ལུ་ཀ། 9
9
སྐུ་ཚབ་སོང་ཉིག་ཙིང་ ཕིས་ཀ་ཀུན་ཏི་ཝ༌ལ།
1ཉི་རོ་ཀི་ རོ་ཀ་སྐུ་ཚབ་སོང་ཉིག་ཙིང་ ཏབ་ཐུར་རཱན་ཐཱན་ དོན་བ་ཁོན་མེ་ག་དང་ ན་ཚ་བ་དྲག་པེ་ག་ སྟོབས་དབང་དང་ དབང་ཚད་གནང་ཐཱན་ 2དཀོན་མཆོག་ག་ རྒྱལ་སྲིད་ག་ཀོར་གེ་ བཤད་པེ་དེན་གེ་དང་ མར་ཁཱན་བ་ དྲག་པེ་དེན་གེ་ ཀུན་ཏི་ཝ༌ལ། 3ཉི་རོ་ཀི་ རོག་ཏེ་བ་ཀ་ གསུངས་མ་ལ་ ལབ་ཀ་ཏོག་པེ་ག་ཏོ་ཀང་དང་ དོ་ཕ་ཙ་ ཇཱས་དང་ཏི་རུ་ ཉི་ཁ་མུང་ལེང་ནང་ཨོ་ཉ་བ་ ཧང་རང་མ་བུའི་ན། 4ཉི་ཕའི་ ཧང་ད་བུ་ནང་ཀ་ནུ་ཕ་ཐུར་ ཨོ་ཉ་ཁྲོམ་གེ་ མ་དི་ཝ་སག་པུ་ ཉ་ག་རང་ཆོའི། 5ཉི་སོ་ངོ་བ་ཀི་ ནའི་མ་ཐོག་ནེ་ལ་ ནའི་ཨོ་ཉ་ཁྲོམ་གེ་ དི་ལ་ཀབ་ཉི་ རོག་ཏེ་བ་ཀི་ ནའི་མ་ཐོག་ཅི་དག་ཉི་ འཛོམས་དཔང་ཨ་ལེ་དེན་གེ་ ན་ཧ་བི་ཕརའ་ཁ་ ས་ཕུར་ཙི་ ཁཱན་ཐའི་ན་དག་ཉི་ གསུངས་མ༌ལ།
6ཉི་རོག་ཏེ་བ་ ཡི་ཤུ་ག་ སྐུན་མདུན་གེ་དི་ཉི་ དུང་ཁོན་དིན་ཐཱན་ འཐེན་ལེག་པུ་བཤད་ཉི་ ཉི་ཨོ་ག་ཨོ་ག་རང་ དྲག་ཉི་གནང་མ༌ལ༎
ཧེ་རོད་ ངང་པ༌ལ།
7ཨོམ་ ཡི་ཤུ་གི་ མཛད་ཁཱན་ཕྱག་ལཱ་ཀོར་གེ་ ཐམས་ཅན་ དཔོན་ཧེ་རོད་གི་མཁྱེན་ཉི་ རོག་ངང་པ་རི་ཝ༌ལ། ཧང་ཡ་དག་ནེ་ལ་ སོ་ངོ་ཚེ་བང་གི་ཨ་ནེ་ལ་ ཁྲུས་གསོར་པ་ཡུ་ཧན་ན་ གཤགས་པ་གེ་ལོག་ཉི་ བཞེངས་པ་གི་ཝ་ལ་དག་ཉི་ ཡེག་ཅ་གི་ཝ༌ལ། 8ཉི་ཚེ་བང་གི་ཨ་ནེ་ལ་ ཨེ་ལི་ཡ་བྱོན་མ༌ལ། ཉི་ཚེ་བང་གི་ཨ་ནེ་ལ་ དང་པོ་ག་ བཱརའ་ལུང་བསྟན་པ་ཐུར་ ལོག་ཉི་བཞེངས་པ་ལ་དག་ཉི་ ཡེག་ཅ་གི་ཝ༌ལ།
9ཧེ་རོད་གི་གསུངས་མ་ལ་ ཡུ་ཧན་ན་ལ་ ཇི་གི་ རོ་ཀ་ཤ་རང་ཅཱད་ཉི་གེ༌མ། དག་པ་ཀབ་ཉི་ ཇི་གི་ ཨོ་ཐ་ཀོར་གེ་ ན་ཐ་ཁཱན་ཁེ་པ་ ཨི་བི་གི་ལ་ཡ་དག༌ཉི། ཉི་རོ་ཀི་ ཡི་ཤུ་མཇལ་བེ་ ཙི་ཕི་ཝ༌ལ༎
ཡི་ཤུ་གི་ 5000 ག་ ལྟོ་གནང་མ༌ལ།
10ཉི་སྐུ་ཚབ་བ་ལོག་ཐཱན་ རོག་ཏེ་བ་ཀི་ ཧང་ཨ་ཝ་གི་ལ་སྨོ་ ཨོ་ཉ་ཀོར་གེ་ ཡི་ཤུ་ག་ཞུ་ཝ༌ལ། ཉི་རོ་ཀི་ རོག་ཏེ་བ་བསྣམས་ཉི་ ཁྲོམ་ག་མིང་ བེད་སེ་ད་དག་ཁཱན་ག་ཏཱན་ རོག་ཏེ་བ་ཏེན་ བྱོན་མ༌ལ། 11ཉི་སོ་ངོ་མང་ཀི་ སེ་ལ་ཀབ་ཉི་ རོག་ཏེ་བ་ རོ་ཀ་ཚིང་ཚིང་ དི་ཝ༌ལ། ཉི་རོ་ཀི་ རོག་ཏེ་བ་ ཨོ་དོ་དག་ཉི་ གསུངས་ཉི་ དཀོན་མཆོག་ག་ རྒྱལ་སྲིད་ཀོར་གེ་ཡེ་ཉི་ ཉི་མར་ཁཱན་བ་ དྲག་ཉི་གནང་མ༌ལ།
12ཉི་ངམ་ཡོར་སེ་ཨ་ལ་ཀབ་ཉི་ སྐུ་ཚབ་སོང་ཉིག་ཙིང་ རོ་ཀ་སྐུན་མདུན་ག་ཤེག་ཉི་ ཨོ་ཐ་ཁོར་ཀ་ཆོ་ཁཱན་ དུང་དང་ ཕ་རམ་ཁོན་དི་ཉི་ ཆོ་ལེ་ག་ཕའི་དང་ ཧང་ཐུར་ཟ་ལེ་ག་ ལ་མེ་དེན་གེ་ཀུན་ཏི། ཨོ་ཐ་དོག་ས་ག་ལ་ ཧང་རང་མ་ལ་དག་ཉི་ ཞུ་ཝ༌ལ།
13དག་པ་ཀབ་ཉི་ ཡི་ཤུ་གི་ རོག་ཏེ་བ་ཀ་ ན་ཤི་ ཨོ་ཐ་སོ་ངོ་བ་ཀ་ ཧང་ཐུར་ ཟ་ལེ་བི་ལེ་དག་ཉི་ གསུངས་མ་ཀབ་ཉི་ ཨ་ཧ་བ་དིན་ཐཱན་ ལྟོ་མ་ངོ་ནེ་ལ་ ཨ་ཧ་ལ་ ཀེབ་ཏང་ལྔ་དང་ ང་ཤ་རང་ཉིག་ཙིང་ཤ་ཅ་དག་ཉི་ རོག་ཏེ་བ་ཀི་ ཞུ་ཝ༌ལ། 14ཉི་སོ་ངོ་ཕེ་ཝག་ཙ་ཙང་པུ་རང་ 5000 ཕང་ཅ་གི་ཝ༌ལ།
ཉི་རོ་ཀི་ རོ་ཀ་སློ་མ་བ་ཀ་ གསུངས་མ་ལ་ རོག་ཏེ་བ་ 50 50 ཨ་ཉི་ ཏབ་ཐུར་ལང་མེ་བི་དག༌ཉི། 15ཉི་རོག་ཏེ་བ་ཀི་ ཨོ་ཐེན་ཨ་ཉི་ སོ་ངོ་བ་ ས་ག་ལང་མེ་ བི་ཝ༌ལ། 16ཡི་ཤུ་གི་ ཀེབ་ཏང་ལྔ་དང་ ང་ཤ་རང་ཉིག་ཙིང་བསྣམས་ཉི་ ག་ཞིང་ཁམས་ག་ཏཱན་ གཟིགས་ཐཱན་ བྱིན་རླབས་ཞུ་ཉི་ ཨོ་ཉ་ཀེབ་ཏང་དང་ ང་བིརིང་ཐཱན་ སོ་ངོ་བ་ཀ་ བོང་ཉི་བི་ལེ་དེན་གེ་ རོ་ཀ་སློ་མ་བ་ཀ་གནང་མ༌ལ། 17རོག་ཏེ་བ་ ཐམས་ཅན་གི་ ཟ་ལེ་རེ་བ་ཐུར་ ཟ་ཝ༌ལ། ཉི་ལཱན་ཇུ་ལུས་ཁཱན་བ་ དུས་ཉི་གོད་པ་ཀབ་ཉི་ ཨོ་ཉ་བིརིང་ཁཱན་བ་ཀི་ ཤོ་མ་སོང་ཉིག་ཙིང་ ཕུང་མ་ཤོ་ཝ༌ལ༎
པ་ཏྲུས་གི་ ཡི་ཤུ་ཁིརིས་གི་ལ་དག་ཉི་ ཁ་དོག་པ༌ལ།
18ཉི་ནོང་ཐུར་ རོག་ཐུར་ཏེན་ སྨོན་ལམ་ཏ་པེ་གང་ཀ་ རོ་ཀ་སློ་མ་བ་ རོག་ཀབ་ཉི་ཅ་གི་ཝ༌ལ། ཉི་རོ་ཀི་ རོག་ཏེ་བ་ཀ་ སོ་ངོ་བ་ཀི་ ཇང་ཨི་བི་གི་ལ་ཨ་ཉི་ ཡེག་ལ་ཡ་དག་ཉི་ ཇི་མ༌ལ།
19ཉི་རོག་ཏེ་བ་ཀི་ ཞུ་ཝ་ལ་ ཚེ་བང་གི་ཨ་ནེ་ལ་ ཁྲུས་གསོར་པ་ ཡུ་ཧན་ན་དང་ ཉི་ཚེ་བང་གི་ཨ་ནེ་ལ་ ཨེ་ལི་ཡ་དང་ ཉི་ཚེ་བང་གི་ཨ་ནེ་ལ་ དང་པོ་ག་ བཱརའ་ལུང་བསྟན་པ་ཐུར་ བཞེངས་པ་ལ་དང་དག༌ཉི།
20ཉི་ན་ཤི་ཨ་ནེ་ལ་ ཇང་ཨི་བི་གི་ལ་ཡ་དག་ཉི་ རོ་ཀི་ རོག་ཏེ་བ་ཀ་ ཇི་མ་ཀབ་ཉི་ པ་ཏྲུས་གི་ ནཱན་ དཀོན་མཆོག་ག་ ཁིརིས་གི་ལ་དག་ཉི་ ཞུ་ཝ༌ལ། 21ཉི་རོ་ཀི་ རོག་ཏེ་བ་ཀ་ ཨོ་ཐ་ཀོར་གེ་ ཨི་བི་ག་རང་ མ་ཡེག་ཅོ་ན་དག་ཉི་ བཀའ་ན་སྒྲིང་སྒྲིང་ཨ་ཉི་གནང་མ༌ལ། 22སོ་ངོ་ག་ཟ་ཤོ་ མང་པུ་ཐུར་ དཀའ་ཝ་ཅཱད་པེ་ཁེ༌ལེ། ཉི་ཡ་ཧུ་དི་པ་ག་ སོ་ངོ་ཆི་ལུ་བ་དང་ བླ་མ་ཆི་ལུ་བ་ ཉི་བཀའ་ཁྲིམས་ག་ སློབ་དཔོན་བ་ཀི་ མ་ཟེས་པཱན་ཤེ༌ལེ། དག་པ་ཀབ་ཉི་ ནོང་སམ་ག་ནོང་ཀ་ ལོག་ཉི་དངོས་སུ་ཨ་ཉི་ ཝུ་ལེ་ན་དག་ཉི་ གསུངས་མ༌ལ།
23ཉི་རོ་ཀི་ ཐམས་ཅན་ག་ གསུངས་མ་ལ་ ཨི་བི་གི་ ཇ་ག་ཕྱག་ཞུ་ལེ་ལ་མ་ཐུར་ རོག་རོག་ཏེན་སྤང་ཉི་ དུས་ཏ་བུ་རང་ རོ་ཀ་ཁྲིམས་ཤིང་བང་ཐཱན་ཤ་ ཇ་ག་ཕྱག་ཞུན་ཆེན། 24ཉི་ཨི་བི་གི་ རོག་རོག་ཏེན་ག་ སྲོག་རྒྱབ་ཨ་ལེ་གོད་པ་ཐུར་ གེ༌མེ། ཉི་ཇ་ག་ཡོར་ཀེ་ རོ་ཀ་ཚེ་བི་ཁཱན་གི་ སྲོག་རྒྱབ་ཉོང༌པེ། 25སོ་ངོ་གི་ འཛམ་གླིང་ ཐམས་ཅན་རང་ ཉོང་ཐཱན་རང་གི་ནེ་བུ་ རོག་རོག་ཏེན་གེམ་ཉི་ ཁྲིམས་བང་མེ་ཁེ་ནེ་ལ་ ཧང་ཉོང་པ་ཆིན་མེ་ཡ། 26ཉི་ཨི་བི་གི་ ཇང་དང་ ཇ་ག་ཆཱས་ག་ཡོར་ཀེ་ ངི་ནང་ཁུ་ཝ་ཐུར་ སོ་ངོ་ག་ཟ་གི་བུ་ རོག་ རོ་ཀ་གཟི་བརྗིད་དང་ ཨ་པ་ག་གཟི་བརྗིད་ ཉི་དམ་པའི་ ཞིང་ཁམས་ག་འཐེན་པ་བ་ཀབ་ཉི་ ཨོ་ཕེ་གང་ཀ་ རོ་ཀེ་ངི་ནང་ཁུ༌ལེ། 27དག་པ་ཀབ་ཉི་ ཇི་གི་ ན་ཧ་ཐྲང་ཉི་ཡེག་ཅ་ ཨོ་ཐ་ཐིང་ཁཱན་པོང་ཀེ་ ཚེ་བང་གི་ དཀོན་མཆོག་ག་རྒྱལ་སྲིད་ མ་མཇལ་བ་སག་པུ་ ཤི་ཝ་ག་མ་སེ་ལ་དག༌ཉི༎
ཡི་ཤུ་ག་སྐུ་གཟུགས་སོར་པ༌ལ།
28ཉི་ཨོ་ཐ་བ་གསུངས་ཉི་ ནོང་ཡེན་ག་ཚི་ངེ་ རོ་ཀི་ རོག་ཀབ་ཉི་ པ་ཏྲུས་དང་ ཡུ་ཧན་ན་ ཉི་ཡ་ཀུབ་ རོག་ཏེ་སམ་བསྣམས་ཉི་ ཐོ་ལ་ཕུ་ཐུང་ཀ་ སྨོན་ལམ་ཏ་པེ་དེན་གེ་ བྱོན་མ༌ལ། 29ཉི་རོག་ སྨོན་ལམ་ཏ་པེ་གང་ཀ་ རོ་ཀ་ཞལ་སོར་པེ་གོ་ཙུག་ཉི་ ཉི་རོ་ཀ་ནམ་བཟའ་གེ་ གོད་པེ་མར་བ་ག་ འོད་ཆར་བ༌ལ། 30ཡིད་ཀ་རྣམ་ཏོག་མ་ཝ་ སོ་ངོ་ཉིག་ཙིང་ རོག་ཀབ་ཉི་ གསུང་གྲོས་མཛད་པ༌ལ། མོ་ས་དང་ཨེ་ལི་ཡ་ 31ཞིང་ཁམས་ག་ གཟི་བརྗིད་གི་ཨ་ཉི་བྱོན་ཉི་ ཡི་ཤུ་ ཡ་རུ་ཤ་ལེམ་ག་གཤགས་ཉི་ དཀོན་མཆོག་ག་འཆར་གཞི་ འགྲུབ་ཕེ་གི་ཝ་ཀོར་གེ་ གསུང་གྲོས་མཛད་པ༌ལ།
32ཉི་པ་ཏྲུས་དང་ རོག་ཀབ་ཉི་ཆོ་ཁཱན་བ་ མི་ནང་ གནམ་མེད་ས་མེད་ ཞིམ་པུ་ཨ་ཉི་ ཨོ་ཕ་ཅ་གི་ཝ༌ལ། ཉི་མི་ནང་སེ་ཉི་ གོད་པ་ཀབ་ཉི་ རོག་ཏེ་སམ་གི་ ཡི་ཤུ་ག་ གཟི་བརྗིད་དང་ སོ་ངོ་ཉིག་ཙིང་ རོག་ཀབ་ཉི་བཞེངས་ཉི་ བཞུགས་པ་ཨ་ཝ་ མཇལ་བ༌ལ། 33ཉི་སོ་ངོ་ཉིག་ཙིང་ རོ་ཀ་སྐུན་མདུན་གེ་ བྱོན་མེ་ཅམ་པ་ཀབ་ཉི་ པ་ཏྲུས་གི་ སྦྱིན་བདག་ ཨའི་ཐ་ཆོ་ཉི་ གནམ་མེད་ས་མེད་ལེག་པུ་དི་ཝ༌ལ། ཨ་ཤི་ཀབ་སམ་ཅོད་པེ་ ཐུར་ཤོ་ ན་ག་དེན་གེ་ ཐུར་ཤོ་ མོ་ས་ག་དེན་གེ་ ཉི་ཨོམ་ཐུར་ཤོ་ ཨེ་ལི་ཡ་ག་དེན་གེ་གི་ལ་དག་ཉི་ རོ་ཀི་ ཡི་ཤུ་ག་ཞུ་ཝ༌ལ། (རོ་ཀི་ཧང་ཞུ་ཝ་གི་ལ་སྨོ་ ཏེན་ཏེན་ཨ་ཉི་ རོག་རོག་ཏེན་གི་ མ་སེ་ཝ༌ལ།) 34རོ་ཀི་ཨོ་ཐེན་ཞུ་ལ་ཀབ་ཉི་ མུག་པ་སུབ་ཉི་ རོག་ཏེ་བ་ བུག་པ༌ལ། ཉི་རོག་ཏེ་བ་ མུག་པ་ནང་ཀ་ནུབ་ཅ་ཨ་ཉི་ ཡོང་ཁེ་ཝ༌ལ།
35ཉི་མུག་པ་ཐུང་ཀེ་ དཀོན་མཆོག་ག་གསུང་བྱོན་ཉི་ ཨུ་ཐུ་ཤོ་ ཇི་གི་སི་ཁཱན་ ཇ་ག་ཟ་གི༌ལ། རོ་ཀི་ཡེག་པ་ཀབ་ཉི་ ཉཱན་ཅོ་དག་ཉི་ གསུངས་མ༌ལ། 36ཉི་གསུངས་ཉི་ཆུམ་དེན་གེ་ ཡི་ཤུ་ཐུར་ཤ་ མཇལ་བ༌ལ། ཨུ་ཉུ་གང་ཀ་ རོག་ཏེ་སམ་གི་ མཇལ་ཁཱན་ཀོར་གེ་ ཨི་བི་ག་རང་མ་ཡེག་པཱན་ ཙང་ཀེན་ཨ་ཉི་ཐ་ཝ༌ལ༎
རྣམ་ཤེས་མ་ལེག་པ་གི་ཙུང་ཁཱན་ ཟ་དྲག་པ༌ལ།
37ཉི་ནམ་ནིང་ད་བུ་ རོག་ཏེ་བ་ ཕུ་གེ་དོང་བྱོན་མེ་གང་ཀ་ སོ་ངོ་མང་པུ་ཐུར་གི་ རོག་མཇལ་བ༌ལ། 38ཉི་ཨོ་ཉ་སོ་ངོ་མང་ཀ་པོང་ཀེ་ ཐུར་གི་ཀཱན་ཤུག་ཨ་ཉི་ སློབ་དཔོན་ ཇི་གི་ ན་ག་ལ་སོ་སྐུ་ཆེན་ཨན༌ཅ། ཇ་ག་ཟ་ག་ གཟིགས་ཅོ༌ལེ། ཇ་ག་ཟ་ རོག་ཐུར་ཤ་གི་ལ་དག་ཉི་ ཞུ་ཝ༌ལ། 39ཉི་རོག་ དོན་གི་ཙུང་མ་ཀབ་ཉི་ ཡིད་ཀ་རྣམ་ཏོག་མ་ཝ་ ཤ་དར་ཕི་ཉི་ ཉི་ནོ་ཝང་གེ་ བོམ་ནང་མ་ཤོ་ཝ་སག་པུ་ ཀ་ལང་ཀ་ལང་ཨ་ཉི་ རོག་གནམ་མེད་ས་མེད་ དྲམ་དེན་གེ་ཤ་ ཧང་རང་རུད་པཱན་ ཐར༌ལ། 40ཇི་གི་ ན་ག་སློ་མ་བ་ཀ་ དོན་ཁོན་ཤོ་དག་ཉི་ ཞུ་ཝ་ དག་པ་ཀབ་ཉི་ རོག་ཏེ་བ་ཀི་ མར་ཤི་དག་ཉི་ ཞུ་ཝ༌ལ།
41ཡི་ཤུ་གི་ལན་གནང་ཉི་ ནའི་དད་པ་མ་ཁཱན་དང་ གི་ཝ་ག་མ་ཨ་ཁཱན་ སོ་ངོ་བ་ ཇང་ནའི་ཀབ་ཉི་ ཧབ་ཏུར་ཤ་ཆོ་ཉི་ ཉི་ཧབ་ཏུར་ཤ་ ཐེས་པེ་ཡ་དག་ཉི་ གསུངས་ཐཱན་ ན་ག་ཟ་ ཐ་ཕའི་དག་ཉི་ གསུངས་མ༌ལ།
42ཉི་ཨོ་ཉ་ཟ་ ཨུན་ཅ་ཨ་ཉི་ དོན་གི་ཙུང་ཉི་ ས་ག་ཐང་གེམ་ཉི་ ཀ་ལང་ཀ་ལང་ཨ་ལེ་ གོ་ཙུག་པ༌ལ། དག་པ་ཀབ་ཉི་ ཡི་ཤུ་གི་ ཨོ་ཉ་རྣམ་ཤེས་མ་ཙང་མ་ག་ བཀའ་གནང་ཉི་ ཁོན་ཐཱན་ ཟ་དྲག་ཉི་ ལོག་ཉི་ རོ་ཀ་ཨ་པ་ག་གནང་མ༌ལ། 43ཉི་དཀོན་མཆོག་ག་དབང་ གནམ་མེད་ས་མེད་ ཆི་ལུ་ཆོ་ཝ་ཨ་དེན་གེ་ ཐམས་ཅན་རང་ ཡིད་ཆི་ཝ༌ལ།
ཡི་ཤུ་གི་ མཛད་གནང་ཁཱན་ ཕྱག་ལཱ་གོད་ཉི་ ཐམས་ཅན་རང་ ཡིད་ཆི་ཉི་ ཆོ་ལེ་གང་ཀ་ 44ཇི་གི་ ན་ཧ་ཡེག་པེ་ཅམ་ཁཱན་ཁེ་པ་ རིག་པ་སྒྲིམ་ཉི་ ཉཱན་ཅོ་ན་དག་ཉི་ རོ་ཀི་ རོ་ཀ་སློ་མ་བ་ཀ་ གསུངས་ཐཱན་ ཉཱན་ཅོ་ སོ་ངོ་ག་ཟ་ཤོ་ སོ་ངོ་བ་ཀ་ག་དང་ག་ རྩིས་སྤྲོད་པེ་གི་ལ་དག་ཉི་ གསུངས་མ༌ལ། 45དག་པ་ཀབ་ཉི་ རོག་ཏེ་བ་ཀི་ ཧ་མ་གོ་ཝ༌ལ། ཉི་རོག་ཏེ་བ་ཀི་ མ་སེན་ཆེན་དག་པ་གི་ རོག་ཏེ་བ་ཀེ་གུམ་ཉི་ ཐ་ཝ་ཆོ་ཝ༌ལ། ཉི་ཨོ་ཉ་ཀོར་གེ་ ཇི་མེ་དག་པ་ཀབ་ཉི་ རོག་ཏེ་བ་ ཡོང་ཁེ་ཝ༌ལ༎
ཐམས་ཅན་གེ་ཆི་ལུ་ ཨི་བི་གི་ལ་ཡ།
46ཉི་སློ་མ་བ་ནང་དོ་ ཨའི་ཨོབ་ཏུར་ག་པོང་ཀེ་ ཨི་བི་ཆི་ལུ་ཨོ་ཕེ་ཡ་དག་ཉི་ ཤག་རུ་མ༌ལ། 47ཉི་རོག་ཏེ་བ་ཀ་ སེམས་ཀི་མི་ཁཱན་ཁེ་པ་ ཡི་ཤུ་གི་མཁྱེན་ཉི་ ཝག་ཙ་ཐུར་ལཱན་ཐཱན་ རོ་ཀ་ར་ག་ཐིང་མེ་བི་ཉི་ ཐ་ཝ༌ལ། 48ཉི་རོ་ཀི་ རོག་ཏེ་བ་ཀ་ གསུངས་མ་ལ་ ཨི་བི་གི་ ཨོ་ཐ་ཝག་ཙ་ ཇ་ག་མིང་ག་ ལ་ཝ་ཐུར་ ཇང་ཞུན་ཅ་གི༌ལ། ཉི་ཇང་ཞུ་ཁཱན་གི་ ཇང་ཀུན་ཏི་ཁཱན་ ཞུན་ཅ་གི༌ལ། ཧང་ཡ་དག་ནེ་ལ་ ན་ཧ་པོང་ཀེ་ ཐམས་ཅན་གེ་ ཟེ་མུ་ཨ་ཉི་ཆོ་ཁཱན་ཁེ་པ་ ཆི་ལུ་རི་ལེ་དག༌ཉི། 49སྦྱིན་བདག་ ཨ་ཤི་སོ་ངོ་ཐུར་གི་ ན་ག་མཚན་ག་ དོན་ཤོ་ཉི་ གེ་མ་ཐོང༌མ། ཉི་ཨ་ཧ་པོང་ཀེ་ མང་གི་ཝ་ཨ་དེན་གེ་ ཨ་ཤི་ཨུ་ཉུ་ད་བུ་ མ་ཨའི་ཨ་ཉི་ ཁག་པ་དག་ཉི་ ཡུ་ཧན་ན་གི་ ཞུ་ལ་ཀབ་ཉི་ 50རོག་ཁག་པེ་མ་ཁེ༌ལ། ཧང་ཡ་དག་ནེ་ལ་ ན་ཧ་དགྲ་བྱང་ཕིཤི་ མ་ཨ་ཁཱན་སོ་ངོ་ཤོ་ ན་ཧ་དེན་གེ་གི་ལ་དག་ཉི་ ཡི་ཤུ་གི་གསུངས་མ༌ལ༎
ས་མ་རི་ཡ་ག་ མ་ཐོག་པ༌ལ།
51ཉི་ཡི་ཤུ་ ག་ཞིང་ཁམས་ག་ བསྣམས་པེ་ག་དུས་ཙུན་ རེན་པ་ཀབ་ཉི་ རོ་ཀི་ཡ་རུ་ཤ་ལེམ་ག་ཏཱན་ བྱོན་མེ་དག་ཉི་ ཐུགས་བསམ་གནང་ཉི་ ཡ་རུ་ཤ་ལེམ་ག་ཏཱན་ བྱོན་མ༌ལ། 52ཉི་རོ་ཀེ་གུམ་གུམ་ ཀུན་ཏི་ཁཱན་འཐེན་པ་བ་ཀི་ རོ་ཀ་དེན་གེ་ བཅའ་སྒྲིག་དྲིག་པེ་དེན་གེ་ ས་མ་རི་ཡ་ག་ དུང་ག་ཏཱན་ནུ་ཕ༌ལ། 53དག་པ་ཀབ་ཉི་ ས་མ་རི་ཡ་ག་ སོ་ངོ་བ་ཀི་ རོག་མ་ཞུ་ཝ༌ལ། ཧང་ཡ་དག་ནེ་ལ་ རོག་ཡ་རུ་ཤ་ལེམ་ག་ཏཱན་ བྱོན་ཅ་གི་ཝ༌ལ། 54ཉི་རོ་ཀ་སློ་མ་ ཡ་ཀུབ་དང་ ཡུ་ཧན་ན་གི་ ཨོ་ཉ་ཀོར་གེ་སེ་ཉི་ གཙོ་བོ་ ཨ་ཤི་ཞིང་ཁམས་གེ་དོང་ མི་ཞུད་ཉི་ ད་ཧ་བ་ ཞུམ་ཅོ་ཨ་ཉི་ བཀའ་བི་སྨོ་དག་ཉི་ ཞུ་ཝ༌ལ། 55དག་པ་ཀབ་ཉི་ གིར་ཐཱན་ རོ་ཀི་ རོག་ཉིག་ཙིང་ག་ ཇུར་ཇང་ཕི་ཉི་གསུངས་མ་ལ་ ནའི་ ཧང་ད་བུ་རྣམ་ཤེས་ག་ ལོ་ཀེ་གི་ལ་སྨོ་ སེ་ལུ་མ་ལ་སྨོ། ཧང་ཡ་དག་ནེ་ལ་ སོ་ངོ་ག་ཟ་ཤོ་ སོ་ངོ་ག་ཚེ་ མེ་པ་ཕི་ལེ་ག་མང་གི་ཝ་ རྒྱབ་ཨ་ལེ་ག་ ཨོ་ཕ་གི་ལ་དག༌ཉི།
56ཉི་རོག་ཏེ་བ་ བཱརའ་དུང་ག་ཏཱན་ བྱོན་མ༌ལ༎
ཡི་ཤུ་ག་ཕྱག་ཞུ་ཝ་ག་ངེ་ལོང་།
57རོག་ཏེ་བ་ ལམ་ཁོན་བྱོན་ཉི་ བཞུགས་པེ་གང་ཀ་ སོ་ངོ་ཐུར་གི་ ནཱན་ ཨོ་ག་བྱོན་མ་ཐུར་ ཇང་བུ་ ན་ག་ཕྱག་ཞུ་ཉི་ དི་ལེ་དག་ཉི་ ཡི་ཤུ་ག་ཞུ་ཝ༌ལ།
58ཉི་ཡི་ཤུ་གི་ རོ་ཀ་གསུངས་མ་ལ་ ཤིའུ་ལི་ག་གང༌ཅ། ངབ་ཀེ་ཕེན་ཁཱན་ ཁ་ག་ཤུམ༌ཅ། དག་པ་ཀབ་ཉི་ སོ་ངོ་ག་ཟ་ག་ རོ་ཀ་ཤ་རང་ཐུར་རང་ ཐ་ལེ་ག་བཱརང་ མཱན་ཅ་དག༌ཉི།
59ཨོམ་ཐུར་ག་ རོ་ཀི་ ནཱན་ཇང་ཀབ་ཉི་ ཨོ་དོ་དག་ཉི་ གསུངས་མ་ལ་
དག་པ་ཀབ་ཉི་ ཨོ་ཉ་སོ་ངོ་གི་ གཙོ་བོ་ ཇང་དིན་ཐཱན་ གོ་མ་རང་ ཇ་ག་ཨ་པ་ག་ཕུང་པུ་ ས་ཝང་ཕི་ལེ་ཁེ་ལེ་ཅ་དག༌ཉི།
60ཤི་ཁཱན་ དའི་ཏེན་གི་རང་ ས་ཝང་ཕིན་ཆེན། དག་པ་ཀབ་ཉི་ ནཱན་ཤོ་ དིན་ཐཱན་ དཀོན་མཆོག་ག་ རྒྱལ་སྲིད་ཀོར་གེ་ ཀཱད་ཅོ་དག་ཉི་ རོ་ཀི་ ཨོ་ཉ་སོ་ངོ་ག་ གསུངས་མ༌ལ།
61ཨོམ་ཐུར་གི་ གཙོ་བོ་ ཇི་གི་ ན་ག་ཕྱག་ཞུ་ལེ་ དག་པ་ཀབ་ཉི་ གོ་མ་རང་ ཕའི་ག་ཆོ་ཁཱན་བ་ཀ་ དིན་ཅ་ཨ་ཉི་ ཡེག་པེ་ཁེ་ལེ་ལ་དག་ཉི་ ཞུ་ལ་ཀབ་ཉི་ 62ཡི་ཤུ་གི་ རོ་ཀ་གསུངས་མ་ལ་ ཅ་པ་གང་གེ་ཙུང་ཐཱན་ ཚིང་གིར་ཉི་ གོད་ཉི་ཆོ་ཁཱན་ ཐུར་གི་རང་ དཀོན་མཆོག་ག་རྒྱལ་སྲིད་ག་ ཚ་ཁ་མ་ཚུད་པ་དག༌ཉི༎
Currently Selected:
ལུ་ཀ། 9: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
ལུ་ཀ། 9
9
སྐུ་ཚབ་སོང་ཉིག་ཙིང་ ཕིས་ཀ་ཀུན་ཏི་ཝ༌ལ།
1ཉི་རོ་ཀི་ རོ་ཀ་སྐུ་ཚབ་སོང་ཉིག་ཙིང་ ཏབ་ཐུར་རཱན་ཐཱན་ དོན་བ་ཁོན་མེ་ག་དང་ ན་ཚ་བ་དྲག་པེ་ག་ སྟོབས་དབང་དང་ དབང་ཚད་གནང་ཐཱན་ 2དཀོན་མཆོག་ག་ རྒྱལ་སྲིད་ག་ཀོར་གེ་ བཤད་པེ་དེན་གེ་དང་ མར་ཁཱན་བ་ དྲག་པེ་དེན་གེ་ ཀུན་ཏི་ཝ༌ལ། 3ཉི་རོ་ཀི་ རོག་ཏེ་བ་ཀ་ གསུངས་མ་ལ་ ལབ་ཀ་ཏོག་པེ་ག་ཏོ་ཀང་དང་ དོ་ཕ་ཙ་ ཇཱས་དང་ཏི་རུ་ ཉི་ཁ་མུང་ལེང་ནང་ཨོ་ཉ་བ་ ཧང་རང་མ་བུའི་ན། 4ཉི་ཕའི་ ཧང་ད་བུ་ནང་ཀ་ནུ་ཕ་ཐུར་ ཨོ་ཉ་ཁྲོམ་གེ་ མ་དི་ཝ་སག་པུ་ ཉ་ག་རང་ཆོའི། 5ཉི་སོ་ངོ་བ་ཀི་ ནའི་མ་ཐོག་ནེ་ལ་ ནའི་ཨོ་ཉ་ཁྲོམ་གེ་ དི་ལ་ཀབ་ཉི་ རོག་ཏེ་བ་ཀི་ ནའི་མ་ཐོག་ཅི་དག་ཉི་ འཛོམས་དཔང་ཨ་ལེ་དེན་གེ་ ན་ཧ་བི་ཕརའ་ཁ་ ས་ཕུར་ཙི་ ཁཱན་ཐའི་ན་དག་ཉི་ གསུངས་མ༌ལ།
6ཉི་རོག་ཏེ་བ་ ཡི་ཤུ་ག་ སྐུན་མདུན་གེ་དི་ཉི་ དུང་ཁོན་དིན་ཐཱན་ འཐེན་ལེག་པུ་བཤད་ཉི་ ཉི་ཨོ་ག་ཨོ་ག་རང་ དྲག་ཉི་གནང་མ༌ལ༎
ཧེ་རོད་ ངང་པ༌ལ།
7ཨོམ་ ཡི་ཤུ་གི་ མཛད་ཁཱན་ཕྱག་ལཱ་ཀོར་གེ་ ཐམས་ཅན་ དཔོན་ཧེ་རོད་གི་མཁྱེན་ཉི་ རོག་ངང་པ་རི་ཝ༌ལ། ཧང་ཡ་དག་ནེ་ལ་ སོ་ངོ་ཚེ་བང་གི་ཨ་ནེ་ལ་ ཁྲུས་གསོར་པ་ཡུ་ཧན་ན་ གཤགས་པ་གེ་ལོག་ཉི་ བཞེངས་པ་གི་ཝ་ལ་དག་ཉི་ ཡེག་ཅ་གི་ཝ༌ལ། 8ཉི་ཚེ་བང་གི་ཨ་ནེ་ལ་ ཨེ་ལི་ཡ་བྱོན་མ༌ལ། ཉི་ཚེ་བང་གི་ཨ་ནེ་ལ་ དང་པོ་ག་ བཱརའ་ལུང་བསྟན་པ་ཐུར་ ལོག་ཉི་བཞེངས་པ་ལ་དག་ཉི་ ཡེག་ཅ་གི་ཝ༌ལ།
9ཧེ་རོད་གི་གསུངས་མ་ལ་ ཡུ་ཧན་ན་ལ་ ཇི་གི་ རོ་ཀ་ཤ་རང་ཅཱད་ཉི་གེ༌མ། དག་པ་ཀབ་ཉི་ ཇི་གི་ ཨོ་ཐ་ཀོར་གེ་ ན་ཐ་ཁཱན་ཁེ་པ་ ཨི་བི་གི་ལ་ཡ་དག༌ཉི། ཉི་རོ་ཀི་ ཡི་ཤུ་མཇལ་བེ་ ཙི་ཕི་ཝ༌ལ༎
ཡི་ཤུ་གི་ 5000 ག་ ལྟོ་གནང་མ༌ལ།
10ཉི་སྐུ་ཚབ་བ་ལོག་ཐཱན་ རོག་ཏེ་བ་ཀི་ ཧང་ཨ་ཝ་གི་ལ་སྨོ་ ཨོ་ཉ་ཀོར་གེ་ ཡི་ཤུ་ག་ཞུ་ཝ༌ལ། ཉི་རོ་ཀི་ རོག་ཏེ་བ་བསྣམས་ཉི་ ཁྲོམ་ག་མིང་ བེད་སེ་ད་དག་ཁཱན་ག་ཏཱན་ རོག་ཏེ་བ་ཏེན་ བྱོན་མ༌ལ། 11ཉི་སོ་ངོ་མང་ཀི་ སེ་ལ་ཀབ་ཉི་ རོག་ཏེ་བ་ རོ་ཀ་ཚིང་ཚིང་ དི་ཝ༌ལ། ཉི་རོ་ཀི་ རོག་ཏེ་བ་ ཨོ་དོ་དག་ཉི་ གསུངས་ཉི་ དཀོན་མཆོག་ག་ རྒྱལ་སྲིད་ཀོར་གེ་ཡེ་ཉི་ ཉི་མར་ཁཱན་བ་ དྲག་ཉི་གནང་མ༌ལ།
12ཉི་ངམ་ཡོར་སེ་ཨ་ལ་ཀབ་ཉི་ སྐུ་ཚབ་སོང་ཉིག་ཙིང་ རོ་ཀ་སྐུན་མདུན་ག་ཤེག་ཉི་ ཨོ་ཐ་ཁོར་ཀ་ཆོ་ཁཱན་ དུང་དང་ ཕ་རམ་ཁོན་དི་ཉི་ ཆོ་ལེ་ག་ཕའི་དང་ ཧང་ཐུར་ཟ་ལེ་ག་ ལ་མེ་དེན་གེ་ཀུན་ཏི། ཨོ་ཐ་དོག་ས་ག་ལ་ ཧང་རང་མ་ལ་དག་ཉི་ ཞུ་ཝ༌ལ།
13དག་པ་ཀབ་ཉི་ ཡི་ཤུ་གི་ རོག་ཏེ་བ་ཀ་ ན་ཤི་ ཨོ་ཐ་སོ་ངོ་བ་ཀ་ ཧང་ཐུར་ ཟ་ལེ་བི་ལེ་དག་ཉི་ གསུངས་མ་ཀབ་ཉི་ ཨ་ཧ་བ་དིན་ཐཱན་ ལྟོ་མ་ངོ་ནེ་ལ་ ཨ་ཧ་ལ་ ཀེབ་ཏང་ལྔ་དང་ ང་ཤ་རང་ཉིག་ཙིང་ཤ་ཅ་དག་ཉི་ རོག་ཏེ་བ་ཀི་ ཞུ་ཝ༌ལ། 14ཉི་སོ་ངོ་ཕེ་ཝག་ཙ་ཙང་པུ་རང་ 5000 ཕང་ཅ་གི་ཝ༌ལ།
ཉི་རོ་ཀི་ རོ་ཀ་སློ་མ་བ་ཀ་ གསུངས་མ་ལ་ རོག་ཏེ་བ་ 50 50 ཨ་ཉི་ ཏབ་ཐུར་ལང་མེ་བི་དག༌ཉི། 15ཉི་རོག་ཏེ་བ་ཀི་ ཨོ་ཐེན་ཨ་ཉི་ སོ་ངོ་བ་ ས་ག་ལང་མེ་ བི་ཝ༌ལ། 16ཡི་ཤུ་གི་ ཀེབ་ཏང་ལྔ་དང་ ང་ཤ་རང་ཉིག་ཙིང་བསྣམས་ཉི་ ག་ཞིང་ཁམས་ག་ཏཱན་ གཟིགས་ཐཱན་ བྱིན་རླབས་ཞུ་ཉི་ ཨོ་ཉ་ཀེབ་ཏང་དང་ ང་བིརིང་ཐཱན་ སོ་ངོ་བ་ཀ་ བོང་ཉི་བི་ལེ་དེན་གེ་ རོ་ཀ་སློ་མ་བ་ཀ་གནང་མ༌ལ། 17རོག་ཏེ་བ་ ཐམས་ཅན་གི་ ཟ་ལེ་རེ་བ་ཐུར་ ཟ་ཝ༌ལ། ཉི་ལཱན་ཇུ་ལུས་ཁཱན་བ་ དུས་ཉི་གོད་པ་ཀབ་ཉི་ ཨོ་ཉ་བིརིང་ཁཱན་བ་ཀི་ ཤོ་མ་སོང་ཉིག་ཙིང་ ཕུང་མ་ཤོ་ཝ༌ལ༎
པ་ཏྲུས་གི་ ཡི་ཤུ་ཁིརིས་གི་ལ་དག་ཉི་ ཁ་དོག་པ༌ལ།
18ཉི་ནོང་ཐུར་ རོག་ཐུར་ཏེན་ སྨོན་ལམ་ཏ་པེ་གང་ཀ་ རོ་ཀ་སློ་མ་བ་ རོག་ཀབ་ཉི་ཅ་གི་ཝ༌ལ། ཉི་རོ་ཀི་ རོག་ཏེ་བ་ཀ་ སོ་ངོ་བ་ཀི་ ཇང་ཨི་བི་གི་ལ་ཨ་ཉི་ ཡེག་ལ་ཡ་དག་ཉི་ ཇི་མ༌ལ།
19ཉི་རོག་ཏེ་བ་ཀི་ ཞུ་ཝ་ལ་ ཚེ་བང་གི་ཨ་ནེ་ལ་ ཁྲུས་གསོར་པ་ ཡུ་ཧན་ན་དང་ ཉི་ཚེ་བང་གི་ཨ་ནེ་ལ་ ཨེ་ལི་ཡ་དང་ ཉི་ཚེ་བང་གི་ཨ་ནེ་ལ་ དང་པོ་ག་ བཱརའ་ལུང་བསྟན་པ་ཐུར་ བཞེངས་པ་ལ་དང་དག༌ཉི།
20ཉི་ན་ཤི་ཨ་ནེ་ལ་ ཇང་ཨི་བི་གི་ལ་ཡ་དག་ཉི་ རོ་ཀི་ རོག་ཏེ་བ་ཀ་ ཇི་མ་ཀབ་ཉི་ པ་ཏྲུས་གི་ ནཱན་ དཀོན་མཆོག་ག་ ཁིརིས་གི་ལ་དག་ཉི་ ཞུ་ཝ༌ལ། 21ཉི་རོ་ཀི་ རོག་ཏེ་བ་ཀ་ ཨོ་ཐ་ཀོར་གེ་ ཨི་བི་ག་རང་ མ་ཡེག་ཅོ་ན་དག་ཉི་ བཀའ་ན་སྒྲིང་སྒྲིང་ཨ་ཉི་གནང་མ༌ལ། 22སོ་ངོ་ག་ཟ་ཤོ་ མང་པུ་ཐུར་ དཀའ་ཝ་ཅཱད་པེ་ཁེ༌ལེ། ཉི་ཡ་ཧུ་དི་པ་ག་ སོ་ངོ་ཆི་ལུ་བ་དང་ བླ་མ་ཆི་ལུ་བ་ ཉི་བཀའ་ཁྲིམས་ག་ སློབ་དཔོན་བ་ཀི་ མ་ཟེས་པཱན་ཤེ༌ལེ། དག་པ་ཀབ་ཉི་ ནོང་སམ་ག་ནོང་ཀ་ ལོག་ཉི་དངོས་སུ་ཨ་ཉི་ ཝུ་ལེ་ན་དག་ཉི་ གསུངས་མ༌ལ།
23ཉི་རོ་ཀི་ ཐམས་ཅན་ག་ གསུངས་མ་ལ་ ཨི་བི་གི་ ཇ་ག་ཕྱག་ཞུ་ལེ་ལ་མ་ཐུར་ རོག་རོག་ཏེན་སྤང་ཉི་ དུས་ཏ་བུ་རང་ རོ་ཀ་ཁྲིམས་ཤིང་བང་ཐཱན་ཤ་ ཇ་ག་ཕྱག་ཞུན་ཆེན། 24ཉི་ཨི་བི་གི་ རོག་རོག་ཏེན་ག་ སྲོག་རྒྱབ་ཨ་ལེ་གོད་པ་ཐུར་ གེ༌མེ། ཉི་ཇ་ག་ཡོར་ཀེ་ རོ་ཀ་ཚེ་བི་ཁཱན་གི་ སྲོག་རྒྱབ་ཉོང༌པེ། 25སོ་ངོ་གི་ འཛམ་གླིང་ ཐམས་ཅན་རང་ ཉོང་ཐཱན་རང་གི་ནེ་བུ་ རོག་རོག་ཏེན་གེམ་ཉི་ ཁྲིམས་བང་མེ་ཁེ་ནེ་ལ་ ཧང་ཉོང་པ་ཆིན་མེ་ཡ། 26ཉི་ཨི་བི་གི་ ཇང་དང་ ཇ་ག་ཆཱས་ག་ཡོར་ཀེ་ ངི་ནང་ཁུ་ཝ་ཐུར་ སོ་ངོ་ག་ཟ་གི་བུ་ རོག་ རོ་ཀ་གཟི་བརྗིད་དང་ ཨ་པ་ག་གཟི་བརྗིད་ ཉི་དམ་པའི་ ཞིང་ཁམས་ག་འཐེན་པ་བ་ཀབ་ཉི་ ཨོ་ཕེ་གང་ཀ་ རོ་ཀེ་ངི་ནང་ཁུ༌ལེ། 27དག་པ་ཀབ་ཉི་ ཇི་གི་ ན་ཧ་ཐྲང་ཉི་ཡེག་ཅ་ ཨོ་ཐ་ཐིང་ཁཱན་པོང་ཀེ་ ཚེ་བང་གི་ དཀོན་མཆོག་ག་རྒྱལ་སྲིད་ མ་མཇལ་བ་སག་པུ་ ཤི་ཝ་ག་མ་སེ་ལ་དག༌ཉི༎
ཡི་ཤུ་ག་སྐུ་གཟུགས་སོར་པ༌ལ།
28ཉི་ཨོ་ཐ་བ་གསུངས་ཉི་ ནོང་ཡེན་ག་ཚི་ངེ་ རོ་ཀི་ རོག་ཀབ་ཉི་ པ་ཏྲུས་དང་ ཡུ་ཧན་ན་ ཉི་ཡ་ཀུབ་ རོག་ཏེ་སམ་བསྣམས་ཉི་ ཐོ་ལ་ཕུ་ཐུང་ཀ་ སྨོན་ལམ་ཏ་པེ་དེན་གེ་ བྱོན་མ༌ལ། 29ཉི་རོག་ སྨོན་ལམ་ཏ་པེ་གང་ཀ་ རོ་ཀ་ཞལ་སོར་པེ་གོ་ཙུག་ཉི་ ཉི་རོ་ཀ་ནམ་བཟའ་གེ་ གོད་པེ་མར་བ་ག་ འོད་ཆར་བ༌ལ། 30ཡིད་ཀ་རྣམ་ཏོག་མ་ཝ་ སོ་ངོ་ཉིག་ཙིང་ རོག་ཀབ་ཉི་ གསུང་གྲོས་མཛད་པ༌ལ། མོ་ས་དང་ཨེ་ལི་ཡ་ 31ཞིང་ཁམས་ག་ གཟི་བརྗིད་གི་ཨ་ཉི་བྱོན་ཉི་ ཡི་ཤུ་ ཡ་རུ་ཤ་ལེམ་ག་གཤགས་ཉི་ དཀོན་མཆོག་ག་འཆར་གཞི་ འགྲུབ་ཕེ་གི་ཝ་ཀོར་གེ་ གསུང་གྲོས་མཛད་པ༌ལ།
32ཉི་པ་ཏྲུས་དང་ རོག་ཀབ་ཉི་ཆོ་ཁཱན་བ་ མི་ནང་ གནམ་མེད་ས་མེད་ ཞིམ་པུ་ཨ་ཉི་ ཨོ་ཕ་ཅ་གི་ཝ༌ལ། ཉི་མི་ནང་སེ་ཉི་ གོད་པ་ཀབ་ཉི་ རོག་ཏེ་སམ་གི་ ཡི་ཤུ་ག་ གཟི་བརྗིད་དང་ སོ་ངོ་ཉིག་ཙིང་ རོག་ཀབ་ཉི་བཞེངས་ཉི་ བཞུགས་པ་ཨ་ཝ་ མཇལ་བ༌ལ། 33ཉི་སོ་ངོ་ཉིག་ཙིང་ རོ་ཀ་སྐུན་མདུན་གེ་ བྱོན་མེ་ཅམ་པ་ཀབ་ཉི་ པ་ཏྲུས་གི་ སྦྱིན་བདག་ ཨའི་ཐ་ཆོ་ཉི་ གནམ་མེད་ས་མེད་ལེག་པུ་དི་ཝ༌ལ། ཨ་ཤི་ཀབ་སམ་ཅོད་པེ་ ཐུར་ཤོ་ ན་ག་དེན་གེ་ ཐུར་ཤོ་ མོ་ས་ག་དེན་གེ་ ཉི་ཨོམ་ཐུར་ཤོ་ ཨེ་ལི་ཡ་ག་དེན་གེ་གི་ལ་དག་ཉི་ རོ་ཀི་ ཡི་ཤུ་ག་ཞུ་ཝ༌ལ། (རོ་ཀི་ཧང་ཞུ་ཝ་གི་ལ་སྨོ་ ཏེན་ཏེན་ཨ་ཉི་ རོག་རོག་ཏེན་གི་ མ་སེ་ཝ༌ལ།) 34རོ་ཀི་ཨོ་ཐེན་ཞུ་ལ་ཀབ་ཉི་ མུག་པ་སུབ་ཉི་ རོག་ཏེ་བ་ བུག་པ༌ལ། ཉི་རོག་ཏེ་བ་ མུག་པ་ནང་ཀ་ནུབ་ཅ་ཨ་ཉི་ ཡོང་ཁེ་ཝ༌ལ།
35ཉི་མུག་པ་ཐུང་ཀེ་ དཀོན་མཆོག་ག་གསུང་བྱོན་ཉི་ ཨུ་ཐུ་ཤོ་ ཇི་གི་སི་ཁཱན་ ཇ་ག་ཟ་གི༌ལ། རོ་ཀི་ཡེག་པ་ཀབ་ཉི་ ཉཱན་ཅོ་དག་ཉི་ གསུངས་མ༌ལ། 36ཉི་གསུངས་ཉི་ཆུམ་དེན་གེ་ ཡི་ཤུ་ཐུར་ཤ་ མཇལ་བ༌ལ། ཨུ་ཉུ་གང་ཀ་ རོག་ཏེ་སམ་གི་ མཇལ་ཁཱན་ཀོར་གེ་ ཨི་བི་ག་རང་མ་ཡེག་པཱན་ ཙང་ཀེན་ཨ་ཉི་ཐ་ཝ༌ལ༎
རྣམ་ཤེས་མ་ལེག་པ་གི་ཙུང་ཁཱན་ ཟ་དྲག་པ༌ལ།
37ཉི་ནམ་ནིང་ད་བུ་ རོག་ཏེ་བ་ ཕུ་གེ་དོང་བྱོན་མེ་གང་ཀ་ སོ་ངོ་མང་པུ་ཐུར་གི་ རོག་མཇལ་བ༌ལ། 38ཉི་ཨོ་ཉ་སོ་ངོ་མང་ཀ་པོང་ཀེ་ ཐུར་གི་ཀཱན་ཤུག་ཨ་ཉི་ སློབ་དཔོན་ ཇི་གི་ ན་ག་ལ་སོ་སྐུ་ཆེན་ཨན༌ཅ། ཇ་ག་ཟ་ག་ གཟིགས་ཅོ༌ལེ། ཇ་ག་ཟ་ རོག་ཐུར་ཤ་གི་ལ་དག་ཉི་ ཞུ་ཝ༌ལ། 39ཉི་རོག་ དོན་གི་ཙུང་མ་ཀབ་ཉི་ ཡིད་ཀ་རྣམ་ཏོག་མ་ཝ་ ཤ་དར་ཕི་ཉི་ ཉི་ནོ་ཝང་གེ་ བོམ་ནང་མ་ཤོ་ཝ་སག་པུ་ ཀ་ལང་ཀ་ལང་ཨ་ཉི་ རོག་གནམ་མེད་ས་མེད་ དྲམ་དེན་གེ་ཤ་ ཧང་རང་རུད་པཱན་ ཐར༌ལ། 40ཇི་གི་ ན་ག་སློ་མ་བ་ཀ་ དོན་ཁོན་ཤོ་དག་ཉི་ ཞུ་ཝ་ དག་པ་ཀབ་ཉི་ རོག་ཏེ་བ་ཀི་ མར་ཤི་དག་ཉི་ ཞུ་ཝ༌ལ།
41ཡི་ཤུ་གི་ལན་གནང་ཉི་ ནའི་དད་པ་མ་ཁཱན་དང་ གི་ཝ་ག་མ་ཨ་ཁཱན་ སོ་ངོ་བ་ ཇང་ནའི་ཀབ་ཉི་ ཧབ་ཏུར་ཤ་ཆོ་ཉི་ ཉི་ཧབ་ཏུར་ཤ་ ཐེས་པེ་ཡ་དག་ཉི་ གསུངས་ཐཱན་ ན་ག་ཟ་ ཐ་ཕའི་དག་ཉི་ གསུངས་མ༌ལ།
42ཉི་ཨོ་ཉ་ཟ་ ཨུན་ཅ་ཨ་ཉི་ དོན་གི་ཙུང་ཉི་ ས་ག་ཐང་གེམ་ཉི་ ཀ་ལང་ཀ་ལང་ཨ་ལེ་ གོ་ཙུག་པ༌ལ། དག་པ་ཀབ་ཉི་ ཡི་ཤུ་གི་ ཨོ་ཉ་རྣམ་ཤེས་མ་ཙང་མ་ག་ བཀའ་གནང་ཉི་ ཁོན་ཐཱན་ ཟ་དྲག་ཉི་ ལོག་ཉི་ རོ་ཀ་ཨ་པ་ག་གནང་མ༌ལ། 43ཉི་དཀོན་མཆོག་ག་དབང་ གནམ་མེད་ས་མེད་ ཆི་ལུ་ཆོ་ཝ་ཨ་དེན་གེ་ ཐམས་ཅན་རང་ ཡིད་ཆི་ཝ༌ལ།
ཡི་ཤུ་གི་ མཛད་གནང་ཁཱན་ ཕྱག་ལཱ་གོད་ཉི་ ཐམས་ཅན་རང་ ཡིད་ཆི་ཉི་ ཆོ་ལེ་གང་ཀ་ 44ཇི་གི་ ན་ཧ་ཡེག་པེ་ཅམ་ཁཱན་ཁེ་པ་ རིག་པ་སྒྲིམ་ཉི་ ཉཱན་ཅོ་ན་དག་ཉི་ རོ་ཀི་ རོ་ཀ་སློ་མ་བ་ཀ་ གསུངས་ཐཱན་ ཉཱན་ཅོ་ སོ་ངོ་ག་ཟ་ཤོ་ སོ་ངོ་བ་ཀ་ག་དང་ག་ རྩིས་སྤྲོད་པེ་གི་ལ་དག་ཉི་ གསུངས་མ༌ལ། 45དག་པ་ཀབ་ཉི་ རོག་ཏེ་བ་ཀི་ ཧ་མ་གོ་ཝ༌ལ། ཉི་རོག་ཏེ་བ་ཀི་ མ་སེན་ཆེན་དག་པ་གི་ རོག་ཏེ་བ་ཀེ་གུམ་ཉི་ ཐ་ཝ་ཆོ་ཝ༌ལ། ཉི་ཨོ་ཉ་ཀོར་གེ་ ཇི་མེ་དག་པ་ཀབ་ཉི་ རོག་ཏེ་བ་ ཡོང་ཁེ་ཝ༌ལ༎
ཐམས་ཅན་གེ་ཆི་ལུ་ ཨི་བི་གི་ལ་ཡ།
46ཉི་སློ་མ་བ་ནང་དོ་ ཨའི་ཨོབ་ཏུར་ག་པོང་ཀེ་ ཨི་བི་ཆི་ལུ་ཨོ་ཕེ་ཡ་དག་ཉི་ ཤག་རུ་མ༌ལ། 47ཉི་རོག་ཏེ་བ་ཀ་ སེམས་ཀི་མི་ཁཱན་ཁེ་པ་ ཡི་ཤུ་གི་མཁྱེན་ཉི་ ཝག་ཙ་ཐུར་ལཱན་ཐཱན་ རོ་ཀ་ར་ག་ཐིང་མེ་བི་ཉི་ ཐ་ཝ༌ལ། 48ཉི་རོ་ཀི་ རོག་ཏེ་བ་ཀ་ གསུངས་མ་ལ་ ཨི་བི་གི་ ཨོ་ཐ་ཝག་ཙ་ ཇ་ག་མིང་ག་ ལ་ཝ་ཐུར་ ཇང་ཞུན་ཅ་གི༌ལ། ཉི་ཇང་ཞུ་ཁཱན་གི་ ཇང་ཀུན་ཏི་ཁཱན་ ཞུན་ཅ་གི༌ལ། ཧང་ཡ་དག་ནེ་ལ་ ན་ཧ་པོང་ཀེ་ ཐམས་ཅན་གེ་ ཟེ་མུ་ཨ་ཉི་ཆོ་ཁཱན་ཁེ་པ་ ཆི་ལུ་རི་ལེ་དག༌ཉི། 49སྦྱིན་བདག་ ཨ་ཤི་སོ་ངོ་ཐུར་གི་ ན་ག་མཚན་ག་ དོན་ཤོ་ཉི་ གེ་མ་ཐོང༌མ། ཉི་ཨ་ཧ་པོང་ཀེ་ མང་གི་ཝ་ཨ་དེན་གེ་ ཨ་ཤི་ཨུ་ཉུ་ད་བུ་ མ་ཨའི་ཨ་ཉི་ ཁག་པ་དག་ཉི་ ཡུ་ཧན་ན་གི་ ཞུ་ལ་ཀབ་ཉི་ 50རོག་ཁག་པེ་མ་ཁེ༌ལ། ཧང་ཡ་དག་ནེ་ལ་ ན་ཧ་དགྲ་བྱང་ཕིཤི་ མ་ཨ་ཁཱན་སོ་ངོ་ཤོ་ ན་ཧ་དེན་གེ་གི་ལ་དག་ཉི་ ཡི་ཤུ་གི་གསུངས་མ༌ལ༎
ས་མ་རི་ཡ་ག་ མ་ཐོག་པ༌ལ།
51ཉི་ཡི་ཤུ་ ག་ཞིང་ཁམས་ག་ བསྣམས་པེ་ག་དུས་ཙུན་ རེན་པ་ཀབ་ཉི་ རོ་ཀི་ཡ་རུ་ཤ་ལེམ་ག་ཏཱན་ བྱོན་མེ་དག་ཉི་ ཐུགས་བསམ་གནང་ཉི་ ཡ་རུ་ཤ་ལེམ་ག་ཏཱན་ བྱོན་མ༌ལ། 52ཉི་རོ་ཀེ་གུམ་གུམ་ ཀུན་ཏི་ཁཱན་འཐེན་པ་བ་ཀི་ རོ་ཀ་དེན་གེ་ བཅའ་སྒྲིག་དྲིག་པེ་དེན་གེ་ ས་མ་རི་ཡ་ག་ དུང་ག་ཏཱན་ནུ་ཕ༌ལ། 53དག་པ་ཀབ་ཉི་ ས་མ་རི་ཡ་ག་ སོ་ངོ་བ་ཀི་ རོག་མ་ཞུ་ཝ༌ལ། ཧང་ཡ་དག་ནེ་ལ་ རོག་ཡ་རུ་ཤ་ལེམ་ག་ཏཱན་ བྱོན་ཅ་གི་ཝ༌ལ། 54ཉི་རོ་ཀ་སློ་མ་ ཡ་ཀུབ་དང་ ཡུ་ཧན་ན་གི་ ཨོ་ཉ་ཀོར་གེ་སེ་ཉི་ གཙོ་བོ་ ཨ་ཤི་ཞིང་ཁམས་གེ་དོང་ མི་ཞུད་ཉི་ ད་ཧ་བ་ ཞུམ་ཅོ་ཨ་ཉི་ བཀའ་བི་སྨོ་དག་ཉི་ ཞུ་ཝ༌ལ། 55དག་པ་ཀབ་ཉི་ གིར་ཐཱན་ རོ་ཀི་ རོག་ཉིག་ཙིང་ག་ ཇུར་ཇང་ཕི་ཉི་གསུངས་མ་ལ་ ནའི་ ཧང་ད་བུ་རྣམ་ཤེས་ག་ ལོ་ཀེ་གི་ལ་སྨོ་ སེ་ལུ་མ་ལ་སྨོ། ཧང་ཡ་དག་ནེ་ལ་ སོ་ངོ་ག་ཟ་ཤོ་ སོ་ངོ་ག་ཚེ་ མེ་པ་ཕི་ལེ་ག་མང་གི་ཝ་ རྒྱབ་ཨ་ལེ་ག་ ཨོ་ཕ་གི་ལ་དག༌ཉི།
56ཉི་རོག་ཏེ་བ་ བཱརའ་དུང་ག་ཏཱན་ བྱོན་མ༌ལ༎
ཡི་ཤུ་ག་ཕྱག་ཞུ་ཝ་ག་ངེ་ལོང་།
57རོག་ཏེ་བ་ ལམ་ཁོན་བྱོན་ཉི་ བཞུགས་པེ་གང་ཀ་ སོ་ངོ་ཐུར་གི་ ནཱན་ ཨོ་ག་བྱོན་མ་ཐུར་ ཇང་བུ་ ན་ག་ཕྱག་ཞུ་ཉི་ དི་ལེ་དག་ཉི་ ཡི་ཤུ་ག་ཞུ་ཝ༌ལ།
58ཉི་ཡི་ཤུ་གི་ རོ་ཀ་གསུངས་མ་ལ་ ཤིའུ་ལི་ག་གང༌ཅ། ངབ་ཀེ་ཕེན་ཁཱན་ ཁ་ག་ཤུམ༌ཅ། དག་པ་ཀབ་ཉི་ སོ་ངོ་ག་ཟ་ག་ རོ་ཀ་ཤ་རང་ཐུར་རང་ ཐ་ལེ་ག་བཱརང་ མཱན་ཅ་དག༌ཉི།
59ཨོམ་ཐུར་ག་ རོ་ཀི་ ནཱན་ཇང་ཀབ་ཉི་ ཨོ་དོ་དག་ཉི་ གསུངས་མ་ལ་
དག་པ་ཀབ་ཉི་ ཨོ་ཉ་སོ་ངོ་གི་ གཙོ་བོ་ ཇང་དིན་ཐཱན་ གོ་མ་རང་ ཇ་ག་ཨ་པ་ག་ཕུང་པུ་ ས་ཝང་ཕི་ལེ་ཁེ་ལེ་ཅ་དག༌ཉི།
60ཤི་ཁཱན་ དའི་ཏེན་གི་རང་ ས་ཝང་ཕིན་ཆེན། དག་པ་ཀབ་ཉི་ ནཱན་ཤོ་ དིན་ཐཱན་ དཀོན་མཆོག་ག་ རྒྱལ་སྲིད་ཀོར་གེ་ ཀཱད་ཅོ་དག་ཉི་ རོ་ཀི་ ཨོ་ཉ་སོ་ངོ་ག་ གསུངས་མ༌ལ།
61ཨོམ་ཐུར་གི་ གཙོ་བོ་ ཇི་གི་ ན་ག་ཕྱག་ཞུ་ལེ་ དག་པ་ཀབ་ཉི་ གོ་མ་རང་ ཕའི་ག་ཆོ་ཁཱན་བ་ཀ་ དིན་ཅ་ཨ་ཉི་ ཡེག་པེ་ཁེ་ལེ་ལ་དག་ཉི་ ཞུ་ལ་ཀབ་ཉི་ 62ཡི་ཤུ་གི་ རོ་ཀ་གསུངས་མ་ལ་ ཅ་པ་གང་གེ་ཙུང་ཐཱན་ ཚིང་གིར་ཉི་ གོད་ཉི་ཆོ་ཁཱན་ ཐུར་གི་རང་ དཀོན་མཆོག་ག་རྒྱལ་སྲིད་ག་ ཚ་ཁ་མ་ཚུད་པ་དག༌ཉི༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved