Лк 5
5
5 ГЛАВА
1-11 Иисус икымше тунемшыж-влакым ӱжеш. 12-16 Проказе чераным паремдымаш. 17-26 Йыжыҥдыме еҥым паремдымаш. 27-32 Левийым ӱжмаш. 33-39 Пӱтым кучымо нерген йодыш.
1Икана Иисус Геннисарет ер воктене шоген, а калык, Юмын шомакым колаш манын, Тудым йырваш шыгыремден. 2Серыште Иисус кок пушым ужын. А пуш гыч волышо колызо-влак вапшыштым мушкыныт. 3Ик пушыжо Симонын лийын. Иисус тушко шинчын да сер деч кораҥаш тудын деч йодын, пуш гыч еҥ-влакым туныктен.
4А вара, ойлен чарнымеке, Симонлан каласен: «Келге верыш кае. Колым кучаш тушан вапш-влакдам шуыза». 5«Туныктышо, – вашештен Симон, – ме йӱдвошт тыршенна да нимом кучен огынал. Но Тый каласет гын, мый вапшым шуэм.» 6Нуно тыгак ыштеныт да тунар шуко колым кученыт, вапшыштат кӱрышталташ тӱҥалын. 7Полшаш толышт манын, кидым рӱзен вес пушысо йолташышт-влакым ӱжыныт. Нунышт толыныт. Кок пушге кол дене туге теменыт, пушыштат вӱдыш волаш тӱҥалын.
8Тидым ужмеке, Иисус ончылан Симон-Петр сукен шинчын да каласен: «Господь, мый дечем кораҥ, мый языкан айдеме улам!» 9-10Симон да чылан, кӧ тудын дене пырля лийын, – тыгак йолташыже-влак, Зеведейын Иаков ден Иоаннже – тынар шуко кучымылан ӧрын-лӱдын шогеныт. Но Иисус Симонлан каласен: «Ит лӱд. Тылеч вара тый айдемым кучышо лият». 11Вара, кок пушге серыш лукмеке, нуно чыла коденыт да Тудын почеш каеныт.
12Икана Иисусын ик олаште лиймыж годым уло капге проказе черан еҥ толын. Иисусым ужмеке, кумык возын да сӧрвален ойлаш тӱҥалын: «Господь, паремдынет гын, мыйым эрныктен кертат». 13Иисус кидым шуялтен, тудым тӱкалтен да каласен: «Паремдынем, эрне». Проказе черже тунамак пытен. 14Тидын нерген нигӧлан ойлаш огыл манын, Иисус тудлан чарен, да кӱштен каласен: «Кай да шкендым иерейлан ончыкто. Эрналтмет лӱмеш Моисей кӱштымӧ семын надырым пу. Тидын дене тый паремметым ончыктет». 15А Иисус нерген мут утларак веле шарлен, пеш шуко калык Тудым колышташ да черыштым паремдыкташ толын. 16Но Тудо тымык верыш кумалаш коштын.
17Ик кечын, кунам Иисус туныктен, Тудым колыштшо-влак коклаште Галилей ден Иудейысе чыла ял гыч да Иерусалим гыч толшо фарисей ден закон туныктышо-влак шинченыт. Господьын куатше черле-влакым паремдымаште палдырнен.
18Теве пӧръеҥ-влак, вакшышеш нумалын, йыжыҥдыме еҥым конденыт да, Иисус ончык пышташ манын, пӧртыш пурташ тӧченыт. 19Калык шукылан кӧра кузе пурташ йӧным муын огытылат, нуно пӧрт леведыш ӱмбаке кӱзеныт, леведышым рончен, тудым вакшышыжге еҥ коклашке Иисус ончыко волтеныт. 20Нунын ӱшанымыштым ужын, Тудо каласен: «Айдеме, тыйын языкет касаралтеш».
21Закон туныктышо ден фарисей-влак шонкалаш тӱҥалыныт: «Юмым мыскылышыже кӧ тиде тыгай? Юмо деч моло кӧ айдемын языкшым касарен кертеш?» 22Иисус, нунын тыге шонкалымыштым паленат, вашештен каласен: «Те мом шӱмыштыда шонкаледа? 23Мом куштылгырак каласаш: ”Тыйын языкет касаралтеш” але ”Кынел да ошкыл” манаш? 24Но те пален лийза: Айдеме Эргын мланде ӱмбалне языкым касараш властьше уло». Йыжыҥдыме еҥлан Иисус каласен: «Тылат ойлем: кынел, вакшышетым нал да мӧҥгышкет кае». 25Черле тунамак, нунын ончылнак, кынелын, вакшышыжым погалтен да, Юмым чапландарен, мӧҥгыжӧ ошкылын.
26Чылам кугу лӱдмаш авалтен, чылан Юмым чапландареныт да лӱдын ойленыт: «Таче ме кугу ӧрыктарымашым ужна».
27Тылеч вара Иисус лектын да йозак погымо верыште шинчыше Левий лӱман йозак погышым ужын. Тудлан ойлен: «Почешем кае». 28Тудо кынелын, чыла коден да Иисус почеш каен. 29Левий шке пӧртыштыжӧ Тудлан кугу сийым ямдылен. Тушто нунын дене пырля йозак погышо-влак да молат шукын кочкыныт.
30Фарисей да нунын кокла гычак закон туныктышо-влак Иисусын тунемшыж-влаклан ӧпкелен ойленыт: «Молан те йозакым погышо да языкан-влак дене пырля кочкыда да йӱыда?» 31Иисус нунылан вашештен: «Таза еҥлан огыл эмлызе кӱлеш, а черлылан. 32Мый чын ыштыше-влакым огыл, а языкан-влакым языкым касарыкташ да Юмо деке савырнаш ӱжаш толынам».
33Иисуслан каласеныт: «Молан Иоаннын тунемшыж-влак, тыгак фарисей-влакын тунемшыштат чӱчкыдын пӱтым кучат да кумалыт, а Тыйын – кочкыт да йӱыт?» 34Иисус нунылан вашештен: «Ӱдырым налше качын сӱан калык дене пырля лиймыж годым нунылан пӱтым кучыктен кертыда мо? 35Но жап шуэш, нунын деч качым налыт, тунам нуно тиде кечылаште пӱтым кучаш тӱҥалыт».
36Тыгак нунылан туштен каласен: «У вургем гыч кушкед налын, тошто вургемыш нигӧ тумышым ок шынде – ужымат кушкедеш, тоштыжланат у куэм дене ыштыме тумыш келшен ок тол. 37Шуын шудымо йошкар аракам нигӧат тошто шувышыш ок опто – шуын шудымо арака шувышым кушкедеш, шкежат йога, шувышыжат йӧрдымӧ лиеш. 38Шуын шудымо аракам у шувышыш опталман, тунам коктынат аралалтыт. 39А тошто аракам йӱмеке, нигӧнат у аракам тунамак йӱмыжӧ ок шу, вет ойла: ”Тоштыжо сайрак”».
Currently Selected:
Лк 5: УС
Highlight
Share
Copy
Want to have your highlights saved across all your devices? Sign up or sign in
Библийым кусарыше институт, Хельсинки 2007
Лк 5
5
5 ГЛАВА
1-11 Иисус икымше тунемшыж-влакым ӱжеш. 12-16 Проказе чераным паремдымаш. 17-26 Йыжыҥдыме еҥым паремдымаш. 27-32 Левийым ӱжмаш. 33-39 Пӱтым кучымо нерген йодыш.
1Икана Иисус Геннисарет ер воктене шоген, а калык, Юмын шомакым колаш манын, Тудым йырваш шыгыремден. 2Серыште Иисус кок пушым ужын. А пуш гыч волышо колызо-влак вапшыштым мушкыныт. 3Ик пушыжо Симонын лийын. Иисус тушко шинчын да сер деч кораҥаш тудын деч йодын, пуш гыч еҥ-влакым туныктен.
4А вара, ойлен чарнымеке, Симонлан каласен: «Келге верыш кае. Колым кучаш тушан вапш-влакдам шуыза». 5«Туныктышо, – вашештен Симон, – ме йӱдвошт тыршенна да нимом кучен огынал. Но Тый каласет гын, мый вапшым шуэм.» 6Нуно тыгак ыштеныт да тунар шуко колым кученыт, вапшыштат кӱрышталташ тӱҥалын. 7Полшаш толышт манын, кидым рӱзен вес пушысо йолташышт-влакым ӱжыныт. Нунышт толыныт. Кок пушге кол дене туге теменыт, пушыштат вӱдыш волаш тӱҥалын.
8Тидым ужмеке, Иисус ончылан Симон-Петр сукен шинчын да каласен: «Господь, мый дечем кораҥ, мый языкан айдеме улам!» 9-10Симон да чылан, кӧ тудын дене пырля лийын, – тыгак йолташыже-влак, Зеведейын Иаков ден Иоаннже – тынар шуко кучымылан ӧрын-лӱдын шогеныт. Но Иисус Симонлан каласен: «Ит лӱд. Тылеч вара тый айдемым кучышо лият». 11Вара, кок пушге серыш лукмеке, нуно чыла коденыт да Тудын почеш каеныт.
12Икана Иисусын ик олаште лиймыж годым уло капге проказе черан еҥ толын. Иисусым ужмеке, кумык возын да сӧрвален ойлаш тӱҥалын: «Господь, паремдынет гын, мыйым эрныктен кертат». 13Иисус кидым шуялтен, тудым тӱкалтен да каласен: «Паремдынем, эрне». Проказе черже тунамак пытен. 14Тидын нерген нигӧлан ойлаш огыл манын, Иисус тудлан чарен, да кӱштен каласен: «Кай да шкендым иерейлан ончыкто. Эрналтмет лӱмеш Моисей кӱштымӧ семын надырым пу. Тидын дене тый паремметым ончыктет». 15А Иисус нерген мут утларак веле шарлен, пеш шуко калык Тудым колышташ да черыштым паремдыкташ толын. 16Но Тудо тымык верыш кумалаш коштын.
17Ик кечын, кунам Иисус туныктен, Тудым колыштшо-влак коклаште Галилей ден Иудейысе чыла ял гыч да Иерусалим гыч толшо фарисей ден закон туныктышо-влак шинченыт. Господьын куатше черле-влакым паремдымаште палдырнен.
18Теве пӧръеҥ-влак, вакшышеш нумалын, йыжыҥдыме еҥым конденыт да, Иисус ончык пышташ манын, пӧртыш пурташ тӧченыт. 19Калык шукылан кӧра кузе пурташ йӧным муын огытылат, нуно пӧрт леведыш ӱмбаке кӱзеныт, леведышым рончен, тудым вакшышыжге еҥ коклашке Иисус ончыко волтеныт. 20Нунын ӱшанымыштым ужын, Тудо каласен: «Айдеме, тыйын языкет касаралтеш».
21Закон туныктышо ден фарисей-влак шонкалаш тӱҥалыныт: «Юмым мыскылышыже кӧ тиде тыгай? Юмо деч моло кӧ айдемын языкшым касарен кертеш?» 22Иисус, нунын тыге шонкалымыштым паленат, вашештен каласен: «Те мом шӱмыштыда шонкаледа? 23Мом куштылгырак каласаш: ”Тыйын языкет касаралтеш” але ”Кынел да ошкыл” манаш? 24Но те пален лийза: Айдеме Эргын мланде ӱмбалне языкым касараш властьше уло». Йыжыҥдыме еҥлан Иисус каласен: «Тылат ойлем: кынел, вакшышетым нал да мӧҥгышкет кае». 25Черле тунамак, нунын ончылнак, кынелын, вакшышыжым погалтен да, Юмым чапландарен, мӧҥгыжӧ ошкылын.
26Чылам кугу лӱдмаш авалтен, чылан Юмым чапландареныт да лӱдын ойленыт: «Таче ме кугу ӧрыктарымашым ужна».
27Тылеч вара Иисус лектын да йозак погымо верыште шинчыше Левий лӱман йозак погышым ужын. Тудлан ойлен: «Почешем кае». 28Тудо кынелын, чыла коден да Иисус почеш каен. 29Левий шке пӧртыштыжӧ Тудлан кугу сийым ямдылен. Тушто нунын дене пырля йозак погышо-влак да молат шукын кочкыныт.
30Фарисей да нунын кокла гычак закон туныктышо-влак Иисусын тунемшыж-влаклан ӧпкелен ойленыт: «Молан те йозакым погышо да языкан-влак дене пырля кочкыда да йӱыда?» 31Иисус нунылан вашештен: «Таза еҥлан огыл эмлызе кӱлеш, а черлылан. 32Мый чын ыштыше-влакым огыл, а языкан-влакым языкым касарыкташ да Юмо деке савырнаш ӱжаш толынам».
33Иисуслан каласеныт: «Молан Иоаннын тунемшыж-влак, тыгак фарисей-влакын тунемшыштат чӱчкыдын пӱтым кучат да кумалыт, а Тыйын – кочкыт да йӱыт?» 34Иисус нунылан вашештен: «Ӱдырым налше качын сӱан калык дене пырля лиймыж годым нунылан пӱтым кучыктен кертыда мо? 35Но жап шуэш, нунын деч качым налыт, тунам нуно тиде кечылаште пӱтым кучаш тӱҥалыт».
36Тыгак нунылан туштен каласен: «У вургем гыч кушкед налын, тошто вургемыш нигӧ тумышым ок шынде – ужымат кушкедеш, тоштыжланат у куэм дене ыштыме тумыш келшен ок тол. 37Шуын шудымо йошкар аракам нигӧат тошто шувышыш ок опто – шуын шудымо арака шувышым кушкедеш, шкежат йога, шувышыжат йӧрдымӧ лиеш. 38Шуын шудымо аракам у шувышыш опталман, тунам коктынат аралалтыт. 39А тошто аракам йӱмеке, нигӧнат у аракам тунамак йӱмыжӧ ок шу, вет ойла: ”Тоштыжо сайрак”».
Currently Selected:
:
Highlight
Share
Copy
Want to have your highlights saved across all your devices? Sign up or sign in
Библийым кусарыше институт, Хельсинки 2007