Матвей 20
20
Винаумарькс пиресэ важодицядо валвелявкс
1«Менельсэнть Инязорксчизэ моли истямо тев ёнов. Кудазорось лиссь валске ланга важонь сиведеме эсь винаумарькс#20:1 винаумарькс – виноград (растение) пиресэнзэ важодеме. 2Важотнень марто ладизе пандомс чинь важодемань кисэ вейке динар ды кучинзе винаумарькс пирезэнзэ. 3Вейксэце чассто сон таго лиссь ошкужов, несь тосто тевтеме аштиця лия ломанть. 4Сон мерсь сетнененьгак: “Азёдо тыньгак важодеме монь пирев, зяро тенк сави – пандса”. Сеть тусть. 5Таго азорось лиссь кемгавтовоце ды колмоце часстояк, теизе текень. 6Ды уш ветеце чассто сон таго лиссь ошкужов ды сестэяк мусь тевтеме лия аштицят. Сетненьгак кевкстинзе: “Мекс тынь чинь чоп аштетядо тесэ тевтеме?” 7Сынь ёвтасть каршонзо: “Минек кияк эзимизь сиведе”. Сон мерсь тенст: “Азёдо тыньгак важодеме монь винаумарькс пирев. Мезе тенк сави – пандса”. 8Зярдо сась чокшнесь, сестэ азорось мерсь кудонь тевень ветицянстэнь: “Тердить важотнень ды пандт тенст важодемань кисэ питне. Ушодык пандоманть меельцекс сиведезтнестэ, а вана прядык васенцекс сиведезтнесэ”. 9Састь ветеце чассто сиведезтне, эрьвантень пандсть вейке динар. 10Васенцекс сиведезтне арсесть: сыненст пандыть седе ламо. Ансяк зярдо сынь састь, сыненсткак макссть вейке динар. 11Сонзэ саемстэ сынь кармасть азоронть лангс музгордеме: 12“Неть меельцетне важодсть ансяк ве час, минь кирдинек чинь псинть ды стаканть, а вана тон ялатеке пандыть тенст зняро жо, зяро миненек!” 13Кудазорось сынст эйстэ вейкенть каршо мерсь: “Ялгай! Мон а вадрякс тонь икеле эзинь лисе. Нать аволь динардо тон сиведить важодеме? 14Саик тонсетенть ды азё. Монь мелем те меельцентеньгак пандомс зняро жо, зяро тонеть. 15Нать монсень ярмак марто а тееван эсь мелень коряс? Эли тонь сельметь сявады монь вадрякс улеманть лангс?”»
16Ды Иисус истямо валсо прядызе кортамонзо: «Истя, меельцетне теевить васенцекс, а вана васенцетне – меельцекс. Ламо тердезтнеде, ансяк аламо кочказтнеде».
Иисус колмоцеде ёвты куломадонзо
17Ерусалимев куземстэ Иисус тердинзе ве ёнов кемгавтово тонавтницянзо, молемстэ кортась тенст: 18«Вана минь мольтяно Ерусалимев, тосо Ломантнень Цёрась ули максозь попонь покштнэнь ды Койс тонавтыцятнень кедьс, конат Сонзэ судясызь куломас. 19Сынь макссызь Сонзэ лия раськень ломантнень кедьс нарьгамс, локшосо керямс ды крёст лангс вачкодемс. Ансяк мейле колмоце чистэ Сон кулозьстэ вельми».
Зеведеень нинзэ вешемазо
20Мейле Иисус ваксс мольсь Зеведеень низэ кавто цёранзо марто. Авась сюконясь Иисуснэнь ды мезе-бути вешиксэль Сонзэ кедьстэ. 21Иисус кевкстизе: «Мезе теть эряви?» Сон мерсь тензэ: «Алтака неть монь кавто цёратненень озамс вейкентень Тонь вить кедь ёнов, омбоцентень керш кедь ёнов Тонь Инязорксчисэть». 22Иисус кортась цёратненень: «Аздатадо, мезе вештядо. Саты а саты нарденк симемс се пиштемань кеченть, конань Мон симан ды нававтовомс се пиштемань нававтомасонть, конаньсэ Мон нававтован?» Сынь мерсть тензэ: «Саты нарденек». 23Иисус мерсь тенст: «Монь пиштемань кеченть, нама, тынь симсынк ды нававтомасонтькак, конаньсэ Мон нававтован, ультядо нававтозь, а вана вить ёнов ды керш ёнов озамонь максомась аволь Монь олясо. Неть таркатне максовить сетненень, кинень сынст анокстынзе Монь Тетям». 24Зярдо тень маризь лия кемень тонавтницятне, сынь пек ацирьгадсть кавонест лангс. 25Иисус весе сынст пурнынзе ды мерсь: «Тынь содатадо: весе раськень прявтнэ аштить азорокс эсест раськетнень лангсо, ине ветицятнеяк кирдить эйсэст кедест ало. 26Тынк ютксо истя илязо уле! Мекевланк: кинь мелезэ улемс тынк ютксо весемеде покшокс, се улезэ лиятненень важокс, 27кинь мелезэ улемс тынк ютксо васенцекс, се улезэ лиятненень урекс#20:27 уре – раб. 28Ломантнень Цёраськак сась аволь Эстензэ важодевтеме, мекевланк, Сонсь сась важодеме ды максомо Эсь эрямонзо весень идемаст-рамамост кисэ».
Кавто сокоронь шумбралгавтома
29Зярдо Иисус ды Сонзэ тонавтницянзо лисильть Ерихонсто, сынст мельга мольсть ламо ломанть. 30Тосо ки чиресэ озадо аштесть кавто сокорт. Сынь марясть вакскаст Иисусонь ютамодо ды кармасть пижнеме: «Давидэнь Цёра, Азоро! Ульть седеймарикс миненек!» 31Ломантне кармавтсть эйсэст чатьмонеме, ансяк сынь седеяк пек пижнесть: «Давидэнь Цёра, Азоро! Ульть седеймарикс миненек!» 32Иисус лоткась, тердинзе сынст ды кевкстинзе: «Мезе меленк теевтемс Монь кедьстэ?» 33Сынь мерсть: «Азоро, меленек: кармаст нееме сельменек!» 34Иисусонь сянгордозевсь кисэст седеезэ ды сон токинзе сынст сельмест. Сокортнэ сеске кармасть нееме ды тусть Иисус мельга.
Currently Selected:
Матвей 20: ОВ
Highlight
Share
Copy
Want to have your highlights saved across all your devices? Sign up or sign in
© Библиянь ютавтомань институтось,
Хельсинки 2006
Матвей 20
20
Винаумарькс пиресэ важодицядо валвелявкс
1«Менельсэнть Инязорксчизэ моли истямо тев ёнов. Кудазорось лиссь валске ланга важонь сиведеме эсь винаумарькс#20:1 винаумарькс – виноград (растение) пиресэнзэ важодеме. 2Важотнень марто ладизе пандомс чинь важодемань кисэ вейке динар ды кучинзе винаумарькс пирезэнзэ. 3Вейксэце чассто сон таго лиссь ошкужов, несь тосто тевтеме аштиця лия ломанть. 4Сон мерсь сетнененьгак: “Азёдо тыньгак важодеме монь пирев, зяро тенк сави – пандса”. Сеть тусть. 5Таго азорось лиссь кемгавтовоце ды колмоце часстояк, теизе текень. 6Ды уш ветеце чассто сон таго лиссь ошкужов ды сестэяк мусь тевтеме лия аштицят. Сетненьгак кевкстинзе: “Мекс тынь чинь чоп аштетядо тесэ тевтеме?” 7Сынь ёвтасть каршонзо: “Минек кияк эзимизь сиведе”. Сон мерсь тенст: “Азёдо тыньгак важодеме монь винаумарькс пирев. Мезе тенк сави – пандса”. 8Зярдо сась чокшнесь, сестэ азорось мерсь кудонь тевень ветицянстэнь: “Тердить важотнень ды пандт тенст важодемань кисэ питне. Ушодык пандоманть меельцекс сиведезтнестэ, а вана прядык васенцекс сиведезтнесэ”. 9Састь ветеце чассто сиведезтне, эрьвантень пандсть вейке динар. 10Васенцекс сиведезтне арсесть: сыненст пандыть седе ламо. Ансяк зярдо сынь састь, сыненсткак макссть вейке динар. 11Сонзэ саемстэ сынь кармасть азоронть лангс музгордеме: 12“Неть меельцетне важодсть ансяк ве час, минь кирдинек чинь псинть ды стаканть, а вана тон ялатеке пандыть тенст зняро жо, зяро миненек!” 13Кудазорось сынст эйстэ вейкенть каршо мерсь: “Ялгай! Мон а вадрякс тонь икеле эзинь лисе. Нать аволь динардо тон сиведить важодеме? 14Саик тонсетенть ды азё. Монь мелем те меельцентеньгак пандомс зняро жо, зяро тонеть. 15Нать монсень ярмак марто а тееван эсь мелень коряс? Эли тонь сельметь сявады монь вадрякс улеманть лангс?”»
16Ды Иисус истямо валсо прядызе кортамонзо: «Истя, меельцетне теевить васенцекс, а вана васенцетне – меельцекс. Ламо тердезтнеде, ансяк аламо кочказтнеде».
Иисус колмоцеде ёвты куломадонзо
17Ерусалимев куземстэ Иисус тердинзе ве ёнов кемгавтово тонавтницянзо, молемстэ кортась тенст: 18«Вана минь мольтяно Ерусалимев, тосо Ломантнень Цёрась ули максозь попонь покштнэнь ды Койс тонавтыцятнень кедьс, конат Сонзэ судясызь куломас. 19Сынь макссызь Сонзэ лия раськень ломантнень кедьс нарьгамс, локшосо керямс ды крёст лангс вачкодемс. Ансяк мейле колмоце чистэ Сон кулозьстэ вельми».
Зеведеень нинзэ вешемазо
20Мейле Иисус ваксс мольсь Зеведеень низэ кавто цёранзо марто. Авась сюконясь Иисуснэнь ды мезе-бути вешиксэль Сонзэ кедьстэ. 21Иисус кевкстизе: «Мезе теть эряви?» Сон мерсь тензэ: «Алтака неть монь кавто цёратненень озамс вейкентень Тонь вить кедь ёнов, омбоцентень керш кедь ёнов Тонь Инязорксчисэть». 22Иисус кортась цёратненень: «Аздатадо, мезе вештядо. Саты а саты нарденк симемс се пиштемань кеченть, конань Мон симан ды нававтовомс се пиштемань нававтомасонть, конаньсэ Мон нававтован?» Сынь мерсть тензэ: «Саты нарденек». 23Иисус мерсь тенст: «Монь пиштемань кеченть, нама, тынь симсынк ды нававтомасонтькак, конаньсэ Мон нававтован, ультядо нававтозь, а вана вить ёнов ды керш ёнов озамонь максомась аволь Монь олясо. Неть таркатне максовить сетненень, кинень сынст анокстынзе Монь Тетям». 24Зярдо тень маризь лия кемень тонавтницятне, сынь пек ацирьгадсть кавонест лангс. 25Иисус весе сынст пурнынзе ды мерсь: «Тынь содатадо: весе раськень прявтнэ аштить азорокс эсест раськетнень лангсо, ине ветицятнеяк кирдить эйсэст кедест ало. 26Тынк ютксо истя илязо уле! Мекевланк: кинь мелезэ улемс тынк ютксо весемеде покшокс, се улезэ лиятненень важокс, 27кинь мелезэ улемс тынк ютксо васенцекс, се улезэ лиятненень урекс#20:27 уре – раб. 28Ломантнень Цёраськак сась аволь Эстензэ важодевтеме, мекевланк, Сонсь сась важодеме ды максомо Эсь эрямонзо весень идемаст-рамамост кисэ».
Кавто сокоронь шумбралгавтома
29Зярдо Иисус ды Сонзэ тонавтницянзо лисильть Ерихонсто, сынст мельга мольсть ламо ломанть. 30Тосо ки чиресэ озадо аштесть кавто сокорт. Сынь марясть вакскаст Иисусонь ютамодо ды кармасть пижнеме: «Давидэнь Цёра, Азоро! Ульть седеймарикс миненек!» 31Ломантне кармавтсть эйсэст чатьмонеме, ансяк сынь седеяк пек пижнесть: «Давидэнь Цёра, Азоро! Ульть седеймарикс миненек!» 32Иисус лоткась, тердинзе сынст ды кевкстинзе: «Мезе меленк теевтемс Монь кедьстэ?» 33Сынь мерсть: «Азоро, меленек: кармаст нееме сельменек!» 34Иисусонь сянгордозевсь кисэст седеезэ ды сон токинзе сынст сельмест. Сокортнэ сеске кармасть нееме ды тусть Иисус мельга.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библиянь ютавтомань институтось,
Хельсинки 2006