Dioni 17
17
Yesumi nipuna kou nane raluaisimiya alinu rambaminyaya yainya paisaya ei
1Yesumi go angelenu lo pereyaomare so yaa nane andasiaoma ara lalore, Apao, ande di ambala epea. Ande nena Nakimi nena bi ma-minyasiainyaya, neeme ande Nakina bi ma-minyasiape, lisaya. 2Neeme nipu para ade wenaali para nipumi endoaya ei alenaya, nipuna biri alinu raayo lu angulaoma mandaa winya denda, lawa. 3Endoaya eiri gurupa. Nee komea ora Gode ale ei andea ei pange neeme rapale ali Yesu Keriso andea ei pange go eiri ora endoaya ei, loma lisaya. 4Neeme walae pupudengi raayo neme pu pereyaomare go suna ara neme nena bi kende ma-laripuae, lisaya. 5Apao, ambala ririna go su ambe na-kini pi ainya, nee lapo ara andaa bi meawa eiri ambia pange nena lee wilina ara giape, loma lisaya.
6-7Go suna neeme yarepe muma ma-giae wenaali para nee ale ei ambala la alawa. Go alinuri ni para gele eimiri nena ei aeme loma nena angele pangoma arare neeme ni para giale leenu raayore nee para ipula ara pia. Go eina ambiare kone sialeme, lisaya. 8Neeme ande ni para Ia gele angelere nimu para ambala la alawa eina lawa. Gupuma go alinumi ande angelere ambala pangoma meame. Gupuma ni nee lapo aoma epawa ei pange neeme ni rapale ei pange andala ara ora ei kone suma pangaleme, lisaya.
9Mo alinu para kone siala ara yainya piae. Go eina su wenaali raayo para na-pipare go alinuri nena eiyanda neeme ni para ambala ma-gele alinu para kone siala ara piae, lisaya. 10Nina wi lalo einu raayore nena eiye. Gupuma pange nena wi lale einu raayore na ei. Gupuma na bi wi eiri go alinumi pimi eimi pademe, lisaya. 11Niri suna pa na-ae nee para ipulupare go alinuri suna pa alimi. Apao, neere yaakopi Gode ara ande ni gele biri, go bina wele kongapu pi eimiri go alinu waru andere-ape. Saa komea aepa rupa, mo alinu pange gurupa komea rupa ainyaya lawa, lisaya. 12Niri go alinu rapu arare neeme gele bina wele kongapu pea eimiri nimu waru andere-aripu. Gupuma neme andere-aripu dinare komeasinda na-alu paripapare ande pename alu papeya ali komea mo Godena angele wia rupa lalo, lisaya. 13Gupuma ambiare nee para ipulu lomare pa go suna arare go alinumiri na raname komalo ei nimu rupara rumbia pirinyaya, go angelenu lalo, loma lisaya. 14Nena angelere nimu para la alawae. Gupuma su wenaalimi mo alinu para pumi raname na-kome, rono pangoma giarimi. Gupimi eiri niri suna ali rupa dia. Nimu pange gurupa aeme, lisaya. 15Go suna aeme ei perelenaya nee para yainya na-pipare ande koae remonuna kalu remome nimu koyapa-na-ya, neeme waru andere-ainyaya, yainya piae, lisaya. 16Niri suna ei na-ayo rupa, nimu pange suna ei na-aeme. 17Yaakopi alinu ara nena ei ainyaya ora au pia eimi pape. Nena angelere ora eiye, lisaya. 18Go suna neeme ni rapale rupa, go alinu pange su menda nane penaya neme rapadoae. 19Nimumi pange nee para nimuna dome pimi einu raayo nee repara ginyayanda neme pange nee repara na dome pia aunu raayo nee repara gialo, lisaya.
20Go alinu para komea kone siala ara yainya na-pipare nimuna angele pangoma ni para kone rulala peme wenaali para pange yainya piae, lisaya.
21Gupuma nimuri komea rupa ainyaya yainya piae. Apao, neere ni lapo alenda ni pange nee para ayo rupa, saa rapu gurupa alimindare ora epedea. Neeme ni rapale ei su wenaalimi kone winyaya, go wenaaliri komea kama rupa ainyalape, lisaya. 22Neeme ni para giale biri, nimu para alawa. Saare komea aepa rupa, nimu pange gurupa ainyaya lalo, lisaya. 23Su wenaalimiri neeme ni rapale ei pange neeme ni para pumi raname komele rupa, go alinu para pange nena pumi kone suma raname komele ei andenaya niri nimu para ano, neere ni lapo ale. Nimu pange gurupa ora komea rupa ainyayanda yainya piae, loma lisaya.
24Apao, go neeme ni para ma-giaende alinuri ni alape lena ainyaya neme kone pea. Go su ambe na-kini pi dinare neeme ni para pumi raname komala ara neeme ni para giae bi andaa eiri go bi andaai andenaya lalo, lisaya. 25Rendepona au puae Apao, su wenaalimiri nee kone na-wimipare neme nee ande. Gupuma go alinumiri niri neeme rapaoma pele loma kone sialeme, lisaya. 26Neeme ni para nena pumi raname komele eiri go alinu para pirinyaya pange ni pange nimu para anoya neme nena ale ei walomare wala pange walala pula, lisaya.
Currently Selected:
Dioni 17: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Dioni 17
17
Yesumi nipuna kou nane raluaisimiya alinu rambaminyaya yainya paisaya ei
1Yesumi go angelenu lo pereyaomare so yaa nane andasiaoma ara lalore, Apao, ande di ambala epea. Ande nena Nakimi nena bi ma-minyasiainyaya, neeme ande Nakina bi ma-minyasiape, lisaya. 2Neeme nipu para ade wenaali para nipumi endoaya ei alenaya, nipuna biri alinu raayo lu angulaoma mandaa winya denda, lawa. 3Endoaya eiri gurupa. Nee komea ora Gode ale ei andea ei pange neeme rapale ali Yesu Keriso andea ei pange go eiri ora endoaya ei, loma lisaya. 4Neeme walae pupudengi raayo neme pu pereyaomare go suna ara neme nena bi kende ma-laripuae, lisaya. 5Apao, ambala ririna go su ambe na-kini pi ainya, nee lapo ara andaa bi meawa eiri ambia pange nena lee wilina ara giape, loma lisaya.
6-7Go suna neeme yarepe muma ma-giae wenaali para nee ale ei ambala la alawa. Go alinuri ni para gele eimiri nena ei aeme loma nena angele pangoma arare neeme ni para giale leenu raayore nee para ipula ara pia. Go eina ambiare kone sialeme, lisaya. 8Neeme ande ni para Ia gele angelere nimu para ambala la alawa eina lawa. Gupuma go alinumi ande angelere ambala pangoma meame. Gupuma ni nee lapo aoma epawa ei pange neeme ni rapale ei pange andala ara ora ei kone suma pangaleme, lisaya.
9Mo alinu para kone siala ara yainya piae. Go eina su wenaali raayo para na-pipare go alinuri nena eiyanda neeme ni para ambala ma-gele alinu para kone siala ara piae, lisaya. 10Nina wi lalo einu raayore nena eiye. Gupuma pange nena wi lale einu raayore na ei. Gupuma na bi wi eiri go alinumi pimi eimi pademe, lisaya. 11Niri suna pa na-ae nee para ipulupare go alinuri suna pa alimi. Apao, neere yaakopi Gode ara ande ni gele biri, go bina wele kongapu pi eimiri go alinu waru andere-ape. Saa komea aepa rupa, mo alinu pange gurupa komea rupa ainyaya lawa, lisaya. 12Niri go alinu rapu arare neeme gele bina wele kongapu pea eimiri nimu waru andere-aripu. Gupuma neme andere-aripu dinare komeasinda na-alu paripapare ande pename alu papeya ali komea mo Godena angele wia rupa lalo, lisaya. 13Gupuma ambiare nee para ipulu lomare pa go suna arare go alinumiri na raname komalo ei nimu rupara rumbia pirinyaya, go angelenu lalo, loma lisaya. 14Nena angelere nimu para la alawae. Gupuma su wenaalimi mo alinu para pumi raname na-kome, rono pangoma giarimi. Gupimi eiri niri suna ali rupa dia. Nimu pange gurupa aeme, lisaya. 15Go suna aeme ei perelenaya nee para yainya na-pipare ande koae remonuna kalu remome nimu koyapa-na-ya, neeme waru andere-ainyaya, yainya piae, lisaya. 16Niri suna ei na-ayo rupa, nimu pange suna ei na-aeme. 17Yaakopi alinu ara nena ei ainyaya ora au pia eimi pape. Nena angelere ora eiye, lisaya. 18Go suna neeme ni rapale rupa, go alinu pange su menda nane penaya neme rapadoae. 19Nimumi pange nee para nimuna dome pimi einu raayo nee repara ginyayanda neme pange nee repara na dome pia aunu raayo nee repara gialo, lisaya.
20Go alinu para komea kone siala ara yainya na-pipare nimuna angele pangoma ni para kone rulala peme wenaali para pange yainya piae, lisaya.
21Gupuma nimuri komea rupa ainyaya yainya piae. Apao, neere ni lapo alenda ni pange nee para ayo rupa, saa rapu gurupa alimindare ora epedea. Neeme ni rapale ei su wenaalimi kone winyaya, go wenaaliri komea kama rupa ainyalape, lisaya. 22Neeme ni para giale biri, nimu para alawa. Saare komea aepa rupa, nimu pange gurupa ainyaya lalo, lisaya. 23Su wenaalimiri neeme ni rapale ei pange neeme ni para pumi raname komele rupa, go alinu para pange nena pumi kone suma raname komele ei andenaya niri nimu para ano, neere ni lapo ale. Nimu pange gurupa ora komea rupa ainyayanda yainya piae, loma lisaya.
24Apao, go neeme ni para ma-giaende alinuri ni alape lena ainyaya neme kone pea. Go su ambe na-kini pi dinare neeme ni para pumi raname komala ara neeme ni para giae bi andaa eiri go bi andaai andenaya lalo, lisaya. 25Rendepona au puae Apao, su wenaalimiri nee kone na-wimipare neme nee ande. Gupuma go alinumiri niri neeme rapaoma pele loma kone sialeme, lisaya. 26Neeme ni para nena pumi raname komele eiri go alinu para pirinyaya pange ni pange nimu para anoya neme nena ale ei walomare wala pange walala pula, lisaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.