མ་ཏི། 21
21
ཡི་ཤུ་ཡ་རུ་ཤ་ལེམ་ནང་ཀ་བྱོན་མ༌ལ།
1ཡི་ཤུ་དང་རོ་ཀ་སློ་མ་བ་ ཡ་རུ་ཤ་ལེམ་ར་ག་ཏེབ་ཅ་ཨ་ཉི་ ཨོ་ལིབ་ཤིང་ཕུ་ཐུང་ཀ་ཆོ་ཁཱན་ བེད་ཕ་གེ་དག་ས་ག་ ཕེབས་པ་ཀབ་ཉི་ ཡི་ཤུ་གི་ རོ་ཀ་སློ་མ་ཉིག་ཙིང་ རོ་ཀེ་གུམ་གུམ་ཀུན་ཏི་ཝ༌ལ། 2ན་ཆིང་ ན་ཧ་གུབ་ཀ་ཆོ་ཁཱན་ དུང་ག་ཏཱན་དི། ཉི་ན་ཆིང་གི་ བོང་བ་ད་མ་ཐུར་ རོ་ཀ་ད་ཟ་ཀབ་ཉི་ ཆེང་ཉི་ཐ་ཝ་ཨ་ཝ་ཐོང༌མེ། ལཱན་ཕེག་ཐཱན་ ཨོ་ཉ་བོང་བ་ཉིག་ཙིང་ ཇང་ཆོ་ས་ག་ཏཱན་ཕའི། 3ཨི་བི་གི་ ན་ཧ་ཏཱན་ ཧང་ཐུར་ཇིམ་ནེ་ལ་ གཙོ་བོ་ག་དེན་གེ་ ཚཱས་པ་ཅ་དག་ཉི་ ཡེག་ཅོ། ཉི་ཨོ་ཉ་བོང་བ་ཉིག་ཙིང་ ཨོ་ཉ་ཐྲེ་ཀེ་རང་ ཀུན་ཏི་ལེ་དག་ཉི་ གསུངས་མ༌ལ།
4ཨུ་ཐུ་ཤོ་ ལུང་བསྟན་པ་གི་ གསུངས་ཁཱན་ཁེ་པ་ དེན་ཐ་འགྲུབ་ཕེ་དེན་གེ་ ཇུང་མ་ཆོ་ཝ༌ལ།
5སི་ཡོན་ག་ ཟ་མིན་བ་ཀ་ཡེག་ཅོ། གོད་ཅོ་ ན་ཧ་དཔོན་ གནམ་མེད་ས་མེད་ ཉམ་ཆུང་ཨ་ཉི་ བོང་བ་ད་མ་ཐུང་ཀ་དང་ རོ་ཀ་ད་ཟ་ག་ཐུང༌ཀ་ ཕྱི་པ་བཞེས་ཉི་ ན་ཧ་བཱརང་ཀ་བྱོན་ལ་#21:5 ཇ་ཀ་རི་ཡ་ག་དཔེ་ཆ་ 9:9 དག་ཉི་
ལུང་བསྟན་མ་ཆོ་ཝ༌ལ།
6སློ་མ་ཉིག་ཙིང་དིན་ཐཱན་ ཡི་ཤུ་གི་ གསུངས་མ་ད་བུ་རང་ ཨ་ཝ༌ལ། 7རོག་ཉིག་ཙིང་གི་ བོང་བ་ད་མ་དང་ རོ་ཀ་ད་ཟ་ཕཱན་ཐཱན་ རོག་ཏེ་བ་ཀ་ ཁ་མུང་ས་རི་བ་ བོང་བ་ག་ཐུང་ཀ་ཁེ་མ༌ལ། ཉི་ཡི་ཤུ་ ཨོ་ཉ་བོང་བ་ཐུང་ཀ་བཞུགས་པ༌ལ།
8སོ་ངོ་མང་པུ་ཐུར་ ཛོམ་ས་ག་པོང་ཀེ་ མང་པུ་ཐུར་གི་ རོག་ཏེ་བ་ཀ་ ཁ་མུང་ས་རི་ ལབ་ཀ་ཁེ་མ༌ལ། ཉི་ཚེ་བང་གི་ ཤིང་ཤ་བ་ཆོ་ཁཱན་ ད་ཀ་བ་ཅཱད་ཕཱན་ཐཱན་ ལབ་ཀ་ཁེ་མ༌ལ། 9ཉི་གུམ་གུམ་དང་ ཚིང་ཚིང་ཆོ་ཁཱན་སོ་ངོ་བ་ཀི་ ཤ་དར་ཕི་ཉི་
ད་ཝུད་ག་སྲས་ག་ བསྟོད་པ་ཕུལ༌ཤོ། ཉི་གཙོ་བོ་ག་མཚན་ག་ བྱོན་ཁཱན་ཁེ་པ་ བྱིན་རླབས་ཅན་གི༌ལ།#21:9 མགུར་མ་ག་དཔེ་ཆ་ 118:26 ཞིང་ཁམས་ག་བཞུགས་ཁཱན་ དཀོན་མཆོག་ག་ བསྟོད་པ་ཕུལ་ཤོ་ དག་ཉི་
ཞུ་ཝ༌ལ།
10རོག་ཡ་རུ་ཤ་ལེམ་ནང་ཀ་ ནུབ་ཅ་ཨ་ཉི་ ཁྲོམ་ཆེན་ ཐམས་ཅན་རང་ ཟིང་པ་རི་ཝ༌ལ། རོག་ཤོ་ ཨི་བི་གི་ལ་ཡ་དག་ཉི་ སོ་ངོ་བ་ཀི་ཇི་མ༌ལ།
11ཉི་རོ་ཀ་ཀོ་ལོ་ལོ་ཛོམ་ཁཱན་ སོ་ངོ་བ་ཀི་ལན་ཨ་ཉི་ རོག་ཤོ་ ག་ལིལ་ཆ་འོག་ག་ ཁྲོམ་ནཱས་རཱད་གེ་བྱོན་ཁཱན་ ལུང་བསྟན་པ་ ཡི་ཤུ་གི་ལ་དག་ཉི་ ཡེག་པ༌ལ༎
ཡི་ཤུ་ མཆོད་ཁང་ནང་ཀ་བྱོན་མ༌ལ།
12ཡི་ཤུ་ དཀོན་མཆོག་ག་ མཆོད་ཁང་ནང་ཀ་བྱོན་ཐཱན་ ཚོང་ཙོང་ཁཱན་བ་དང་ ངོ་ཁཱན་བ་ ཐམས་ཅན་རང་ ཕིས་ཀ་ཁོན་མ༌ལ། ཉི་རོ་ཀི་ ཏི་རུ་ལེང་ཁཱན་བ་ཀ་ དོང་ཏཱན་བ་དང་ ཏི་ཏ་ར་ཙོང་ཁཱན་བ་ཀ་ རྐང་ཁྲི་བ་གིར་ཉི་གེ་མ༌ལ། 13ཉི་རོ་ཀི་ རོག་ཏེ་བ་ཀ་གསུངས་མ་ལ་ ཇ་ག་ཕའི་ཤོ་ སྨོན་ལམ་ག་ཕའི་ཨན་ ཆིན་མེ་#21:13 ཡ་ཤའི་ཡ་ག་དཔེ་ཆ་ 56:7 དག་ཉི་ གསུང་རབ་གེ་ཤོན༌ཅ། དག་པ་ཀབ་ཉི་ ན་ཧ་བ་ཀི་ ཅོམ་ཁཱན་བ་ཀ་བཱརང་ ཅོད་པ་ལ་#21:13 ཡར་མི་ཡ་ག་དཔེ་ཆ་ 7:11 དག༌ཉི།
14མིང་ཀ་ན་བ་དང་ དང་མེ་མར་ཁཱན་སོ་ངོ་བ་ མཆོད་ཁང་ནང་ཀ་ རོ་ཀ་སྐུན་མདུན་ག་ཤེག་པ༌ལ། ཉི་རོ་ཀི་ རོག་ཏེ་བ་ དྲག་གནང་མ༌ལ།
15དག་པ་ཀབ་ཉི་ ཡ་ཧུ་དི་པ་ག་ བླ་མ་ཆི་ལུ་བ་དང་ བཀའ་ཁྲིམས་ག་ སློབ་དཔོན་བ་ཀི་ ཡི་ཤུ་གི་མཛད་ཁཱན་ ཨོ་ཐ་ཡིད་ཆི་ཝ་ག་ ཕྱག་ལཱ་བ་ཐོང་མ༌ལ། ཉི་མཆོད་ཁང་ནང་ཀ་ཆོ་ཁཱན་ ཝག་ཙ་བ་ཀི་ ཤ་དར་ཕི་ཉི་ ད་ཝུད་ག་སྲས་ག་ བསྟོད་པ་ཕུལ་ཤོ་དག་ཉི་ ཞུ་ཝ་ག་ ན་ཐ་ལ་ཀབ་ཉི་ རོག་ཏེ་བ་ རོ་ཙིག་པ༌ལ།
16རོག་ཏེ་བ་ཀི་ རོ་ཀ་ཇི་མ་ལ་ ཨོ་ཐ་ཝག་ཙ་བ་ཀི་ ཧང་ཡེག་ལ་སྨོ་ ནཱན་གི་ ན་ཐ་ན་སྨོ་དག༌ཉི།
རོ་ཀི་གསུངས་མ་ལ་ ཇི་གི་ན་ཐ་ན། དག་པ་ཀབ་ཉི་ ནཱན་གི་ཝག་ཙ་བ་དང་ མིང་བུ་བ་ཀ་ ན་ག་བསྟོད་པ་ཕུལ་བེ་ག་ ཡེན་བི་ཝ་ལ་#21:16 མགུར་མ་ག་དཔེ་ཆ་ 8:2 དག་ཉི་ གསུང་རབ་གེ་ཤོ་ཁཱན་ཁེ་པ་ ན་ཤི་ཧ་ལ་རང་ མ་ལྷག་ཅི་སྨོ་དག༌ཉི། 17ཉི་རོག་ཏེ་བ་ ཐུབ་ཐ་ཉི་ ཁྲོམ་ཆེན་གེ་ཕིས་ཀ་ཆོ་ཁཱན་ བེ་ཐ་ནི་ཡ་དག་ས་ག་བྱོན་ཐཱན་ བི་ནང་ཐུར་བཞུགས་པ༌ལ༎
ལྕོག་མ་ཤིང་སང་མ༌ལ།
18ཝུན་བེད་པེ་རང་ རོག་ལོག་ཉི་ ཁྲོམ་ཆེན་ག་བྱོན་ཅ་ཨ་ཉི་ གསོལཝ་ཀིད་པ་ཅ་གི་ཝ༌ལ། 19ལམ་ར་ག་རང་ ལྕོག་མ་ཤིང་ཐུར་ཐོང་ཉི་ ར་ག་བྱོན་ཐཱན་ གཟིགས་པ་ཀབ་ཉི་ སེ་བུ་དང་ཐུར་རང་མ་ཝ་ ཤ་བ་ཙང་པུ་ཅ་གི་ཝ༌ལ། ནཱན་གེ་ལོག་ཉི་ སེ་ཧ་ལ་རང་ མ་སེ་ལ་དག་ཉི་ ཡི་ཤུ་གི་ ལྕོག་མ་ཤིང་ག་གསུངས་མ༌ལ། ཉི་ཨོ་ཉ་ཐྲེ་ཀེ་རང་ ལྕོག་མ་ཤིང་སང་མ༌ལ།
20སློ་མ་བ་ཀི་ཐོང་མ་ཀབ་ཉི་ རོག་ཏེ་བ་ཡིད་ཆི་ཉི་ ཞུ་ཝ་ལ་ ཨོ་ཐ་ལྕོག་མ་ཤིང་ ཤེབ་ཐུར་ག་རང་ ཧང་ཏེན་སང་མ་ཡ་དག༌ཉི།
21ཡི་ཤུ་གི་གསུངས་མ་ལ་ ཇི་གི་ ན་ཧ་ཐྲང་ཉི་ཡེག་ཅ་ ན་ཤི་དད་པ་ཀེན་ཐཱན་ དོགས་པ་མ་སག་ནེ་ལ་ ཇི་གི་ལྕོག་མ་ཤིང་ག་ ཨ་ཁཱན་ཁེ་པ་ ན་ཤི་བུ་ཨ་ལེ་རེ༌བེ། ཉི་ཨུ་ཉུ་མ་ཚཱད་པ་ ན་ཤི་ཨོ་ཐ་ཕུ་ག་ཏཱན་ ཨོ་ཐ་གེ་སིག་ཉི་དིན་ཐཱན་ རྒྱམ་མཚོ་ནང་ཀ་ ཐིམ་ཤོ་དག་ཉི་ ཡེག་ནེ་བུ་ ན་ཤི་ཡེག་ཁཱན་ཁེ་པ་ཇུང༌མེ། 22ཧང་ཡ་དག་ནེ་ལ་ ན་ཧ་དད་པ་ཆོ་ནེ་ལ་ ན་ཤི་སྨོན་ལམ་ག་ ཧང་ཞུ་ཝ་ཐུར་ ན་ཤི་ཉོང་པེ་དག༌ཉི༎
ཡི་ཤུ་ག་དབང་ཚད་ག་ཀོར་གེ་ཇི་མ༌ལ།
23ཡི་ཤུ་ མཆོད་ཁང་ནང་ཀ་བྱོན་ཐཱན་ སོ་ངོ་བ་ཀ་ཡེ་ལེ་གང་ཀ་ བླ་མ་ཆི་ལུ་བ་དང་ སོ་ངོ་ཆི་ལུ་བ་ རོ་ཀ་སྐུན་མདུན་ག་ཤེག་ཉི་ ཇི་མ་ལ་ ནཱན་གི་ཨོ་ཐ་བ་ ཧང་ག་དབང་ཚད་གི་ཨ་ཉི་ ཨན་ཅ་ཡ། ཉི་ཨོ་ཐ་དབང་ཚད་ ན་ག་ཨི་བི་གི་གནང་མ་ཡ་དག༌ཉི།
24ཡི་ཤུ་གི་ལན་གནང་ཉི་ ཇི་གི་བུ་ ན་ཧ་ཆཱས་ཐུར་ཇི༌མེ། ཉི་ན་ཤི་ ཇ་ག་ལན་ག་ནེ་ལ་ ཇི་གི་ཧང་ག་དབང་ཚད་གི་ཨ་ཉི་ ཨོ་ཐ་བ་ ཨན་ཅ་གི་ལ་སྨོ་ ཨོ་ཉ་ཀོར་གེ་ ཇི་གི་ ན་ཧ་ཡེག་པེ་དག་ཉི་ གསུངས་ཐཱན་ 25ཡུ་ཧན་ན་ག་ཁྲུས་གསོར་ ཨོ་གེ་གི་ལ་ཡ། ཞིང་ཁམས་གེ་སྨོ་ སོ་ངོ་གེ་ཡ་དག་ཉི་ ཇི་མ༌ལ།
ཉི་རོག་ཏེ་བ་ནང་དོ་ ཆཱས་ཨ་ཉི་ཡེག་པ་ལ་ ཨ་ཤི་ཞིང་ཁམས་གེ་གི་ལ་དག་ཉི་ ཡེག་ནེ་ལ་ རོ་ཀི་གསུངས་མེ་ ཞིང་ཁམས་གེ་གི་ནེ་ལ་ ན་ཤི་ རོ་ཀ་ཧང་ཨ་ཉི་ དད་པ་མ་ཨན་ཤི་ཡ་དག༌ཉི། 26ཉི་ཨོམ་ ཨ་ཤི་ རོག་སོ་ངོ་གེ་གི་ལ་དག་ཉི་ ཡེག་ནེ་ལ་ སོ་ངོ་ཐམས་ཅན་གི་ ཡུ་ཧན་ན་ཤོ་ ལུང་བསྟན་པ་ཨ་ཉི་ཙིན༌ཅ། ཨོ་ཉི་ཨ་དེན་གེ་ སོ་ངོ་བ་ཀི་ ཨ་ཧ་བ་ ཀ་ལུ་ཅོད་པེ་དག༌ཉི། 27ཨོ་ཉི་ཨ་དེན་གེ་ རོག་ཏེ་བ་ཀི་ལན་ཨ་ཉི་ ཨ་ཤི་ རོག་ཨོ་གེ་གི་ལ་སྨོ་ མ་སེ་ལ་དག་ཉི་ ཞུ་ཝ༌ལ།
ཉི་ཡི་ཤུ་གི་ རོག་ཏེ་བ་ཀ་གསུངས་མ་ལ་ ཉི་ལ་ ཧང་ག་དབང་ཚད་གི་ཨན་ ཇི་གི་ཨོ་ཐ་བ་ཨན་ཅ་གི་ལ་སྨོ་ ཇི་གི་བུ་ ན་ཧ་མ་ཡེག་པ་དག༌ཉི༎
ཟ་ཉིག་ཙིང་ག་དཔེ་གཏམ།
28ན་ཤི་ཨོ་ཐ་ཀོར་གེ་ ཧང་ད་བུ་མི་ན་ཡ། སོ་ངོ་ཐུར་ག་ ཟ་ཉིག་ཙིང་ཆོ་ཝ༌ལ། ཉི་རོ་ཀི་ རོ་ཀ་ཟ་ཆི་ལུ་ཁེན་ག་ ཡེག་པ་ལ་ ཟ་ ཐི་ནོང་ ནཱན་ཨུང་ག་དིན་ཐཱན་ ལའི་ཨའི་དག༌ཉི། 29ཟ་གི་ཡེག་པ་ལ་ ཇང་མ་དི་ལ་དག༌ཉི། དག་པ་ཀབ་ཉི་ རེབ་ཀིན་ཐུར་ག་ཚི་ངེ་ རོ་ཀ་སེམས་སོར་ཉི་ ལའི་ཨ་ལེ་ག་དི་ཝ༌ལ། 30ཉི་ཟ་ཟེ་མུ་ག་བཱརང་ཀ་དིན་ཐཱན་ ཨུ་ཉུ་པུརུས་ཀིན་རང་ ཡེག་པ་ཀབ་ཉི་ ཟ་གི་ཡེག་པ་ལ་ དྲིག་པེ་ཨ་པ་དག༌ཉི། དག་པ་ཀབ་ཉི་ རོ་ཀི་ལའི་ཨ་ལེ་ག་ མ་དི་ཝ༌ལ།
31ཨ་པ་གི་ཡེག་ཁཱན་དང་ཏུ་ཉི་ རོག་ཉིག་ཙིང་གེ་ ཨི་བི་གི་ཨ་ཝ་ཡ་དག་ཉི་ ཇི་མ་ཀབ་ཉི་ ཟ་ཆི་ལུ་གི་དག་ཉི་ རོག་ཏེ་བ་ཀི་ ཞུ་ཝ༌ལ།
ཉི་ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཇི་གི་ ན་ཧ་ཐྲང་ཉི་ཡེག་ཅ་ ན་ཧ་བ་ཀེ་གུམ་གུམ་ ཁྲལ་ཐེབ་དུས་ཁཱན་བ་དང་ གཞང་བཙོང་མིན་བ་ དཀོན་མཆོག་ག་ རྒྱལ་སྲིད་ནང་ཀ་ནུབ་ལ་དག༌ཉི། 32ཧང་ཡ་དག་ནེ་ལ་ ཡུ་ཧན་ན་ ཨ་ཧ་བཱརང་ཀ་ ལམ་དེན་པ་གེན་མེ་དེན་གེ་ ཨོ་ཕ་ཆོ་ཝ། ཉི་ན་ཤི་ རོ་ཀ་དད་པ་མ་ཨན་ཤི། དག་པ་ཀབ་ཉི་ ཁྲལ་ཐེབ་དུས་ཁཱན་བ་དང་ གཞང་བཙོང་མིན་བ་ཀི་ རོ་ཀ་དད་པ་ཨ་ཝ། ཉི་ཨོ་ཐ་བ་ ཇུང་མ་ག་ ཐོང་ཐཱན་རང་གི་ནེ་བུ་ ན་ཤི་སྡིག་པ་གེ་མ་ལོག་ཅི། ཉི་རོ་ཀ་དད་པ་མ་ཨན་ཤི༎
ཉི་པ་བ་ཀ་དཔེ་གཏམ།
33ཨོམ་ཆང་རང་ དཔེ་གཏམ་ཐུར་ཉཱན་ཅོ། ས་ཡོན་ད་ཐུར་གི་ རོ་ཀ་ས་ག་ ཨང་གུར་ཆེན་ཐཱན་ ཨོ་ཉ་ཨུང་ཀོ་ལོ་ལོ་ དེང་ཙི་གབ་ཉི་ རེ་དང་ཕི་ཝ༌ལ། ཉི་ས་ཇེག་ཉི་ ཨང་གུར་སེ་དྲ་ཕེ་ག་ བཱརང་ཅོད་ཐཱན་ གོད་པེ་ག་དེན་གེ་ ཕའི་ཅེན་མུ་ཐུར་ཅོད་པ༌ལ། ཉི་རོ་ཀི་ རོ་ཀ་ཨུང་ བོང་ཁེ་བིན་ཐཱན་ རོག་ཤོ་ བཱརའ་རྒྱལ་ཁབ་ཐུར་ག་ཏཱན་ དི་ཝ༌ལ། 34ཉི་སེ་མིན་པེ་རེན་པ་ཀབ་ཉི་ ས་ཡོན་ད་གི་ རོ་ཀ་གཡོག་པ་བ་ རོ་ཀ་ཕང་དོག་པེ་དེན་གེ་ ཀུན་ཏི་ཝ༌ལ། 35དག་པ་ཀབ་ཉི་ བོང་ཁེ་ལ་ཁཱན་བ་ཀི་ རོ་ཀ་གཡོག་པ་བ་ཙུང་ཉི་བུ་ཝ༌ལ། རོག་ཏེ་བ་ཀི་ གཡོག་པ་ཐུར་ཀོང་མ༌ལ། ཉི་གཡོག་པ་ཐུར་ཤོ་ཤེ་ཝ༌ལ། ཉི་ཨོམ་ཆང་རང་ གཡོག་པ་ཐུར་ཤོ་ ལུ་ཤི་དྲོ་མ༌ལ། 36ཉི་ས་ཡོན་ད་གི་ ཨོམ་ཆང་རང་ བཱརའ་གཡོག་པ་མང་པུ་ཐུར་ ཀུན་ཏི་ཝ༌ལ། དག་པ་ཀབ་ཉི་ བོང་ཁེ་ལ་ཁཱན་བ་ཀི་ རོག་ཏེ་བ་བུ་ ཨུ་ཉུ་པུརུས་ཀིན་ཨ་ཉི་རང་ ཨ་ཝ༌ལ།
37ཇུ་ཀ་དག་པ་ཀབ་ཉི་ ས་ཡོན་ད་གི་མི་ཝ༌ལ། བོང་ཁེ་ལ་ཁཱན་བ་ཀི་ ཇ་ག་ཟ་ག་ཏ་ གུས་ཞབས་ཨ་ལེ་དག༌ཉི། ཉི་རོ་ཀི་ རོ་ཀ་ཟ་ཀུན་ཏི་ཝ༌ལ།
38དག་པ་ཀབ་ཉི་ བོང་ཁེ་ལ་ཁཱན་བ་ཀི་ ཟ་ཨོ་ཕ་ཐོང་མ་ཀབ་ཉི་ རོག་ཏེ་བ་ནང་དོ་ ཐུར་གི་ཐུར་ག་ཡེག་པ་ལ་ ཨོ་ཐ་སོ་ངོ་ཤོ་ ས་ཡོན་ད་ག་ཟ་གི༌ལ། ཨ་ཤི་རོག་ཤེ་ཁེ། ཉི་ཨོ་ཐ་ས་ ཨ་ཧ་རི་ལེ་དག༌ཉི། 39ཉི་རོག་ཏེ་བ་ཀི་ རོག་ཙུང་ཉི་ ཨུང་གེ་ཕིས་ཀ་བུན་ཐཱན་ ཤེ་ཝ༌ལ།
40ས་ཡོན་ད་ ཨོ་ཕ་ཀབ་ཉི་ རོ་ཀི་བོང་ཁེ་ལ་ཁཱན་བ་ཀ་ ཧང་ཨ་ལེ་ཡ་དག་ཉི་ ཇི་མ༌ལ།
41རོག་ཏེ་བ་ཀི་ཞུ་ཝ་ལ་ རོ་ཀི་ཨོ་ཉ་བོང་ཁེ་ལ་ཁཱན་ སོ་ངོ་ཏེ་ངན་བ་ཤེན་ཐཱན་ སེ་མིན་པ་ཀབ་ཉི་ རོ་ཀ་ཕང་བི་ཁཱན་ སོ་ངོ་བ་ཀ་ རོ་ཀི་ རོ་ཀ་ཨུང་ བོང་ཁེ་ག་བི་ལེ་དག༌ཉི།
42ཡི་ཤུ་གི་ རོག་ཏེ་བ་ཀ་ ཇི་མ་ལ་
ལུང་བཟོ་པ་གི་ མ་ཚཱས་ཁཱན་ལུང་ཁེ་པ་ ཟུར་ལུང་རི་ཝ། ཨུ་ཐུ་ཤོ་ གཙོ་བོ་གི་ མཛད་པ་ཨ་དེན་གེ་ ཨ་ཤི་གོད་པ་ཀབ་ཉི་ ཡིད་ཆི་ན་#21:42 མགུར་མ་ག་དཔེ་ཆ་ 118:22,23 དག༌ཉི་
ཤོ་ཁཱན་ གསུང་རབ་ཁེ་པ་ ན་ཤི་ཧ་ལ་རང་མ་ལྷག་ཅི་སྨོ། 43ཨོ་ཉི་ཨ་དེན་གེ་ ཇི་གི་ ན་ཧ་ཡེག་ཅ་ དཀོན་མཆོག་ག་རྒྱལ་སྲིད་ཁེ་པ་ ན་ཧ་པོང་ཀེ་བུན་ཐཱན་ སེ་ལེག་པུ་སེ་ཁཱན་ མི་རིགས་ག་ཏཱན་བི༌ལེ། 44ཨི་བི་ ཨོ་ཐ་ལུང་ཐུང་ཀ་ཞུད་ཉི་ཁེ་ཝ་ཐུར་ ཨོ་ཉ་སོ་ངོ་ཁེ་པ་ བོག་པི་དིར༌པེ། ཉི་ཨི་བི་ག་ཐུང་ཀ་ ཨོ་ཐ་ལུང་ཞུད་ཉི་ཁེ་ཝ་ཐུར་ ཨོ་ཉ་སོ་ངོ་ཁེ་པ་ཆེད་པེ་དག༌ཉི།
45བླ་མ་ཆི་ལུ་བ་དང་ ཕ་རི་སི་པ་བ་ཀི་ ཨོ་ཐ་དཔེ་གཏམ་བ་ ན་ཐ་ལ་ཀབ་ཉི་ ཡི་ཤུ་གི་ རོག་ཏེ་བ་ཀ་ཀོར་གེ་ གསུངས་མ་གི་ལ་དག་ཉི་ རོག་ཏེ་བ་ཀི་ ཧ་གོ་ཝ༌ལ། 46ཨོ་ཉི་ཨ་དེན་གེ་ རོག་ཏེ་བ་ཀི་ རོག་ཙུང་མེ་གོད་པ༌ལ། དག་པ་ཀབ་ཉི་ སོ་ངོ་བ་ཀི་ རོག་ཤོ་ ལུང་བསྟན་པ་གི་ལ་དག་ཉི་ དད་པ་ཨ་ཝ་ཨ་དེན་གེ་ རོག་ཏེ་བ་ སོ་ངོ་བ་ཀེ་ ཡོང་ཁེ་ཝ༌ལ༎
Currently Selected:
མ་ཏི། 21: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མ་ཏི། 21
21
ཡི་ཤུ་ཡ་རུ་ཤ་ལེམ་ནང་ཀ་བྱོན་མ༌ལ།
1ཡི་ཤུ་དང་རོ་ཀ་སློ་མ་བ་ ཡ་རུ་ཤ་ལེམ་ར་ག་ཏེབ་ཅ་ཨ་ཉི་ ཨོ་ལིབ་ཤིང་ཕུ་ཐུང་ཀ་ཆོ་ཁཱན་ བེད་ཕ་གེ་དག་ས་ག་ ཕེབས་པ་ཀབ་ཉི་ ཡི་ཤུ་གི་ རོ་ཀ་སློ་མ་ཉིག་ཙིང་ རོ་ཀེ་གུམ་གུམ་ཀུན་ཏི་ཝ༌ལ། 2ན་ཆིང་ ན་ཧ་གུབ་ཀ་ཆོ་ཁཱན་ དུང་ག་ཏཱན་དི། ཉི་ན་ཆིང་གི་ བོང་བ་ད་མ་ཐུར་ རོ་ཀ་ད་ཟ་ཀབ་ཉི་ ཆེང་ཉི་ཐ་ཝ་ཨ་ཝ་ཐོང༌མེ། ལཱན་ཕེག་ཐཱན་ ཨོ་ཉ་བོང་བ་ཉིག་ཙིང་ ཇང་ཆོ་ས་ག་ཏཱན་ཕའི། 3ཨི་བི་གི་ ན་ཧ་ཏཱན་ ཧང་ཐུར་ཇིམ་ནེ་ལ་ གཙོ་བོ་ག་དེན་གེ་ ཚཱས་པ་ཅ་དག་ཉི་ ཡེག་ཅོ། ཉི་ཨོ་ཉ་བོང་བ་ཉིག་ཙིང་ ཨོ་ཉ་ཐྲེ་ཀེ་རང་ ཀུན་ཏི་ལེ་དག་ཉི་ གསུངས་མ༌ལ།
4ཨུ་ཐུ་ཤོ་ ལུང་བསྟན་པ་གི་ གསུངས་ཁཱན་ཁེ་པ་ དེན་ཐ་འགྲུབ་ཕེ་དེན་གེ་ ཇུང་མ་ཆོ་ཝ༌ལ།
5སི་ཡོན་ག་ ཟ་མིན་བ་ཀ་ཡེག་ཅོ། གོད་ཅོ་ ན་ཧ་དཔོན་ གནམ་མེད་ས་མེད་ ཉམ་ཆུང་ཨ་ཉི་ བོང་བ་ད་མ་ཐུང་ཀ་དང་ རོ་ཀ་ད་ཟ་ག་ཐུང༌ཀ་ ཕྱི་པ་བཞེས་ཉི་ ན་ཧ་བཱརང་ཀ་བྱོན་ལ་#21:5 ཇ་ཀ་རི་ཡ་ག་དཔེ་ཆ་ 9:9 དག་ཉི་
ལུང་བསྟན་མ་ཆོ་ཝ༌ལ།
6སློ་མ་ཉིག་ཙིང་དིན་ཐཱན་ ཡི་ཤུ་གི་ གསུངས་མ་ད་བུ་རང་ ཨ་ཝ༌ལ། 7རོག་ཉིག་ཙིང་གི་ བོང་བ་ད་མ་དང་ རོ་ཀ་ད་ཟ་ཕཱན་ཐཱན་ རོག་ཏེ་བ་ཀ་ ཁ་མུང་ས་རི་བ་ བོང་བ་ག་ཐུང་ཀ་ཁེ་མ༌ལ། ཉི་ཡི་ཤུ་ ཨོ་ཉ་བོང་བ་ཐུང་ཀ་བཞུགས་པ༌ལ།
8སོ་ངོ་མང་པུ་ཐུར་ ཛོམ་ས་ག་པོང་ཀེ་ མང་པུ་ཐུར་གི་ རོག་ཏེ་བ་ཀ་ ཁ་མུང་ས་རི་ ལབ་ཀ་ཁེ་མ༌ལ། ཉི་ཚེ་བང་གི་ ཤིང་ཤ་བ་ཆོ་ཁཱན་ ད་ཀ་བ་ཅཱད་ཕཱན་ཐཱན་ ལབ་ཀ་ཁེ་མ༌ལ། 9ཉི་གུམ་གུམ་དང་ ཚིང་ཚིང་ཆོ་ཁཱན་སོ་ངོ་བ་ཀི་ ཤ་དར་ཕི་ཉི་
ད་ཝུད་ག་སྲས་ག་ བསྟོད་པ་ཕུལ༌ཤོ། ཉི་གཙོ་བོ་ག་མཚན་ག་ བྱོན་ཁཱན་ཁེ་པ་ བྱིན་རླབས་ཅན་གི༌ལ།#21:9 མགུར་མ་ག་དཔེ་ཆ་ 118:26 ཞིང་ཁམས་ག་བཞུགས་ཁཱན་ དཀོན་མཆོག་ག་ བསྟོད་པ་ཕུལ་ཤོ་ དག་ཉི་
ཞུ་ཝ༌ལ།
10རོག་ཡ་རུ་ཤ་ལེམ་ནང་ཀ་ ནུབ་ཅ་ཨ་ཉི་ ཁྲོམ་ཆེན་ ཐམས་ཅན་རང་ ཟིང་པ་རི་ཝ༌ལ། རོག་ཤོ་ ཨི་བི་གི་ལ་ཡ་དག་ཉི་ སོ་ངོ་བ་ཀི་ཇི་མ༌ལ།
11ཉི་རོ་ཀ་ཀོ་ལོ་ལོ་ཛོམ་ཁཱན་ སོ་ངོ་བ་ཀི་ལན་ཨ་ཉི་ རོག་ཤོ་ ག་ལིལ་ཆ་འོག་ག་ ཁྲོམ་ནཱས་རཱད་གེ་བྱོན་ཁཱན་ ལུང་བསྟན་པ་ ཡི་ཤུ་གི་ལ་དག་ཉི་ ཡེག་པ༌ལ༎
ཡི་ཤུ་ མཆོད་ཁང་ནང་ཀ་བྱོན་མ༌ལ།
12ཡི་ཤུ་ དཀོན་མཆོག་ག་ མཆོད་ཁང་ནང་ཀ་བྱོན་ཐཱན་ ཚོང་ཙོང་ཁཱན་བ་དང་ ངོ་ཁཱན་བ་ ཐམས་ཅན་རང་ ཕིས་ཀ་ཁོན་མ༌ལ། ཉི་རོ་ཀི་ ཏི་རུ་ལེང་ཁཱན་བ་ཀ་ དོང་ཏཱན་བ་དང་ ཏི་ཏ་ར་ཙོང་ཁཱན་བ་ཀ་ རྐང་ཁྲི་བ་གིར་ཉི་གེ་མ༌ལ། 13ཉི་རོ་ཀི་ རོག་ཏེ་བ་ཀ་གསུངས་མ་ལ་ ཇ་ག་ཕའི་ཤོ་ སྨོན་ལམ་ག་ཕའི་ཨན་ ཆིན་མེ་#21:13 ཡ་ཤའི་ཡ་ག་དཔེ་ཆ་ 56:7 དག་ཉི་ གསུང་རབ་གེ་ཤོན༌ཅ། དག་པ་ཀབ་ཉི་ ན་ཧ་བ་ཀི་ ཅོམ་ཁཱན་བ་ཀ་བཱརང་ ཅོད་པ་ལ་#21:13 ཡར་མི་ཡ་ག་དཔེ་ཆ་ 7:11 དག༌ཉི།
14མིང་ཀ་ན་བ་དང་ དང་མེ་མར་ཁཱན་སོ་ངོ་བ་ མཆོད་ཁང་ནང་ཀ་ རོ་ཀ་སྐུན་མདུན་ག་ཤེག་པ༌ལ། ཉི་རོ་ཀི་ རོག་ཏེ་བ་ དྲག་གནང་མ༌ལ།
15དག་པ་ཀབ་ཉི་ ཡ་ཧུ་དི་པ་ག་ བླ་མ་ཆི་ལུ་བ་དང་ བཀའ་ཁྲིམས་ག་ སློབ་དཔོན་བ་ཀི་ ཡི་ཤུ་གི་མཛད་ཁཱན་ ཨོ་ཐ་ཡིད་ཆི་ཝ་ག་ ཕྱག་ལཱ་བ་ཐོང་མ༌ལ། ཉི་མཆོད་ཁང་ནང་ཀ་ཆོ་ཁཱན་ ཝག་ཙ་བ་ཀི་ ཤ་དར་ཕི་ཉི་ ད་ཝུད་ག་སྲས་ག་ བསྟོད་པ་ཕུལ་ཤོ་དག་ཉི་ ཞུ་ཝ་ག་ ན་ཐ་ལ་ཀབ་ཉི་ རོག་ཏེ་བ་ རོ་ཙིག་པ༌ལ།
16རོག་ཏེ་བ་ཀི་ རོ་ཀ་ཇི་མ་ལ་ ཨོ་ཐ་ཝག་ཙ་བ་ཀི་ ཧང་ཡེག་ལ་སྨོ་ ནཱན་གི་ ན་ཐ་ན་སྨོ་དག༌ཉི།
རོ་ཀི་གསུངས་མ་ལ་ ཇི་གི་ན་ཐ་ན། དག་པ་ཀབ་ཉི་ ནཱན་གི་ཝག་ཙ་བ་དང་ མིང་བུ་བ་ཀ་ ན་ག་བསྟོད་པ་ཕུལ་བེ་ག་ ཡེན་བི་ཝ་ལ་#21:16 མགུར་མ་ག་དཔེ་ཆ་ 8:2 དག་ཉི་ གསུང་རབ་གེ་ཤོ་ཁཱན་ཁེ་པ་ ན་ཤི་ཧ་ལ་རང་ མ་ལྷག་ཅི་སྨོ་དག༌ཉི། 17ཉི་རོག་ཏེ་བ་ ཐུབ་ཐ་ཉི་ ཁྲོམ་ཆེན་གེ་ཕིས་ཀ་ཆོ་ཁཱན་ བེ་ཐ་ནི་ཡ་དག་ས་ག་བྱོན་ཐཱན་ བི་ནང་ཐུར་བཞུགས་པ༌ལ༎
ལྕོག་མ་ཤིང་སང་མ༌ལ།
18ཝུན་བེད་པེ་རང་ རོག་ལོག་ཉི་ ཁྲོམ་ཆེན་ག་བྱོན་ཅ་ཨ་ཉི་ གསོལཝ་ཀིད་པ་ཅ་གི་ཝ༌ལ། 19ལམ་ར་ག་རང་ ལྕོག་མ་ཤིང་ཐུར་ཐོང་ཉི་ ར་ག་བྱོན་ཐཱན་ གཟིགས་པ་ཀབ་ཉི་ སེ་བུ་དང་ཐུར་རང་མ་ཝ་ ཤ་བ་ཙང་པུ་ཅ་གི་ཝ༌ལ། ནཱན་གེ་ལོག་ཉི་ སེ་ཧ་ལ་རང་ མ་སེ་ལ་དག་ཉི་ ཡི་ཤུ་གི་ ལྕོག་མ་ཤིང་ག་གསུངས་མ༌ལ། ཉི་ཨོ་ཉ་ཐྲེ་ཀེ་རང་ ལྕོག་མ་ཤིང་སང་མ༌ལ།
20སློ་མ་བ་ཀི་ཐོང་མ་ཀབ་ཉི་ རོག་ཏེ་བ་ཡིད་ཆི་ཉི་ ཞུ་ཝ་ལ་ ཨོ་ཐ་ལྕོག་མ་ཤིང་ ཤེབ་ཐུར་ག་རང་ ཧང་ཏེན་སང་མ་ཡ་དག༌ཉི།
21ཡི་ཤུ་གི་གསུངས་མ་ལ་ ཇི་གི་ ན་ཧ་ཐྲང་ཉི་ཡེག་ཅ་ ན་ཤི་དད་པ་ཀེན་ཐཱན་ དོགས་པ་མ་སག་ནེ་ལ་ ཇི་གི་ལྕོག་མ་ཤིང་ག་ ཨ་ཁཱན་ཁེ་པ་ ན་ཤི་བུ་ཨ་ལེ་རེ༌བེ། ཉི་ཨུ་ཉུ་མ་ཚཱད་པ་ ན་ཤི་ཨོ་ཐ་ཕུ་ག་ཏཱན་ ཨོ་ཐ་གེ་སིག་ཉི་དིན་ཐཱན་ རྒྱམ་མཚོ་ནང་ཀ་ ཐིམ་ཤོ་དག་ཉི་ ཡེག་ནེ་བུ་ ན་ཤི་ཡེག་ཁཱན་ཁེ་པ་ཇུང༌མེ། 22ཧང་ཡ་དག་ནེ་ལ་ ན་ཧ་དད་པ་ཆོ་ནེ་ལ་ ན་ཤི་སྨོན་ལམ་ག་ ཧང་ཞུ་ཝ་ཐུར་ ན་ཤི་ཉོང་པེ་དག༌ཉི༎
ཡི་ཤུ་ག་དབང་ཚད་ག་ཀོར་གེ་ཇི་མ༌ལ།
23ཡི་ཤུ་ མཆོད་ཁང་ནང་ཀ་བྱོན་ཐཱན་ སོ་ངོ་བ་ཀ་ཡེ་ལེ་གང་ཀ་ བླ་མ་ཆི་ལུ་བ་དང་ སོ་ངོ་ཆི་ལུ་བ་ རོ་ཀ་སྐུན་མདུན་ག་ཤེག་ཉི་ ཇི་མ་ལ་ ནཱན་གི་ཨོ་ཐ་བ་ ཧང་ག་དབང་ཚད་གི་ཨ་ཉི་ ཨན་ཅ་ཡ། ཉི་ཨོ་ཐ་དབང་ཚད་ ན་ག་ཨི་བི་གི་གནང་མ་ཡ་དག༌ཉི།
24ཡི་ཤུ་གི་ལན་གནང་ཉི་ ཇི་གི་བུ་ ན་ཧ་ཆཱས་ཐུར་ཇི༌མེ། ཉི་ན་ཤི་ ཇ་ག་ལན་ག་ནེ་ལ་ ཇི་གི་ཧང་ག་དབང་ཚད་གི་ཨ་ཉི་ ཨོ་ཐ་བ་ ཨན་ཅ་གི་ལ་སྨོ་ ཨོ་ཉ་ཀོར་གེ་ ཇི་གི་ ན་ཧ་ཡེག་པེ་དག་ཉི་ གསུངས་ཐཱན་ 25ཡུ་ཧན་ན་ག་ཁྲུས་གསོར་ ཨོ་གེ་གི་ལ་ཡ། ཞིང་ཁམས་གེ་སྨོ་ སོ་ངོ་གེ་ཡ་དག་ཉི་ ཇི་མ༌ལ།
ཉི་རོག་ཏེ་བ་ནང་དོ་ ཆཱས་ཨ་ཉི་ཡེག་པ་ལ་ ཨ་ཤི་ཞིང་ཁམས་གེ་གི་ལ་དག་ཉི་ ཡེག་ནེ་ལ་ རོ་ཀི་གསུངས་མེ་ ཞིང་ཁམས་གེ་གི་ནེ་ལ་ ན་ཤི་ རོ་ཀ་ཧང་ཨ་ཉི་ དད་པ་མ་ཨན་ཤི་ཡ་དག༌ཉི། 26ཉི་ཨོམ་ ཨ་ཤི་ རོག་སོ་ངོ་གེ་གི་ལ་དག་ཉི་ ཡེག་ནེ་ལ་ སོ་ངོ་ཐམས་ཅན་གི་ ཡུ་ཧན་ན་ཤོ་ ལུང་བསྟན་པ་ཨ་ཉི་ཙིན༌ཅ། ཨོ་ཉི་ཨ་དེན་གེ་ སོ་ངོ་བ་ཀི་ ཨ་ཧ་བ་ ཀ་ལུ་ཅོད་པེ་དག༌ཉི། 27ཨོ་ཉི་ཨ་དེན་གེ་ རོག་ཏེ་བ་ཀི་ལན་ཨ་ཉི་ ཨ་ཤི་ རོག་ཨོ་གེ་གི་ལ་སྨོ་ མ་སེ་ལ་དག་ཉི་ ཞུ་ཝ༌ལ།
ཉི་ཡི་ཤུ་གི་ རོག་ཏེ་བ་ཀ་གསུངས་མ་ལ་ ཉི་ལ་ ཧང་ག་དབང་ཚད་གི་ཨན་ ཇི་གི་ཨོ་ཐ་བ་ཨན་ཅ་གི་ལ་སྨོ་ ཇི་གི་བུ་ ན་ཧ་མ་ཡེག་པ་དག༌ཉི༎
ཟ་ཉིག་ཙིང་ག་དཔེ་གཏམ།
28ན་ཤི་ཨོ་ཐ་ཀོར་གེ་ ཧང་ད་བུ་མི་ན་ཡ། སོ་ངོ་ཐུར་ག་ ཟ་ཉིག་ཙིང་ཆོ་ཝ༌ལ། ཉི་རོ་ཀི་ རོ་ཀ་ཟ་ཆི་ལུ་ཁེན་ག་ ཡེག་པ་ལ་ ཟ་ ཐི་ནོང་ ནཱན་ཨུང་ག་དིན་ཐཱན་ ལའི་ཨའི་དག༌ཉི། 29ཟ་གི་ཡེག་པ་ལ་ ཇང་མ་དི་ལ་དག༌ཉི། དག་པ་ཀབ་ཉི་ རེབ་ཀིན་ཐུར་ག་ཚི་ངེ་ རོ་ཀ་སེམས་སོར་ཉི་ ལའི་ཨ་ལེ་ག་དི་ཝ༌ལ། 30ཉི་ཟ་ཟེ་མུ་ག་བཱརང་ཀ་དིན་ཐཱན་ ཨུ་ཉུ་པུརུས་ཀིན་རང་ ཡེག་པ་ཀབ་ཉི་ ཟ་གི་ཡེག་པ་ལ་ དྲིག་པེ་ཨ་པ་དག༌ཉི། དག་པ་ཀབ་ཉི་ རོ་ཀི་ལའི་ཨ་ལེ་ག་ མ་དི་ཝ༌ལ།
31ཨ་པ་གི་ཡེག་ཁཱན་དང་ཏུ་ཉི་ རོག་ཉིག་ཙིང་གེ་ ཨི་བི་གི་ཨ་ཝ་ཡ་དག་ཉི་ ཇི་མ་ཀབ་ཉི་ ཟ་ཆི་ལུ་གི་དག་ཉི་ རོག་ཏེ་བ་ཀི་ ཞུ་ཝ༌ལ།
ཉི་ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཇི་གི་ ན་ཧ་ཐྲང་ཉི་ཡེག་ཅ་ ན་ཧ་བ་ཀེ་གུམ་གུམ་ ཁྲལ་ཐེབ་དུས་ཁཱན་བ་དང་ གཞང་བཙོང་མིན་བ་ དཀོན་མཆོག་ག་ རྒྱལ་སྲིད་ནང་ཀ་ནུབ་ལ་དག༌ཉི། 32ཧང་ཡ་དག་ནེ་ལ་ ཡུ་ཧན་ན་ ཨ་ཧ་བཱརང་ཀ་ ལམ་དེན་པ་གེན་མེ་དེན་གེ་ ཨོ་ཕ་ཆོ་ཝ། ཉི་ན་ཤི་ རོ་ཀ་དད་པ་མ་ཨན་ཤི། དག་པ་ཀབ་ཉི་ ཁྲལ་ཐེབ་དུས་ཁཱན་བ་དང་ གཞང་བཙོང་མིན་བ་ཀི་ རོ་ཀ་དད་པ་ཨ་ཝ། ཉི་ཨོ་ཐ་བ་ ཇུང་མ་ག་ ཐོང་ཐཱན་རང་གི་ནེ་བུ་ ན་ཤི་སྡིག་པ་གེ་མ་ལོག་ཅི། ཉི་རོ་ཀ་དད་པ་མ་ཨན་ཤི༎
ཉི་པ་བ་ཀ་དཔེ་གཏམ།
33ཨོམ་ཆང་རང་ དཔེ་གཏམ་ཐུར་ཉཱན་ཅོ། ས་ཡོན་ད་ཐུར་གི་ རོ་ཀ་ས་ག་ ཨང་གུར་ཆེན་ཐཱན་ ཨོ་ཉ་ཨུང་ཀོ་ལོ་ལོ་ དེང་ཙི་གབ་ཉི་ རེ་དང་ཕི་ཝ༌ལ། ཉི་ས་ཇེག་ཉི་ ཨང་གུར་སེ་དྲ་ཕེ་ག་ བཱརང་ཅོད་ཐཱན་ གོད་པེ་ག་དེན་གེ་ ཕའི་ཅེན་མུ་ཐུར་ཅོད་པ༌ལ། ཉི་རོ་ཀི་ རོ་ཀ་ཨུང་ བོང་ཁེ་བིན་ཐཱན་ རོག་ཤོ་ བཱརའ་རྒྱལ་ཁབ་ཐུར་ག་ཏཱན་ དི་ཝ༌ལ། 34ཉི་སེ་མིན་པེ་རེན་པ་ཀབ་ཉི་ ས་ཡོན་ད་གི་ རོ་ཀ་གཡོག་པ་བ་ རོ་ཀ་ཕང་དོག་པེ་དེན་གེ་ ཀུན་ཏི་ཝ༌ལ། 35དག་པ་ཀབ་ཉི་ བོང་ཁེ་ལ་ཁཱན་བ་ཀི་ རོ་ཀ་གཡོག་པ་བ་ཙུང་ཉི་བུ་ཝ༌ལ། རོག་ཏེ་བ་ཀི་ གཡོག་པ་ཐུར་ཀོང་མ༌ལ། ཉི་གཡོག་པ་ཐུར་ཤོ་ཤེ་ཝ༌ལ། ཉི་ཨོམ་ཆང་རང་ གཡོག་པ་ཐུར་ཤོ་ ལུ་ཤི་དྲོ་མ༌ལ། 36ཉི་ས་ཡོན་ད་གི་ ཨོམ་ཆང་རང་ བཱརའ་གཡོག་པ་མང་པུ་ཐུར་ ཀུན་ཏི་ཝ༌ལ། དག་པ་ཀབ་ཉི་ བོང་ཁེ་ལ་ཁཱན་བ་ཀི་ རོག་ཏེ་བ་བུ་ ཨུ་ཉུ་པུརུས་ཀིན་ཨ་ཉི་རང་ ཨ་ཝ༌ལ།
37ཇུ་ཀ་དག་པ་ཀབ་ཉི་ ས་ཡོན་ད་གི་མི་ཝ༌ལ། བོང་ཁེ་ལ་ཁཱན་བ་ཀི་ ཇ་ག་ཟ་ག་ཏ་ གུས་ཞབས་ཨ་ལེ་དག༌ཉི། ཉི་རོ་ཀི་ རོ་ཀ་ཟ་ཀུན་ཏི་ཝ༌ལ།
38དག་པ་ཀབ་ཉི་ བོང་ཁེ་ལ་ཁཱན་བ་ཀི་ ཟ་ཨོ་ཕ་ཐོང་མ་ཀབ་ཉི་ རོག་ཏེ་བ་ནང་དོ་ ཐུར་གི་ཐུར་ག་ཡེག་པ་ལ་ ཨོ་ཐ་སོ་ངོ་ཤོ་ ས་ཡོན་ད་ག་ཟ་གི༌ལ། ཨ་ཤི་རོག་ཤེ་ཁེ། ཉི་ཨོ་ཐ་ས་ ཨ་ཧ་རི་ལེ་དག༌ཉི། 39ཉི་རོག་ཏེ་བ་ཀི་ རོག་ཙུང་ཉི་ ཨུང་གེ་ཕིས་ཀ་བུན་ཐཱན་ ཤེ་ཝ༌ལ།
40ས་ཡོན་ད་ ཨོ་ཕ་ཀབ་ཉི་ རོ་ཀི་བོང་ཁེ་ལ་ཁཱན་བ་ཀ་ ཧང་ཨ་ལེ་ཡ་དག་ཉི་ ཇི་མ༌ལ།
41རོག་ཏེ་བ་ཀི་ཞུ་ཝ་ལ་ རོ་ཀི་ཨོ་ཉ་བོང་ཁེ་ལ་ཁཱན་ སོ་ངོ་ཏེ་ངན་བ་ཤེན་ཐཱན་ སེ་མིན་པ་ཀབ་ཉི་ རོ་ཀ་ཕང་བི་ཁཱན་ སོ་ངོ་བ་ཀ་ རོ་ཀི་ རོ་ཀ་ཨུང་ བོང་ཁེ་ག་བི་ལེ་དག༌ཉི།
42ཡི་ཤུ་གི་ རོག་ཏེ་བ་ཀ་ ཇི་མ་ལ་
ལུང་བཟོ་པ་གི་ མ་ཚཱས་ཁཱན་ལུང་ཁེ་པ་ ཟུར་ལུང་རི་ཝ། ཨུ་ཐུ་ཤོ་ གཙོ་བོ་གི་ མཛད་པ་ཨ་དེན་གེ་ ཨ་ཤི་གོད་པ་ཀབ་ཉི་ ཡིད་ཆི་ན་#21:42 མགུར་མ་ག་དཔེ་ཆ་ 118:22,23 དག༌ཉི་
ཤོ་ཁཱན་ གསུང་རབ་ཁེ་པ་ ན་ཤི་ཧ་ལ་རང་མ་ལྷག་ཅི་སྨོ། 43ཨོ་ཉི་ཨ་དེན་གེ་ ཇི་གི་ ན་ཧ་ཡེག་ཅ་ དཀོན་མཆོག་ག་རྒྱལ་སྲིད་ཁེ་པ་ ན་ཧ་པོང་ཀེ་བུན་ཐཱན་ སེ་ལེག་པུ་སེ་ཁཱན་ མི་རིགས་ག་ཏཱན་བི༌ལེ། 44ཨི་བི་ ཨོ་ཐ་ལུང་ཐུང་ཀ་ཞུད་ཉི་ཁེ་ཝ་ཐུར་ ཨོ་ཉ་སོ་ངོ་ཁེ་པ་ བོག་པི་དིར༌པེ། ཉི་ཨི་བི་ག་ཐུང་ཀ་ ཨོ་ཐ་ལུང་ཞུད་ཉི་ཁེ་ཝ་ཐུར་ ཨོ་ཉ་སོ་ངོ་ཁེ་པ་ཆེད་པེ་དག༌ཉི།
45བླ་མ་ཆི་ལུ་བ་དང་ ཕ་རི་སི་པ་བ་ཀི་ ཨོ་ཐ་དཔེ་གཏམ་བ་ ན་ཐ་ལ་ཀབ་ཉི་ ཡི་ཤུ་གི་ རོག་ཏེ་བ་ཀ་ཀོར་གེ་ གསུངས་མ་གི་ལ་དག་ཉི་ རོག་ཏེ་བ་ཀི་ ཧ་གོ་ཝ༌ལ། 46ཨོ་ཉི་ཨ་དེན་གེ་ རོག་ཏེ་བ་ཀི་ རོག་ཙུང་མེ་གོད་པ༌ལ། དག་པ་ཀབ་ཉི་ སོ་ངོ་བ་ཀི་ རོག་ཤོ་ ལུང་བསྟན་པ་གི་ལ་དག་ཉི་ དད་པ་ཨ་ཝ་ཨ་དེན་གེ་ རོག་ཏེ་བ་ སོ་ངོ་བ་ཀེ་ ཡོང་ཁེ་ཝ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved