Yawhana 15
15
Yɛsu ani Fur Inabi Nam Dzǝri
1“Yi ani fur inabi nam dzǝri, ba Babarna ani ndǝr tsǝwhari. 2Kǝlara tsizu ata dzawai nam kura ada ya munya, dzǝ ata dlǝnta tǝni. Kǝlara tsizu nam ada ya madar tsuwɛ, dzǝ ata dzǝguti tǝni, ani ka dzǝ dzakti ya. 3Wala kulini ma gǝr kǝtsǝkǝtsi kadǝbar labar nam tǝ Yi nkǝrɛ ala gǝri. 4Ka gǝri ndzai akwa yɛ, ba Yi ata ndzai akwa gǝri. Tsizu adi ada ya madar dzǝ duku wɛ, kǝ ndzai ntsakǝr si ma dzǝ ata dza mamarari. Ani gǝri adi ata mǝzi yai munya wɛ tar ma gǝri ndzai akwa yɛ.
5“Yi ani fur inabi, gǝr ani tsizuwur fu ni. Ndǝ nam tara ndzai akwa yɛ ba Yi akwa dza, dzǝ ani ata ya munya hang. Akuya ma adi aka Yi wɛ, gǝri adi ata mǝzi ka 'yati mima wɛ. 6Ndǝ nam kura ta ndzai akwa yɛ, dzǝ apa tsizu nam tǝ ndǝ ɗalnta ka ɓuli; dzǝli tsizu yarnda ndǝ ada fati, ka pu akwa u'u ka dzǝ mbantadzi. 7Ma gǝr ndzai akwa yɛ, ba labarna ada ndzai akwa gǝri, gǝri ata yuwɛ kǝlara sǝ nam tǝ gǝri ada bara ndǝ ata la gǝri. 8Saka nam tǝ gǝri ada ya munya hang, gǝr ani ndzǝr nuwurna. Əni ada si aka hǝmɛ nam ngga ala Babarna.
9“Apa tǝ Tada tara yiɗǝ tǝra, ani apani Yi ma tǝ Yi yiɗǝ tǝ gǝri. Ka gǝri ndzai akwa yiɗǝdzǝrna. 10Ma gǝri ada ɓǝla tsawurna yarɛ, gǝri ata ndzai akwa yiɗǝdzǝrna, tsu apa tǝ Yi ɓǝlati tsawur Babarna, ba ndzai akwa yiɗǝdzǝrni. 11Yi nkǝrɛ ala gǝri apani ani ka mwapukur ɗǝfawai ndzai akwa gǝri, ani ka mwapukur ɗǝfa gǝri ka dzǝ ndzai kal-kal. 12#Yaw 13:34; 15:17; 1Yaw 3:23; 2Yaw 1:5Əni ani tsawurna: Yiɗamɛ kǝma gǝri, tsu apa tǝ Yi yiɗǝ tǝ gǝri. 13Yiɗǝdzi nam ɓwalnta sang tǝ ndǝ awa 'ya akǝr ala pazǝrni ani ka dzǝ hamnta alari mpikari. 14Gǝri ani pazǝrna ma gǝri ada 'ya sǝ nam tǝ Yi tsau ala gǝri. 15Yi tsu adi ata kǝga tǝ gǝri zǝr kǝi kǝra wɛ, kadǝbar zǝr kǝi ta zǝndi sǝ nam tǝ thlakǝrni ada 'ya wɛ. Ata vuiya ǝni, Yi ada kǝga tǝ gǝri pazi yarɛ, kadǝbar Yi ghaba ala gǝri sanga sǝ nam tǝ Yi ngati aka Babarna. 16Adi gǝri dza tsarba tǝra wɛ, ama Yi dza tsarba tǝ gǝri ba kǝlba tǝ gǝri ka gǝri tǝra lǝka ya munya hang kura kurkuri. Antǝ Tada ata la gǝri kǝlara sǝ nam tǝ gǝri yu akwa thlǝmawai.” 17Əni ani tsawurna: Yiɗamɛ kǝma gǝri.
Dunya Ngǝla Ndzǝr Nuwur Yɛsu
18“Ma apǝri dunya ni ngǝla tǝ gǝri, ka gǝri zǝndi apǝri dunya ngǝla tǝra kǝmata gǝri. 19Ma apǝri gǝr nǝr dunya, dunya ata yiɗǝ tǝ gǝri apa nǝni. Ama gǝri adi nǝr dunya wɛ, Yi kurta tsarba tǝ gǝri akwa dunya, ani sǝ nam ada 'ya tǝ dunya tara ngǝla tǝ gǝri. 20#Mat 10:24; Luk 6:40; Yaw 13:16Ka gǝr ɗǝngati labar nam tǝ Yi nkǝrɛ ala gǝri: Zǝr kǝi adi ata saga kwatsǝni thlakǝr kǝiyirni wɛ. Ma dar lai bwanai, gǝri yɛ dar ata la gǝri bwanai, ma dar ɓǝlati hyipǝrna, dar ata ɓǝlati nǝgǝri ma. 21Sanga ǝni dar ata 'ya ala gǝri kadǝbar thlǝmawai, akuya dar ta zǝndi Ndǝ nam tara hyanti tǝra wɛ. 22Ma apǝri Yi ta si ka gha ala dar wɛ, dar adi ata 'ya aka biku wɛ. Ama kulini, dar adi aka su tǝ dar ata mbui bikǝr dar wɛ. 23Ndǝ nam tara ngǝla tǝra, dzǝ ngǝla Bana ma. 24Ma Yi ta 'ya akwa ntsa dar sǝ nam kura ndǝ damwa ta saga 'ya wɛ, dar adi ata ndzai aka biku wɛ. Wala ahani dar wula sǝr ndati yarni, ama dar ngǝla tǝ yar gyapu aka Babarna. 25#Zab 35:19; 69:4Ama ǝni ani ka dzǝ ghǝiyaba sǝ nam rǝbwa-rǝbwa akwa mabariyir dar: ‘Dar ngǝla tǝra ɓǝrtu.’
26“Ama Yi ata hyanti ala gǝri Ndǝr Mbana, nam ani Mambǝlǝr dzǝrkur ni. Dzǝ hyati adzǝ Tada ni, ba dzǝ ata 'ya sakǝida ata kǝrawai. 27Gǝr ma kǝ ndzai ntsakǝr gǝr sakǝida, kadǝbar tsu akwa baditsǝniyari tǝ gǝri vwam kaka yɛ.”
Currently Selected:
Yawhana 15: CKL
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
Yawhana 15
15
Yɛsu ani Fur Inabi Nam Dzǝri
1“Yi ani fur inabi nam dzǝri, ba Babarna ani ndǝr tsǝwhari. 2Kǝlara tsizu ata dzawai nam kura ada ya munya, dzǝ ata dlǝnta tǝni. Kǝlara tsizu nam ada ya madar tsuwɛ, dzǝ ata dzǝguti tǝni, ani ka dzǝ dzakti ya. 3Wala kulini ma gǝr kǝtsǝkǝtsi kadǝbar labar nam tǝ Yi nkǝrɛ ala gǝri. 4Ka gǝri ndzai akwa yɛ, ba Yi ata ndzai akwa gǝri. Tsizu adi ada ya madar dzǝ duku wɛ, kǝ ndzai ntsakǝr si ma dzǝ ata dza mamarari. Ani gǝri adi ata mǝzi yai munya wɛ tar ma gǝri ndzai akwa yɛ.
5“Yi ani fur inabi, gǝr ani tsizuwur fu ni. Ndǝ nam tara ndzai akwa yɛ ba Yi akwa dza, dzǝ ani ata ya munya hang. Akuya ma adi aka Yi wɛ, gǝri adi ata mǝzi ka 'yati mima wɛ. 6Ndǝ nam kura ta ndzai akwa yɛ, dzǝ apa tsizu nam tǝ ndǝ ɗalnta ka ɓuli; dzǝli tsizu yarnda ndǝ ada fati, ka pu akwa u'u ka dzǝ mbantadzi. 7Ma gǝr ndzai akwa yɛ, ba labarna ada ndzai akwa gǝri, gǝri ata yuwɛ kǝlara sǝ nam tǝ gǝri ada bara ndǝ ata la gǝri. 8Saka nam tǝ gǝri ada ya munya hang, gǝr ani ndzǝr nuwurna. Əni ada si aka hǝmɛ nam ngga ala Babarna.
9“Apa tǝ Tada tara yiɗǝ tǝra, ani apani Yi ma tǝ Yi yiɗǝ tǝ gǝri. Ka gǝri ndzai akwa yiɗǝdzǝrna. 10Ma gǝri ada ɓǝla tsawurna yarɛ, gǝri ata ndzai akwa yiɗǝdzǝrna, tsu apa tǝ Yi ɓǝlati tsawur Babarna, ba ndzai akwa yiɗǝdzǝrni. 11Yi nkǝrɛ ala gǝri apani ani ka mwapukur ɗǝfawai ndzai akwa gǝri, ani ka mwapukur ɗǝfa gǝri ka dzǝ ndzai kal-kal. 12#Yaw 13:34; 15:17; 1Yaw 3:23; 2Yaw 1:5Əni ani tsawurna: Yiɗamɛ kǝma gǝri, tsu apa tǝ Yi yiɗǝ tǝ gǝri. 13Yiɗǝdzi nam ɓwalnta sang tǝ ndǝ awa 'ya akǝr ala pazǝrni ani ka dzǝ hamnta alari mpikari. 14Gǝri ani pazǝrna ma gǝri ada 'ya sǝ nam tǝ Yi tsau ala gǝri. 15Yi tsu adi ata kǝga tǝ gǝri zǝr kǝi kǝra wɛ, kadǝbar zǝr kǝi ta zǝndi sǝ nam tǝ thlakǝrni ada 'ya wɛ. Ata vuiya ǝni, Yi ada kǝga tǝ gǝri pazi yarɛ, kadǝbar Yi ghaba ala gǝri sanga sǝ nam tǝ Yi ngati aka Babarna. 16Adi gǝri dza tsarba tǝra wɛ, ama Yi dza tsarba tǝ gǝri ba kǝlba tǝ gǝri ka gǝri tǝra lǝka ya munya hang kura kurkuri. Antǝ Tada ata la gǝri kǝlara sǝ nam tǝ gǝri yu akwa thlǝmawai.” 17Əni ani tsawurna: Yiɗamɛ kǝma gǝri.
Dunya Ngǝla Ndzǝr Nuwur Yɛsu
18“Ma apǝri dunya ni ngǝla tǝ gǝri, ka gǝri zǝndi apǝri dunya ngǝla tǝra kǝmata gǝri. 19Ma apǝri gǝr nǝr dunya, dunya ata yiɗǝ tǝ gǝri apa nǝni. Ama gǝri adi nǝr dunya wɛ, Yi kurta tsarba tǝ gǝri akwa dunya, ani sǝ nam ada 'ya tǝ dunya tara ngǝla tǝ gǝri. 20#Mat 10:24; Luk 6:40; Yaw 13:16Ka gǝr ɗǝngati labar nam tǝ Yi nkǝrɛ ala gǝri: Zǝr kǝi adi ata saga kwatsǝni thlakǝr kǝiyirni wɛ. Ma dar lai bwanai, gǝri yɛ dar ata la gǝri bwanai, ma dar ɓǝlati hyipǝrna, dar ata ɓǝlati nǝgǝri ma. 21Sanga ǝni dar ata 'ya ala gǝri kadǝbar thlǝmawai, akuya dar ta zǝndi Ndǝ nam tara hyanti tǝra wɛ. 22Ma apǝri Yi ta si ka gha ala dar wɛ, dar adi ata 'ya aka biku wɛ. Ama kulini, dar adi aka su tǝ dar ata mbui bikǝr dar wɛ. 23Ndǝ nam tara ngǝla tǝra, dzǝ ngǝla Bana ma. 24Ma Yi ta 'ya akwa ntsa dar sǝ nam kura ndǝ damwa ta saga 'ya wɛ, dar adi ata ndzai aka biku wɛ. Wala ahani dar wula sǝr ndati yarni, ama dar ngǝla tǝ yar gyapu aka Babarna. 25#Zab 35:19; 69:4Ama ǝni ani ka dzǝ ghǝiyaba sǝ nam rǝbwa-rǝbwa akwa mabariyir dar: ‘Dar ngǝla tǝra ɓǝrtu.’
26“Ama Yi ata hyanti ala gǝri Ndǝr Mbana, nam ani Mambǝlǝr dzǝrkur ni. Dzǝ hyati adzǝ Tada ni, ba dzǝ ata 'ya sakǝida ata kǝrawai. 27Gǝr ma kǝ ndzai ntsakǝr gǝr sakǝida, kadǝbar tsu akwa baditsǝniyari tǝ gǝri vwam kaka yɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association