ཡུ་ཧན་ན། 14
14
ཡི་ཤུ་ཤོ་ ཞིང་ཁམས་ག་ལམ་གི༌ལ།
1ན་ཧ་བ་ སེམས་མ་ཆག་པ་མ་ཨའི། ན༌ཤི་དཀོན་མཆོག་ག་ ལོ་ཏེན་མ༌ཅ། ཉི་ཇ་ག་བུ་ལོ་ཏེན༌ཤོ། 2ཇ་ག་ཨ་པ་ག་ཕོ་བྲང་ག་ ཕའི་ནང་མང་པུ༌ཅ། ཉི་མཱན་ཐཱན་ཨ་ནེ་ཏ་ མཱན་ཅ་ཨ་ཉི་ ཇི་གི་ན་ཧ་ཡེག་པེ་ཆོ༌ཝ། ཉི་ཇང་ ན་ཧ་བ་ཆོ་ལེ་ག་ བཱརང་ཅམ་པེ་དེན་གེ་ དིན་ཅ་གི༌ལ། 3ཇང་དིན་ཐཱན་ ན་ཧ་དེན་གེ་ བཱརང་ཅམ་ནེ་ལ་ ཇང་ཀབ་ཉི་ཆོ་ལེ་དེན་གེ་ ན་ཧ་བ་རིག་ཉི་བུ་ལེ་ག་ ཇང་ལོག་ཉི་ཨོ་ཕེ། ཧང་ཡ་དག་ནེ་ལ་ ཇང་ཨོ་ག་ཆོ་ཝ་ཐུར་ ན་ཧ་བ་བུ་ཨུན་ཆེན། 4ཉི་ཇང་ཨོ་ག་དིན་ཅ་གི་ལ་སྨོ་ ཨོ་ཉ་ག་རིག་ཁཱན་ལམ་ཁེ་པ་ ན་ཤི་སེན༌ཅ།
5ཉི་ཐོ་མ་གི་ཞུ་ཝ་ལ་ གཙོ་བོ་ ནཱན་ཨོ་ག་བྱོན་ཅ་གི་ལ་སྨོ་ ཨ་ཤི་སེ་ལུ་མ༌ལ། ཉི་ཨོ་ཉ་ག་ཏཱན་ རིག་ཁཱན་ལམ་ཁེ་པ་ ཨ་ཤི་ཧང་ཏེན་ཨ་ཉི་ སེ་ལེ་ཡ་དག༌ཉི།
6ཡི་ཤུ་གི་ རོ་ཀ་གསུངས་མ་ལ་ ཇང་ཤོ་ལམ་ ཉི་དེན་པ་དང་ ཚེ་གི༌ལ། ཉི་ཇང་ཐུར་གེ་ཨ་ཉི་མ་ཏོག་པ་ བཱརའ་ཨི་བི་གེ་རང་ ཨ་པ་ག་སྐུན་མདུན་ག་ ཤེག་པེ་མར༌བ། 7ན་ཤི་ ཇང་ཏེན་ཏེན་ཨ་ཉི་རང་ གུམ་ཡེ་ནེ་ལ་ ན་ཤི་ ཇ་ག་ཨ་པ་བུ་ གུམ་ཡེ་ལེ་རེ༌བེ། ཨོ་ཐ་གེ་ག་ཏཱན་ ན་ཤི་རོག་གུམ་ཡེ་ཝ༌ཅ། ཉི་ན་ཤི་ རོག་མཇལ་བ་ཅ་དག་ཉི་ གསུངས་མ༌ལ།
8ཕི་ལིབ་གི་ཞུ་ཝ་ལ་ གཙོ་བོ་ ཨ་ཧ་ཏཱན་ ན་ག་ཡབ་གེན་ཉི་གནང་མ་ཐུར་གི་ དྲིག་པེ་དག༌ཉི།
