ཡུ་ཧན་ན། 2

ཀ་ན་ག་གཉེན།

1ནོང་སམ་ག་ནོང་ཀ་ ག་ལིལ་ག་ ཀ་ན་དག་ས་ག་ གཉེན་ཕིན་ཅ་གི་ཝ༌ལ། ཉི་ཡི་ཤུ་ག་ཡུམ་ མ་རི་ཡམ་ ཉ་ག་ཅ་གི་ཝ༌ལ། 2ཉི་ཡི་ཤུ་དང་ རོ་ཀ་སློ་མ་བ་བུ་ གཉེན་ཕི་ས་བཱརང་ཀ་ ཞུ་ཝ་ཅ་གི་ཝ༌ལ། 3ཉི་ཞུ་ཐམས་ཅན་རང་ ཆུམ་དེན་གེ་ མ་རི་ཡམ་གི་ ཡི་ཤུ་ག་ཞུ་ཝ་ལ་ རོག་ཏེ་བ་ཀ་ ཞུ་ཐམས་ཅན་རང་ ཆུ་མ་ལ་དག༌ཉི།

4ཡི་ཤུ་གི་ རོ་ཀ་ལན་གནང་ཉི་ གསུངས་མ་ལ་ ནཱན་དང་ ཇང་གི་ཤོ་ ཧང་ཨ་ལེ་ཡ། ཨ་མ་ ཇ་ག་དུས་ཙུན་ ཨོ་མ་ཏ་ མ་རེན་པ་ཅ་དག༌ཉི།

5ཉི་མ་རི་ཡམ་གི་ གཡོག་པ་བ་ཀ་ཏཱན་ གསུངས་མ་ལ་ ཡི་ཤུ་གི་ ན་ཧ་ཧང་གསུངས་མ་ཐུར་ ཨའི་ན་དག༌ཉི།

6ཨོ་ཉ་ར་ག་རང་ ལུང་གི་ཅོད་པ་ག་ ཁོ་ཁུང་ཐ་ཝ་ཅ་གི་ཝ༌ལ། ཉི་ཨོ་ཉ་ཁོ་བ་ཤོ་ ཡ་ཧུ་དི་པ་བ་ཀི་ རོག་ཏེ་བ་ཀ་ ལུགས་སྲོལ་དང་ཏུ་ཉི་ ཟིག་པེ་ག་དེན་གེ་ ཐ་ཝ་ཆོ་ཝ༌ལ། ཉི་ཨོ་ཉ་ཁོ་བ་ཀ་ནང་ཀ་ རི་ལི་ཊར་ 80 གེ་ 120 ཕང་ ཤོང་ཅ་གི་ཝ༌ལ།

7ཡི་ཤུ་གི་ གཡོག་པ་བ་ཀ་ གསུངས་མ་ལ་ ཨོ་ཉ་ཁོ་བ་ཀ་ནང་ཀ་ རི་ལུག་ཅོ་དག༌ཉི། ཉི་རོག་ཏེ་བ་ཀི་ ཕུང་མ་ཨ་ཉི་རང་ ལུག་པ༌ལ།

8ཉི་ཡི་ཤུ་གི་ རོག་ཏེ་བ་ཀ་གསུངས་མ་ལ་ ཉི་ཨོམ་ ཨུ་ཐུ་ད་སུར་བུན་ཐཱན་ ཨོ་ཐ་གཉེན་ག་ གཉེར་པ་ག་ཏཱན་བི་དག༌ཉི།

རོག་ཏེ་བ་ཀི་ རི་བུན་ཐཱན་ གཉེར་པ་ག་ཏཱན་བི་ཝ༌ལ། 9གཉེར་པ་གི་ རི་ཇམ་ཉི་གོད་པ་ཀབ་ཉི་ ཞུ་འགྱུར་བ་ཆོ་ཝ༌ལ། རི་ཕ་ཁཱན་གཡོག་པ་བ་ཀི་ སེན་ཐཱན་རང་གི་ནེ་བུ་ ཨོ་ཉ་གཉེར་པ་གི་ ཨོ་ཐ་ཞུ་ཁེ་པ་ ཨོ་གེ་ཕ་ཝ་གི་ལ་སྨོ་ མ་སེ་ཝ༌ལ། རོ་ཀི་གཉེན་ཕི་ཁཱན་ ཟ་ཁེ་པ་རཱན་ཐཱན་ ཡེག་པ་ལ་ 10བཱརའ་སོ་ངོ་ཐམས་ཅན་གི་ གོ་རང་ ཞུ་ལེག་པུ་ཁེ་པ་ ཤི་མིན་བ་ཀ་དྲང༌ཅ། ཉི་རོག་ཏེ་བ་ཀི་ ཇེ་པ་ཨ་ཉི་རང་ཇམ་དེན་གེ་ ཞུ་ལེག་པུ་མ་ཁཱན་ཁེ་པ་ དྲང་མེ་གོ་ཙུག༌ཅ། དག་པ་ཀབ་ཉི་ ནཱན་གི་ ཨོ་མ་སག་པུ་རང་ ཞུ་ལེག་པུ་ཁེ་པ་ དྲང་ལ་དག༌ཉི།

11ཀ་ན་ག་གནང་ཁཱན་ ཨོ་ཐ་རྫུ་འཕྲུལ་ཁེ་པ་ ཡི་ཤུ་གི་ མཛད་ཁཱན་རྫུ་འཕྲུལ་ དང་པ་གི་ཝ༌ལ། ཨོ་ཐེན་ཨ་ཉི་ རོ་ཀི་གཟི་བརྗིད་གེན་ཉི་གནང་མ༌ལ། ཉི་རོ་ཀ་སློ་མ་བ་ཀི་ རོ་ཀ་ཏཱན་ དད་པ་ཨ་ཝ༌ལ།

12གཉེན་ཆུམ་དེན་གེ་ ཡི་ཤུ་ རོ་ཀ་ཡུམ་དང་ བོ་ཉིང་བ་ ཉི་རོ་ཀ་སློ་མ་བ་ཀབ་ཉི་ ཀ་ཕར་ན་ཧུམ་ག་ཏཱན་བྱོན་ཐཱན་ ཉ་ག་ནོང་ཉིག་ཙིང་སམ་ཕང་ བཞུགས་པ༌ལ༎

ཡི་ཤུ་གི་ མཆོད་ཁང་ཟང་མ༌ལ།

13ཡ་ཧུ་དི་པ་བ་ཀ་ གོག་ཉི་དི་ཝ་ག་དུས་ཆེན་ རེན་པ་ཀབ་ཉི་ ཡི་ཤུ་ཡ་རུ་ཤ་ལེམ་ག་ཏཱན་ བྱོན་མ༌ལ། 14ཉི་མཆོད་ཁང་ནང་ཀ་ རོ་ཀི་ཝ་ཏོ་ཀ་བ་དང་ ཤི་ཤ་བ་ ཉི་ཏི་ཏ་ར་བ་ཙོང་ཁཱན་བ་དང་ ཏི་རུ་སོར་ཁཱན་བ་ ལང་ཉི་ཆོ་ཝ་ཨ་ཝ་ གཟིགས་པ༌ལ། 15ཉི་རོ་ཀི་ དོ་གི་ཨ་ཉི་ཏེ་ཐ་ཅོད་ཐཱན་ ཝ་ཏོ་ཀ་བ་དང་ ཤི་ཤ་བ་ ཐམས་ཅན་རང་ ཁོན་མ༌ལ། རོ་ཀི་ཏི་རུ་སོར་ཁཱན་བ་ཀ་ ཏི་རུ་བ་ཏོར་ཉི་གེ་མ༌ལ། ཉི་རོག་ཏེ་བ་ཀ་དོང་ཏཱན་བ་ གིར་ཉི་ཀུན་ཏི་ཝ༌ལ། 16པ་རོ་ཙོང་ཁཱན་བ་ཀ་ཏཱན་ ཡི་ཤུ་གི་གསུངས་མ་ལ་ ཨོ་ཐ་པ་རོ་བ་ ཨོ་ཐ་གེ་བུའི། ཉི་ཇ་ག་ཨ་པ་ག་ཕའི་ཁེ་པ་ ཚོང་ཕི་ས་བཱརང་མ་ཅོད་ཅོ་དག༌ཉི།

17ན་ག་ཕོ་བྲང་ག་དེན་གེ་ཆོ་ཁཱན་ ཇ་ག་བརྩོན་ཤུགས་གི་ ཇང་ཞུམ་ལ་#2:17 མགུར་མ་ག་དཔེ་ཆ་ 69:9 དག་ཉི་ གསུང་རབ་གེ་ཤོ་ཁཱན་ཁེ་པ་ རོ་ཀ་སློ་མ་བ་ཀི་ ཡིད་ཀ་ཨ་ཝ༌ལ།

18ནཱན་གི་ ཨོ་ཐ་བ་ ཐམས་ཅན་རང་ མཛད་པེ་ཆོག་པ་ག་ དབང་ཚད་ཅ་ཨ་ཉི་ ཁུངས་ཀེ་བེ་དེན་གེ་ ནཱན་གི་ ཨ་ཧ་རྫུ་འཕྲུལ་ ཧང་གེན་མེ་ཡ་དག་ཉི་ ཡ་ཧུ་དི་པ་བ་ཀི་ ཞུ་ཝ༌ལ།

19ཡི་ཤུ་གི་གསུངས་མ་ལ་ ན་ཤི་མཆོད་ཁང་དེད་ཉི་གེམ༌ཤོ། ཉི་ཇི་གི་ནོང་སམ་ག་ མཆོད་ཁང་ལོག་ཉི་རང་ བཞེངས་པེ་དག༌ཉི།

20ཡ་ཧུ་དི་པ་བ་ཀི་ ལན་མཇལ་ཉི་ཞུ་ཝ་ལ་ ཨོ་ཐ་མཆོད་ཁང་ བཞེངས་པེ་དེན་གེ་ ཉིང་ 46 གོར༌བ། ཧང་ ནཱན་གི་ནོང་སམ་ག་ བཞེངས་པེ་རེ་བེ་ཨ་ཉི་སྨོ་དག༌ཉི། 21དག་པ་ཀབ་ཉི་ ཡི་ཤུ་གི་ མཆོད་ཁང་ག་ཀོར་གེ་ གསུངས་ཁཱན་ཤོ་ རོ་ཀ་སྐུ་གཟུགས་ གི་ཝ་ཆོ་ཝ༌ལ། 22ཉི་ཡི་ཤུ་གཤགས་པ་གེ་ ལོག་ཉི་བཞེངས་ཏེན་གེ་ རོ་ཀ་སློ་མ་བ་ཀི་ ཡི་ཤུ་གི་གསུངས་ཁཱན་ཁེ་པ་ ཡིད་ཀ་ཨ་ཝ༌ལ། ཉི་གསུང་རབ་གེ་ཤོ་ཁཱན་དང་ ཡི་ཤུ་གི་གསུངས་ཁཱན་ག་ རོག་ཏེ་བ་ཀི་ དད་པ་ཨ་ཝ༌ལ།

23གོག་ཉི་དི་ཁཱན་ དུས་ཆེན་ག་གང་ཀ་ རོ་ཀི་ཡ་རུ་ཤ་ལེམ་ག་ རྫུ་འཕྲུལ་བ་ གེན་ཉི་གནང་མ་ཨ་དེན་གེ་ སོ་ངོ་མང་པུ་ཐུར་གི་ རོ་ཀ་ཏཱན་ དད་པ་ཨ་ཝ༌ལ། 24དག་པ་ཀབ་ཉི་ ཡི་ཤུ་གི་ སོ་ངོ་བ་ ཐམས་ཅན་རང་ ཧང་ད་བུ་ཅ་གི་ལ་སྨོ་ མཁྱེན་མ་ཨ་དེན་གེ་ རོ་ཀི་ རོག་ཏེ་བ་ཀ་ཐུང་ཀ་ ལོ་མ་དི་ཝ༌ལ། 25ཧང་ཡ་དག་ནེ་ལ་ སོ་ངོ་ག་ནང་ཀ་ ཧང་ཅ་གི་ལ་སྨོ་ རོ་ཀི་མཁྱེན་མ་ཨ་དེན་གེ་ སོ་ངོ་བ་ ཧང་ད་བུ་ཅ་གི་ལ་སྨོ་ ཐུར་གི་རང་ རོ་ཀ་ཏཱན་ཞུ་ལེ་ཁེ་ཝ་མཱན་ཆི༎

Currently Selected:

ཡུ་ཧན་ན། 2: TNTB

Highlight

Copy

Want to have your highlights saved across all your devices? Sign up or sign in

Tshangla New Testament

Learn More About Tshangla New Testament (BSI)