རོ་མི། 8
8
ཐུགས་ཉིད་ག་ཐུང་ཀེ་ཨ་ཉི་ཚེ༌ཅ།
1ཨོ་ཉི་ཨ་དེན་གེ་ ཨོམ་ཨི་བི་ ཁིརིས་ཡི་ཤུ་ག་ནང་ཀ་ཅ་གི་ལ་སྨོ་ ཨོ་ཉ་སོ་ངོ་གི་ ཁྲིམས་མ་ཉོང༌པ། 2ཧང་ཡ་དག་ནེ་ལ་ ཁིརིས་ཡི་ཤུ་ག་ཐུང་ཀེ་ཨ་ཉི་ ཚེ་གནང་ཁཱན་ ཐུགས་ཉིད་གི་ ཇང་སྡིག་པ་དང་ཤི་སྲོག་ག་ བཀའ་ཁྲིམས་གེ་ ཐར་ཉི་གནང་མ༌ཅ། 3ཨའི་ཤོ་ རང་བཞིན་གེ་ སྡིག་ཅན་གི་ཝ་ཨ་དེན་གེ་ བཀའ་ཁྲིམས་གི་ ཨ་ཧ་སྐྱབས་ཨ་ལེ་མར་ཤི། དག་པ་ཀབ་ཉི་ ཨ་ཧ་སྐྱབས་ཨ་ལེ་དེན་གེ་ དཀོན་མཆོག་གི་ བཱརའ་འཆར་གཞི་ཐུར་ ཙམ་ཉི་གནང་མ༌ལ། དཀོན་མཆོག་གི་ རོག་ཏེན་ག་སྲས་ སོ་ངོ་ག་ལུས་པུ་ག་ཅོད་ཉི་ ཀུན་ཏི་ཝ༌ལ། དག་པ་ཀབ་ཉི་ རོ་ཀ་ནང་ཀ་སྡིག་པ་མཱན་ཆི། ཨོ་ཐེན་ཨ་ཉི་ དཀོན་མཆོག་གི་ རོ་ཀ་སྲས་ ཨ་ཧ་སྡིག་པ་ག་ མཆོད་པ་ཨན་ཀུན་ཏི་ཉི་ ཨའི་དབང་ཁཱན་བཀའ་ཁྲིམས་ མ་ཝ་ཅོག་ཉི་གེ་མ༌ལ། 4ཨོ་ཐེན་མཛད་པེ་དེན་ཐ་ཤོ་ སྡིག་པ་ག་ཐུང་ཀེ་ཨ་ཉི་མང་གི་ཝ་ ཨའི་ཐུགས་ཉིད་དང་ཏུ་ཉི་ ཆོ་ཁཱན་བ་ཀ་དེན་གེ་ བཀའ་ཁྲིམས་གེ་ཤོ་ཁཱན་བ་ ཐམས་ཅན་རང་ འགྲུབ་ཅེན་དག་པ་གི་གི༌ལ།
5སྡིག་པ་གི་དབང་ཁཱན་ སོ་ངོ་བ་ཀི་ སྡིག་པ་ག་ཀོར་གེ་ཤ་མིན༌ཅ། དག་པ་ཀབ་ཉི་ དམ་པའི་ཐུགས་ཉིད་གི་ དབང་ཁཱན་སོ་ངོ་བ་ཀི་ ཐུགས་ཉིད་དང་ཏུ་ཉི་ཤ་མིན༌ཅ། 6སྡིག་པ་གི་ཕུང་ཁཱན་ སོ་ངོ་ག་སེམས་ཤོ་ ཤི་སྲོག་གི༌ལ། དག་པ་ཀབ་ཉི་ ཐུགས་ཉིད་གི་ དབང་ཁཱན་སེམས་ཀ་ ཚེ་དང་སྐྱིད་པུ་ཨོ་ཕེ། 7སྡིག་པ་གི་ཕུང་ཁཱན་སེམས་ཀི་ ཧ་ལ་ཨ་ནེ་བུ་ དཀོན་མཆོག་ག་དགྲ་ཨན༌ཅ། ཨུ་ཉུ་ད་བུ་སེམས་ཀི་ དཀོན་མཆོག་ག་ བཀའ་ཁྲིམས་ཕརའ་ཁེ་ཆོ་ལུ་མཱན༌ཅ། ཉི་ཆོ་ལེ་ག་རེ་བུ་བུ་མར༌བ། 8སྡིག་པ་གི་ཕུང་ཁཱན་ སོ་ངོ་བ་ཀི་ དཀོན་མཆོག་ཐུགས་བཞེས་ཝ་ ཅོད་པེ་མར༌བ།
9དག་པ་ཀབ་ཉི་ དཀོན་མཆོག་ག་ཐུགས་ཉིད་ ན་ཧ་བ་ཀབ་ཉི་ བཞུགས་ཐཱན་ཨ་ནེ་ལ་ ན་ཧ་བ་ཤོ་ སྡིག་པ་གི་དབང་པེ་མང་གི་ཝ་ ཐུགས་ཉིད་གི་དབང་ཉི༌ཅ། ཉི་ཨི་བི་ཀབ་ཉི་ ཁིརིས་ག་ཐུགས་ཉིད་ མཱན་ཅ་གི་ལ་སྨོ་ ཨོ་ཉ་སོ་ངོ་ ཁིརིས་ག་མང་གི། 10དག་པ་ཀབ་ཉི་ ཁིརིས་ན་ཧ་ནང་ཀ་ བཞུགས་པ་ཆོ་ནེ་ལ་ སྡིག་པ་ཡོར་ཀེ་ ན་ཧ་ལུས་པུ་ཤོ་ ཤི་ཝ་གི༌ལ། ཨོ་ཉེ་རང་གི་ནེ་བུ་ ན་ཧ་བ་ དྲང་པུ་རི་ཝ་ཨ་དེན་གེ་ ན་ཧ་རྣམ་ཤེས་ག་ ན་ཧ་བ་ གསོན་པོ་ཨ་ཉི་ཆོ་ཝ༌ཅ། 11ཡི་ཤུ་གཤགས་པ་གེ་ ལོག་ཉི་བཞེངས་གནང་ཁཱན་ དཀོན་མཆོག་ག་ ཐུགས་ཉིད་ཁེ་པ་ ན་ཧ་བ་ཀབ་ཉི་ བཞུགས་པ༌ཅ། རོ་ཀི་ཁིརིས་ གཤགས་པ་གེ་ལོག་ཉི་ བཞེངས་གནང་མ་པུརུས་ཀིན་ཨ་ཉི་ ན་ཧ་ནང་ཀ་བཞུགས་ཁཱན་ ཐུགས་ཉིད་གི་ ན་ཧ་ཨོ་ཐ་མེ་པ་དི་ཁཱན་ ལུས་པུ་ག་བུ་ ཚེ་གནང༌མེ།
12ཨོ་ཉི་ཨ་དེན་གེ་ ཇ་ག་ཡུང་ཟི་བ་ སྡིག་པ་གི་ཕུང་ཁཱན་ ན་ཧ་སེམས་ཀི་ ཧང་ཨའི་དག་ཉི་ ཡེག་ནེ་བུ་ ན་ཤི་ཨ་ལེ་ཁེ་ལེ་དག་ཉི་ མཱན༌ཅ། 13ཧང་ཡ་དག་ནེ་ལ་ སྡིག་པ་གི་ཕུང་ཁཱན་ སེམས་ཀི་མི་ཝ་དང་ཏུ་ཉི་ ན་ཤི་ཨ་ཉི་རང་བུ་ནེ་ལ་ ན་ཧ་བ་ཤི༌ལེ། དག་པ་ཀབ་ཉི་ ཐུགས་ཉིད་ག་ཐུང་ཀེ་ཨ་ཉི་ ན་ཤི་ཨོ་ཉ་སྡིག་པ་གི་ཕུང་ཁཱན་ སེམས་ཁེ་པ་ཤེ་ནེ་ལ་ ན་ཤི་ཚེ་ཉོང༌པེ། 14ཧང་ཡ་དག་ནེ་ལ་ དཀོན་མཆོག་ག་ ཐུགས་ཉིད་གི་རིག་ཁཱན་ ཐམས་ཅན་རང་ དཀོན་མཆོག་ག་ སྲས་སྲས་མོ་བ་གི༌ལ།
15ཨོ་ཉི་ཨ་དེན་གེ་ ན་ཧ་བ་ ཨོམ་ཆང་རང་ ཡོང་ཁེ་ཝ་རི་ལེ་དེན་གེ་ ཟ་པ་ཅོད་ཁཱན་ཐུགས་ཉིད་ ཉོང་པེ་མང་གི་ཝ་ ཝག་ཙ་རི་ལེ་ཆོག་པ་ག་ ཐུགས་ཉིད་ཉོང་པ༌ཅ། ཨོ་ཉི་ཨ་དེན་གེ་ ཨ་ཤི་རོ་ཀ་ཏཱན་ ཨ་པ་ ཇ་ག་ཨ་པ་དག་ཉི་ ཞུན༌ཅ། 16ཨ་ཧ་བ་ཤོ་ དཀོན་མཆོག་ག་ སྲས་སྲས་མོ་གི་ལ་དག་ཉི་ ཐུགས་ཉིད་རོག་ཏེན་གི་རང་ ཨ་ཧ་རྣམ་ཤེས་ཀབ་ཉི་ འཛོམས་དཔང་ཨ་ཉི་གནང༌ཅ། 17ཉི་ཨོམ་ ཨ་ཧ་བ་ཤོ་ རོ་ཀ་སྲས་སྲས་མོ་བ་གི་ནེ་ལ་ དཀོན་མཆོག་གི་ཐ་ཁཱན་ བྱིན་རླབས་བ་ ཁིརིས་ཀབ་ཉི་ཏབ་ཐུར་ག་ ཨ་ཤི་བུ་ཉོང༌པེ། དག་པ་ཀབ་ཉི་ ཨ་ཤི་རོ་ཀ་གཟི་བརྗིད་ཁེ་པ་ བོང་མེ་གི་ལ་དག་ནེ་ལ་ རོག་དཀའ་ཝ་ཅཱད་ཁཱན་བ་བུ་ ཨ་ཤི་རོག་ཀབ་ཉི་ བོང་མེ་ཁེ༌ལེ༎
མ་འོངས་པ་ག་གཟི་བརྗིད།
18ཨོ་ཉེ་རང་གི་ནེ་བུ་ ཨ་ཤི་ཨོ་མ་ དཀའ་ཝ་ཅཱད་ཁཱན་ཁེ་པ་ མ་འོངས་པ་ག་ གཟི་བརྗིད་ཀབ་ཉི་ རེ་བ་ཀབ་ཉི་ ཧང་རང་མང་གི། 19ཧང་ཡ་དག་ནེ་ལ་ དཀོན་མཆོག་གི་ བཀོད་ཉི་ཐ་ཁཱན་ ཐམས་ཅན་རང་ ཚ་གྱང་བང་ཉི་ དཀོན་མཆོག་ག་ སྲས་སྲས་མོ་ངོ་མ་བ་ གེན་གནང་མེ་དེན་གེ་ ནོང་མེ་གང༌ཅ། 20-21ཧང་ཡ་དག་ནེ་ལ་ བཀོད་ཉི་ཐ་ཁཱན་ ཐམས་ཅན་རང་ གནམ་མེད་ས་མེད་ དབུགས་འགམ་པེ་གང༌ཅ། དབུགས་འགམ་པེ་ ལ་མ་ཨ་དེན་གེ་ མང་གི་ཝ་ དཀོན་མཆོག་ག་ ཐུགས་བཞེད་རང་ ཨུ་ཉུ་ད་བུ་ ཆོ་ཝ་ཨ་དེན་གེ་གི༌ལ། ཨོ་ཉེ་རང་གི་ནེ་བུ་ བཀོད་ཉི་ཐ་ཁཱན་བ་ མེ་པ་མ་དི་ལེ་དེན་གེ་ ཐར་པ་ཉོང་ཉི་ གཟི་བརྗིད་ཅན་ག་ རང་དབང་རང་ཚད་ཉོང་ཁཱན་ དཀོན་མཆོག་ག་ སྲས་སྲས་མོ་བ་ཀབ་ཉི་ ཆོ་ལེ་དེན་གེ་ རེ་ཆ་ཨ་ཝ༌ཅ། 22ཨོ་མ་སག་པུ་ བཀོད་ཉི་ཐ་ཁཱན་ ཐམས་ཅན་རང་ ཝག་ཙ་སིང་མ་ཀབ་ཉི་ ན་ཚ་ཨོ་ཕ་པུརུས་ཀིན་ཨ་ཉི་ ནང་དོག་པེ་གང་ཅ་དག་ཉི་ ཨ་ཤི་སེན༌ཅ། 23ཨུ་ཉུ་ཤ་མང་གི་ཝ་ ཨའི་གོ་སེ་སེ་ཁཱན་ དམ་པའི་ཐུགས་ཉིད་ག་ སེ་གི་ནེ་བུ་ དཀོན་མཆོག་ག་ སྲས་སྲས་མོ་ཅོད་ཉི་ གནང་མེ་དེན་གེ་དང་ ཨ་ཧ་ལུས་པུ་སིང་མ་ཅོད་ཉི་ གནང་མེ་དེན་གེ་ ནོང་ཅ་ཨ་ཉི་ ཨའི་བུ་ གནམ་མེད་ས་མེད་དྲམ་ཉི་ ཨས་ཨིས་ཇིག་པེ་གང༌ཅ། 24ཨའི་ཐར་པ་ཉོང་པེ་གང་ཀ་ ཨ་ཤི་ཨོ་ཐ་རེ་ཆ་ཉོང་པ་ཆོ༌ཝ། དག་པ་ཀབ་ཉི་ ཐོང་མེ་རེ་ཁཱན་ག་ རེ་ཆ་ཨ་ཁཱན་ཤོ་ རེ་ཆ་མང་གི། རང་ཏེན་ག་ཆོ་ནེ་ལ་ ཨི་བི་གི་རེ་ཆ་ཨན་ཅ་ཡ། 25དག་པ་ཀབ་ཉི་ ཨོ་མ་ ཨ་ཧ་ག་དང་ག་མ་ཁཱན་བ་ རེ་ཆ་ཨ་ནེ་ལ་ ཨ་ཤི་བཟོད་པར་སྒོམ་ཉི་ ཆོ་ལེ་རེ་བེ་ཁེ༌ལེ།
26ཨུ་ཉུ་པུརུས་ཀིན་ཨ་ཉི་ ཨའི་ཤུག་མ་ལཱན་ ཆོ་ལེ་གང་ཀ་ དམ་པའི་ཐུགས་ཉིད་གི་ ཨ་ཧ་ཇ་རོ་ཨ་ཉི་གནང༌ཅ། ཨ་ཤི་ཧང་ཏེན་ སྨོན་ལམ་ཏ་པེ་ཁེ་ལེ་སྨོ་རང་ སེ་ལུ་མཱན༌ཅ། དག་པ་ཀབ་ཉི་ ཐུགས་ཉིད་གི་ ཨ་ཧ་དེན་གེ་ གནམ་མེད་ས་མེད་ འོ་བརྒྱལ་ཉི་ དཀོན་མཆོག་ག་ སྨོན་ལམ་ཏབ༌ཅ། རོག་ཧབ་ཏུར་ འོ་བརྒྱལ་ཅ་གི་ལ་སྨོ་ ཨ་ཤི་ཨོ་ཉ་ཀོར་གེ་ ཡེག་ནེ་བུ་ཡེག་པེ་མར༌བ། 27ཉི་ཨ་ཧ་སེམས་ཀོར་གེ་ ཐམས་ཅན་རང་མཁྱེན་ཁཱན་ དཀོན་མཆོག་གི་ ཐུགས་ཉིད་ག་ སེམས་བུ་མཁྱེན༌ཅ། ཧང་ཡ་དག་ནེ་ལ་ དཀོན་མཆོག་ག་ ཐུགས་བཞེད་དང་ཏུ་ཉི་ ཐུགས་ཉིད་གི་ ཡི་ཤུ་པ་བ་ཀ་དེན་གེ་ སྨོན་ལམ་ཏབ་ཅ་གི༌ལ། 28དཀོན་མཆོག་གི་ ཕང་ཁཱན་དང་ རོ་ཀ་དེན་ཐ་འགྲུབ་ཕེ་ག་ར་ཁཱན་ སོ་ངོ་བ་ཀ་དེན་གེ་ ཧང་ག་རང་གི་ནེ་བུ་ རོག་ཏེ་བ་ཀ་ ལེག་པུ་ཨན་ གནང་མེ་དེན་གེ་ མཛད་ཅ་གི་ལ་དག་ཉི་ ཨ་ཤི་སེན༌ཅ། 29དཀོན་མཆོག་གི་ གོ་མ་གེ་རང་ རོ་ཀ་སོ་ངོ་བ་མཁྱེན་མ་ཆོ༌ཝ། རོ་ཀ་སྲས་ཁེ་པ་ བཱརའ་ཡུང་ཟི་བ་ཀ་པོང་ཀ་ གོ་སིང་ཁཱན་ རིན་ཆེན་དག་པ་གི་ རོ་ཀི་རོག་ཏེ་བ་ རོ་ཀ་སྲས་ད་བུ་རང་ རི་ལེ་དེན་གེ་ སི་ཉི་གནང་མ༌ལ། 30ཉི་དཀོན་མཆོག་གི་ སི་ཁཱན་བ་ རོ་ཀི་རཱན་གནང་མ༌ལ། ཉི་རོ་ཀི་ར་ཁཱན་བ་ རོ་ཀི་དྲང་པུ་ཅོད་ཉི་གནང་མ༌ལ། ཉི་རོ་ཀི་དྲང་པུ་ཅོད་ཁཱན་བ་ རོ་ཀི་གཟི་བརྗིད་ཅན་ ཅོད་ཉི་གནང་མ༌ལ༎
ཨི་བི་གི་རང་ དཀོན་མཆོག་ག་སྙིང་རྗེ་གེ་ ཁ་བེརེ་བེ་མར༌བ།
31ཨོ་ཐ་བ་ཀ་དེན་གེ་ ཨ་ཤི་ཧང་ཡེག་པེ་ཡ། དཀོན་མཆོག་ ཨ་ཧ་དེན་གེ་གི་ནེ་ལ་ ཨི་བི་གི་ ཨ་ཧ་དགྲ་ཨ་ལེ་རེ་བེ་ཡ། 32དཀོན་མཆོག་གི་ རོ་ཀ་སྲས་ཆང་མ་ཐ་ལཱན་ ཨའི་ཐམས་ཅན་ག་དེན་གེ་གནང༌མ། ཧང་བཱརའ་ཐམས་ཅན་རང་ རོ་ཀི་ཐུགས་རྗེ་གཟིགས་ཉི་ ཨ་ཧ་མ་གནང་མ་སྨོ། 33དཀོན་མཆོག་གི་ སི་ཁཱན་བ་ཀ་དགྲ་ཨ་ཉི་ ཨི་བི་གི་རྩིས་ཞུ་ཕིད་པེ་ རེ་བེ་ཡ། དྲང་པུ་ཅོག་ཉི་གནང་ཁཱན་ཤོ་ དཀོན་མཆོག་གི༌ལ། 34ཁྲིམས་ཀེ་ཁཱན་ ཨི་བི་གི་ལ་ཡ། གཤགས་ཁཱན་ ཡི་ཤུ་ཁིརིས་གི་ལ་སྨོ། མང་གི། རོག་ཤོ་ གཤགས་པ་གེ་ ལོག་ཉི་བཞེངས་ཐཱན་ དཀོན་མཆོག་ག་ ལ་ཉོང་ལོ་ཀ་བཞུགས་ཉི་ ཨ་ཧ་དེན་གེ་ སྨོན་ལམ་ཏབ་ཉི་ གནང་ཁཱན་གི༌ལ།
35ཁིརིས་ག་སྙིང་རྗེ་གེ་ ཨའི་ཨི་བི་གི་ ཁ་བེརེ་བེ་རེ་བེ་ཡ། ཧང་དཀའ་ཝ་ཅཱད་པ་ཀབ་ཉི་སྨོ་ ནང་དོག་པ་ཀབ་ཉི་ཡ། ཀ་ལུ་ཏཱད་པ་ཀབ་ཉི་སྨོ་ བི་ནང་ཁུ་ལ་ཀབ་ཉི་ཡ། ཙ་ཏི་ལིང་པ་ཆོ་ལ་ཀབ་ཉི་སྨོ་ ཤི་ལེ་ག་ ཉེན་ཁ་ཆོ་ལ་ཀབ་ཉི་ཡ། ཨུ་ཉུ་མ་ནེ་ལ་ གི་རིང་གི་རེ་བེ་སྨོ། 36གསུང་རབ་གེ་ ཨོ་ཐེན་ཤོན་ཅ་ ན་ཧ་ཡོར་ཀེ་ ཨའི་ཏ་བུ་རང་ ཤི་ལེ་ག་ཉེན་ཁ༌ཅ། ཨའི་ཤོ་ ཤེ་ལེ་བུ་ཁཱན་ ཤི་ཤ་ད་བུ་ཙིན་ཅ་#8:36 མགུར་མ་ག་དཔེ་ཆ་ 44:22དག༌ཉི། 37མང་གི་ ཨའི་གནམ་མེད་ས་མེད་ ཕང་ཉི་གནང་ཁཱན་ ཁིརིས་ག་མཚན་ག་ ཨོ་ཐ་བ་ ཐམས་ཅན་རང་ཕམ་ཉི་ ཨ་ཤི་རྒྱལ་ཁ་ཆི་ལུ་ཉོང་པ༌ཅ།
38ཇི་གི་སེན་ཅ་ ཤི་སྲོག་དང་ཚེ་ ཞིང་ཁམས་ག་འཐེན་པ་བ་དང་ དོན་ག་བ་ ཨོ་མ་དང་མ་འོངས་པ་ སྟོབས་དབང་ ཧང་ད་བུ་རང་ཆོ་ནེ་བུ་ 39ཐོ་ལ་ཐུང་ཀ་ཆོ་ཁཱན་དང་ ཡོ་ལ་ཧོང་ཀང་ནང་ཀ་ཆོ་ཁཱན་ ཉི་ཨུ་ཉུ་མ་ཚཱད་པ་ བཀོད་ཉི་ཐ་ཁཱན་བ་ཀ་པོང་ཀེ་ ཐུར་གི་རང་ དཀོན་མཆོག་ག་སྙིང་རྗེ་གེ་ ཨ་ཧ་བ་ བེརེ་བེ་མར་བ་དག༌ཉི། ཨོ་ཐ་སྙིང་རྗེ་ཤོ་ ཨ་ཧ་གཙོ་བོ་ ཁིརིས་ཡི་ཤུ་ག་ཐུང་ཀེ་ཨ་ཉི་ ཨ་ཧ་གེན་གནང་མ་གི༌ལ༎
Currently Selected:
རོ་མི། 8: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
རོ་མི། 8
8
ཐུགས་ཉིད་ག་ཐུང་ཀེ་ཨ་ཉི་ཚེ༌ཅ།
1ཨོ་ཉི་ཨ་དེན་གེ་ ཨོམ་ཨི་བི་ ཁིརིས་ཡི་ཤུ་ག་ནང་ཀ་ཅ་གི་ལ་སྨོ་ ཨོ་ཉ་སོ་ངོ་གི་ ཁྲིམས་མ་ཉོང༌པ། 2ཧང་ཡ་དག་ནེ་ལ་ ཁིརིས་ཡི་ཤུ་ག་ཐུང་ཀེ་ཨ་ཉི་ ཚེ་གནང་ཁཱན་ ཐུགས་ཉིད་གི་ ཇང་སྡིག་པ་དང་ཤི་སྲོག་ག་ བཀའ་ཁྲིམས་གེ་ ཐར་ཉི་གནང་མ༌ཅ། 3ཨའི་ཤོ་ རང་བཞིན་གེ་ སྡིག་ཅན་གི་ཝ་ཨ་དེན་གེ་ བཀའ་ཁྲིམས་གི་ ཨ་ཧ་སྐྱབས་ཨ་ལེ་མར་ཤི། དག་པ་ཀབ་ཉི་ ཨ་ཧ་སྐྱབས་ཨ་ལེ་དེན་གེ་ དཀོན་མཆོག་གི་ བཱརའ་འཆར་གཞི་ཐུར་ ཙམ་ཉི་གནང་མ༌ལ། དཀོན་མཆོག་གི་ རོག་ཏེན་ག་སྲས་ སོ་ངོ་ག་ལུས་པུ་ག་ཅོད་ཉི་ ཀུན་ཏི་ཝ༌ལ། དག་པ་ཀབ་ཉི་ རོ་ཀ་ནང་ཀ་སྡིག་པ་མཱན་ཆི། ཨོ་ཐེན་ཨ་ཉི་ དཀོན་མཆོག་གི་ རོ་ཀ་སྲས་ ཨ་ཧ་སྡིག་པ་ག་ མཆོད་པ་ཨན་ཀུན་ཏི་ཉི་ ཨའི་དབང་ཁཱན་བཀའ་ཁྲིམས་ མ་ཝ་ཅོག་ཉི་གེ་མ༌ལ། 4ཨོ་ཐེན་མཛད་པེ་དེན་ཐ་ཤོ་ སྡིག་པ་ག་ཐུང་ཀེ་ཨ་ཉི་མང་གི་ཝ་ ཨའི་ཐུགས་ཉིད་དང་ཏུ་ཉི་ ཆོ་ཁཱན་བ་ཀ་དེན་གེ་ བཀའ་ཁྲིམས་གེ་ཤོ་ཁཱན་བ་ ཐམས་ཅན་རང་ འགྲུབ་ཅེན་དག་པ་གི་གི༌ལ།
5སྡིག་པ་གི་དབང་ཁཱན་ སོ་ངོ་བ་ཀི་ སྡིག་པ་ག་ཀོར་གེ་ཤ་མིན༌ཅ། དག་པ་ཀབ་ཉི་ དམ་པའི་ཐུགས་ཉིད་གི་ དབང་ཁཱན་སོ་ངོ་བ་ཀི་ ཐུགས་ཉིད་དང་ཏུ་ཉི་ཤ་མིན༌ཅ། 6སྡིག་པ་གི་ཕུང་ཁཱན་ སོ་ངོ་ག་སེམས་ཤོ་ ཤི་སྲོག་གི༌ལ། དག་པ་ཀབ་ཉི་ ཐུགས་ཉིད་གི་ དབང་ཁཱན་སེམས་ཀ་ ཚེ་དང་སྐྱིད་པུ་ཨོ་ཕེ། 7སྡིག་པ་གི་ཕུང་ཁཱན་སེམས་ཀི་ ཧ་ལ་ཨ་ནེ་བུ་ དཀོན་མཆོག་ག་དགྲ་ཨན༌ཅ། ཨུ་ཉུ་ད་བུ་སེམས་ཀི་ དཀོན་མཆོག་ག་ བཀའ་ཁྲིམས་ཕརའ་ཁེ་ཆོ་ལུ་མཱན༌ཅ། ཉི་ཆོ་ལེ་ག་རེ་བུ་བུ་མར༌བ། 8སྡིག་པ་གི་ཕུང་ཁཱན་ སོ་ངོ་བ་ཀི་ དཀོན་མཆོག་ཐུགས་བཞེས་ཝ་ ཅོད་པེ་མར༌བ།
9དག་པ་ཀབ་ཉི་ དཀོན་མཆོག་ག་ཐུགས་ཉིད་ ན་ཧ་བ་ཀབ་ཉི་ བཞུགས་ཐཱན་ཨ་ནེ་ལ་ ན་ཧ་བ་ཤོ་ སྡིག་པ་གི་དབང་པེ་མང་གི་ཝ་ ཐུགས་ཉིད་གི་དབང་ཉི༌ཅ། ཉི་ཨི་བི་ཀབ་ཉི་ ཁིརིས་ག་ཐུགས་ཉིད་ མཱན་ཅ་གི་ལ་སྨོ་ ཨོ་ཉ་སོ་ངོ་ ཁིརིས་ག་མང་གི། 10དག་པ་ཀབ་ཉི་ ཁིརིས་ན་ཧ་ནང་ཀ་ བཞུགས་པ་ཆོ་ནེ་ལ་ སྡིག་པ་ཡོར་ཀེ་ ན་ཧ་ལུས་པུ་ཤོ་ ཤི་ཝ་གི༌ལ། ཨོ་ཉེ་རང་གི་ནེ་བུ་ ན་ཧ་བ་ དྲང་པུ་རི་ཝ་ཨ་དེན་གེ་ ན་ཧ་རྣམ་ཤེས་ག་ ན་ཧ་བ་ གསོན་པོ་ཨ་ཉི་ཆོ་ཝ༌ཅ། 11ཡི་ཤུ་གཤགས་པ་གེ་ ལོག་ཉི་བཞེངས་གནང་ཁཱན་ དཀོན་མཆོག་ག་ ཐུགས་ཉིད་ཁེ་པ་ ན་ཧ་བ་ཀབ་ཉི་ བཞུགས་པ༌ཅ། རོ་ཀི་ཁིརིས་ གཤགས་པ་གེ་ལོག་ཉི་ བཞེངས་གནང་མ་པུརུས་ཀིན་ཨ་ཉི་ ན་ཧ་ནང་ཀ་བཞུགས་ཁཱན་ ཐུགས་ཉིད་གི་ ན་ཧ་ཨོ་ཐ་མེ་པ་དི་ཁཱན་ ལུས་པུ་ག་བུ་ ཚེ་གནང༌མེ།
12ཨོ་ཉི་ཨ་དེན་གེ་ ཇ་ག་ཡུང་ཟི་བ་ སྡིག་པ་གི་ཕུང་ཁཱན་ ན་ཧ་སེམས་ཀི་ ཧང་ཨའི་དག་ཉི་ ཡེག་ནེ་བུ་ ན་ཤི་ཨ་ལེ་ཁེ་ལེ་དག་ཉི་ མཱན༌ཅ། 13ཧང་ཡ་དག་ནེ་ལ་ སྡིག་པ་གི་ཕུང་ཁཱན་ སེམས་ཀི་མི་ཝ་དང་ཏུ་ཉི་ ན་ཤི་ཨ་ཉི་རང་བུ་ནེ་ལ་ ན་ཧ་བ་ཤི༌ལེ། དག་པ་ཀབ་ཉི་ ཐུགས་ཉིད་ག་ཐུང་ཀེ་ཨ་ཉི་ ན་ཤི་ཨོ་ཉ་སྡིག་པ་གི་ཕུང་ཁཱན་ སེམས་ཁེ་པ་ཤེ་ནེ་ལ་ ན་ཤི་ཚེ་ཉོང༌པེ། 14ཧང་ཡ་དག་ནེ་ལ་ དཀོན་མཆོག་ག་ ཐུགས་ཉིད་གི་རིག་ཁཱན་ ཐམས་ཅན་རང་ དཀོན་མཆོག་ག་ སྲས་སྲས་མོ་བ་གི༌ལ།
15ཨོ་ཉི་ཨ་དེན་གེ་ ན་ཧ་བ་ ཨོམ་ཆང་རང་ ཡོང་ཁེ་ཝ་རི་ལེ་དེན་གེ་ ཟ་པ་ཅོད་ཁཱན་ཐུགས་ཉིད་ ཉོང་པེ་མང་གི་ཝ་ ཝག་ཙ་རི་ལེ་ཆོག་པ་ག་ ཐུགས་ཉིད་ཉོང་པ༌ཅ། ཨོ་ཉི་ཨ་དེན་གེ་ ཨ་ཤི་རོ་ཀ་ཏཱན་ ཨ་པ་ ཇ་ག་ཨ་པ་དག་ཉི་ ཞུན༌ཅ། 16ཨ་ཧ་བ་ཤོ་ དཀོན་མཆོག་ག་ སྲས་སྲས་མོ་གི་ལ་དག་ཉི་ ཐུགས་ཉིད་རོག་ཏེན་གི་རང་ ཨ་ཧ་རྣམ་ཤེས་ཀབ་ཉི་ འཛོམས་དཔང་ཨ་ཉི་གནང༌ཅ། 17ཉི་ཨོམ་ ཨ་ཧ་བ་ཤོ་ རོ་ཀ་སྲས་སྲས་མོ་བ་གི་ནེ་ལ་ དཀོན་མཆོག་གི་ཐ་ཁཱན་ བྱིན་རླབས་བ་ ཁིརིས་ཀབ་ཉི་ཏབ་ཐུར་ག་ ཨ་ཤི་བུ་ཉོང༌པེ། དག་པ་ཀབ་ཉི་ ཨ་ཤི་རོ་ཀ་གཟི་བརྗིད་ཁེ་པ་ བོང་མེ་གི་ལ་དག་ནེ་ལ་ རོག་དཀའ་ཝ་ཅཱད་ཁཱན་བ་བུ་ ཨ་ཤི་རོག་ཀབ་ཉི་ བོང་མེ་ཁེ༌ལེ༎
མ་འོངས་པ་ག་གཟི་བརྗིད།
18ཨོ་ཉེ་རང་གི་ནེ་བུ་ ཨ་ཤི་ཨོ་མ་ དཀའ་ཝ་ཅཱད་ཁཱན་ཁེ་པ་ མ་འོངས་པ་ག་ གཟི་བརྗིད་ཀབ་ཉི་ རེ་བ་ཀབ་ཉི་ ཧང་རང་མང་གི། 19ཧང་ཡ་དག་ནེ་ལ་ དཀོན་མཆོག་གི་ བཀོད་ཉི་ཐ་ཁཱན་ ཐམས་ཅན་རང་ ཚ་གྱང་བང་ཉི་ དཀོན་མཆོག་ག་ སྲས་སྲས་མོ་ངོ་མ་བ་ གེན་གནང་མེ་དེན་གེ་ ནོང་མེ་གང༌ཅ། 20-21ཧང་ཡ་དག་ནེ་ལ་ བཀོད་ཉི་ཐ་ཁཱན་ ཐམས་ཅན་རང་ གནམ་མེད་ས་མེད་ དབུགས་འགམ་པེ་གང༌ཅ། དབུགས་འགམ་པེ་ ལ་མ་ཨ་དེན་གེ་ མང་གི་ཝ་ དཀོན་མཆོག་ག་ ཐུགས་བཞེད་རང་ ཨུ་ཉུ་ད་བུ་ ཆོ་ཝ་ཨ་དེན་གེ་གི༌ལ། ཨོ་ཉེ་རང་གི་ནེ་བུ་ བཀོད་ཉི་ཐ་ཁཱན་བ་ མེ་པ་མ་དི་ལེ་དེན་གེ་ ཐར་པ་ཉོང་ཉི་ གཟི་བརྗིད་ཅན་ག་ རང་དབང་རང་ཚད་ཉོང་ཁཱན་ དཀོན་མཆོག་ག་ སྲས་སྲས་མོ་བ་ཀབ་ཉི་ ཆོ་ལེ་དེན་གེ་ རེ་ཆ་ཨ་ཝ༌ཅ། 22ཨོ་མ་སག་པུ་ བཀོད་ཉི་ཐ་ཁཱན་ ཐམས་ཅན་རང་ ཝག་ཙ་སིང་མ་ཀབ་ཉི་ ན་ཚ་ཨོ་ཕ་པུརུས་ཀིན་ཨ་ཉི་ ནང་དོག་པེ་གང་ཅ་དག་ཉི་ ཨ་ཤི་སེན༌ཅ། 23ཨུ་ཉུ་ཤ་མང་གི་ཝ་ ཨའི་གོ་སེ་སེ་ཁཱན་ དམ་པའི་ཐུགས་ཉིད་ག་ སེ་གི་ནེ་བུ་ དཀོན་མཆོག་ག་ སྲས་སྲས་མོ་ཅོད་ཉི་ གནང་མེ་དེན་གེ་དང་ ཨ་ཧ་ལུས་པུ་སིང་མ་ཅོད་ཉི་ གནང་མེ་དེན་གེ་ ནོང་ཅ་ཨ་ཉི་ ཨའི་བུ་ གནམ་མེད་ས་མེད་དྲམ་ཉི་ ཨས་ཨིས་ཇིག་པེ་གང༌ཅ། 24ཨའི་ཐར་པ་ཉོང་པེ་གང་ཀ་ ཨ་ཤི་ཨོ་ཐ་རེ་ཆ་ཉོང་པ་ཆོ༌ཝ། དག་པ་ཀབ་ཉི་ ཐོང་མེ་རེ་ཁཱན་ག་ རེ་ཆ་ཨ་ཁཱན་ཤོ་ རེ་ཆ་མང་གི། རང་ཏེན་ག་ཆོ་ནེ་ལ་ ཨི་བི་གི་རེ་ཆ་ཨན་ཅ་ཡ། 25དག་པ་ཀབ་ཉི་ ཨོ་མ་ ཨ་ཧ་ག་དང་ག་མ་ཁཱན་བ་ རེ་ཆ་ཨ་ནེ་ལ་ ཨ་ཤི་བཟོད་པར་སྒོམ་ཉི་ ཆོ་ལེ་རེ་བེ་ཁེ༌ལེ།
26ཨུ་ཉུ་པུརུས་ཀིན་ཨ་ཉི་ ཨའི་ཤུག་མ་ལཱན་ ཆོ་ལེ་གང་ཀ་ དམ་པའི་ཐུགས་ཉིད་གི་ ཨ་ཧ་ཇ་རོ་ཨ་ཉི་གནང༌ཅ། ཨ་ཤི་ཧང་ཏེན་ སྨོན་ལམ་ཏ་པེ་ཁེ་ལེ་སྨོ་རང་ སེ་ལུ་མཱན༌ཅ། དག་པ་ཀབ་ཉི་ ཐུགས་ཉིད་གི་ ཨ་ཧ་དེན་གེ་ གནམ་མེད་ས་མེད་ འོ་བརྒྱལ་ཉི་ དཀོན་མཆོག་ག་ སྨོན་ལམ་ཏབ༌ཅ། རོག་ཧབ་ཏུར་ འོ་བརྒྱལ་ཅ་གི་ལ་སྨོ་ ཨ་ཤི་ཨོ་ཉ་ཀོར་གེ་ ཡེག་ནེ་བུ་ཡེག་པེ་མར༌བ། 27ཉི་ཨ་ཧ་སེམས་ཀོར་གེ་ ཐམས་ཅན་རང་མཁྱེན་ཁཱན་ དཀོན་མཆོག་གི་ ཐུགས་ཉིད་ག་ སེམས་བུ་མཁྱེན༌ཅ། ཧང་ཡ་དག་ནེ་ལ་ དཀོན་མཆོག་ག་ ཐུགས་བཞེད་དང་ཏུ་ཉི་ ཐུགས་ཉིད་གི་ ཡི་ཤུ་པ་བ་ཀ་དེན་གེ་ སྨོན་ལམ་ཏབ་ཅ་གི༌ལ། 28དཀོན་མཆོག་གི་ ཕང་ཁཱན་དང་ རོ་ཀ་དེན་ཐ་འགྲུབ་ཕེ་ག་ར་ཁཱན་ སོ་ངོ་བ་ཀ་དེན་གེ་ ཧང་ག་རང་གི་ནེ་བུ་ རོག་ཏེ་བ་ཀ་ ལེག་པུ་ཨན་ གནང་མེ་དེན་གེ་ མཛད་ཅ་གི་ལ་དག་ཉི་ ཨ་ཤི་སེན༌ཅ། 29དཀོན་མཆོག་གི་ གོ་མ་གེ་རང་ རོ་ཀ་སོ་ངོ་བ་མཁྱེན་མ་ཆོ༌ཝ། རོ་ཀ་སྲས་ཁེ་པ་ བཱརའ་ཡུང་ཟི་བ་ཀ་པོང་ཀ་ གོ་སིང་ཁཱན་ རིན་ཆེན་དག་པ་གི་ རོ་ཀི་རོག་ཏེ་བ་ རོ་ཀ་སྲས་ད་བུ་རང་ རི་ལེ་དེན་གེ་ སི་ཉི་གནང་མ༌ལ། 30ཉི་དཀོན་མཆོག་གི་ སི་ཁཱན་བ་ རོ་ཀི་རཱན་གནང་མ༌ལ། ཉི་རོ་ཀི་ར་ཁཱན་བ་ རོ་ཀི་དྲང་པུ་ཅོད་ཉི་གནང་མ༌ལ། ཉི་རོ་ཀི་དྲང་པུ་ཅོད་ཁཱན་བ་ རོ་ཀི་གཟི་བརྗིད་ཅན་ ཅོད་ཉི་གནང་མ༌ལ༎
ཨི་བི་གི་རང་ དཀོན་མཆོག་ག་སྙིང་རྗེ་གེ་ ཁ་བེརེ་བེ་མར༌བ།
31ཨོ་ཐ་བ་ཀ་དེན་གེ་ ཨ་ཤི་ཧང་ཡེག་པེ་ཡ། དཀོན་མཆོག་ ཨ་ཧ་དེན་གེ་གི་ནེ་ལ་ ཨི་བི་གི་ ཨ་ཧ་དགྲ་ཨ་ལེ་རེ་བེ་ཡ། 32དཀོན་མཆོག་གི་ རོ་ཀ་སྲས་ཆང་མ་ཐ་ལཱན་ ཨའི་ཐམས་ཅན་ག་དེན་གེ་གནང༌མ། ཧང་བཱརའ་ཐམས་ཅན་རང་ རོ་ཀི་ཐུགས་རྗེ་གཟིགས་ཉི་ ཨ་ཧ་མ་གནང་མ་སྨོ། 33དཀོན་མཆོག་གི་ སི་ཁཱན་བ་ཀ་དགྲ་ཨ་ཉི་ ཨི་བི་གི་རྩིས་ཞུ་ཕིད་པེ་ རེ་བེ་ཡ། དྲང་པུ་ཅོག་ཉི་གནང་ཁཱན་ཤོ་ དཀོན་མཆོག་གི༌ལ། 34ཁྲིམས་ཀེ་ཁཱན་ ཨི་བི་གི་ལ་ཡ། གཤགས་ཁཱན་ ཡི་ཤུ་ཁིརིས་གི་ལ་སྨོ། མང་གི། རོག་ཤོ་ གཤགས་པ་གེ་ ལོག་ཉི་བཞེངས་ཐཱན་ དཀོན་མཆོག་ག་ ལ་ཉོང་ལོ་ཀ་བཞུགས་ཉི་ ཨ་ཧ་དེན་གེ་ སྨོན་ལམ་ཏབ་ཉི་ གནང་ཁཱན་གི༌ལ།
35ཁིརིས་ག་སྙིང་རྗེ་གེ་ ཨའི་ཨི་བི་གི་ ཁ་བེརེ་བེ་རེ་བེ་ཡ། ཧང་དཀའ་ཝ་ཅཱད་པ་ཀབ་ཉི་སྨོ་ ནང་དོག་པ་ཀབ་ཉི་ཡ། ཀ་ལུ་ཏཱད་པ་ཀབ་ཉི་སྨོ་ བི་ནང་ཁུ་ལ་ཀབ་ཉི་ཡ། ཙ་ཏི་ལིང་པ་ཆོ་ལ་ཀབ་ཉི་སྨོ་ ཤི་ལེ་ག་ ཉེན་ཁ་ཆོ་ལ་ཀབ་ཉི་ཡ། ཨུ་ཉུ་མ་ནེ་ལ་ གི་རིང་གི་རེ་བེ་སྨོ། 36གསུང་རབ་གེ་ ཨོ་ཐེན་ཤོན་ཅ་ ན་ཧ་ཡོར་ཀེ་ ཨའི་ཏ་བུ་རང་ ཤི་ལེ་ག་ཉེན་ཁ༌ཅ། ཨའི་ཤོ་ ཤེ་ལེ་བུ་ཁཱན་ ཤི་ཤ་ད་བུ་ཙིན་ཅ་#8:36 མགུར་མ་ག་དཔེ་ཆ་ 44:22དག༌ཉི། 37མང་གི་ ཨའི་གནམ་མེད་ས་མེད་ ཕང་ཉི་གནང་ཁཱན་ ཁིརིས་ག་མཚན་ག་ ཨོ་ཐ་བ་ ཐམས་ཅན་རང་ཕམ་ཉི་ ཨ་ཤི་རྒྱལ་ཁ་ཆི་ལུ་ཉོང་པ༌ཅ།
38ཇི་གི་སེན་ཅ་ ཤི་སྲོག་དང་ཚེ་ ཞིང་ཁམས་ག་འཐེན་པ་བ་དང་ དོན་ག་བ་ ཨོ་མ་དང་མ་འོངས་པ་ སྟོབས་དབང་ ཧང་ད་བུ་རང་ཆོ་ནེ་བུ་ 39ཐོ་ལ་ཐུང་ཀ་ཆོ་ཁཱན་དང་ ཡོ་ལ་ཧོང་ཀང་ནང་ཀ་ཆོ་ཁཱན་ ཉི་ཨུ་ཉུ་མ་ཚཱད་པ་ བཀོད་ཉི་ཐ་ཁཱན་བ་ཀ་པོང་ཀེ་ ཐུར་གི་རང་ དཀོན་མཆོག་ག་སྙིང་རྗེ་གེ་ ཨ་ཧ་བ་ བེརེ་བེ་མར་བ་དག༌ཉི། ཨོ་ཐ་སྙིང་རྗེ་ཤོ་ ཨ་ཧ་གཙོ་བོ་ ཁིརིས་ཡི་ཤུ་ག་ཐུང་ཀེ་ཨ་ཉི་ ཨ་ཧ་གེན་གནང་མ་གི༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved