Dioni 15
15
Yesuri mo waini kope mandana ayo lea ei
1Yesumi lalore, Niri ande ora waini kope mandana ayoae. Gurupa na Apare mo waini kope e Reali mandanae, lisaya. 2Na palaanu menda para kili na-edeandare na Apa nipumi poma rumbiliandare mo mendane palaanuri kili edeandare wamo pulame komea komealo rungulu rumbepe pilia. Gupiliaparare na Apame ma-epeainyalomare kili epe rupa andapu edea, lisaya. 3Neme nimi para ambala walawa eimiri nimiri ambala wamo pea. 4Nimiri ni para alepape. Gupuma nemere nimi para alua. Monde palaa mendare rupara na-kimbumaliandare go eiri nipunale kili elape-na-deapare palaa menda rupara kimbumaliandare gore kili epe rupa edea. Go eina nimi pange ni para na-alimindare nimina kili na-edea, lisaya.
5Niri waini kope mandana ayo loma lalore, Nimiri palaanu mandana aemeae. Ali apimi ni para aliandare niri nipu rapu ara kili waru ma-elalua. Nimimi ni rapu na-alimindare nimimi epe auri ora komenda pape-na-ya, lisaya. 6Ali apimi ni para na-aliandare nipuri monde kapulea kope palaame andelea. Gupuma mo kapulea palaanuri mu mombema repana sula para lopaliandare repana para relea, lisaya.
7Nimiri ni para arare na angelenu loayo einu kone sia arare nimina kone pea rupa konge demendare ora milimiae. 8Nimimi kili waru eleme eimiri na Apana bi andaai minyasiademeae. Gupimi eimiri nimiri na kou nane raluae alinu alimiae, lisaya. 9Na Apame ni para nipuna pumi kone suma raname komea rupa, neme pange nimi para na pumi raname komaloae. Na pumi raname komalo para alepape. 10Nimimiri na Apana angele wi einu pangoma pumare nipuna pumi kone suma raname kome ei para aya rupa nimimi pange na angele wi einu pangoma pilimindare na pumi rana pi ei para alimiae, loma lisaya.
11Na raname komalo eiri nimi para siala ara nimina raname kome eiri rumbia pirinyayanda nimi para go angelenu laloae loma lisaya. 12Na rudule angele sialo eiri gurupae. Neme nimi para na pumi kone sialo rupa nimimi pange pumi raname komoma kone sialolo pualepape, loma lisaya. 13Ali mendame nipuna amenu rambameala ara nipuna endoaya eiri alu paliandare gore gurupa pumi yarame komoma kone siala auri mendame angulape-na-ya loma lisaya.
14Neme go au pipape lalo ei pangoma pilimindare nimiri na ora amenu alimiae, lisaya. 15E poada alimiri nipuna realina kone wi eiri andape-na-ya eina, ambiare nimi para e poademe alinuo, angele na-doa loma na Apame ni para la giala angele raayo nimi para la gialo eina nimi para na amenuo laloae, loma lisaya.
16Niri nimimi na-memepare nimiri neme yarepe muma meawa. Nimiri pua ande suala pea nape ede ei minyayanda meainya laloae, loma gurupa. Nimimi na Apa para alenda menda na bi lala ara konge demendare nipumi ora gilia, lisaya. 17Go eina nimi para neme rudule angele sialo eiri gurupae. Niminale pumi yarame komalolo pula ara alepape, loma lisaya.
Su wenaalimi Keriso wenaalinu para yanda luaeme ei
18Su wenaalimi nimi para yanda dimindare ni para ambala rono pangoma yanda liimi ei kone sialepape.
19Nimiri go su au puaeme wenaali rapu raminyeke pa ala pameyalore mo wenaalimi gore naana anda repaa alinuae loma nimi para raname komola pameae. Gupula pemepare neme nimi yarepe muma rando mealiminya lalo einare nimimi mo suna au puaeme wenaali rapu na-aeme. Go peme eina nimi para yanda luaeme, lisaya. 20Neme lalo angelena kone sialepape. E poada alimiri nipuna reali na-angulalia, loma lawa. Ni para yanda liimi eimiri nimi para pange yanda dimiae. Neme walalo angele pangola pemeyalore nimimi wademe ei pange pangola peme, lisaya. 21Nimiri na ei aemenda go aunu raayo nimi para pilimiae. Gupuma pange ni rapaya Gode na-andala ara gupilimiae, lisaya.
22Neme mo wenaali para angele na-epa da pawayalore nimuna koae auri penameyao na-wada peme. Gupula pemepare ambiare nimuna koae au peme eina angele menda lape-na-ya, lisaya. 23Ali apimi ni para yanda diandare na Apa para pange yanda dia. 24Ambala ririna ali mendame na pi einu neme na-pula pawayalore nimuna koae auri penameyao na-wada pame. Go peapare neme pawa ei andomare na Apa saa para yanda diame, lisaya. 25Gupimipare nimuna rudule angele wimi eina wape pea ei komea penameyaluame pimiae gurupa.
Ora pakama le ni para yanda diame
angele wape pea, lisaya.
26Go au pimipare nimi Rambamula pea Sipiridi epelea. Nipuri Apa lapo aya Sipiridi rapalua. Nipuri ora au komea puaya Yaakopi Sipiridiae. Nipuri Apa para aoma epelea. Gupuma mo Yaakopi Sipiridi nipumi nina einu epa wadea, lisaya. 27Gupuma nimi pange ambala ni rapu arimi eina na angelenu waru lalimi, lisaya.
Currently Selected:
Dioni 15: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Dioni 15
15
Yesuri mo waini kope mandana ayo lea ei
1Yesumi lalore, Niri ande ora waini kope mandana ayoae. Gurupa na Apare mo waini kope e Reali mandanae, lisaya. 2Na palaanu menda para kili na-edeandare na Apa nipumi poma rumbiliandare mo mendane palaanuri kili edeandare wamo pulame komea komealo rungulu rumbepe pilia. Gupiliaparare na Apame ma-epeainyalomare kili epe rupa andapu edea, lisaya. 3Neme nimi para ambala walawa eimiri nimiri ambala wamo pea. 4Nimiri ni para alepape. Gupuma nemere nimi para alua. Monde palaa mendare rupara na-kimbumaliandare go eiri nipunale kili elape-na-deapare palaa menda rupara kimbumaliandare gore kili epe rupa edea. Go eina nimi pange ni para na-alimindare nimina kili na-edea, lisaya.
5Niri waini kope mandana ayo loma lalore, Nimiri palaanu mandana aemeae. Ali apimi ni para aliandare niri nipu rapu ara kili waru ma-elalua. Nimimi ni rapu na-alimindare nimimi epe auri ora komenda pape-na-ya, lisaya. 6Ali apimi ni para na-aliandare nipuri monde kapulea kope palaame andelea. Gupuma mo kapulea palaanuri mu mombema repana sula para lopaliandare repana para relea, lisaya.
7Nimiri ni para arare na angelenu loayo einu kone sia arare nimina kone pea rupa konge demendare ora milimiae. 8Nimimi kili waru eleme eimiri na Apana bi andaai minyasiademeae. Gupimi eimiri nimiri na kou nane raluae alinu alimiae, lisaya. 9Na Apame ni para nipuna pumi kone suma raname komea rupa, neme pange nimi para na pumi raname komaloae. Na pumi raname komalo para alepape. 10Nimimiri na Apana angele wi einu pangoma pumare nipuna pumi kone suma raname kome ei para aya rupa nimimi pange na angele wi einu pangoma pilimindare na pumi rana pi ei para alimiae, loma lisaya.
11Na raname komalo eiri nimi para siala ara nimina raname kome eiri rumbia pirinyayanda nimi para go angelenu laloae loma lisaya. 12Na rudule angele sialo eiri gurupae. Neme nimi para na pumi kone sialo rupa nimimi pange pumi raname komoma kone sialolo pualepape, loma lisaya. 13Ali mendame nipuna amenu rambameala ara nipuna endoaya eiri alu paliandare gore gurupa pumi yarame komoma kone siala auri mendame angulape-na-ya loma lisaya.
14Neme go au pipape lalo ei pangoma pilimindare nimiri na ora amenu alimiae, lisaya. 15E poada alimiri nipuna realina kone wi eiri andape-na-ya eina, ambiare nimi para e poademe alinuo, angele na-doa loma na Apame ni para la giala angele raayo nimi para la gialo eina nimi para na amenuo laloae, loma lisaya.
16Niri nimimi na-memepare nimiri neme yarepe muma meawa. Nimiri pua ande suala pea nape ede ei minyayanda meainya laloae, loma gurupa. Nimimi na Apa para alenda menda na bi lala ara konge demendare nipumi ora gilia, lisaya. 17Go eina nimi para neme rudule angele sialo eiri gurupae. Niminale pumi yarame komalolo pula ara alepape, loma lisaya.
Su wenaalimi Keriso wenaalinu para yanda luaeme ei
18Su wenaalimi nimi para yanda dimindare ni para ambala rono pangoma yanda liimi ei kone sialepape.
19Nimiri go su au puaeme wenaali rapu raminyeke pa ala pameyalore mo wenaalimi gore naana anda repaa alinuae loma nimi para raname komola pameae. Gupula pemepare neme nimi yarepe muma rando mealiminya lalo einare nimimi mo suna au puaeme wenaali rapu na-aeme. Go peme eina nimi para yanda luaeme, lisaya. 20Neme lalo angelena kone sialepape. E poada alimiri nipuna reali na-angulalia, loma lawa. Ni para yanda liimi eimiri nimi para pange yanda dimiae. Neme walalo angele pangola pemeyalore nimimi wademe ei pange pangola peme, lisaya. 21Nimiri na ei aemenda go aunu raayo nimi para pilimiae. Gupuma pange ni rapaya Gode na-andala ara gupilimiae, lisaya.
22Neme mo wenaali para angele na-epa da pawayalore nimuna koae auri penameyao na-wada peme. Gupula pemepare ambiare nimuna koae au peme eina angele menda lape-na-ya, lisaya. 23Ali apimi ni para yanda diandare na Apa para pange yanda dia. 24Ambala ririna ali mendame na pi einu neme na-pula pawayalore nimuna koae auri penameyao na-wada pame. Go peapare neme pawa ei andomare na Apa saa para yanda diame, lisaya. 25Gupimipare nimuna rudule angele wimi eina wape pea ei komea penameyaluame pimiae gurupa.
Ora pakama le ni para yanda diame
angele wape pea, lisaya.
26Go au pimipare nimi Rambamula pea Sipiridi epelea. Nipuri Apa lapo aya Sipiridi rapalua. Nipuri ora au komea puaya Yaakopi Sipiridiae. Nipuri Apa para aoma epelea. Gupuma mo Yaakopi Sipiridi nipumi nina einu epa wadea, lisaya. 27Gupuma nimi pange ambala ni rapu arimi eina na angelenu waru lalimi, lisaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.