ལུ་ཀ། 16
16
དམ་ཚིག་མ་ཁཱན་གཉེར་པ་ག་ དཔེ་གཏམ།
1ཡི་ཤུ་གི་ རོ་ཀ་སློ་མ་བ་ཀ་ གསུངས་མ་ལ་ སོ་ངོ་བེ་དིང་ཐུར་ག་ གཉེར་པ་ཐུར་ཅ་གི་ཝ༌ལ། ཉི་རོ་ཀ་གཉེར་པ་གི་ རོ་ཀ་རྒྱུ་ནོར་ལོངས་སྤྱོད་བ་ བ་ཏོང་ཕི་ན་ཨ་ཉི་ ཞུ་ལོག་ཤེག་པ༌ལ། 2ཉི་རོ་ཀི་ གཉེར་པ་རཱན་ཐཱན་ ཡེག་པ་ལ་ ཇི་གི་ ན་ག་ཀོར་གེ་ ན་ཐ་ཁཱན་ ཧང་གི་ལ་ཡ། ནཱན་གི་ཉོང་ཁཱན་ གཉེར་ཚང་ག་རྩིས་ཕའི། ཉི་ནཱན་ཨོ་ཐེ་ག་ཏཱན་ གཉེར་པ་ཨ་ཉི་ཆོ་ལེ་ག་ རང་དབང་མཱན་ཅ་ན་ཨ༌ཉི།
3ཉི་ཨོ་ཉ་གཉེར་པ་གི་ རོག་རོག་ཏེན་ག་ ཡེག་པ་ལ་ ཇ་ག་སྦྱིན་བདག་གི་ ཇང་གཉེར་པ་གེ་ ཤོ་ཉི་གེམ༌ལ། ཉི་ཨུང་བག་པེ་ག་ལ་ ཇ་ག་ཁེ་ཀོ་མ༌ལ། ཉི་ཨོམ་ ཕུན་མེ་དག་ནེ་ལ་ ཇང་ངི་ནང་ཁུ་ན། ཧང་ཤ་ ཨ་ཝ་དྲག་པེ་ཡ་ཉི་དག༌ཉི། 4ཇང་གཉེར་པ་གེ་ ཤོ་ཉི་གེམ་དེན་གེ་ སོ་ངོ་བ་ཀི་ ཇང་ རོག་ཏེ་བ་ཀ་ཕའི་ག་ར་ཉི་ ཇ་ག་རུམ་པེ་དེན་གེ་ ཇི་གི་ ཧང་ཨ་ལེ་ཁེ་ལེ་སྨོ་ ཨོམ་ ཇི་གི་སེ་ཝ་དག༌ཉི།
5ཉི་རོ་ཀི་ རོ་ཀ་སྦྱིན་བདག་ག་ བུ་ལོན་པ་བ་ ཐུར་རེ་ཐུར་རེ་ཨ་ཉི་ རཱན་ཐཱན་ གོ་ཨུ་ཁཱན་ག་ ནཱན་གི་ ཇ་ག་སྦྱིན་བདག་ག་ ཧབ་ཏུར་བི་ལེ་ཅ་ཡ་དག་ཉི་ ཇི་མ༌ལ། 6ཉི་རོ་ཀི་ཡེག་པ་ལ་ སི་སྲང་ 100 བི་ལེ་ག་ཅ་དག༌ཉི། ཉི་རོ་ཀི་ ཨོ་ཉ་སོ་ངོ་ག་ ཡེག་པ་ལ་ ན་ག་འབྱོར་རྟགས་བུན་ཐཱན་ ལང་མ་ཐྲེ་ཀེ་རང་ 50 འབྲི་ཤོ་དག༌ཉི།
7ཉི་རོ་ཀི་ ཨོམ་ཐུར་ག་ ནཱན་གི་ ཧབ་ཏུར་བི་ལེ་ཅ་ཡ་དག་ཉི་ ཇི་མ་ཀབ་ཉི་ བོང་ཁཝ་ 1000 བི་ལེ་ག་ཅ་དག་ཉི་ ཡེག་པ༌ལ། ཉི་རོ་ཀི་ ཨོ་ཉ་སོ་ངོ་ག་ ན་ག་འབྱོར་རྟགས་བུན་ཐཱན་ 800 འབྲི་ཤོ་དག་ཉི་ ཡེག་པ༌ལ།
8ཉི་དམ་ཚིག་མ་ཁཱན་གཉེར་པ་གི་ གནམ་མེད་ས་མེད་ མིན་ཐཱན་ ཨུ་ཐུ་ད་བུ་ ལའི་ཨ་ཝ་ཨ་དེན་གེ་ སྦྱིན་བདག་གི་ རོ་ཀ་བསྟོད་པ་ཕི་ཝ༌ལ། ཧང་ཡ་དག་ནེ་ལ་ ཨུ་ཐུ་ད་བུ་ལའི་ག་ཤེག་པ་ ཨོ་ཐ་འཛམ་གླིང་ག་ ཟ་ག་བ་ འོད་ཟེར་ག་ ཟ་ག་བ་ཀེ་ མཁས་ཏྲ་ཨོ་ཕེ། 9ཇི་གི་ ན་ཧ་ཡེག་པེ་ ལའི་མ་ལེག་པ་ཨ་ཉི་ཉོང་ཁཱན་ འཛམ་གླིང་ག་ རྒྱུ་ནོར་ལོངས་སྤྱོད་ཀབ་ཉི་ ནའི་ཏེན་ག་དེན་གེ་ ཇ་རོ་ཆེང༌ཤོ། ཧང་ཡ་དག་ནེ་ལ་ ཨོ་ཉ་རྒྱུ་ག་བ་ཆུམ་དེན་གེ་ ནའི་དུས་ཏ་བུ་རང་ཆོ་ལེ་ག་ བཱརང་ཀ་ཏཱན་ར༌ལེ།
10ཉུང་པུ་ཐུར་ག་ དམ་ཚིག་ཙུང་ཉི་ ལའི་ཨ་ཁཱན་གི་ མང་པུ་ག་བུ་ དམ་ཚིག་ཙུང་ཉི་ ལའི་ཨ༌ལེ། ཉི་ཉུང་པུ་ག་ཐྲང་ཉི་ ལའི་མ་ཨ་ཁཱན་གི་ མང་པུ་ག་བུ་ ཐྲང་ཉི་ལའི་ཨ་ལེ་མར༌བ། 11ཉི་ན་ཤི་ འཛམ་གླིང་ག་རྒྱུ་ག་ཆང་ དམ་ཚིག་ཙུང་ཉི་ ལའི་མ་ཨ་ནེ་ལ་ རྒྱུ་ངོ་མ་ག་འགན་འཁོར་ཏ་ ཧང་ཏེན་ཨ་ཉི་བི་ལེ་ཡ། 12ཉི་ན་ཤི་ བཱརའ་ག་རྒྱུ་ག་ཐུང་ཀ་ དམ་ཚིག་ཙུང་ཉི་ ལའི་མ་ཨ་ནེ་ལ་ ནའི་ཏེན་ག་རྒྱུ་གི་ནེ་ཆང་ ན་ཧ་ཏཱན་ ཨི་བི་གི་བི་ལེ་ཡ།
13གཡོག་པ་ཐུར་གི་ སྦྱིན་བདག་ཉིག་ཙིང་ག་ ཕྱག་ཞུ་ལེ་རེ་ཁཱན་ ཨི་བི་རང་མཱན༌ཅ། ཧང་ཡ་དག་ནེ་ལ་ རོ་ཀི་ཐུར་ལེག་ནེ་བུ་ ཐུར་མ་ལེག༌པ། ཨུ་ཉུ་མ་ནེ་ལ་ རོ་ཀི་ཐུར་ག་ཕརའ་ཁེ་ ལེག་པ་ཨ་ཉི་ལའི་ཨ་ལེ་ ཉི་ཐུར་གི་ ཡེག་པ་ཀབ་ཉི་མ་ན༌ལ། ན་ཤི་ཏབ་ཐུར་ག་ དཀོན་མཆོག་དང་ཏི་རུ་ ཉིག་ཙིང་ག་རང་ ཕྱག་ཞུ་ལེ་མར་བ་དག༌ཉི༎
པོན་ཉི་ཡེན་གནང་མ༌ལ།
14ཉི་ཏི་རུ་ཕང་ཁཱན་ ཕ་རི་སི་པ་བ་ཀི་ ཨོ་ཐ་བ་ ན་ཐ་ཉི་ ཡི་ཤུ་ག་ཁ་ཏང་མ༌ལ། 15དག་པ་ཀབ་ཉི་ ཡི་ཤུ་གི་ རོག་ཏེ་བ་ཀ་ གསུངས་མ་ལ་ ནའི་ཤོ་ སོ་ངོ་བ་ཀ་གུབ་ཀ་ རང་ཏེན་ དེན་མ་ཅོད་ཁཱན་གི༌ལ། དག་པ་ཀབ་ཉི་ དཀོན་མཆོག་གི་ ན་ཧ་སེམས་མཁྱེན༌ཅ། ཧང་ཡ་དག་ནེ་ལ་ སོ་ངོ་བ་ཀ་གུབ་ཀ་ ཆི་ལུ་ཆིན་ཁཱན་བ་ དཀོན་མཆོག་ག་སྤྱན་ག་ ཙོག་པ་ཆིན་མེ་གི་ལ་དག༌ཉི།
