Madiu 10
10
Yesumi aposolo alinu misaya ei
(Maka 3:13-19; Luka 6:12-16)
1Gupuma Yesu nipumi nipuna ki laapo pereyoma angena laapopu kou nane ralisimiya alinu nipu para epenaya misaya. Go eina Yesu nipumi mo kou nane ralisimiya alinu para mo koae remonu ralu linyayanda pange yainya menda menda komala pi wenaalinu ma-epeainyayanda pange wenaalina kenda pea ei raayo ma-epeainyayanda nimu para nipuna puri pale au alisaya. 2-4Mo ki laapo pereyoma angena laapopu aposolo alinuna binuri gurupa. Ambala ririna Saimono nipuna bi mendare Pida pange nipuna ame Anduru pange, naki laapo Dieimusi Dioni ameaya pange, Pilipi pange Badolomiu pange Domasi pange mo dakisi muni muaisaya ali Madiu pange Alipiasina naki Dieimusi pange Dadiasi pange Saimono nipuna bi mendare Selode pange Diudasi ande Yesu liinyayanda rombisayande ali pange go alinu raayo Yesumi wi la mipi pisaya.
Yesumi nipuna kou nane raluaisimiya alinumi pula peme ei lisaya ei
(Maka 6:7-13; Luka 9:1-6)
5Gupuma Yesu nipumi monde nipuna ki laapo pereyoma angena laapopu nipuna kou nane ralisimiya alinu wi loma mana angele nimu para loma rapaisaya. Yesu nipumi nimu para angele gurupa lisaya. Nimi raayome mo Isaraelimi na-mandu rangala pae ree anda aeme wenaalinuna andasu para pange Sameria wenaalinuna ree andanu para pange na-pulupape, lisaya. 6Go wenaali para na-pulupape. Mo Isaraeli wenaalinu ora nimuna anda alu pao-aeme sipisipi menanu mandana aemenda nimimi nimu para pulupape, lisaya. 7Nimimi go Gode nipuna Ki Rambuao-aya Eiri ora repara epelea, loma pua wadapape, lisaya. 8Mo yainya komaleme wenaalina do ma-epealepape pange mo ora kome wenaalinu ma-rekalepape pange kindi yainya komala wenaalinu wamo pipape pange mo koae remonu opaluboma kama nane popena dapape, lisaya. Nimimi ale menda meamendare yangi na-alamendele ambia gosi wenaali menda para ale menda ademendare yangi na-mealepape, lisaya.
9Yesu nipumi wala lala ara lalore, Nimimi golo pange silipa pange kopa muni menda nimina nu rupara manduma na-ripinya pulupape, lisaya. 10Nu pange aka laapo pange ange andanu pange rimapu pange na-ma-ripinya pulupape, lisaya. Akepeare pupudengi noae ali nipuna yangi ora ademe, lisaya.
11Nimimi andaa ree anda para pange onge anda paranu peleme dinare nimi epe rupa karu mulapeme wenaali waidapape. Gupumare go wenaali rapu aomare go anda minyapalalepape. 12Nimimi anda menda para pelemendare go anda reali para lalore Kuma pi ei nimi rapu winya lala pipape. 13Gupuma go anda rupara nimi meme wenaalinumi nimi para raname komelemendare nimina pu siainyaoma alepape angelere nimu para ao-alimipare nimumi nimi para raname na-komelemendare nimina pu siainyaoma alepape angelere wala mea pulupape, lisaya. 14Gupuma ree anda menda para o ali mendana anda nane pelemendare gore go anda ree wenaalimi nimi na-lamu miliminda pange nimina angele pange gialimindare nimimi gioma pula ara nimina angena ralea donu randaloma pulupape, lisaya.#10:14 Mo Yesuna kou nane raluae alinumi go au pisimiya eiri gore go anda para aeme repaame koae au go piminda loa walalo pisimiya. 15Neme nimi para la gialo, lisaya. Go Gode nipumi wenaali raayo rali pula pea naarena Gode nipumi mo Sodomo ree anda pange kenda pi ei nimu para aleapare go naarenare nimi para gipia dame anda wenaalinu para nipumiri nimu para kenda ora waru andaai adea, lisaya.
Kenda pi einu epola pe ei
(Maka 13:9-13; Luka 12:12-17)
16Go einare Yesu nipumi lalore, Na angele pangalepape, lisaya. Nimi raayore ora kuma pi sipisipi menanu mandana aemepare neme nimi kapa yananu para rapado, lisaya. Go peandare nimimi mo keronu pawasi peme rupa kone waru suma pulupape pange yaa malipunu pimi rupa kumapu pamulopo alepape, lisaya. 17Ora waru andere-alepape, lisaya. Akepeanda ali andapumi nimi koda doame karu pu koyapana waru andere-alepape, lisaya. Mo Godena angele kuruaeme anda para karu puma nimi lu rakilinya karu peleme, lisaya. 18Nimimi ni kone rulao-aemenda go Epe Angele mo mundu alinu para pange wenaalina kini alinuna lee angaa para pange mo Isaraelimi na-mandu rangala pae ree nane aeme wenaalinu para walenayanda nimumi nimi koda pilimie, lisaya. 19Nimumi nimi koda para ma-pelemendare Naamere nimuna angele yangonuri akepuma yango lialimapae, loma kone konenu na-sialepape, lisaya. Gupuma naame angelere a angele ora demapae, kone na-sialepape, lisaya. 20Go peandare go gole nimina da peme angelenu nimina kone suma na-demepare nimina da peme angelenuri mo nimina Apana Epe Yaakopi Sipiridimi nimimi dapeme angele nimi para gilia, lisaya.
21Alinu menda parame nimuna mendaa para amenu pange mendame liinya romboma dimi, lisaya. Apanumi pange gurupa nimuna nongo nakinu para mendaa au pilimi, lisaya. Nongo nakinumi pange nimumi nimuna kone lekeyo suma nimuna ama apanu para rono pangala-ainya ali mendanumi nimuna ama apanu komena liinya angele deme, lisaya. 22Nimimi ni para kone rulaoma raminyekepao alimindare wenaalinu menda parame nimi para rono waru pangoma yanda dimi, lisaya. Gupilimipare pereda pea naarena ambe na-epea-ainya ali menda apimi gimi na-kome, na bina puri paloma pa ao-aliandare gore nipumi rambamea ei milia, lisaya. 23Gupuma nimi ree anda menda nane pelemendare go ree anda para aeme wenaalinumi nimi para giaoma rendaa pi ei gilimindare nimi ree anda menda para pongola pulupape, lisaya. Nemere nimi para ora angele lalo. Nimimi mo ree anda paranu pula peme pupudengi ambe na-ne aliminya pu pereyaliminya ande Alina Si Naki epelea.
24Gupuma ali mendana kou nane raluaisaya ali mendame nipuna waloaya ali ambe na-lu angulaya pange pakama pupudengi noaya alimi nipuna reali na-lu angulaya, lisaya. 25Go peandare go ali mendana kou nane raluaisaya ali mendame nipuna rana pi eiri na waloaya ali mandana alua kone wia auri ora epelea pange pakama pupudengi noaya alimi nipuna rana pi eiri nipuna reali mandana alua kone wia go au pange epelea, lisaya. Go einare wenaali mendanumi mo anda repaana kalu ali para ande koae remonuna kalu alina bi Bielesepulu#10:25 Bielesepuluri Sadanina bi menda. bi demendare mo anda repaa para wenaalinu menda para ora koae binu ademendare go kalu alina koae bi lu angulalia, lisaya.
Gode para paalame komoaya ei
(Luka 12:2-7)
26Yesu nipumi lala ara lalore, Go einare nimimi wenaali menda para paalame na-komalepape, lisaya. Gupuma mendame nimina pangawi alenu pange kundiripu peme alenu raayore werepe nanere ora penameyao wadea, lisaya. 27Go einare neme nimi para mo rimbale para piri da angele raayosiri alinu menda para ora naarena go angele wenaali menda para la adapape, lisaya. Gurupa pange mo anda panda rupara da angelenu raayosi nimimi pangomare kaname waruma wia anda kuluna reka ara wenaalinu menda menda para wi la adapape, lisaya. 28Do kama lu komada alinu para paalame na-komalepape. Nimumi nimina remonu na-dimi. Go peapare nimimiri Gode komea paalame komalepape. Akepeare nipumiri repana ralo ae para nimina donu pange remonu manda lu kidia, lisaya.
29Onge yaasi laapore muni peni komeame gole manda kambapeya, lisaya. Go peapare yaasiri onge eisiyapare gole komeleandare gore nimina Apa Godena ranana pia. 30Gupuma Gode nipumi nimina kaluna aya irinu raayo ambala yarepema kone wia eiri kone sialepape, lisaya. 31Go einare paalame na-komalepape, lisaya. Akepeanda Gode nipumi mo enge yaasi waru andapu para pumi komoayapare nipumi nimi para pumi ora waru komoaya, lisaya. Nimimi go yaasinu lu rambuaeme, lisaya.
Yesu nipuna bi pangawa pale na-pangawa angele lee ei
(Luka 12:8-9)
32Yesu nipumi lala ara lalore, Ali menda apimi wenaalina lee angaana ara nina kou nane raluma na bi pangawa deandare gore neme na yaa para aya Apana lee angaana ara go alina bi pangawande doa, lisaya. 33Go peapare ali menda apimi wenaalina lee angaana ara ni gipia deandare neme na yaa para aya Apana lee angaana ara go ali gialua, lisaya.
Yesu nipumi anda ruru wenaali ma-rekele palia
(Luka 12:51-53; 14:26-27)
34Yesu nipumi lala ara lalore, Nimina konemere neme yanda ma-palialuame epawa kone na-sialepape lisaya. Ni epe auri kuma pi ei ma-andaluame na-epawapare neme banasi rai ma-epawa lisaya. 35Gupuma nakinumi nimuna apanu para yanda pilimi pange nongonumi nimuna amanu para yanda dimi pange mo nakina wenamere mo nipuna alina angi para yanda lulolo puma ao-paidimi lo, Yesu nipumi lisaya. 36Wenaali menda parame ali menda para yanda pilimipare nipuna repaamere nipu rapu yanda waru li wenaalinu alimi, lisaya. 37Wena o ali apimi ni para raname komalapare nipuna apa ama laapo para pu rombame raname waru komala ara niipu laapona rana pi ei para ririna kone wiliandare na kou nane ralialore ana na-pilia, lisaya. Gupuma pange wena o ali apimi ni para raname komalapare nipuna naki nongo laapo para pu rombame raname waru komala ara niipu laapona rana pi ei para ririna kone wiliandare neme nipuna kou nane raluae ali alua kone wiliandare ana na-pilia, lisaya. 38Gupuma ali apimi nipuna ekeraisa wape pi repana ma-ruma nina kou nane na-raidiandare gore ni ralialore ana na-pea lisaya.#10:38 Yesumi go siapi angele lisaya eiri gore nipuna kou nane raluae alinu alimindare gore komape eina pange paalame na-kome pa lelepa aeme ae loa walisaya. 39Ali apimi nipuna endoaya ei andawiliandare nipumi nipuna endoaya ei ma-alu pala peapare ali apimi ni para kone waru suma nipuna endoaya ei ma-alu paliandare nipumi nipuna endoaya ei ora milia, lisaya.
Alimi epe yangi mea ei
(Maka 9:41)
40Yesu nipumi lala ara lalore, Wena o ali menda apimi nimi para raname komala ara nipuna anda para ipue deandare ora ni para epe au pia, lisaya. Gupuma pange wena o ali menda apimi ni para raname komala ara ni rapu apana deandare gore go wena o alimi go ni rapaya Apa para epe au pia, lisaya. 41Menda apimi Godena poropedi ali epelea dina epe rupa anda miliandare gore go ali nipumi mo poropedi alina yangi pange rumalipi. Mendaa rupa Godena rana pi au puaya ali menda epelea ali anda milianda pange nipumi epe yangi mupilia. 42Ora lalo. Nina kou nane raluae ali menda ande kongore ipa nalame komalanda ipa adea ali nipuna yangi na-alupilia.
Currently Selected:
Madiu 10: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Madiu 10
10
Yesumi aposolo alinu misaya ei
(Maka 3:13-19; Luka 6:12-16)
1Gupuma Yesu nipumi nipuna ki laapo pereyoma angena laapopu kou nane ralisimiya alinu nipu para epenaya misaya. Go eina Yesu nipumi mo kou nane ralisimiya alinu para mo koae remonu ralu linyayanda pange yainya menda menda komala pi wenaalinu ma-epeainyayanda pange wenaalina kenda pea ei raayo ma-epeainyayanda nimu para nipuna puri pale au alisaya. 2-4Mo ki laapo pereyoma angena laapopu aposolo alinuna binuri gurupa. Ambala ririna Saimono nipuna bi mendare Pida pange nipuna ame Anduru pange, naki laapo Dieimusi Dioni ameaya pange, Pilipi pange Badolomiu pange Domasi pange mo dakisi muni muaisaya ali Madiu pange Alipiasina naki Dieimusi pange Dadiasi pange Saimono nipuna bi mendare Selode pange Diudasi ande Yesu liinyayanda rombisayande ali pange go alinu raayo Yesumi wi la mipi pisaya.
Yesumi nipuna kou nane raluaisimiya alinumi pula peme ei lisaya ei
(Maka 6:7-13; Luka 9:1-6)
5Gupuma Yesu nipumi monde nipuna ki laapo pereyoma angena laapopu nipuna kou nane ralisimiya alinu wi loma mana angele nimu para loma rapaisaya. Yesu nipumi nimu para angele gurupa lisaya. Nimi raayome mo Isaraelimi na-mandu rangala pae ree anda aeme wenaalinuna andasu para pange Sameria wenaalinuna ree andanu para pange na-pulupape, lisaya. 6Go wenaali para na-pulupape. Mo Isaraeli wenaalinu ora nimuna anda alu pao-aeme sipisipi menanu mandana aemenda nimimi nimu para pulupape, lisaya. 7Nimimi go Gode nipuna Ki Rambuao-aya Eiri ora repara epelea, loma pua wadapape, lisaya. 8Mo yainya komaleme wenaalina do ma-epealepape pange mo ora kome wenaalinu ma-rekalepape pange kindi yainya komala wenaalinu wamo pipape pange mo koae remonu opaluboma kama nane popena dapape, lisaya. Nimimi ale menda meamendare yangi na-alamendele ambia gosi wenaali menda para ale menda ademendare yangi na-mealepape, lisaya.
9Yesu nipumi wala lala ara lalore, Nimimi golo pange silipa pange kopa muni menda nimina nu rupara manduma na-ripinya pulupape, lisaya. 10Nu pange aka laapo pange ange andanu pange rimapu pange na-ma-ripinya pulupape, lisaya. Akepeare pupudengi noae ali nipuna yangi ora ademe, lisaya.
11Nimimi andaa ree anda para pange onge anda paranu peleme dinare nimi epe rupa karu mulapeme wenaali waidapape. Gupumare go wenaali rapu aomare go anda minyapalalepape. 12Nimimi anda menda para pelemendare go anda reali para lalore Kuma pi ei nimi rapu winya lala pipape. 13Gupuma go anda rupara nimi meme wenaalinumi nimi para raname komelemendare nimina pu siainyaoma alepape angelere nimu para ao-alimipare nimumi nimi para raname na-komelemendare nimina pu siainyaoma alepape angelere wala mea pulupape, lisaya. 14Gupuma ree anda menda para o ali mendana anda nane pelemendare gore go anda ree wenaalimi nimi na-lamu miliminda pange nimina angele pange gialimindare nimimi gioma pula ara nimina angena ralea donu randaloma pulupape, lisaya.#10:14 Mo Yesuna kou nane raluae alinumi go au pisimiya eiri gore go anda para aeme repaame koae au go piminda loa walalo pisimiya. 15Neme nimi para la gialo, lisaya. Go Gode nipumi wenaali raayo rali pula pea naarena Gode nipumi mo Sodomo ree anda pange kenda pi ei nimu para aleapare go naarenare nimi para gipia dame anda wenaalinu para nipumiri nimu para kenda ora waru andaai adea, lisaya.
Kenda pi einu epola pe ei
(Maka 13:9-13; Luka 12:12-17)
16Go einare Yesu nipumi lalore, Na angele pangalepape, lisaya. Nimi raayore ora kuma pi sipisipi menanu mandana aemepare neme nimi kapa yananu para rapado, lisaya. Go peandare nimimi mo keronu pawasi peme rupa kone waru suma pulupape pange yaa malipunu pimi rupa kumapu pamulopo alepape, lisaya. 17Ora waru andere-alepape, lisaya. Akepeanda ali andapumi nimi koda doame karu pu koyapana waru andere-alepape, lisaya. Mo Godena angele kuruaeme anda para karu puma nimi lu rakilinya karu peleme, lisaya. 18Nimimi ni kone rulao-aemenda go Epe Angele mo mundu alinu para pange wenaalina kini alinuna lee angaa para pange mo Isaraelimi na-mandu rangala pae ree nane aeme wenaalinu para walenayanda nimumi nimi koda pilimie, lisaya. 19Nimumi nimi koda para ma-pelemendare Naamere nimuna angele yangonuri akepuma yango lialimapae, loma kone konenu na-sialepape, lisaya. Gupuma naame angelere a angele ora demapae, kone na-sialepape, lisaya. 20Go peandare go gole nimina da peme angelenu nimina kone suma na-demepare nimina da peme angelenuri mo nimina Apana Epe Yaakopi Sipiridimi nimimi dapeme angele nimi para gilia, lisaya.
21Alinu menda parame nimuna mendaa para amenu pange mendame liinya romboma dimi, lisaya. Apanumi pange gurupa nimuna nongo nakinu para mendaa au pilimi, lisaya. Nongo nakinumi pange nimumi nimuna kone lekeyo suma nimuna ama apanu para rono pangala-ainya ali mendanumi nimuna ama apanu komena liinya angele deme, lisaya. 22Nimimi ni para kone rulaoma raminyekepao alimindare wenaalinu menda parame nimi para rono waru pangoma yanda dimi, lisaya. Gupilimipare pereda pea naarena ambe na-epea-ainya ali menda apimi gimi na-kome, na bina puri paloma pa ao-aliandare gore nipumi rambamea ei milia, lisaya. 23Gupuma nimi ree anda menda nane pelemendare go ree anda para aeme wenaalinumi nimi para giaoma rendaa pi ei gilimindare nimi ree anda menda para pongola pulupape, lisaya. Nemere nimi para ora angele lalo. Nimimi mo ree anda paranu pula peme pupudengi ambe na-ne aliminya pu pereyaliminya ande Alina Si Naki epelea.
24Gupuma ali mendana kou nane raluaisaya ali mendame nipuna waloaya ali ambe na-lu angulaya pange pakama pupudengi noaya alimi nipuna reali na-lu angulaya, lisaya. 25Go peandare go ali mendana kou nane raluaisaya ali mendame nipuna rana pi eiri na waloaya ali mandana alua kone wia auri ora epelea pange pakama pupudengi noaya alimi nipuna rana pi eiri nipuna reali mandana alua kone wia go au pange epelea, lisaya. Go einare wenaali mendanumi mo anda repaana kalu ali para ande koae remonuna kalu alina bi Bielesepulu#10:25 Bielesepuluri Sadanina bi menda. bi demendare mo anda repaa para wenaalinu menda para ora koae binu ademendare go kalu alina koae bi lu angulalia, lisaya.
Gode para paalame komoaya ei
(Luka 12:2-7)
26Yesu nipumi lala ara lalore, Go einare nimimi wenaali menda para paalame na-komalepape, lisaya. Gupuma mendame nimina pangawi alenu pange kundiripu peme alenu raayore werepe nanere ora penameyao wadea, lisaya. 27Go einare neme nimi para mo rimbale para piri da angele raayosiri alinu menda para ora naarena go angele wenaali menda para la adapape, lisaya. Gurupa pange mo anda panda rupara da angelenu raayosi nimimi pangomare kaname waruma wia anda kuluna reka ara wenaalinu menda menda para wi la adapape, lisaya. 28Do kama lu komada alinu para paalame na-komalepape. Nimumi nimina remonu na-dimi. Go peapare nimimiri Gode komea paalame komalepape. Akepeare nipumiri repana ralo ae para nimina donu pange remonu manda lu kidia, lisaya.
29Onge yaasi laapore muni peni komeame gole manda kambapeya, lisaya. Go peapare yaasiri onge eisiyapare gole komeleandare gore nimina Apa Godena ranana pia. 30Gupuma Gode nipumi nimina kaluna aya irinu raayo ambala yarepema kone wia eiri kone sialepape, lisaya. 31Go einare paalame na-komalepape, lisaya. Akepeanda Gode nipumi mo enge yaasi waru andapu para pumi komoayapare nipumi nimi para pumi ora waru komoaya, lisaya. Nimimi go yaasinu lu rambuaeme, lisaya.
Yesu nipuna bi pangawa pale na-pangawa angele lee ei
(Luka 12:8-9)
32Yesu nipumi lala ara lalore, Ali menda apimi wenaalina lee angaana ara nina kou nane raluma na bi pangawa deandare gore neme na yaa para aya Apana lee angaana ara go alina bi pangawande doa, lisaya. 33Go peapare ali menda apimi wenaalina lee angaana ara ni gipia deandare neme na yaa para aya Apana lee angaana ara go ali gialua, lisaya.
Yesu nipumi anda ruru wenaali ma-rekele palia
(Luka 12:51-53; 14:26-27)
34Yesu nipumi lala ara lalore, Nimina konemere neme yanda ma-palialuame epawa kone na-sialepape lisaya. Ni epe auri kuma pi ei ma-andaluame na-epawapare neme banasi rai ma-epawa lisaya. 35Gupuma nakinumi nimuna apanu para yanda pilimi pange nongonumi nimuna amanu para yanda dimi pange mo nakina wenamere mo nipuna alina angi para yanda lulolo puma ao-paidimi lo, Yesu nipumi lisaya. 36Wenaali menda parame ali menda para yanda pilimipare nipuna repaamere nipu rapu yanda waru li wenaalinu alimi, lisaya. 37Wena o ali apimi ni para raname komalapare nipuna apa ama laapo para pu rombame raname waru komala ara niipu laapona rana pi ei para ririna kone wiliandare na kou nane ralialore ana na-pilia, lisaya. Gupuma pange wena o ali apimi ni para raname komalapare nipuna naki nongo laapo para pu rombame raname waru komala ara niipu laapona rana pi ei para ririna kone wiliandare neme nipuna kou nane raluae ali alua kone wiliandare ana na-pilia, lisaya. 38Gupuma ali apimi nipuna ekeraisa wape pi repana ma-ruma nina kou nane na-raidiandare gore ni ralialore ana na-pea lisaya.#10:38 Yesumi go siapi angele lisaya eiri gore nipuna kou nane raluae alinu alimindare gore komape eina pange paalame na-kome pa lelepa aeme ae loa walisaya. 39Ali apimi nipuna endoaya ei andawiliandare nipumi nipuna endoaya ei ma-alu pala peapare ali apimi ni para kone waru suma nipuna endoaya ei ma-alu paliandare nipumi nipuna endoaya ei ora milia, lisaya.
Alimi epe yangi mea ei
(Maka 9:41)
40Yesu nipumi lala ara lalore, Wena o ali menda apimi nimi para raname komala ara nipuna anda para ipue deandare ora ni para epe au pia, lisaya. Gupuma pange wena o ali menda apimi ni para raname komala ara ni rapu apana deandare gore go wena o alimi go ni rapaya Apa para epe au pia, lisaya. 41Menda apimi Godena poropedi ali epelea dina epe rupa anda miliandare gore go ali nipumi mo poropedi alina yangi pange rumalipi. Mendaa rupa Godena rana pi au puaya ali menda epelea ali anda milianda pange nipumi epe yangi mupilia. 42Ora lalo. Nina kou nane raluae ali menda ande kongore ipa nalame komalanda ipa adea ali nipuna yangi na-alupilia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.