ལུ་ཀ། 13

སྡིག་པ་གེ་ལོག་ཅོ་ ཨུ་ཉུ་མ་ནེ་ལ་ཤི༌ལེ།

1ཨུ་ཉུ་གང་ཀ་ སོ་ངོ་ཚེ་བང་ ཅ་གི་ཝ༌ལ། ཉི་མཆོད་པ་ཕུལ་བེ་གང་ཀ་ པི་ལ་ཏཱས་གི་ བཀའ་གནང་ཉི་ ག་ལིལ་པ་བ་ ཤེ་ཁཱན་ཀོར་གེ་ རོག་ཏེ་བ་ཀི་ ཡི་ཤུ་ག་ཞུ་ཝ༌ལ། 2ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཧང་ རོག་ཏེ་བ་ ཨུ་ཉུ་ད་བུ་ ཤི་ལེ་ཁེ་ཝ་ཨ་དེན་གེ་ བཱརའ་ག་ལིལ་པ་བ་ཤོ་ རོག་ཏེ་བ་ཀེ་ ཉུང་པུ་སྡིག་ཅན་ད་བུ་ ཐོང་ལ་སྨོ། 3ཇི་གི་ ན་ཧ་ཡེག་པེ་ མང་གི་ ན་ཧ་བ་བུ་ སྡིག་པ་གེ་ མ་ལོག་པ་སག་པུ་ ཨུ་ཉུ་པུརུས་ཀིན་ཨ་ཉི་ ཤི་ལེ་ཁེ༌ལེ། 4ཉི་སི་ལོ་ཨམ་ག་ ཕའི་ཅེན་མུ་ཁེ་པ་ ཆེད་པེ་གང་ཀ་ རོག་ཏེ་སོང་ཡེན་ཤི༌ཝ། ཧང་ ན་ཤི་གོད་པ་ཀབ་ཉི་ ཨོ་ཉ་སོ་ངོ་ཤི་ཁཱན་བ་ཤོ་ ཡ་རུ་ཤ་ལེམ་ག་ཆོ་ཁཱན་ བཱརའ་སོ་ངོ་བ་ཀེ་ མང་པུ་སྡིག་ཅན་ད་བུ་ ཐོང་ལ་སྨོ། 5ཇི་གི་ ན་ཧ་ཡེག་པེ་ མང་གི་ ན་ཧ་བ་བུ་ སྡིག་པ་གེ་ མ་ལོག་པ་སག་པུ་ ཨུ་ཉུ་པུརུས་ཀིན་ཨ་ཉི་རང་ ཤི་ལེ་ཁེ༌ལེ༎

སེ་མ་སེ་ཁཱན་ལྕོག་མ་ཤིང་ག་ དཔེ་གཏམ།

6ཉི་ཡི་ཤུ་གི་ ཨོ་ཐ་དཔེ་གཏམ་ གསུངས་མ་ལ་ སོ་ངོ་ཐུར་གི་ རོ་ཀ་ཨུང་ནང་ཀ་ ལྕོག་མ་ཤིང་ཆེ་ཝ་ཅ་གི་ཝ༌ལ། ཉི་རོག་ སེ་སེ་ཝ་ལ་སྨོ་ཨུ་ཉི་ གོད་པ་ཀབ་ཉི་ ཐུར་རང་མཱན་ཅ་གི་ཝ༌ལ། 7ཉི་རོ་ཀི་ རོ་ཀ་ལྡུམ་ར་པ་ག་ ཡེག་པ་ལ་ ཇང་ཨོ་ཐ་ལྕོག་མ་ཤིང་གེ་ སེ་སེ་ཝ་ལ་སྨོ་ གོད་པེ་ག་ ཉིང་སམ་རེ་ཉི་རང་ཨོ་ཕ། ཉི་ཤེབ་ཐུར་བུ་ སེ་སེ་ཝ་མ་ཐོང་ཤི། ས་ག་ཏོག་པ་ཨ་ཉི་ཐ་ཉི་ ཧང་ཨ་ལེ་ཡ། དུན་ཀུན་ཏི་དག༌ཉི།

8ཉི་ལྡུམ་ར་པ་གི་ ཞུ་ཝ་ལ་ སྦྱིན་བདག་ ཨོ་ཐ་ཉིང་ཐུར་ ཐཱན་གོད༌པེ། ཇི་གི་ ཤིང་ག་ཀོ་ལོ་ལོ་བག་ཐཱན་ ཁི་ལུག༌པེ། 9ཉི་སོ་ངཱན་སེ་སེ་ནེ་ལ་ ལེག་པུ་གི་ཝ༌ལ། ཉི་ཨུ་ཉུ་མ་ནེ་ལ་ ནཱན་གི་ དུན་ཀུན་ཏི་དག༌ཉི༎

དང་མེ་མར་ཁཱན་མེ་ཝག་ཙ་ དུས་བཟང་ག་ནོང་ཀ་དྲག་པ༌ལ།

10ཉི་ཨོམ་ ཡི་ཤུ་གི་ དུས་བཟང་ག་ནོང་ཀ་ ཡ་ཧུ་དི་པ་ ཆོས་འཛོམས་ཐུར་ག་ ཡེན་གནང་ཅ་གི་ཝ༌ལ། 11ཉི་ཨོ་ཉ་ ཆོས་འཛོམས་ནང་ཀ་ རྣམ་ཤེས་མ་ཙང་མ་གི་ ནོད་པ་ཨ་དེན་གེ་ ཚིང་ཁོ་རུ་རི་ཉི་ ཐྲང་པེ་མར་བཱན་ ཉིང་སོང་ཡེན་དི་ཁཱན་ མེ་ཝག་ཙ་ཐུར་ཅ་གི་ཝ༌ལ། 12ཉི་ཡི་ཤུ་གི་ རོག་གཟིགས་པ་ཀབ་ཉི་ རོ་ཀི་ རོག་ག་རཱན་ཐཱན་ མེ་ཝག་ཙ་ ནཱན་ ན་ག་ན་ཚ་གེ་ དྲག་པ་དག་ཉི་ གསུངས་མ༌ལ། 13ཉི་རོ་ཀི་ རོ་ཀ་ཕྱག་ ཨོ་ཉ་མེ་ཝག་ཙ་ཐུང་ཀ་ ཀེ་ཉི་གནང་མ༌ལ། ཉི་ཨོ་ཉ་ཐྲེ་ཀེ་རང་ རོག་ཐྲང་པེ་རེ་བ་རི་ཉི་ དཀོན་མཆོག་ག་ བསྟོད་པ་ཕུལ་བ༌ལ།

14ཡི་ཤུ་གི་ དུས་བཟང་ནོང་ཀ་ དྲག་ཉི་གནང་མ་ཨ་དེན་གེ་ ཡ་ཧུ་དི་པ་ ཆོས་འཛོམས་ག་ འགོ་དཔོན་རོ་ཙིག་ཉི་ སོ་ངོ་བ་ཀ་ ཡེག་པ་ལ་ ལའི་ཨ་ལེ་ཆོག་པ་ག་ ནོང་ཁུང༌ཅ། ཉི་དུས་བཟང་ག་ནོང་ཀ་ མང་གི་ཝ་ ཨོ་ཉ་ནོང་ཁུང་ག་བར་ཀ་ དྲག་པེ་ག་ཨོ་དོ་དག༌ཉི།

15ཉི་གཙོ་བོ་གི་ རོ་ཀ་ལན་གནང་ཉི་ གསུངས་མ་ལ་ ནའི་འུ་དྲ་པ་ ཧང་ ནའི་ཨི་བི་གི་ གི་ནེ་བུ་ དུས་བཟང་ག་ནོང་ཀ་ ན་ཤི་ ན་ཧ་ཏོ་ཀ་དང་བོང་བ་ ཕུར་གེ་ཕེག་ཐཱན་ རི་ག་བུ་ལུ་མཱན་ཅ་སྨོ། 16ཉི་ཨོ་ཐ་མེ་ཝག་ཙ་ ཨ་བཱརའ་ཧམ་ག་ རྒྱུད་པ་གི༌ལ། ཉི་སེ་ཏཱན་གི་ ཉིང་སོང་ཡེན་སག་པུ་ ཙུང་ཉི་ཐ་ཝ༌ལ། ཧང་ དུས་བཟང་ག་ནོང་ཀ་ རོག་དྲག་པེ་ མ་ཆོག་པ་སྨོ་དག༌ཉི།

17རོ་ཀི་ ཨོ་ཐེན་གསུངས་མ་ཀབ་ཉི་ རོ་ཀ་དགྲ་བྱང་ཕིཤི་བ་ ཐམས་ཅན་རང་ ངི་ནང་ཁུ་ཝ༌ལ། ཉི་རོ་ཀི་ མཛད་གནང་ཁཱན་ ཡིད་ཆི་ཝ་ག་ཕྱག་ལཱ་ག་ གོད་ཉི་ སོ་ངོ་བ་ ཐམས་ཅན་རང་ ངལ་རངས་པ༌ལ༎

མེམ་བ་ལི་ག་དཔེ་གཏམ།

18རོ་ཀི་གསུངས་མ་ལ་ དཀོན་མཆོག་ག་རྒྱལ་སྲིད་ཤོ་ ཧང་ད་བུ་ ཨོ་ཕེ་ཡ། ཉི་ཇི་གི་ ཧང་ཀབ་ཉི་རེ་ཉི་ གོད་པེ་ཡ། 19དཀོན་མཆོག་ག་རྒྱལ་སྲིད་ཤོ་ སོ་ངོ་ཐུར་གི་ མེམ་བ་ལི་བུན་ཐཱན་ རོ་ཀ་ཨུང་ག་ཡབ་ཁཱན་ ད་བུ་ཐུར་གི༌ལ། ཉི་ཨོ་ཉ་ལི་ཟོག་ཏེན་གེ་ ཤིང་རི་ཉི་ ཉི་ངབ་ཀེ་ཕེན་ཁཱན་ ཁ་བ་ཀི་ རོ་ཀ་ད་ཀ་བ་ཀ་ཐུང་ཐུང་ ཤུམ་ཅོད་ཅ་དག༌ཉི༎

བི་ཏོ་ག་ དཔེ་གཏམ།

20ཉི་རོ་ཀི་ ཨོམ་ཆང་རང་ གསུངས་མ་ལ་ ཇི་གི་ ཧང་ཤོ་ དཀོན་མཆོག་ག་རྒྱལ་སྲིད་ཀབ་ཉི་ རེ་ཉི་གོད་པེ་ཡ། 21དཀོན་མཆོག་ག་ རྒྱལ་སྲིད་ཤོ་ མེ་ཝག་ཙ་ཐུར་གི་ བི་ཏོ་ད་སུར་བུན་ཐཱན་ བོག་པི་མོན་ཐུར་ཀབ་ཉི་ཡ་ཉི་ བོག་པི་ཐམས་ཅན་རང་ མ་ཕོར་པ་སག་པུ་ ཐ་ཝ་ད་བུ་ཐུར་གི་ལ་དག༌ཉི༎

ཀོ་དོག་པུ།

22ཉི་ཡི་ཤུ་ཁྲོམ་དང་ དུང་ཁོན་བྱོན་ཉི་ སོ་ངོ་བ་ཀ་ཡེ་ཉི་རང་ ཡ་རུ་ཤ་ལེམ་ལོ་ཀ་ཏཱན་ བྱོན་མ༌ལ། 23ཉི་སོ་ངོ་ཐུར་གི་ རོ་ཀ་ཞུ་ཝ་ལ་ གཙོ་བོ་ ཧང་ ཐར་པ་ཉོང་ཁཱན་ ཉུང་པུ་ཤ་ ཨོ་ཕེ་སྨོ་དག༌ཉི།

ཉི་རོ་ཀི་ རོག་ཏེ་བ་ཀ་ གསུངས་མ་ལ་ 24ཀོ་ཟེ་མུ་གེ་ ནུ་ཕེ་དེན་གེ་ ཙ་དྲེག༌ཅོ། ཧང་ཡ་དག་ནེ་ལ་ ཇི་གི་ ན་ཧ་ཡེག་པེ་ མང་པུ་ཐུར་གི་ ནུ་ཕེ་ག་རྩིས་ཕི་ལེ་ དག་པ་ཀབ་ཉི་ མ་ཉོང༌པ། 25ཕའི་ཡོན་ད་ཐིང་ཐཱན་ ཀོ་དམ་ཉི་ཆུམ་དེན་གེ་ ནའི་ཕིས་ཀ་ལུས་ཉི་ ཉི་ཀོ་ཚབ་ཉི་ གཙོ་བོ་ ཨ་ཧ་དེན་གེ་ ཀོ་ཕེག་ཉི་གནང་ཤོ་དག་ཉི་ ཡེག༌པེ། ཨུ་ཉུ་གང་ཀ་ རོ་ཀི་ ན་ཧ་ཡེག་པེ་ ནའི་ཨོ་གེ་ཨོ་ཕ་སྨོ་ ཇི་གི་མ་སེ་ལ་དག༌ཉི། 26ཉི་ན་ཤི་ཡེག་པེ་ ཨའི་ན་ག་སྐུན་མདུན་ག་ ཟ་ཉི་ཇམ་ཁཱན་གི༌ལ། ཉི་ནཱན་གི་ ཨ་ཧ་ གཞུང་ལམ་ཁོན་ཡེ་ཉི་ གནང་མ་དག༌ཉི། 27དག་པ་ཀབ་ཉི་ ཨུ་ཉུ་གང་ཀ་ རོ་ཀི་ ན་ཧ་ཡེག་པེ་ ཇི་གི་ ན་ཧ་ཡེག་ཅ་ན་ ནའི་ཨོ་གེ་ཨོ་ཕ་སྨོ་ ཇི་གི་མ་སེ༌ལ། ལའི་ངན་པ་ཨ་ཁཱན་ ནའི་ཐམས་ཅན་རང་ ལེང་ཇོང་ཤོ་ཨ་ཉི་ ཡེག་པེ་དག༌ཉི།

28ཉི་ཨ་བཱརའ་ཧམ་དང་ ཨི་སག་ ཉི་ཡ་ཀུབ་དང་ ལུང་བསྟན་པ་བ་ ཐམས་ཅན་རང་ དཀོན་མཆོག་ག་ རྒྱལ་སྲིད་ག་ཐོང༌མེ། ཉི་ནའི་ནའི་ཏེན་ཤོ་ ཕིས་ཀ་ལུས་ཉི་ ཨོ་ཉ་ག་ ནའི་གེབ་ཉི་ ཤ་ཟེང་མ་ལུས༌པེ། 29ཉི་སོ་ངོ་བ་ ཤར་དང་ནུབ་ཀེ་ ཉི་བྱང་དང་ལྷོ་གེ་ཨུ་ཉི་ དཀོན་མཆོག་ག་རྒྱལ་སྲིད་ག་ དོང་ཏཱན་གུབ་ཀ་ ཏབ་ཐུར་ལང༌མེ། 30དག་པ་ཀབ་ཉི་ ཨོ་མ་ གོ་དང་པ་ག་ ཆོ་ཁཱན་ཚེ་བང་ ཇུ་ཀ་ལུས༌པེ། ཉི་ཨོ་མ་ ཇུ་ཀ་ཆོ་ཁཱན་ཚེ་བང་ དང་པ་ག་ཤེག་པེ་ན་དག་ཉི་ གསུངས་མ༌ལ༎

ཡ་རུ་ཤ་ལེམ་ག་གཟིགས་ཉི་ ཡི་ཤུ་ཐུགས་དོགས་པ༌ལ།

31ཉི་ཨུ་ཉུ་གང་ཀ་རང་ ཕ་རི་སི་པ་ཚེ་བང་ཤེག་ཉི་ ཡི་ཤུ་ག་ཞུ་ཝ་ལ་ ནཱན་ཨོ་ཐ་གེ་བྱོན༌ཤོ། ཧང་ཡ་དག་ནེ་ལ་ ཧེ་རོད་གི་ ནཱན་བཀྲོངས་མེ་དང་དག༌ཉི།

32ཡི་ཤུ་གི་ རོག་ཏེ་བ་ཀ་ གསུངས་མ་ལ་ དིན་ཐཱན་ ཨོ་ཉ་ཤིའུ་ལི་ག་ཡེག་ཅོ་ ཇི་གི་ ཐི་ནོང་དང་ནམ་ནིང་ དོན་བ་ཤོན་གེ༌མེ། ཉི་དྲག་ཉི་བི༌ལེ། ཉི་ནོང་སམ་ག་ནོང་ཀ་ ལའི་ཆུ༌མེ། 33ཧང་ཏ་ཀ་རང་མཱན་ཅ་ ཐི་ནོང་ནམ་ནིང་དང་ ཞིམ་རོང་སག་པུ་ ཇང་ ཇ་ག་ལམ་ཁོན་རང་ དང༌མེ། ཧང་ཡ་དག་ནེ་ལ་ ལུང་བསྟན་པ་བ་ཤོ་ བཱརའ་ཨོ་ག་རང་མང་གི་ཝ་ ཡ་རུ་ཤ་ལེམ་ག་རང་ཤེན༌ཅ།

34དབའི་ ཡ་རུ་ཤ་ལེམ་ ཡ་རུ་ཤ་ལེམ་ ན་ག་བཱརང་ཀ་ཀུན་ཏི་ཁཱན་ ལུང་བསྟན་པ་ ཐམས་ཅན་རང་ཤེ་ཉི་ ན་ག་བཱརང་ཀ་ ཀུན་ཏི་ཁཱན་བ་ཀ་ ལུ་ཤི་དྲོམ་ཉི་ ཧབ་ཏུར་ཤ་ ཇི་གི་ ན་ག་ཝག་ཙ་བ་ གོ་ག་ད་མ་གི་ རོ་ཀ་ད་ཟ་བ་དུས་ཐཱན་ ཡེ་ལམ་གི་ ཀོམ་པ་པུརུས་ཀིན་ཨ་ཉི་ དུས་པེ་ཡ། ན་ཤི་ ན་ལུ་མ༌ལ། 35ཉི་ཨོམ་ ན་ག་མཆོད་ཁང་ལ་ ཐུབ་ཐ༌ཝ། ཉི་ཇི་གི་ ན་ག་ཡེག་པེ་ ནཱན་གི་ གཙོ་བོ་ག་མཚན་ག་ ཨུ་ཁཱན་ཁེ་པ་ བྱིན་རླབས་ཅན་གི་ལ་#13:35 མགུར་མ་ག་དཔེ་ཆ་ 118:26 དག་ཉི་ མ་ཡེག་པ་སག་པུ་ ནཱན་གི་ ཇང་མ་ཐོང་མ་དག༌ཉི༎

Currently Selected:

ལུ་ཀ། 13: TNTB

Highlight

Copy

Want to have your highlights saved across all your devices? Sign up or sign in

Tshangla New Testament

Learn More About Tshangla New Testament (BSI)