16བཀའ་ཁྲིམས་དང་ ལུང་བསྟན་པ་བ་ཤོ་ ཡུ་ཧན་ན་སག་པུ་ཤ་ ཁག་ཆི་ལུ་གི་ཝ་ཆོ༌ཝ། ཉི་ཨོ་ཉ་གེ་ག་ཏཱན་ དཀོན་མཆོག་ག་ རྒྱལ་སྲིད་ག་ཀོར་གེ་ འཐེན་ལེག་པུ་བ་བཤད༌པ། ཉི་ཐམས་ཅན་གི་ ཨོ་ཉ་ནང་ཀ་ བང་ཙོང་ཉི་རང་ ནུ་ཕེ་གོད༌ཅ། 17ཞིང་ཁམས་དང་ འཛམ་གླིང་ ཡེ་ཉི་ཇོང་མེ་ག་ ཡ་ལུ་ཨོ་ཕེ། དག་པ་ཀབ་ཉི་ བཀའ་ཁྲིམས་ག་ ཚ་ཟེ་མུ་ཐུར་བུ་ ཡེ་ཉི་མ་དི༌ལ།
18ཨི་བི་རང་གི་ནེ་བུ་ རང་ཏེན་ག་མེ་ཝག་ཙ་ ཐུབ་ཐཱན་ཐཱན་ བཱརའ་མེ་ཝག་ཙ་ཀབ་ཉི་ གཉེན་ཕི་ནེ་ལ་ ཨོ་ཉ་སོ་ངོ་གི་ གཉེན་གྲོགས་གེ་ཕིས་ཀ་ ལུས་འབྲེལ་ཨ་ཝ་ཆིན༌མེ། ཉི་ཁ་བེརེ་ཁཱན་ མེ་ཝག་ཙ་ཀབ་ཉི་ གཉེན་ཕི་ཁཱན་གི་བུ་ གཉེན་གྲོགས་གེ་ཕིས་ཀ་ ལུས་འབྲེལ་ཨ་ཝ་ཆིན༌མེ༎
བེ་དིང་སོ་ངོ་དང་ ལ་ཇ་རཱས་ག་དཔེ་གཏམ།
19བུ་རེ་ཁ་མུང་དང་ ཐེར་མ་ཡེ་ཝ་ཨ་ཝ་ཆོ་ཁཱན་ སོ་ངོ་བེ་དིང་ཐུར་ ཏ་བུ་རང་དགའ་སྤྲོ་ཙི་ཉི་ ཆོན་ཅ་གི་ཝ༌ལ། 20ཉི་རོ་ཀ་ཀོ་ག་ ལ་ཇ་རཱས་དག་ཁཱན་ སོ་ངོ་དུག་པུ་ སོ་ཕུ་གི་ལོམ་ཉི་ ཆུ་མ་ཨ་ཝ་ཐུར་ ཅ་གི་ཝ༌ལ། 21ཉི་ཨོ་ཉ་བེ་དིང་སོ་ངོ་ག་ དོང་ཏཱན་གེ་ ཞུད་ཉི་ཁེ་ཁཱན་ ལྟོ་ཆེད་པ་གི་ རོ་ཀ་ཕོ་ལང་ཁ་ལེ་ག་ སེམས་ཨན་ཅ་གི་ཝ༌ལ། ཉི་ཁུ་ག་བ་ཨུན་ཐཱན་ རོ་ཀ་སོ་ཕུ་ཁོན་ བེན་ཅ་གི་ཝ༌ལ།
22ཉི་ནོང་ཐུར་ ཨོ་ཉ་དུག་པུ་སོ་ངོ་ཁེ་པ་ཤི་ཉི་ ཞིང་ཁམས་ག་འཐེན་པ་གི་ བསྣམས་ཉི་ ཨ་བཱརའ་ཧམ་ག་ ར་ག་ཐ་ཝ༌ལ། ཉི་ཨོ་ཉ་ བེ་དིང་སོ་ངོ་བུ་ཤི་ཉི་ ས་ཝང་ཕི་ཝ༌ལ། 23ཉི་བེ་དིང་སོ་ངོ་ དམྱལ་བ་ག་ནང་དོག་ཉི་ ག་ཏཱན་གོད་པ་ཀབ་ཉི་ ལམ་ཐ་ཇང་ཀིན་ཐུར་ག་ ཨ་བཱརའ་ཧམ་ ཐོང་མ༌ལ། ཉི་ལ་ཇ་རཱས་ རོ་ཀ་ར་ག་ཅ་གི་ཝ༌ལ།
24ཉི་རོ་ཀི་ ཤ་དར་ཕི་ཉི་ ཨ་པ་ཨ་བཱརའ་ཧམ་ ཇང་ཨོ་ཐ་མི་ནང་ཀ་ གནམ་མེད་ས་མེད་ ནང་དོག་པ༌ཅ། ཇ་ག་དེན་གེ་ ལ་ཇ་རཱས་ག་ ག་དང་བུརུ་མ་ཐུང་ཅི་གི་ཨ་ཉི་ རི་ཏིག་པ་ཐུར་ཨ་ཝ་ཐུར་ ག་ལེ་དེན་གེ་ ཀུན་ཏི་དག་ཉི་ ཡེག་པ༌ལ།
25དག་པ་ཀབ་ཉི་ ཨ་བཱརའ་ཧམ་གི་ ཟ་ ན་ག་མི་ཚེ་ཐུར་ག་ ལེག་པུ་ཉོང་པ་ཀབ་ཉི་ རོག་ལ་ཇ་རཱས་ མ་ལེག་པ་ཉོང་ཁཱན་བ་ ཡིད་ཀ་ཨའི། ཉི་ཨོམ་ རོག་ཐ་ག་སྐྱིད་པུ་ཀབ་ཉི་ ནཱན་དུག་ཉི༌ཅ། 26ཨུ་ཉུ་མ་ཚཱད་པ་ ཨ་ཧ་བར་ཀ་ ཏོང་ཀང་ཆི་ལུ་ཐུར༌ཅ། ཨོ་ཉི་ཨ་དེན་གེ་ ཐ་གེ་ན་ག་བཱརང་ཀ་དི་ལེ་ ཉ་གེ་བུ་ ཨོ་ཕེ་མར་བ་དག་ཉི་ ཡེག་པ་ཀབ་ཉི་ 27ཨོ་ཉ་སོ་ངོ་གི་ ཡེག་པ་ལ་ ཉི་ལ་ ཨ་པ་ ཇི་གི་ ན་ག་ལ་སོ་སྐུ་ཆེན་ཨ་དོང་ ལ་ཇ་རཱས་ ཇ་ག་ཨ་པ་ག་ཕའི་ག་ཀུན་ཏི། 28ཧང་ཡ་དག་ནེ་ལ་ ཇ་ག་བོ་ཉིང་ལྔ༌ཅ། ཉི་རོ་ཀི་ རོག་ཏེ་བ་ཀ་ སེམས་སོར་ཅོ་དག་ཉི་ ཡེག་ཅེན། ཨུ་ཉུ་མ་ནེ་ལ་ རོག་ཏེ་བ་བུ་ ཐ་ནང་དོག་ས་བཱརང་ཀ་ ཤེག་ཏུ་དག༌ཉི།
29དག་པ་ཀབ་ཉི་ ཨ་བཱརའ་ཧམ་གི་ ཡེག་པ་ལ་ རོག་ཏེ་བ་ཀ་དེན་གེ་ མོ་ས་དང་ ལུང་བསྟན་པ་བ༌ཅ། རོག་ཏེ་བ་ཀི་ ཡེག་པ་ཀབ་ཉི་ ད་ཤི་ཉཱན་ཅེན་དག༌ཉི།
30ཉི་རོ་ཀི་ མང་གི་ ཨ་པ་ཨ་བཱརའ་ཧམ་ ཤི་ཁཱན་གེ་ ཐུར་གི་དིན་ཐཱན་ ཡེག་ནེ་ཤ་ རོག་ཏེ་བ་ཀི་ སྡིག་པ་གེ་ལོག་པེ་དག་ཉི་ ཡེག་པ་ཀབ་ཉི་ 31ཨ་བཱརའ་ཧམ་གི་ རོ་ཀ་ཡེག་པ་ལ་ རོག་ཏེ་བ་ཀི་ མོ་ས་དང་ ལུང་བསྟན་པ་བ་ཀ་ མ་ཉཱན་པ་ད་བུ་ཨ་ནེ་ལ་ ཤི་ཁཱན་སོ་ངོ་ཝུན་ཐཱན་ ཡེག་ནེ་བུ་ རོག་ཏེ་བ་ཀ་ སེམས་སོར་པེ་དེན་གེ་ ཐབ་རང་མ་ཝ་ ཅོད་པེ་མར་བ་དག༌ཉི༎
Currently Selected:
ལུ་ཀ། 16: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
ལུ་ཀ། 16
16
དམ་ཚིག་མ་ཁཱན་གཉེར་པ་ག་ དཔེ་གཏམ།
1ཡི་ཤུ་གི་ རོ་ཀ་སློ་མ་བ་ཀ་ གསུངས་མ་ལ་ སོ་ངོ་བེ་དིང་ཐུར་ག་ གཉེར་པ་ཐུར་ཅ་གི་ཝ༌ལ། ཉི་རོ་ཀ་གཉེར་པ་གི་ རོ་ཀ་རྒྱུ་ནོར་ལོངས་སྤྱོད་བ་ བ་ཏོང་ཕི་ན་ཨ་ཉི་ ཞུ་ལོག་ཤེག་པ༌ལ། 2ཉི་རོ་ཀི་ གཉེར་པ་རཱན་ཐཱན་ ཡེག་པ་ལ་ ཇི་གི་ ན་ག་ཀོར་གེ་ ན་ཐ་ཁཱན་ ཧང་གི་ལ་ཡ། ནཱན་གི་ཉོང་ཁཱན་ གཉེར་ཚང་ག་རྩིས་ཕའི། ཉི་ནཱན་ཨོ་ཐེ་ག་ཏཱན་ གཉེར་པ་ཨ་ཉི་ཆོ་ལེ་ག་ རང་དབང་མཱན་ཅ་ན་ཨ༌ཉི།
3ཉི་ཨོ་ཉ་གཉེར་པ་གི་ རོག་རོག་ཏེན་ག་ ཡེག་པ་ལ་ ཇ་ག་སྦྱིན་བདག་གི་ ཇང་གཉེར་པ་གེ་ ཤོ་ཉི་གེམ༌ལ། ཉི་ཨུང་བག་པེ་ག་ལ་ ཇ་ག་ཁེ་ཀོ་མ༌ལ། ཉི་ཨོམ་ ཕུན་མེ་དག་ནེ་ལ་ ཇང་ངི་ནང་ཁུ་ན། ཧང་ཤ་ ཨ་ཝ་དྲག་པེ་ཡ་ཉི་དག༌ཉི། 4ཇང་གཉེར་པ་གེ་ ཤོ་ཉི་གེམ་དེན་གེ་ སོ་ངོ་བ་ཀི་ ཇང་ རོག་ཏེ་བ་ཀ་ཕའི་ག་ར་ཉི་ ཇ་ག་རུམ་པེ་དེན་གེ་ ཇི་གི་ ཧང་ཨ་ལེ་ཁེ་ལེ་སྨོ་ ཨོམ་ ཇི་གི་སེ་ཝ་དག༌ཉི།
5ཉི་རོ་ཀི་ རོ་ཀ་སྦྱིན་བདག་ག་ བུ་ལོན་པ་བ་ ཐུར་རེ་ཐུར་རེ་ཨ་ཉི་ རཱན་ཐཱན་ གོ་ཨུ་ཁཱན་ག་ ནཱན་གི་ ཇ་ག་སྦྱིན་བདག་ག་ ཧབ་ཏུར་བི་ལེ་ཅ་ཡ་དག་ཉི་ ཇི་མ༌ལ། 6ཉི་རོ་ཀི་ཡེག་པ་ལ་ སི་སྲང་ 100 བི་ལེ་ག་ཅ་དག༌ཉི། ཉི་རོ་ཀི་ ཨོ་ཉ་སོ་ངོ་ག་ ཡེག་པ་ལ་ ན་ག་འབྱོར་རྟགས་བུན་ཐཱན་ ལང་མ་ཐྲེ་ཀེ་རང་ 50 འབྲི་ཤོ་དག༌ཉི།
7ཉི་རོ་ཀི་ ཨོམ་ཐུར་ག་ ནཱན་གི་ ཧབ་ཏུར་བི་ལེ་ཅ་ཡ་དག་ཉི་ ཇི་མ་ཀབ་ཉི་ བོང་ཁཝ་ 1000 བི་ལེ་ག་ཅ་དག་ཉི་ ཡེག་པ༌ལ། ཉི་རོ་ཀི་ ཨོ་ཉ་སོ་ངོ་ག་ ན་ག་འབྱོར་རྟགས་བུན་ཐཱན་ 800 འབྲི་ཤོ་དག་ཉི་ ཡེག་པ༌ལ།
8ཉི་དམ་ཚིག་མ་ཁཱན་གཉེར་པ་གི་ གནམ་མེད་ས་མེད་ མིན་ཐཱན་ ཨུ་ཐུ་ད་བུ་ ལའི་ཨ་ཝ་ཨ་དེན་གེ་ སྦྱིན་བདག་གི་ རོ་ཀ་བསྟོད་པ་ཕི་ཝ༌ལ། ཧང་ཡ་དག་ནེ་ལ་ ཨུ་ཐུ་ད་བུ་ལའི་ག་ཤེག་པ་ ཨོ་ཐ་འཛམ་གླིང་ག་ ཟ་ག་བ་ འོད་ཟེར་ག་ ཟ་ག་བ་ཀེ་ མཁས་ཏྲ་ཨོ་ཕེ། 9ཇི་གི་ ན་ཧ་ཡེག་པེ་ ལའི་མ་ལེག་པ་ཨ་ཉི་ཉོང་ཁཱན་ འཛམ་གླིང་ག་ རྒྱུ་ནོར་ལོངས་སྤྱོད་ཀབ་ཉི་ ནའི་ཏེན་ག་དེན་གེ་ ཇ་རོ་ཆེང༌ཤོ། ཧང་ཡ་དག་ནེ་ལ་ ཨོ་ཉ་རྒྱུ་ག་བ་ཆུམ་དེན་གེ་ ནའི་དུས་ཏ་བུ་རང་ཆོ་ལེ་ག་ བཱརང་ཀ་ཏཱན་ར༌ལེ།
10ཉུང་པུ་ཐུར་ག་ དམ་ཚིག་ཙུང་ཉི་ ལའི་ཨ་ཁཱན་གི་ མང་པུ་ག་བུ་ དམ་ཚིག་ཙུང་ཉི་ ལའི་ཨ༌ལེ། ཉི་ཉུང་པུ་ག་ཐྲང་ཉི་ ལའི་མ་ཨ་ཁཱན་གི་ མང་པུ་ག་བུ་ ཐྲང་ཉི་ལའི་ཨ་ལེ་མར༌བ། 11ཉི་ན་ཤི་ འཛམ་གླིང་ག་རྒྱུ་ག་ཆང་ དམ་ཚིག་ཙུང་ཉི་ ལའི་མ་ཨ་ནེ་ལ་ རྒྱུ་ངོ་མ་ག་འགན་འཁོར་ཏ་ ཧང་ཏེན་ཨ་ཉི་བི་ལེ་ཡ། 12ཉི་ན་ཤི་ བཱརའ་ག་རྒྱུ་ག་ཐུང་ཀ་ དམ་ཚིག་ཙུང་ཉི་ ལའི་མ་ཨ་ནེ་ལ་ ནའི་ཏེན་ག་རྒྱུ་གི་ནེ་ཆང་ ན་ཧ་ཏཱན་ ཨི་བི་གི་བི་ལེ་ཡ།
13གཡོག་པ་ཐུར་གི་ སྦྱིན་བདག་ཉིག་ཙིང་ག་ ཕྱག་ཞུ་ལེ་རེ་ཁཱན་ ཨི་བི་རང་མཱན༌ཅ། ཧང་ཡ་དག་ནེ་ལ་ རོ་ཀི་ཐུར་ལེག་ནེ་བུ་ ཐུར་མ་ལེག༌པ། ཨུ་ཉུ་མ་ནེ་ལ་ རོ་ཀི་ཐུར་ག་ཕརའ་ཁེ་ ལེག་པ་ཨ་ཉི་ལའི་ཨ་ལེ་ ཉི་ཐུར་གི་ ཡེག་པ་ཀབ་ཉི་མ་ན༌ལ། ན་ཤི་ཏབ་ཐུར་ག་ དཀོན་མཆོག་དང་ཏི་རུ་ ཉིག་ཙིང་ག་རང་ ཕྱག་ཞུ་ལེ་མར་བ་དག༌ཉི༎
པོན་ཉི་ཡེན་གནང་མ༌ལ།
14ཉི་ཏི་རུ་ཕང་ཁཱན་ ཕ་རི་སི་པ་བ་ཀི་ ཨོ་ཐ་བ་ ན་ཐ་ཉི་ ཡི་ཤུ་ག་ཁ་ཏང་མ༌ལ། 15དག་པ་ཀབ་ཉི་ ཡི་ཤུ་གི་ རོག་ཏེ་བ་ཀ་ གསུངས་མ་ལ་ ནའི་ཤོ་ སོ་ངོ་བ་ཀ་གུབ་ཀ་ རང་ཏེན་ དེན་མ་ཅོད་ཁཱན་གི༌ལ། དག་པ་ཀབ་ཉི་ དཀོན་མཆོག་གི་ ན་ཧ་སེམས་མཁྱེན༌ཅ། ཧང་ཡ་དག་ནེ་ལ་ སོ་ངོ་བ་ཀ་གུབ་ཀ་ ཆི་ལུ་ཆིན་ཁཱན་བ་ དཀོན་མཆོག་ག་སྤྱན་ག་ ཙོག་པ་ཆིན་མེ་གི་ལ་དག༌ཉི།
16བཀའ་ཁྲིམས་དང་ ལུང་བསྟན་པ་བ་ཤོ་ ཡུ་ཧན་ན་སག་པུ་ཤ་ ཁག་ཆི་ལུ་གི་ཝ་ཆོ༌ཝ། ཉི་ཨོ་ཉ་གེ་ག་ཏཱན་ དཀོན་མཆོག་ག་ རྒྱལ་སྲིད་ག་ཀོར་གེ་ འཐེན་ལེག་པུ་བ་བཤད༌པ། ཉི་ཐམས་ཅན་གི་ ཨོ་ཉ་ནང་ཀ་ བང་ཙོང་ཉི་རང་ ནུ་ཕེ་གོད༌ཅ། 17ཞིང་ཁམས་དང་ འཛམ་གླིང་ ཡེ་ཉི་ཇོང་མེ་ག་ ཡ་ལུ་ཨོ་ཕེ། དག་པ་ཀབ་ཉི་ བཀའ་ཁྲིམས་ག་ ཚ་ཟེ་མུ་ཐུར་བུ་ ཡེ་ཉི་མ་དི༌ལ།
18ཨི་བི་རང་གི་ནེ་བུ་ རང་ཏེན་ག་མེ་ཝག་ཙ་ ཐུབ་ཐཱན་ཐཱན་ བཱརའ་མེ་ཝག་ཙ་ཀབ་ཉི་ གཉེན་ཕི་ནེ་ལ་ ཨོ་ཉ་སོ་ངོ་གི་ གཉེན་གྲོགས་གེ་ཕིས་ཀ་ ལུས་འབྲེལ་ཨ་ཝ་ཆིན༌མེ། ཉི་ཁ་བེརེ་ཁཱན་ མེ་ཝག་ཙ་ཀབ་ཉི་ གཉེན་ཕི་ཁཱན་གི་བུ་ གཉེན་གྲོགས་གེ་ཕིས་ཀ་ ལུས་འབྲེལ་ཨ་ཝ་ཆིན༌མེ༎
བེ་དིང་སོ་ངོ་དང་ ལ་ཇ་རཱས་ག་དཔེ་གཏམ།
19བུ་རེ་ཁ་མུང་དང་ ཐེར་མ་ཡེ་ཝ་ཨ་ཝ་ཆོ་ཁཱན་ སོ་ངོ་བེ་དིང་ཐུར་ ཏ་བུ་རང་དགའ་སྤྲོ་ཙི་ཉི་ ཆོན་ཅ་གི་ཝ༌ལ། 20ཉི་རོ་ཀ་ཀོ་ག་ ལ་ཇ་རཱས་དག་ཁཱན་ སོ་ངོ་དུག་པུ་ སོ་ཕུ་གི་ལོམ་ཉི་ ཆུ་མ་ཨ་ཝ་ཐུར་ ཅ་གི་ཝ༌ལ། 21ཉི་ཨོ་ཉ་བེ་དིང་སོ་ངོ་ག་ དོང་ཏཱན་གེ་ ཞུད་ཉི་ཁེ་ཁཱན་ ལྟོ་ཆེད་པ་གི་ རོ་ཀ་ཕོ་ལང་ཁ་ལེ་ག་ སེམས་ཨན་ཅ་གི་ཝ༌ལ། ཉི་ཁུ་ག་བ་ཨུན་ཐཱན་ རོ་ཀ་སོ་ཕུ་ཁོན་ བེན་ཅ་གི་ཝ༌ལ།
22ཉི་ནོང་ཐུར་ ཨོ་ཉ་དུག་པུ་སོ་ངོ་ཁེ་པ་ཤི་ཉི་ ཞིང་ཁམས་ག་འཐེན་པ་གི་ བསྣམས་ཉི་ ཨ་བཱརའ་ཧམ་ག་ ར་ག་ཐ་ཝ༌ལ། ཉི་ཨོ་ཉ་ བེ་དིང་སོ་ངོ་བུ་ཤི་ཉི་ ས་ཝང་ཕི་ཝ༌ལ། 23ཉི་བེ་དིང་སོ་ངོ་ དམྱལ་བ་ག་ནང་དོག་ཉི་ ག་ཏཱན་གོད་པ་ཀབ་ཉི་ ལམ་ཐ་ཇང་ཀིན་ཐུར་ག་ ཨ་བཱརའ་ཧམ་ ཐོང་མ༌ལ། ཉི་ལ་ཇ་རཱས་ རོ་ཀ་ར་ག་ཅ་གི་ཝ༌ལ།
24ཉི་རོ་ཀི་ ཤ་དར་ཕི་ཉི་ ཨ་པ་ཨ་བཱརའ་ཧམ་ ཇང་ཨོ་ཐ་མི་ནང་ཀ་ གནམ་མེད་ས་མེད་ ནང་དོག་པ༌ཅ། ཇ་ག་དེན་གེ་ ལ་ཇ་རཱས་ག་ ག་དང་བུརུ་མ་ཐུང་ཅི་གི་ཨ་ཉི་ རི་ཏིག་པ་ཐུར་ཨ་ཝ་ཐུར་ ག་ལེ་དེན་གེ་ ཀུན་ཏི་དག་ཉི་ ཡེག་པ༌ལ།
25དག་པ་ཀབ་ཉི་ ཨ་བཱརའ་ཧམ་གི་ ཟ་ ན་ག་མི་ཚེ་ཐུར་ག་ ལེག་པུ་ཉོང་པ་ཀབ་ཉི་ རོག་ལ་ཇ་རཱས་ མ་ལེག་པ་ཉོང་ཁཱན་བ་ ཡིད་ཀ་ཨའི། ཉི་ཨོམ་ རོག་ཐ་ག་སྐྱིད་པུ་ཀབ་ཉི་ ནཱན་དུག་ཉི༌ཅ། 26ཨུ་ཉུ་མ་ཚཱད་པ་ ཨ་ཧ་བར་ཀ་ ཏོང་ཀང་ཆི་ལུ་ཐུར༌ཅ། ཨོ་ཉི་ཨ་དེན་གེ་ ཐ་གེ་ན་ག་བཱརང་ཀ་དི་ལེ་ ཉ་གེ་བུ་ ཨོ་ཕེ་མར་བ་དག་ཉི་ ཡེག་པ་ཀབ་ཉི་ 27ཨོ་ཉ་སོ་ངོ་གི་ ཡེག་པ་ལ་ ཉི་ལ་ ཨ་པ་ ཇི་གི་ ན་ག་ལ་སོ་སྐུ་ཆེན་ཨ་དོང་ ལ་ཇ་རཱས་ ཇ་ག་ཨ་པ་ག་ཕའི་ག་ཀུན་ཏི། 28ཧང་ཡ་དག་ནེ་ལ་ ཇ་ག་བོ་ཉིང་ལྔ༌ཅ། ཉི་རོ་ཀི་ རོག་ཏེ་བ་ཀ་ སེམས་སོར་ཅོ་དག་ཉི་ ཡེག་ཅེན། ཨུ་ཉུ་མ་ནེ་ལ་ རོག་ཏེ་བ་བུ་ ཐ་ནང་དོག་ས་བཱརང་ཀ་ ཤེག་ཏུ་དག༌ཉི།
29དག་པ་ཀབ་ཉི་ ཨ་བཱརའ་ཧམ་གི་ ཡེག་པ་ལ་ རོག་ཏེ་བ་ཀ་དེན་གེ་ མོ་ས་དང་ ལུང་བསྟན་པ་བ༌ཅ། རོག་ཏེ་བ་ཀི་ ཡེག་པ་ཀབ་ཉི་ ད་ཤི་ཉཱན་ཅེན་དག༌ཉི།
30ཉི་རོ་ཀི་ མང་གི་ ཨ་པ་ཨ་བཱརའ་ཧམ་ ཤི་ཁཱན་གེ་ ཐུར་གི་དིན་ཐཱན་ ཡེག་ནེ་ཤ་ རོག་ཏེ་བ་ཀི་ སྡིག་པ་གེ་ལོག་པེ་དག་ཉི་ ཡེག་པ་ཀབ་ཉི་ 31ཨ་བཱརའ་ཧམ་གི་ རོ་ཀ་ཡེག་པ་ལ་ རོག་ཏེ་བ་ཀི་ མོ་ས་དང་ ལུང་བསྟན་པ་བ་ཀ་ མ་ཉཱན་པ་ད་བུ་ཨ་ནེ་ལ་ ཤི་ཁཱན་སོ་ངོ་ཝུན་ཐཱན་ ཡེག་ནེ་བུ་ རོག་ཏེ་བ་ཀ་ སེམས་སོར་པེ་དེན་གེ་ ཐབ་རང་མ་ཝ་ ཅོད་པེ་མར་བ་དག༌ཉི༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved