Aposolo 2
2
Epe Yaakopi Sipiridi su wenaalinu para ipisaya ei
1Monde Pendikosi naare ipisaya dinare mo Yesuna angele pangoaisimiya wenaali raayo komea lena mombelisimiya. 2Go dina go gole so yaa nane pokiki andaai kuu loma ipula rupa mandana, kuu andaai loma ipuma mo wenaali mombea pirisimiya anda rupara epa rumbilisaya. 3Gupuma mo wenaalimi repana sulame ande leenu ria pamisaya ei andisimiyapare rando rando para monde repana sulame ande aleme pua waraisaya. 4Gupuma mo Epe Yaakopi Sipiridimi nimu raayona pu para pua konda pamboma rumbia piri mo wenaali raayome angele rando rando lena, lisaya.
5Pa andasu raayo paranu aoma Gode para yainya puaisimiya Isaraelimi mandu rangala pae alinu Diurusaleme ree anda para epa yoka aisimiya.
6Monde kuu andaai lisaya ei pangomare wenaali raayo pua mombelisimiya. Mo Yesu para kone rulaisimiya wenaalinumi mo Isaraelimi mandu rangala pae alinuna anda angele rando rando loma lisimiya angele pangala ara rungula mealo pambisimiya. 7Waru rungula mealo pambala ara rana andaai komala ara nimuna nimuna lalore, Go alinu raayore Galili andasu alinuae, lisimiya. 8Go alinumiri nana anda angelenu rando rando damenda pangalema eiri akipuma damepae, lisimiya.
9-10Naare Padia andasu nane pange Midia andasu nane pange Ilame andasu nane pange Mesopodemia andasu nane pange Diudia andasu nane pange Kapadosia andasu nane pange Pondasi andasu nane pange Esia andasu nane pange Pirisia andasu nane pange Pambilia andasu nane pange Idiapi andasu nane pange mo Sairini ree anda repara Lipia andasu nane pange mendane einu Romo ree anda nane aoma epa aema, lisimiya. Mendane wenaalinuri Kiridi Areipia andasu laapo nane aoma epa aema, lisimiya. 11Naare Isaraelimi mandu rangala pae alinu pange naame Isaraelimi mandu rangala pae wenaalinuna aunu epa pama andasu menda wenaalinu pange aema, lisimiya. Go pemapare Godeme pea andaa aunu naana anda angeleme damepare pangelemae, lisimiya. 12Nimu rungula mealo pamboma kone marisayanda nimuna nimunale lora lora pula ara lalore, Gore ake au puma piapae, lisimiya.
13Alinu menda parame mo Yesu para kone rulaisimiya wenaalinu para giri loma ero lada ara lalore, Go alinuri koae ipa noma keyada ara pimi paleya, lisimiya.
Pidame angele walisaya ei
14Gupuma Pidame monde ki laapo pereyoma angena komea alinu rapu rekoma ara wenaali para angele andapu loma lalore, Naa anda ruru Isaraelimi mandu rangala pae alinu pange go Diurusaleme ree anda para aeme wenaali pange nimi raayome go pi eina ree angele neme nimi para doale waru pangalepape, lisaya. 15Gupuma lalore, Mendane alinu nimina konemere, Go alinuri koae ipa noma keyada ara pimi paleya damepare diae. Ambia palumu naare weno nane epa rala-ainyaloma dama. 16Go auri ambala mo Godena poropedi ali Diolo nipumi wape pea ei gurupa lea, lisaya.
17Godeme lalore, Naarenu peredoameya ainyare
gupula, lea.
Wenaali raayo para na Epe Yaakopi Sipiridi
ale ale pula, lea.
Gupuma nimina nongo nakinumi na angele
wenaalinu raayo para la ma-alala pilimi, lea.
Nimina pena alinumi pena aunu penameyao
wadea ei andeleme.
Gupuma nimina yomogai alinumi pange upanu
pilimiae, lea.
18Go naare nainiri neme na Epe Yaakopi Sipiridi
ale ale pulandare na pupudengi nao-aeme
wenaalimiri na angele la ma-alala pilimi, lea.
19Gupuma so yaa nane pange su nane pange
na-andoaeme puri waru pale aunu pula, lea.
Gupuma wee andapu pange repana sula pange
londo andaai pange andeleme.
20So naare rimbadea.
So sumba pange wee puma komaminyambelea.
Gupuma go kou nanere monde Realina ora Ririna
Andaa Paa Pi Naare epelea, lea, lisaya.
21Gupuma wena o ali menda apimi Reali para
ni rambameae, loma wi deandare go wena o aliri
Realimi rambamilia, loma wape pea, lisaya.
22Isaraeli alinuo, neme go lalo angele pangalepape. Ande Nasarere ree anda ali Yesu nimi rapu epa ainyaloma Godeme Yesu neeme rapayo lo walea auri na-andoaeme einu pange riripu pi einu pange rombo wada einu Yesumi Gode nipuna wele kongapuna pinya, lisaya. Go eiri nimimi andeme, lisaya. Akepeandare go aunuri nimi rapu ara pande, lisaya. 23Gode nipuna rana pi eina pange kone suma Yesuri dia minyaya nimi para ma-gulame kone wisaya. Nimimi Yesu Keriso liiamende. Akepeandare mo koae koae alinumi Yesu ekeraisa wape pi repanana ikokome lu andiariminde ei go au na-pipape lo nimimi na-lamende, lisaya. 24Go pamendepare Godeme Yesu wala ma-rekaripande. Komea eimi Yesu nipuna do na-rongaisayapare ma-bembolaoma Godeme komea eina puri rungulaoma pu lisaya. Akepeandare komea eimi Yesu ma-siambape ora ana na-pea, lisaya. 25Deipidimi nipumi pula pisaya einu leanda laloae,
Reali naare raayo ni rapu ayandare andoayo.
Na popeke ki nane ayanda
ni kendame na-komoalua.
26Go eina, na pumi raname komala ara na angaame
pange rana pi angelenu loayo.
Gupuma na dome pange epe einu mulameya
andere-alua.
27Neeme komeme wenaali aeme lena,
na remo go para na-ainya de, loma
gupuma nena Yaakopi Ali pa ramula pea eina
na-raminya de, loma, lea.
28Monde endo-ae pora ni para ambala waloma
neeme ni rapu alenda raname kome eimi
ni para rumbiale, loma lea, lisaya.
29Amenuo, naana kasua Deipidimi pisaya ei nimi para ora angele go lalondae. Nipuri ambalandele komisayanda ma-dapa pisimiyapare ambia pange ande dapa pia lena ando-aema. 30Deipidiri Godena poropedi ali arare ande Godeme nipu para angele la wi ei pangisaya. Godeme nipu para angele la siala ara lalore, Nena kou nane ala pea ali komeare nee kini ali ale rupa ma-ainya doa, lama, lea. 31Gupuma Deipidimi Godeme pula pea ei kone siala ara ande Keriso wala rekola pea ei para gurupa lea.
Neeme komea wenaali aeme lena,
na remo go para na-ainya doa lea.
Nipuna do dapa para na-ramilia lea, lisaya.
32Gonde Yesuri Godeme wala ma-rekaya eiri naa raayome andama. Gupuma nimi para naame la gialema. 33Yesuna Apame la wisaya rupa, Godeme Yesuri ma-rekoma nipuna popeke ki nane ma-rekoma arare nipu para Epe Yaakopi Sipiridi alaya. Gupuma naame ambia go andema einu pange go pangalema einu raayo nipuna gula lealere nipumi naa para epena da, lisaya. 34Deipidiri so Epeni nane na-paisayapare go ei lea.
Reali Godeme nina Reali para gupi lea,
Neere nina popeke ki nane pira lea.
35Go au pumare werepenare nena yanda runguli
alinuri nena rolo para ma-piralua lea.
36Go eina, Isaraelimi mandu rangala pae wenaali raayo gonde nimimi ekeraisa wape pi repanana liiamende Yesuri Godeme nipuri Reali pange Keriso pange ma-ainyalea eiri nimimi kone ora waru sialepape, loma, Pidame lisaya.
Wenaali andapumi kone perekeyao suma Yesu para kone rulaisimiya ei
37Mo wenaalinumi go angele pangomare nimuna pu para awisayandare Pida para pange mendane Yesuna angele ma-puao-aeme alinu para pange angaa meala ara lalore, Amenuo, naamere ake au pumonoyapae, loma lisimiya.
38Go lisimiyanda Pidame nimu para lalore, Godeme nimina koae au peme einu wala ma-epeainyayanda kone menda perekeyo sumare Yesu Kerisona bina baparaisi au pipape. Gupilimindare Godeme gilia lere Epe Yaakopi Sipiridi gilia, loma lisaya. 39Go einaya lawa. Gonde Godeme angele la wi eiri nimi para pange nimina naki nongonu para pange la wisaya. Papare aeme wenaali para pange ande Reali naana Gode nipumi nipu para epenaya wi da wenaali raayo para pange nipumi angele la wisaya.
40Pidame go rupa angele waloma pa mendane angelenu pange perekeyoma angele puri paloma walala ara lalore, Go koae wenaali koyaluame epelea au kole eimi nimi rongona koyapana, ora gialepape, lisaya. 41Go lisayanda wenaali waru andapumi Pidame walisaya angele pangoma baparaisi au pisimiya. Wenaali raayore daoseni repo rupa go naarena monde angele misimiya wenaali aperao aisimiya. 42Mo wenaalimiri ande Yesuna angele ma-puao-aeme alinumi waloaisimiya angelenu pangala pumare Keriso wenaali rapu mombeala puma mendaa para piri enda nolameya mombeala puma yainya pala pisimiya.
Pena Keriso wenaalinuna epe aunu puaisimiya ei
43Gupuma Godeme puri ma-palada-ainya mo Yesuna angele ma-puao-aeme alinumi na-andoaisimiya einu waru pisimiyanda wenaali raayome paalame komala ara lee opaminyambepe pisimiya. 44Monde angele pangisimiya Keriso wenaali raayome mendaa para waru mombea ara nimuna siaisimiya alenu raayo rali rali pisimiya. 45Nimuna su andanu rongona, nimuna alenda alendanu pange mendame kambenalomare mo muni mumare alenda alenda diale narali wenaali rapu rali rali pisimiya. 46Naare raayo mo Gode para alinau puaisimiya andaa anda rupara komea para mombeala puma nimuna anda paranu pange mendaa para piri enda nala pisimiya.
47Ora epe rupa kumapa ara Godena bi minyasiada ara nimuna enda raname komala ara nala pisimiya. Gupuma wenaali raayome pange nimu para raname komala pisimiya. Go eina naare raayo Realimi rambamuma ma-endada, angele misimiya wenaali nimu rapu ainyaya ma-raminyekepao-ainya lala pisaya.
Currently Selected:
Aposolo 2: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 2
2
Epe Yaakopi Sipiridi su wenaalinu para ipisaya ei
1Monde Pendikosi naare ipisaya dinare mo Yesuna angele pangoaisimiya wenaali raayo komea lena mombelisimiya. 2Go dina go gole so yaa nane pokiki andaai kuu loma ipula rupa mandana, kuu andaai loma ipuma mo wenaali mombea pirisimiya anda rupara epa rumbilisaya. 3Gupuma mo wenaalimi repana sulame ande leenu ria pamisaya ei andisimiyapare rando rando para monde repana sulame ande aleme pua waraisaya. 4Gupuma mo Epe Yaakopi Sipiridimi nimu raayona pu para pua konda pamboma rumbia piri mo wenaali raayome angele rando rando lena, lisaya.
5Pa andasu raayo paranu aoma Gode para yainya puaisimiya Isaraelimi mandu rangala pae alinu Diurusaleme ree anda para epa yoka aisimiya.
6Monde kuu andaai lisaya ei pangomare wenaali raayo pua mombelisimiya. Mo Yesu para kone rulaisimiya wenaalinumi mo Isaraelimi mandu rangala pae alinuna anda angele rando rando loma lisimiya angele pangala ara rungula mealo pambisimiya. 7Waru rungula mealo pambala ara rana andaai komala ara nimuna nimuna lalore, Go alinu raayore Galili andasu alinuae, lisimiya. 8Go alinumiri nana anda angelenu rando rando damenda pangalema eiri akipuma damepae, lisimiya.
9-10Naare Padia andasu nane pange Midia andasu nane pange Ilame andasu nane pange Mesopodemia andasu nane pange Diudia andasu nane pange Kapadosia andasu nane pange Pondasi andasu nane pange Esia andasu nane pange Pirisia andasu nane pange Pambilia andasu nane pange Idiapi andasu nane pange mo Sairini ree anda repara Lipia andasu nane pange mendane einu Romo ree anda nane aoma epa aema, lisimiya. Mendane wenaalinuri Kiridi Areipia andasu laapo nane aoma epa aema, lisimiya. 11Naare Isaraelimi mandu rangala pae alinu pange naame Isaraelimi mandu rangala pae wenaalinuna aunu epa pama andasu menda wenaalinu pange aema, lisimiya. Go pemapare Godeme pea andaa aunu naana anda angeleme damepare pangelemae, lisimiya. 12Nimu rungula mealo pamboma kone marisayanda nimuna nimunale lora lora pula ara lalore, Gore ake au puma piapae, lisimiya.
13Alinu menda parame mo Yesu para kone rulaisimiya wenaalinu para giri loma ero lada ara lalore, Go alinuri koae ipa noma keyada ara pimi paleya, lisimiya.
Pidame angele walisaya ei
14Gupuma Pidame monde ki laapo pereyoma angena komea alinu rapu rekoma ara wenaali para angele andapu loma lalore, Naa anda ruru Isaraelimi mandu rangala pae alinu pange go Diurusaleme ree anda para aeme wenaali pange nimi raayome go pi eina ree angele neme nimi para doale waru pangalepape, lisaya. 15Gupuma lalore, Mendane alinu nimina konemere, Go alinuri koae ipa noma keyada ara pimi paleya damepare diae. Ambia palumu naare weno nane epa rala-ainyaloma dama. 16Go auri ambala mo Godena poropedi ali Diolo nipumi wape pea ei gurupa lea, lisaya.
17Godeme lalore, Naarenu peredoameya ainyare
gupula, lea.
Wenaali raayo para na Epe Yaakopi Sipiridi
ale ale pula, lea.
Gupuma nimina nongo nakinumi na angele
wenaalinu raayo para la ma-alala pilimi, lea.
Nimina pena alinumi pena aunu penameyao
wadea ei andeleme.
Gupuma nimina yomogai alinumi pange upanu
pilimiae, lea.
18Go naare nainiri neme na Epe Yaakopi Sipiridi
ale ale pulandare na pupudengi nao-aeme
wenaalimiri na angele la ma-alala pilimi, lea.
19Gupuma so yaa nane pange su nane pange
na-andoaeme puri waru pale aunu pula, lea.
Gupuma wee andapu pange repana sula pange
londo andaai pange andeleme.
20So naare rimbadea.
So sumba pange wee puma komaminyambelea.
Gupuma go kou nanere monde Realina ora Ririna
Andaa Paa Pi Naare epelea, lea, lisaya.
21Gupuma wena o ali menda apimi Reali para
ni rambameae, loma wi deandare go wena o aliri
Realimi rambamilia, loma wape pea, lisaya.
22Isaraeli alinuo, neme go lalo angele pangalepape. Ande Nasarere ree anda ali Yesu nimi rapu epa ainyaloma Godeme Yesu neeme rapayo lo walea auri na-andoaeme einu pange riripu pi einu pange rombo wada einu Yesumi Gode nipuna wele kongapuna pinya, lisaya. Go eiri nimimi andeme, lisaya. Akepeandare go aunuri nimi rapu ara pande, lisaya. 23Gode nipuna rana pi eina pange kone suma Yesuri dia minyaya nimi para ma-gulame kone wisaya. Nimimi Yesu Keriso liiamende. Akepeandare mo koae koae alinumi Yesu ekeraisa wape pi repanana ikokome lu andiariminde ei go au na-pipape lo nimimi na-lamende, lisaya. 24Go pamendepare Godeme Yesu wala ma-rekaripande. Komea eimi Yesu nipuna do na-rongaisayapare ma-bembolaoma Godeme komea eina puri rungulaoma pu lisaya. Akepeandare komea eimi Yesu ma-siambape ora ana na-pea, lisaya. 25Deipidimi nipumi pula pisaya einu leanda laloae,
Reali naare raayo ni rapu ayandare andoayo.
Na popeke ki nane ayanda
ni kendame na-komoalua.
26Go eina, na pumi raname komala ara na angaame
pange rana pi angelenu loayo.
Gupuma na dome pange epe einu mulameya
andere-alua.
27Neeme komeme wenaali aeme lena,
na remo go para na-ainya de, loma
gupuma nena Yaakopi Ali pa ramula pea eina
na-raminya de, loma, lea.
28Monde endo-ae pora ni para ambala waloma
neeme ni rapu alenda raname kome eimi
ni para rumbiale, loma lea, lisaya.
29Amenuo, naana kasua Deipidimi pisaya ei nimi para ora angele go lalondae. Nipuri ambalandele komisayanda ma-dapa pisimiyapare ambia pange ande dapa pia lena ando-aema. 30Deipidiri Godena poropedi ali arare ande Godeme nipu para angele la wi ei pangisaya. Godeme nipu para angele la siala ara lalore, Nena kou nane ala pea ali komeare nee kini ali ale rupa ma-ainya doa, lama, lea. 31Gupuma Deipidimi Godeme pula pea ei kone siala ara ande Keriso wala rekola pea ei para gurupa lea.
Neeme komea wenaali aeme lena,
na remo go para na-ainya doa lea.
Nipuna do dapa para na-ramilia lea, lisaya.
32Gonde Yesuri Godeme wala ma-rekaya eiri naa raayome andama. Gupuma nimi para naame la gialema. 33Yesuna Apame la wisaya rupa, Godeme Yesuri ma-rekoma nipuna popeke ki nane ma-rekoma arare nipu para Epe Yaakopi Sipiridi alaya. Gupuma naame ambia go andema einu pange go pangalema einu raayo nipuna gula lealere nipumi naa para epena da, lisaya. 34Deipidiri so Epeni nane na-paisayapare go ei lea.
Reali Godeme nina Reali para gupi lea,
Neere nina popeke ki nane pira lea.
35Go au pumare werepenare nena yanda runguli
alinuri nena rolo para ma-piralua lea.
36Go eina, Isaraelimi mandu rangala pae wenaali raayo gonde nimimi ekeraisa wape pi repanana liiamende Yesuri Godeme nipuri Reali pange Keriso pange ma-ainyalea eiri nimimi kone ora waru sialepape, loma, Pidame lisaya.
Wenaali andapumi kone perekeyao suma Yesu para kone rulaisimiya ei
37Mo wenaalinumi go angele pangomare nimuna pu para awisayandare Pida para pange mendane Yesuna angele ma-puao-aeme alinu para pange angaa meala ara lalore, Amenuo, naamere ake au pumonoyapae, loma lisimiya.
38Go lisimiyanda Pidame nimu para lalore, Godeme nimina koae au peme einu wala ma-epeainyayanda kone menda perekeyo sumare Yesu Kerisona bina baparaisi au pipape. Gupilimindare Godeme gilia lere Epe Yaakopi Sipiridi gilia, loma lisaya. 39Go einaya lawa. Gonde Godeme angele la wi eiri nimi para pange nimina naki nongonu para pange la wisaya. Papare aeme wenaali para pange ande Reali naana Gode nipumi nipu para epenaya wi da wenaali raayo para pange nipumi angele la wisaya.
40Pidame go rupa angele waloma pa mendane angelenu pange perekeyoma angele puri paloma walala ara lalore, Go koae wenaali koyaluame epelea au kole eimi nimi rongona koyapana, ora gialepape, lisaya. 41Go lisayanda wenaali waru andapumi Pidame walisaya angele pangoma baparaisi au pisimiya. Wenaali raayore daoseni repo rupa go naarena monde angele misimiya wenaali aperao aisimiya. 42Mo wenaalimiri ande Yesuna angele ma-puao-aeme alinumi waloaisimiya angelenu pangala pumare Keriso wenaali rapu mombeala puma mendaa para piri enda nolameya mombeala puma yainya pala pisimiya.
Pena Keriso wenaalinuna epe aunu puaisimiya ei
43Gupuma Godeme puri ma-palada-ainya mo Yesuna angele ma-puao-aeme alinumi na-andoaisimiya einu waru pisimiyanda wenaali raayome paalame komala ara lee opaminyambepe pisimiya. 44Monde angele pangisimiya Keriso wenaali raayome mendaa para waru mombea ara nimuna siaisimiya alenu raayo rali rali pisimiya. 45Nimuna su andanu rongona, nimuna alenda alendanu pange mendame kambenalomare mo muni mumare alenda alenda diale narali wenaali rapu rali rali pisimiya. 46Naare raayo mo Gode para alinau puaisimiya andaa anda rupara komea para mombeala puma nimuna anda paranu pange mendaa para piri enda nala pisimiya.
47Ora epe rupa kumapa ara Godena bi minyasiada ara nimuna enda raname komala ara nala pisimiya. Gupuma wenaali raayome pange nimu para raname komala pisimiya. Go eina naare raayo Realimi rambamuma ma-endada, angele misimiya wenaali nimu rapu ainyaya ma-raminyekepao-ainya lala pisaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.