Матвей 23
23
Прянь покшкавтнемадо
1Мейле Иисус кармась кортамо ломантненень ды тонавтницянстэнь: 2«Койс тонавтыцятненень ды фарисейтненень ней максозь азорксчи панжомс Моисеень Коенть смустензэ. 3Секскак тынь, нама, кунсолодо сынст ды тееде истя, кода сынь мерить. Ансяк сынст тевест кувалт илядо тее, сынь сынсь а топавтыть сень, мезде кортыть. 4Сынь сюлмсить стака ды а кандовикс сталмот, конатнень путнесызь ломантнень лавтовост лангс, сынсь жо сурсост а сыргавтыть тенст лездамга. 5Весе тевест сынь теить ансяк ломаннень невтемга. Кодат покшт ды келейть Пазонь Сёрмадовкс марто коробкинест* ды кодат кувакат оршамопельсэст цёкотне! 6Сынь вечкить каванямо кудосо васенце таркатнесэ ды синагогасо икеле таркатнесэ озадо аштеманть. 7Сынь истя жо вечксызь, зярдо ошкужосо ломантне шумбракстнить мартост ды мерить тенст: “Тонавтыцям!” 8А вана тыненк кадык а мерить “тонавтыцям”. Эдь тынк ансяк вейке Тонавтыцянк – Христос, ды тынь весе ансяк кемиця ялгат. 9Киненьгак масторлангсо илядо мере лововикс лемсэ “тетя”. Эдь тынк ансяк вейке Тетянк, кона менель лангсо. 10Кадык а мерить тенк “превспутыця”. Эдь тынк ансяк вейке Превспутыцянк – Христос. 11Кие тынк ютксо сехте покшось, се улезэяк лиятненень важокс. 12Эрьвась, кие эсь прянзо покшкавтни, се ули валтозь алов, а вана кие эсь прянзо вишкиньгавтни, се ули кепедезь верев».
Иисус ливти лангс чачонь полавтницятнень
13«Зыян тенк, Койс тонавтыцят ды фарисейть, чачонь полавтницят! Тынь пекстнетядо Менельсэнть Инязорксчинзэ кенкшенть ломантнень чамаст икеле. Тынськак а соватадо, ды совамо бажицятненьгак а нолдатадо. 14Зыян тенк, Койс тонавтыцят ды фарисейть, чачонь полавтницят! Тынь довань кудотнень нельгтядо ды прянк невтемань кисэ кувать ознокшнотадо. Тень кисэ тынь седеяк стакасто судязь ультядо.
15Зыян тенк, Койс тонавтыцят ды фарисейть, чачонь полавтницят! Тынь ютасынк иневеденть ды масторлангонть кемемазонк ве ломанень совавтомань кисэ. Зярдо совавтови, тейсынк сонзэ тоначинь толс ёртома ломанекс, эстеденк кавксть седе берянекс.
16Зыян тенк, сокор ветицят! Тынь тонавттадо: “Кие божи-пежетьксты Пазонь кудонть эйсэ, сень кедьстэ а вешеви алтамонть топавтома, а вана кие божи-пежетьксты Пазонь кудонь сырненть эйсэ – се сюлмави эсь алтамонзо марто”. 17Вай, превтеме сокорт! Мезесь седе покш: сырнесь эли Пазонь кудось, конасонть сырнеськак алтави Пазонтень? 18Тынь таго тонавттадо: “Кие пежетьксты алтаренть эйсэ – сень кедьстэ а вешеви алтавксонть топавтома, а вана кие пежетьксты казненть эйсэ, кона алтаренть лангсо – се сюлмави эсь алтавксонзо марто”. 19Вай, превтеме сокорт! Мезесь седе покш: казнесь эли алтаресь, конасонть казнеськак алтави Пазонтень? 20Секскак, кие пежетьксты алтаренть эйсэ, се пежетьксты алтаренть эйсэ ды весемесэнтькак, мезе сонзэ лангсо. 21Ды кие пежетьксты Пазонь кудонть эйсэ, се пежетьксты Пазонть эйсэяк, Кие тосо эри. 22Кие пежетьксты менеленть эйсэ, се пежетьксты Пазонть озамо тарканть эйсэяк ды сеньсэяк, Кие озадо сонзэ лангсо.
23Зыян тенк, Койс тонавтыцят ды фарисейть, чачонь полавтницят! Тынь макстадо Пазонтень кеменце пельксэнть натой пиресэ видезь тикшестэяк: мятасто, копёрсто ды аниськасто. Ансяк вана тынь стувттадо Койстэнть седе эрявиксэнть: видечисэ эрямонть, седеймарямонть, Пазонтень кемеманть. Нама, эряви теемс теньгак ды а стувтомс тонаньгак. 24Сокор ветицят! Тынь симемапельстэнк сеськенть педятадо, ансяк верблюдонть нильнетядо!
25Зыян тенк, Койс тонавтыцят ды фарисейть, чачонь полавтницят! Тынь ванськавтнетядо кечень ды ваканонь ушо ёнкстнэнь, а вана потмост пешксеть седе, мезенть тынь саинк салазь ды манчезь. 26Сокор фарисей! Ванськавтык васня кеченть ды ваканонть потмо ёндо, сестэ сынь улить ванькст ушо ёндояк.
27Зыян тенк, Койс тонавтыцят ды фарисейть, чачонь полавтницят! Тынь мольтядо ашосо артозь калмотне ёнов, конат неявить ушо ёндо мазыйкс, ансяк потмост пешксеть кулозень ловажадо ды наксадыця уловдо. 28Истя тыньгак: лангс ваномс ломаннень неявтадо видечисэкс, а потмонк пешксеть прянк парокс невтемань бажамосо ды зыянов тевсэ».
Иисус корты фарисейтнень чумодост
29«Зыян тенк, Койс тонавтыцят ды фарисейть, чачонь полавтницят! Тынь стявтнетядо кевстэ теезь ледстнема тешкст пазмарицятнень калмост ланга ды мазылгавтнетядо видечисэтнень калмолангост. 30Тынь кортатадо: “Бути минь эрявлинек покштятнень шкасто, минь аволинек уле мартост пазмарицятнень верест валомсто”. 31Истя вана тынь эсь прянк невттядо пазмарицянь маштницятнень цёракс. 32Эно седе товгак поладодо ды прядодо сестэ тетянк тевест! 33Тынь гуйть, пупи гуень левкст! Кодаяк а оргодевтядо судямодо ды тоначинь толс понгомадо!
34Секскак кунсолодо: мон кучан тенк пазмарицят, ламонь содыцят ды тонавтыцят. Веенстнэнь тынь маштсынк эли крёст лангс вачкодьсынк, лиятнень карматадо чавомо синагогасонк ды пансемест ошсто ошс. 35Истя тынк лангс пры весе чумось видечисэтнень масторлангс валозь верест кисэ, чумовтомо Авелень верьстэ саезь Баракиянь Захария цёранзо верензэ видьс, конань тынь маштынк Пазонь кудонть ды икелензэ аштиця алтаренть ютксо. 36Алкукс кортан тенк: неень пингень ломантненень сави пандомс весе неть чумочитнень кисэ!»
Иисус ризны Ерусалименть кисэ
37«Вай, Ерусалим, Ерусалим, тон маштнят пазмарицятнень ды кевсэ чавнат Пазонь кучовт кулянь кандыцятнень! Зяроксть Мон арсинь пурнамс тонь эйкакшот, кода нарвицькась пурны эсь сёлмонзо алов левксэнзэ, ансяк тонь мелеть арасель! 38Ды вана, тынк кудонк кадови чавокс. 39Кортан тенк: те чистэнть саезь Монь а несамизь се шкас, зярс а мертядо: “Улезэ чанстязь-баславазь Азоронть лемсэ Сыцясь!”»
Currently Selected:
Матвей 23: ОВ
Highlight
Share
Copy
Want to have your highlights saved across all your devices? Sign up or sign in
© Библиянь ютавтомань институтось,
Хельсинки 2006
Матвей 23
23
Прянь покшкавтнемадо
1Мейле Иисус кармась кортамо ломантненень ды тонавтницянстэнь: 2«Койс тонавтыцятненень ды фарисейтненень ней максозь азорксчи панжомс Моисеень Коенть смустензэ. 3Секскак тынь, нама, кунсолодо сынст ды тееде истя, кода сынь мерить. Ансяк сынст тевест кувалт илядо тее, сынь сынсь а топавтыть сень, мезде кортыть. 4Сынь сюлмсить стака ды а кандовикс сталмот, конатнень путнесызь ломантнень лавтовост лангс, сынсь жо сурсост а сыргавтыть тенст лездамга. 5Весе тевест сынь теить ансяк ломаннень невтемга. Кодат покшт ды келейть Пазонь Сёрмадовкс марто коробкинест* ды кодат кувакат оршамопельсэст цёкотне! 6Сынь вечкить каванямо кудосо васенце таркатнесэ ды синагогасо икеле таркатнесэ озадо аштеманть. 7Сынь истя жо вечксызь, зярдо ошкужосо ломантне шумбракстнить мартост ды мерить тенст: “Тонавтыцям!” 8А вана тыненк кадык а мерить “тонавтыцям”. Эдь тынк ансяк вейке Тонавтыцянк – Христос, ды тынь весе ансяк кемиця ялгат. 9Киненьгак масторлангсо илядо мере лововикс лемсэ “тетя”. Эдь тынк ансяк вейке Тетянк, кона менель лангсо. 10Кадык а мерить тенк “превспутыця”. Эдь тынк ансяк вейке Превспутыцянк – Христос. 11Кие тынк ютксо сехте покшось, се улезэяк лиятненень важокс. 12Эрьвась, кие эсь прянзо покшкавтни, се ули валтозь алов, а вана кие эсь прянзо вишкиньгавтни, се ули кепедезь верев».
Иисус ливти лангс чачонь полавтницятнень
13«Зыян тенк, Койс тонавтыцят ды фарисейть, чачонь полавтницят! Тынь пекстнетядо Менельсэнть Инязорксчинзэ кенкшенть ломантнень чамаст икеле. Тынськак а соватадо, ды совамо бажицятненьгак а нолдатадо. 14Зыян тенк, Койс тонавтыцят ды фарисейть, чачонь полавтницят! Тынь довань кудотнень нельгтядо ды прянк невтемань кисэ кувать ознокшнотадо. Тень кисэ тынь седеяк стакасто судязь ультядо.
15Зыян тенк, Койс тонавтыцят ды фарисейть, чачонь полавтницят! Тынь ютасынк иневеденть ды масторлангонть кемемазонк ве ломанень совавтомань кисэ. Зярдо совавтови, тейсынк сонзэ тоначинь толс ёртома ломанекс, эстеденк кавксть седе берянекс.
16Зыян тенк, сокор ветицят! Тынь тонавттадо: “Кие божи-пежетьксты Пазонь кудонть эйсэ, сень кедьстэ а вешеви алтамонть топавтома, а вана кие божи-пежетьксты Пазонь кудонь сырненть эйсэ – се сюлмави эсь алтамонзо марто”. 17Вай, превтеме сокорт! Мезесь седе покш: сырнесь эли Пазонь кудось, конасонть сырнеськак алтави Пазонтень? 18Тынь таго тонавттадо: “Кие пежетьксты алтаренть эйсэ – сень кедьстэ а вешеви алтавксонть топавтома, а вана кие пежетьксты казненть эйсэ, кона алтаренть лангсо – се сюлмави эсь алтавксонзо марто”. 19Вай, превтеме сокорт! Мезесь седе покш: казнесь эли алтаресь, конасонть казнеськак алтави Пазонтень? 20Секскак, кие пежетьксты алтаренть эйсэ, се пежетьксты алтаренть эйсэ ды весемесэнтькак, мезе сонзэ лангсо. 21Ды кие пежетьксты Пазонь кудонть эйсэ, се пежетьксты Пазонть эйсэяк, Кие тосо эри. 22Кие пежетьксты менеленть эйсэ, се пежетьксты Пазонть озамо тарканть эйсэяк ды сеньсэяк, Кие озадо сонзэ лангсо.
23Зыян тенк, Койс тонавтыцят ды фарисейть, чачонь полавтницят! Тынь макстадо Пазонтень кеменце пельксэнть натой пиресэ видезь тикшестэяк: мятасто, копёрсто ды аниськасто. Ансяк вана тынь стувттадо Койстэнть седе эрявиксэнть: видечисэ эрямонть, седеймарямонть, Пазонтень кемеманть. Нама, эряви теемс теньгак ды а стувтомс тонаньгак. 24Сокор ветицят! Тынь симемапельстэнк сеськенть педятадо, ансяк верблюдонть нильнетядо!
25Зыян тенк, Койс тонавтыцят ды фарисейть, чачонь полавтницят! Тынь ванськавтнетядо кечень ды ваканонь ушо ёнкстнэнь, а вана потмост пешксеть седе, мезенть тынь саинк салазь ды манчезь. 26Сокор фарисей! Ванськавтык васня кеченть ды ваканонть потмо ёндо, сестэ сынь улить ванькст ушо ёндояк.
27Зыян тенк, Койс тонавтыцят ды фарисейть, чачонь полавтницят! Тынь мольтядо ашосо артозь калмотне ёнов, конат неявить ушо ёндо мазыйкс, ансяк потмост пешксеть кулозень ловажадо ды наксадыця уловдо. 28Истя тыньгак: лангс ваномс ломаннень неявтадо видечисэкс, а потмонк пешксеть прянк парокс невтемань бажамосо ды зыянов тевсэ».
Иисус корты фарисейтнень чумодост
29«Зыян тенк, Койс тонавтыцят ды фарисейть, чачонь полавтницят! Тынь стявтнетядо кевстэ теезь ледстнема тешкст пазмарицятнень калмост ланга ды мазылгавтнетядо видечисэтнень калмолангост. 30Тынь кортатадо: “Бути минь эрявлинек покштятнень шкасто, минь аволинек уле мартост пазмарицятнень верест валомсто”. 31Истя вана тынь эсь прянк невттядо пазмарицянь маштницятнень цёракс. 32Эно седе товгак поладодо ды прядодо сестэ тетянк тевест! 33Тынь гуйть, пупи гуень левкст! Кодаяк а оргодевтядо судямодо ды тоначинь толс понгомадо!
34Секскак кунсолодо: мон кучан тенк пазмарицят, ламонь содыцят ды тонавтыцят. Веенстнэнь тынь маштсынк эли крёст лангс вачкодьсынк, лиятнень карматадо чавомо синагогасонк ды пансемест ошсто ошс. 35Истя тынк лангс пры весе чумось видечисэтнень масторлангс валозь верест кисэ, чумовтомо Авелень верьстэ саезь Баракиянь Захария цёранзо верензэ видьс, конань тынь маштынк Пазонь кудонть ды икелензэ аштиця алтаренть ютксо. 36Алкукс кортан тенк: неень пингень ломантненень сави пандомс весе неть чумочитнень кисэ!»
Иисус ризны Ерусалименть кисэ
37«Вай, Ерусалим, Ерусалим, тон маштнят пазмарицятнень ды кевсэ чавнат Пазонь кучовт кулянь кандыцятнень! Зяроксть Мон арсинь пурнамс тонь эйкакшот, кода нарвицькась пурны эсь сёлмонзо алов левксэнзэ, ансяк тонь мелеть арасель! 38Ды вана, тынк кудонк кадови чавокс. 39Кортан тенк: те чистэнть саезь Монь а несамизь се шкас, зярс а мертядо: “Улезэ чанстязь-баславазь Азоронть лемсэ Сыцясь!”»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библиянь ютавтомань институтось,
Хельсинки 2006