དང་ དམ་པའི་ཐུགས་ཉིད་གི་ ན་ཧ་ཕརའ་ཁེ་ཐ་ཁཱན་ ཆུ་ག་ དེན་གེ་རིག་པ་སྒྲིམ༌ཅོ། ཡི་ཤུ་ག་ སྐུ་ཁྲག་གི་ངོ་ཁཱན་ དཀོན་མཆོག་ག་ ཆོས་ཚོགས་ག་དི་པ་ཨའི། 29ཇི་གི་སེན་ཅ་ ཇང་དི་དེན་གེ་ ཏེ་ངན་རོམ་ ན་ཧ་པོང་ཀ་ཤེག༌པེ། ཉི་རོག་ཏེ་བ་ཀི་ ཆོས་ཚོགས་ཐུབ་མ་ཐ༌ལ། 30ཉི་ན་ཧ་པོང་ཀེ་བུ་ ཚེ་བང་གི་ དེན་པ་འགྱུར་ཐཱན་ རོག་ཏེ་བ་ཀི་ ཡེ་ཝ་དང་ཏུ་ཉི་ སློ་མ་བ་ཀ་ ཨ་ལེ་བི་ཁཱན་ཤོ༌ལེ། 31ཨོ་ཉི་ཨ་དེན་གེ་ ན་ཤི་སེམས་ཀ་ཐའི། ངམ་བི་ནང་མ་ཝ་ ཉིང་སམ་སག་པུ་ ཇི་གི་མིང་རི་ཤོ་ཉི་ ན་ཧ་ཡེ་ཉི་བི་ཝ༌ཅ།
32ཉི་ཨོམ་ ཇི་གི་ནའི་ དཀོན་མཆོག་ཕྱག་ཀ་དང་ རོ་ཀ་གསུང་ག་ཐུགས་རྗེ་ག་ཕུལ༌ཅ། ཨོ་ཐ་ཐུགས་རྗེ་གི་ཨ་ཉི་ ནའི་ཟོག་པེ་བི༌ལེ། ཉི་དཀོན་མཆོག་ རོག་ཏེན་ག་དེན་གེ་ སོ་སུ་ཨ་ཉི་ སི་ཁཱན་བ་ཀ་གནང་ཁཱན་ བྱིན་རླབས་བུ་གནང༌མེ།
33ཇི་གི་ཧ་ལ་རང་གི་ནེ་བུ་ བཱརའ་ག་གསེར་དང་དངུལ་ ཉི་ཁ་མུང་ས་རི་ག་ ངེ་ཆཱད་པ་མཱན༌ཅ། 34ན་ཤི་ སེ་ཝ་གེ་ལག་ཏང་མཱན་ཅ་ ཇ་ག་ཨོ་ཐ་ ག་དང་གི་ ཇང་ཏེན་ག་དེན་གེ་ ལའི་ཨ་ཝ་མ་ཚཱད་པ་ ཇང་ཀབ་ཉི་ཆོ་ཁཱན་བ་བུ་ ཇ་ག་ཨོ་ཐ་ ག་དང་གི་ལའི་ཨ་ཉི་སིང༌མ། 35ཉི་ན་ཤི་དཀའ་ཝ་ཅཱད་ཉི་ ལའི་ཨ་ཉི་ དུག་པུ་སོ་ངོ་བ་ཀ་ ཧང་ཏེན་རུམ་པེ་གི་ལ་སྨོ་ ཨོ་ཉ་ཀོར་གེ་ ཇི་གི་ ན་ཧ་ཤེབ་མང་པུ་ཐུར་ དཔེ་གེན༌མ། གཙོ་བོ་ཡི་ཤུ་གི་ དོག་པ་གེ་ཏ་བི་ཝ་ག་ བྱིན་རླབས་མང་པུ་ཅ་ཨ་ཉི་ གསུངས་ཁཱན་ཡིད་ཀ་ཨའི།
36ཨོ་ཐ་བ་གསུངས་ཉི་ ཆུམ་དེན་གེ་ ཏོང་ཟིང་ས་ག་ཏེས་ཐཱན་ རོག་ཏེ་བ་ཀབ་ཉི་ སྨོན་ལམ་ཏ་པ༌ལ། 37ཉི་རོག་ཏེ་བ་ཀི་ པ་ཝལ་ག་ ཕང་མ་གེ་ལོམ་ཉི་ ལེག་པ་ཨ་ཉི་ བྱོན་ཤོ་དག་ཉི་ཞུན་ཐཱན་ རོག་ཏེ་བ་ ཐམས་ཅན་རང་གེ་ཕ༌ལ། 38ཙོ་ཙོ་རང་ པ་ཝལ་གི་ རོག་ཏེ་བ་ཀ་ ན་ཤི་ཇང་ལོག་ཉི་ ཧ་ལ་རང་མ་རུ་མ་ན་དག་ཉི་ གསུངས་མ་ཨ་དེན་གེ་ རོག་ཏེ་བ་ གནམ་མེད་ས་མེད་ ཤོ་ནང་མ་ཕེ་ཝ་ཨ་ཝ༌ལ། ཉི་གེ་ རོག་ཏེ་བ་ཀི་ དོང་གྲུ་ར་ག་སག་པུ་ པ་ཝལ་ག་ ཞབས་ཏོག་ཞུ་ཉི་ དི་ཝ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved