རོ་མི། 2
2
དཀོན་མཆོག་ག་ཁྲིམས་དྲང་པུ།
1ཨོ་ཉི་ཨ་དེན་གེ་ བཱརའ་ག་ ཅོན་ཏག་ཁཱན་སོ་ངོ་བ་ ནའི་ཨི་བི་རང་གི་ནེ་བུ་ དོས་ཏག་པེ་མཱན༌ཅ། ཧང་ཡ་དག་ནེ་ལ་ ན་ཤི་བཱརའ་ག་ཅོན་ཏག་ཉི་ ནའི་ཏེན་ག་ཅོན་ཏག་ཅ་གི༌ལ། ཧང་ཡ་དག་ནེ་ལ་ ཅོན་ཏག་ཁཱན་ ནའི་དྲང་དཔོན་བ་ཀི་བུ་ རོག་ཏེ་བ་ད་བུ་རང་ཨ་ན། 2ཨུ་ཉུ་ད་བུ་ཨ་ཁཱན་ ཐམས་ཅན་ག་ དེན་པ་དང་ཏུ་ཉི་ དཀོན་མཆོག་གི་ ཁྲིམས་ཅཱད་ཉི་གནང་མེ་དག་ཉི་ ཨ་ཤི་སེན༌ཅ། 3དབའི་སོ་ངོ་བ་ ན་ཤི་བཱརའ་ག་ཅོན་ཏག༌ལ། དག་པ་ཀབ་ཉི་ ནའི་ཏེན་གི་བུ་ རོག་ཏེ་བ་ད་བུ་རང་ཨ་ན། ཧང་ན་ཤི་ དཀོན་མཆོག་ག་ཁྲིམས་གེ་ གཱན་ཐར་བེ་དག་ཉི་ མི་ན་སྨོ། 4ཡང་ན་ལ་ དཀོན་མཆོག་གི་ ན་ཧ་གནམ་མེད་ས་མེད་ བྱམས་པར་ཀེ་ཉི་ བཟོད་པར་སྒོམ་ཉི་ ཐེས་ཉི་བཞུགས་པ་ག་ ན་ཤི་སེ་ལུ་མ་ལ་སྨོ། ལག་ཏང་ ན་ཤི་ཧང་ཨ་ཉི་ ཡེ་དང་ཨན་ཅ་ཡ། ན་ཧ་བ་ སྡིག་པ་གེ་ལོག་ཅེན་དག་པ་གི་ དཀོན་མཆོག་གི་ ན་ཧ་ཏཱན་ བྱམས་པར་ཀེ་ཉི་གནང་ཁཱན་ཁེ་པ་ ན་ཤི་ཧ་གོ་ལུ་མ་ལ་སྨོ།
5དག་པ་ཀབ་ཉི་ ན་ཧ་སེམས་ཤོ་ ཀག་ཏར་དང་ལུང་ཏོང་རི་ཉི་ དཀོན་མཆོག་ག་ཏཱན་ ལོག་པེ་ན་ལུ་མ༌ལ། ཨོ་ཉི་ཨ་དེན་གེ་ ན་ཤི་ ནའི་ཏེན་ག་ཐུང་ཀ་ ཁྲིམས་སག་ཉི་ཐ་ན། ཨོ་ཉ་དགོངསམ་ཁྲེལ་པེ་ནོང་ཀ་ ཁྲིམས་ཐྲང་ཉི་གནང་ཁཱན་ དཀོན་མཆོག་གི་ 6སོ་ངོ་ཐམས་ཅན་ག་ རང་རང་ས་ལའི་དང་ཏུ་ཉི་ ཁྲིམས་ཅཱད་ཉི་གནང༌མེ།#2:6 མགུར་མ་ག་དཔེ་ཆ་ 62:12; དཔེ་གཏམ་རིག་པ་ག་དཔེ་ཆ་ 24:12 7མ་ཆཱད་པ་ཨ་ཉི་རང་ ལེག་པུ་ཨ་ཉི་ གཟི་བརྗིད་དང་གུས་ཞབས་ ཉི་མ་ཤི་ཁཱན་ཚེ་ལམ་ཁཱན་བ་ཀ་ དཀོན་མཆོག་གི་ ཚེ་མ་འགྱུར་བརྟན་པ་གནང༌མེ། 8དག་པ་ཀབ་ཉི་ རང་ཏེན་ག་དེན་གེ་ཤ་མི་ཉི་ དེན་པ་ག་ཆ་གནས་མ་ཐ་ལཱན་ ངན་པ་ལམ་གེ་དང་ཁཱན་ སོ་ངོ་བ་ཀབ་ཉི་ དཀོན་མཆོག་ དགོངསམ་ཁྲེལ་ཉི་ རོག་ཏེ་བ་ཀ་ ཁྲིམས་ཀེ་ཉི་གནང༌མེ། 9ངན་པ་ཨ་ཁཱན་ སོ་ངོ་ཐམས་ཅན་ག་ཐུང་ཀ་ གནམ་མེད་ས་མེད་ ཀ་ལུ་ཏཱད་ཉི་ ནང་དོག་པེ་ཨོ་ཕེ། གོ་རང་ ཡ་ཧུ་དི་པ་བ་ཀ་ཐུང་ཀ་ཨོ་ཕེ། ཉི་གེ་ གིརིག་བ་ཀ་ཐུང་ཀ་ཨོ་ཕེ། 10དག་པ་ཀབ་ཉི་ ལའི་ལེག་པུ་ཨ་ཁཱན་ ཐམས་ཅན་ག་ཐུང་ཀ་ གཟི་བརྗིད་དང་གུས་ཞབས་ ཉི་སྐྱིད་པུ་ཨོ་ཕེ། གོ་རང་ ཡ་ཧུ་དི་པ་བ་ཀ་ཐུང་ཀ་ཨོ་ཕེ། ཉི་གེ་ གིརིག་བ་ཀ་ཐུང་ཀ་ཨོ་ཕེ། 11ཧང་ཡ་དག་ནེ་ལ་ དཀོན་མཆོག་གི་ ཉེ་རིང་ཆི་ལུ་མཱན༌ཅ།
12བཀའ་ཁྲིམས་མ་ཝ་ཨ་ཉི་ སྡིག་པ་ཨ་ཁཱན་བ་ བཀའ་ཁྲིམས་མ་ཝ་ཨ་ཉི་རང་ཤི༌ལེ། ཉི་བཀའ་ཁྲིམས་ཆོན་ཐཱན་ སྡིག་པ་ཨ་ཁཱན་བ་ བཀའ་ཁྲིམས་དང་ཏུ་ཉི་རང་ ཁྲིམས་ཅཱད༌པེ། 13བཀའ་ཁྲིམས་ ན་ཐ་ཝ་ཐུར་གི་ དཀོན་མཆོག་ག་སྤྱན་ག་ དྲང་པུ་ཅོད་ཅ་མང་གི། དག་པ་ཀབ་ཉི་ བཀའ་ཁྲིམས་ག་ ཆ་གནས་ཐ་ཁཱན་བ་ཤ་ དྲང་པུ་ཨ་ཉི་ཆིན་མེ་གི༌ལ། 14ཡ་ཧུ་དི་པ་མང་གི་ཁཱན་བ་ཀ་ བཀའ་ཁྲིམས་མཱན་ཐཱན་རང་གི་ནེ་བུ་ རོག་ཏེ་བ་ཀི་ རང་བཞིན་གེ་ཨ་ཉི་རང་ བཀའ་ཁྲིམས་གེ་ ཤོ་ཝ་དང་ཏུ་ཉི་ཨན༌ཅ། རོག་ཏེ་བ་ཀ་སེམས་ཀི་ གི་ཁཱན་དང་མང་གི་ཁཱན་ པག་པེ་སེན་ཅ་དག་ཉི་ ཨོ་ཉེ་གི་གེན༌ཅ། 15ཨོ་ཐེན་ཨ་ཉི་ བཀའ་ཁྲིམས་ཤོ་ རོག་ཏེ་བ་ཀ་ ཐིང་ལོམ་ ནང་ཀ་འབྲི་བ་ཅ་དག་ཉི་ གེན༌ཅ། ཧང་ཡ་དག་ནེ་ལ་ རོག་ཏེ་བ་ཀ་ སེམས་ཀི་ མ་ལེག་པ་གི་ནེ་ལ་ མ་ལེག་པ་གི་ལ་ཨ་ཉི་གེན༌ཅ། ཉི་ལེག་པུ་གི་ནེ་ལ་ ལེག་པུ་གི་ལ་ཨ་ཉི་གེན༌ཅ། 16ཉི་ཨོ་ཐ་བ་ ཐམས་ཅན་རང་ ཇི་གི་འཐེན་ལེག་པུ་ བཤད་པ་དང་ཏུ་ཉི་ གུམ་ཉི་ཐ་ཁཱན་བ་ ཡི་ཤུ་ཁིརིས་ག་ཐུང་ཀེ་ཨ་ཉི་ དཀོན་མཆོག་གི་ ཁྲིམས་ཅཱད་པེ་ནོང་ཀ་ ཇུང་མེ་གི༌ལ༎
ཡ་ཧུ་དི་པ་བ་དང་བཀའ་ཁྲིམས།
17ན་ཧ་བ་ཀི་ ནའི་ཤོ་ ཡ་ཧུ་དི་པ་གི་ལ་དག་ནེ་ལ་ ན་ཤི་དཀོན་མཆོག་ག་ བཀའ་ཁྲིམས་ག་ཏེན་ཉི་ དཀོན་མཆོག་ཀབ་ཉི་ མཐུན་ལམ་ཅོད་ཅ་གི༌ལ། ཉི་ན་ཤི་ དཀོན་མཆོག་དང་ ན་ཧ་བར་ཀ་ ཧང་རང་མ་དྲིག་པ་ མཱན་ཅ་དག་ཉི་ཡེག་ཉི་ ཁམ་ཙོང༌ཅ། 18རོ་ཀ་ཐུགས་བཞེད་ ཧང་ཅ་གི་ལ་སྨོ་ ན་ཤི་སེན༌ཅ། ཉི་བཀའ་ཁྲིམས་ག་ཐུང་ཀེ་ཨ་ཉི་ ན་ཧ་ཡེ་ཝ་ཨ་དེན་གེ་ ན་ཤི་ཧང་ལེག་པུ་གི་ལ་སྨོ་ ཨུ་ཉུ་བུ་སེན༌ཅ། 19ན་ཤི་མི་ན་ ན་ཧ་བ་ཏེན་ཏེན་རང་ མིང་ཀ་ན་བ་ཀ་ ལམ་རིག་ཁཱན་གི༌ལ། ཉི་མེར་བུ་ནང་ཀ་ཆོ་ཁཱན་བ་ཀ་ འོད་ཟེར་གི༌ལ། 20ངཱད་ཁཱན་ཡོང་བ་བ་ཀ་ བཅོ་ཁ་ཨན༌ཅ། ཉི་ཝག་ཙ་བ་ཀ་ཡེན་བི་ཁཱན་ སློབ་དཔོན་གི༌ལ། ཧང་ཡ་དག་ནེ་ལ་ བཀའ་ཁྲིམས་ནང་ཀ་ཆོ་ཁཱན་ དེན་པ་དང་ཡོན་ཏན་ ཐམས་ཅན་རང་ ན་ཤི་ཉོང་པ༌ཅ།
21ཉི་ལ་ ན་ཤི་བཱརའ་ག་ཡེ་ལེ་རེ་ནེ་ལ་ ནའི་ནའི་ཏེན་གི་ ཧང་ཨ་ཉི་ ཡེ་ལེ་མར་ཅ་ཡ། ན་ཤི་བཱརའ་ག་ དྲོ་ཝཱན་མ་ཨའི་དག་ཉི་ ཡེག༌ལ། དག་པ་ཀབ་ཉི་ ན་ཤི་དྲོ་ཝཱན་ཨན་ཅ་སྨོ། 22བཱརའ་ཀབ་ཉི་ ལུས་འབྲེལ་ཨ་ལེ་ག་ སྡིག་པ་གི་ལ་དག་ཉི་ ན་ཤི་ཡེག༌ལ། དག་པ་ཀབ་ཉི་ ན་ཤི་བཱརའ་ཀབ་ཉི་ ལུས་འབྲེལ་ཨན་ཅ་སྨོ། ན་ཤི་སྐུ་ག་བ་ཟེས་པུ་མ༌ལ། དག་པ་ཀབ་ཉི་ ན་ཤི་ལྷ་ཁང་ནང་ཀེ་ སྐུ་ག་བ་ དྲོ་ཝཱན་ཨ་ལུ་མཱན་ཅ་སྨོ། 23ན་ཤི་བཀའ་ཁྲིམས་སེན་ཅ་དག་ཉི་ ཁམ་ཙོང༌ལ། དག་པ་ཀབ་ཉི་ ན་ཤི་བཀའ་ཁྲིམས་ག་ ཆ་གནས་མ་ཐ་ལཱན་ དཀོན་མཆོག་ག་ གུས་ཞབས་མ་ཨ་ཝ་ ཨ་ལུ་མཱན་ཅ་སྨོ། 24ཨོ་ཉི་ཨ་དེན་གེ་ གསུང་རབ་གེ་ཤོན་ཅ་ ན་ཧ་ཡོར་ཀེ་ ཡ་ཧུ་དི་པ་མང་གི་ཁཱན་བ་ཀི་ དཀོན་མཆོག་ག་མཚན་ག་ སྐུར་པ་ཞུ་ན་#2:24 ཡ་ཤའི་ཡ་ག་དཔེ་ཆ་ 52:5; ཨི་ཇ་ཀི་ཨེལ་ག་དཔེ་ཆ་ 36:22 དག༌ཉི།
25ན་ཤི་བཀའ་ཁྲིམས་ག་ ཆ་གནས་ཐ་ནེ་ཤ་ ན་ཤི་ཤ་ཅཱད་པེ་ག་དེན༌མེ། དག་པ་ཀབ་ཉི་ ན་ཤི་བཀའ་ཁྲིམས་ག་ ཆ་གནས་མ་ཐ་ནེ་ལ་ ན་ཧ་ཤ་མ་ཅཱད་པ་ད་བུ་རང་གི༌ལ། 26ཉི་ཤ་མ་ཅཱད་ཁཱན་སོ་ངོ་གི་ དཀོན་མཆོག་ག་བཀའ་ཁྲིམས་ག་ ཆ་གནས་ཐ་ནེ་ལ་ དཀོན་མཆོག་གི་ ཨོ་ཉ་ཤ་མ་ཅཱད་ཁཱན་ སོ་ངོ་ཁེ་པ་ ཤ་ཅཱད་ཁཱན་ད་བུ་རང་ མ་ཙི་ལ་སྨོ། 27ལུས་པུ་ག་ཤ་མ་ཅཱད་ནེ་བུ་ དཀོན་མཆོག་ག་བཀའ་ཁྲིམས་ག་ ཆ་གནས་ཐ་ཁཱན་བ་ཀི་ ནའི་ཤ་ཅཱད་ཁཱན་བ་དང་ བཀའ་ཁྲིམས་ཉོང་ཁཱན་བ་ཀི་ བཀའ་ཁྲིམས་ག་ ཆ་གནས་མ་ཐ་ཝ་ཨ་དེན་གེ་ ན་ཧ་བ་ངཱད་པ་ལ་དག་ཉི་ ཡེག༌པེ།
28ན་ཧ་བ་ ཡ་ཧུ་དི་པ་ ཕ་མ་གེ་ཇུན་པ་ཐུར་གི་དང་ ཡ་ཧུ་དི་པ་ལུགས་སྲོལ་དང་ཏུ་ཉི་ ཤ་ཅཱད་པ་ཐུར་གི་ ན་ཧ་བ་ ཡ་ཧུ་དི་པ་ངོ་མ་རི་ལུ་མཱན༌ཅ། 29དག་པ་ཀབ་ཉི་ ཡ་ཧུ་དི་པ་ངོ་མ་ཤོ་ ནང་ཀེ་ཨ་ཉི་རང་ ཡ་ཧུ་དི་པ་གི་ཁཱན་དང་ འབྲི་ཉི་ཐ་ཝ་དང་ཏུ་ཉི་མང་གི་ཝ་ ཐུགས་ཉིད་གི་ཨ་ཉི་ རོ་ཀ་སེམས་ཀེ་ཨ་ཉི་རང་ ཤ་ཅཱད་ཁཱན་ཁེ་པ་གི༌ལ། ཉི་ཨུ་ཉུ་ད་བུ་སོ་ངོ་གི་ སོ་ངོ་བ་ཀེ་མང་གི་ཝ་ དཀོན་མཆོག་གེ་ བསྟོད་པ་ཉོང་པེ་གོད༌ཅ༎
Currently Selected:
རོ་མི། 2: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
རོ་མི། 2
2
དཀོན་མཆོག་ག་ཁྲིམས་དྲང་པུ།
1ཨོ་ཉི་ཨ་དེན་གེ་ བཱརའ་ག་ ཅོན་ཏག་ཁཱན་སོ་ངོ་བ་ ནའི་ཨི་བི་རང་གི་ནེ་བུ་ དོས་ཏག་པེ་མཱན༌ཅ། ཧང་ཡ་དག་ནེ་ལ་ ན་ཤི་བཱརའ་ག་ཅོན་ཏག་ཉི་ ནའི་ཏེན་ག་ཅོན་ཏག་ཅ་གི༌ལ། ཧང་ཡ་དག་ནེ་ལ་ ཅོན་ཏག་ཁཱན་ ནའི་དྲང་དཔོན་བ་ཀི་བུ་ རོག་ཏེ་བ་ད་བུ་རང་ཨ་ན། 2ཨུ་ཉུ་ད་བུ་ཨ་ཁཱན་ ཐམས་ཅན་ག་ དེན་པ་དང་ཏུ་ཉི་ དཀོན་མཆོག་གི་ ཁྲིམས་ཅཱད་ཉི་གནང་མེ་དག་ཉི་ ཨ་ཤི་སེན༌ཅ། 3དབའི་སོ་ངོ་བ་ ན་ཤི་བཱརའ་ག་ཅོན་ཏག༌ལ། དག་པ་ཀབ་ཉི་ ནའི་ཏེན་གི་བུ་ རོག་ཏེ་བ་ད་བུ་རང་ཨ་ན། ཧང་ན་ཤི་ དཀོན་མཆོག་ག་ཁྲིམས་གེ་ གཱན་ཐར་བེ་དག་ཉི་ མི་ན་སྨོ། 4ཡང་ན་ལ་ དཀོན་མཆོག་གི་ ན་ཧ་གནམ་མེད་ས་མེད་ བྱམས་པར་ཀེ་ཉི་ བཟོད་པར་སྒོམ་ཉི་ ཐེས་ཉི་བཞུགས་པ་ག་ ན་ཤི་སེ་ལུ་མ་ལ་སྨོ། ལག་ཏང་ ན་ཤི་ཧང་ཨ་ཉི་ ཡེ་དང་ཨན་ཅ་ཡ། ན་ཧ་བ་ སྡིག་པ་གེ་ལོག་ཅེན་དག་པ་གི་ དཀོན་མཆོག་གི་ ན་ཧ་ཏཱན་ བྱམས་པར་ཀེ་ཉི་གནང་ཁཱན་ཁེ་པ་ ན་ཤི་ཧ་གོ་ལུ་མ་ལ་སྨོ།
5དག་པ་ཀབ་ཉི་ ན་ཧ་སེམས་ཤོ་ ཀག་ཏར་དང་ལུང་ཏོང་རི་ཉི་ དཀོན་མཆོག་ག་ཏཱན་ ལོག་པེ་ན་ལུ་མ༌ལ། ཨོ་ཉི་ཨ་དེན་གེ་ ན་ཤི་ ནའི་ཏེན་ག་ཐུང་ཀ་ ཁྲིམས་སག་ཉི་ཐ་ན། ཨོ་ཉ་དགོངསམ་ཁྲེལ་པེ་ནོང་ཀ་ ཁྲིམས་ཐྲང་ཉི་གནང་ཁཱན་ དཀོན་མཆོག་གི་ 6སོ་ངོ་ཐམས་ཅན་ག་ རང་རང་ས་ལའི་དང་ཏུ་ཉི་ ཁྲིམས་ཅཱད་ཉི་གནང༌མེ།#2:6 མགུར་མ་ག་དཔེ་ཆ་ 62:12; དཔེ་གཏམ་རིག་པ་ག་དཔེ་ཆ་ 24:12 7མ་ཆཱད་པ་ཨ་ཉི་རང་ ལེག་པུ་ཨ་ཉི་ གཟི་བརྗིད་དང་གུས་ཞབས་ ཉི་མ་ཤི་ཁཱན་ཚེ་ལམ་ཁཱན་བ་ཀ་ དཀོན་མཆོག་གི་ ཚེ་མ་འགྱུར་བརྟན་པ་གནང༌མེ། 8དག་པ་ཀབ་ཉི་ རང་ཏེན་ག་དེན་གེ་ཤ་མི་ཉི་ དེན་པ་ག་ཆ་གནས་མ་ཐ་ལཱན་ ངན་པ་ལམ་གེ་དང་ཁཱན་ སོ་ངོ་བ་ཀབ་ཉི་ དཀོན་མཆོག་ དགོངསམ་ཁྲེལ་ཉི་ རོག་ཏེ་བ་ཀ་ ཁྲིམས་ཀེ་ཉི་གནང༌མེ། 9ངན་པ་ཨ་ཁཱན་ སོ་ངོ་ཐམས་ཅན་ག་ཐུང་ཀ་ གནམ་མེད་ས་མེད་ ཀ་ལུ་ཏཱད་ཉི་ ནང་དོག་པེ་ཨོ་ཕེ། གོ་རང་ ཡ་ཧུ་དི་པ་བ་ཀ་ཐུང་ཀ་ཨོ་ཕེ། ཉི་གེ་ གིརིག་བ་ཀ་ཐུང་ཀ་ཨོ་ཕེ། 10དག་པ་ཀབ་ཉི་ ལའི་ལེག་པུ་ཨ་ཁཱན་ ཐམས་ཅན་ག་ཐུང་ཀ་ གཟི་བརྗིད་དང་གུས་ཞབས་ ཉི་སྐྱིད་པུ་ཨོ་ཕེ། གོ་རང་ ཡ་ཧུ་དི་པ་བ་ཀ་ཐུང་ཀ་ཨོ་ཕེ། ཉི་གེ་ གིརིག་བ་ཀ་ཐུང་ཀ་ཨོ་ཕེ། 11ཧང་ཡ་དག་ནེ་ལ་ དཀོན་མཆོག་གི་ ཉེ་རིང་ཆི་ལུ་མཱན༌ཅ།
12བཀའ་ཁྲིམས་མ་ཝ་ཨ་ཉི་ སྡིག་པ་ཨ་ཁཱན་བ་ བཀའ་ཁྲིམས་མ་ཝ་ཨ་ཉི་རང་ཤི༌ལེ། ཉི་བཀའ་ཁྲིམས་ཆོན་ཐཱན་ སྡིག་པ་ཨ་ཁཱན་བ་ བཀའ་ཁྲིམས་དང་ཏུ་ཉི་རང་ ཁྲིམས་ཅཱད༌པེ། 13བཀའ་ཁྲིམས་ ན་ཐ་ཝ་ཐུར་གི་ དཀོན་མཆོག་ག་སྤྱན་ག་ དྲང་པུ་ཅོད་ཅ་མང་གི། དག་པ་ཀབ་ཉི་ བཀའ་ཁྲིམས་ག་ ཆ་གནས་ཐ་ཁཱན་བ་ཤ་ དྲང་པུ་ཨ་ཉི་ཆིན་མེ་གི༌ལ། 14ཡ་ཧུ་དི་པ་མང་གི་ཁཱན་བ་ཀ་ བཀའ་ཁྲིམས་མཱན་ཐཱན་རང་གི་ནེ་བུ་ རོག་ཏེ་བ་ཀི་ རང་བཞིན་གེ་ཨ་ཉི་རང་ བཀའ་ཁྲིམས་གེ་ ཤོ་ཝ་དང་ཏུ་ཉི་ཨན༌ཅ། རོག་ཏེ་བ་ཀ་སེམས་ཀི་ གི་ཁཱན་དང་མང་གི་ཁཱན་ པག་པེ་སེན་ཅ་དག་ཉི་ ཨོ་ཉེ་གི་གེན༌ཅ། 15ཨོ་ཐེན་ཨ་ཉི་ བཀའ་ཁྲིམས་ཤོ་ རོག་ཏེ་བ་ཀ་ ཐིང་ལོམ་ ནང་ཀ་འབྲི་བ་ཅ་དག་ཉི་ གེན༌ཅ། ཧང་ཡ་དག་ནེ་ལ་ རོག་ཏེ་བ་ཀ་ སེམས་ཀི་ མ་ལེག་པ་གི་ནེ་ལ་ མ་ལེག་པ་གི་ལ་ཨ་ཉི་གེན༌ཅ། ཉི་ལེག་པུ་གི་ནེ་ལ་ ལེག་པུ་གི་ལ་ཨ་ཉི་གེན༌ཅ། 16ཉི་ཨོ་ཐ་བ་ ཐམས་ཅན་རང་ ཇི་གི་འཐེན་ལེག་པུ་ བཤད་པ་དང་ཏུ་ཉི་ གུམ་ཉི་ཐ་ཁཱན་བ་ ཡི་ཤུ་ཁིརིས་ག་ཐུང་ཀེ་ཨ་ཉི་ དཀོན་མཆོག་གི་ ཁྲིམས་ཅཱད་པེ་ནོང་ཀ་ ཇུང་མེ་གི༌ལ༎
ཡ་ཧུ་དི་པ་བ་དང་བཀའ་ཁྲིམས།
17ན་ཧ་བ་ཀི་ ནའི་ཤོ་ ཡ་ཧུ་དི་པ་གི་ལ་དག་ནེ་ལ་ ན་ཤི་དཀོན་མཆོག་ག་ བཀའ་ཁྲིམས་ག་ཏེན་ཉི་ དཀོན་མཆོག་ཀབ་ཉི་ མཐུན་ལམ་ཅོད་ཅ་གི༌ལ། ཉི་ན་ཤི་ དཀོན་མཆོག་དང་ ན་ཧ་བར་ཀ་ ཧང་རང་མ་དྲིག་པ་ མཱན་ཅ་དག་ཉི་ཡེག་ཉི་ ཁམ་ཙོང༌ཅ། 18རོ་ཀ་ཐུགས་བཞེད་ ཧང་ཅ་གི་ལ་སྨོ་ ན་ཤི་སེན༌ཅ། ཉི་བཀའ་ཁྲིམས་ག་ཐུང་ཀེ་ཨ་ཉི་ ན་ཧ་ཡེ་ཝ་ཨ་དེན་གེ་ ན་ཤི་ཧང་ལེག་པུ་གི་ལ་སྨོ་ ཨུ་ཉུ་བུ་སེན༌ཅ། 19ན་ཤི་མི་ན་ ན་ཧ་བ་ཏེན་ཏེན་རང་ མིང་ཀ་ན་བ་ཀ་ ལམ་རིག་ཁཱན་གི༌ལ། ཉི་མེར་བུ་ནང་ཀ་ཆོ་ཁཱན་བ་ཀ་ འོད་ཟེར་གི༌ལ། 20ངཱད་ཁཱན་ཡོང་བ་བ་ཀ་ བཅོ་ཁ་ཨན༌ཅ། ཉི་ཝག་ཙ་བ་ཀ་ཡེན་བི་ཁཱན་ སློབ་དཔོན་གི༌ལ། ཧང་ཡ་དག་ནེ་ལ་ བཀའ་ཁྲིམས་ནང་ཀ་ཆོ་ཁཱན་ དེན་པ་དང་ཡོན་ཏན་ ཐམས་ཅན་རང་ ན་ཤི་ཉོང་པ༌ཅ།
21ཉི་ལ་ ན་ཤི་བཱརའ་ག་ཡེ་ལེ་རེ་ནེ་ལ་ ནའི་ནའི་ཏེན་གི་ ཧང་ཨ་ཉི་ ཡེ་ལེ་མར་ཅ་ཡ། ན་ཤི་བཱརའ་ག་ དྲོ་ཝཱན་མ་ཨའི་དག་ཉི་ ཡེག༌ལ། དག་པ་ཀབ་ཉི་ ན་ཤི་དྲོ་ཝཱན་ཨན་ཅ་སྨོ། 22བཱརའ་ཀབ་ཉི་ ལུས་འབྲེལ་ཨ་ལེ་ག་ སྡིག་པ་གི་ལ་དག་ཉི་ ན་ཤི་ཡེག༌ལ། དག་པ་ཀབ་ཉི་ ན་ཤི་བཱརའ་ཀབ་ཉི་ ལུས་འབྲེལ་ཨན་ཅ་སྨོ། ན་ཤི་སྐུ་ག་བ་ཟེས་པུ་མ༌ལ། དག་པ་ཀབ་ཉི་ ན་ཤི་ལྷ་ཁང་ནང་ཀེ་ སྐུ་ག་བ་ དྲོ་ཝཱན་ཨ་ལུ་མཱན་ཅ་སྨོ། 23ན་ཤི་བཀའ་ཁྲིམས་སེན་ཅ་དག་ཉི་ ཁམ་ཙོང༌ལ། དག་པ་ཀབ་ཉི་ ན་ཤི་བཀའ་ཁྲིམས་ག་ ཆ་གནས་མ་ཐ་ལཱན་ དཀོན་མཆོག་ག་ གུས་ཞབས་མ་ཨ་ཝ་ ཨ་ལུ་མཱན་ཅ་སྨོ། 24ཨོ་ཉི་ཨ་དེན་གེ་ གསུང་རབ་གེ་ཤོན་ཅ་ ན་ཧ་ཡོར་ཀེ་ ཡ་ཧུ་དི་པ་མང་གི་ཁཱན་བ་ཀི་ དཀོན་མཆོག་ག་མཚན་ག་ སྐུར་པ་ཞུ་ན་#2:24 ཡ་ཤའི་ཡ་ག་དཔེ་ཆ་ 52:5; ཨི་ཇ་ཀི་ཨེལ་ག་དཔེ་ཆ་ 36:22 དག༌ཉི།
25ན་ཤི་བཀའ་ཁྲིམས་ག་ ཆ་གནས་ཐ་ནེ་ཤ་ ན་ཤི་ཤ་ཅཱད་པེ་ག་དེན༌མེ། དག་པ་ཀབ་ཉི་ ན་ཤི་བཀའ་ཁྲིམས་ག་ ཆ་གནས་མ་ཐ་ནེ་ལ་ ན་ཧ་ཤ་མ་ཅཱད་པ་ད་བུ་རང་གི༌ལ། 26ཉི་ཤ་མ་ཅཱད་ཁཱན་སོ་ངོ་གི་ དཀོན་མཆོག་ག་བཀའ་ཁྲིམས་ག་ ཆ་གནས་ཐ་ནེ་ལ་ དཀོན་མཆོག་གི་ ཨོ་ཉ་ཤ་མ་ཅཱད་ཁཱན་ སོ་ངོ་ཁེ་པ་ ཤ་ཅཱད་ཁཱན་ད་བུ་རང་ མ་ཙི་ལ་སྨོ། 27ལུས་པུ་ག་ཤ་མ་ཅཱད་ནེ་བུ་ དཀོན་མཆོག་ག་བཀའ་ཁྲིམས་ག་ ཆ་གནས་ཐ་ཁཱན་བ་ཀི་ ནའི་ཤ་ཅཱད་ཁཱན་བ་དང་ བཀའ་ཁྲིམས་ཉོང་ཁཱན་བ་ཀི་ བཀའ་ཁྲིམས་ག་ ཆ་གནས་མ་ཐ་ཝ་ཨ་དེན་གེ་ ན་ཧ་བ་ངཱད་པ་ལ་དག་ཉི་ ཡེག༌པེ།
28ན་ཧ་བ་ ཡ་ཧུ་དི་པ་ ཕ་མ་གེ་ཇུན་པ་ཐུར་གི་དང་ ཡ་ཧུ་དི་པ་ལུགས་སྲོལ་དང་ཏུ་ཉི་ ཤ་ཅཱད་པ་ཐུར་གི་ ན་ཧ་བ་ ཡ་ཧུ་དི་པ་ངོ་མ་རི་ལུ་མཱན༌ཅ། 29དག་པ་ཀབ་ཉི་ ཡ་ཧུ་དི་པ་ངོ་མ་ཤོ་ ནང་ཀེ་ཨ་ཉི་རང་ ཡ་ཧུ་དི་པ་གི་ཁཱན་དང་ འབྲི་ཉི་ཐ་ཝ་དང་ཏུ་ཉི་མང་གི་ཝ་ ཐུགས་ཉིད་གི་ཨ་ཉི་ རོ་ཀ་སེམས་ཀེ་ཨ་ཉི་རང་ ཤ་ཅཱད་ཁཱན་ཁེ་པ་གི༌ལ། ཉི་ཨུ་ཉུ་ད་བུ་སོ་ངོ་གི་ སོ་ངོ་བ་ཀེ་མང་གི་ཝ་ དཀོན་མཆོག་གེ་ བསྟོད་པ་ཉོང་པེ་གོད༌ཅ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved