ལུ་ཀ། 11
11
ཡི་ཤུ་གི་སྨོན་ལམ་ཏ་པེ་ག་ ཡེན་གནང་མ༌ལ།
1ཤེབ་ཐུར་ ཡི་ཤུ་ ས་གནས་ཐུར་ག་ སྨོན་ལམ་ཏབ་ཉི་ བཞུགས་པེ་གང་ཀ་ རོ་ཀ་སློ་མ་ཐུར་གི་ རོག་སྨོན་ལམ་ཏབ་ཉི་ ཆུ་མ་ཐུར་ག་རང་ གཙོ་བོ་ ཡུ་ཧན་ན་གི་ རོ་ཀ་སློ་མ་བ་ཀ་ སྨོན་ལམ་ཏ་པེ་ག་ ཡེ་ཉི་བི་ཝ་པུརུས་ཀིན་ཨ་ཉི་ ཨ་ཧ་བུ་ སྨོན་ལམ་ཏ་པེ་ག་ ཡེ་ཉི་གནང་ཤོ་དག་ཉི་ ཞུ་ཝ༌ལ།
2ཉི་རོ་ཀི་ རོག་ཏེ་བ་ཀ་ ཨོ་ཐེན་ཡེ་ཉི་ ན་ཤི་སྨོན་ལམ་ཏ་པ་ཀབ་ཉི་
ཨ་པ་ ན་ག་མཚན་ དམ་པའི་ཤར༌ཤོ། ན་ག་རྒྱལ་སྲིད་བྱོན༌ཤོ། 3ཨ་ཧ་ཏ་བུ་ག་ལྟོ་གནང༌ཤོ། 4ཉི་ཨ་ཧ་སྡིག་པ་བ་ བཤགས་པ་གནང༌ཤོ། ཧང་ཡ་དག་ནེ་ལ་ བཱརའ་གི་ ཨ་ཧ་དགྲ་ཨ་ཉི་ ངཱད་པ་ཀབ་ཉི་ ཨ་ཤི་བུ་ རོག་ཏེ་བ་ བཀའ་དྲིན་བསྐྱང༌ཅ། ཨ་ཧ་བ་ བར་ཆད་ནང་ཀ་ ཚུད་པེ་མ་གེ་ཨ༌ཉི་
ཞུའི་དག་ཉི་ གསུངས་མ༌ལ།
5ཉི་རོ་ཀི་ རོག་ཏེ་བ་ཀ་ གསུངས་མ་ལ་ ནའི་ ཇ་རོ་ ཨི་བི་གི་ བི་ནང་དོ་ག་དི་ཉི་ ཇ་རོ་ ཇང་ཀེབ་ཏང་སམ་ཆི་དོང་། 6ཧང་ཡ་དག་ནེ་ལ་ ཇ་ག་ཇ་རོ་ཐུར་ ཐ་རིང་ས་གེ་ཤེག་པ༌ཅ། ཉི་རོ་ཀ་བི་ལེ་ག་ ཧང་རང་མ་ལ་དག་ཉི་ ཡེག་པ་ཀབ་ཉི་ 7ནང་ཀེ་ ཇ་རོ་གི་ རོ་ཀ་ ཇང་མ་ཏྲོག་ཅོ་ ཨོམ་ཀོ་དམ་ཉི་ཆུ༌མ། ཉི་ཇ་ག་ཝག་ཙ་བ་ ཇང་ཀབ་ཉི་ པ་ལང་ག་ ཡི་ཕ༌ཅ། ཇང་ ག་ཝུ་ཉི་ ན་ག་ཧང་རང་ བི་ལེ་མར་བ་དག་ཉི་ ཡེག་པེ་སྨོ། 8ཇི་གི་ ན་ཧ་ཡེག་པེ་ རོ་ཀི་ རོག་ཇ་ག་ཇ་རོ་གི༌ལ། ཇང་ཝུན་ཐཱན་ བི་ལེ་ཁེ་ལེ་དག་ཉི་ མི་ཉི་ མ་བི་ནེ་བུ་ རོ་ཀི་ ཇང་མ་ན་ཝ་ ཨ་ཝ་ཨ་དེན་གེ་ ག་ཝུན་ཐཱན་ ཧང་ཚཱས་པ་ཐུར་བི༌ལེ།
9ཉི་ཇི་གི་ ན་ཧ་ཡེག་ཅ་ ཕུན་ཤོ་ ཉི་ན་ཤི་ཉོང༌པེ། ལམ་ཤོ་ ན་ཤི་ཐོང༌མེ། ཉི་ཀོ་ག་ཚབ་ཅོ་ ན་ཧ་དེན་གེ་ ཀོ་ཕེག༌པེ། 10ཧང་ཡ་དག་ནེ་ལ་ ཨི་བི་གི་ཕུན་མ་ཐུར་ ཉོང༌ཅ། ལམ་ཁཱན་གི་ ཐོང༌ཅ། ཉི་ཀོ་ཚབ་ཁཱན་ག་དེན་གེ་ ཀོ་ཕེག༌ཅ།
11ཟ་གི་ ང་ཕུན་མ་ཀབ་ཉི་ རུ་གེ་ནང་བི་ཁཱན་ཨ་པ་ ན་ཧ་པོང་ཀེ་ ཨི་བི་ཨོ་ཕེ་ཡ། 12ཨུ་ཉུ་མ་ནེ་ལ་ ཟ་གི་ གོ་ཐམ་ཕུན་མ་ཀབ་ཉི་ ཨ་པ་གི་ཟ་ག་ སྡིག་པ་ར་ཟ་བི་ལེ་སྨོ། 13ཉི་ནའི་ངན་པ་བ་ཀི་ཆང་ ཝག་ཙ་ག་ རྒྱུ་ལེག་པུ་བི་ལེ་ག་ སེ་ནེ་ལ་ ན་ཧ་ཞིང་ཁམས་ག་ ཨ་པ་གི་ཏ་ རོ་ཀེ་ཕུན་ཁཱན་བ་ཀ་ ཧབ་ཏུར་མང་པུ་ཨ་ཉི་ དམ་པའི་ཐུགས་ཉིད་ གནང་མེ་ཡ་དག་ཉི་ གསུངས་མ༌ལ༎
ཡི་ཤུ་དང་ བལ་ཇི་བུལ།
14ཡི་ཤུ་གི་ དོན་ཡོང་བ་ ཤོ་ཉི་གེམ་ཅ་གི་ཝ༌ལ། དོན་ཕིས་ཀ་ཤོ་ཉི་ དི་ལ་ཀབ་ཉི་ སོ་ངོ་གི་ ནོ་ཝང་ཆོག་པེ་ གོ་ཙུག་ཉི་ སོ་ངོ་བ་ ཐམས་ཅན་རང་ ཡིད་ཆི་ཝ༌ལ། 15དག་པ་ཀབ་ཉི་ ཨོ་ཉ་ཆོ་ཁཱན་ ཚེ་བང་གི་ ཡེག་པ་ལ་ དོན་བ་ཀ་རྒྱལ་སྲས་ བལ་ཇི་བུལ་ག་#11:15 བལ་ཇི་བུལ་བུ་ སེ་ཏཱན་ག་ མིང་རང་གི༌ལ། དབང་གི་ཨ་ཉི་ རོ་ཀི་དོན་བ་ ཤོ་ཉི་གེམ་ལ་དག༌ཉི། 16ཉི་བཱརའ་བ་ཀི་ རོ་ཀེ་རྒྱུགས་ལ་ཉི་ རོ་ཀི་ ཨོ་ཐ་བ་ དཀོན་མཆོག་ག་དབང་གི་ མཛད་ཅ་གི་ལ་ཨ་ཉི་ གེན་མེ་དེན་གེ་ ཞིང་ཁམས་གེ་ རྟགས་ཐུར་གེན་ཤོ་དག་ཉི་ ཞུ་ཝ༌ལ།
17དག་པ་ཀབ་ཉི་ ཡི་ཤུ་གི་ རོག་ཏེ་བ་ཀི་ ཧང་མི་ཝ་གི་ལ་སྨོ་ མཁྱེན་ཉི་ རྒྱལ་ཁབ་ཐུར་ག་ ཆོ་ཁཱན་བ་རང་ མ་ཆམ་ནེ་ལ་ རྒྱལ་སྲིད་ཇཝ་ཆུ༌མེ། ཉི་ཕའི་ནང་ཐུར་ག་ ཆོ་ཁཱན་བ་རང་ མ་ཆམ་ནེ་ལ་ ཕའི་གི་དོས་པེ་མར༌བ། 18ཉི་སེ་ཏཱན་གི་ རོག་ རོག་ཏེན་ག་ དགྲ་ཨ་ནེ་ལ་ རོ་ཀ་རྒྱལ་སྲིད་ ཧང་ཏེ་ཉི་དོས་པེ་ཡ། ཧང་ཡ་དག་ནེ་ལ་ ན་ཤི་ཡེག་ལ་ ཇི་གི་བལ་ཇི་བུལ་ག་ དབང་གི་ཨ་ཉི་ དོན་བ་ཁོན་ལ་དག༌ཉི། 19ཇི་གི་བལ་ཇི་བུལ་ག་ དབང་གི་ཨ་ཉི་ དོན་བ་ཁོན་ཅ་གི་ནེ་ལ་ ན་ཧ་སློ་མ་བ་ཀི་ཤོ་ ཧང་ག་དབང་གི་ཨ་ཉི་ ཁོན་ཅ་ཡ། དོན་ག་དབང་ཚད་གི་ཨ་ཉི་ཏ་ མང་གི་ ཨོ་ཉི་ཨ་དེན་གེ་ ན་ཧ་བ་ ངཱད་ཅ་ཨ་ཉི་ རོག་ཏེ་བ་ཀི་ ཁུངས་ཀེ༌ཅ། 20དག་པ་ཀབ་ཉི་ དཀོན་མཆོག་ག་ དབང་གི་ཨ་ཉི་ ཇི་གི་ དོན་བ་ ཁོན་མ་གི་ནེ་ལ་ དཀོན་མཆོག་ག་རྒྱལ་སྲིད་ ན་ཧ་པོང་ཀ་ ཤེག་པ་ཅ་ཨ་ཉི་ གེན་ཅ་གི༌ལ། 21ཤུག་ཆོ་ཁཱན་སོ་ངོ་གི་ མཚོན་ཆ་དང་དྲག་ཉི་ རོ་ཀ་ཕའི་ བདག་འཛིན་ཨ་ལ་ཀབ་ཉི་ རོ་ཀ་ཅ་ལ་བ་མ་ཅོན༌མ། 22ཨོ་ཉེ་རང་གི་ནེ་བུ་ རོ་ཀེ་ཤུག་ཅཱན་ཐུར་གི་ རོག་ཀབ་ཉི་ ལག་རུམ་ཉི་ རོག་ཕམ་དེན་གེ་ ཡོན་ད་གི་ ལོ་ཏེན་ཁཱན་མཚོན་ཆ་བ་བུ་ཉི་ ཉི་རོ་ཀ་ཅ་ལ་བ་ བོང༌མེ།
23ཇང་ཀབ་ཉི་མ་ཁཱན་བ་ ཇ་ག་དགྲ་བྱང་ཕིཤི་གི༌ལ། ཉི་ཇང་ཀབ་ཉི་ ཛོ་མེ་ག་ མ་རུམ་ཁཱན་བ་ཀི་ ཏོར༌ཅ༎
རྣམ་ཤེས་མ་ཙང་མ་ ལོག་པ་ཀོར་གེ།
24རྣམ་ཤེས་མ་ཙང་མ་ སོ་ངོ་གེ་ཕིས་ཀ་ ཤོན་ཇོང་དེན་གེ་ རོག་ས་ཏོང་པ་ནང་ཀ་ རི་མ་ས་ ས་ཆ་གེ་ལེང་ ཤོང་ལ་ལེ་ག་བཱརང་ ལམ་ཉི་དི༌ལེ། ཉི་མ་ཐོང་དེན་གེ་ རོ་ཀི་ཡེག་པེ་ ཇང་ཤོན་ཨུ་ཁཱན་ ཕའི་ག་རང་ལོག་ཉི་ དི་ལེ་ཁེ་ལེ་ལ་དག༌ཉི། 25རོག་ལོག་པེ་གང་ཀ་ ཧིང་སང་ཀིན་ཕག་ཐཱན་ ཧང་རང་ཕྲིག་ཀིན་ཨ་ཉི་ ཐ་ཝ་ཐོང༌མེ། 26ཉི་རོག་ དིན་ཐཱན་ རོག་ཏེན་གེ་བུ་ ཏེ་ངན་ཆོ་ཁཱན་ རྣམ་ཤེས་མ་ཙང་མ་ཟུམ་ རིག་ཉི་ཕཱན་ཐཱན་ ཨོ་ཉ་ནང་ཀ་ནུབ་ཐཱན་ཆོ༌ལེ། ཉི་ཨོ་ཉ་སོ་ངོ་ གོ་མ་གེ་ལག་པ་ ཀ་ལུ་རི་ལེ་དག༌ཉི༎
ཤོ་ནང་ངོ༌མ།
27རོ་ཀི་ ཨོ་ཐེན་གསུངས་མ་ཀབ་ཉི་ སོ་ངོ་བ་ཀ་པོང་ཀེ་ མེ་ཝག་ཙ་ཐུར་གི་ ཀཱན་ཤུག་ཨ་ཉི་ ཞུ་ཝ་ལ་ ནཱན་ངེ་ཀ་བང་ཉི་ ནུ་བི་ཁཱན་ ན་ག་ཡུམ་ བྱིན་རླབས་ཅན་གི་ཝ་ལ་དག༌ཉི།
28དེན་མེ་ དག་པ་ཀབ་ཉི་ དཀོན་མཆོག་ག་གསུང་ཉཱན་ཐཱན་ ཨུ་ཉུ་དང་ཏུ་ཉི་ ཨ་ཁཱན་བ་ཏ་ ལག་ཏང་ བྱིན་རླབས་ཅན་གི་ལ་དག་ཉི་ ཡི་ཤུ་གི་གསུངས་མ༌ལ༎
ཡོ་ན་ག་རྟགས།
29ཉི་སོ་ངོ་བ་ མང་པུ་རི་ཉི་རང་ ཕ་ལ་ཀབ་ཉི་ རོ་ཀི་གསུངས་མེ་ གོ་ཙུག་པ་ལ་ ཐི་ནོང་ནམ་ནིང་ག་ སོ་ངོ་བ་ ཧབ་ཏུར་ངན་པ་ལ་ཡ། ཧང་ཡ་དག་ནེ་ལ་ ཨོ་ཐ་སོ་ངོ་བ་ཀི་ རྟགས་ལམ༌ལ། དག་པ་ཀབ་ཉི་ ཡོ་ན་ག་རྟགས་གེན་མེ་ མ་ཏོག་པ་ བཱརའ་རྟགས་ཐུར་བུ་ མ་གེན༌མ། 30ནི་ན་ཝེ་ག་ སོ་ངོ་བ་ཀ་དེན་གེ་ ཡོ་ན་ རྟགས་ཇུང་མ་པུརུས་ཀིན་ཨ་ཉི་ ཨོ་ཐ་སོ་ངོ་བ་ཀ་དེན་གེ་ སོ་ངོ་ག་ཟ་ག་བུ་ཇུང༌མེ།
31ཁྲིམས་ཅཱད་པེ་ནོང་ཀ་ ལྷོ་ག་ཨ་ཞེ་ ཨོ་ཐ་སོ་ངོ་བ་ཀབ་ཉི་ ཐིང་ཐཱན་ ད་ཧ་བ་ངཱད་པ་དག་ཉི་ ཁུངས་ཀེ༌བེ། ཧང་ཡ་དག་ནེ་ལ་ སོ་ལོ་མོན་ག་ རིག་པ་ཀོར་གེ་ ཉཱན་པེ་ག་དེན་གེ་ རོག་གནམ་མེད་ས་མེད་ ཐ་རིང་ས་གེ་ཨོ་ཕ། ཉི་གོད་ཅོ་ སོ་ལོ་མོན་གེ་ཆི་ལུ་ཐུར་ ཐ་ཐིང་མ༌ཅ། 32ཁྲིམས་ཅཱད་པེ་ནོང་ཀ་ ནི་ན་ཝེ་ག་ སོ་ངོ་བ་ ཨོ་ཐ་སོ་ངོ་བ་ཀབ་ཉི་ ཐིང་ཐཱན་ ད་ཧ་བ་ངཱད་པ་དག་ཉི་ ཁུངས་ཀེ༌བེ། ཧང་ཡ་དག་ནེ་ལ་ ཡོ་ན་གི་ཡེག་པ་ཀབ་ཉི་ རོག་ཏེ་བ་ཀི་ སྡིག་པ་གེ་ལོག༌པ། ཉི་གོད་ཅོ་ ཡོ་ན་གེ་ཆི་ལུ་ཐུར་ཐ༌ཅ༎
ལུས་པུ་ག་ལ་ཝང་།
33ལ་ཝང་ཐོག་ཐཱན་ ཨི་བི་གི་རང་ ལུ་ཁུང་ནང་ཀ་ ཙུག་པུ་མཱན༌ཅ། ཉི་ཤོ་མ་གི་ བུག་ཉི་བུ་ ཐ་ལུ་མཱན༌ཅ། དག་པ་ཀབ་ཉི་ ནང་ཀ་ཨུ་ཁཱན་གི་ འོད་ཟེར་ཐོང་མེ་དེན་གེ་ ག་ཙ་ཐུང་ཀ་ཀེ་ཉི་ཐཱན༌ཅ།
34ན་ཧ་མིང་ཤོ་ ན་ཧ་ལུས་པུ་ག་ འོད་ཟེར་ད་བུ་ཐུར་གི༌ལ། ན་ཧ་མིང་ལེག་པུ་ཆོ་ནེ་ལ་ ན་ཧ་ལུས་པུ་ཐམས་ཅན་ འོད་ཟེར་གི་ཕུང༌ཅ། དག་པ་ཀབ་ཉི་ ན་ཧ་མིང་ལེག་པུ་མ་ནེ་ལ་ ན་ཧ་ལུས་པུ་ མེར་བུ་གི་ཕུང༌ཅ། 35ཨོ་ཉི་ཨ་དེན་གེ་ རིག་པ་སྒྲིམ༌ཅོ། ན་ཧ་ནང་ཀ་ཆོ་ཁཱན་ འོད་ཟེར་མེར་བུ་ནང་ཀ་ཏེ་ ཆོ་དུ་ན། 36ཉི་ན་ཧ་ལུས་པུ་ ཨོ་ག་རང་ མེར་བུ་མ་ཝ་ འོད་ཟེར་གི་ ཕུང་མ་ཆོ་ནེ་ལ་ ལ་ཝང་ཐོག་པ་ཀབ་ཉི་ ན་ཧ་ཏཱན་ འོད་ཟེར་ག་ཝ་པུརུས་ཀིན་ཨ་ཉི་ ན་ཧ་ལུས་པུ་བུ་ ཐམས་ཅན་ དབང་དབང་འགྱུར་བེ་དག་ཉི་ གསུངས་མ༌ལ༎
ཡི་ཤུ་གི་ ཕ་རི་སི་པ་བ་ཀ་ ཇུར་ཇང་ཕི་ཉི་གནང་མ༌ལ།
37ཡི་ཤུ་གི་གསུངས་ཉི་ བཞུགས་པེ་གང་ཀ་ ཕ་རི་སི་པ་ཐུར་གི་ རོག་ཀབ་ཉི་ གསོལཝ་བཞེས་ལེ་ག་ ཡི་ཤུ་ཞུ་ཝ༌ལ། ཉི་རོག་ནང་ཀ་བྱོན་ཉི་ གསོལཝ་བཞེས་ལེ་ག་ བཞུགས་པ༌ལ། 38ཉི་རོག་ གསོལཝ་མ་བཞེས་ལེ་གོ་མ་ ཕྱག་ཆུ་མ་གནང་མ་ཨ་དེན་གེ་ ཕ་རི་སི་པ་ ཡིད་ཆི་ཝ༌ལ། 39ཉི་གཙོ་བོ་གི་ ཕ་རི་སི་པ་ག་ ནའི་ ཕ་རི་སི་པ་བ་ཀི་ གུར་བུ་དང་དེར་མ་ ཕིས་ཀ་ཤ་ཟིག༌ལ། དག་པ་ཀབ་ཉི་ ན་ཧ་ནང་ཀ་ དགྲ་དང་མ་ལེག་པ་གི་ ཕུང་མ༌ལ། 40ནའི་ཡོང་བ་བ་ ཧང་ རོག་ཕིས་བཀོད་ཁཱན་གི་ ནང་བུ་ བཀོད་པ་མང་གི་སྨོ། 41ན་ཧ་ཆོ་ཁཱན་བ་ སེམས་ཤོ་ཉི་ སྦྱིན་པ་ཕུལ༌ཤོ། ཉི་གོད་ཅོ་ དཀོན་མཆོག་ག་སྤྱན་ག་ ན་ཧ་དེན་གེ་ ཧང་རང་ཙང་མ་རི༌ལེ།
42དག་པ་ཀབ་ཉི་ ནའི་ཕ་རི་སི་པ་བ་ ཧབ་ཏུར་ཀ་ལུ་ཨོ་ཕེ་ཡ། ཧང་ཡ་དག་ནེ་ལ་ ན་ཤི་ ད་སུར་ཉོང་ནེ་བུ་ བརྒྱ་གེ་སེ་ཕུལ༌ལ། དག་པ་ཀབ་ཉི་ ཁྲིམས་ཐྲང་པུ་མ་ལ་ ཉི་དཀོན་མཆོག་ཕང་པུ་མ༌ལ། ན་ཤི་ དཀོན་མཆོག་ག་ ཕུལ་བེ་ག་ ཐུབ་མ་ཐ་ལཱན་ བཱརའ་སོ་ངོ་བ་ཀ་ ལེག་པུ་ཨ་ཉི་ དཀོན་མཆོག་ག་ཕང་པེ་ཁེ༌ལེ།
43ནའི་ཕ་རི་སི་པ་བ་ ཧབ་ཏུར་ཀ་ལུ་ཨོ་ཕེ་ཡ། ཧང་ཡ་དག་ནེ་ལ་ ཡ་ཧུ་དི་པ་ ཆོས་འཛོམས་ག་ ཨ་ནེ་ལ་ རྐང་ཁྲི་ལེག་པུ་ག་ཤ་ ལང་མེ་གོད༌ལ། ཉི་ཚོང་ཕི་ས་ག་ ཨ་ནེ་ལ་ སོ་ངོ་བ་ཀི་ ཕྱག་འཚལ་དུ་ཨ་ཉི་ རེ་ཆ་ཤ་ཨ་ན། 44ནའི་ཧབ་ཏུར་ཀ་ལུ་ཨོ་ཕེ་ཡ། ཧང་ཡ་དག་ནེ་ལ་ ནའི་ཐོང་མེ་མར་ཁཱན་ དུར་ད་བུ་ཐུར་གི༌ལ། མ་སེ་ཁཱན་སོ་ངོ་བ་ ཨོ་ཉ་ཐུང་ཀེ་ དང་ལ་དག་ཉི་ གསུངས་མ༌ལ།
45བཀའ་ཁྲིམས་ག་ སློབ་དཔོན་བ་ཀ་པོང་ཀེ་ ཐུར་གི་ ཡི་ཤུ་ག་ སློབ་དཔོན་ ནཱན་གི་ ཨོ་ཐེན་གསུངས་ཉི་ ཨའི་བུ་ ལོ་ཙོང་མེ་ག་ན་དག་ཉི་ ཞུ་ལ་ཀབ་ཉི་ 46ནའི་བཀའ་ཁྲིམས་ག་ སློབ་དཔོན་བ་བུ་ ཧབ་ཏུར་ཀ་ལུ་ཨོ་ཕེ་ཡ། ཧང་ཡ་དག་ནེ་ལ་ ན་ཤི་ སོ་ངོ་བ་ཀི་ བང་མེ་མར་ཁཱན་རོང་ཀེ༌ལ། དག་པ་ཀབ་ཉི་ ནའི་ནའི་ཏེན་གི་ཨ་ནེ་ལ་ ཨོ་ཉ་རོང་ག་ ན་ཤི་ ག་དང་བུརུ་མ་ ཐུར་གི་རང་ ཐོ་ཕུ་མ༌ལ། 47ཨའི་ ནའི་ན་ཧ་ཕ་མ་བ་ཀི་ཤེ་ཁཱན་ ལུང་བསྟན་པ་བ་ཀ་དུར་ ན་ཤི་ཅོད༌ལ། 48ནའི་ཤོ་ ན་ཧ་ཕ་མ་བ་ཀི་ ཨ་ཁཱན་ལའི་ག་ འཛོམས་དཔང་གི་ལ་དག་ཉི་ ན་ཤི་ཁ་དོག༌ཅ། ཧང་ཡ་དག་ནེ་ལ་ རོག་ཏེ་བ་ཀི་ ལུང་བསྟན་པ་བ་ཤེ༌ཝ། ཉི་ན་ཤི་ རོག་ཏེ་བ་ཀ་ དུར་ཅོད༌ཅ། 49ཨོ་ཉི་ཨ་དེན་གེ་ དཀོན་མཆོག་ག་ རིག་པ་གི་བུ་གསུངས་ལ་ ཇི་གི་ལུང་བསྟན་པ་བ་དང་ སྐུ་ཚབ་བ་ རོག་ཏེ་བ་ཀ་པོང་ཀ་ ཀུན་ཏི༌ལེ། ཉི་ཚེ་བང་ རོག་ཏེ་བ་ཀི་ཤེ་ཉི་ ཚེ་བང་ག་མ་ལེག་པ་ཨ༌ལེ།
50ཉི་འཛམ་གླིང་ བརྟན་པ་ཙུག་པ་གེ་ག་ཏཱན་ ཤེ་ཁཱན་ལུང་བསྟན་པ་བ་ཀ་རྩིས་ ཨོ་ཐ་སོ་ངོ་བ་ཀེ་ལ༌ལེ། 51ཧ་བིལ་ཤེ་ཝ་གེ་གོ་ཙུག་ཉི་ མཆོད་གཤམ་དང་ མགོན་ཁང་#11:51 མཆོད་ཁང་ནང་ཀ་ ཐམས་ཅན་གེ་ དམ་པ་ཆོ་ཁཱན་བཱརང་ཤོ་ མགོན་ཁང་དག་ཉི་ཆིན༌ཅ། ཉི་ཨོ་ཉ་མགོན་ཁང་ག་བར་ཀེ་ ཅཱད་ཕི་ཉི་ ཡོ་ལུ་ཁ་ཤ་ཐེད་པུ་ཐུར་ ཞུན་ཐ་ཝ་ཆོ༌ཝ། ཕིས་ཀ་ཅཱད་ནང་ཀ་ཤོ་ ག་ཙ་དང་དོང་ཏཱན་ ཉི་དཀོན་མཆོག་ག་ཕུལ་ཁཱན་ ཚོགས་ཐཱན་ཆོ༌ཝ། ཉི་ནང་ཀ་ཅཱད་ཤོ་ ཐམས་ཅན་གེ་ དམ་པ་ཅན་ ཨ་ཉི་ཆིན་ཆོ༌ཝ། ཨོ་ཉ་ནང་ཀ་ཤོ་ པོས་ཐོག་པེ་དེན་གེ་ གསེར་ག་མཆོད་གཤམ་དང་ གསེར་གི་དྲོན་ཁཱན་ འགན་རྒྱ་ག་སྒྲོམ་ཐཱན་ཆོ༌ཝ།ནང་ཀ་ཤེ་ཁཱན་ ཇ་ཀ་རི་ཡ་ ཤེ་ཝ་སག་པུ་གི༌ལ། ཇི་གི་ ན་ཧ་ཡེག་པེ་ ཨོ་ཐ་རྩིས་ ཐམས་ཅན་རང་ ཨོ་ཐ་སོ་ངོ་བ་ཀེ་ ལ་ལེ་གི་ལ་དག་ཉི་ གསུངས་མ༌ལ།
52ཨའི་ ནའི་བཀའ་ཁྲིམས་ག་ སློབ་དཔོན་བ་ ཧང་ཡ་དག་ནེ་ལ་ ན་ཤི་ཡོན་ཏན་ག་ ཀོ་ག་དེ་མེ་ཟུ་ བུན་ཇོང༌མ། ཉི་ནའི་ནའི་ཏེན་ མ་ནུ་ཕ་ཐུང་ཀ་ བཱརའ་ནུ་ཕེ་ མིག་པ་ཕི་ཁཱན་བ་བུ་ ནུ་ཕེ་བི་ལུ་མ་ལ་དག་ཉི་ གསུངས་མ༌ལ།
53ཉི་རོག་ ཨོ་ཉ་གེ་བྱོན་དེན་གེ་ ཡི་ཤུ་གི་ མང་པུ་ གསུངས་ཆེན་དག་པ་གི་ བཀའ་ཁྲིམས་ག་ སློབ་དཔོན་བ་དང་ ཕ་རི་སི་པ་བ་ཀི་ དྲི་ཝ་ཀག་ཏར་ཀག་ཏར་ཨ་ཝ་ ཇིམ་ཉི་རང་ཐ་ཝ༌ལ། 54ཡི་ཤུ་གི་གསུངས་མ་ཀབ་ཉི་ ཚིག་ཏེ་ ཉོང་པ་ད་བུ་ཨ་ནེ་ལ་ རོག་ཏེ་བ་ཀི་ རོག་ཙུང་མེ་དག་ཉི་ མི་ཝ༌ལ༎
Currently Selected:
ལུ་ཀ། 11: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
ལུ་ཀ། 11
11
ཡི་ཤུ་གི་སྨོན་ལམ་ཏ་པེ་ག་ ཡེན་གནང་མ༌ལ།
1ཤེབ་ཐུར་ ཡི་ཤུ་ ས་གནས་ཐུར་ག་ སྨོན་ལམ་ཏབ་ཉི་ བཞུགས་པེ་གང་ཀ་ རོ་ཀ་སློ་མ་ཐུར་གི་ རོག་སྨོན་ལམ་ཏབ་ཉི་ ཆུ་མ་ཐུར་ག་རང་ གཙོ་བོ་ ཡུ་ཧན་ན་གི་ རོ་ཀ་སློ་མ་བ་ཀ་ སྨོན་ལམ་ཏ་པེ་ག་ ཡེ་ཉི་བི་ཝ་པུརུས་ཀིན་ཨ་ཉི་ ཨ་ཧ་བུ་ སྨོན་ལམ་ཏ་པེ་ག་ ཡེ་ཉི་གནང་ཤོ་དག་ཉི་ ཞུ་ཝ༌ལ།
2ཉི་རོ་ཀི་ རོག་ཏེ་བ་ཀ་ ཨོ་ཐེན་ཡེ་ཉི་ ན་ཤི་སྨོན་ལམ་ཏ་པ་ཀབ་ཉི་
ཨ་པ་ ན་ག་མཚན་ དམ་པའི་ཤར༌ཤོ། ན་ག་རྒྱལ་སྲིད་བྱོན༌ཤོ། 3ཨ་ཧ་ཏ་བུ་ག་ལྟོ་གནང༌ཤོ། 4ཉི་ཨ་ཧ་སྡིག་པ་བ་ བཤགས་པ་གནང༌ཤོ། ཧང་ཡ་དག་ནེ་ལ་ བཱརའ་གི་ ཨ་ཧ་དགྲ་ཨ་ཉི་ ངཱད་པ་ཀབ་ཉི་ ཨ་ཤི་བུ་ རོག་ཏེ་བ་ བཀའ་དྲིན་བསྐྱང༌ཅ། ཨ་ཧ་བ་ བར་ཆད་ནང་ཀ་ ཚུད་པེ་མ་གེ་ཨ༌ཉི་
ཞུའི་དག་ཉི་ གསུངས་མ༌ལ།
5ཉི་རོ་ཀི་ རོག་ཏེ་བ་ཀ་ གསུངས་མ་ལ་ ནའི་ ཇ་རོ་ ཨི་བི་གི་ བི་ནང་དོ་ག་དི་ཉི་ ཇ་རོ་ ཇང་ཀེབ་ཏང་སམ་ཆི་དོང་། 6ཧང་ཡ་དག་ནེ་ལ་ ཇ་ག་ཇ་རོ་ཐུར་ ཐ་རིང་ས་གེ་ཤེག་པ༌ཅ། ཉི་རོ་ཀ་བི་ལེ་ག་ ཧང་རང་མ་ལ་དག་ཉི་ ཡེག་པ་ཀབ་ཉི་ 7ནང་ཀེ་ ཇ་རོ་གི་ རོ་ཀ་ ཇང་མ་ཏྲོག་ཅོ་ ཨོམ་ཀོ་དམ་ཉི་ཆུ༌མ། ཉི་ཇ་ག་ཝག་ཙ་བ་ ཇང་ཀབ་ཉི་ པ་ལང་ག་ ཡི་ཕ༌ཅ། ཇང་ ག་ཝུ་ཉི་ ན་ག་ཧང་རང་ བི་ལེ་མར་བ་དག་ཉི་ ཡེག་པེ་སྨོ། 8ཇི་གི་ ན་ཧ་ཡེག་པེ་ རོ་ཀི་ རོག་ཇ་ག་ཇ་རོ་གི༌ལ། ཇང་ཝུན་ཐཱན་ བི་ལེ་ཁེ་ལེ་དག་ཉི་ མི་ཉི་ མ་བི་ནེ་བུ་ རོ་ཀི་ ཇང་མ་ན་ཝ་ ཨ་ཝ་ཨ་དེན་གེ་ ག་ཝུན་ཐཱན་ ཧང་ཚཱས་པ་ཐུར་བི༌ལེ།
9ཉི་ཇི་གི་ ན་ཧ་ཡེག་ཅ་ ཕུན་ཤོ་ ཉི་ན་ཤི་ཉོང༌པེ། ལམ་ཤོ་ ན་ཤི་ཐོང༌མེ། ཉི་ཀོ་ག་ཚབ་ཅོ་ ན་ཧ་དེན་གེ་ ཀོ་ཕེག༌པེ། 10ཧང་ཡ་དག་ནེ་ལ་ ཨི་བི་གི་ཕུན་མ་ཐུར་ ཉོང༌ཅ། ལམ་ཁཱན་གི་ ཐོང༌ཅ། ཉི་ཀོ་ཚབ་ཁཱན་ག་དེན་གེ་ ཀོ་ཕེག༌ཅ།
11ཟ་གི་ ང་ཕུན་མ་ཀབ་ཉི་ རུ་གེ་ནང་བི་ཁཱན་ཨ་པ་ ན་ཧ་པོང་ཀེ་ ཨི་བི་ཨོ་ཕེ་ཡ། 12ཨུ་ཉུ་མ་ནེ་ལ་ ཟ་གི་ གོ་ཐམ་ཕུན་མ་ཀབ་ཉི་ ཨ་པ་གི་ཟ་ག་ སྡིག་པ་ར་ཟ་བི་ལེ་སྨོ། 13ཉི་ནའི་ངན་པ་བ་ཀི་ཆང་ ཝག་ཙ་ག་ རྒྱུ་ལེག་པུ་བི་ལེ་ག་ སེ་ནེ་ལ་ ན་ཧ་ཞིང་ཁམས་ག་ ཨ་པ་གི་ཏ་ རོ་ཀེ་ཕུན་ཁཱན་བ་ཀ་ ཧབ་ཏུར་མང་པུ་ཨ་ཉི་ དམ་པའི་ཐུགས་ཉིད་ གནང་མེ་ཡ་དག་ཉི་ གསུངས་མ༌ལ༎
ཡི་ཤུ་དང་ བལ་ཇི་བུལ།
14ཡི་ཤུ་གི་ དོན་ཡོང་བ་ ཤོ་ཉི་གེམ་ཅ་གི་ཝ༌ལ། དོན་ཕིས་ཀ་ཤོ་ཉི་ དི་ལ་ཀབ་ཉི་ སོ་ངོ་གི་ ནོ་ཝང་ཆོག་པེ་ གོ་ཙུག་ཉི་ སོ་ངོ་བ་ ཐམས་ཅན་རང་ ཡིད་ཆི་ཝ༌ལ། 15དག་པ་ཀབ་ཉི་ ཨོ་ཉ་ཆོ་ཁཱན་ ཚེ་བང་གི་ ཡེག་པ་ལ་ དོན་བ་ཀ་རྒྱལ་སྲས་ བལ་ཇི་བུལ་ག་#11:15 བལ་ཇི་བུལ་བུ་ སེ་ཏཱན་ག་ མིང་རང་གི༌ལ། དབང་གི་ཨ་ཉི་ རོ་ཀི་དོན་བ་ ཤོ་ཉི་གེམ་ལ་དག༌ཉི། 16ཉི་བཱརའ་བ་ཀི་ རོ་ཀེ་རྒྱུགས་ལ་ཉི་ རོ་ཀི་ ཨོ་ཐ་བ་ དཀོན་མཆོག་ག་དབང་གི་ མཛད་ཅ་གི་ལ་ཨ་ཉི་ གེན་མེ་དེན་གེ་ ཞིང་ཁམས་གེ་ རྟགས་ཐུར་གེན་ཤོ་དག་ཉི་ ཞུ་ཝ༌ལ།
17དག་པ་ཀབ་ཉི་ ཡི་ཤུ་གི་ རོག་ཏེ་བ་ཀི་ ཧང་མི་ཝ་གི་ལ་སྨོ་ མཁྱེན་ཉི་ རྒྱལ་ཁབ་ཐུར་ག་ ཆོ་ཁཱན་བ་རང་ མ་ཆམ་ནེ་ལ་ རྒྱལ་སྲིད་ཇཝ་ཆུ༌མེ། ཉི་ཕའི་ནང་ཐུར་ག་ ཆོ་ཁཱན་བ་རང་ མ་ཆམ་ནེ་ལ་ ཕའི་གི་དོས་པེ་མར༌བ། 18ཉི་སེ་ཏཱན་གི་ རོག་ རོག་ཏེན་ག་ དགྲ་ཨ་ནེ་ལ་ རོ་ཀ་རྒྱལ་སྲིད་ ཧང་ཏེ་ཉི་དོས་པེ་ཡ། ཧང་ཡ་དག་ནེ་ལ་ ན་ཤི་ཡེག་ལ་ ཇི་གི་བལ་ཇི་བུལ་ག་ དབང་གི་ཨ་ཉི་ དོན་བ་ཁོན་ལ་དག༌ཉི། 19ཇི་གི་བལ་ཇི་བུལ་ག་ དབང་གི་ཨ་ཉི་ དོན་བ་ཁོན་ཅ་གི་ནེ་ལ་ ན་ཧ་སློ་མ་བ་ཀི་ཤོ་ ཧང་ག་དབང་གི་ཨ་ཉི་ ཁོན་ཅ་ཡ། དོན་ག་དབང་ཚད་གི་ཨ་ཉི་ཏ་ མང་གི་ ཨོ་ཉི་ཨ་དེན་གེ་ ན་ཧ་བ་ ངཱད་ཅ་ཨ་ཉི་ རོག་ཏེ་བ་ཀི་ ཁུངས་ཀེ༌ཅ། 20དག་པ་ཀབ་ཉི་ དཀོན་མཆོག་ག་ དབང་གི་ཨ་ཉི་ ཇི་གི་ དོན་བ་ ཁོན་མ་གི་ནེ་ལ་ དཀོན་མཆོག་ག་རྒྱལ་སྲིད་ ན་ཧ་པོང་ཀ་ ཤེག་པ་ཅ་ཨ་ཉི་ གེན་ཅ་གི༌ལ། 21ཤུག་ཆོ་ཁཱན་སོ་ངོ་གི་ མཚོན་ཆ་དང་དྲག་ཉི་ རོ་ཀ་ཕའི་ བདག་འཛིན་ཨ་ལ་ཀབ་ཉི་ རོ་ཀ་ཅ་ལ་བ་མ་ཅོན༌མ། 22ཨོ་ཉེ་རང་གི་ནེ་བུ་ རོ་ཀེ་ཤུག་ཅཱན་ཐུར་གི་ རོག་ཀབ་ཉི་ ལག་རུམ་ཉི་ རོག་ཕམ་དེན་གེ་ ཡོན་ད་གི་ ལོ་ཏེན་ཁཱན་མཚོན་ཆ་བ་བུ་ཉི་ ཉི་རོ་ཀ་ཅ་ལ་བ་ བོང༌མེ།
23ཇང་ཀབ་ཉི་མ་ཁཱན་བ་ ཇ་ག་དགྲ་བྱང་ཕིཤི་གི༌ལ། ཉི་ཇང་ཀབ་ཉི་ ཛོ་མེ་ག་ མ་རུམ་ཁཱན་བ་ཀི་ ཏོར༌ཅ༎
རྣམ་ཤེས་མ་ཙང་མ་ ལོག་པ་ཀོར་གེ།
24རྣམ་ཤེས་མ་ཙང་མ་ སོ་ངོ་གེ་ཕིས་ཀ་ ཤོན་ཇོང་དེན་གེ་ རོག་ས་ཏོང་པ་ནང་ཀ་ རི་མ་ས་ ས་ཆ་གེ་ལེང་ ཤོང་ལ་ལེ་ག་བཱརང་ ལམ་ཉི་དི༌ལེ། ཉི་མ་ཐོང་དེན་གེ་ རོ་ཀི་ཡེག་པེ་ ཇང་ཤོན་ཨུ་ཁཱན་ ཕའི་ག་རང་ལོག་ཉི་ དི་ལེ་ཁེ་ལེ་ལ་དག༌ཉི། 25རོག་ལོག་པེ་གང་ཀ་ ཧིང་སང་ཀིན་ཕག་ཐཱན་ ཧང་རང་ཕྲིག་ཀིན་ཨ་ཉི་ ཐ་ཝ་ཐོང༌མེ། 26ཉི་རོག་ དིན་ཐཱན་ རོག་ཏེན་གེ་བུ་ ཏེ་ངན་ཆོ་ཁཱན་ རྣམ་ཤེས་མ་ཙང་མ་ཟུམ་ རིག་ཉི་ཕཱན་ཐཱན་ ཨོ་ཉ་ནང་ཀ་ནུབ་ཐཱན་ཆོ༌ལེ། ཉི་ཨོ་ཉ་སོ་ངོ་ གོ་མ་གེ་ལག་པ་ ཀ་ལུ་རི་ལེ་དག༌ཉི༎
ཤོ་ནང་ངོ༌མ།
27རོ་ཀི་ ཨོ་ཐེན་གསུངས་མ་ཀབ་ཉི་ སོ་ངོ་བ་ཀ་པོང་ཀེ་ མེ་ཝག་ཙ་ཐུར་གི་ ཀཱན་ཤུག་ཨ་ཉི་ ཞུ་ཝ་ལ་ ནཱན་ངེ་ཀ་བང་ཉི་ ནུ་བི་ཁཱན་ ན་ག་ཡུམ་ བྱིན་རླབས་ཅན་གི་ཝ་ལ་དག༌ཉི།
28དེན་མེ་ དག་པ་ཀབ་ཉི་ དཀོན་མཆོག་ག་གསུང་ཉཱན་ཐཱན་ ཨུ་ཉུ་དང་ཏུ་ཉི་ ཨ་ཁཱན་བ་ཏ་ ལག་ཏང་ བྱིན་རླབས་ཅན་གི་ལ་དག་ཉི་ ཡི་ཤུ་གི་གསུངས་མ༌ལ༎
ཡོ་ན་ག་རྟགས།
29ཉི་སོ་ངོ་བ་ མང་པུ་རི་ཉི་རང་ ཕ་ལ་ཀབ་ཉི་ རོ་ཀི་གསུངས་མེ་ གོ་ཙུག་པ་ལ་ ཐི་ནོང་ནམ་ནིང་ག་ སོ་ངོ་བ་ ཧབ་ཏུར་ངན་པ་ལ་ཡ། ཧང་ཡ་དག་ནེ་ལ་ ཨོ་ཐ་སོ་ངོ་བ་ཀི་ རྟགས་ལམ༌ལ། དག་པ་ཀབ་ཉི་ ཡོ་ན་ག་རྟགས་གེན་མེ་ མ་ཏོག་པ་ བཱརའ་རྟགས་ཐུར་བུ་ མ་གེན༌མ། 30ནི་ན་ཝེ་ག་ སོ་ངོ་བ་ཀ་དེན་གེ་ ཡོ་ན་ རྟགས་ཇུང་མ་པུརུས་ཀིན་ཨ་ཉི་ ཨོ་ཐ་སོ་ངོ་བ་ཀ་དེན་གེ་ སོ་ངོ་ག་ཟ་ག་བུ་ཇུང༌མེ།
31ཁྲིམས་ཅཱད་པེ་ནོང་ཀ་ ལྷོ་ག་ཨ་ཞེ་ ཨོ་ཐ་སོ་ངོ་བ་ཀབ་ཉི་ ཐིང་ཐཱན་ ད་ཧ་བ་ངཱད་པ་དག་ཉི་ ཁུངས་ཀེ༌བེ། ཧང་ཡ་དག་ནེ་ལ་ སོ་ལོ་མོན་ག་ རིག་པ་ཀོར་གེ་ ཉཱན་པེ་ག་དེན་གེ་ རོག་གནམ་མེད་ས་མེད་ ཐ་རིང་ས་གེ་ཨོ་ཕ། ཉི་གོད་ཅོ་ སོ་ལོ་མོན་གེ་ཆི་ལུ་ཐུར་ ཐ་ཐིང་མ༌ཅ། 32ཁྲིམས་ཅཱད་པེ་ནོང་ཀ་ ནི་ན་ཝེ་ག་ སོ་ངོ་བ་ ཨོ་ཐ་སོ་ངོ་བ་ཀབ་ཉི་ ཐིང་ཐཱན་ ད་ཧ་བ་ངཱད་པ་དག་ཉི་ ཁུངས་ཀེ༌བེ། ཧང་ཡ་དག་ནེ་ལ་ ཡོ་ན་གི་ཡེག་པ་ཀབ་ཉི་ རོག་ཏེ་བ་ཀི་ སྡིག་པ་གེ་ལོག༌པ། ཉི་གོད་ཅོ་ ཡོ་ན་གེ་ཆི་ལུ་ཐུར་ཐ༌ཅ༎
ལུས་པུ་ག་ལ་ཝང་།
33ལ་ཝང་ཐོག་ཐཱན་ ཨི་བི་གི་རང་ ལུ་ཁུང་ནང་ཀ་ ཙུག་པུ་མཱན༌ཅ། ཉི་ཤོ་མ་གི་ བུག་ཉི་བུ་ ཐ་ལུ་མཱན༌ཅ། དག་པ་ཀབ་ཉི་ ནང་ཀ་ཨུ་ཁཱན་གི་ འོད་ཟེར་ཐོང་མེ་དེན་གེ་ ག་ཙ་ཐུང་ཀ་ཀེ་ཉི་ཐཱན༌ཅ།
34ན་ཧ་མིང་ཤོ་ ན་ཧ་ལུས་པུ་ག་ འོད་ཟེར་ད་བུ་ཐུར་གི༌ལ། ན་ཧ་མིང་ལེག་པུ་ཆོ་ནེ་ལ་ ན་ཧ་ལུས་པུ་ཐམས་ཅན་ འོད་ཟེར་གི་ཕུང༌ཅ། དག་པ་ཀབ་ཉི་ ན་ཧ་མིང་ལེག་པུ་མ་ནེ་ལ་ ན་ཧ་ལུས་པུ་ མེར་བུ་གི་ཕུང༌ཅ། 35ཨོ་ཉི་ཨ་དེན་གེ་ རིག་པ་སྒྲིམ༌ཅོ། ན་ཧ་ནང་ཀ་ཆོ་ཁཱན་ འོད་ཟེར་མེར་བུ་ནང་ཀ་ཏེ་ ཆོ་དུ་ན། 36ཉི་ན་ཧ་ལུས་པུ་ ཨོ་ག་རང་ མེར་བུ་མ་ཝ་ འོད་ཟེར་གི་ ཕུང་མ་ཆོ་ནེ་ལ་ ལ་ཝང་ཐོག་པ་ཀབ་ཉི་ ན་ཧ་ཏཱན་ འོད་ཟེར་ག་ཝ་པུརུས་ཀིན་ཨ་ཉི་ ན་ཧ་ལུས་པུ་བུ་ ཐམས་ཅན་ དབང་དབང་འགྱུར་བེ་དག་ཉི་ གསུངས་མ༌ལ༎
ཡི་ཤུ་གི་ ཕ་རི་སི་པ་བ་ཀ་ ཇུར་ཇང་ཕི་ཉི་གནང་མ༌ལ།
37ཡི་ཤུ་གི་གསུངས་ཉི་ བཞུགས་པེ་གང་ཀ་ ཕ་རི་སི་པ་ཐུར་གི་ རོག་ཀབ་ཉི་ གསོལཝ་བཞེས་ལེ་ག་ ཡི་ཤུ་ཞུ་ཝ༌ལ། ཉི་རོག་ནང་ཀ་བྱོན་ཉི་ གསོལཝ་བཞེས་ལེ་ག་ བཞུགས་པ༌ལ། 38ཉི་རོག་ གསོལཝ་མ་བཞེས་ལེ་གོ་མ་ ཕྱག་ཆུ་མ་གནང་མ་ཨ་དེན་གེ་ ཕ་རི་སི་པ་ ཡིད་ཆི་ཝ༌ལ། 39ཉི་གཙོ་བོ་གི་ ཕ་རི་སི་པ་ག་ ནའི་ ཕ་རི་སི་པ་བ་ཀི་ གུར་བུ་དང་དེར་མ་ ཕིས་ཀ་ཤ་ཟིག༌ལ། དག་པ་ཀབ་ཉི་ ན་ཧ་ནང་ཀ་ དགྲ་དང་མ་ལེག་པ་གི་ ཕུང་མ༌ལ། 40ནའི་ཡོང་བ་བ་ ཧང་ རོག་ཕིས་བཀོད་ཁཱན་གི་ ནང་བུ་ བཀོད་པ་མང་གི་སྨོ། 41ན་ཧ་ཆོ་ཁཱན་བ་ སེམས་ཤོ་ཉི་ སྦྱིན་པ་ཕུལ༌ཤོ། ཉི་གོད་ཅོ་ དཀོན་མཆོག་ག་སྤྱན་ག་ ན་ཧ་དེན་གེ་ ཧང་རང་ཙང་མ་རི༌ལེ།
42དག་པ་ཀབ་ཉི་ ནའི་ཕ་རི་སི་པ་བ་ ཧབ་ཏུར་ཀ་ལུ་ཨོ་ཕེ་ཡ། ཧང་ཡ་དག་ནེ་ལ་ ན་ཤི་ ད་སུར་ཉོང་ནེ་བུ་ བརྒྱ་གེ་སེ་ཕུལ༌ལ། དག་པ་ཀབ་ཉི་ ཁྲིམས་ཐྲང་པུ་མ་ལ་ ཉི་དཀོན་མཆོག་ཕང་པུ་མ༌ལ། ན་ཤི་ དཀོན་མཆོག་ག་ ཕུལ་བེ་ག་ ཐུབ་མ་ཐ་ལཱན་ བཱརའ་སོ་ངོ་བ་ཀ་ ལེག་པུ་ཨ་ཉི་ དཀོན་མཆོག་ག་ཕང་པེ་ཁེ༌ལེ།
43ནའི་ཕ་རི་སི་པ་བ་ ཧབ་ཏུར་ཀ་ལུ་ཨོ་ཕེ་ཡ། ཧང་ཡ་དག་ནེ་ལ་ ཡ་ཧུ་དི་པ་ ཆོས་འཛོམས་ག་ ཨ་ནེ་ལ་ རྐང་ཁྲི་ལེག་པུ་ག་ཤ་ ལང་མེ་གོད༌ལ། ཉི་ཚོང་ཕི་ས་ག་ ཨ་ནེ་ལ་ སོ་ངོ་བ་ཀི་ ཕྱག་འཚལ་དུ་ཨ་ཉི་ རེ་ཆ་ཤ་ཨ་ན། 44ནའི་ཧབ་ཏུར་ཀ་ལུ་ཨོ་ཕེ་ཡ། ཧང་ཡ་དག་ནེ་ལ་ ནའི་ཐོང་མེ་མར་ཁཱན་ དུར་ད་བུ་ཐུར་གི༌ལ། མ་སེ་ཁཱན་སོ་ངོ་བ་ ཨོ་ཉ་ཐུང་ཀེ་ དང་ལ་དག་ཉི་ གསུངས་མ༌ལ།
45བཀའ་ཁྲིམས་ག་ སློབ་དཔོན་བ་ཀ་པོང་ཀེ་ ཐུར་གི་ ཡི་ཤུ་ག་ སློབ་དཔོན་ ནཱན་གི་ ཨོ་ཐེན་གསུངས་ཉི་ ཨའི་བུ་ ལོ་ཙོང་མེ་ག་ན་དག་ཉི་ ཞུ་ལ་ཀབ་ཉི་ 46ནའི་བཀའ་ཁྲིམས་ག་ སློབ་དཔོན་བ་བུ་ ཧབ་ཏུར་ཀ་ལུ་ཨོ་ཕེ་ཡ། ཧང་ཡ་དག་ནེ་ལ་ ན་ཤི་ སོ་ངོ་བ་ཀི་ བང་མེ་མར་ཁཱན་རོང་ཀེ༌ལ། དག་པ་ཀབ་ཉི་ ནའི་ནའི་ཏེན་གི་ཨ་ནེ་ལ་ ཨོ་ཉ་རོང་ག་ ན་ཤི་ ག་དང་བུརུ་མ་ ཐུར་གི་རང་ ཐོ་ཕུ་མ༌ལ། 47ཨའི་ ནའི་ན་ཧ་ཕ་མ་བ་ཀི་ཤེ་ཁཱན་ ལུང་བསྟན་པ་བ་ཀ་དུར་ ན་ཤི་ཅོད༌ལ། 48ནའི་ཤོ་ ན་ཧ་ཕ་མ་བ་ཀི་ ཨ་ཁཱན་ལའི་ག་ འཛོམས་དཔང་གི་ལ་དག་ཉི་ ན་ཤི་ཁ་དོག༌ཅ། ཧང་ཡ་དག་ནེ་ལ་ རོག་ཏེ་བ་ཀི་ ལུང་བསྟན་པ་བ་ཤེ༌ཝ། ཉི་ན་ཤི་ རོག་ཏེ་བ་ཀ་ དུར་ཅོད༌ཅ། 49ཨོ་ཉི་ཨ་དེན་གེ་ དཀོན་མཆོག་ག་ རིག་པ་གི་བུ་གསུངས་ལ་ ཇི་གི་ལུང་བསྟན་པ་བ་དང་ སྐུ་ཚབ་བ་ རོག་ཏེ་བ་ཀ་པོང་ཀ་ ཀུན་ཏི༌ལེ། ཉི་ཚེ་བང་ རོག་ཏེ་བ་ཀི་ཤེ་ཉི་ ཚེ་བང་ག་མ་ལེག་པ་ཨ༌ལེ།
50ཉི་འཛམ་གླིང་ བརྟན་པ་ཙུག་པ་གེ་ག་ཏཱན་ ཤེ་ཁཱན་ལུང་བསྟན་པ་བ་ཀ་རྩིས་ ཨོ་ཐ་སོ་ངོ་བ་ཀེ་ལ༌ལེ། 51ཧ་བིལ་ཤེ་ཝ་གེ་གོ་ཙུག་ཉི་ མཆོད་གཤམ་དང་ མགོན་ཁང་#11:51 མཆོད་ཁང་ནང་ཀ་ ཐམས་ཅན་གེ་ དམ་པ་ཆོ་ཁཱན་བཱརང་ཤོ་ མགོན་ཁང་དག་ཉི་ཆིན༌ཅ། ཉི་ཨོ་ཉ་མགོན་ཁང་ག་བར་ཀེ་ ཅཱད་ཕི་ཉི་ ཡོ་ལུ་ཁ་ཤ་ཐེད་པུ་ཐུར་ ཞུན་ཐ་ཝ་ཆོ༌ཝ། ཕིས་ཀ་ཅཱད་ནང་ཀ་ཤོ་ ག་ཙ་དང་དོང་ཏཱན་ ཉི་དཀོན་མཆོག་ག་ཕུལ་ཁཱན་ ཚོགས་ཐཱན་ཆོ༌ཝ། ཉི་ནང་ཀ་ཅཱད་ཤོ་ ཐམས་ཅན་གེ་ དམ་པ་ཅན་ ཨ་ཉི་ཆིན་ཆོ༌ཝ། ཨོ་ཉ་ནང་ཀ་ཤོ་ པོས་ཐོག་པེ་དེན་གེ་ གསེར་ག་མཆོད་གཤམ་དང་ གསེར་གི་དྲོན་ཁཱན་ འགན་རྒྱ་ག་སྒྲོམ་ཐཱན་ཆོ༌ཝ།ནང་ཀ་ཤེ་ཁཱན་ ཇ་ཀ་རི་ཡ་ ཤེ་ཝ་སག་པུ་གི༌ལ། ཇི་གི་ ན་ཧ་ཡེག་པེ་ ཨོ་ཐ་རྩིས་ ཐམས་ཅན་རང་ ཨོ་ཐ་སོ་ངོ་བ་ཀེ་ ལ་ལེ་གི་ལ་དག་ཉི་ གསུངས་མ༌ལ།
52ཨའི་ ནའི་བཀའ་ཁྲིམས་ག་ སློབ་དཔོན་བ་ ཧང་ཡ་དག་ནེ་ལ་ ན་ཤི་ཡོན་ཏན་ག་ ཀོ་ག་དེ་མེ་ཟུ་ བུན་ཇོང༌མ། ཉི་ནའི་ནའི་ཏེན་ མ་ནུ་ཕ་ཐུང་ཀ་ བཱརའ་ནུ་ཕེ་ མིག་པ་ཕི་ཁཱན་བ་བུ་ ནུ་ཕེ་བི་ལུ་མ་ལ་དག་ཉི་ གསུངས་མ༌ལ།
53ཉི་རོག་ ཨོ་ཉ་གེ་བྱོན་དེན་གེ་ ཡི་ཤུ་གི་ མང་པུ་ གསུངས་ཆེན་དག་པ་གི་ བཀའ་ཁྲིམས་ག་ སློབ་དཔོན་བ་དང་ ཕ་རི་སི་པ་བ་ཀི་ དྲི་ཝ་ཀག་ཏར་ཀག་ཏར་ཨ་ཝ་ ཇིམ་ཉི་རང་ཐ་ཝ༌ལ། 54ཡི་ཤུ་གི་གསུངས་མ་ཀབ་ཉི་ ཚིག་ཏེ་ ཉོང་པ་ད་བུ་ཨ་ནེ་ལ་ རོག་ཏེ་བ་ཀི་ རོག་ཙུང་མེ་དག་ཉི་ མི་ཝ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved