Madiu 23
23
Parisi alinu pange Rudule Angele waloaisimiya alinumi pisimiya einu
(Maka 12:38-39; Luka 11:43,46; 20:45-46)
1Werepe nane Yesumi nipuna kou nane rali alinu pange wenaali andapu para angele lisaya. 2Gupuma nipumi lalore gupi lisaya. Ande Rudule Angele waloaeme alinu pange Parisi alinuri ande Mosesimi alisaya Rudule Angele walape eina puri meme repaa ae lisaya. 3Go alinumi waloaeme angelenu waru pangoma pipape lisaya. Go peapare nimumi puaeme aunuri na-pipape. Akepeare nimumiri mo nimuna waloaeme angelenu na-raliri pa pora menda naini puaeme. 4Nimumi wenaalina paisa mandaa rialore kenda puma ora rendaa pi alenu ma-riao-aeme. Go au puaemepare nimumi yayapi rupa rambami aunu pange na-peme. 5Nimumi wenaali raayome andenayanda alenda alenda raayo puaeme. Nimuna wenona pange ki nani andiaeme waloaeme Godena angele mendapare pange mo nimuna aka kuninare epe au ma-laeme pange mo yameme aka andalunu pange andalepa lisaya. 6Nimumi kalu alinu piruaeme seana enda nolame pidua kone wimi pange yainya puaeme anda pange nimu para wenaalimi lalore Waloale alio lena kone wimi pange andainya kone waru su peme. 7Mo makedi andaga naini pange nimu para wenaalimi lalore Waloale alio lena kone wimi pange andainya kone waru su peme. 8Go einare wenaali mendame nimi wi lalo ara lalore Waloale alio pi na-lena. Akepeare Ali komea komea nimina Waloae Ali aeyandare nimimiri amealu amealu alolo paliminya. 9Gupumare nimimi go suna aya ali menda para apaya pi na-dapape. Akepeare nimina Apa komea so yaa nane aya. 10Gupuma nimi para kalu ali pi na-lena. Akepeare nimina Kalu Ali komea Keriso aya. 11Gupuma nimina andaa aliri nimina pupudengi nada ali ainya lisaya. 12Ali menda apimi nipuna bi minyasiari pamiliandare gore nipuna bi rolo para pelea. Go peapare menda apimi nipuna bi minya nialiandare gore nipuna bi ora andaai wilia.
Waloae alinumi koae aunu pisimiya ei Yesumi walisaya ei
(Maka 12:40; Luka 11:39-42,44,52; 20:47)
13Mo Rudule Angele waloaeme alinu pange Parisi alinu nimi waru andere-alepape. Nimiri angaa kambulu laapo aeme alinu pange nimimi mo Godena Yaa Nane Wia Ki Rambuao-aya Eina pora gape poaeme pange go wenaali raayo pope porayapare nimimi mo anda rupara na-kondo pambao-aeme pange wenaalimi kondo pambolame puaemepare nimimi mo wenaali na-kondo pambola popena loaeme. 14Nimi Rudule Angele kone waru wi alinu pange Parisi alinu nimi andere-alepape. Nimiri angaa kambulu laapo aeme alinu. Mo komoaeme alinuna waisa wenanu nimuna moae alenu muaeme pange nimimi nimina koae aunu peme einu panga sulemeya yainya andalu einu puaeme. Go einare werepe nane nimi rendaa andaai milimi.
15Nimi Rudule Angele kone wimi alinu pange Parisi alinu nimi waru andere-alepape. Nimiri angaa kambulu laapo aeme alinu pange andaa ipana pange suna pamulopo-aeme. Pa ali komea nimi ralinaya go au puaeme. Gupuma nimina kou nane rali ali aya dinare go au puaeme. Nipu repana lengaa ralo ae para pena loaeme. Nimi pange repana rala ae para rolo pemepare nipu rola pe rupare ora nimi pange wanduaya.
16Nimi lee rumbu pi alinumi wenaali para pora wadamepare waru andere-alepape. Nimimi gurupa loaeme. Ali mendame mo alinau puaeme andana bi loma ora Gode ora lalo loma dea aunu na-piliandare ale menda dia. Go peapare ali mendame mo alinau puaeme andana bi loma pange golo munina bi loma ora Gode ora lalo deandare gore go lande ei ora pilia lisaya. 17Kalu kole lee rumbu pi alinu. Ale menda airi andaaiyapae. Ande alinau puaeme anda komeare yaako pea. Akepeare go andame golere no para wia golo yaako ma-paya. 18Gupuma nimimi go angele loaeme. Mendame alinau puaeme pereaya lenana bi loma loaeme angelenuri ale menda dia loaeme. Go peapare mo alinau puaeme pereaya lena mandaa wia alinau padema alena bi loma deme alenuri ora palimi lisaya. 19Nimi lee rumbu pi alinu. Ale menda airi andaaiyapae. Alinau puaeme pereaya lenayapae o raname komala ara adame aleyapae. Alinau puaeme pereaya lenamere raname komalo ara adame ale yaako ma-pao-aya pange go eiri ora andaaiyapae lisaya. 20Gupuma ali menda alinau puaeme pereaya lena loma ora Gode ora lalo deandare gore mo alinau puaeme pereaya lena mandaa wia alinau paya alenu raayo para pange dame lisaya. 21Go einare ali menda apimi ande alinau puaeme andana bi loma ora lawande deandare gore Gode no rupara aya alina bi loma da. 22Menda apimi so yaa nane aya ali masu ora lalo deandare gore Godena piruaya seana da pange Gode para lalo ara da.
23Nimi Rudule Angele kone wimi alinu pange Parisi alinu waru andere-alepape. Nimiri angaa kambulu laapo aeme alinu. Ande Rudule Angeleme walea ora ririna aunu raayo rambua rambua pulu arayapare pa wala oro para aunu komea raluaeme. Mo rambua rambua puaeme aunu menda parare go einu. Ora rendepona aunu pape ei pange yarame komala aunu pape aunu pange ora angelenu dame aunuri rambua rambua puaeme. Mo ora ririna aunu pange oro para aunu raayo raidapape. 24Nimi lee rumbu pi alinumi wenaali menda para pora wadoameya dame. Nimimi Godena angele raidama lalo ara nimina nolameya pimi ipa para pa piri alesinu lopapanaya ralu rumbuaemepare Godena ora ririna Rudule Angelenuri rungulu-aeme.
25Nimi Rudule Angele kone wimi alinu pange Parisi alinu andere-alepape. Nimiri angaa kambulu laapo aeme alinu. Gupuma ipa noaeme kapo pange enda noaeme peledinuri kama nane komea randepe-aemepare no ruparare wala pake noma meme endanu pana puma suaeme. 26Lee rumbu pi Parisi alinu. Ririnare no ipa noaeme rupara ambala randepedendare gore kama nanere pa nipuna epedea.
27Nimi Rudule Angele kone wimi alinu pange Parisi alinu waru andere-alepape. Nimiri angaa kambulu laapo aeme alinu aeme. Nimiri ali dapana puaeme rupa mandare epe rupa wamopu rumbemepare no runanere ali randepele pungu pea rupa manda. 28Nimi pange gurupa aeme pange wenaalimi nimina do yongale andomare epe rupa aeme kone wimipare nimina ruparare ora koae aunumi pange yayapi angele loaeme eimi rumbilia.
Yesumi mo waloae alinu para yangi koae einu milimi lisaya ei
(Luka 11:47-51)
29Nimi Rudule Angele kone wimi alinu pange Parisi alinu waru andere-alepape. Nimiri angaa kambulu laapo aeme alinu aeme. Nimimi mo poropedi alinuna pange ande epe rupa aoma komeme alinuna dapanuri epe rupa andabaoma andere-aeme.
30Gupuma nimimi lalore naame ambala ririna naana aya kasuanu rapu alapamayalore naame nimu rambamealo arare mo poropedi alinu na-lu komala pama loaeme. 31Go peapare wala nimina angaa kambulu lomboma lalore naare monde poropedi alinu lu komaisimiya repaana repaa lo go angele loaeme. 32Go einare nimimi pangere mo nimina aya kasuanumi kini pu pisimiya einu pua pu pereyalepa. 33Nimiri koae keronu aemele pangalepa. Godena rono pangala eimi repana lengaa para dipula milia. Go eiri nimi akepuma pindipidimipae. Nimi ora na-pindipidimi. 34Go peanda nimi para la gialo. Neme nimi para na poropedi alinu pange kone ora waru wimi alinu pange waloae alinu rapalua. Go peapare mendane alinuri dimi pange mendane alinuri ekeraisa repanana lu andialimi pange mendane alinuri mo nimina yainya puaeme anda para ara lu yambilimi pange daoni menda menda para ralu dimi lisaya. 35Go einare go suna aeme pange arimiya rendepona alinu pange monde lu komariminde alinu raayo nimina ki mandaa go sula pupulanda. Ebelore rondo menda na-ae ali lisimiya. Go ali para kini puma Berekaya nipuna si Sekeraya para pereyaisimiya. Berekaya nipuna siri ande alinau puaeme pereaya lena pange alinau puaeme anda lapona runa lisimiya. 36Nimi para neme ora lalo. Nimina peme koae aununa yangiri ambia go aeme wenaali manda lopelea loma lalo lisaya. 37Diurusaleme wenaalinuo, Diurusaleme wenaalinuo, yarae, lisaya. Nimimiri Godena poropedi alinu lu komao-aeme pange angele ma-ipulumi alinu Godeme nee para rapaya alinu kaname lu komao-aeme. Neme nimiri naare raayosi yaa kembome nipuna sisinu nipuna popaa laapo para ma ma-mombeao-aya rupa neme pange nimi para go au pulame kone suayopare nimina gole giao-aeme, lisaya. 38Go peandare nimina alinau puaeme andanuri alenda na-wi pakama alia.
39Go aoma werepe nane ni wala na-andeleme.
Werepe lalo ara Realina bina ipula alimi epe aunu
andena ae de naarenare
ni wala go romona andeleme.
Yesumi go angele lo pereyaisaya.
Currently Selected:
Madiu 23: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Madiu 23
23
Parisi alinu pange Rudule Angele waloaisimiya alinumi pisimiya einu
(Maka 12:38-39; Luka 11:43,46; 20:45-46)
1Werepe nane Yesumi nipuna kou nane rali alinu pange wenaali andapu para angele lisaya. 2Gupuma nipumi lalore gupi lisaya. Ande Rudule Angele waloaeme alinu pange Parisi alinuri ande Mosesimi alisaya Rudule Angele walape eina puri meme repaa ae lisaya. 3Go alinumi waloaeme angelenu waru pangoma pipape lisaya. Go peapare nimumi puaeme aunuri na-pipape. Akepeare nimumiri mo nimuna waloaeme angelenu na-raliri pa pora menda naini puaeme. 4Nimumi wenaalina paisa mandaa rialore kenda puma ora rendaa pi alenu ma-riao-aeme. Go au puaemepare nimumi yayapi rupa rambami aunu pange na-peme. 5Nimumi wenaali raayome andenayanda alenda alenda raayo puaeme. Nimuna wenona pange ki nani andiaeme waloaeme Godena angele mendapare pange mo nimuna aka kuninare epe au ma-laeme pange mo yameme aka andalunu pange andalepa lisaya. 6Nimumi kalu alinu piruaeme seana enda nolame pidua kone wimi pange yainya puaeme anda pange nimu para wenaalimi lalore Waloale alio lena kone wimi pange andainya kone waru su peme. 7Mo makedi andaga naini pange nimu para wenaalimi lalore Waloale alio lena kone wimi pange andainya kone waru su peme. 8Go einare wenaali mendame nimi wi lalo ara lalore Waloale alio pi na-lena. Akepeare Ali komea komea nimina Waloae Ali aeyandare nimimiri amealu amealu alolo paliminya. 9Gupumare nimimi go suna aya ali menda para apaya pi na-dapape. Akepeare nimina Apa komea so yaa nane aya. 10Gupuma nimi para kalu ali pi na-lena. Akepeare nimina Kalu Ali komea Keriso aya. 11Gupuma nimina andaa aliri nimina pupudengi nada ali ainya lisaya. 12Ali menda apimi nipuna bi minyasiari pamiliandare gore nipuna bi rolo para pelea. Go peapare menda apimi nipuna bi minya nialiandare gore nipuna bi ora andaai wilia.
Waloae alinumi koae aunu pisimiya ei Yesumi walisaya ei
(Maka 12:40; Luka 11:39-42,44,52; 20:47)
13Mo Rudule Angele waloaeme alinu pange Parisi alinu nimi waru andere-alepape. Nimiri angaa kambulu laapo aeme alinu pange nimimi mo Godena Yaa Nane Wia Ki Rambuao-aya Eina pora gape poaeme pange go wenaali raayo pope porayapare nimimi mo anda rupara na-kondo pambao-aeme pange wenaalimi kondo pambolame puaemepare nimimi mo wenaali na-kondo pambola popena loaeme. 14Nimi Rudule Angele kone waru wi alinu pange Parisi alinu nimi andere-alepape. Nimiri angaa kambulu laapo aeme alinu. Mo komoaeme alinuna waisa wenanu nimuna moae alenu muaeme pange nimimi nimina koae aunu peme einu panga sulemeya yainya andalu einu puaeme. Go einare werepe nane nimi rendaa andaai milimi.
15Nimi Rudule Angele kone wimi alinu pange Parisi alinu nimi waru andere-alepape. Nimiri angaa kambulu laapo aeme alinu pange andaa ipana pange suna pamulopo-aeme. Pa ali komea nimi ralinaya go au puaeme. Gupuma nimina kou nane rali ali aya dinare go au puaeme. Nipu repana lengaa ralo ae para pena loaeme. Nimi pange repana rala ae para rolo pemepare nipu rola pe rupare ora nimi pange wanduaya.
16Nimi lee rumbu pi alinumi wenaali para pora wadamepare waru andere-alepape. Nimimi gurupa loaeme. Ali mendame mo alinau puaeme andana bi loma ora Gode ora lalo loma dea aunu na-piliandare ale menda dia. Go peapare ali mendame mo alinau puaeme andana bi loma pange golo munina bi loma ora Gode ora lalo deandare gore go lande ei ora pilia lisaya. 17Kalu kole lee rumbu pi alinu. Ale menda airi andaaiyapae. Ande alinau puaeme anda komeare yaako pea. Akepeare go andame golere no para wia golo yaako ma-paya. 18Gupuma nimimi go angele loaeme. Mendame alinau puaeme pereaya lenana bi loma loaeme angelenuri ale menda dia loaeme. Go peapare mo alinau puaeme pereaya lena mandaa wia alinau padema alena bi loma deme alenuri ora palimi lisaya. 19Nimi lee rumbu pi alinu. Ale menda airi andaaiyapae. Alinau puaeme pereaya lenayapae o raname komala ara adame aleyapae. Alinau puaeme pereaya lenamere raname komalo ara adame ale yaako ma-pao-aya pange go eiri ora andaaiyapae lisaya. 20Gupuma ali menda alinau puaeme pereaya lena loma ora Gode ora lalo deandare gore mo alinau puaeme pereaya lena mandaa wia alinau paya alenu raayo para pange dame lisaya. 21Go einare ali menda apimi ande alinau puaeme andana bi loma ora lawande deandare gore Gode no rupara aya alina bi loma da. 22Menda apimi so yaa nane aya ali masu ora lalo deandare gore Godena piruaya seana da pange Gode para lalo ara da.
23Nimi Rudule Angele kone wimi alinu pange Parisi alinu waru andere-alepape. Nimiri angaa kambulu laapo aeme alinu. Ande Rudule Angeleme walea ora ririna aunu raayo rambua rambua pulu arayapare pa wala oro para aunu komea raluaeme. Mo rambua rambua puaeme aunu menda parare go einu. Ora rendepona aunu pape ei pange yarame komala aunu pape aunu pange ora angelenu dame aunuri rambua rambua puaeme. Mo ora ririna aunu pange oro para aunu raayo raidapape. 24Nimi lee rumbu pi alinumi wenaali menda para pora wadoameya dame. Nimimi Godena angele raidama lalo ara nimina nolameya pimi ipa para pa piri alesinu lopapanaya ralu rumbuaemepare Godena ora ririna Rudule Angelenuri rungulu-aeme.
25Nimi Rudule Angele kone wimi alinu pange Parisi alinu andere-alepape. Nimiri angaa kambulu laapo aeme alinu. Gupuma ipa noaeme kapo pange enda noaeme peledinuri kama nane komea randepe-aemepare no ruparare wala pake noma meme endanu pana puma suaeme. 26Lee rumbu pi Parisi alinu. Ririnare no ipa noaeme rupara ambala randepedendare gore kama nanere pa nipuna epedea.
27Nimi Rudule Angele kone wimi alinu pange Parisi alinu waru andere-alepape. Nimiri angaa kambulu laapo aeme alinu aeme. Nimiri ali dapana puaeme rupa mandare epe rupa wamopu rumbemepare no runanere ali randepele pungu pea rupa manda. 28Nimi pange gurupa aeme pange wenaalimi nimina do yongale andomare epe rupa aeme kone wimipare nimina ruparare ora koae aunumi pange yayapi angele loaeme eimi rumbilia.
Yesumi mo waloae alinu para yangi koae einu milimi lisaya ei
(Luka 11:47-51)
29Nimi Rudule Angele kone wimi alinu pange Parisi alinu waru andere-alepape. Nimiri angaa kambulu laapo aeme alinu aeme. Nimimi mo poropedi alinuna pange ande epe rupa aoma komeme alinuna dapanuri epe rupa andabaoma andere-aeme.
30Gupuma nimimi lalore naame ambala ririna naana aya kasuanu rapu alapamayalore naame nimu rambamealo arare mo poropedi alinu na-lu komala pama loaeme. 31Go peapare wala nimina angaa kambulu lomboma lalore naare monde poropedi alinu lu komaisimiya repaana repaa lo go angele loaeme. 32Go einare nimimi pangere mo nimina aya kasuanumi kini pu pisimiya einu pua pu pereyalepa. 33Nimiri koae keronu aemele pangalepa. Godena rono pangala eimi repana lengaa para dipula milia. Go eiri nimi akepuma pindipidimipae. Nimi ora na-pindipidimi. 34Go peanda nimi para la gialo. Neme nimi para na poropedi alinu pange kone ora waru wimi alinu pange waloae alinu rapalua. Go peapare mendane alinuri dimi pange mendane alinuri ekeraisa repanana lu andialimi pange mendane alinuri mo nimina yainya puaeme anda para ara lu yambilimi pange daoni menda menda para ralu dimi lisaya. 35Go einare go suna aeme pange arimiya rendepona alinu pange monde lu komariminde alinu raayo nimina ki mandaa go sula pupulanda. Ebelore rondo menda na-ae ali lisimiya. Go ali para kini puma Berekaya nipuna si Sekeraya para pereyaisimiya. Berekaya nipuna siri ande alinau puaeme pereaya lena pange alinau puaeme anda lapona runa lisimiya. 36Nimi para neme ora lalo. Nimina peme koae aununa yangiri ambia go aeme wenaali manda lopelea loma lalo lisaya. 37Diurusaleme wenaalinuo, Diurusaleme wenaalinuo, yarae, lisaya. Nimimiri Godena poropedi alinu lu komao-aeme pange angele ma-ipulumi alinu Godeme nee para rapaya alinu kaname lu komao-aeme. Neme nimiri naare raayosi yaa kembome nipuna sisinu nipuna popaa laapo para ma ma-mombeao-aya rupa neme pange nimi para go au pulame kone suayopare nimina gole giao-aeme, lisaya. 38Go peandare nimina alinau puaeme andanuri alenda na-wi pakama alia.
39Go aoma werepe nane ni wala na-andeleme.
Werepe lalo ara Realina bina ipula alimi epe aunu
andena ae de naarenare
ni wala go romona andeleme.
Yesumi go angele lo pereyaisaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.