Марк 1
1
Нававтыця-Лемдиця Иоанн
1Пазонь Цёрадонть, Иисус Христосто, Кенярксов кулясь ушодови истя, 2кода сёрмадозь пазмарицятнень вельде:
«Вана Тонь самодо икеле
кучса Монсень кулянь кандыцям,
сон анокстасы кинть Тонь туртов».
3«Чаво модасо маряви сеерицянь вайгель:
Анокстадо Азоронтень ки!
Виделгавтодо Сонзэ туртов китнень-янтнэнь!»
4Истя лисськак. Нававтыця-Лемдиця Иоанн ульнесь чаво мода лангсо. Сон тердсь ломантнень велявтомс Пазонтень ды нававтомс-лемдемс прянть пежетень#1:4 пежеть – грех нолдамонть кисэ. 5Сакшность тензэ ламо ломанть Иудеянь масторонть весе ёнкстнэстэ ды Ерусалимстэ. Сынь видькстасть пежетест коряс, ды Иоанн нававтсь-лемдсь весе эйсэст Иордан лейсэ. 6Иоанн оршазель верблюдонь понань оршамосо ды карксазель кшнань каркссо. Сон ярснесь паксянь цирькундо ды идем мекшень медте. 7Сон ёвтнесь: «Мельган Сыцясь мондень пек седе виев, мон а маштован, мик комазь, карсемастонзо кшна ведьметнень юкстицякскак. 8Мон тынк нававтынь ведьсэ, Сон карми тынк нававтомо Иневанькс Оймеялтсо».
Иисусонь нававтомась ды варчавтнемась-снартнемась
9Неть читнестэ Иисус сась Галилеянь Назарет ошсто ды нававтызе прянзо Иоаннонь кедьстэ Иордан лейсэ. 10Сонзэ ведьстэ лисемстэ Иоанн сеске неизе, кода менелесь панжовсь ды Иневанькс Оймеялтось гулькакс валгсь Сонзэ лангс. 11Менельстэнть каятотсь вайгель: «Тон Монь вечкевикс Цёрам, Тон Монь кенярксом».
12Теде мейле Оймеялтось ветизе Иисусонь чаво модас. 13Сон ульнесь чаво модасонть идем ракша ютксо ниленьгемень чить. Тосо Сатанась снартнесь совавтомс Сонзэ пежетьс, ансяк ангелтнэ Иисуснэнь лездасть.
Васень тонавтницятне
14Иоаннонь пекстамодо мейле Иисус сась Галилеяв ды ёвтнесь весенень Кенярксов куля Пазонь Инязорксчиденть. 15Сон кортась: «Шкась топодсь, Пазонь Инязорксчись сась малав, – велявтодо пежетнеде ды кемеде Евангелиянтень».
16Галилеянь эрьке чирева ютамсто Иисус неинзе Симононь ды сонзэ ялаксонзо Андреень, конат ведьс ёртыльть калонь кундамопельть, эдь сынь ульнесть калонь кундыцят. 17Иисус мерсь тенст: «Адядо мартон, – Мон тейтядызь ломанень кундсицякс». 18Сынь нейке кадызь кундамопелест ды тусть мартонзо.
19Аламошка таркань ютазь, Сон неинзе Яковонь ды Иоаннонь, Зеведеень цёратнень; сынь аштильть венчсэ, витильть-петильть калонь кундамопелест. 20Иисус сынсткак сеске тердинзе. Сынь кадызь Зеведей тетяст сиведезь важотнень марто венчентень ды тусть Иисус марто.
Иисус Капернаумонь синагогасо
21Сынь састь Капернаум ошов. Тосо Иисус оймсема чистэнть мольсь синагогас ды тонавтсь. 22Ломантне дивсесть Сонзэ тонавтомантень. Сон тонавтсь эйсэст кода се, конань ули азорксчизэ, аволь кода Койс тонавтыцятне.
23Се шкастонть синагогасонть ульнесь аванькс оймеялтсо кирдевезь ломань, сон серьгедсь: 24«Назаретэнь Иисус! Мезе Теть эряви минек эйстэ? Тон сыть минек ёмавтомо? Содатан, кият Тон: Тон Пазонть Иневаньксэзэ». 25Иисус кежейстэ кардызе аванькс оймеялтонть: «Чатьмонть! Лиссть эйстэнзэ!» 26Аванькс оймеялтось сорновтызе ломаненть ды, верьга вайгельть пижакадозь, лиссь эйстэнзэ. 27Весе ломантне пек тандадсть, вейкест-вейкест кевкстнесть: «Те мезе истя? Кодамо-бути од тонавтома? Сон аванькс оймеялтнэненьгак кармавты Эсь азорксчинь вийсэнзэ, ды сынь кунсолыть Эйсэнзэ». 28Ды теде мейле Иисусто кулясь куроксто тусь весе Галилеянь масторонть келес.
Иисус – ламонь шумбралгавтыця
29Синагогастонть лисемадо мейле Иисус Яков ды Иоанн марто састь Симононь ды Андреень кудос. 30Симононь низанязо сэредсь, теке палсь толсо, мадезель. Иисуснэнь сеске ёвтасть эйстэдензэ. 31Сон мольсь ваксозонзо, саизе сонзэ кедте, лездась стямс. Ормась сеске кадызе, ды авась кармась инжетнень каванямо.
32Чокшне, чинь валгомадо мейле, ломантне туизь Иисуснэнь весе сэредицятнень ды идемевсень колавтнэнь. 33Весе ошонь эрицятне промсть кенкш лангонтень. 34Иисус шумбралгавтсь эрьва кодамо ормасо пек ламо сэредицят. Ламо идемевстькак эйстэст пансь. Идемевстненень Сон эзь мере кортамс, эдь сынь содасть: Сон Пазонь кучовт Идиця.
35Валске марто чоподава Иисус стясь ды лиссь ушов, тусь ськамонзо чаво таркас, тосо ознось. 36Симон лия тонавтницятнень марто кармасть вешнемензэ. 37Окойники муизь Сонзэ ды ёвтасть Тензэ: «Весе Тонь вешнить». 38Иисус мерсь тенст: «Адядо маласо велетнес ды оштнэс: Монень тосояк те кулянть эряви ёвтнемс, – тень кисэ Мон сыньгак». 39Сон якась весе Галилеяванть ды ёвтнесь паро кулянть весе синагогатнесэ, пансесь ломантнестэ идемевстнень.
Проказасонть ванськавтомась
40Сась ваксозонзо проказа ормасо вейке сэредиця, икелензэ пульзязь, энялдсь Иисуснэнь: «Улиндеряй мелеть, мон Тонеть ванськавтован». 41Иисусонь марятотсь кисэнзэ седеезэ, венстизе кедензэ, токадевсь эйзэнзэ, мерсь: «Ули мелем, ванськадт». 42Ансяк Сон истя мерсь, проказась сэредицянть сеске кадызе, ды ломанесь ванськадсь. 43Сэредицянть туемадо икеле, Иисус пек кармавтсь тензэ: 44«Вант, киненьгак теде мезтькак иля ёвтне. Азё попнэнь ды ванкшновтык прят. Теде мейле ванськадомат кисэ кандт Пазонтень казне. Истя эряви теемс Моисеень Коенть коряс. Теньсэ тон невтьсак ломантненень эсь шумбралгадомат». 45Тона ансяк лиссь тосто ды кармась весенень ёвтнеме ды сравтнеме кулянть эсь ванськадомадонзо. Тень кувалма Иисус натой ошонтеньгак ломанень сельме икельга а совиль. Сон кадовкшнось ошонть ушосо, ломантеме таркасо. Ды тезэньгак сакшность Тензэ ломанть эрьва ёндо.
Currently Selected:
Марк 1: ОВ
Highlight
Share
Copy
Want to have your highlights saved across all your devices? Sign up or sign in
© Библиянь ютавтомань институтось,
Хельсинки 2006
Марк 1
1
Нававтыця-Лемдиця Иоанн
1Пазонь Цёрадонть, Иисус Христосто, Кенярксов кулясь ушодови истя, 2кода сёрмадозь пазмарицятнень вельде:
«Вана Тонь самодо икеле
кучса Монсень кулянь кандыцям,
сон анокстасы кинть Тонь туртов».
3«Чаво модасо маряви сеерицянь вайгель:
Анокстадо Азоронтень ки!
Виделгавтодо Сонзэ туртов китнень-янтнэнь!»
4Истя лисськак. Нававтыця-Лемдиця Иоанн ульнесь чаво мода лангсо. Сон тердсь ломантнень велявтомс Пазонтень ды нававтомс-лемдемс прянть пежетень#1:4 пежеть – грех нолдамонть кисэ. 5Сакшность тензэ ламо ломанть Иудеянь масторонть весе ёнкстнэстэ ды Ерусалимстэ. Сынь видькстасть пежетест коряс, ды Иоанн нававтсь-лемдсь весе эйсэст Иордан лейсэ. 6Иоанн оршазель верблюдонь понань оршамосо ды карксазель кшнань каркссо. Сон ярснесь паксянь цирькундо ды идем мекшень медте. 7Сон ёвтнесь: «Мельган Сыцясь мондень пек седе виев, мон а маштован, мик комазь, карсемастонзо кшна ведьметнень юкстицякскак. 8Мон тынк нававтынь ведьсэ, Сон карми тынк нававтомо Иневанькс Оймеялтсо».
Иисусонь нававтомась ды варчавтнемась-снартнемась
9Неть читнестэ Иисус сась Галилеянь Назарет ошсто ды нававтызе прянзо Иоаннонь кедьстэ Иордан лейсэ. 10Сонзэ ведьстэ лисемстэ Иоанн сеске неизе, кода менелесь панжовсь ды Иневанькс Оймеялтось гулькакс валгсь Сонзэ лангс. 11Менельстэнть каятотсь вайгель: «Тон Монь вечкевикс Цёрам, Тон Монь кенярксом».
12Теде мейле Оймеялтось ветизе Иисусонь чаво модас. 13Сон ульнесь чаво модасонть идем ракша ютксо ниленьгемень чить. Тосо Сатанась снартнесь совавтомс Сонзэ пежетьс, ансяк ангелтнэ Иисуснэнь лездасть.
Васень тонавтницятне
14Иоаннонь пекстамодо мейле Иисус сась Галилеяв ды ёвтнесь весенень Кенярксов куля Пазонь Инязорксчиденть. 15Сон кортась: «Шкась топодсь, Пазонь Инязорксчись сась малав, – велявтодо пежетнеде ды кемеде Евангелиянтень».
16Галилеянь эрьке чирева ютамсто Иисус неинзе Симононь ды сонзэ ялаксонзо Андреень, конат ведьс ёртыльть калонь кундамопельть, эдь сынь ульнесть калонь кундыцят. 17Иисус мерсь тенст: «Адядо мартон, – Мон тейтядызь ломанень кундсицякс». 18Сынь нейке кадызь кундамопелест ды тусть мартонзо.
19Аламошка таркань ютазь, Сон неинзе Яковонь ды Иоаннонь, Зеведеень цёратнень; сынь аштильть венчсэ, витильть-петильть калонь кундамопелест. 20Иисус сынсткак сеске тердинзе. Сынь кадызь Зеведей тетяст сиведезь важотнень марто венчентень ды тусть Иисус марто.
Иисус Капернаумонь синагогасо
21Сынь састь Капернаум ошов. Тосо Иисус оймсема чистэнть мольсь синагогас ды тонавтсь. 22Ломантне дивсесть Сонзэ тонавтомантень. Сон тонавтсь эйсэст кода се, конань ули азорксчизэ, аволь кода Койс тонавтыцятне.
23Се шкастонть синагогасонть ульнесь аванькс оймеялтсо кирдевезь ломань, сон серьгедсь: 24«Назаретэнь Иисус! Мезе Теть эряви минек эйстэ? Тон сыть минек ёмавтомо? Содатан, кият Тон: Тон Пазонть Иневаньксэзэ». 25Иисус кежейстэ кардызе аванькс оймеялтонть: «Чатьмонть! Лиссть эйстэнзэ!» 26Аванькс оймеялтось сорновтызе ломаненть ды, верьга вайгельть пижакадозь, лиссь эйстэнзэ. 27Весе ломантне пек тандадсть, вейкест-вейкест кевкстнесть: «Те мезе истя? Кодамо-бути од тонавтома? Сон аванькс оймеялтнэненьгак кармавты Эсь азорксчинь вийсэнзэ, ды сынь кунсолыть Эйсэнзэ». 28Ды теде мейле Иисусто кулясь куроксто тусь весе Галилеянь масторонть келес.
Иисус – ламонь шумбралгавтыця
29Синагогастонть лисемадо мейле Иисус Яков ды Иоанн марто састь Симононь ды Андреень кудос. 30Симононь низанязо сэредсь, теке палсь толсо, мадезель. Иисуснэнь сеске ёвтасть эйстэдензэ. 31Сон мольсь ваксозонзо, саизе сонзэ кедте, лездась стямс. Ормась сеске кадызе, ды авась кармась инжетнень каванямо.
32Чокшне, чинь валгомадо мейле, ломантне туизь Иисуснэнь весе сэредицятнень ды идемевсень колавтнэнь. 33Весе ошонь эрицятне промсть кенкш лангонтень. 34Иисус шумбралгавтсь эрьва кодамо ормасо пек ламо сэредицят. Ламо идемевстькак эйстэст пансь. Идемевстненень Сон эзь мере кортамс, эдь сынь содасть: Сон Пазонь кучовт Идиця.
35Валске марто чоподава Иисус стясь ды лиссь ушов, тусь ськамонзо чаво таркас, тосо ознось. 36Симон лия тонавтницятнень марто кармасть вешнемензэ. 37Окойники муизь Сонзэ ды ёвтасть Тензэ: «Весе Тонь вешнить». 38Иисус мерсь тенст: «Адядо маласо велетнес ды оштнэс: Монень тосояк те кулянть эряви ёвтнемс, – тень кисэ Мон сыньгак». 39Сон якась весе Галилеяванть ды ёвтнесь паро кулянть весе синагогатнесэ, пансесь ломантнестэ идемевстнень.
Проказасонть ванськавтомась
40Сась ваксозонзо проказа ормасо вейке сэредиця, икелензэ пульзязь, энялдсь Иисуснэнь: «Улиндеряй мелеть, мон Тонеть ванськавтован». 41Иисусонь марятотсь кисэнзэ седеезэ, венстизе кедензэ, токадевсь эйзэнзэ, мерсь: «Ули мелем, ванськадт». 42Ансяк Сон истя мерсь, проказась сэредицянть сеске кадызе, ды ломанесь ванськадсь. 43Сэредицянть туемадо икеле, Иисус пек кармавтсь тензэ: 44«Вант, киненьгак теде мезтькак иля ёвтне. Азё попнэнь ды ванкшновтык прят. Теде мейле ванськадомат кисэ кандт Пазонтень казне. Истя эряви теемс Моисеень Коенть коряс. Теньсэ тон невтьсак ломантненень эсь шумбралгадомат». 45Тона ансяк лиссь тосто ды кармась весенень ёвтнеме ды сравтнеме кулянть эсь ванськадомадонзо. Тень кувалма Иисус натой ошонтеньгак ломанень сельме икельга а совиль. Сон кадовкшнось ошонть ушосо, ломантеме таркасо. Ды тезэньгак сакшность Тензэ ломанть эрьва ёндо.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библиянь ютавтомань институтось,
Хельсинки 2006