Лк 12
12
12 ГЛАВА
1-3 Сайла кояш тӧчымӧ ваштареш шижтарымаш. 4-7 Кӧ деч лӱдаш. 8-12 Иисусым палыме нерген почын ойлымаш. 13-21 Ушдымо поян нерген туштен каласымаш. 22-34 Тыршыме да тургыжланыме нерген. 35-48 Шке озажым вучышо тарзе. 49-53 Иисус – шелалтмашын амалже. 54-59 Жапын палыже.
1Тиде жапыштак тӱжемле еҥан тугай кугу тӱшка погынен, икте-весым шыгыремденыт. Иисус ондак Шкенжын тунемшыж-влаклан ойлаш тӱҥалын: «Фарисей-влакын руышт деч шекланыза, тидыже – нунын сайла кояш тӧчымышт. 2Нимо шылтен аралыме почылтде ок код, нимогай шолып чараш лекде ок код. 3Мом те пычкемыште ойленда, волгыдо годым колыт. Мом кӧргӧ пӧлемыште пылышыш шып ойленда, пӧрт леведыш ӱмбач кычкыраш тӱҥалыт.
4Мый тыланда, йолташем-влаклан, ойлем: кӧмыт капым пуштыт, но вара нимом ыштен огыт керт, нунын деч ида лӱд. 5Кӧ деч лӱдаш, Мый тыланда ончыктем: пуштмеке, тамыкыш сӱмырал шуаш кӧн властьше уло, Тудын деч лӱдса. Туге, тыланда ойлем: теве кӧ деч лӱдса!
6Вич пӧрткайыкым кок ассарий оксалан#12:6 Ассарий – тыгыде окса. огыт ужале мо? А Юмо нунын кокла гыч иктыжымат монден огыл. 7А тендан вуйысо ӱп пырчыдамат чыла шотлымо. Ида лӱд! Те чыла пӧрткайык деч шергырак улыда!
8Мый тыланда ойлем: кӧ еҥ-влак ончылно Мыйым палымыж нерген почын ойла, Айдеме Эргат Юмын Суксыж-влак ончылно тудым палымыж нерген почын ойла. 9А кӧ еҥ ончылно Мый дечем кораҥеш, тудат Юмын Суксыж-влак ончылно кораҥдыме лиеш. 10Кӧ Айдеме Эрге ваштареш мутым каласа, тудлан тиде касаралтеш, но Святой Шӱлышым мыскылен ойлышылан ок касаралт.
11Кунам тендам синагоглашке кондат, вуйлатыше да власть улшан-влак деке намият, кузе аралалташ да мом ойлаш манын ида тургыжлане. 12Мом ойлаш кӱлеш, Святой Шӱлыш тендам тудо шагатыште туныкта».
13Калык тӱшка гыч ик еҥ Иисуслан ойлен: «Туныктышо, мыйын изамлан наследствым мый денем пайлаш каласе». 14Тудлан Иисус вашештен: «Айдеме, кӧ Мыйым тендан судьяда лияш але погыдам пайлаш шогалтен?» 15Вара Тудо чылалан ойлен: «Ончыза, опкынланымаш деч шекланыза. Айдемын поянлыкше моткоч шуко гынат, погыжо тудлан илышым ок пу».
16Иисус нунылан туштен каласен: «Ик поян еҥын пасужо сай лектышым пуэн 17да тудо шке семынже шонкален: ”Мом мылам ышташ? Чыла поген налме лектышым нигушто аралаш”. 18Вара каласен: ”Теве мом ыштем: клат-влакем рончем да кугурак-влакым чоҥем. Тушко уло киндем, погем чумырем 19да шкаланем каласем: ’Чонем, тыйын шуко ийлан ситыше кугу погет уло. Кане, коч, йӱ, куанен иле’”. 20Но Юмо тудлан каласен: ”Ушдымо! Тиде йӱдымак чонетым тый дечет налыт. Тыйын ямдылымет кӧлан кодеш?” 21Кӧ шкаланже поянлыкым пога, а Юмын ончылно поян огыл, тудын дене тыге лиеш».
22А тунемшыж-влаклан Иисус каласен: «Сандене Мый тыланда ойлем: мом кочкаш манын, чонда верч ида азаплане, мом чияш манын, капда верч ида тургыжлане. 23Чон кочкыш деч да кап вургем деч шергырак. 24Кайык-влакым шекланыза: нуно огыт ӱдӧ, огыт тӱред, нунын клатыштат, амбарыштат уке, а Юмо нуным пукша. А те кайык деч кунаре шергырак улыда! 25Тендан кокла гыч кӧ тургыжланыме дене шке кап кугытшым#12:25 «Кап кугытшым»: грек мутым «Ӱмыржым» манынат кусараш лиеш. кеч кынергут наре кужемден кертеш? 26А те тыгай изимат ыштен огыда керт гын, молыж нерген мом тургыжланеда?
27Кузе лилий пеледыш-влак кушкыт, шекланыза: нуно пашам огыт ыште, огыт шӱдырӧ. Но тыланда ойлем: Соломонат, поянлыкше дене чапланен гынат, нунын кокла гыч иктыж гаят чиен огыл. 28Таче пасушто кушшо, а эрла коҥгаш шуышаш шудым Юмо тыге чикта гын, тендамат, шагал ӱшаныше-влакым, ок чикте мо? 29Мом кочкаш, мом йӱаш ида кычал да тидын нерген ида тургыжлане. 30Тиде тӱнясе калык-влак чыла тидым кычалыт, а тендан Ачада тыланда тиде кӱлмым пала. 31Эн ончыч те Юмын Кугыжанышым кычалза, тунам чыла тиде тыланда пырля пуалтеш.
32Изи кӱтӱ, ит лӱд! Ачада тыланда Кугыжанышым пуаш сайлан шотлен. 33Погыдам ужалыза да оксажым йорло-влаклан пуыза, тӱганен кертдыме окса калтам шкаланда ыштыза, пытыдыме пылпомышсо поянлыкым погыза, тушко вор ок лишем, тушто когарш ок локтыл. 34Кушто тендан поянлыкда, туштак шӱмдат лиеш.
35Тек ӱштыда эре ӱшталме да лампыда чӱктымӧ лиеш, 36шкеныштын озаштым сӱан пайрем гыч вучышо еҥ-влак гай лийза. Кунам толеш да пералта, нуно тунамак тудлан почаш ямде улыт. 37Оза пӧртылмыж годым тарзыж-влакым малыде вучышым ужеш гын, пиалан улыт. Тыланда чынак ойлем, тудо шке ӱштыжым ӱшталеш, тарзыж-влакым ӱстелтӧрыш шында да нуным ончаш тӱҥалеш. 38Тудо йӱдым, кокымшо але кумшо орол годым, толеш гынат, тарзыж-влакын тыге ыштымыштым ужеш гын, нуно пиалан улыт. 39Пален лийза, вор мыняр шагатлан толшашым пӧрт оза пала ыле гын, ок мале да пӧртышкыжӧ кӱнчен пураш ок пу ыле. 40Теат ямде лийза: могай шагатыште те огыда вучо, тунам Айдеме Эрге толеш».
41«Господь, тиде туштен каласымашым мыланна ойлет але чылалан?» – Петр Тудын деч йодын. 42Господь вашештен: «Кӧ моло тарзым вуйлаташ да нунылан шке жапыштыже киндым висен шеледаш озан шогалтыме ӱшанле да ушан озанлык вуйлатыше? 43Толмекыже, тиде тарзын кӱлеш семын ыштымыжым оза ужеш гын, тарзыже пиалан. 44Тыланда чыным ойлем: уло погыжым ончаш тудым шогалта. 45А тудо тарзе шӱмыштыжӧ ”Мыйын озам эше ок тол” манын шоналта да кочкаш, йӱаш, рушташ, моло тарзе ӱдырамашымат, пӧръеҥымат кыраш тӱҥалеш гын, 46озаже вучыдымо кечын да палыдыме шагатыште толеш. Оза тудым покшеч руалын шелеш да ӱшаныдыме-влак дене ыштымыж семынак ышта. 47Тарзе озажын шонымыжым пала, ок ямдылалт да тудын шонымыж семын ок ыште гын, тудо чот кыралтеш. 48А тарзе озажын шонымыжым ок пале да кырымым сулышо иктаж-мом ышта гын, тудо шагалрак кыралтеш. Кӧлан шуко пуымо, тудын деч шуко йодалтеш, кӧлан шуко ӱшаныме, тудо шукырак пуышаш.
49Мый мланде ӱмбаке тулым кондаш толынам, ынде тулым йӱлаш тӱҥалшым пешак ужнем ыле! 50Тынеш пурымо дене Мый тынеш пурышаш улам. Тыге лийын шумешке, кузе Мый йӧсланем! 51Мый мланде ӱмбаке тыныслыкым кондаш толынам манын, те шонеда мо? Уке, каласем Мый, шелалтмашым кондаш толынам. 52Пӧртыштӧ визытын улыт гын, тылеч вара нуно шелалтыт: кумытын кокыт ваштареш, коктын кумыт ваштареш лийыт. 53Ача эргыж ваштареш лиеш, эрге ачаж ваштареш, ава ӱдыржӧ ваштареш, ӱдыр аваже ваштареш, авалийше шке шешкыж ваштареш, а шешке авалийшыж ваштареш».
54А вара Иисус калыклан каласен: «Касвел могырым пыл кӱзымым ужыда гын, те тунамак ойледа: ”Йӱр лиеш”. Тыгак лиеш. 55А кунам кечывалвел гыч мардеж пуа, шокшо лиеш маныда. Тыгак лиеш. 56Сайын кояш тӧчышӧ-влак! Мланде ӱмбаке да кавашке ончен, мом ужмыдам умылтарен моштеда, а кузе кызытсе жапым умылен огыда мошто? 57Кузе чын ышташ, молан шке ынеда умыло?
58Тыйым титаклыше еҥ дене вуйлатыше деке кайымет годым корнышто тудын дене мутланен келшаш чылажымат ыште, уке гын, тудо тыйым судьялан пуа, а судья – ороллан, тудыжо тыйым казаматыш шуа. 59Тылат каласем: пытартыш ыр марте тӱлымешке, тушечын от лек».
Currently Selected:
Лк 12: УС
Highlight
Share
Copy
Want to have your highlights saved across all your devices? Sign up or sign in
Библийым кусарыше институт, Хельсинки 2007
Лк 12
12
12 ГЛАВА
1-3 Сайла кояш тӧчымӧ ваштареш шижтарымаш. 4-7 Кӧ деч лӱдаш. 8-12 Иисусым палыме нерген почын ойлымаш. 13-21 Ушдымо поян нерген туштен каласымаш. 22-34 Тыршыме да тургыжланыме нерген. 35-48 Шке озажым вучышо тарзе. 49-53 Иисус – шелалтмашын амалже. 54-59 Жапын палыже.
1Тиде жапыштак тӱжемле еҥан тугай кугу тӱшка погынен, икте-весым шыгыремденыт. Иисус ондак Шкенжын тунемшыж-влаклан ойлаш тӱҥалын: «Фарисей-влакын руышт деч шекланыза, тидыже – нунын сайла кояш тӧчымышт. 2Нимо шылтен аралыме почылтде ок код, нимогай шолып чараш лекде ок код. 3Мом те пычкемыште ойленда, волгыдо годым колыт. Мом кӧргӧ пӧлемыште пылышыш шып ойленда, пӧрт леведыш ӱмбач кычкыраш тӱҥалыт.
4Мый тыланда, йолташем-влаклан, ойлем: кӧмыт капым пуштыт, но вара нимом ыштен огыт керт, нунын деч ида лӱд. 5Кӧ деч лӱдаш, Мый тыланда ончыктем: пуштмеке, тамыкыш сӱмырал шуаш кӧн властьше уло, Тудын деч лӱдса. Туге, тыланда ойлем: теве кӧ деч лӱдса!
6Вич пӧрткайыкым кок ассарий оксалан#12:6 Ассарий – тыгыде окса. огыт ужале мо? А Юмо нунын кокла гыч иктыжымат монден огыл. 7А тендан вуйысо ӱп пырчыдамат чыла шотлымо. Ида лӱд! Те чыла пӧрткайык деч шергырак улыда!
8Мый тыланда ойлем: кӧ еҥ-влак ончылно Мыйым палымыж нерген почын ойла, Айдеме Эргат Юмын Суксыж-влак ончылно тудым палымыж нерген почын ойла. 9А кӧ еҥ ончылно Мый дечем кораҥеш, тудат Юмын Суксыж-влак ончылно кораҥдыме лиеш. 10Кӧ Айдеме Эрге ваштареш мутым каласа, тудлан тиде касаралтеш, но Святой Шӱлышым мыскылен ойлышылан ок касаралт.
11Кунам тендам синагоглашке кондат, вуйлатыше да власть улшан-влак деке намият, кузе аралалташ да мом ойлаш манын ида тургыжлане. 12Мом ойлаш кӱлеш, Святой Шӱлыш тендам тудо шагатыште туныкта».
13Калык тӱшка гыч ик еҥ Иисуслан ойлен: «Туныктышо, мыйын изамлан наследствым мый денем пайлаш каласе». 14Тудлан Иисус вашештен: «Айдеме, кӧ Мыйым тендан судьяда лияш але погыдам пайлаш шогалтен?» 15Вара Тудо чылалан ойлен: «Ончыза, опкынланымаш деч шекланыза. Айдемын поянлыкше моткоч шуко гынат, погыжо тудлан илышым ок пу».
16Иисус нунылан туштен каласен: «Ик поян еҥын пасужо сай лектышым пуэн 17да тудо шке семынже шонкален: ”Мом мылам ышташ? Чыла поген налме лектышым нигушто аралаш”. 18Вара каласен: ”Теве мом ыштем: клат-влакем рончем да кугурак-влакым чоҥем. Тушко уло киндем, погем чумырем 19да шкаланем каласем: ’Чонем, тыйын шуко ийлан ситыше кугу погет уло. Кане, коч, йӱ, куанен иле’”. 20Но Юмо тудлан каласен: ”Ушдымо! Тиде йӱдымак чонетым тый дечет налыт. Тыйын ямдылымет кӧлан кодеш?” 21Кӧ шкаланже поянлыкым пога, а Юмын ончылно поян огыл, тудын дене тыге лиеш».
22А тунемшыж-влаклан Иисус каласен: «Сандене Мый тыланда ойлем: мом кочкаш манын, чонда верч ида азаплане, мом чияш манын, капда верч ида тургыжлане. 23Чон кочкыш деч да кап вургем деч шергырак. 24Кайык-влакым шекланыза: нуно огыт ӱдӧ, огыт тӱред, нунын клатыштат, амбарыштат уке, а Юмо нуным пукша. А те кайык деч кунаре шергырак улыда! 25Тендан кокла гыч кӧ тургыжланыме дене шке кап кугытшым#12:25 «Кап кугытшым»: грек мутым «Ӱмыржым» манынат кусараш лиеш. кеч кынергут наре кужемден кертеш? 26А те тыгай изимат ыштен огыда керт гын, молыж нерген мом тургыжланеда?
27Кузе лилий пеледыш-влак кушкыт, шекланыза: нуно пашам огыт ыште, огыт шӱдырӧ. Но тыланда ойлем: Соломонат, поянлыкше дене чапланен гынат, нунын кокла гыч иктыж гаят чиен огыл. 28Таче пасушто кушшо, а эрла коҥгаш шуышаш шудым Юмо тыге чикта гын, тендамат, шагал ӱшаныше-влакым, ок чикте мо? 29Мом кочкаш, мом йӱаш ида кычал да тидын нерген ида тургыжлане. 30Тиде тӱнясе калык-влак чыла тидым кычалыт, а тендан Ачада тыланда тиде кӱлмым пала. 31Эн ончыч те Юмын Кугыжанышым кычалза, тунам чыла тиде тыланда пырля пуалтеш.
32Изи кӱтӱ, ит лӱд! Ачада тыланда Кугыжанышым пуаш сайлан шотлен. 33Погыдам ужалыза да оксажым йорло-влаклан пуыза, тӱганен кертдыме окса калтам шкаланда ыштыза, пытыдыме пылпомышсо поянлыкым погыза, тушко вор ок лишем, тушто когарш ок локтыл. 34Кушто тендан поянлыкда, туштак шӱмдат лиеш.
35Тек ӱштыда эре ӱшталме да лампыда чӱктымӧ лиеш, 36шкеныштын озаштым сӱан пайрем гыч вучышо еҥ-влак гай лийза. Кунам толеш да пералта, нуно тунамак тудлан почаш ямде улыт. 37Оза пӧртылмыж годым тарзыж-влакым малыде вучышым ужеш гын, пиалан улыт. Тыланда чынак ойлем, тудо шке ӱштыжым ӱшталеш, тарзыж-влакым ӱстелтӧрыш шында да нуным ончаш тӱҥалеш. 38Тудо йӱдым, кокымшо але кумшо орол годым, толеш гынат, тарзыж-влакын тыге ыштымыштым ужеш гын, нуно пиалан улыт. 39Пален лийза, вор мыняр шагатлан толшашым пӧрт оза пала ыле гын, ок мале да пӧртышкыжӧ кӱнчен пураш ок пу ыле. 40Теат ямде лийза: могай шагатыште те огыда вучо, тунам Айдеме Эрге толеш».
41«Господь, тиде туштен каласымашым мыланна ойлет але чылалан?» – Петр Тудын деч йодын. 42Господь вашештен: «Кӧ моло тарзым вуйлаташ да нунылан шке жапыштыже киндым висен шеледаш озан шогалтыме ӱшанле да ушан озанлык вуйлатыше? 43Толмекыже, тиде тарзын кӱлеш семын ыштымыжым оза ужеш гын, тарзыже пиалан. 44Тыланда чыным ойлем: уло погыжым ончаш тудым шогалта. 45А тудо тарзе шӱмыштыжӧ ”Мыйын озам эше ок тол” манын шоналта да кочкаш, йӱаш, рушташ, моло тарзе ӱдырамашымат, пӧръеҥымат кыраш тӱҥалеш гын, 46озаже вучыдымо кечын да палыдыме шагатыште толеш. Оза тудым покшеч руалын шелеш да ӱшаныдыме-влак дене ыштымыж семынак ышта. 47Тарзе озажын шонымыжым пала, ок ямдылалт да тудын шонымыж семын ок ыште гын, тудо чот кыралтеш. 48А тарзе озажын шонымыжым ок пале да кырымым сулышо иктаж-мом ышта гын, тудо шагалрак кыралтеш. Кӧлан шуко пуымо, тудын деч шуко йодалтеш, кӧлан шуко ӱшаныме, тудо шукырак пуышаш.
49Мый мланде ӱмбаке тулым кондаш толынам, ынде тулым йӱлаш тӱҥалшым пешак ужнем ыле! 50Тынеш пурымо дене Мый тынеш пурышаш улам. Тыге лийын шумешке, кузе Мый йӧсланем! 51Мый мланде ӱмбаке тыныслыкым кондаш толынам манын, те шонеда мо? Уке, каласем Мый, шелалтмашым кондаш толынам. 52Пӧртыштӧ визытын улыт гын, тылеч вара нуно шелалтыт: кумытын кокыт ваштареш, коктын кумыт ваштареш лийыт. 53Ача эргыж ваштареш лиеш, эрге ачаж ваштареш, ава ӱдыржӧ ваштареш, ӱдыр аваже ваштареш, авалийше шке шешкыж ваштареш, а шешке авалийшыж ваштареш».
54А вара Иисус калыклан каласен: «Касвел могырым пыл кӱзымым ужыда гын, те тунамак ойледа: ”Йӱр лиеш”. Тыгак лиеш. 55А кунам кечывалвел гыч мардеж пуа, шокшо лиеш маныда. Тыгак лиеш. 56Сайын кояш тӧчышӧ-влак! Мланде ӱмбаке да кавашке ончен, мом ужмыдам умылтарен моштеда, а кузе кызытсе жапым умылен огыда мошто? 57Кузе чын ышташ, молан шке ынеда умыло?
58Тыйым титаклыше еҥ дене вуйлатыше деке кайымет годым корнышто тудын дене мутланен келшаш чылажымат ыште, уке гын, тудо тыйым судьялан пуа, а судья – ороллан, тудыжо тыйым казаматыш шуа. 59Тылат каласем: пытартыш ыр марте тӱлымешке, тушечын от лек».
Currently Selected:
:
Highlight
Share
Copy
Want to have your highlights saved across all your devices? Sign up or sign in
Библийым кусарыше институт, Хельсинки 2007