9ཡི་ཤུ་གི་ཕི་ལིབ་ག་ གསུངས་མ་ལ་ ཕི་ལིབ་ ཇང་ན་ཧ་བ་ཀབ་ཉི་ ཨོ་མ་ཚེ་གེ་ཆོ་ཝ་མང་གི། ཨོ་ཉེ་རང་གི་ནེ་བུ་ ནཱན་གི་ ཇང་གུམ་ཡེ་ལུ་མཱན་ཅ་སྨོ། ཨི་བི་གི་ ཇང་ཐོང་མ་ཐུར་ ཨོ་ཉ་སོ་ངོ་གི་ ཨ་པ་མཇལ་བ་གི༌ལ། ཉི་ནཱན་གི་ཇ་ག་ ཨ་ཧ་ཏཱན་ ཡབ་གེན་གནང་ཤོ་དག་ཉི་ ཧང་ཨ་ཉི་ཡེག་ཅ་ཡ། 10ཧང་ཇ་ག་ནང་ཀ་ ཨ་པ་བཞུགས་ཅ་ ཉི་ཇང་ཤོ་ ཨ་པ་ག་ནང་ཀ་ ཆོན་ཅ་གི་ལ་དག་ཉི་ ནཱན་གི་ དད་པ་ཨ་ལུ་མཱན་ཅ་སྨོ། ཇི་གི་ན་ག་ཡེག་ཁཱན་ཆཱས་ཁེ་པ་ ཇང་ཏེན་ག་ཆཱས་མང་གི། དག་པ་ཀབ་ཉི་ ཇ་ག་ནང་ཀ་བཞུགས་ཁཱན་ ཨ་པ་གི་ རོ་ཀ་ཕྱག་ལཱ་གནང་ཅ་གི༌ལ། 11ཇང་ཤོ་ ཨ་པ་ག་ནང་ཀ་དང་ ཨ་པ་ཤོ་ ཇ་ག་ནང་ཀ་ཅ་དག་ཉི་ ཇི་གི་ཡེག་པ་ཀབ་ཉི་ དད་པ་ཨའི། ཨུ་ཉུ་མ་ནེ་ལ་ ཇི་གི་གེན་ཁཱན་རྫུ་འཕྲུལ་ག་གོད་ཉི་ དད་པ་ཨའི།
12ཇི་གི་ ན་ཧ་དེན་པ་ཡེག་ཅ་ ཨི་བི་གི་ ཇ་ག་ཏཱན་ དད་པ་ཨ་ཝ་ཐུར་ ཇི་གི་ཨ་ཁཱན་བ་ཨ༌ལེ། ཇི་གི་ཨ་ཁཱན་གེ་ ལའི་ཆི་ལུ་བ་བུ་ རོ་ཀི་ཨ༌ལེ། ཧང་ཡ་དག་ནེ་ལ་ ཇང་ཇ་ག་ཨ་པ་ག་ སྐུན་མདུན་ག་ཏཱན་དིན༌ཅ། 13ཉི་ན་ཤི་ ཇ་ག་མིང་ག་ ཧང་ཕུན་མ་ཐུར་ ཇི་གི་ཨ༌ལེ། ཧང་ཡ་དག་ནེ་ལ་ ཨ་པ་ག་གཟི་བརྗིད་ཁེ་པ་ ཟ་ག་ཐུང་ཀེ་ཨ་ཉི་ གེན་མེ་རེ་ཆེན། 14ན་ཤི་ཇ་ག་མིང་ག་ ཧང་ཕུན་མ་ཐུར་ ཇི་གི་ ན་ཧ་དེན་གེ་ཨ༌ལེ༎
ཡི་ཤུ་གི་ དམ་པའི་ཐུགས་ཉིད་གནང་མེ་དག་ཉི་ དབུ་མནའ་བཞེས་ཝ༌ལ།
15ན་ཤི་ཇང་ཕང་ནེ་ལ་ ཇི་གི་བཀའ་བི་ཁཱན་ག་ ན་ཤི་ཆ་གནས་ཐ༌ལེ། 16ཇི་གི་ཨ་པ་ག་ཞུ་ལེ་ ཉི་རོ་ཀི་ན་ཧ་ ཨོམ་ཆང་རང་ སེམས་གསོ་ཨ་ཁཱན་ཐུར་གནང༌མེ། ཉི་རོག་ དུས་ཏ་བུ་རང་ ན་ཧ་བ་ཀབ་ཉི་རང་ཆོ༌ལེ། 17རོག་ཤོ་ དེན་པ་གེ་རིག་ཉི་གནང་ཁཱན་ དམ་པའི་ཐུགས་ཉིད་གི༌ལ། འཛམ་གླིང་གི་ རོག་ཞུ་ལེ་མར༌བ། ཧང་ཡ་དག་ནེ་ལ་ འཛམ་གླིང་གི་ རོག་མཇལ་བ་མཱན༌ཅ། ཉི་གུམ་བུ་ཡེ་ཝ་མཱན༌ཅ། དག་པ་ཀབ་ཉི་ ན་ཤི་རོག་གུམ་ཡེན༌ཅ། ཧང་ཡ་དག་ནེ་ལ་ རོག་ན་ཧ་བ་ཀབ་ཉི་བཞུགས༌ཅ། ཉི་རོག་ན་ཧ་ནང་ཀ་བཞུགས་པ༌ཅ། 18ཇི་གི་ན་ཧ་བ་ སིང་ཟ་ཝག་ཙ་བ་ད་བུ་ཨ་ཉི་ ཐུབ་མ་ཐ༌ལ། ཇང་ན་ཧ་བ་ཆོ་ས་ག་ཏཱན་ ལོག་ཉི་ཨོ་ཕེ། 19ཨོམ་ད་སུར་གེ་ འཛམ་གླིང་གི་ ཇང་ཐོང་མེ་མར༌བ། དག་པ་ཀབ་ཉི་ ན་ཤི་ཇང་ཐོང་མེ་རེ༌བེ། ཧང་ཡ་དག་ནེ་ལ་ ཇང་གསོན་པོ་ཨ་ཉི་ཆོན༌ཅ། ཉི་ན་ཧ་བ་བུ་ གསོན་པོ་ཨ་ཉི་ཆོ༌ལེ། 20ཇང་ཤོ་ ཇ་ག་ཨ་པ་ག་ནང་ཀ་དང་ ན་ཧ་བ་ ཇ་ག་ནང་ཀ་ ཉི་ཇང་ ན་ཧ་ནང་ཀ་ལ་དག་ཉི་ ཨོ་ཉ་ནོང་ཀ་ ན་ཤི་ཧ་གོ་ལེ་རེ༌བེ། 21ཇ་ག་བཀའ་ག་ཆ་གནས་ཐ་ཁཱན་ སོ་ངོ་བ་ཤོ་ ཇང་ཕང་ཁཱན་བ་གི༌ལ། ཉི་ཇང་ཕང་ཁཱན་ སོ་ངོ་ཁེ་པ་ ཇ་ག་ཨ་པ་གི་ཕང་ཉི་གནང༌མེ། ཉི་ཇང་ཏེན་གི་བུ་ རོག་ཕང༌པེ། ཉི་ཇང་ཇང་ཏེན་གི་ རོ་ཀ་གེན་མེ་དག༌ཉི།
22ཉི་ཨིས་ཀ་རི་ཡོད་མང་གི་ཁཱན་ བཱརའ་ཡ་ཧུ་ད་གི་ཞུ་ཝ་ལ་ གཙོ་བོ་ ནཱན་གི་འཛམ་གླིང་ག་ མཇལ་ཁ་མ་གནང་མཱན་ ཨ་ཧ་ཏཱན་ཤ་ མཇལ་ཁ་གནང་མེ་གི་ཝ་ལ་ ཨུ་ཉུ་ཤོ་ ཧང་ཨ་ཉི་ཡ་དག༌ཉི།
23ཡི་ཤུ་གི་གསུངས་མ་ལ་ ཨི་བི་གི་ ཇང་ཕང་པ་ཐུར་ ཨོ་ཉ་སོ་ངོ་གི་ ཇི་གི་ཡེག་ཁཱན་ག་ ཆ་གནས་ཐ༌ལེ། ཇ་ག་ཨ་པ་གི་བུ་ རོག་ཕང༌པེ། ཉི་ཨ་ཆིང་ རོ་ཀ་བཱརང་ཀ་ཨུན་ཐཱན་ རོག་ཀབ་ཉི་ ཨ་ཧ་ཕའི་ཅོད༌པེ། 24ཉི་ཨི་བི་གི་ ཇང་མ་ཕང་ཅ་གི་ལ་སྨོ་ ཨོ་ཉ་སོ་ངོ་གི་ ཇི་གི་ཡེ་ཁཱན་བ་ ཆ་གནས་མ་ཐ༌ལ། ན་ཤི་ན་ཐ་ཁཱན་ ཨོ་ཐ་ཆཱས་ཁེ་པ་ ཇང་ཏེན་ག་མང་གི་ཝ་ ཇང་ཀུན་ཏི་ཁཱན་ ཨ་པ་གི་ གསུངས་ཁཱན་བ་གི༌ལ། 25ཉི་ཇང་ ན་ཧ་བ་ཀབ་ཉི་རང་ ཆོ་ལེ་གང་ཀ་ ཇི་གི་ཨོ་ཐ་བ་ ཐམས་ཅན་རང་ ན་ཧ་ཡེག་པ་ན། 26དག་པ་ཀབ་ཉི་ ཇ་ག་མིང་ག་ ཨ་པ་གི་ཀུན་ཏི་ཁཱན་ བསླབ་བྱ་གནང་ཁཱན་ དམ་པའི་ཐུགས་ཉིད་གི་ ན་ཧ་ཐམས་ཅན་རང་ ཡེ་ཉི་གནང༌མེ། ཉི་ཇི་གི་ ན་ཧ་ཡེག་ཁཱན་ ཆཱས་ཐམས་ཅན་རང་ ཡིད་ཀ་ཨ་ཉི་གནང༌མེ།
27ཇི་གི་ན་ཧ་བ་ཀབ་ཉི་ སྐྱིད་པུ་ཐཱན༌ཅ། ཉི་ཇ་ག་སྐྱིད་པུ་ ཇི་གི་ན་ཧ་བིན༌ཅ། དག་པ་ཀབ་ཉི་ འཛམ་གླིང་གི་ བི་ཝ་པུརུས་ཀིན་ཨ་ཉི་ ཇི་གི་ ན་ཧ་བི་ལུ་མཱན༌ཅ། ན་ཧ་སེམས་མ་ཆག་པ་མ་ཨའི། ཉི་ན་ཧ་བ་ཡོང་མ་ཁེ། 28ཇང་དིན་ཅ་ དག་པ་ཀབ་ཉི་ ཇང་ལོག་ཉི་ ན་ཧ་བ་ཆོ་ས་ག་ཏཱན་ ལོག་པེ་ན་དག་ཉི་ ཇི་གི་ན་ཧ་ཡེག་ཁཱན་ཁེ་པ་ ན་ཤི་ན་ཐ་ཝ༌ཅ། ན་ཤི་ཇང་ཕང་ནེ་ལ་ ཇང་ཨ་པ་ག་ སྐུན་མདུན་ག་ཏཱན་ དི་ཝ་ཨ་དེན་གེ་ ན་ཧ་བ་ ཤོ་ནང་ཕེ་ལེ་ཁེ༌ལེ། ཧང་ཡ་དག་ནེ་ལ་ ཨ་པ་ཤོ་ ཇང་གེ་ཆི་ལུ་གི༌ལ། 29ཨུ་ཉུ་ཇུང་མ་ཀབ་ཉི་ ན་ཤི་དད་པ་ཨན་ཆེན་དག་པ་གི་ ཨུ་ཉུ་མ་ཇུང་མེ་གོ་མ་རང་ ཇི་གི་ན་ཧ་ཡེག་པ༌ཅ།
30ཇང་ན་ཧ་བ་ཀབ་ཉི་ཆཱས་ཨ་ཉི་ མང་པུ་མ་ཆོ༌ལ། ཧང་ཡ་དག་ནེ་ལ་ ཨོ་ཐ་འཛམ་གླིང་ག་ རྒྱལ་སྲས་ཨུ་ན། ཇ་ག་ཐུང་ཀེ་ རོ་ཀ་དབང་ཚད་མཱན༌ཅ། 31དག་པ་ཀབ་ཉི་ ཇི་གི་ཨ་པ་ཕང༌ཅ། ཉི་ཨ་པ་གི་ ཇ་ག་བཀའ་གནང་མ་དང་ཏུ་ཉི་ཤ་ ཇི་གི་ཨན་ཅ་གི་ལ་དག་ཉི་ འཛམ་གླིང་གི་སེ་ལེ་ཁེ་ཝ༌ཅ། ཨོ་དོ་ ཨ་ཧ་བ་དི་ཁེ༎
Currently Selected:
ཡུ་ཧན་ན། 14: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
ཡུ་ཧན་ན། 14
14
ཡི་ཤུ་ཤོ་ ཞིང་ཁམས་ག་ལམ་གི༌ལ།
1ན་ཧ་བ་ སེམས་མ་ཆག་པ་མ་ཨའི། ན༌ཤི་དཀོན་མཆོག་ག་ ལོ་ཏེན་མ༌ཅ། ཉི་ཇ་ག་བུ་ལོ་ཏེན༌ཤོ། 2ཇ་ག་ཨ་པ་ག་ཕོ་བྲང་ག་ ཕའི་ནང་མང་པུ༌ཅ། ཉི་མཱན་ཐཱན་ཨ་ནེ་ཏ་ མཱན་ཅ་ཨ་ཉི་ ཇི་གི་ན་ཧ་ཡེག་པེ་ཆོ༌ཝ། ཉི་ཇང་ ན་ཧ་བ་ཆོ་ལེ་ག་ བཱརང་ཅམ་པེ་དེན་གེ་ དིན་ཅ་གི༌ལ། 3ཇང་དིན་ཐཱན་ ན་ཧ་དེན་གེ་ བཱརང་ཅམ་ནེ་ལ་ ཇང་ཀབ་ཉི་ཆོ་ལེ་དེན་གེ་ ན་ཧ་བ་རིག་ཉི་བུ་ལེ་ག་ ཇང་ལོག་ཉི་ཨོ་ཕེ། ཧང་ཡ་དག་ནེ་ལ་ ཇང་ཨོ་ག་ཆོ་ཝ་ཐུར་ ན་ཧ་བ་བུ་ཨུན་ཆེན། 4ཉི་ཇང་ཨོ་ག་དིན་ཅ་གི་ལ་སྨོ་ ཨོ་ཉ་ག་རིག་ཁཱན་ལམ་ཁེ་པ་ ན་ཤི་སེན༌ཅ།
5ཉི་ཐོ་མ་གི་ཞུ་ཝ་ལ་ གཙོ་བོ་ ནཱན་ཨོ་ག་བྱོན་ཅ་གི་ལ་སྨོ་ ཨ་ཤི་སེ་ལུ་མ༌ལ། ཉི་ཨོ་ཉ་ག་ཏཱན་ རིག་ཁཱན་ལམ་ཁེ་པ་ ཨ་ཤི་ཧང་ཏེན་ཨ་ཉི་ སེ་ལེ་ཡ་དག༌ཉི།
6ཡི་ཤུ་གི་ རོ་ཀ་གསུངས་མ་ལ་ ཇང་ཤོ་ལམ་ ཉི་དེན་པ་དང་ ཚེ་གི༌ལ། ཉི་ཇང་ཐུར་གེ་ཨ་ཉི་མ་ཏོག་པ་ བཱརའ་ཨི་བི་གེ་རང་ ཨ་པ་ག་སྐུན་མདུན་ག་ ཤེག་པེ་མར༌བ། 7ན་ཤི་ ཇང་ཏེན་ཏེན་ཨ་ཉི་རང་ གུམ་ཡེ་ནེ་ལ་ ན་ཤི་ ཇ་ག་ཨ་པ་བུ་ གུམ་ཡེ་ལེ་རེ༌བེ། ཨོ་ཐ་གེ་ག་ཏཱན་ ན་ཤི་རོག་གུམ་ཡེ་ཝ༌ཅ། ཉི་ན་ཤི་ རོག་མཇལ་བ་ཅ་དག་ཉི་ གསུངས་མ༌ལ།
8ཕི་ལིབ་གི་ཞུ་ཝ་ལ་ གཙོ་བོ་ ཨ་ཧ་ཏཱན་ ན་ག་ཡབ་གེན་ཉི་གནང་མ་ཐུར་གི་ དྲིག་པེ་དག༌ཉི།
9ཡི་ཤུ་གི་ཕི་ལིབ་ག་ གསུངས་མ་ལ་ ཕི་ལིབ་ ཇང་ན་ཧ་བ་ཀབ་ཉི་ ཨོ་མ་ཚེ་གེ་ཆོ་ཝ་མང་གི། ཨོ་ཉེ་རང་གི་ནེ་བུ་ ནཱན་གི་ ཇང་གུམ་ཡེ་ལུ་མཱན་ཅ་སྨོ། ཨི་བི་གི་ ཇང་ཐོང་མ་ཐུར་ ཨོ་ཉ་སོ་ངོ་གི་ ཨ་པ་མཇལ་བ་གི༌ལ། ཉི་ནཱན་གི་ཇ་ག་ ཨ་ཧ་ཏཱན་ ཡབ་གེན་གནང་ཤོ་དག་ཉི་ ཧང་ཨ་ཉི་ཡེག་ཅ་ཡ། 10ཧང་ཇ་ག་ནང་ཀ་ ཨ་པ་བཞུགས་ཅ་ ཉི་ཇང་ཤོ་ ཨ་པ་ག་ནང་ཀ་ ཆོན་ཅ་གི་ལ་དག་ཉི་ ནཱན་གི་ དད་པ་ཨ་ལུ་མཱན་ཅ་སྨོ། ཇི་གི་ན་ག་ཡེག་ཁཱན་ཆཱས་ཁེ་པ་ ཇང་ཏེན་ག་ཆཱས་མང་གི། དག་པ་ཀབ་ཉི་ ཇ་ག་ནང་ཀ་བཞུགས་ཁཱན་ ཨ་པ་གི་ རོ་ཀ་ཕྱག་ལཱ་གནང་ཅ་གི༌ལ། 11ཇང་ཤོ་ ཨ་པ་ག་ནང་ཀ་དང་ ཨ་པ་ཤོ་ ཇ་ག་ནང་ཀ་ཅ་དག་ཉི་ ཇི་གི་ཡེག་པ་ཀབ་ཉི་ དད་པ་ཨའི། ཨུ་ཉུ་མ་ནེ་ལ་ ཇི་གི་གེན་ཁཱན་རྫུ་འཕྲུལ་ག་གོད་ཉི་ དད་པ་ཨའི།
12ཇི་གི་ ན་ཧ་དེན་པ་ཡེག་ཅ་ ཨི་བི་གི་ ཇ་ག་ཏཱན་ དད་པ་ཨ་ཝ་ཐུར་ ཇི་གི་ཨ་ཁཱན་བ་ཨ༌ལེ། ཇི་གི་ཨ་ཁཱན་གེ་ ལའི་ཆི་ལུ་བ་བུ་ རོ་ཀི་ཨ༌ལེ། ཧང་ཡ་དག་ནེ་ལ་ ཇང་ཇ་ག་ཨ་པ་ག་ སྐུན་མདུན་ག་ཏཱན་དིན༌ཅ། 13ཉི་ན་ཤི་ ཇ་ག་མིང་ག་ ཧང་ཕུན་མ་ཐུར་ ཇི་གི་ཨ༌ལེ། ཧང་ཡ་དག་ནེ་ལ་ ཨ་པ་ག་གཟི་བརྗིད་ཁེ་པ་ ཟ་ག་ཐུང་ཀེ་ཨ་ཉི་ གེན་མེ་རེ་ཆེན། 14ན་ཤི་ཇ་ག་མིང་ག་ ཧང་ཕུན་མ་ཐུར་ ཇི་གི་ ན་ཧ་དེན་གེ་ཨ༌ལེ༎
ཡི་ཤུ་གི་ དམ་པའི་ཐུགས་ཉིད་གནང་མེ་དག་ཉི་ དབུ་མནའ་བཞེས་ཝ༌ལ།
15ན་ཤི་ཇང་ཕང་ནེ་ལ་ ཇི་གི་བཀའ་བི་ཁཱན་ག་ ན་ཤི་ཆ་གནས་ཐ༌ལེ། 16ཇི་གི་ཨ་པ་ག་ཞུ་ལེ་ ཉི་རོ་ཀི་ན་ཧ་ ཨོམ་ཆང་རང་ སེམས་གསོ་ཨ་ཁཱན་ཐུར་གནང༌མེ། ཉི་རོག་ དུས་ཏ་བུ་རང་ ན་ཧ་བ་ཀབ་ཉི་རང་ཆོ༌ལེ། 17རོག་ཤོ་ དེན་པ་གེ་རིག་ཉི་གནང་ཁཱན་ དམ་པའི་ཐུགས་ཉིད་གི༌ལ། འཛམ་གླིང་གི་ རོག་ཞུ་ལེ་མར༌བ། ཧང་ཡ་དག་ནེ་ལ་ འཛམ་གླིང་གི་ རོག་མཇལ་བ་མཱན༌ཅ། ཉི་གུམ་བུ་ཡེ་ཝ་མཱན༌ཅ། དག་པ་ཀབ་ཉི་ ན་ཤི་རོག་གུམ་ཡེན༌ཅ། ཧང་ཡ་དག་ནེ་ལ་ རོག་ན་ཧ་བ་ཀབ་ཉི་བཞུགས༌ཅ། ཉི་རོག་ན་ཧ་ནང་ཀ་བཞུགས་པ༌ཅ། 18ཇི་གི་ན་ཧ་བ་ སིང་ཟ་ཝག་ཙ་བ་ད་བུ་ཨ་ཉི་ ཐུབ་མ་ཐ༌ལ། ཇང་ན་ཧ་བ་ཆོ་ས་ག་ཏཱན་ ལོག་ཉི་ཨོ་ཕེ། 19ཨོམ་ད་སུར་གེ་ འཛམ་གླིང་གི་ ཇང་ཐོང་མེ་མར༌བ། དག་པ་ཀབ་ཉི་ ན་ཤི་ཇང་ཐོང་མེ་རེ༌བེ། ཧང་ཡ་དག་ནེ་ལ་ ཇང་གསོན་པོ་ཨ་ཉི་ཆོན༌ཅ། ཉི་ན་ཧ་བ་བུ་ གསོན་པོ་ཨ་ཉི་ཆོ༌ལེ། 20ཇང་ཤོ་ ཇ་ག་ཨ་པ་ག་ནང་ཀ་དང་ ན་ཧ་བ་ ཇ་ག་ནང་ཀ་ ཉི་ཇང་ ན་ཧ་ནང་ཀ་ལ་དག་ཉི་ ཨོ་ཉ་ནོང་ཀ་ ན་ཤི་ཧ་གོ་ལེ་རེ༌བེ། 21ཇ་ག་བཀའ་ག་ཆ་གནས་ཐ་ཁཱན་ སོ་ངོ་བ་ཤོ་ ཇང་ཕང་ཁཱན་བ་གི༌ལ། ཉི་ཇང་ཕང་ཁཱན་ སོ་ངོ་ཁེ་པ་ ཇ་ག་ཨ་པ་གི་ཕང་ཉི་གནང༌མེ། ཉི་ཇང་ཏེན་གི་བུ་ རོག་ཕང༌པེ། ཉི་ཇང་ཇང་ཏེན་གི་ རོ་ཀ་གེན་མེ་དག༌ཉི།
22ཉི་ཨིས་ཀ་རི་ཡོད་མང་གི་ཁཱན་ བཱརའ་ཡ་ཧུ་ད་གི་ཞུ་ཝ་ལ་ གཙོ་བོ་ ནཱན་གི་འཛམ་གླིང་ག་ མཇལ་ཁ་མ་གནང་མཱན་ ཨ་ཧ་ཏཱན་ཤ་ མཇལ་ཁ་གནང་མེ་གི་ཝ་ལ་ ཨུ་ཉུ་ཤོ་ ཧང་ཨ་ཉི་ཡ་དག༌ཉི།
23ཡི་ཤུ་གི་གསུངས་མ་ལ་ ཨི་བི་གི་ ཇང་ཕང་པ་ཐུར་ ཨོ་ཉ་སོ་ངོ་གི་ ཇི་གི་ཡེག་ཁཱན་ག་ ཆ་གནས་ཐ༌ལེ། ཇ་ག་ཨ་པ་གི་བུ་ རོག་ཕང༌པེ། ཉི་ཨ་ཆིང་ རོ་ཀ་བཱརང་ཀ་ཨུན་ཐཱན་ རོག་ཀབ་ཉི་ ཨ་ཧ་ཕའི་ཅོད༌པེ། 24ཉི་ཨི་བི་གི་ ཇང་མ་ཕང་ཅ་གི་ལ་སྨོ་ ཨོ་ཉ་སོ་ངོ་གི་ ཇི་གི་ཡེ་ཁཱན་བ་ ཆ་གནས་མ་ཐ༌ལ། ན་ཤི་ན་ཐ་ཁཱན་ ཨོ་ཐ་ཆཱས་ཁེ་པ་ ཇང་ཏེན་ག་མང་གི་ཝ་ ཇང་ཀུན་ཏི་ཁཱན་ ཨ་པ་གི་ གསུངས་ཁཱན་བ་གི༌ལ། 25ཉི་ཇང་ ན་ཧ་བ་ཀབ་ཉི་རང་ ཆོ་ལེ་གང་ཀ་ ཇི་གི་ཨོ་ཐ་བ་ ཐམས་ཅན་རང་ ན་ཧ་ཡེག་པ་ན། 26དག་པ་ཀབ་ཉི་ ཇ་ག་མིང་ག་ ཨ་པ་གི་ཀུན་ཏི་ཁཱན་ བསླབ་བྱ་གནང་ཁཱན་ དམ་པའི་ཐུགས་ཉིད་གི་ ན་ཧ་ཐམས་ཅན་རང་ ཡེ་ཉི་གནང༌མེ། ཉི་ཇི་གི་ ན་ཧ་ཡེག་ཁཱན་ ཆཱས་ཐམས་ཅན་རང་ ཡིད་ཀ་ཨ་ཉི་གནང༌མེ།
27ཇི་གི་ན་ཧ་བ་ཀབ་ཉི་ སྐྱིད་པུ་ཐཱན༌ཅ། ཉི་ཇ་ག་སྐྱིད་པུ་ ཇི་གི་ན་ཧ་བིན༌ཅ། དག་པ་ཀབ་ཉི་ འཛམ་གླིང་གི་ བི་ཝ་པུརུས་ཀིན་ཨ་ཉི་ ཇི་གི་ ན་ཧ་བི་ལུ་མཱན༌ཅ། ན་ཧ་སེམས་མ་ཆག་པ་མ་ཨའི། ཉི་ན་ཧ་བ་ཡོང་མ་ཁེ། 28ཇང་དིན་ཅ་ དག་པ་ཀབ་ཉི་ ཇང་ལོག་ཉི་ ན་ཧ་བ་ཆོ་ས་ག་ཏཱན་ ལོག་པེ་ན་དག་ཉི་ ཇི་གི་ན་ཧ་ཡེག་ཁཱན་ཁེ་པ་ ན་ཤི་ན་ཐ་ཝ༌ཅ། ན་ཤི་ཇང་ཕང་ནེ་ལ་ ཇང་ཨ་པ་ག་ སྐུན་མདུན་ག་ཏཱན་ དི་ཝ་ཨ་དེན་གེ་ ན་ཧ་བ་ ཤོ་ནང་ཕེ་ལེ་ཁེ༌ལེ། ཧང་ཡ་དག་ནེ་ལ་ ཨ་པ་ཤོ་ ཇང་གེ་ཆི་ལུ་གི༌ལ། 29ཨུ་ཉུ་ཇུང་མ་ཀབ་ཉི་ ན་ཤི་དད་པ་ཨན་ཆེན་དག་པ་གི་ ཨུ་ཉུ་མ་ཇུང་མེ་གོ་མ་རང་ ཇི་གི་ན་ཧ་ཡེག་པ༌ཅ།
30ཇང་ན་ཧ་བ་ཀབ་ཉི་ཆཱས་ཨ་ཉི་ མང་པུ་མ་ཆོ༌ལ། ཧང་ཡ་དག་ནེ་ལ་ ཨོ་ཐ་འཛམ་གླིང་ག་ རྒྱལ་སྲས་ཨུ་ན། ཇ་ག་ཐུང་ཀེ་ རོ་ཀ་དབང་ཚད་མཱན༌ཅ། 31དག་པ་ཀབ་ཉི་ ཇི་གི་ཨ་པ་ཕང༌ཅ། ཉི་ཨ་པ་གི་ ཇ་ག་བཀའ་གནང་མ་དང་ཏུ་ཉི་ཤ་ ཇི་གི་ཨན་ཅ་གི་ལ་དག་ཉི་ འཛམ་གླིང་གི་སེ་ལེ་ཁེ་ཝ༌ཅ། ཨོ་དོ་ ཨ་ཧ་བ་དི་ཁེ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved